ဓာတ်ပုံမှတ်တမ်းတွေ တော်တော်များများရှိက်ထားပါတယ်..။ လက်ရှိ ၅ ရက်လောက်အတွင်းကို စုစုပေါင်း Camera သုံးလုံးပေါင်း ပုံ ၂၀၀၀ လောက် ရှိနေပါပြီ..။ (သိပ်မရိုက်ပါဘူးနော် ) ပုံတွေနဲ့ပတ်သတ်လို့ ဒီနေရာမှာတော့ ရှုခင်းပုံအချို့နဲ့ အထင်ကရနေရာတွေရဲ့ ပုံတွေလောက်ပဲ တော်ရုံ လောက် တင်မှာပါ။ ကျွန်တော် လက်စွမ်းပြထားတဲ့ပုံတွေနဲ့၊ အမှတ်တရဓာတ်ပုံတွေကတော့ ခါတိုင်းတင်နေကြနေရာမှာပဲ ပြန်လာရင် တင်ပါ့မယ်

၁၅.၇.၂၀၀၉

မနေ့က အချိန်မရှိတဲ့ကြားထဲမှာပဲ ရသလောက်ကဲထားတဲ့အရှိန်တွေရယ်..။ ခရီးပန်းထားတဲ့အရှိန်တွေ ရယ်ပေါင်းပြီး တော်တော်လေးအိပ်လို့ ကောင်းနေတုန်းပဲ..။ သူငယ်ချင်းက အပြင်သွားမယ်..။ ဆရာမဖုန်းဆက်နေပြီဆိုတာနဲ့ မျက်နှာသစ်၊ ရေပြေးချိုး၊ အ၀တ်အစားလဲ၊ မနက်စာစားပြီး ဆရာမ လာခေါ်မယ့် အချိန်ကို ထိုင်စောင့်နေလိုက်ပါတယ်…။

ခဏကြာတော့ ဆရာမရောက်လာပြီး ဒီနေ့သွားမယ့် အစီအစဉ်ကိုပြောပြပါတယ်..။ ဒီနေ့အဖို့ကတော့ မနက်၊ နေ့လည်၊ ည Non Stop Schedule ဆွဲထားပါတယ်…။

ဒီနေ့သွားမယ့် ခရီးစဉ်အကြောင်းမပြောခင် ကျွန်တော်တို့ အခုရောက်နေတဲ့ မြို့လေးအကြောင်းကို နဲနဲပြောပြခြင်ပါတယ်..။ ဒီမြို့လေးကို လွန်ခဲ့ တဲ့ နှစ်ပေါင်း ၂၃၆ နှစ်ဖြစ်တဲ့ ၁၇၇၃ ခုနှစ်မှာ စတင် တည်ထောင်ခဲ့ခြင်းဖြစ်ပါတယ်..။ ယခင်က ဒီမြို့လေးဟာ သာမာန်မြို့တစ်ခုမဟုတ်ပဲ မော်တော်ကား အပါအ၀င် အာကသသိပံနဲ့သက်ဆိုင်တဲ့ နည်းပညာဆိုင်ရာ၊ စမ်းသပ်မှုတွေ၊ ထုတ်လုပ်မှုတွေ အစရှိတဲ့ စက်ကိရိယာများကို အဓိက ထုတ်လုပ်ရာ မြို့လေးဖြစ်တဲ့အတွက် အစိုးရက ခွင့်ပြုထားတဲ့သူများနဲ့ သက်ဆိုင်ရာလုပ်ငန်းခွင်မှ မိသားစုများကလွဲလို့ ကျန်တဲ့ အခြားမြို့ကလူတွေ လာခွင့် မရှိပါဘူး။ အပြင်လူအထဲမ၀င်ရ အထဲကလူ အပြင်မထွက်ရဆိုတာ ဒီမြို့ကမှ အစစ်ပါ..။ သိပံပညာရှင်များစွာ ပေါ်ထွန်းခဲ့တဲ့ မြို့လေးတစ်ခုဆိုလည်း မမှားပါဘူး…။

ဒါက အခု ကျွန်တော်သွားမယ့်နေရာနဲ့ အနည်းငယ်ဆက်စပ်နေတာရယ်..။ ဗဟုသုတအဖြစ် မှတ်သားလို့ရအောင်ရယ်ပါ..။ ကျွန်တော်တို့ ဒီနေ့အ တွက် ပထမဆုံး စတင်ရောက်ရှိလေ့လာခဲ့တဲ့နေရာကတော့ အကြီးစားမော်တော်ယဉ်များ ထုတ်လုပ်တဲ့ မော်တော်ကားစက်ရုံပဲဖြစ်ပါတယ်..။ ကုန်တင်တဲ့နေရာ၊ သစ်ထုတ်တဲ့နေရာ စသည်ဖြင့် အကြီးစားဝန်သယ်မှုတွေ ပြုလုပ်တဲ့နေရာမှာ အသုံးပြုတဲ့ ကားကြီးတွေ ထုတ်လုပ်တဲ့နေရာပါ..။ IVECO Company ဖြစ်ပါတယ်..။

အဲ့ဒီ့ Company က Director နဲ့ ကျွန်တော်တို့ ဆရာမက သူငယ်ချင်းတွေဆိုတော့ သူကလာရောက် လေ့လာဖို့ ဖိတ်ခေါ်တဲ့အတွက် ကျွန်တော် တို့ရောက်ရှိခဲ့ခြင်းဖြစ်ပါတယ်..။ ကားတစ်စီးလုံးကို အစကနေစပြီး..။ နောက်ဆုံးတပ်ဆင်ပြီးတဲ့အထိ အဆင့်ဆင့်ပြုလုပ်ပုံများ..။ အသုံးပြုသည့် နည်းပညာများ..။ စသဖြင့် စိတ်ဝင်စားဖို့တော်တော်လေးကောင်းပါတယ်..။

Company က Italy ပိုင်ဖြစ်ပါတယ်..။ အင်ဂျင်က France ကပါ…။ စက်ကရိယာတွေက Germany Made ပါ…။ တာရာတွေနဲ့ Body က ဒီမှာ လုပ်ပါတယ်…။ ကြည့်ရတာ…။ ဟဲ…ဟဲ…။ သူတို့လည်း ကျွန်တော်တို့ကို အားကျလို့ ထင်ပါတယ်နော်…။

ကားစက်ရုံပြီးတော့ ကျွန်တော်တို့ အိမ်ပြန်နေ့လည်စာစားပြီး ခဏနား…။ နောက်တော့ ဒီမြို့ရဲ့ အထင်ကရ နေရာဆိုလဲဟုတ် ပြယုဂ်ဆိုလည်း ဟုတ်တဲ့ ရေကန်ကြီးမှာ သွားရောက်အပန်းဖြေလည် ပတ်ကြပါတယ်..။ မနေ့ကသွားခဲ့တဲ့နေရာနဲ့ မတူပါဘူး..။ ဒီနေရာက အခုကျွန်တော်အောက်မှာ ဖော်ပြပေးထားတဲ့ပုံအချို့ကိုကြည့်ပါ..။ အမှတ်တမဲ့ကြည့်ရင် တကယ့် ပင်လယ်ကမ်းခြေတစ်ခုလိုဖြစ်အောင်ကို ဖန်တီးပေးထားခြင်းဖြစ်ပါတယ်..။ အမှန်က ရန်ကုန်က အင်းယားကန်လို၊ ကန်တော်ကြီးလို ကန်မျိုးပါပဲ (အဟဲ..။ သူကတော့ အဆ ၅၀ လောက် ပိုကြီးတာပေါ့ ) အနားယူ အပန်းဖြေတဲ့သူတွေ ကလည်း တကယ့်ကို စိတ်လွတ်လက်လွတ်…။ အကုန်လွှတ်ပြီးတော့ကို အနားယူကြပါတယ်..။ ကျွန်တော်အပါ အ၀င်ပေါ့

သူတို့စီစဉ်ဖန်တီးပေးထားတဲ့ ကမ်းခြေ (ကမ်းခြေပဲဆိုပါတော့ဗျာ..။ ရေကန်ဘောင်ကို သဲလေးတွေခင်းပြီး တစ်ကယ့်ကမ်းခြေလိုဖြစ်အောင် လုပ်ပေးထားတော့…။ ) တစ်လျှောက်မှာ တစ်မြို့လုံးက လူတွေဟာ တကယ့်ကို အချိန်ပြည့် ကမ်းလုံးကျွတ်အမျှပါပဲ..။ သူတို့လိုအေးနိုင်ငံတွေအ တွက် အခုလိုပွင့်လင်းရာသီမှာ ဒီလိုမျိုးနေပူဆာလှုံရတာသိပ်ကို တော်တော်လေး သဘောကျပုံရပါတယ်..။ တစ်ယောက်နဲ့ တစ်ယောက် အသား ဘယ်သူ ပိုမဲသွားသလဲ၊ နေပူဘယ်သူ ပိုလောင်သွားလဲဆိုပြီး အမဲပြိုင်ကြပါတယ်..။ ပိုမဲတဲ့သူက နိုင်ပါတယ် ( သူတို့မို့အမဲပြိုင်ရတယ်လို့နော် ) ကျွန်တော်တို့လား? မမေးပါနဲ့ ကမ်းခြေတစ်လုံးမှာတော့ ကျွန်တော်တို့ သူငယ်နှစ်ယောက်က ဘုရင်ပါပဲ..။ ဟိုလူကကြည့် ဒီလူကကြည့်နဲ့..။ အားကျနေတဲ့ မျက်လုံးရွဲကြီးတွေနဲ့ပေါ့ဗျာ..။ အကြောင်းကတော့ ကျွန်တော်တို့နှစ်ကောင်စလုံးက နေပူဆာမလှုံခင်ကတည်းက သူတို့ထက်မဲပြီး သားဖြစ်နေလို့ပါပဲ

ဒီနေရာမှာပြောစရာတစ်ခုရှိတာက စည်းကမ်းပိုင်းပါ..။ လူတွေဘယ်လောက်များများ..။ ဘယ်လောက် စားထားကြ သောက်ထားကြ..။ သူတို့လူမျိုး တွေဆို ဘီယာကိုရေလိုသောက်၊ ဗော်ကာကို ဘီယာလို သောက်နေတဲ့ လူမျိုးတွေဆိုတော့ ပြောမယ်ဆိုရင် အမူးသမားတွေ ဘယ်လောက်တောင် များနိုင်မလဲ ခန့်မှန်းကြည့်လို့ရပါတယ်..။ ဒါပေမယ့် တစ်ယောက်ရဲ့ Privacy ကို တစ်ယောက်က ထိခိုက်ခြင်းမရှိအောင် နေကြခြင်း၊ ပြောမယ်ဆို ကမ်းခြေကလည်းဖြစ်၊ ဒီနိုင်ငံကလူတွေကမ်းခြေမှာ ဘယ်လိုနေကြသလဲဆိုတာ အားလုံးသိပြီးသားဖြစ်တဲ့အတိုင်း လက်ကမြင်း၊ ခြေကမြင်းလို့ ရသော်လည်း အဲ့လိုသရုပ်ပျက်မှုမျိုးတွေမရှိပါဘူး (သူတို့အတွက် ရိုးနေလို့နေမှာပေါ့ဆိုတဲ့ စကားမျိုးကိုတော့ ကျွန်တော်လက် ခံနိုင်မယ် မထင်ပါ။ ဒီလိုသရမ်းတာမျိုးက ရိုးသွားတဲ့အရာဟာမျိုးမဟုတ်တဲ့အတွက်..။ အဓိက စိတ်ဓာတ်က စကားပြောတယ်လို့ပဲ ကျွန်တော် ယူဆပါတယ်) မိမိစားပြီးသောက်ပြီးတဲ့ အမှိုက်သရှိက်တွေကို စနစ်တကျလွှင့်ပြစ်ခြင်း (အမှိုက်ပုံးထားပေးထားလို့ အမှိုက်ပုံးထဲ ထည့်တာတောင်မဟုတ်ပါဘူး။ အမှိုက်ပုံးမရှိပေမယ့်…။ ကိုယ့်အသိစိတ်ဓာတ်နဲ့ကို စားထား သောက်ထားတဲ့ အမှိုက်တွေကို ကျွတ်ကျွတ်အိပ်တွေ ကျောပိုးအိတ်တွေနဲ့ ပြန်ထည့် သွားကြတာပါ။) ဒါကြောင့် အမှိုက်ပုံးမရှိလို့ တွေ့တဲ့နေရာမှာ ပြစ်တာပါဆိုတဲ့ ရွှေနိုင်ငံကြီးသားများအတွက် ဒါတွေဟာ အတုယူသင့်ပါတယ်။

ဒီနေ့အဖို့နောက်ဆုံးအစီအစဉ်ကတော့ တကယ့်ကိုထူးထူးဆန်းဆန်းပါပဲ..။ သူတို့ လူမျိုးတွေလဲ တစ်မျိုးပြီးတစ်မျိုးမရိုးရအောင် တတ်လဲ တတ်နိုင် ကြလွန်းပါတယ်…။ ဒီလိုပါ…။

သိတဲ့သူတွေလည်း သိကြမှာပါ..။ မကြားဖူးသေးတဲ့သူတွေလည်း အခုသိရတာပေါ့ဗျာ..။ ညနေကျွန်တော်တို့သွားတဲ့နေရာက Sauna ပါ..။ ဒီကအသံထွက်ကလည်း အဲ့ဒီ့အတိုင်းပါပဲ..။ သိပ်မကွာပါဘူး။ ဘယ့်နှယ့်ဗျာ အပူချိန် ၁၀၀ ဒီဂရီအထိ (အတိအကျ ၁၀၀ ဒီဂရီပါ..။ တစ်ခါတစ်လေ ၁၀၁/၁၀၂ အထိ ဖြစ်ပါတယ်) ရောက်အောင်အပူပေးထားတဲ့ ပေ ၂၀ ပတ်လည်လောက်လေးရှိတဲ့ အခန်းထဲကို လူတွေ ဆံ့သလောက် ၀င်ကြပါတယ်..။ ပုံမှန်ကတော့ တစ်ခါဝင် ၅ ယောက် ၁၀ ယောက်..။ ဒီလောက်ပါ..။ အဲ့လိုဝင်ပြီးရင် ၁၀ မိနစ်ကနေ ၁၅ မိနစ်လောက်အထိ အထဲမှာ ချွေးကတစ်ကိုယ်လုံး မိုးမိထားသလို မျိုးရွှဲဆိုနေတဲ့အထိ ထိုင်ကြပါတယ်..။ ရေကူးဝတ်စုံတွေနဲ့ပါ..။ အဲ့လိုမျိုး ၁၀ မိနစ်လောက်ထိုင်ပြီးလို့ တစ်ကိုယ်လုံး ကင်ထားသလိုဖြစ်ပြီဆိုတာနဲ့ အခန်းထဲက ထွက်ကြ..။ ပြီးရင်ကမ်းခြေကိုပြေး…။ ရေကန်ထဲ ဒိုင်ဗင်ထိုးပြီး ၅ မိနစ်လောက် ရေပြန်ဆင်းကူးကြ…။ ပြီးရင် အခန်းထဲ ပြန်ဝင်ကြ..။ ရေကန်ထဲ ပြန်ပြေးကြနဲ့..။ သတ်မှတ်ချိန်မပြည့်မချင်းပါပဲ…။

ပြီးရင် အဲ့လို ချွေးပြိုက်ပြိုက်ကြနေတဲ့အချိန်မှာ ထင်းရှူးပင်က သစ်ခက်တွေနဲ့ တစ်ယောက်နဲ့ တစ်ယောက် ရိုက်ပေးကြပါတယ်…။ Sauna ဆိုင်က တစ်ခါထဲစီစဉ်ပေးထားတာပါ..။ (အိပ်ခန်းထဲက မွေ့ယာနေပူထဲ ထုတ်ပြီး တုတ်နဲ့ ရိုက်သလိုတော့ ဘယ်ဟုတ်မလဲဗျာ။ အသက်ပါ ပါသွားမှာပေါ့ ) အကြောအချဉ်ပြေစေတယ်လို့ ပြောတာပါပဲ..။ တစ်ခန်းလုံးက ပူကျစ်..။ ထင်းရှူးနံ့လေးတွေကသင်း။ မသိရင် ငရဲပြည်က ထင်းရှူးပင်းအောက်မှာ မီးလှုံနေရသလိုပါပဲ…။

နောက်တစ်ခါ ပြန်လာ..။ ချွေးပြန်ထုတ်ကြ..။ ပြန်ပြေးဆင်းကြ…။ အာ…။ ရှုပ်ရှက်ကို ခတ်နေတော့ တာပါပဲ…။ ဒီလိုလုပ်ခြင်းအားဖြင့် ကိုယ်ထဲမှာ ရှိနေတဲ့ ချေးတွေ၊ ချွေးတွေအားလုံးကို သန့်စင်ပြစ်လိုက် တဲ့သဘောပါ..။ ကျွန်တော်လည်း သူတို့လိုပဲ တတ်နိုင်သလောက်တော့လိုက်လုပ်ပါတယ်။ ဒါပေမယ့်လည်းဗျာ ဆင်လည်းဆင်အထွာနဲ့ ဆင်..။ ဆိတ်လဲ ဆိတ်အထွာနဲ့ ဆိတ်ဆိုသလိုပေါ့..။ ရှင်းရှင်း ပြောတာပါ..။ သူတို့လောက်တော့ ကျွန်တော်မမိုက်နိုင်ပါဘူး..။ ဘယ့်နှယ့်ဗျာ..။ အရှင်လတ်လတ် ကိုယ့်ကိုယ်ကို ငရဲခန်းထဲပို့ရတယ်လို့..။

နဂိုကတည်းကမှ အကုသိုလ်က သိပ်ကင်းတာမဟုတ်ဖူး..။ တော်ကြာ အထဲမှာ ကြပ်တင်ပြီးသားဖြစ်သွားမှဖြင့်…။ ဘယ့်နယ်….။ မနက်ဖြန် ဆက်မကဲ လိုက်ရပဲနေမှာပေါ့ဗျာ..။ ဟုတ်ဖူးလား..။

ဒီလိုနဲ့ပဲ တစ်ရက်ကုန်သွားခဲ့ပါတယ်…။

ဆက်လက်ဖော်ပြပါမည်…

အပိုင်း (၁)

အပိုင်း (၃)

P.S- ကျွန်တော် Post တစ်ခုကို နှစ်ရက်စာရေးမလို့ပါပဲ..။ ဒါပေမယ့် နောက်ပိုင်းရက်တွေက တစ်နေ့ထဲမှာ သွားတာလာတာတွေကလည်းများ၊ ရေးချင်စရာ သိသင့်တာလေးတွေဖြစ်နေတာကြောင့် နှစ်ရက်စာပေါင်းရေးရင် တအားရှည်ပြီး ဖတ်ရတာ အိုင်သွားမှာစိုးတဲ့အတွက် ဒီနေ့တော့ တစ်ရက်စာပဲ ရေးလိုက်ပါတယ်..။ နောက်နေ့တွေကျရင်တော့…..။ အဆင်ပြေသလိုပေါ့

Final Stage မရောက်ခင် တစ်ဆင့်အလိုပါ

တကယ်ဆွဲမယ့်ပုံကြီး

အဖိုးကြီးတွေရော၊ အဖွားကြီးတွေရော၊ ကလေးရော၊ ခွေးရော စုံနေတာပဲ

Yatch Club ပါ..။

အရှင်လတ်လတ်ငရဲခန်းပါ၊ အိုက်ခမန်းရဲ့ ငရဲခန်း ထက် ပိုဆိုးမယ်ထင်ပါတယ်…

ကျွန်တော်ကိုယ်တိုင်က ဘာပဲလုပ်လုပ် တစ်ဘက်စွန်းကို ရောက်တတ်လေတော့..။ ကျွန်တော့်ခံစားချက်..။ ကျွန်တော့်အယူအဆ…။ ကျွန်တော့် အတွေးအခေါ်တွေဟာလဲ..။ သူများနဲ့တော့ နဲနဲကွာခြင် ကွာဟနေပါလိ့မ်မယ်…။ ကြိုက်တဲ့သူက ခံစားလိုက်ပါ..။ မကြိုက်တဲ့လူကတော့ ပိတ်လိုက်ရုံ ပေါ့ဗျာ..။

Blackout – Scorpions

Numb – Linkin Park

Enter Sadman – Metallica

P.S- ထွက်ပေါက်ပျောက်နေတဲ့သူတွေအားလုံး အမြန်ဆုံး ပြန်လန်းနိုင်ကြပါစေဗျာ..။

“အားးးးးးးးးးးးးးးးးးးးးးးးးးးးးး…………တစ်အိမ်လုံးဆူညံနေတာပဲ… အစောကြီးရှိသေးတယ်…။ ဘယ်လိုမှကို ဆက်အိပ်လို့မရဘူး….။”

ကျွန်တော် အသားကုန် ကြုံးအော်လိုက်ပါတယ်…။ ခဏတော့ တစ်အိမ်လုံး ကြောင်ပြီး ကျွန်တော့်ကို ၀ိုင်းကြည့်နေကြပါတယ်…။ သိပ်မကြာလိုက်ပါ ဘူး တစ်ယောက်တစ်ပေါက်နဲ့ အားရပါးရ ၀ိုင်းလှောင်ကြပါတော့တယ်….။

“အံမယ်…။ အိပ်လို့မရဘူးသာ လျှောက်အော်နေတာ…။ ကိုယ့်ကိုယ်ကိုလည်း ပြန်ကြည့်ပါဦး ကိုကြီးရယ်…။ ရေချိုး၊ အ၀တ်အစားလဲပြီးလို့ ရေမွှေး နံ့တစ်ထောင်းထောင်းနဲ့….။ ဘယ်အချိန်ကတည်းက အစောကြီးထပြီး ပြင်ထားမှန်းတောင်မသိဘူး…။ ဒီမှာ ဘယ်သူမှတောင် မျက်နှာမသစ်ရသေး ဘူး…”

ကျွန်တော့်ညီမမှ ဆက်တိုက်ပြစ်လိုက်သော စကားလုံးများ ကြားမှ ကျွန်တော် ကိုယ့်ကိုယ်ကို နဲနဲပြန်သတိထားမိသွားပါတယ်..။ အနဲငယ် အံ့သြသလို လည်း ဖြစ်သွားပါတယ်…။ ကျွန်တော့်အခန်းဟာ ရေချိုးခန်း၊ အိမ်သာ တွဲလျှက်မဟုတ်ပါဘူး။ အောက်က အခန်းက ပြင်ထားတဲ့အတွက် သုံးလို့မရ ပါ။ အပေါ်မှာ အဖေတို့အခန်း…။ ကျွန်တော် ဘယ်အခန်းတွင် ၀င်ချိုးလိုက်မှန်းမသိပါ…။ ဒါပေမယ့် ခဏပါပဲ..။ ကျွန်တော့်အတွက် ဒါအဆန်းမဟုတ် တော့ပါ..။ အိပ်ယာကထရင် အိပ်ချင်မူးတူးနဲ့ လုပ်စရာရှိတာတွေ ဒါမှမဟုတ် လုပ်ချင်တာတွေလုပ်ပြီး တစ်ခါတစ်လေ ပြန်အိပ်ပျော်သွားပြီး နိုးလာမှ ကိုယ်ဘာတွေလုပ်ခဲ့သလဲ ဆိုတာကို မမှတ်မိတာမျိုးတွေ ခဏခဏပါ..။

“ဟေ…။ အေး…။ ဟုတ်လား…။ ဟီး ဟီး…။ ဆောတီး ဆောတီး…။ မှားတဲ့အခါလည်း မှားပေမပေါ့ကွယ်…။ ဖြဲချင်တဲ့ စိတ်ကများသွားလို့ ဟဲ ဟဲ”

“သေနာလေး…။ ငါ့မှာလန့်သွားတာပဲ ဘာများဖြစ်တာလဲလို့….။” ဒါက မာတာမိခင်ရဲ့ တိုက်စစ်….။

“အဖေရာ…? အဖေ….?”

” နင့်အဖေ အိမ်သာတက်နေတာ တစ်ကမ္ဘာလောက်ရှိပြီ..။ အခုထိမပြီးသေးဘူး…။ ကျန်တဲ့ရေချိုးခန်းတွေ မနေ့က ခြံထဲက အလုပ်သမားတွေလာ ပြီး ပြန်ပြင်ထားလို့ အဲ့ဒီ့တစ်ခန်းပဲ အားတာ…။ အဲ့ဒါ နင့်အဖေက ဇိမ်စွဲပြီး လုပ်နေလို့ ငါရော နင့်ညီမရော အခုထိ ရေမချိုးရသေးဘူးဟေ့…။”

သြော်….။ တစ်ခုပြောပြရဦးမယ် ကျွန်တော့် ဖခမည်းတော်က အိမ်သာတက်ရင် စာအုပ်တစ်အုပ်မဟုတ် တစ်အုပ်ပါမှ တက်တတ်ပါတယ်..။ အဲ…။ အိမ်သာထဲ ၀င်သွားပြီဆိုရင်လည်း မသိရင် အိမ်သာထဲဝင်ပြီး နားအေးပါးအေး စာထိုင်ဖတ်နေတာလား…။ အိမ်သာသွားတတ်တာလား ခွဲခြားမရ အောင်ကို ကြာပါတယ်…။ တစ်ခါက အပြင်က ပြန်လာတုန်း ကမူးရှူးထိုးနဲ့ အိမ်သာထဲဝင်မယ်ဆိုပြီး တွေ့ကရာ စာအုပ်ဆွဲသွားလိုက်တာ အဲ့ဒီ့တုန်းက ကျွန်တော့်ညီမ သင်နေရတဲ့ သူငယ်တန်း ဖတ်စာအုပ်ကြီး ပါသွားလေရဲ့ဗျာ….။ တကယ့်ကို စံပါပဲ…။

” ငါ့အကြောင်း ဘာတွေအတင်းတုပ်နေတာလဲ…။ အကုန်ကြားတယ်…။ မင်းတို့ သားအမိတွေ အူကြောင်ကြောင်မလုပ်နဲ့…”

“အဲ့….သရဲ”

ကျွန်တော်တို့အားလုံး ကြောင်သွားပါတယ်..။ အသံပဲ ကြားရပြီး လူမမြင်ရဘူးလေ…။

“၀ါးးးးးးးး…..ဟား…ဟား…ဟား…။ ဒီလိုလုပ်လို့ရရိုးလား…”

မှားပါတယ် အဖေရယ်….။ ကျွန်တော်တို့တိုက်က နှစ်ထပ်ပါ..။ အပေါ်ထပ်ကိုတက်တဲ့ လှေခါးက နှစ်ဆင့်ပါ…။ ပထမအဆင့်နဲ့ ဒုတိယအဆင့်ကြား မှာ အမြင့်ပေ ၂၀ လောက်ရှိတယ် ဇီးမှန်တစ်ချပ် အပြည့်တပ်ထားပါတယ်..။ အဲ့ဒီ့မှာ လိုက်ကာအရှည်ကြီးတွေလည်း တပ်ထားပါတယ်…။ အဲ့ဒီ့ လိုက်ကာကြားထဲ ကျွန်တော့်အဖေ ဘယ်အချိန်ကတည်းက ၀င်ပုန်းနေမှန်းမသိပါဘူး…။ သူ့အသံဗြဲကြီးနဲ့ ကလေးတွေလို “တူတူရေ…၀ါး” လုပ် လိုက်မှပဲ ကျွန်တော်တို့မှာ အဖြစ်မှန်ကို သဘောပေါက်သွားပါတော့တယ်…။

သူ့ကိုကြည့်လိုက်တော့ သူက အပြတ်ရှိုင်းထားပြီးနေပါပြီ..။ သဘောကတော့ အပြင်သွားဖို့အဆင်သင့် ဖြစ်နေပြီ ဆိုပါတော့…။

” အံမယ်..။ ဘာမှ အတင်းတုပ်စရာမလိုဘူး..။ ပေါ်တင်ပြောနေတာ…။ နေပါဦး ရှင်က အိမ်သာတက်နေတာ မဟုတ်ဘူးလား..။ ဘယ်လိုလုပ်ပြီး ဒီ လိုက်ကာနောက်ရောက်နေတာလဲ…။ မကြီးမငယ်နဲ့ တူတူပုန်းတမ်းက လာကစားနေသေးတယ်..။ ကျွန်မတို့က ရှင် ပွဲတော်တည်..။ အဲ.. မှားလို့..။ အိမ်သာတက်တာ ကြာလို့ အောက်မှာ ကောင်းချီးပေးနေတာ…။”

“သေဦးမယ် ဒီမိန်းမ..။ ငါ့ကို ပွဲတော်တည်တယ်လေး ဘာလေးနဲ့…။ အိမ်သာတက်ပြီးတာက ကြာပေါ့…။ တစ်ခါထဲ ရေချိုးနေလို့…။ ရေချိုးအ၀တ် လဲပြီးလို့အောက်ဆင်းလာတုန်း မင်းတို့တွေ ငါ့အတင်းတုတ်နေတာမြင်လို့ ဘာတွေများ ဆက်ပြောမလဲ ဆိုပြီး ဒီထဲ ၀င်ပုန်းနေတာ..ဟဲ ဟဲ “

ပြောရင်းလှေခါးမှ အောင်မြင်သူစစ်သူကြီး ခြေလှမ်းမျိုးဖြင့် ဆင်းလာသော ခမည်းတော်သည် အောက်ဆုံး လှေခါးထစ်အား ခြေခြပြီးသကာလတွမူ..

“အား..အား..။ နာတယ် မိန်းမရ..။ ဟ နာတယ်ဟ..။ ဟဲ ဟဲ..။ အား နာတယ်ဆို…။ အေးအေး နောက်မလုပ်တော့ပါဘူးဟ…”

မာတာမိခင်ရဲ့ အနှစ် ၁၀၀၀ အတွင်းအားအပြည့်ပါသော “ဗိုက်ကြောလိမ်ဆွဲ” သိုင်းပညာနှင့် ထိပ်တိုက်ရင်ဆိုင်လိုက်ရလေတော့သည်…။

အချိန်မှာ မနက် ၅ နာရီလောက် ဖြစ်မယ် ထင်ပါတယ်…။

အခန်း (၁)

” ဘုရားအရင်သွားမယ်မလား…”

ကျွန်တော့်အမေးကို အဖက ခပ်တိုတိုသာဖြေသည်…။

“အေး…”

ကျွန်တော်က ကားမောင်းပါတယ်..။ ကျွန်တော့်ဘေးမှာက အဖေ ထိုင်ပါတယ်..။ ကျွန်တော့် အနောက်တည့်တည့် နောက်ခန်းမှာက ကျွန်တော့ညီမ။ အဖေ့နောက်တည့်တည့်မှာက အမေ…။ အားလုံးအသီးသီးနေရာယူထားပါတယ်…။ ကျွန်တော်ကားစက်နှိုးပြီး အင်ဂျင်နဲနဲပူတဲ့အထိ စောင့်နေ လိုက်ပါတယ်..။ အင်ဂျင်ပူသွားလို့ စက်သံငြိမ်သွားတဲ့အခိုက်အတန့် ကျွန်တော့်စိတ်ထဲ ရိပ်ကနဲ ဖြတ်ပြေးသွားသော အတွေးစတစ်ခုကြောင့် ကျွန်တော့်မျက်နှာပေါ်မှာ အပြုံးစတစ်ခု အမှတ်မထင် ပွင့်ဖူးသွားခဲ့ပါတယ်…။ ဒါကို သတိထားမိလိုက်တဲ့ အဖေက….

“သား..။ မင်းဘာပြုံးတာလဲ…?”

ကျွန်တော် နံပါတ် ၁ ဂီယာကို အသာအယာပဲ ထိုးလိုက်ပါတယ်..။ ဘယ်ဘက်ခြေထောက်ကလည်း ကလပ်ကို အဆင်သင့် နင်းပြီးသားပေါ့…။

“သြော် သားမောင်းတဲ့ကားကို အခုလို အဖေထိုင်စီးဖို့ သားဘယ်လောက်စောင့်စားခဲ့ရတယ်ဆိုတဲ့ အကြောင်းကိုပေါ့ အဖေရယ်…”

ကျွန်တော့် မျက်နှာမှာ အပြုံးတွေ ရှိနေပါတယ်…။ ကျွန်တော် အဖေ့ကိုမကြည့်ပဲ ကားအရှေ့တည့်တည့်ကိုသာ ကြည့်ရင်း ပြောလိုက်ခြင်းဖြစ်ပါတယ်။ ဒါပေမယ့် ကျွန်တော်သိပါတယ်..။ အဖေပြုံးနေပါလိ့မ်မယ်….။ ထို့အတူ ကျွန်တော့်စကားသံကို သေသေချာချာ ကြားလိုက်ရတဲ့ နောက်ခန်းက ကျွန်တော့် အမေနဲ့ ကျွန်တော့် ညီမလေးလဲ ပြုံးနေကြမှာ သေချာပါတယ်…။

ဒါပေမယ့် သူတို့တွေရဲ့ အပြုံးတွေထဲမှာ ကျွန်တော် မသိတဲ့ (သို့မဟုတ်) ကျွန်တော် မသိနိုင်တဲ့ တစ်စုံတစ်ခုသောအကြောင်းအရာ ရှိနေတယ် ဆိုတာကိုတော့ ကျွန်တော် သတိမထားမိခဲ့ရိုး အမှန်ပဲ ဖြစ်ပါတယ်…။

ကျွန်တော်မောင်းနှင်သော ကားသည် အမှားအယွင်းမရှိ ညင်သာစွာပင် ခြံဝင်းထဲမှ မောင်းထွက်နိုင်ခဲ့ပြီ ဖြစ်ပါတယ်….။

အခန်း (၂)

ရွှေတိဂုံရင်ပြင်ရဲ့ နံနက်ခင်းဟာ သိပ်ကိုသာယာလှပါတယ်..။ မလင်းတလင်းကောင်းကင်အောက်…။ ညင်သာစွာ ဖြတ်သန်းတိုက်ခိုက်သွားတဲ့ လေ ပြေလေညှင်းလေးတွေကြား…။ ခပ်သဲ့သဲ့ ကြားနေရတဲ့ ဆည်းလည်းသံတွေဟာ ကျောက်သား သံမဏိကဲ့သို့ မာထန်သော နုလုံးဘ၀င်ကိုပဲ အရည် ပျော်ကျသွားအောင် စွမ်းဆောင်နိုင်စွမ်းရှိတယ် ဆိုတာကို ကျွန်တော် ချွင်းချက်မရှိ ယုံကြည်ပါတယ်..။

လူသားတွေရဲ့ လောဘတွေ၊ မောဟတွေ၊ သောကတွေ…။ ဟုတ်တယ်…။ ဒီဆည်းလည်းသံလေးတွေနဲ့ ဘုရားရှင်တော်ရဲ့ ငြိမ်းအေးတဲ့ အရိပ်ဟာ လူ သားတွေရဲ့ မဆုံးနိုင်အောင် လောင်ကြွမ်းနေတဲ့ မီးတွေကို အမှန်တကယ်ပဲ ငြိမ်းအေးစေနိုင်ပါတယ်..။ မီးတွေအရှိန်ကောင်းတုန်းတော့ လုံးဝငြိမ်း အောင် မငြှိမ်းသက်ပေးနိုင်သည့်တိုက် အခိုက်အတန့် တစ်ခုတော့ ကျွန်တော်တို့ရဲ့ နုလုံးသားကို အေးချမ်းစေပါတယ်…။ အကြွင်းမဲ့ ချုပ်ငြိမ်းဖို့ ဆို တာကတော့ ကျွန်တော်တို့ကိုယ်တိုင် ဖြစ်ချင်တဲ့ စိတ်နဲ့ တစ်ဘက်တစ်လမ်းက ကြိုးစားကြဖို့လည်း လိုသေးတယ်လေ….။

ရင်ပြင်တော်ပေါ်ရောက်ပြီးတော့ ထုံးစံအတိုင်း ရွှေတိဂုံစေတီကြီးကို လက်ယာရစ် ဖူးမျှော်ကြပါတယ်..။ ပထမဆုံး အဖေနဲ့ ကျွန်တော်ရဲ့ မွေးနေ့ ထောင့်ကိုရောက်ပါတယ်..။ အဲ့ဒီ့မှာ ဘုရားဝပ်ပြု…။ ရေသပ္ပာယ်…..။ ကျွန်တော်တို့ မွေးနေ့ထောင့်နဲ့ ကပ်ရပ်မှာ အမေ့ရဲ့ မွေးနေ့ထောင့်ပါ…။ သူလည်း သေသေချာချာဘုရားဝတ်ပြု..။ ပြီးတော့ ရွှေတိဂုံရဲ့ အံ့ဖွယ်ကိုးပါးကို တစ်နေရာခြင်းလိုက်ဖူးမျှော်…။ အားလုံးပြီးတော့..။ ဘုရားပေါ်က ပြန်ဆင်းပေါ့..။ ဘုရားပေါ်က အဆင်း ဆောင်းတန်းနားမှာ ကျွန်တော့်ညီမရဲ့ မွေးနေ့ထောင့်ရှိပါတယ်..။

ရင်ပြင်ပေါ်တစ်လျှောက်လုံး စကားတစ်ခွန်းမှ မပြောပဲ ဘုရားစာရွတ်ရင်း လိုက်လာသော အဖေက ဘုရားပေါ်မှဆင်းခါနီး ကျွန်တော့်ကို မေးခွန်းတစ် ခု ရုတ်တရက် မေးလိုက်ပါတယ်…။

“ငါ့သား..။ ဘုရားဝ အောင်ဖူးခဲ့ရဲ့လား….”

“ဟုတ်ကဲ့…”

အဖေက ပြုံးကာ ခေါင်းညိတ်ရင်း ကျွန်တော့်ရှေ့မှာ အရင်ဆင်းသွားပါတယ်..။ အမေနဲ့ ညီမလေးက ကျွန်တော့်လက်မောင်း တစ်ဘက်စီကို တွဲရင်း အဖေ့နောက်မှ ကျွန်တော်တို့ လိုက်ဆင်းခဲ့ပါတယ်…။ ကျွန်တော်သတိထားမိတာတစ်ခုက အဖေ့လိုပဲ အမေနဲ့ ညီမလေးရဲ့ မျက်နှာမှာလည်း အပြုံး တွေ ကိုယ်စီနဲ့လေ…။

အခန်း (၃)

” ရှမ်းကန် မလား အဖေ…”

” အင်းကောင်းသားပဲ…။ ဂိုးလေ…”

သူက ဒီလိုသာပြောပေမယ့်…။ အမှန်က ကျွန်တော်တို့ မိသားစု မနက်ပိုင်း ရွှေတိဂုံလာပြီးလို့ နံနက်စာစားမယ်ဆိုရင် ရှမ်းကန်မှာ Dim Sam စားနေ ကြပါ…။ ဒါဟာ ဆယ်နှစ်ကျော်ခန့် ကြာမြင့်ခဲ့ပြီ ဖြစ်တဲ့ ကျွန်တော်တို့ မိသားစုရဲ့ အစဉ်အလာတစ်ခုဆိုလည်း မှားမယ်မထင်ပါဘူး..။

ရှမ်းကန်ရောက်တော့

“အထဲမှာထိုင်မလား..။ အပြင်မှာပဲ ထိုင်မလားအဖေ…”

“လွတ်လွတ်လပ်လပ် အပြင်မှာပဲ ထိုင်တာပေါ့ကွာ…။ ရေကန်နားက ခုံမှာ လူလွတ်တယ်မလား..?”

“အင်း…။ ကောင်းတယ်..။ သားလဲ ဆေးလိပ်သောက်လို့ရတာပေါ့…”

အဖေကတော့ ဘာမှမပြော..။ သူ့လက်မောင်းကို ယုံကြည်မှု၊ နားလည်မှု၊ အားကိုးမှု တွေဖြင့် ခိုင်မြဲစွာ တွဲထားတဲ့ အမေ့ဘက်ကို ကြည့်ရင်း ခေါင်းတငြိတ်ငြိတ်ဖြင့်သာ…။ အမေက တစ်ချက်တော့လှည့်ကြည့်သည်..။ ကျွန်တော် လျှာထုတ်ပြလိုက်ပါတယ်…။ ညီမက တွဲထားတဲ့ ကျွန်တော့်ရဲ့ လက်မောင်းကို ဖြုတ်ကာ မျက်စောင်းထိုးပါတယ်..။

မှာစရာရှိတာတွေမှာ…။ နံနက်စောစောမှာ ကန်တော်မင်္ဂလာ ရေကန်ကို ဖြတ်ပြီးတိုက်ခတ်လာတဲ့ လေညှင်းတွေကို ခံစားရင်း  မိသားစု စကားလက် ဆုံ ကြပါတော့တယ်..။

“သား…။ မင်းဟိုမှာနေရတာ အဆင်ပြေရဲ့လား..?”

“ကိုယ့်တိုင်းပြည်မဟုတ်တော့လည်း ပြေတာတွေရှိသလို မပြေတာတွေလည်း ရှိတာပေါ့ အဖေရယ်..။ ဒါပေမယ့်လည်း သိပ်တော့ ထူးထူးခြားခြား မရှိ ပါဘူး..။ သူများနေသလို လိုက်နေ..။ သူများစားသလိုစား..။ သူများ လုပ်သလို လိုက်လုပ်နေရုံပါပဲ…။ ဒါတွေက အကျင့်ရနေပါပြီ အဖေရာ..”

ဟင်းခွက်အချို့နဲ့..။ Jasmine Tea ရောက်လာပါတယ်…။

“ကိုကြီးတို့ဆီမှာ ဆောင်းတွင်းတွေဆို နှင်းတွေ ကျမှာပဲနော်..။ တအားလှမှာပဲ…။ ညီမလေးက နှင်းတွေ တစ်ခါမှ အဲ့လိုမမြင်ဖူးဘူး..။ ရောက်ဖူးခြင် လိုက်တာ..။ နှင်းတွေကြားထဲမှာ ဆော့ရတာ..။ Snow Man တွေလုပ်ရတာ သိပ်ကို ပျော်ဖို့ကောင်းမှာပဲ…။ နောက်တစ်ခါ ကိုယ်ကြီးထပ်သွားဖြစ်ရင် လိုက်ဖြစ်အောင် လိုက်ခဲ့ဦးမယ်…။”

“အာ…။ ဘယ့်နဲ့ ငါ့ကို နောက်တစ်ခါ ထပ်သွားခိုင်းနေတာလဲ…။ တစ်ခါဆို ဆိုသလောက် မှတ်နေပါပြီဟာ..။ နင့်ဘာသာ သွားခြင်ရင် ယောကျာ်းရမှ ဟန်းနီးမွန်းလိုက်ပို့ခိုင်း…။”

“ဟွန့်…။ အကောင်းပြောတာကို…။ ကိုယ်ကြီးက စိတ်ကိုပုတ်တယ်…။ အဲ့ဒါကြောင့် ညီမလေးတို့ မိသားစုနဲ့ အတူတူ မနေ…”

“သမီး…။ ဟိုမှာကြည့်စမ်း သစ်ခွတွေ လှလိုက်တာ…။ အမေတို့ ခြံထဲမှာစိုက်ထားတဲ့ အမျိုးအစားတွေပဲမလား…?”

“ဟယ်..။ ဟုတ်တယ်အမေ…။ လှတယ်နော်..။ အများကြီးပဲ…။ ဒါပေမယ့် သမီးတို့ ခြံထဲက အပွင့်တွေက ပိုကြီးတယ်နော်…”

“ဟိတ်ကောင်…။ အငယ်မ..။ နင်လေ…။ ဒီလောက်နှင်းတောထဲ နေခြင်တာ..။ နှင်းတွေပိုများများစားစား ကြတာမြင်ခြင်ရင် ဆိုက်ဘေးရီးယားသာ တန်းသွား..။ အဲ့ဒီ့မှာ နှင်းပိုကြတယ်…။ ဟီး ဟီး”

ကျွန်တော့်ညီမလဲ လျှာထုတ်ပြရုံသာ ထုတ်ပြကာ ဘာမှ ဆက်မပြောတော့ပေ..။

“သား..။ မင်း စာတွေရော လိုက်နိုင်ရဲ့လား…။”

“အဖေ စိုင်းထီးဆိုင်သီချင်းကြားဖူးတယ်မလား…?”

“ဟ ဘာလဲဟ မင်းဟာက အဆန်းပါလား..။ ဘာဆိုင်လို့လဲ…။ လုပ်စမ်းပါဦး…”

“ဘယ်ကစလဲ…ဘယ်မှာဆုံးလဲ….သိသလို…. မသိသလိုပါပဲ…”

<<<<<<<ဟား…ဟား…ဟား….>>>>>

သားမိသားအဖအားလုံး တဟားဟား ဖြင့်ပွဲတော်တော်ကြသွားပါတယ်…။ စားပြီးသောက်ပြီးတော့….။ ကျွန်တော် စီးကရက်တစ်လိပ်ထုတ်ကာ မီးညှိ လိုက်ပါတယ်…။ အဖေနဲ့အမေကတော့ မမြင်ချင်ယောင်ဆောင်ရင်း ကန်ရေပြင်ဘက်ကိုသာ ငေးကြည့်နေကြပါတယ်..။ အငယ်မကတော့ နာခေါင်း ကို တမင်တကာ ရှုံပြီး လက်ကလည်း ဆေးလိပ်မီးခိုးငွေ့တွေကို ဖယ်ထုတ်နေပါတယ်…။ အမှန်က မီးခိုးငွေ့တွေက သူ့ဘက်ကို သွားခြင်းမဟုတ်ပါ။ ကျွန်တော် ဆေးလိပ်သောက်နေတဲ့ အခိုက် ကျွန်တော်တို့ မိသားစုထမင်းဝိုင်းဟာ တိတ်ဆိတ်လို့သာ နေခဲ့ပါတယ်…။

“အဖေ…။ အမေ…။ ဒီမှကြည့်ပါဦး..”

ကျွန်တော် ပြောပြောဆိုဆိုနှင့် ကျွန်တော့် ကျောပိုးအိတ်ထဲမှ တစ်စုံတစ်ခုကို ထုတ်ယူလိုက်ပါတယ်…။ ဆင်တူ နာရီလေး နှစ်လုံးပါ..။ တစ်လုံးက ယောကျာ်းဝတ်…။ တစ်လုံးက မိန်းမ၀တ်လေးပါ…။

“သား မုန့်ဖိုးစုပြီး..။ အဖေနဲ့ အမေအတွက် ၀ယ်ထားတာ….ပျော်ရွှင်ဖွယ်ရာကောင်းတဲ့ ငွေရတုမင်္ဂလာနှစ်ပတ်လည်ပါ ဖေဖေနဲ့ မေမေ”

အဖေရော အမေရော ပြုံးနေကြပါတယ်…။ ဒါပေမယ့် သူတို့ရဲ့ မျက်ဝန်းတွေဟာ သာမန်အချိန်ထက် အနဲငယ်ပိုမို အရည်လဲ့နေကြပါတယ်..။ မပြော ဖြစ်တဲ့ စကားလုံးတွေ ဖြစ်နိုင်ပါတယ်…။ အငယ်မက ဟန်မဆောင်နိုင်…။ ” ခဏ” ဟု ပြောက စားပွဲဝိုင်းမှ ထသွားပြီး အမျိုးသမီး သန့်စင်ခန်းဘက် ထွက်သွားပါတယ်…။

” အာ အဖေတို့ကလည်း အမှတ်ရလက်ဆောင်ပေးတာ ၀မ်းနည်းစရာလား…။ ဒါကို သားပေးချင်လွန်းလို့ ရေလည်စုထားရတာ..။ Brand ကိုလည်း ကြည့်ဦး Tissot…! ဟဲ..ဟဲ..။ လှတယ်မလား အမေ…”

ကျွန်တော် အာကျယ် အာကျယ်သာ လုပ်နေခြင်းဖြစ်ပါတယ်…။ ကျွန်တော့် မျက်ဝန်းတွေထဲမှာရော သူတို့လို မပြောဖြစ်တဲ့ စကားတွေ ရှိနေသလား၊ မရှိနေဘူးလားဆိုတာကိုတော့….

ကျွန်တော် ပြောပြောဆိုဆိုနှင့် အဖေ့လက်ကို ယူ..။ သူ့နာရီကိုချွတ်ပြီး ကျွန်တော့်နာရီကို ပတ်ပေးလိုက်ပါတယ်..။ နောက်တော့ အမေ့လက်ကိုယူပြီး ပတ်ပေးလိုက်ပါတယ်..။ အမေ့မှာတော့ နာရီမရှိပါ..။ အမေ့ကို ပတ်ပေးလိုက်တဲ့ နာရီအပေါ် ရုတ်တရက် မျက်ရည်စက် တစ်စက် ထိုးဆင်းသွားပါ တယ်။ ကျွန်တော့်ဆီကလား…? အမေ့ဆီကလား…? ကျွန်တော် မဝေခွဲနိုင်ခဲ့ပါဘူး…။

ဇာတ်သိမ်း

အဖေက ကားသော့ကို ဆွဲယူလိုက်ရင်း

” ကဲ ထိုင်နေတာလဲ ကြာပြီသားရေ…။ တို့တွေ ပြန်ကြရအောင်..”

“အင်း ..။ ကားသော့ပေးလေ…။ သားမောင်းမှာကို..”

အဖေက ကျွန်တော့်ပုခုံးကို ညင်သာစွာ ဖတ်လိုက်ပါတယ်…။ အမေက ကျွန်တော့်ရဲ့ ဘယ်ဘက်လက်မောင်းကို တွဲလိုက်ပါတယ်..။ အငယ်မက ကားနားမှာ ကားကိုမှီရင်း ကျွန်တော်တို့ကို ကြည့်နေပါတယ်..။ ခပ်ဝေးဝေးကမို့ သူငိုနေကြောင်း ကျွန်တော် မသိခဲ့ရပါ…။

“သား..။ မင်းပြန်ဖို့အချိန်တန်ပြီ သား…”

“အင်းလေ အခုလည်းပြန်မှာပဲလေ…။”

“မဟုတ်ဘူးသား.. မဟုတ်ဘူး…။ အခု မင်းမြင်နေတာတွေ မင်းသိနေတာတွေအားလုံးဟာ အစစ်အမှန်တွေမဟုတ်ဘူး..။ ဒါဟာ မင်းအိပ်မက် မက်နေတာပဲသား…”

ကျွန်တော် အကြီးအကျယ် တုန်လှုပ်သွားပါတယ်..။ မဟုတ်ဘူး..။ မဟုတ်ဘူး..။ ဒါလုံးဝမဖြစ်နိုင်ဘူး..။ ကျွန်တော် တစ်ချိန်လုံးသူတို့နဲ့အတူတူ ရှိနေခဲ့တာ ဒါဟာ ဘယ်လိုနည်းနဲ့မှ အိပ်မက်မဖြစ်နိုင်ဘူး..။ အဓိပ္ပာယ်မရှိဘူး..။ ကျွန်တော့်အတွေးတွေ ဆူပွက်သွားပါတယ်..။

တစ်ချိန်လုံးငြိမ်နေသော အမေက

“မင်းအဖေပြောတာ ဟုတ်တယ်သား..။ ဒါဟာ မင်းအိပ်မက် မက်နေတာပါသားရယ်…။ ယုံလိုက်ပါ…။ တစ်ကယ်တမ်းဆို မင်းက အမေတို့နဲ့ မိုင်ပေါင်း ၈၀၀၀ ကျော် ဝေးတဲ့နေရာမှာပါသားရယ်….။ မင်းလက်ခံလိုက်ပါ…”

“အာ မဟုတ်ဘူး မဟုတ်ဘူး..။ ဘာတွေလာပြောနေတာလဲ..။ အိပ်မက်ဆိုလည်း မပြန်ဘူးဗျာ..။ သားအမေတို့ အဖေတို့ ညီမလေးတို့နဲ့ပဲ နေမယ်..။ မပြန်ဘူး…။ သားဟိုမှာ သိပ်အထီးကျန်တယ်..။ သားမနေခြင်ဘူး..။ သားအမေတို့ အဖတို့နဲ့ပဲနေပါရစေ..။ သားကို ခွဲမသွားကြပါနဲ့ဗျာ။ သား အမေတို့နဲ့ပဲ အတူနေပါရစေ…သား…သား..။”

ကျွန်တော့်စကားတွေ မဆုံးလိုက်ပါ…။ ကျွန်တော့်ရဲ့ ခေါင်းပေါ်သို့ ညင်သာစွာ သပ်ငင်ပေးလိုက်တဲ့ အဖေနဲ့ အမေရဲ့ လက်အစုံနှင့်အတူ….။

အမှောင်ထုထဲသို့ ………………….ကျွန်တော်………………လွင့်………….ထွက်…………မြော……………..ပါ………..။

P.S- ဒီနေ့ (၉.၆.၂၀၀၉) ခုနှစ်မှာကျရောက်တဲ့ ကျွန်တော့်ရဲ့ချစ်လှစွာသော မိဘနှစ်ပါးရဲ့ (၂၅) နှစ်ပြည့်ငွေရတုမင်္ဂလာပွဲ အထိမ်းအမှတ် ခံစားရေး ဖွဲ့ပါသည်။

ကျွန်တော်နဲ့ တစ်မြို့ထဲမှာ လက်ရှိ, ရှိနေတဲ့ရောင်းရင်းများကတော့ ဒီမျက်နှာနဲ့ ဒီမျက်နှာ မမြင်ချင်မှအဆုံး ဖြစ်နေလေတော့ကာ ထည့်မရေးတော့ ပါဘူး..။ တစ်ယောက်နဲ့တစ်ယောက်က တွေ့ပြီဆိုတာနဲ့ ချစ်စနိုးလေး လည်မျိုတက်နင်းတာတို့…။ အရှိုက်ဖြတ်ကန်တာတို့…။ လုပ်နေကြဆို တော့..။ (ဦးတဲ့သူလုပ်တာပါ ) တော်တော်လေး နှိပ်စက်လို့ ၀နေပါပြီ..။ ဒါကြောင့် အခု အဝေးမှာရောက်နေတဲ့သူများကို ရာဇသံပေးတဲ့ နေနဲ့ စစ်ကြေငြာခြင်းဖြစ်ပါတယ်…။

ကျွန်တော် ရာဇသံပေးတဲ့ သူများစာရင်း အောက်မှာပါ…။ တွေ့လို့ကတော့လားဗျာ…။

ကိုလင်းထက်

ထိပ်ဆုံးကနေစပြီး ခေါင်ကိုအရင်ပြစ်ပါမယ်…။ (အသက်အငယ်ဆုံးမို့ အပေါ်ဆုံးမှာတင်ထားပေးတယ်နော် ) ကျွန်တော် ပထမဆုံး ဒုက္ခပေးချင် တာကတော့ ကိုလင်းထက်ပါ…။ ဘာကြောင့်လဲဆိုတော့..။ အွန်လိုင်းမှာတွေ့တိုင်း သူနှိပ်စက်တာချည်းခံရပါတယ်..။ သူကလည်းနိုပ်စက် သူ့ရဲ့ ဘိုးတော်ဘုရားလေးဘက်ထောက်သွားတဲ့ ခေတ်တုန်းက၀ယ်ထားတဲ့ ကွန်ပျူတာနဲ့ ( Monitor 22″ ဖြစ်ပါတယ် ) မိုက်ကရိုဖုန်း အစုတ်ပလုတ် ကလည်း သခင်အားကိုး မျက်နှာလို မျက်နှာရနဲ့…။ ဒီဘက်က စကားပြောတဲ့သူအား စကားပြောတိုင်း တကျီကျီနဲ့ ဒုက္ခပေးပါတယ်..။ တစ်ဘက်က လူမှာ သွားတွေကျိန်း..။ မျက်လုံးတွေပြာ..။ နောက်ဆုံး နားတွေပါအူပြီး ကန်းသွားမလားပါပဲ..။

ဒါတင်မကပါဘူး..။ တစ်ဘက်က ကိုယ့်ညီ ဘိုင်ပြတ်နေမှန်းမသိ..။ ရေနစ်နေမှန်းမသိ..။ တစ်ဘက်နေပြီးတော့ ဟိုဟာစားပြလိုက် (စားလို့ရတဲ့ဟာ အကုန်အကြုံးဝင်ပါတယ်)၊ ဒီဟာသောက်ပြလိုက် (တစ်ခါတစ်လေတော့ မသောက်ပါဘူး စုပ်ပါတယ်..။ ပိုက်ကလေးနဲ့ ) အဲ့လိုမျိုး အမျိုးမျိုးကို စိတ်ဓာတ်စစ်ဆင်ရေး လုပ်လေ့လုပ်ထရှိပါတယ်..။ ဒါကြောင့် အထက်ပါ ပုဂ္ဂိုလ်အား တွေ့ရာသချိုင်းဓားမဆိုင်း..။ တွေ့သည့်နေရာတွင် နှိပ်စက်၊ ညှင်းပန်း၊ ဒုက္ခပေး၊ မျိုးဖြုတ်မည် ဖြစ်ပါတယ်…။

ညမီးအိမ်

အထက်ပါ သရဲနီဂိုင်းချုပ်ကြီးနဲ့ အတူခင်ခွင့်ရတဲ့ ညီတစ်ယောက်ပါ..။ အခုတော့ ဘလော့လောကကို ခြေစုံပြစ်ထွက်ခွာသွားပါတယ်..။ ဒါပေမယ့် သူ့ရဲ့ ထွက်ခွာသွားမှုဟာ မှန်ကန်တယ်လို့ပဲ ပြောရမှာဖြစ်ပါတယ်..။ ဘာကြောင့်လဲဆိုတော့..။ သူဟာ ဘလော့လောကကို ခြေစုန်ပြစ်သွားပေမယ့် အခုဆို MZ မှာ အကောင်ဖြစ်နေပါပြီ..။ (ဘာကောင်လဲသိချင်ရင်တော့ MZ မှာသာသွားကြည့်ပါတော့) သူ့အတွက် အင်မတန်ကောင်းပါတယ်။ နည်းပညာတွေလည်း အခုဆို တော်တော်ကျွမ်းကျင်နေတဲ့ ဆရာတဆူဖြစ်နေပါပြီ…။ (မသိတာရှိရင် သူ့သွားမေးပါ..။ အားမနာကြပါနဲ့..။ )

ကျွန်တော့်ညီ ညမီးအိမ်ဟာ တော်တော်လေးကိုလဲ ရိုးသားတဲ့လူငယ်တစ်ယောက်ပါ..။ ပါးစပ်ထဲ လက်ထည့်တောင် မကိုက်တတ်ပါဘူး (စုပ်ပဲ စုပ်ပါတယ်…။ ဒါကလည်း သူငယ်နာမစင်သေးလို့ပါ   ) သို့သော်….။ အဲ့ဒီ့ သို့သော်က တော်တော်အရေးကြီးပါတယ်..။ ဒီကောင်လေး ဒီလောက် လိမ္မာရဲ့သားနဲ့ ဘာကြောင့် ဒုက္ခပေးချင်ရပါသလဲဆိုတော့…။ ဇာတ်ကတော့ တော်တော်နာတယ်ဗျာ…။ သူ့ဘာသာသူ ရည်းစားနဲ့ အဆင်မပြေလို့ ပြတ်သွားကတည်းက ကျွန်တော့် ညီမကိုချည်းတောင်းနေလို့ ဖြစ်ပါတယ်..။ (ဟဲ ဟဲ..။ အမှုကြီးတယ်မလား ) ဒါကြောင့် ဒင်းအားလည်း မည်သည့်နေရာ၊ မည်သည့်အချိန်တွင် တွေ့တွေ့…။ အမျိုးပြုတ်အောင် (ဘယ်လိုဖြုတ်မလဲတော့မမေးနဲ့ ) နှိပ်စက်မည် ဖြစ်ပါတယ်။

ပေါက်ကရ ၈၀

နာမည်ကြားရုံနဲ့ လူရှိန်သွားမယ် ဆိုတာ ကျွန်တော်သိပါတယ်..။ ဒါကလည်း သူ့ပါရမီပဲ ပြောရမှာပေါ့..။ နာမည်ကတင် ” ဇ” မဟုတ်ပါဘူး..။ လူက လည်း ဇကွဲအကြီးစားပါ..။ သဘောကောင်းတယ်..။ ဓားထိုးပက်စက်တယ်ဆိုတာ သူမှအစစ်ပါ (ဖွပြီ..။ ဖွပြီ…။ ) စိတ်ဓာတ်ကြီးသလောက် Body Structure ကလဲ အပျံစားပါ..။ ရုပ်ရှင်သရုပ်ဆောင် ဗေလုဝနဲ့ နင်လား ငါလား နီးနီးကိုရှိပါတယ်..။ စိတ်ကလည်းကြီး..။ ခွန်အားကလည်း ကြီး တော့..။ သူ့ရှေ့က အိမ်မြှောင်ဖြတ်မပြေးနဲ့ အိမ်မြှောင်ဖြတ်ပြေးတာနဲ့ အမြှီးကကိုင်ပြီး ကိုင်ပေါက်..။ (သိပ်အားကြီးတာနော် ) ပိုးဟပ်ဖြတ်မပြေး နဲ့ နှုတ်ခမ်းမွှေးက ကိုင်ပြီးစောင့်ဆွဲ ( သန်မာပုံ…သန်မာပုံ.. ) အဲ့လောက်ကို စိတ်ကြီးတဲ့သူပါ..။

သဘောကတော့ ဘာကောင်းသလဲ မမေးနဲ့..။ သူက ကျွန်တော်တို့ရဲ့ Myanmar Genius Forum မှာ Admin လေ..။ သူသဘောကောင်းပုံများ။ သူကပြောတယ် ” ညီလေး..။ မင်းအရမ်းပင်ပန်းတယ်..။ ဖိုရမ်ရော MMGenius Blog Service ရော အစ်ကို့ ကိုပေးတဲ့ အစ်ကိုအကုန်အစအဆုံး လုပ်ပေးမယ်တဲ့” အဲ့လောက်ကို သဘောကောင်းတာဗျာ (ဟုတ်တယ်နော်..။ ချုပ်တာ…။ ချုပ်တာ ) သူ့ကြတော့ အပေါ်ကလူတွေနဲ့ မတူပြန် ဘူး အဲ့လောက်ကြီးကို သဘောတွေကောင်းနေလို့..။ အပြင်ရောက်ရင် ညှင်းစဲခြင်တာပါ..။ သူက သူငယ်ချင်းတွေနဲ့တွေ့ရင် လာသမျှသူငယ် ချင်း သူ့မှာရှိတာအကုန်ချကျွေးတာ..။ ပိုက်ဆံလိုရင် အကုန်ထုတ်ပေး (ချေးတာမဟုတ်ဘူးနော် အပိုင်ပေးတာ ) အဲ့လိုဗျာ..။ အဲ့ဒီ့တော့ ကျွန်တော်သူ့ကို တွေ့ချင်တာ ဆန်းသလားဗျာ…။ (ပြောထားတယ်နော်..။ အဲ့ဒီ့အတိုင်းမဟုတ်လို့ကတော့ ဖွမှာ )

အိုင်လွယ်ပန်

သူကတော့ အားလုံးသိတဲ့ အတိုင်းနာမည်ကြီး ကဗျာဆရာပေါ့ဗျာ..။ ရေးးချက်တွေက စက်သေနတ်နဲ့ ပြစ်နေသလား အောက်မေ့ရတယ်..။ စကား လုံးတွေများ စက်ထဲကနေ ထုတ်နေသလားထင်ရတယ်..။ သူလည်း ငယ်ငယ်က ဒီဖတ်စာအုပ်..။ ဒီအတန်းပဲ တက်ခဲ့တာပဲ..။ ကျွန်တော်တို့လဲ ဒီဖတ်စာအုပ် ဒီအတန်းတွေက ကျော်ဖြတ်ခဲ့တာပဲ..။ သူ့ကြမှဗျာ..။ စကားလုံးတွေက ဘာလို့ ဒီလောက် ကြွယ်ဝနေမှန်းကို မသိပါဘူး..။ တကယ်ကို မနာလိုဖြစ်ဖို့ကောင်းတဲ့လူပါ..။ ဘာလို့တွေ့ချင်ရတာလဲ…? လာမယ်..။ နောက်တစ်ပိုင်မှာ …

သူ့ကို နှိပ်စက်ချင်တဲ့အမှုကလည်း တော်တော်ကြီးပါတယ်..။ ဘာကြောင့်လဲဆိုတော့ သူနဲ့အတူ ကြံရာပါ နောက်တစ်ယောက်ရှိပါသေးတယ်။ သူတို့က နှစ်ယောက်ပေါင်းမိုက်တာပါ..။ (သေပြီ မျှားတစ်ဆင်း ငှက်နှစ်ကောင် ) တစ်နေ့တစ်နေ့သူတို့ နှစ်ယောက်ထဲက တစ်ယောက်မ ဟုတ် တစ်ယောက် တက်လာမှာကို ကျွန်တော့်မှာ စိုးရိမ်နေရပါတယ်..။ ဘာလို့လဲဆိုတော့ ခမျာတွေကတက်လာရင် နှစ်ယောက်ပူးကြီးဗျား.. ( ဓာတ်ပုံကိုပြောခြင်းဖြစ်ပါသည် ) သူများသားသမီး ဘာတွေကိုတွေးလို့ ဘာတွေကိုဆွေးနေမှန်း ဒင်းတို့မသိ..။ အဲ့လို နှစ်ယောက်ပူးကြီး ( ဓာတ်ပုံ) တက်တက်လာတော့ဗျာ..။ ရင်ထဲမှာ အပြားကြီးဆို့ဆို့သွားပြီး တော်တော် နေရထိုင်ရခက်ခက်သွားပါတယ်..။ ဒါကြောင့် ကျွန်တော့်အား ဒီလိုမျိုး စိတ်၏ ဆင်းရဲခြင်းကို အမြဲပေးသောကြောင့် အိုင်လွယ်ပန်အား (သူ့ရဲ့ ကြံရာပါနှင့်အတူ) တွေ့သည် နေရာတွေ တွေ့သည့်အချိန်မှာ တွေ့သည့်နည်းဖြင့် ဒုက္ခပေးပါမည် ဖြစ်ကြောင်း..။

HAPPY CLOUD (ကိုမိုးမောင်၊ ကိုးဖိုးမောင်)

သူတို့ကလည်း စုံတွဲပါပဲ..။ (အင်းလေ..။ ဟုတ်ပါ့နော်..။ ယောက်ျားအချင်းချင်းကြီး တွဲရတယ်လို့ ရိုးကြရဲ့လားမသိဘူး ) သူတို့နှစ်ယောက် ကို ဒုက္ခပေးမယ့်စာရင်းထဲ ထည့်ရခြင်းရဲ့ အဓိက တရားခံစာ ကိုမိုးမောင်ဖြစ်ပါတယ်..။ (ကိုဖိုးမောင်ကြီးက အေးပါတယ်..။ ရေခဲတုံးအမြဲ -င်ခုထိုင် ထားလို့ပါ..။ သောက်တော်ပုလင်းဖွင့်တဲ့အခါ ရေခဲရှာရမှာစိုးလို့တဲ့ )

သူတို့နှစ်ယောက်ကို ဒုက္ခပေးခြင်ရခြင်းမှာ ကိုးမိုးမောင်လက်ချက်လို့ အထက်မှာ ရေးထားပါတယ်။ ဘာဖြစ်လို့လဲဆိုတော့ ကျွန်တော့်လို ဘုရားနဲ့ တရားနဲ့နေ၊ အသောက် King အစား King ၊ ဆေးလိပ်မသောက် (ဆေးလိပ်ကသောက်လို့မရပါ ) စသည်ဖြင့် မရေမတွက်နိုင်လောက်သော ဂုဏ်ပုဒ်များနှင့် ပြည့်စုံသည့် သူအား သူ့ရဲ့ အမြည်းတို့ရဲ့ ပထ၀ီ ထဲမှာ အရက်သမားအဖြစ် စွပ်စွဲရေးသားခဲ့ပါတယ်..။ ဒါတင်မက ကျွန်တော် ဘုရားတရားအာရုံပြုနေတဲ့အချိန်မျိုးမှာလဲ ” မဲကြီး..။ မနက်ဖြန်…။ ငါတို့အဖွဲ့တွေ…။ !@#$ သိလား..။ အဲ့ဒါလိုက်ဦးမလား” ဆိုပြီး အာရုံတွေလွင့်ပါးအောင် ဒုက္ခပေးပါတယ်..။ ဒါကြောင့် အရက်ကြွေး (မှားလို့ ) သွေးကြွေးပြန်ဆပ်တဲ့အနေနဲ့ ထို Happy Cloud (မတတ်နိုင်ဘူး ကိုဖိုးမောင်ကြီးလဲ ပါသွားပြီ ) အဖွဲ့အား ဒုက္ခပေးမည့် စာရင်းထဲတွင် ထည့်သွင်းထားရခြင်းဖြစ်ပါတယ်..။

မိုးသောက်ယံ

ကျွန်တော့်ညီတစ်ယောက်ပါပဲ…။ အကြီးဆုံးပါ (အသက်..။ ) အရမ်းလဲ လိမ်….။ အရမ်းလဲ မာ….။ ပါတယ် တကယ်ပါ..။ ကျွန်တော် အတည် နောက်တာပါ…။ သူ့မိသားစုလေးကို အကိုကြီး အဖိရာ ဆိုတဲ့ စကားလေးအတိုင်း ကြိုးကြိုးစားစား ရိုးရိုးသားသား လုပ်အားဖြင့်နိုင်ငံတည်.. (အဲ မှားကုန်ပြီ) ကြိုးစား ရိုးသားစွာ ရှာဖွေ ပြုစုစောင့်ရှောက်နေတဲ့ ညီလေး ဖြစ်ပါတယ်…။ သို့သော် သူ့မှာလည်း အပြစ်မကင်းပါဘူး..။ သူ့အပြစ်က အထက်ပါ ပုဂ္ဂိုလ်ကြီးများလောက် မကြီးမားပေမယ့် သူ့အနေအထားနဲ့သူတော့ ကြီးပါတယ်။ (အပြစ်ကိုပြောခြင်းဖြစ်ပါသည်။ ဖြည့်တွေးကြပါကုန်)

ဒီလိုပါ..။ သူအပြစ်ရှိရခြင်းက..။ လွန်ခဲ့တဲ့ တစ်လကျော် နှစ်လလောက်က ဖြစ်ပါတယ်..။ မျက်လုံးပြူးမျက်ဆံပြူး (နဂိုပြူးမပြူးတော့ ကျွန်တော်မသိ ပါ..။ နဂိုထက်ပိုပြူးနေတာကိုတော့ ကျွန်တော်ခန့်မှန်းလို့ရပါတယ်) ” အစ်ကိုရေ ..။ အစ်ကိုရေ..။ လုပ်ပါဦး ကျွန်တော့် ဘလော့ကြီး ဂန့်သွားပြီ” ဆို ပြီး အပြေးအလွှားရောက်လာပါတယ်..။ အိုကေ ဒါဆိုလဲ ပြင်ကြတာပေါ့ဆိုပြီး ကျွန်တော်ဝင်ပြင်ပေးဖို့ သူ့ဆီက FTP အချက်အလက်တွေတောင်း ပါ တယ်..။ သူကလည်းပေးပါတယ်..။ ဒါပေမယ့် ဘယ်လိုမှကို ၀င်လို့မရပါဘူး..။ ငါ့ညီ မင်းသေချာရဲ့လားဆိုတော့..။ အာ…။ အစ်ကိုကလည်း သေချာပါတယ်တဲ့လေ….။ (သူကပြောတာ..။ အံမယ်…။ ရုပ်တည်ကြီးနဲ့ဗျ ) ဒါနဲ့နောက်ဆုံး ဘယ်လိုမှမရတော့လို့ သူ့ Hosting ထဲအထိ ၀င်စစ်တော့မှ သကောင့်သားပေးထားတဲ့ FTP Domain Name က မှားနေပါတော့တယ်..။ ထို့ကြောင့် ၎င်း၏အမှုမှာ ကျွန်တော့်အား ရုပ်တည်ကြီး နဲ့ ဖြဲသောကြောင့် ယနေ့ ဒီအချိန် ဒီနေရာမှစပြီး တွေ့တဲ့နေရာတွေ ဒုက္ခပေးမည်ဖြစ်ကြောင်း ရာဇသံပေးလိုက်ပါသည်..။ (ဒူ ဝေ ဝေ ဝေ…)

နွေမုန်တိုင်း

မိုက်ကန်း..။ နာမည်ကသာ မိုက်ကန်းတာပါ..။ လူကတော့ လူဆိုးပါ..။ (အဲ ဟုတ်ပါဘူး ) ကျွန်တော့်သူငယ်ချင်းလို့ အစ်ကိုလို ခင်ရတဲ့ သူငယ် ချင်းဆိုလည်းဟုတ်..။ ညီအစ်ကိုဆိုလည်း ဟုတ်တဲ့သူတစ်ယောက်ပါ..။ အခုတော့ မဘက်လိုက်ပြီး မိုက်ဘက်ပါ (အာ…မှားလို့ ) အိမ်ထောင် ရက်သား၊ လသား၊ နှစ်သား ကျလို့ ဘ၀အတွက်ရုန်းကန်ရင်း ဘလော့မရေးတော့တာ ကြာပါပြီ..။ အခုဆို သားဦးလေးတောင် မွေးထားပြီဖြစ်ပါ တယ် ( အဖေနဲ့မတူပါစေနဲ့လို့ ကျွန်တော်ကြိတ်ဆုတောင်းမိတယ်…။ ဟီး ဟီး ) မတွေ့ရတာကြာပေမယ့် အခုထိ ရင်ထဲမှာ အမှတ်တရရှိတုန်း။

ဒီလောက် ငြိမ်းချမ်းပြီး အဆင်ပြေနေတဲ့ သကောင့်သားအား ဒုက္ခပေးခြင်ရခြင်း အကြောင်းအရင်းမှာ…။ လွန်ခဲ့တဲ့ တစ်နှစ်ကျော်ခန့်..။ သူဘလော့ ရေးနေစဉ်တုန်းက ဖြစ်ပျက်ခဲ့ဖူးတဲ့ အဖြစ်အပျက်လေး တစ်ခုကြောင့်ပါ..။ အဖြစ်က ဒီလိုပါ..။ သူက ကျွန်တော့်ကို EOT လုပ်ခိုင်းပါတယ်..။ ကျွန်တော်လည်း လုပ်ပေးပါတယ်..။ ဒါပေမယ့် ခက်တာက..။ သူက မရဘူးချည်း ထိုင်အော်နေပါတယ်..။ ကျွန်တော့်မှာ ပညာသာကုန်သွားတယ် ထူး မခြားနားပါပဲ..။ နောက်ဆုံး အရင်းစစ်တော့ အောက်ကပေါ် (မှားလို့..) အမြစ်ကပေါ် ..။ သူပေးထားလို့ ကျွန်တော် ၀င်ပြင်နေတဲ့ အကောင့်က တစ်ခု..။ သူထိုင်ကြည့်ပြီး မရဘူးအော်နေတဲ့ ဘလော့က တစ်ခုဖြစ်နေပါတော့တယ်..။ ဒါကြောင့်….။ အသင် နွေမုန်တိုင်း (ခေါ်) မိုက်ကန်းအားလဲ ဒီစားရင်းထဲတွင် တို့ထားလိုက်ပါတယ်..။ (အဲ့ဒီ့အဖြစ်အပျက်လေးကို ကျွန်တော် ပို့စ်လေးတစ်ခု ရေးခဲ့ဖူးပါတယ်)

မင်းတစေ

မင်းတစေ ဟေ့…။ ဆိုလျှင် မြန်မာဘလော့လောကမှာ မသိသူမရှိကြပါဘူး..။ သူ့ရဲ့ အပြင်းစားအက်ဆေးများဟာ မင်းခိုက်စိုးစံနဲ့ သစ္စာနီကိုတောင် ထိုင်ငိုသွားစေလောက်ပါတယ်…။ ရေးချက်တွေက ပက်စက်ပါတယ်..။ လန်ထွက်လွန်းလို့ ဒန်ခွက်လေးနဲ့ အုပ်အုပ်ထားရပါတယ် (စကားလုံးတွေ ခုန်ထွက်မှာစိုးလို့ ) ဒါပေမယ့် သူဘလော့မရေးတော့တာကြာပါပြီ..။ တွေ့လို့ ရေးဖို့ ပြန်ပြောတိုင်းလဲ အခုပဲရေးတော့မလိုလိုဘာလိုလို..။ မေးလိုက်ရင် စာအုပ်ထဲမှာရေးထားတယ်ဆိုတာချည်းပါပဲ…။

အထက်ပါ တရားခံအား ဒုက္ခပေးခြင်ရခြင်း အကြောင်းအရင်းကတော့ နှစ်ကခုပါ။ တစ်ခုက အများနဲ့ဆိုင်ပါတယ်..။ နောက်တစ်ခုက ကျွန်တော်နဲ့ ဆိုင်ပါတယ်..။ အများနဲ့ဆိုင်တဲ့အချက်က သူ့ရဲ့ လက်ရာတွေကို လည်ပင်း သစ်ကုလားအုပ်ဖြစ်အောင် စောင့်မျှော်နေတဲ့ ပရိတ်သတ်အပေါင်းမှ အားမနာ ပြန်ရေးပါ ဒီလောက်ပြောနေတာကို မရေးပဲ ပြစ်ထားတာ အခုဆို တစ်နှစ်နီးပါးရှိသွားပြီ ဖြစ်ပါတယ်..။ နောက်တစ်ခု ကျွန်တော်နဲ့ ဆိုင်တာ ကတော့ ကျွန်တော့်ကို ပုံပြောပြောသွားလို့ပါ..။ လာမယ်..။ ရေးမယ်..။ ဘာညာ သရကာ ပြောပြောပြီး ဖောသွားလို့ပါ…။ ဒါကြောင့် သူသည်လည်း လက်ရှိစာရင်းတွေ အကြုံးဝင်သွားခြင်း ဖြစ်ပါတယ်။

ကောင်လေး

သရဲနီ ဂိုင်းချုပ်ကြီးရဲ့ အမျိုးပါ…။ ဘာတော်လည်းသိချင်ရင်တော့ ကိုယ့်နည်းကိုယ့်ဟန်နဲ့သာ စုံစမ်းကြပါ..။ သူ့ကို ဒုက္ခပေးခြင်တဲ့အကြောင်းအရင်း ကလည်း နှစ်ခုပါပဲ…။ ပထမတစ်ခုကတော့ (ဒီကိစ္စကို ကိုလင်းထက်ကြီးလဲ သဘူတောမယ် ထင်ပါတယ် ) ဒီမှာငတ်ပြတ်နေပြီး စားစရာမရှိလို့ ဒေါသတွေ အချောင်းလိုက် အတစ်လိုက်၊ အတုံးလိုက် အပြားလိုက် ပုံစံမျိုးစုံထွက်နေပါတယ်ဆိုမှ..။ သူက သူ့ Lady အားကိုးနဲ့ အစ်ကိုရေ ဒီနေ့ လေ သိလား..။ ဟိုဟာလေးချက်စားတယ်..။ စားပါဦး…။ အစ်ကိုရေ ဒီနေ့တော့ ဒီလိုလေးဗျ..။ စားဦးမလား..။ စသည်ဖြင့် ရက်ရက်စက်စက် ထိုးနှက် တိုက်ခိုက်ခဲ့လို့ပါ။

နောက်တစ်ချက်ကတော့ လူကြီးကို မျက်ကလူးဆန်ပြာဖြစ်အောင် အမှုဆင်လိမ်လည်လို့ပါ..။ သူပြောတော့ ကိုယ့်မှာအဟုတ်ကြီးထင်ပြီး ၀ိုင်းစဉ်း စားရ..။ ပူရ..။ ပန်ရ…။ နည်းလမ်းတွေရှာရနဲ့….။ ပြီးလဲ ပြီးကရော…။ ဒင်းမျက်နှာကြီးက…။ (ဟင်း ဟင်း တွေ့လို့ကတော့လားကွာ) အဲ့ဒီလိုမျိုး အကြောင်းကြောင်းတွေရှိသောကြောင့် ၎င်းအားလည်း ၎င်း၏ ဦးရီးတော်နှင့်အတူ တွေ့သည့် နေရာတွင် အပြတ် ဒုက္ခပေးမှာ ဖြစ်ပါတယ်..။

အညတရ (HeartMuseum)

ပြတိုက်ကြီးပါ…။ ဘလော့ဂါတိုင်း မသိတဲ့သူမရှိပါဘူး..။ သူဟာ သူများတွေရဲ့ စာတွေကို သေသေချာချာဖတ်ပြီး တလေးတစား သေသေချာချာ Comment ပေးတတ်တဲ့အကျင့်တွေကြောင့် လူသိလည်းများ လူချစ်လူခင်လည်းများတဲ့သူပါ…။ နောက်ပိုင်းတော့ သူ့ရဲ့ ကိုယ်ရေးကိုယ်တာ ကိစ္စတွေ..။ အခြားခြားသော အကြောင်း တွေကြောင့် ဘလော့ရပ်ဝန်းလေးမှာ ပျောက်သွားလိုက်၊ ပေါ်မလာလိုက် (အဲလေ) ပေါ်လာလိုက်ဖြင့် နစ်လိုက် မြုပ် လိုက် (အာ..အတူတူပါပဲ မထူးပါ ဘူး ) ဖြစ်နေသူပါ…။

ဒီလောက်လူချစ်လူခင်ပေါများပါလျှက် ဘာကြောင့် ကျွန်တော်သူ့ကို ဒုက္ခပေးချင်ရပါသလဲဆိုတော့…။ လွန်ခဲ့တဲ့ တစ်နှစ်ကျော်..။ အတိအကျပြောရ ရင် သင်္ကြန်တွင်းပေါ့ဗျာ…။ အဲ့ဒီ့အချိတုန်းက ပြုခဲ့တဲ့ အမှုကြောင့်ပါပဲ…။ မြန်မာအနုပညာလောကမှာ သင်္ကြန်ဆိုရင် ဇော်ဝမ်းမပါရင်မပြီးသလို..။ ဘလော့ဂါ ရပ်ဝန်းလေးမှာလဲ သင်္ကြန်ဆို မောင်အညတရတို့မပါရင် မပြီးပါဘူး…။ သူ့အမှုက ကိုမိုးမောင်အမှုနဲ့ တူပါတယ်..။ ကျွန်တော့်လို လူလိမ္မာ၊ လူအေးလေးကို အရက်သမား ပြားပြားဖြစ်အောင် စွတ်စွဲပြောဆိုရေးသားခဲ့လို့ပါ ( ဒါပေမယ့် နဲနဲတော့တန်နတယ်..။ သူသောက်ခိုင်းတာ က ကိုမိုးမောင်ကြီးလို့ အာမီမဟုတ်ဘူး Chevas ) သို့ကလိုသော အကြောင်းတွေကြောင့် ကို နှလုံးသားပြတိုက် (ခေါ်) မောင်အညတရအား တွေ့သည့်နေရာတွေ ဒုက္ခပေးမည်ဖြစ်ပါကြောင်း…။

P.S- တကယ်တမ်း ကျွန်တော် ဒုက္ခပေးချင်တဲ့သူတွေ ဆက်ရေးမယ်ဆို ကျန်ပါသေးတယ်။  အပိုင်း (၂) အထိရောက်သွားနိုင်ပါတယ်။  Tag တဲ့သူက ၁၀ ယောက်ပဲဆိုလို့ (ဒါတောင် ဆိုက်ကား တွဲထားတာ ၁၂ ယောက်ဖြစ်သွားတယ် ) ဒီ Tag လေးကို ကျွန်တော်ရေးရတာ ပျော်ပါတယ်..။ ကျွန်တော့်ကို ရေးခိုင်းတဲ့ အစ်မ ကောင်းကင်ပြာ ကိုလည်း ကျေးဇူးတင်ပါတယ်လို့ ပြောပါရစေ

၁၉၉၈ ဧပြီလ ၁၃ ရက် (သင်္ကြန်အကြိုနေ့)

“မိန်းမရေ…မိန်းမ… လာပါဦးဟ…။ အား…”

ရုတ်တရက် ထအော်လိုက်တဲ့ ကျွန်တော့်အဖေအသံကြောင့် ကျွန်တော်လန့်ဖြန့်ပြီး နိုးသွားပါတယ်..။ အမှန်က ကျွန်တော်နိုးနေပါပြီ..။ အခြား နေ့တွေသာ ကျွန်တော်အိပ်ပုပ်ကြီးရင်ကြီးမယ် ဒီလိုနေ့မျိုးကတော့ မနက် ၅ နာရီ ၆ နာရီကတည်းက နိုးနေပြီး ဒီသင်္ကြန်ဘယ်လိုကဲရမလဲ ဆိုပြီး တွေးနေတတ်တာ ကျွန်တော့်အကျင့်ပါ…။ ကျွန်တော့်အခန်းက ကျွန်တော့်အဖေအမေအခန်းနှင့် ကပ်လျှက်အပေါ်ထပ်မှာရှိပါတယ်..။ (ပေါက် ကရတွေ လုပ်တတ်လွန်းလို့ စိတ်မချလို့ သူတို့ဘေးခန်းခေါ်ထားခြင်းဖြစ်ပါတယ်…။ ချစ်လွန်းလို့ ခေါ်ထားတယ် မထင်ကြပါကုန် ) ကျွန်တော် ကလည်း ဒီလောက်ကြီးမသောင်းကျန်းပါဘူး..။ ညဘက် လူကြီးတဲ့အိပ်တဲ့အချိန် အနောက်ဘက် ၀ရန်တာကဆင်း..။ သူငယ်ချင်းတွေလာခေါ်တဲ့ ကားပေါ်တက်..။ Club သွားရုံလောက်ပါ..။ အဲ့လိုလုပ်လို့ ကျွန်တော့်ကို လူဆိုးမထင်ပါနဲ့..။ ကျွန်တော်က ညသာခိုးထွက်တာပါ..။ ပြီးရင်တော့ လူကြီးတွေ စိတ်မပူရအောင် အစောကြီးပြန်လာလေ့ရှိပါတယ်…။

မနက် ၃ နာရီတို့ ၄ နာရီတို့လေ…။ ပဲပြုတ်သည်တောင်မနိုးသေးဘူး..။ ဟုတ်တယ်မလား

ဒါနဲ့ စောစောက စကားပြန်ဆက်ပါ့မယ်…။ အဖေအဲ့လို ရုတ်တရက်ထအော်လိုက်တာကြောင့် ကျွန်တော်လည်း ဘာများဖြစ်တာပါလိ့မ်ဆိုပြီး လန့် ဖြန့်ပြီး အဖေတို့ အခန်းဘက်ကို ထပြေးပါတော့တယ်…။ အခန်းထဲမရောက်ခင် တံခါးအ၀မှာပဲ…။  ကျွန်တော်အသံတစ်ခုကို ကြားလိုက်ရပါတယ်..။ ဒီအသံကြားလိုက်ရတယ်ဆိုရင်ပဲ….။ ကျွန်တော် အထဲကို ဆက်ဝင်စရာမလိုတော့မှန်း သိလိုက်ပါတယ်…။ တစ်မျိုးမထင်ကြပါကုန်လင့်….။ ပြောတာ ကို ဆုံးအောင်ဆက်နားထောင်စေချင်ပါတယ်…။ ကျွန်တော်ကြားလိုက်ရတဲ့ အသံကတော့….။

“ဗွမ်းးးးးးးးးး….ဟား ဟား အောင်ပြီ…။ အောင်ပြီ…။ အောင်ပြီ…ကွ”

သူ့ကိုသူ ရဟန်းစားရသော ဆွမ်းတစ်နပ်ထဲက ရုပ်ရှင်သရုပ်ဆောင် အကယ်ဒမီမင်းသားကြီး ဇော်လင်းအော်တဲ့ အသံမျိုးဖြင့် ဂုဏ်ယူဝင့်ကြွားစွာ အော်ဟစ်နေတာကတော့ ကျွန်တော့ဖခမည်းတော်ပဲ ဖြစ်ပါတယ်…။ တစ်ဆက်တည်းမှာပဲ….။

“အာ…။ ရှင် သိပ်လူလည်ကြတယ်…။ ကျွန်မကဘာများ ဖြစ်လဲလို့ လန့်ဖြန့်သွားတာပဲ…။ ဒါရှင် မတရားအနိုင်ကျင့်တာ…။ မရဘူး…။ ဒီပွဲကို အသိ အမှတ်မပြုဘူး…”

“မရတော့ဘူး ကောင်မလေး…။ ပွဲကပြီးသွားပြီ…။ ဟဲ ဟဲ…။ အချစ်နဲ့စစ်မှာ တရားတာတွေ မတရားတာတွေမရှိဘူး..။ အခုမှ ဘာမှလာရှင်းပြမနေနဲ့ တော့…။ ရှင်းပြခြင်လဲ နောက်နှစ်ရောက်မှသာ ရှင်းပြပေတော့…။ ဟဲ ဟဲ…။ ဒီနှစ်တော့ ကိုယ့်အရှုံးကိုသာ ရဲရဲတင်းတင်းလက်ခံလိုက်စမ်းပါ မိန်းက လေးရယ်..။ ဟဲ ဟဲ…”

အသံတွေတိုးသွားသည်….။ ကျွန်တော်လည်း သူတို့အခန်းဘက်မှ မိဘနှစ်ပါး၏ အရှက်တော်ရှ၍ အညိုငြင်မခံရခင် တရုတ်သိုင်းသမားတို့အလား ကိုယ်ဖော့ကာ အခန်းအတွင်းသို့ ပြန်ဝင်ပြီး မသိချင်ယောင်ဆောင်နေလိုက်ပါတော့တယ်…။ စိတ်ထဲမှာတော့….

“အင်း….။ ဒီနှစ်လဲ ငါ့အဖေပဲ ဖလားသိမ်းသွားပြန်ပြီ…။ စောင့်လေဦးပေါ့အမေရေ….။ နောက်တစ်နှစ်…။ ဟီး ဟီး…”

အခန်း (၂)

၂၀၀၁ ခုနှစ် ဧပြီလ ၁၃ ရက် (သင်္ကြန်အကြိုနေ့)

ကျွန်တော့်အဖေက မနက်အစောထကာ ဘုရားဝတ်ပြုလေ့ရှိပါတယ်..။ သူက မနက်ဆို အမြဲ ၅ နာရီ ၆ နာရီဆိုနိုးတတ်ပါတယ်..။ အရင်ကတော့ အဲ့ လောက်အစောကြီးမထပါဘူး…။ ၇ နာရီ လောက်အထိအိပ်တတ်ပါတယ်..။ နောက်ပိုင်းသူ Golf ရိုက်ဖြစ်တော့ အဲ့ဒီ့အချိန်ဆို နိုးနိုးနေတတ်ပါတယ်။ ပုံမှန်ကတော့ သူဘုရားဝတ်ပြုပြီးတာနဲ့ Golf သွားသွားကစားလေ့ရှိပါတယ်…။ လွန်ခဲ့တဲ့ရက်ပိုင်းက ကျွန်တော်ကြားထားရသလောက် ဒီသင်္ကြန် တွင်း သူတို့ ပြိုင်ပွဲရှိတယ်ဆိုလားပါပဲ…။ ဒါကြောင့်အဖေ အရင်ရက်တွေထက် စောစော ထနေတာ ဖြစ်နိုင်ပါတယ်…။

ထုံးစံအတိုင်းပဲပေါ့…။ သကောင့်သားကလည်း တစ်ခြားရက်တွေသာ နေဖင်ထိုးအောင် အိပ်ရင်အိပ်မယ်…။ ဒီလိုရက်မျိုးကတော့ ညကတည်းက သင်္ကြန်အတွင်းဆုံရမယ့် ကောင်မလေးတွေ (အဲဟုတ်ပါဘူး ) သင်္ကြန်အတွင်း ပျော်ရမယ့်အစီအစဉ်လေးတွေတွေးပြီး အိပ်လို့ကသိပ်ပျော်တာ မဟုတ်ဘူး..။ အိပ်တစ်ဝက် နိုးတစ်ဝက်နဲ့ပေါ့…။ ဒီလိုနဲ့ မနက်ရောက်တော့ အဖေဘုရားဝတ်ပြုတဲ့အသံကို အိပ်ယာထဲက အတိုင်းသားကြားနေရပါ တယ်..။ စိတ်ထဲမှာလည်း Father ကြီးလစ်တာနဲ့ အိမ်ကနေအမြန်ဆုံး ချီတက်နိုင်ဖို့ တိုင်မင် ကိုက်နေတာပေါ့…။ အဲ့လိုမျိုး ကိုယ့်အတွေးနဲ့ ကိုယ်မြူးနေတုန်း….

“အာမဘန္တေပါ အရှင်ဘုရား….”

“ဗွမ်း….”

သေပြီ…။ တစ်ယောက်ယောက်တော့ အလစ်အငိုက် ခြုံခိုတိုက်ခိုက်ခံလိုက်ရတာ သေချာသွားပါပြီ…။ ဒီနှစ်ဒိုင်းကိုတော့ ဘယ်သူလက်ဝယ်ပိုင်ဆိုင် သွားပြီလဲမသိ…။ တစ်ယောက်ယောက်ကတော့ လက်နက်ပုံးသုံးလိုက်တာသေချာသွားပြီ ဖြစ်ပါတယ်…။

“ဟား..။ မင်းဘယ်လိုလုပ်လိုက်တာလဲ… ဒီမှာ အကုန်ရွှဲကုန်ပြီ..”

“အိုး…။ ရေလောင်းပါတယ်ဆိုမှ ရွှဲမှာပေါ့…။ ဒါဆန်းသလား…?”

“အွန်….။ ရေလောင်းရင် ရွှဲတာတော့ ငါလဲသိတာပေါ့ဟ..။ အခုပြောတာက လူရွှဲလို့ပြောတာမဟုတ်ဘူး..။ ဘုရားခန်းတစ်ခန်းလုံး ကော်ဇောတွေပါ ရွှဲကုန်လို့ပြောတာ…။ မင်းဒါလေးတောင် နားမလည်ဘူးလား…?”

“ဘာမှလာရှင်းပြမနေနဲ့ လူကလေး..။ ပွဲကပြီးသွားပြီ…။ ဘာတဲ့…။ အချစ်နဲ့စစ်မှာ ဘုရားခန်းမပါဘူးဆိုလား…။ ကဲ..။ ဒီတော့ ရှင်းပြခြင်ရင် နောက်တစ်နှစ်ကိုသာ စောင့်လိုက်ပါတော့ရှင်…။ ဟွန်း..။ မှတ်ပြီလား”

“သြော်..။ မင်းက ဒီလိုလား…။ တွေ့ကြသေးတာပေါ့…။ လွတ်အောင်သာပြေးပေတော့….”

“မှီမယ်ထင် လုပ်လိုက်လေ… ရှင့်ကိုယ်ရှင် အရင်ကလို ဗလံလေးများအောက်မေ့နေလား..။ လာလိုက်စမ်းပါ..”

“အာ ဒီမိန်းမ…။ နာပြီသာမှတ်…။ ငါလာပြီ…”

နောက်တော့အသံတွေပျောက်သွားသည်…။ ဘယ်ရောက်သွားလဲ ကျွန်တော်လဲမသိပါ..။ အမေက ဘယ်ပြေးလို့ အဖေက ဘယ်ကိုလိုက်ကာ..။ ဘယ်နေရာမှာပဲ မိသွားသလား…။ မမိဘူးလား…။ ကျွန်တော်မသိပါ…။ ကျွန်တော်သိတဲ့ သေချာတာတစ်ခုကတော့…..။ ဒီတစ်နှစ် အိမ်ထောင်စု သင်္ကြန်ဒိုင်းစုကြီးကို ကျွန်တော့်မာတာမိခင်မှ ဂိုးပြတ်သွင်းကာ ရယူသွားပါပြီ…။

ကျွန်တော် ဘာရယ်လို့မဟုတ် စိတ်ထဲမှာ အလိုလိုပြုံးမိသည်…။ အမည်မဖော်ပြနိုင်သော ခံစားမှုတစ်မျိုး ကျွန်တော့်ရင်ထဲ ညိ့မ်ညောင်းကစီးဆင်း သွားသည်…။ သေချာတာတစ်ခုကတော့ ကျွန်တော်ကြည်နူးမိတယ်…။ သူတို့ကို ကြည့်ရင်း ကျွန်တော်ပျော်ရွှင်မိတယ်…။ တကယ်ပါ…။ ကျွန်တော် တို့ မိသားစုလေး အရမ်းပျော်ဖို့ကောင်းတယ်ဗျာ….။

အခန်း (၃)

၂၀၀၅ ခုနှစ် ဧပြီလ ၁၃ ရက် (သင်္ကြန်အကြိုနေ့)

ဒီနှစ်ကတော့ ကျွန်တော်တို့ မိသားစုအတွက် အနဲငယ်ထူးခြားပါတယ်..။ ကျွန်တော်လည်း ပြည်ပကို ပညာတော်သင်သွားဖို့အတွက် ရပ်နီးကပ်နေပါ ပြီ..။ သင်္ကြန်အတွင်း ခွင့်အဖြစ် ရန်ကုန်ကို နှစ်ပတ်ပြန်ခွင့်ရတဲ့ အချိန်လေးပါ..။ ကျွန်တော်လည်း ပြန်ရောက်ကတည်းက သွားဖို့လာဖို့အတွက်..။ လိုအပ်တာတွေ ပြင်ဆင်..။ ၀ယ်စရာခြမ်းစရာရှိတာတွေ ၀ယ်နဲ့..။ တော်တော်လေးကို ဗျာများနေပါတယ်..။ ရတဲ့ရက်နဲ့ ပြင်ဆင်ရတဲ့အချိန်က မနဲသော်လည်း..။ စိတ်ထဲတော့ မလောက်သလို ခံစားရပါတယ်..။ အဲ…။ နောက်….။ သွားခါနီး လာခါနီး နှုတ်ဆက်စရာလေးတွေ ကလည်းရှိသေး တယ်လေ…။ ဟဲ…ဟဲ…။ သူငယ်ချင်းတွေကိုပြောပါတယ်…။

ဒီလိုနဲ့ပဲ သင်္ကြန်မတိုင်ခင် ၄၊ ၅ ရက်အလိုလောက်ကတည်းကပြန်ရောက်တာ ရက်တွေဘယ်လိုကုန်သွားမှန်းတောင် မသိလိုက်ရပါဘူး…။ ကျွန်တော်ပြန်ရောက်တဲ့အချိန်အဖေလည်း အိမ်မှာမရှိပါဘူး…။ ခရီးသွားနေပါတယ်…။ ပြင်ဦးလွင် သစ်တောကျောင်းဆင်းပွဲကိုသွားရင်း..။ အဲ့ဒီ့မှာ သင်္ကြန်တွင်း Golf ပြိုင်ပွဲရှိလို့..။ ပြိုင်ပွဲပြီးမှ (သင်္ကြန်ပြီးမှ) ပြန်လာမယ်လို့သိရပါတယ်….။ ဘာရယ်တော့ မဟုတ်ဘူး..။ စိတ်ထဲမှာတော့ တစ်မျိုးပဲ ၀မ်းနည်းသလိုလို..။ ဟာနေသလိုလို…။ တစ်ခုခုလိုနေသလိုလိုကြီးပဲ…။ ဘာကြောင့်လဲဆိုတော့ ကျွန်တော်ပြည်ပကို နှစ်ရှည်လများမသွားခင် နောက်ဆုံးနှစ်မှာ…။ ဒီနှစ်အတွက် အိမ်ထောင်စု သင်္ကြန်ဖလားကြီးကို ဘယ်သူရမလဲဆိုတာ ကျွန်တော် တစ်ကယ်ကို သိချင်နေခဲ့လို့ဖြစ်ပါတယ်..။

ဒီလိုနဲ့….. သင်္ကြန်အကြိုနေ့သို့ရောက်ရှိလာပါတော့တယ်…။

“တီ တီ … တီ…တီ…”

“ဟုတ်ကဲ့ပြောပါ…”

“သား..။ ကိုဦးလား…။”

“ဟုတ်ကဲ့ အဖေ… အဖေဘယ်က ဆက်နေတာလဲ…”

“အေး…။ အဖေအရေးပေါ်ကိစ္စတစ်ခုပေါ်လာလို့ ရန်ကုန်ကို မနေ့ကပဲ ချက်ခြင်းပြန်ဆင်းလာတာ..။ အခု ရန်ကုန်ရောက်နေပြီ..။ အဲ့ဒါ ခဏနေရင် ရောက်မယ်..။ ဧည့်သည်တွေလဲပါတယ်..။ အဲ့ဒါ မင်းအမေကို အောက်ဆင်း စောင့်နေပါလို့ ပြောလိုက်စမ်းပါ…။”

“ဟုတ်ကဲ့ အဖေ..။ သားပြောလိုက်ပါ့မယ်..။ ဒါပဲနော်…”

“အမေ…။ အဖေ အခုရန်ကုန်ရောက်နေပြီတဲ့..။ ခဏနေ အိမ်ရောက်မယ်တဲ့…။ နောက်ပြီး ဧည့်သည်တွေပါလာလို့တဲ့..။ အဲ့ဒါအမေဆင်းကြိုပါတဲ့”

“ဟွန့်…။ ဒါမျိုးတွေ ရိုးနေပြီလို့ နင့်အဖေကိုပြောလိုက်..”

“ဖုန်းပြန်ဆက်ပြီး ပြောလိုက်ရမှာလားအမေ.. ဟဲ ..ဟဲ “

“သေဦးမယ် ဒီကောင်လေး…။ နင့်အဖေဟာလေ..။ သူ့ဥာဏ်လေး တစ်ထွာတစ်မိုက်လောက်နဲ့ ငါ့ကို ဒါမျိုးလုပ်လို့ရမယ် ထင်နေသလားမသိဘူး..”

“အာ အမေထင်သလို ဟုတ်ချင်မှလည်း ဟုတ်မှာပါ..။ တော်ကြာ တကယ် ဧည့်သည်တွေပါလာလို့ အမေ့ကိုမတွေ့ရင် အဖေတင်းနေဦးမယ်..”

“အေးပါ..။ အမေဆင်းကြိုမှာပါ…။ ဒါပေမယ့် ဒီအတိုင်းတော့မရဘူး..။ ဧည့်သည်မကလို့ ဘာကြီးပါပါ…။ ဒီနှစ်တော့ ငါအရှုံးမခံနိုင်ဘူး..။ နှစ်နှစ် ဆက်တိုင် အောင်ပွဲခံနိုင်မှ ဖြစ်မယ်..။ နေဦး..။ ရေခွက်သွားယူဦးမယ်…”

ကျွန်တော်တို့ သားအမိနှစ်ယောက်စကားပြောနေတာက အိမ်ရှေ့ဧည့်ခန်း တံခါးဝနားမှာပါ..။ ပြောပြောဆိုဆိုနဲ့ ကျွန်တော့်အမေလည်း ရေချိုးခန်း ထဲဝင်သွားပြီး..။ ရေခွက်တစ်ခွက်နဲ့ အတူပြန်ထွက်လာပါတယ်..။

“တွေ့ကြသေးတာပေါ့..။ ငါ့ကို ဒီလို သူငယ်နှပ်စားနည်းနဲ့ ဒင်းလုပ်လို့ရမတဲ့လား…”

“အွန်…။ ဟုတ်ပါပြီ..။ အောင်မြင်ပါစေ အမေ…ဟဲ ဟဲ”

အမေလဲ ကျွန်တော့်ကို ကြည့်နေ ငါလုပ်ပြမယ်ဆိုတဲ့ အမူအယာနဲ့ အပြင်ထွက်ဖို့အတွက် အိမ်တံခါးကို ဖွင့်လိုက်တယ်ဆိုရင်ပဲ…။

“ဗွမ်းးးးးးးးးးးးးးးးး”

“သင်္ကြန်ခါတော် ရေကစားကြတာ ပျော်ရွှင်စရာ..။ လောင်းကာပက်ကာ မောင်ရေးနှမဖွယ် ကြည်လင်စွာ…။ သြော် မေရွက်ဝါ မေရွက်ဝါ ရေချိုးရင်..”

“တောာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာာ်”

ဟိုက်…။ ဘာတွေဖြစ်ကုန်ပြီလဲ…။ ကျွန်တော်ပင် ကြောင်သွားပါတယ်…။ ကျွန်တော်လည်း ကမန်းကတန်း တံခါးဝကို ပြေးကြည့်မိပါတယ်…။ လားလား….။ ဘယ်ဟုတ်မလဲ…။ သေသေချာချာကြည့်တော့မှ ဖခမည်းတော်က တံခါးဝမှာ ဘယ်ကရလာမှန်းမသိသော ရေပုံးကြီးကိုင်ပြီး သင်္ကြန် သီချင်းနဲ့ ကွေးနေအောင်က နေပါရောလား…။ (နောက်ပိုင်းသိရတာကတော့..။ အောက်ထပ်က ကားရေဆေးတဲ့ကောင်လေးကို မုန့်ဖိုးပေးပြီး ရေပုံးနဲ့ရေတွေကို ယူလာတယ်လို့ သိရပါတယ် ပိုင်တယ်နော် ) စိတ်မကောင်းပါဘူး အမေရယ်..။ နောက်နှစ်ကြိုးစား လိုက်ဦးပေါ့…။

“မင်း ငယ်ပါသေးတယ် မိန်းမရယ်…။ ဟဲ ဟဲ”

“ရှင်ဘယ်အချိန်ထဲက ရောက်နေတာလဲ…”

“ငါ ကိုဦးဆီဖုန်းဆက်ကတည်းက ရောက်နေတာ…ဟဲ ဟဲ..။ မင်းတို့သားအမိပြောတာတွေ အကုန်ကြားရတယ်…။ မင်းယောကျာ်းပါကွာ..။ မင်းထက်လည်လို့ မင်းတို့အိမ်ထောင်ဦးစီးလုပ်နေတာ… ငှဲ ငှဲ…”

ကျွန်တော့် ဖခမည်းတော် မြူးတူးနေသလောက်..။ ကျွန်တော့်မာတာမိခင်မှာတော့….။ နှုတ်ဆိတ်…..။

“ရော်…။ ခက်လပြီကွယ်…။ ဒီကလေးတွေမကြီးမငယ်နဲ့ တယ်လည်းဆော့သကိုး..။ တစ်အိမ်လုံးလဲ ပါကေးတွေရော..။ ကော်ဇောတွေရော ရွှဲကုန်ပြီ။ နောက်တစ်ခါ ဆော့လို့ကတော့ ဒီကလေးနှစ်ယောက်စလုံး နှောင်နှစ်ခါကြ ဘုန်းကြီးကျောင်းပို့ပြစ်မယ်…။”

“အံမယ်…။ သေနာလေး..။ နင်က အဖေနဲ့ အမေကို အခုကတည်းက ဘုန်းကြီးကျောင်းပို့မယ်ပြောနေတယ်ပေါ့လေ..။ သေပြီသာမှတ်…”

“အေးဟုတ်တယ်..။ ငါ့မိန်းမကိုပြောရင် ငါလည်းမခံဘူး..။ လာမိန်းမ…။ ဒီကောင့်ကို နဲနဲလောက် ၀ိုင်း Lesson ပေးလိုက်ရအောင်…”

မှားလပြီ…။ မှားလပြီ…။ ကျွန်တော်မျိုး မှားလပြီ…။ မာတာမိခင်ရဲ့ ဖခမည်းတော်ပေါ် ကျရောက်လို့မရသော ဒေါသ (ဒေါသတော့ ဒေါသပဲ..။ ဒါပေ မယ့် ကျွန်တော်အထင်တာတော့ ချစ်ဒေါသဖြစ်မယ်…။ ဟီး ဟီး..။ ) များသည် ကျွန်တော့်အပေါ်သို့ တဟုန်ထိုးတိုက်စစ်ဆင်ပါတော့တယ်..။ စီး ပွားရေးသမား ပီသလှသော ဖခမည်းတော်မှလည်း သူ့မိန်းမ စိတ်ကောက်ပြေစေရန် သူ့မိန်းမဘက်က လိုက်ပြီး ကျွန်တော့်ကို နှစ်ယောက်လိုက်ဖမ်း ပါတော့တယ်..။ အိမ်က ကျင်းတယ်ဗျာ..။ သူတို့နှစ်ယောက် ခန္ဓာကိုယ်ကြီးနဲ့ ပိတ်ဖမ်းမှတော့ ကျွန်တော်ဘယ်လွတ်ပါ့မလဲ…။ ဘယ်ပြောကောင်း မလဲ မိလဲမိရော…။ နှစ်ယောက်ချုပ်ပြီး ကျွန်တော့်ကို ကလိ ၀ိုင်းထိုးကြပါလေရောဗျာ…။ သြော်…။ (အမှန်က ကျွန်တော်ဘယ်နေရာထိုးထိုး ကလိထိုး ရင်မရားတတ်ပါ..။ ဒါပေမယ့် ဘယ်လိုဖြစ်တယ်မသိ အဲ့ဒီ့နေ့ကရားလိုက်တာ..။  အူတွေတောင် ပြတ်ထွက်မလား အောင့်မေ့ရတယ်… )

ဒီနေ့မောင်ကိုဦး ကံမကောင်းပါလားနော်….။

ဇာတ်သိမ်း

ကျွန်တော့်မိသားစုလေးထဲမှာ အမှန်တကယ် တည်ရှိခဲ့တဲ့ သို့မဟုတ် တည်ရှိနေတဲ့ ကျွန်တော့်အဖေနဲ့အမေရဲ့ အစဉ်အလာလေး တစ်ခုပါ..။ သူတို့ တွေ အိမ်ထောင်စကျကတည်းက အခုချိန်ထိ တစ်နှစ်မှ မပျက်မကွက် ဆင်နွဲခဲ့ကြတဲ့ အစဉ်အလာလေးတစ်ခုလဲ ဖြစ်ပါတယ်..။ ဒီအစဉ်အလာလေး ဟာ အခြားသူတွေအတွက်တော့မသိပါဘူး…။ ကျွန်တော့်အတွက်တော့ တကယ့်ကို နွေးထွေးကြည်နူးစေတာ အမှန်ပါပဲ…။ သူတို့ရဲ့ အစဉ်အလာ လေးဟာ ကာယကံရှင်တွေပေါ်မှာသာမက..။ ကျွန်တော့်အပေါ်မှာပါ လွှမ်းမိုးမှုရှိပါတယ်..။ ကျွန်တော် နောက်ပိုင်း မိသားစုနဲ့ခွဲခွာခဲ့ရသည့်တိုင် နှစ် တိုင်း သင်္ကြန်အကြိုနေ့ဆို အနိုင်အရှုံးသတင်းကို အမြဲနားစွင့်မေးမြန်းခဲ့လေ့ရှိပါတယ်..။ အနိုင်များတာကတော့ အဖေပေါ့ဗျာ…။

ဒါပေမယ့် ကျွန်တော်သိတယ်…။ သူတို့နှစ်ယောက်အတွက်တော့ အနိုင်၊အရှုံးဟာ အဓိကမကျနိုင်ဘူး…။ သူတို့နှစ်ယောက်အတွက် အဓိကကျတာ ကတော့ တစ်ဦးအပေါ်တစ်ဦးထားရှိတဲ့ အချစ်၊ မေတ္တာတရား..။ ဘယ်တော့မှ ပြောင်းလဲသွားခြင်းမရှိတဲ့ သစ္စာတရား…။ လျော့သွားဖို့မပြောနဲ့ အချိန်ကြာလာတာနဲ့အမျှ တစ်ရစ်ပြီး တစ်ရစ် ရစ်ပတ်များပြားလာတဲ့ သံယောဇဉ်…။ ဒါတွေဟာ ကျွန်တော့်ရင်ဘတ်ထဲ တကယ့်ကို နက်နက် ရှိုင်းရှိုင်း ထိုးဝင်ခဲ့ပါတယ်..။ ကျွန်တော်မှတ်မှတ်ရရ..။ ဒီကိုမလာခင် အဲ့ဒီ့ သင်္ကြန်အကြိုနေ့က သူတို့နှစ်ယောက်ကို ကြည့်ပြီး မျက်ရည်ဝဲခဲ့ရပါ တယ်..။ ဘာကြောင့်လဲတော့ ကျွန်တော်လည်း မသိပါဘူး…။ ဖြစ်နိုင်တာတွေကတော့ အများကြီးပေါ့ဗျာ…။

တိုက်တိုက်ဆိုင်ဆိုင်ပါပဲ…။ ဒီနှစ် June လဟာ ကျွန်တော့်အဖေနဲ့အမေတို့ရဲ့ မင်္ဂလာနှစ်ပတ်လည် ၂၅ နှစ်မြောက် ငွေရတုနှစ်ဖြစ်ပါတယ်..။ ကျွန် တော်ကတော့ အနားမှာမရှိနိုင်ဘူးပေါ့ဗျာ…။ သူတို့တွေ ဒီလိုပဲ နှစ်ပေါင်းများစွာ ဆက်လက်ပြီး အတာရေသဘင်ပွဲကို နှစ်ဦးပျော်ရွှင်စွာ ဆင်နွဲနိုင် ကြပါစေလို့ ကျွန်တော်အမြဲဆုတောင်းနေမိပါတယ်..။ သူတို့ရဲ့ ဒီအစဉ်အလာလေး တည်ရှိနေသ၍ သူတို့ရင်ထဲမှာရှိတဲ့ တစ်ဦးအပေါ်တစ်ဦးထား ရှိတဲ့ ချစ်ခြင်းတရားတွေ၊ မေတ္တာတရားတွေ၊ သစ္စာတရားတွေဟာ ကုန်ဆုံးသွားမှာ မဟုတ်ဘူးဆိုတာကို ယုံကြည်ရင်း…။

ကျွန်တော်ချစ်သောမိဘနှစ်ပါးအား နှစ်သစ်နှင့်အတူ အဝေးမှပင် ရှိခိုးကန်တော့လိုက်ပါတယ် ခင်ဗျာ….။

P.S- မနက်ဖြန်ဆို သင်္ကြန်အကြိုနေ့ရောက်ပြီဗျာ…။ (အခုပို့စ်ရေးနေချိန်ဆို ဒီနေ့ပေါ့..။ နာရီပိုင်းပဲ နဲနဲလိုတော့မယ်) …။ ဒီနှစ်တော့ ဘယ်သူ အနိုင်ရမလဲ ကျွန်တော် အရမ်းကိုသိချင်နေမိပါတယ်…။

နောက်ဆုံးဖြည့်စွက်ချက်…။    ။ ကျွန်တော်အခုပဲ အိမ်ကို ဖုန်းဆက်ပြီးပါတယ်..။ အဖေ့ဆီတစ်ခေါက်…။ အမေ့ဆီတစ်ခေါက်ပါ..။ ထုံးစံအတိုင်း ဖခမည်းတော်က Golf ကွင်းမှာပါ…။ ဒီနှစ်အမေနိုင်သွားပါတယ်..။ ဖြစ်ပုံက ဒီလိုပါ..။ အခုသူတို့ နှစ်ယောက်ကြား ပြဿနာတက်နေပါတယ်..။ အဖေက အမေ့ကို အဝေးကနေ အနိုင်ပိုင်းနိုင်အောင်ဆိုပြီး ရေပြွတ်သေနတ် ဘယ်အချိန်ကတည်းက ၀ယ်ထားမှန်းမသိဝယ်ထားပါတယ်…။ အဲ့ဒါ ဒီမနက် အဖေက ရေပြွတ်နဲ့ပတ်တာကို အမေက မစိုဘူးချည်း ဘူးခံငြင်းကာ..။ အဲ့လိုငြင်းနေတုန်း အမေက ရေပုံးနဲ့ ပြန်လောင်းလိုက်ပါတယ်..။  အဖေ့ပြောစကားအရ “မင်းအမေစိတ်ချမ်းသာအောင် ငါသူ့ပဲ အနိုင်ပေးလိုက်ပါတယ်ကွာ…” တဲ့… ကျွန်တော် အိပ်ပျော်သွားပြီဗျာ..။

အမှန်တရားဆိုသည် တစ်ခါတစ်ရံတွင် မည်သို့သောအရာကို ခေါ်ကြောင်း…။ မည်သို့သော် စံသတ်မှတ်ချက်ဖြင့် သတ်မှတ်ကြောင်း…။ မည်သို့သော အချက်အလက်များဖြင့် တည်ဆောက်ကြောင်း…. သူ သိချင်လှသည်…။ ” ဒီအချိန်ဟာ ည” ဟုပြောလျှင် သူရပ်တည်ရာ ဒေသနှင့် အချိန် ၊ နေရာမတူ  သော အခြားကမ္ဘာတစ်ဘက်ခြမ်းမှ လူများက သူ့အား “မဟုတ်ဘူး နေ့ကွ” လို့ ပြန်ပြောကြမည်မှာ အသေအချာပင်ဖြစ်သည်..။ ထိုသို့ဆိုလျှင် အမှန်တရားဟူသည် ကာလံဒေသံ ဆိုသည့် အချိန်နှင့် နေရာအပေါ်တွင်လိုက်၍ ပြောင်းလဲခြင်း သဘောများ ရှိလေသလော…? ကမ္ဘာ့ရှေးဟောင်း တွေးခေါ်ပညာရှင်များ၏ ကမ္ဘာဗဟိုပြု လည်ပတ်မှုသည် ကိုပါးနိကပ်၏ အချိန်သို့ရောက်လာသောအခါ အားလုံး ဇောက်ထိုးမိုး မျှော် ဖြစ်ခဲ့ကြရလေသည်။

လူတစ်ယောက်၏ ဘ၀တွင် မကြာခဏဆိုသလို အခြေအနေနှစ်ရပ်ကြားတွင် ရွေးချယ်ရခက် ဖြေရှင်းရခက်သော အခြေအနေများနှင့် ကြုံတွေ့ရလေ့ ရှိတာ အဆန်းတစ်ခုတော့ မဟုတ်ခဲ့ပါ..။ အမှားနှင့် အမှန်…။ အကောင်းနှင့်အဆိုး…။ ကိုယ်စီပြဌာန်းချက်များ သီးသန့်ရှိနေတတ်ကြပါတယ်…။ ဒါ ပေမယ့် လူတစ်ယောက်ဟာ ဒီလိုဆန့်ကျင်ဘက်နှစ်ခုရဲ့ ကြားမှာ ညပ်နေခြင်းဟာ သေသေချာချာပြန်စဉ်းစားကြည့်မယ်ဆိုရင် နောက်ထပ်လာမယ့် အခြေအနေတစ်ခုထက်စာရင် အများကြီးခံသာနေသေးပါတယ်…။ နောက်ထပ်လာမယ့် အခြေအနေဆိုတာ???? ဒီလို အမှန်အမှား ဝေခွဲဆုံးဖြတ်ရ တာ ထက်ပဲ ခက်ခဲတဲ့ အခြေအနေဆိုတာရှိနိုင်သေးလို့လား…? ရှိပါတယ်…။ အတိအကျကိုရှိနေပါတယ်…။ အဲ့ဒါကတော့ အမှန်တရား နှစ်ခုကြား မှာ ရွေးချယ်ရခြင်း Jeopardize ဖြစ်ခြင်းပဲ ဖြစ်ပါတယ်…။

လူတစ်ယောက်ဟာ အမှန်နှင့်အမှား၊ အကောင်းနဲ့အဆိုး ရွေးကြစတမ်းဆို မည်သူမဆို အမှန်ဘက်ကို ရွေးချယ်ကြမှာပါပဲ…။ ဒါဟာသိပ်ရိုးရှင်းပါ တယ်..။ သို့သော် အမှန်နှင့် အမှန်ကြားသို့ မထင်မှတ်ပဲ ကျွန်တော်တို့ ရောက်ရှိသွားကြသော အချိန်တွင်မူ…..။

အခန်း (၁)

“ရှင်ဘယ်တော့ ကျွန်မဆီ ငွေလွှဲမှာလဲ…? ဒီမှာ ကလေးတွေအတွက် ကျောင်းစရိတ်၊ ကျူရှင်စားရိတ်တွေ…အိမ်လခတွေက ရှင်းရတော့မယ်…။ ကုန်ဈေးနှုန်းတွေ ကလည်း ရှင်သိတဲ့အတိုင်းပဲ…။ အဲ့ဒါ လွှဲမယ်ဆိုရင် ဒေါ်လာဈေးလေးကောင်းတုန်း မြန်မြန်လွှဲဦး…”

Gtalk ခေါ် ခေတ်သစ် ဆက်သွယ်ရေး အချက်အချာနေရာတစ်ခုသူ ခြေချလျှင် ခြချင်းတစ်ဘက်မှ အဆက်မပြတ်ဝင်ရောက်လာသော ထိုးဖောက် တိုက်စစ်များကြောင့် သူဘာပြန်ပြောရမှန်းပင်မသိဖြစ်သွားပါတယ်….။

“ဟ…။ မင်းကလွန်လွန်းပြီထင်တယ်ကွာ…။ ငါဒီမှာ ပိုက်ဆံကို တွင်းထဲက နှိုက်ထုတ်ပြီးပေးနေတာမဟုတ်ဘူးကွ…။ သူများနိုင်ငံ…။ သူများလူမျိုး လက်အောက်မှာ ကျွဲလို၊ နွားလို ရုန်းကန်ပြီး ရှာဖွေနေရတာ…။”

“အိုး…။ ဒါကတော့ ရှင်က ယောက်ျားလေ၊ အိမ်ထောင်ဦးစီးလေ…။ ကိုယ့်မိသားစုကောင်းစားဖို့ ကြီးပွားတိုးတက်ဖို့အတွက် ကြိုးစားရမှာ ရှင့်တာဝန် ပဲ မဟုတ်ဘူးလား..။ ဒါဆိုရင် ရှင်ဘာလို့ မိန်းမယူထားသေးလဲ…?”

“မင်းလျှောက်မပြောနဲ့..။ ငါမင်းတို့ကို တာဝန်မယူချင်ရင် အစကတည်းက အခုလို ရေခြားမြေခြားကို ဒုက္ခခံပြီးလာနေစရာတောင်မလိုဘူး..။ အဲ့ဒါကို မင်းနားလည်…။ ငါအခုပြောနေတယ်ဆိုတာက မင်းကို အတိုင်းအတာလေးနဲ့ ချင့်ချင့်ချိန်ချိန် သုံးဖို့စွဲဖို့ ပြောနေတာ..။”

“ရှင်က ကျွန်မကိုအဲ့လို ပြောရအောင် ကျွန်မကဘာတွေလုပ်နေလို့လဲ…။ ရှင် တာဝန်မယူချင်တိုင်း ကျွန်မကိုလာမစွတ်စွဲနဲ့…”

“တောက်….။ မင်းကွာ..။ မင်းမို့အဲ့ဒီ့စကားပြောထွက်တယ်…။ ငါဒီမှာ အနှစ်နှစ်အလလ ကျွန်ခံပြီးရှာဖွေပေးခဲ့တဲ့ ငွေတွေမင်းဘာလုပ်ပြစ်လဲ မင်းသိတယ်..။ နှစ်လုံးဆိုလဲ မင်းပါတယ်…။ သုံးလုံးဆိုလဲ မင်းမလွတ်ဘူး…။ မင်းဘယ်လောက် ရှုံးခဲ့လဲဆိုတာမင်းအသိဆုံး…။ မင်းသာ လိမ္မာခဲ့မယ် ဆိုရင် အခုလိုအိမ်လခပေးနေဖို့မပြောနဲ့…။ ဒီအချိန်မှာ ငါပို့ပေးခဲ့တဲ့ ငွေနဲ့ ငါတို့မိသားစု ခြံနဲ့၊ ကားနဲ့ တင့်တင့်တယ်တယ်နေနိုင်နေပြီ…။ အခု မင်းကြည့်စမ်း…။ ငါ့မှာ ပလိုင်းပေါက်နဲ့ ဖားကောက်နေသလို ဖြစ်နေပြီ…။ ငါဒါတွေ ခဏခဏ ထပ်မပြောချင်ဘူးကွာ…။

“ဒါကတော့ ကျွန်မလဲ ကျွန်မနည်း ကျွန်မဟန်နဲ့ အဆင်ပြေမလားလို့ ကြိုးစားကြည့်တာပဲ…။ ကံကြမ္မာက မျက်နှာသာမပေးလို့ ဖြစ်သွားတာ ကျွန်မ လဲ ဘယ်တတ်နိုင်ပါ့မလဲ?”

“တော်စမ်းဘာကွာ…။ အေး ထပ်ပြောဦးမယ်..။ ငါရှာနေတဲ့ စီးပွားက ငါ့မိသားစုလေး သာယာဖို့..။ လူတန်းစေဖို့..။ လူအများကြားမျာ မျက်နှာမငယ် ပဲ တင့်တင့်တယ်တယ်လေး ဖြစ်ဖို့ရှာနေတာကွ…။ မင်းအမေတွေ..။ မင်းမောင်တွေ…။ ရှိရှိသမျှ မင်းအမျိုးတွေကို အိမ်ဦးခန်းတင်ပြီး ထမင်းကျွေး ထားဖို့မဟုတ်ဘူး…။ ငါဒီလိုပြောတော့…။ ငါလူမိုက်ဖြစ်ဦးမယ်..။ စေတနာမရှိဦးဖြစ်ဦးမယ်…။ အတိုင်းနဲ့အထွာနဲ့ မင်းမိသားစုကို မင်းထောက်ပံ့၊ မိဘကို ပြန်ကြည့်ရှုတာကို ငါမပြောလိုဘူး..။ အခုဟာက ရှိရှိသမျှ ချီးကအစ…။ သေးကအစ…။ တောက်…။ ငါမပြောလိုက်ချင်ဘူး…။ ပြီးရင်လဲ ကွယ်ရာကြ အပုပ်ချခံရသေး…။ ငါ့ဘ၀က “……သေးတယ်…….သေးတယ် ဆိုသလို ဖြစ်နေပြီ…။ မင်းကတော့ မင်းအမျိုးဆိုတော့ ဘယ်နာမလဲ..။ ကြာတော့ ဒီဒဏ်တွေ ငါမခံနိုင်တော့ဘူးကွ…။ မင်းတို့ သိပ်တရားလွန်ပြီ…။ ငါ့ကိုမကူညီရင်နေကြပါကွာ..။ တစ်မျိုးပြီး တစ်မျိုးစိတ်ဆင်းရဲအောင် တော့ မလုပ်ကြပါနဲ့…။ ငါတောင်းပန်ပါတယ်…။”

“ရှင်တရားလွန်လာပြီ..။ ကျွန်မမိဘတွေ…။ ဆွေမျိုးတွေကိုပါ ရှင်ကစွတ်စွဲတယ်ပေါ့လေ…”

“ဟူး…။ အေး…။ ပြောကွာ…။ ပြော….။ မင်းပဲပြောတော့…။ ငါမပြောတော့ဘူး….။ ငါ့သားသမီးလေးတွေ မျက်နှာသာမရှိခဲ့ရင် သိပ်ကောင်းမယ်ကွာ။ အခုတော့ ၀ဋ်ရှိသ၍ မင်းနဲ့ မင်းအမျိုးတွေ နှိပ်စက်သမျှ ၀န်ကိုထမ်းဖို့…။ ငါကျွန်သွားခံလိုက်ဦးမယ်..။ ဒါပဲကွာ…။ နောက်တစ်ခါအရေးအကြောင်း ရှိရင် ငါဖုန်းဆက်မယ်..။ အွန်လိုင်းလဲ လာမနေနဲ့တော့…။ မင်းလိုချင်တဲ့ ငွေ ငါပို့ပေးလိုက်မယ်….။ ဒါဆိုဖြစ်ပြီမလား..။ ပြန်တော့ကွာ….။”

“ဟူး…။”

သက်ပြင်းမောတစ်ခုနှင့်အတူ သူ စိတ်ပျက်လက်ပျက် ဆိုဖာပေါ်သို့ လှဲချလိုက်မိသည်…။

အခန်း (၂)

“တီ တီ တီ….။ တီ…တီ….တီ…။

ဖုန်းသံကြောင့် သူ ဆိုဖာပေါ်မှ ထကာ ဖုန်းကိုတစ်ချက်ကြည့်လိုက်သည်…။ အမှန်တွင် ဒီလိုအချိန်မျိုးတွင် သူမည်သူနှင့်မျှ စကားပြောလိုစိတ်မရှိပေ။ သို့သော်…။ ဒီ Call ကိုတော့ သူကိုင်မှ ဖြစ်မည်…။

“အင်း…။ ပြော….”

“ငါ့ကို ငါ့မိဘတွေက အိမ်ထောင်ပြုခိုင်းနေပြီ Darlin။ မင်းငါ့ကို လပ်မထက်နိုင်ဘူးဆိုရင် သူတို့စီစဉ်တာကို ငါလက်ခံရလိမ့်မယ်…။”

ကံကြမ္မာတို့မည်သည် ဆိုးပြီဆိုလျှင် အဖော်နှင့်အပေါင်းနှင့် အစုလိုက် အပြုံလိုက် ၀င်လာတတ်ကြစမြဲမှာထံးစံပင်ဖြစ်သည်..။ ထို့ကြောင့်လဲ  ခပ်နောက်နောက်ရှိသော ရှေးလူကြီးများမှ “ကြမ္မာဂြိုလ်စီး ကိုယ့်….မြွေထင်” ဆိုပြီး မဖြစ်သင့်တာ မဖြစ်ရလေအောင် သတိထားဖို့  အသိပေးဆုံးမခဲ့ ကြဟန်ရှိလေသည်။ သူအတွေးအာရုံတွေ ပို၍ရှုပ်ထွေးသွားသည်ကတော့ အမှန်ပင်…။ တစ်ခုခုကို သူဆုံးဖြတ်မှ ဖြစ်တော့မည်..။ သူ့အတွက် အချိန် သည် များများစားစားမရှိတော့ပေ…။

“ငါစဉ်းစားမယ်ကွာ…။ ငါ့ကိုအချိန်ခဏပေး…။ မနက်ဖြန် မင်းငါ့ဆီကိုလာတဲ့ အခါကြရင် ငါမင်းကို တစ်ခုခုပြတ်ပြတ်သားသား ဆုံးဖြတ်ပေးပါ့မယ်။”

ဒီတစ်ခါတွင်တော့ သူအရုပ်ကြိုးပြတ်ဖြစ်သွားခဲ့လေပြီ..။ ဆိုဖာပေါ်တောင် ပြန်မတက်လိုက်နိုင်တော့..။ ကြမ်းပြင်ပေါ်သာ လှဲချလိုက်မိတော့သည်။ ခန္ဓာကိုယ်တစ်ခုလုံးလဲ နေစရာနေရာမရှိ…။ ဘယ်လှိမ့်လိုက် ညာလှိမ့်လိုက်…။ မပဒါ မြေလူးတုန်းက ဒီလိုမျိုး လှိမ့်နေတာမျိုးဖြစ်နိုင်သည်…။ သူကတော့ မပဒါလောက်အခြေအနေမဆိုး…။ ကြမ်းပြင်က ကော်ဇောခင်းထားသဖြင့် အနည်းငယ်တော့ ပိုမိုသက်သာမည် ထင်သည်။ ဟိုဘက်လှိမ့် လိုက်..။ ဒီဘက်လှိမ့်လိုက်ဖြင့် ဆောက်တည်ရာမရဖြစ်နေတဲ့ သူ့ရဲ့ မျက်ဝန်းတစ်စုံဟာ အမှတ်မထင် ခုနလေးကတင် သူလှဲလျှောင်းခဲ့သော ဆိုဖာခုံ တွင် ရပ်တန့်သွားခဲ့သည်…။ တစ်ချိန်က ဒီနှစ်ယောက်ထိုင် ဆိုဖာခုံလေးသည်…။ ထို့နောက် သူ့အကြည့်တွေက ထမင်းစားပွဲသို့ရောက်သွားပြန် သည်…။ တစ်ချိန်က ထိုထမင်းစားပွဲသည်လည်း…။ ထို့နောက်…။ ထို့နောက်…။ သူ့အခန်းတစ်ခုလုံး ထို, ထို့နောက်များဖြင့် ပြည့်သွားသည်…။ သူ့အကြည့်တွေကို “ထို့နောက်” များဖြင့် လွတ်ကင်းအောင် မည်သည့်နေရာတွင်မှ ထားစရာမရှိတော့ပေ….။

သူဒီကို ရောက်ရှိခဲ့သည်မှာ ၅ နှစ်ကျော် ၆ နှစ်ခန့်ရှိနေပြီ ဖြစ်သည်။ သူချစ်သော ဇနီးနှင့် သား၊သမီးများ လူပုံအလည်တွင် တင့်တင့်တယ်တယ်နေ နိုင်ဖို့အတွက် သူကြိုးစားရုန်းကန်ဖို့ ရောက်ရှိလာခဲ့ခြင်းဖြစ်သည်…။ နေ့စဉ်နှင့်အမျှဆိုသလို အလုပ်ကို အလုပ်နှင့်တူအောင်ခိုင်းသော တိုင်းတပါး သားများ၏ လက်အောက်တွင် “မိသားစု” ဟူသော မျက်နှာတစ်ခုထဲဖြင့် သူ ကြိုးစားအားတင်းခဲ့ရသည်…။ ထိုသို့သော အထီးကျန်သည့် သူ့ရဲ့ ဘ၀ ထဲသို့ မထင်မှတ်သောအချိန်တွင်…။ မထင်မှတ်သောနေရာမှ နားလည်ဖေးမပေးမည့်သူတစ်ဦး ၀င်ရောက်လာခဲ့သည်။ သူ့ရဲ့ အလုံးစုံသော ခံစား ချက်တို့အား မျှဝေခံစားပေးခဲ့သည်။ နှစ်သိမ့်ဖြေဖျောက်စေခဲ့သည်…။ နူးညံ့နွေးထွေးစေခဲ့သည်…။ အကြင်နာတရားခေါင်းပါးသော သူ့ကန္တာရတွင် မစဲသော မေတ္တာမိုးကို ရွာသွန်းစေခဲ့သည်…။ ဒီလိုနှင့် သူ့နေ့ရက်တွေ ပြန်လည် စိန်းလမ်းလာခဲ့သည်…။ လှစ်လပ်နေသော ကွက်လပ်တစ်ခုအား အတိအကျ မဟုတ်တောင် သူအနီးစပ်ဆုံး ဖြည့်ဆည်းနိုင်ခဲ့သည် ဟု သူထင်မှတ်ခဲ့သည်..။ ဒီလိုနှင့် တစ်နှစ်…။ နှစ်နှစ်…။ သုံးနှစ်…။ လေးနှစ်….။

အခုချိန်မှာတော့ သူ့ရဲ့ခြောက်သွေ့ကန္တာရအတွင်း အဆက်မပြတ်ရွာသွန်းခဲ့သော မိုးတို့သည် မကြာခင်တွင် တိတ်တော့မည့်အကြောင်းကို မိုးခေါင် သံတို့ဖြင့် သတိပေးလေပြီ..။ သူမသည် သူ့ရဲ့အကြောင်းစုံကို သိရှိသော်လည်း အရာအားလုံးကို နားလည်ခွင့်လွှတ်ပေးခဲ့သည်..။ သူမသည်လည်း သူ့လိုပင် မိဘဆွေမျိုး၊ သူငယ်ချင်းများ၏ မေတ္တာတရားတို့ ဖြင့်ကင်းဝေး၍ ဒီနေရာကိုရောက်ရှိနေခြင်းဖြစ်သည်…။ ထို့ကြောင့် သူ့တွင်မည်သို့ သော အကြောင်းအရာများရှိနေစေကာမူ သူမသည် သူ့ထံမှရရှိသော မေတ္တာတရားတို့၏ အင်အား..။ အကြင်နာတရားတို့၏ အကာအကွယ်ဖြင့် သူ့ရဲ့ အခြားသော နောက်ခံအခြေအနေများကို မသိကျိုးကျွံ့ပြုပေးခဲ့သည်။ သူမသည်လည်း သူမ တတ်နိုင်သလောက် သူ့နည်းသူ့ဟန်ဖြင့် သူ့ အား အစွမ်းကုန် ပြုစုယုယခဲ့သည်…။ သူ့အတွက် သူမ၏ အသွေးအသားသာမက သူမ၏ နုလုံးသားကိုပါ ကြည်ဖြူနားလည်စွာ ပေးအပ်ခဲ့သည်။

“ရှင် ကျွန်မကို လက်မထပ်နိုင်ဘူးဆိုတာ ကျွန်မသိပါတယ်..။ ဒါပေမယ့် တစ်ခါတစ်လေတော့လဲ ကျွန်မ ရူးရူးမိုက်မိုက် မျှော်လင့်မိတယ်”

သူမရဲ့ စကားသံတွေသည် သူ့ရဲ့ ခံစားတတ်သော နုလုံးသားနားစည်အား အဆက်မပြတ် တုန်ခါစေခဲ့သည်။

“ကျွန်မတို့ အတူတူကြိုးစားပြီး ဘ၀သစ်တစ်ခုကို ထူထောင်ကြမယ်လို့ ရှင့်ကိုပြောဖို့ ခဏခဏကြိုးစားခဲ့ပေမယ့်…။ ကျွန်မသာ အဲ့လိုပြောလိုက်ရင် ရှင့်ရဲ့ ယောကျာ်းပီသတဲ့စိတ်ဓာတ်နဲ့ ရှင့်မိသားစုအပေါ်ထားရှိတဲ့ ရှင့်ရဲ့ သစ္စာတရားကို ချိုးဖောက်ဖို့ မြူဆွယ်ဖျားရောင်းရာ ရောက်သွားမှာပဲဆိုပြီး စဉ်းစားမိတိုင်း ကျွန်မပြောမ ထွက်ခဲ့ဖူး Darlin “

သူမဘာကြောင့် သူ့အပေါ် ဒီလောက်တောင် နားလည်ခွင့်လွှတ်ပေးနိုင်ခဲ့ရပါသလဲ…။ လောကမှာ ဘာမှမမျှော်လင့်သော ပေးဆပ်မှု…။ သို့မဟုတ် မိမိရဲ့ပေးဆပ်မှုရှိသော်လည်း ထိုပေးဆပ်မှုအတွက် ရင်ထဲမှာရှိနေတဲ့ မျှော်လင့်ချက် အလင်းတန်းတစ်ခုကို ကိုယ့်ချစ်သူ စိတ်သောကရောက်ရမည့်  အရေးကိုစိုး၍ တရားဝင်ထုတ်ဖော်ခြင်းမရှိပဲ ကိုယ်ချစ်တဲ့သူအတွက် အနစ်နာခံသိမ်းဆည်း မြိုသိပ်ကာ ပေးဆပ်ရဲတဲ့ သူတွေရှိကြောင်းကို သူမက သက်သေခံခဲ့လေသလော….? သူတို့လူမျိုးဓလေ့ထုံးတမ်းစာလာအရ အသွေးအသားဆိုတာ အလေးထားစရာမဟုတ်လို့ပဲနေမှာပေါ့ ဆိုတဲ့ အတွေး မျိုးကိုတော့ သူ့စိတ်ကူးထဲ တစ်ခါမှပင် ၀င်ရောက်ခဲ့ခြင်းမရှိတာကိုတော့ သူ့ကိုသူ ယုံကြည်လေသည်။ ဒီလိုအတွေးမျိုးကို တွေးခဲ့မယ်ဆိုရင်လည်း သူဟာ တကယ်ကို အသုံးမကျသည့် မေတ္တာတရားရဲ့ တန်ဖိုးမထားတတ်သည့် သူတစ်ယောက်အဖြစ် မိမိကိုယ်မိမိ တစ်သက်လုံးအရှက်ရသွား စေနိုင် ပါတယ်..။

ဒါပေမယ့် သေချာတာတစ်ခုကတော့ ဒီအချိန်ဟာ သူတွေဝေနေဖို့ လုံးဝမဟုတ်တော့ဖူးဆိုတာပါပဲ…။ သူမျက်ဝန်းတွေကို မှိတ်လိုက်သည်…။ ပေါ်လာသော ပုံရိပ်တွေကို တတ်နိုင်သမျှ ကြိုးစားဖယ်ရှားလိုက်မိသည်…။

အခန်း (၃)

“Darlin…”

ခေါ်သံနှင့်အတူ…။ သူမသည် ကြမ်းပြင်ပေါ်တွင် အိပ်ပျော်နေသော သူ့ရဲ့ဘေးသို့ အသာဝင်လှဲလျှောင်းလိုက်ပါတယ်။ သူခေါင်းကိုစောင်းကာ သူမ ဘက်သို့ လှည့်ကြည့်လိုက်တော့ သူ့အား စူးစိုက်ကာ ကြည့်နေသော သူမရဲ့မျက်ဝန်းအစုံက သူ့အားစောင့်ကြိုလျှက် ရှိနေပါတယ်..။ သူမရဲ့ မျက် ၀န်းတွေထဲမှာ စကားလုံးများစွာကို သူတွေ့ရှိနေရပါတယ်…။ တစ်လုံးချင်းရဲ့ အဓိပ္ပါယ်…။ တစ်ကြောင်းခြင်းရဲ့ အဓိပ္ပါယ်…။ အားလုံးအားလုံး၏ အဓိပ္ပါယ်ကို လေးနှစ်ကျော် ကျက်စားခဲ့သော သူ့ရဲ့နုလုံးသားက ကောင်းမွန်စွာ ဘာသာပြန်နိုင်ခဲ့ပါတယ်…။ သူမသည်လဲ သူ့မျက်ဝန်းထဲမှ စကား လုံးများအား အတိအကျ ပုံဖော်နိုင်မည်ဆိုတာကို သူသိပြီးသားဖြစ်ပါတယ်…။

“Darlin ငါ့ကို…”

သူ…။ သူမရဲ့ နှတ်ခမ်းအစုံကို သူ့လက်ညှိုးဖြင့် အသာအယာဖိကပ်ရင်း ဆက်မပြောဖို့ ထားဆီးလိုက်ပါတယ်…။

“ဒီအချိန်မှာ ဘာမှမပြောကြတာအကောင်းဆုံး ဖြစ်မယ်ထင်ပါတယ် Victoria “

သူမရဲ့ မျက်ဝန်းမှ မပြောဖြစ်သော စကားလုံးအချို့ ပါးပြင်တစ်လျှောက်စီးဆင်းလာတာကို သူငေးကြည့်နေရုံကလွဲပြီး သူ့မှာဖြေသိမ့်စရာ ဘာသာစ ကားရှားပါးခဲ့ပြီ ဖြစ်ပါတယ်…။

“မင်းဘာကို ဆုံးဖြတ်လိုက်လဲ ငါအရမ်းသိချင်တယ် Darlin …။ ငါမင်းနဲ့ ပတ်သတ်ပြီး တစ်ခါမှ မမျှော်လင့်ခဲ့ဖူးပါဘူး..။ ဘာလို့လဲဆိုတော့ ငါ့မျှော်လင့်ခဲ့တဲ့ မျှော်လင့်ချက်လေးတစ်ခု ဖြစ်လာခဲ့ရင်ဆိုတာထက်..။ ပျက်စီးသွားခဲ့ရင်ဆိုတဲ့ အတွေးက ငါ့စကားလုံးတွေကို အမြဲတမ်းစွံ့ အစေခဲ့တယ်လေ။ ဒီတစ်ခါတော့ ပထမဆုံးနဲ့ နောက်ဆုံးအနေနဲ့ ရူးမိုက်စွာ ငါမျှော်လင့်မိတယ်။ ဒါပေမယ့် ငါသိတယ်…။ ငါကျဆုံးရတော့မယ် ထင်ပါရဲ့ Darlin”

“ငါဘာမှ ပြောရသေးတာမှ မဟုတ်တာ Vitoria ရယ်..။ မင်းမထင်မှတ်တာတွေ ဖြစ်လာနိုင်ပါသေးတယ်…” သူတတ်နိုင်သမျှ ကြိုးစားပြုံးပြီး အားပေးမိသည်။

“ဒါပေမယ့် တစ်ခုတော့ မင်းသိအောင် ငါ့ကိုပြောပြခွင့်ပေးပါ…။ မင်းဘယ်လိုပဲ ဆုံးဖြတ် ဆုံးဖြတ် ငါကြေနပ်တယ်ဆိုတာကိုတော့ မင်းကိုသိစေချင် တယ်..။ ငါအနေနဲ့ကတော့  ဖြစ်မလာသေးတဲ့ အနာဂတ်တစ်ခုအတွက် ကြိုတင်ကြေကွဲမယ့်အစား..။ ငါတို့အတူရှိခဲ့တဲ့အချိန်တွေဟာ ဘုရားသ ခင်ရဲ့ နူးညံ့သော မေတ္တာတရားတွေနဲ့ လွှမ်းခြုံစေခဲ့တဲ့ လက်ဆောင်တစ်ခုပါပဲ…။ ငါတို့ ဒါကို တန်ဖိုးထားကြရမယ် မဟုတ်လား..? မင်းတို့ ဘာသာ တရားကလည်း ငါတို့နှစ်ယောက်ရဲ့ အပြစ်ကို ခွင့်လွှတ်ပေးမယ်လို့ ငါယုံကြည်ပါတယ်..။”

သူမစကားများ ဆက်ပြောနေသည်သကို သူမရဲ့ နှုတ်ခမ်းတွေလှုပ်ရှားနေခြင်းကို ကြည့်ခြင်းအားဖြင့် သူသိနေပါသည်..။ သို့သော်သူ့ရဲ့ အကြား အာရုံတွေကတော့ သူမရဲ့ မျက်ဝန်းတွေမှ စကားလုံးများမှလွဲ၍ မည်သည့်စကားလုံးကိုမှ ကြားနိုင်စွမ်းမရှိခဲ့ပေ…။ သူ့ရဲ့အမြင်တွေသည်လည်း တဖြေးဖြေးေ၀၀ါးလာခဲ့သည်…။ သူ့ရဲ့ ဆုံးဖြတ်ချက်တို့သည်လည်း နုလုံးသားစစ်မြေပြင်တွင် အလဲလဲအကွဲအကွဲ..။ သူမရဲ့မျက်ဝန်းတွေသည် ပြင်းထန်သောစွဲအားများဖြင့် သူ့ရဲ့ နုလုံးသားကို ရစ်ပတ်နေကြလေပြီ..။ သူ..။ ခန္ဓာကိုယ်တစ်ခုလုံး ပေါက်ကွဲထွက်သွားမတတ်ပင်..။ အခုချိန်ထိ ဘာကိုမှ သူပြတ်ပြတ်သားသား မဆုံးဖြတ်နိုင်သေးပေ…။ သူ့ရဲ့အကြားအာရုံထဲ ပထမဆုံး ပြန်လည်ဝင်ရောက်လာသော အသံတစ်ခုမှာ…။

“ငါ ပြန်တော့မယ် Darlin…”

သူမအား စိုက်ကြည့်နေရုံမှလွဲ၍ သူဘာမှပြန်မပြောဖြစ်…။ သို့သော် နှစ်ဦးစလုံး၏ ခြေလှမ်းများကတော့ အိမ်တံခါးဆီသို့သာ ဦးတည်နေပါတယ်။

“ဒုံး…..ခွမ်း………” ရုတ်တရက် ပေါ်ပေါက်လာသောအသံကြောင့် နှစ်ဦးသား အသံလာရာဆီသို့ အလန့်တကြားကြည့်လိုက်ပါတယ်..။ သူမွေးထား သော ကြောင်လေးသည် ဆော့ကစားရင်း စားပွဲပေါ်မှ တစ်စုံတစ်ခုအား တိုက်ချလိုက် သဖြင့် ကျကွဲသွားသော အသံဖြစ်သည်။သူ သက်ပြင်းတစ်ခု ခပ်တိုးတိုးချလိုက်မိပါတယ်…။

နှစ်ဦးသား ထိုမြင်ကွင်းမှ အကြည့်များကိုပြန်လွှဲလိုက်သည်..။ သူမသည် စလင်းဘတ်အိတ်ထဲမှ သော့တွဲကိုထုတ်ကာ သူမအတွက်ပေးထားသော သော့ဖြင့် အိမ်ခန်းတံခါးအား ဖွင့်လိုက်ပါသည်…။ အပြင်တွင်ကား ဆောင်းသည် အေးချင်တိုင်း အေးလို့နေပါတယ်…။

“Darlin ရှင့်ဆုံးဖြတ်ချက် ကျွန်မကိုမပြောရသေးဘူးနော်”

သူဘာမှ ပြန်မပြောမိပါ….။ သူမလက်ထဲမှ သော့တွဲကိုသာ လေးကန်သော လက်များဖြင့် သူအသာအယာလှမ်းယူလိုက်မိသည်..။ ဒီသော့တွဲလေး သည် သူတို့နှစ်ယောက် တစ်ဦးကို တစ်ဦးနားလည်မှု စတင်ရရှိခဲ့သောနေ့က သူ့အခန်းသော့တူ တစ်ချောင်းနှင့်အတူ သူမအားလက်ဆောင်ပေးခဲ့ သော သော့တွဲလေးဖြစ်ပါတယ်…။

“Good Bye, Victoria”

ကြေကွဲစို့နင့်မှုတွေနဲ့ ပြည့်ဝနေသော သူ့ရဲ့နှုတ်ဆက်သံနှင့်တူ…..။ သူ….။ သော့တွဲမှ သူ့အခန်းသော့ကို ဖြုတ်ယူပြီး သော့တွဲအား သူမ၏ လက် အတွင်းသို့ လက်နှစ်ဖက်ကို တင်းကြပ်စွာ ဆုပ်ကိုင်ရင်း ပြန်လည် ထည့်ပေးလိုက်ပါတယ်…။

“ငါ့ကိုခွင့်လွှတ်ပါ Vitoria…” စိတ်ထဲမှသာ သူတောင်းပန်စကားဆိုဖြစ်ခဲ့သည်…။ ကန္တာရတွင် မိုးစဲ ခဲ့လေပြီ….။

ဇာတ်သိမ်း

သူလေးလံသော ခြေလှမ်းများဖြင့် စားပွဲရှိရာသို့ လျှောက်လာခဲ့သည်..။ ထို့နောက် စားပွဲအောက်တွင် ကျကွဲနေသော အရာလေးအား ကောက်ယူ ကာ သူ့လက်ထဲတွင် တင်းကြပ်စွာ စုပ်ကိုင်ထားလိုက်မိသည်…။ တစ်ဖြေးဖြေးစီးကျလာသော သူ့လက်မှ သွေးစီးချောင်းနှင့်အတူ သူ့စိတ်ထဲတွင် တော့…။

သူ့သမီးလေး၏ ဓာတ်ပုံထည့်ဖို့အတွက် Photo Stand အသစ်တစ်ခု မနက်ဖြန်ဝယ်ရလေဦးမည်…..။

P.S- Dedicated To….

]]> http://www.blackdream21.com/2009/04/09/dreamon/feed/ 21 http://www.blackdream21.com/2009/03/07/primate-dream/ http://www.blackdream21.com/2009/03/07/primate-dream/#comments Sat, 07 Mar 2009 18:13:23 +0000 BLACK DREAM http://www.blackdream21.com/?p=514 လက်တွေ တဆတ်ဆတ်တုန်နေပုံများ…။ အိမ်မြှောင်ဥတွေပဲ အပြွတ်လိုက် ကိုင်ထားမိသလိုလို..။ ဒါမှမဟုတ် နေညိုချိန် လေမပြိုရလို့လိုလို…။ ဘာလိုလို…။ ညာလိုလိုနဲ့…။ မသိတဲ့သူတွေတွေ့ရင် တစ်မျိုးတောင်ထင်သွားနိုင်တယ်…။ သေသေချာချာ ပြန်စဉ်းစားတော့ လက်တင်ဘယ်ဟုတ် မလဲ…။ ခန္ဓာကိုယ်တစ်ခုလုံး မိုးကြိုးပဲ အတွဲလိုက် အပြစ်ခံထားရသလား..။ ဒါမှမဟုတ် ဗို့ဒ်အား တစ်သောင်းလောက်ရှိတဲ့ ဓာတ်များလိုက်ထား သလား…။ ဒါမှမဟုတ် အမေဂျမ်း သို့မဟုတ် ကိုကြီးကျော်များ ၀င်ပူးနေသလားထင်ရအောင် တတုန်တုန်တရင်ရင်…။ တစ်စုံတစ်ယောက်ကများ အဝေးက လှမ်းကြည့်လိုက်မယ်..။ ဒါမှမဟုတ် အမှတ်တမဲ့ လှမ်းကြည့်လိုက်မယ်ဆိုရင်..။ အဲ့ဒီ့တုန်းက ကျွန်တော့်ပုံက အိမ်မြှောင်ရှော့ရိုက်ခံထားရ တဲ့ ပုံမျိုးဖြစ်နေနိုင်ပါတယ်..။

တကိုယ်လုံးတုန်နေတာထက် အဆိုးဆုံးက…။ ရင်ဘတ်ထဲမှာ နိုင်ငံတော် စစ်တီးဝိုင်းကြီးပဲ တီးနေသလား..။ ဒုတိယကမ္ဘာစစ်တုန်းက အာဖရိကမှာ အင်္ဂလိပ်တွေကိုတိုက်ဖို့ အာဆင်ရွမ်းမဲရဲ့ တင့်ကားတပ်မကြီပဲ ချီလာသလားအောက်မေ့ရအောင် ရင်ဘတ်တစ်ခုလုံး တဒုန်းဒုန်းနဲ့…။ အခုနေများ အရုပ်ကြိုးပြတ်ဆိုသလိုလဲကျသွားရင် အမေရိကန်က Twin Tower ပြိုတာထက် ပိုပြီး ရုပ်ပျက်စင်းပျက်နိုင်ပြီး ပိုးစိုးပက်စက်ဖြစ်မှာကတော့ အသေအချာပါပဲ..။ တဂုတ် ဂုတ် မြည်နေလို့ ခွေးဝဲစားတစ်ကောင်များ ဘေးနားလာ အရိုးကိုက်နေလားဆိုပြီး အောက်ငုံကြည့်တော့…။ အမောင် ဒူးခေါင်းနှစ်လုံးက တစ်စက္ကန့်ကို အကြိမ်တစ်သန်းနှုန်းလောက်နဲ့ ဒူးတိုက်ဆွေးနွေးပွဲလုပ်နေလို့ အသံထွက်နေခြင်းသာ…။ မယုံမရှိနဲ့ ဗန္ဓုလသွေး အပြည့်ပါတယ်..။

“ဟေ့ရောင်…။ အူကြောင်ကြောင်လုပ်မနေနဲ့…။ လုပ်စရာရှိတာ အမြန်လုပ်…။ အချိန်မရဘူး…။ တော်ကြာအားလုံး ပြန်လာကုန်လို့ သမခံနေရမယ်”

“အေး..။ အေးပါကွာ…။ ငါအရှိန်ယူနေပါတယ်…”

“အေး အရှိန်ယူနေတယ်ဆိုလဲ မြန်မြန်ယူကွာ…။ တော်ကြာ မင်းနဲ့ပေါင်းမှ ငါပါ ဆွမ်းကြီးလောင်းခံရတဲ့အထဲ ပါနေဦးမယ်…။”

ဟုတ်ပါတယ်..။ ကျွန်တော့်သူငယ်ချင်းပြောလဲ ပြောစရာပါပဲ…။ ကွန်တော် တစ်ကိုယ်တော် နတ်ကနားပွဲကနေတာ တော်တော်ကြာပါပြီ..။ ကျွန်တော့် သူငယ်ချင်း လှမ်းသတိပေးလိုက်မှ ရွမ်းမဲရဲ့ တင့်ကားတပ်မကြီးက ပိုပြီးအရှိန်ပြင်းထန်လာပုံရပါတယ်…။ သူပြောတာလဲ မှန်တော့မှန်သည်…။ တစ်ကယ်ဆို လှုပ်ရှားဖို့ အချိန်ကသိပ်ရသည်မဟုတ်..။ အခြေအနေပေးတုန်း..။ အချိန်အခါပေးတုန်းလေး လှုပ်ရှားရတာ..။ နောက်တစ်ခါ ဒါမျိုး အခွင့်အရေးရဖို့ဆိုတာက သိပ်မသေချာ…။ တစ်ဘက်မှာလည်း အဆက်အသွယ်တွေရဲ့ ထောက်လှမ်းသတင်ပေးမှုအရ ကိုယ့်အတွက် သေချာ ပေါက် အခွင့်အရေးတစ်ခု အပိုင်ရရှိနေပြီးသားပါ…။ ကိုယ့်ဘက်မှာကလည်း အခြေအနေက တော်တော်လေး မျက်နှာသာပေးနေတယ်  ဆိုတာ ကျွန်တော်ကိုယ်တိုင်လဲ သိနေပါတယ်…။ ဒီလို ကြိတ်မနိုင်ခဲမရ ဖြစ်နေတဲ့ အချိန်ဟာ ခန့်မှန်းခြေ အားဖြင့်  မိနစ် ၃၀ ၊ ၄၅ မိနစ်လောက်ရှိနေ ပြီဖြစ်ပါ တယ်..။

“ဟေ့ရောင်…ကိုထက်…။ ဖြစ်ပါ့မလားကွာ…။ တော်ကြာ အကုန်ဒုက္ခရောက်ကုန်မယ်နော်…။ လက်ရှိရထားသလောက်ကလေးနဲ့ပဲ ကျေနပ်လိုက် ရင်ကောင်းမယ်ထင်တယ်…။ အလိုကြီးအရနဲတဲ့နော်….။ “

“ကိုဦး..။ မင်းဘာသွေးကြောင်နေတာလဲ…။ ငါတို့ထဲမှာ မင်းလက်ရဲ ဇက်ရဲအရှိဆုံး..။ အခုမှ ဘာတွေသွေးပျက်နေတာလဲကွာ..။ ကိစ္စဖြတ်စရာရှိ မြန် မြန်ဖျက်ကွာ…။ ဒီနေ့မှ ဒီကိစ္စ အပြတ်မရှင်းနိုင်ရင် နောက်နေ့ဆိုတာမရှိတော့ဘူးနော်..။ မင်းလဲအဲ့ဒါသိရဲ့သားနဲ့…”

“သိတော့ သိတာပေါ့ကွာ..။ ငါလဲ ဒီလောက်ပိုင်တဲ့ အခွင့်အရေး ဘယ်လက်လွတ်ခံချင်ပါ့မလဲ…။ ဒါပေမယ့်…”

“ဒါပေမယ့် မနေနဲ့ကွာ…။ အချိန်မရှိတော့ဘူးကွ…။ မင်းလုပ်စရာရှိတာလုပ်လိုက်လို့ ဘာမှမဖြစ်ဘူး..။ အေး..။ မင်း လုပ်စရာရှိတာကို မလုပ်တော့မှ အစီအစဉ်တွေ အားလုံးပျက်ပြီး အကုန် ဒုက္ခရောက်ကုန်မှာ…။ ငါတို့ရထားတဲ့ သတင်းက အတိအကျပဲကွာ…။ မင်းဘာစိုးရိမ်စရာ လိုလို့လဲ”

“ဖူး….။ အေးကွာ…။ ချမယ်..။”

ကျွန်တော် နောက်ဆုံး ထွက်သက်တစ်ခုကို ခပ်ပြင်းပြင်း မှုတ်ထုတ်လိုက်ပြီးတဲ့အချိန်မှာ လက်တွေက ခလုတ်တွေပေါ် လျှင်မြန်စွာလှုပ်ရှားလိုက်ပြီး ဖြစ်သွားပါတယ်..။ ဒီအထိအမှားအယွင်းမရှိ..။ Digital ဒိုင်ခွက်တွေပေါ်မှာ ပေါ်နေတဲ့ နံပါတ်တွေ ပြန်စစ်ကြည့်လိုက်တော့ တစ်လုံးမှ အမှားအယွင်း မရှိ..။ တကယ်တမ်းမှာလဲ တစ်လုံးမှ လွဲချော်သွားလို့မဖြစ်ပေ..။ တစ်စုံတစ်ခုသော နံပါတ်တစ်ခုမှားယွင်းသွားပါက ကျွန်တော်တို့အတွက် အစက ပြန်စဖို့ အခွင့်အရေးဟာ ရရှိနိုင်တော့မှာ မဟုတ်ပါဘူး..။ ဒီခလုတ်တွေရဲ့ နောက်…။ အခြားတစ်ဘက်မှာ ကျွန်တော့်အတွက် တစ်စုံတစ်ခုဟာ မျှော် လင့်ချက်ကြီးမားစွာနဲ့ တည်ရှိနေပါတယ်..။

တကယ်တော့ ဒါဟာ ကျွန်တော့်ဘ၀မှာ ပထမဆုံး စွန့်စားခဲ့ဖူးခြင်းသာ ဖြစ်ပါတယ်..။ ဒီအလုပ်ကို ကျွန်တော် တတ်နိုင်သမျှမလုပ်ချင်ပါဘူး..။ ဒါပေမယ့် နောက်ဆုံးမှာ ကျွန်တော့်ရဲ့ စိတ်တွေကို ဘယ်လိုမှ ချုပ်ထိန်းနိုင်ခြင်းမရှိတော့ပါဘူး..။ ကျွန်တော် ဒီလုပ်ရပ်အတွက် လုပ်သင့်မလုပ်သင့် စဉ်းစားခဲ့ရတဲ့ အကြိမ်ပေါင်းလဲ မနဲတော့ပါဘူး..။ ဘာကြောင့်လဲ ဆိုတော့ ကျွန်တော့်လုပ်ရပ် တစ်ခုရဲ့ အခြားတစ်ဘက်မှာ မျှော်လင့်ထားတာတွေ ဖြစ်လာနိုင်သလို…။ မမျှော်လင့်ထားတာတွေလဲ ဖြစ်နိုင်နေတယ်ဆိုတာကို ကျွန်တော်သေသေချာချာ သိနေခဲ့လို့ ဖြစ်ပါတယ်..။ မျှော်လင့်ထားတဲ့ အတိုင်း ဖြစ်လာခဲ့ရင်ဆိုတဲ့ အတွေးထက်..။ မမျှော်လင့်တာတွေ ဖြစ်လာခဲ့ရင် ကျွန်တော်ပေးဆပ်လိုက်ရမယ့် အရာတစ်ခုဟာ ကျွန်တော့်ဘ၀က လွဲ ပြီး ဘာမှမရှိနိုင်တော့ပါဘူး…။ ဒါပေမယ့် ဘာမှမလုပ်ရင် ဘာမှ ဖြစ်မလာဘူးဆိုတဲ့ သဘောတရားအတိုင်း အကောင်းဆုံးကို မျှော်လင့်ပြီး အဆိုးဆုံး အတွက် ရင်ဆိုင်ဖို့ ကျွန်တော် မိမိကိုယ်ကိုသာ အားပေးလိုက်မိပါတယ်…။

“ကိုဦး…။ အခြေအနေ…။ ဘယ်လိုလဲ..?”

“နံပါတ်တွေတော့မှန်သွားပြီ…။ မင်း ပတ်ဝန်းကျင်ကိုလဲ သေသေချာချာကြည့်ထားဦး…။ ငါဒီမှာ ဆက်လုပ်ရှားမယ်..။”

“အေးပါ..။ ငါသေသေချာချာကြည့်ထားမယ်..။ အဲ့ဒီ့အတွက် မင်းစိတ်မပူနဲ့…။ မင်းသာ လုပ်စရာရှိတာကို တစ်ဆင့်ခြင်း စိတ်အေးအေးနဲ့ အောင်မြင် အောင်လုပ်…။ ကျန်တာ ငါ့တာဝန်ထား..”

” အိုကေ..”

ပြောသာပြောနေရတယ်..။ လူတစ်ကိုယ်လုံးက ဇောချွေးတွေနဲ့ ရွဲနစ်နေပါပြီ..။ အခုကျွန်တော် ပြန်ပြောနေတဲ့ အချိန်မှာသာ အဖြစ်အပျက်က ကြာသ လိုလို ရှိနေပေမယ့်..။ အပြင်မှာ ဖြစ်ပျက်ခဲ့တဲ့ အဖြစ်အပျက်တွေကတော့ သိပ်ကို လျှင်မြန်ပြီး အသဲတယားယားရှိလှပါတယ်..။ တစ်ခုလိုခြင်ရင် အနဲ ဆုံးတစ်ခုတော့ စတေးကြရဲစမြဲပါ..။ တစ်ချို့ကိစ္စတွေမှာတော့ အရင်းကြီးသလောက် အမြတ်အရနဲတတ်ပါတယ်..။ ကျွန်တော့်အတွက်တော့ သိပ် များများ စားစားမမျှော်လင့်ထားတာ အမှန်ပါ..။ ဒီလုပ်ရပ်တစ်ခုအတွက် ကျွန်တော်ပေးဆပ်လိုက်ရ၊ စတေးလိုက်ရတာနဲ့ ဆတူလောက် ပြန်ရရင် ကျွန်တော်ကျေနပ်ပါတယ်..။

လွင့်နေတဲ့ စိတ်တွေကို ကျွန်တော် အမြန်စုစည်းပြီး ခန္ဓာကိုယ်တစ်ခုလုံးမှာရှိတဲ့ အသိတရားတွေ သတိတွေအကုန်လုံးကို ကျွန်တော့်ရဲ့ အကြားအာရုံ တစ်ခုထဲမှာ စုစည်းလိုက်ပါတယ်..။ ဒီအချိန်က သိပ်ကိုအရေးကြီးနေပြီ ဖြစ်ပါတယ်..။ ကျွန်တော် ကြိုတင်ပြင်ဆင်ခဲ့တဲ့အရာတွေကို တစ်ဆင့်ခြင်း စနစ်တကျ မှန်ကန်စွာ လုပ်သွားဖို့ သိပ်ကိုအရေးကြီးပါတယ်..။ အထစ်အငေ့ါတစ်ခုခု သို့မဟုတ် လွဲချော်မှုတစ်ခုခုဖြစ်သွားပါက ကျွန်တော့်ကြိုးစား မှုတွေအားလုံး သဲထဲရေသွန်ဖြစ်ကုန်မှာ သေချာပါတယ်..။ ဒီအခြေအနေရောက်မှတော့ ပေါက်တဲ့နဖူး မထူးဇာတ်ခင်းရုံကလွဲပြီး ကျွန်တော့်မှာ အခြားရွေးစရာ လမ်းမရှိတော့ပါဘူး..။ ကျွန်တော့်ရဲ့ နောက်ဆုံးကြိုးစားမှုကို အတည်ငြိမ်ဆုံးနဲ့ အလှပ အသေသပ်ဆုံး အဆုံးသတ်နိုင်ဖို့ သာလျှင် ကျွန်တော့်ရဲ့ နောက်ဆုံး ထွက်ပေါက်တစ်ခုဖြစ်နေပါတော့တယ်…။

“တီ တီ…..။ တီ တီ….။ တီ တီ….။”

ကျွန်တော့်ရဲ့ တစ်ခုတည်းသော ထွက်ပေါက်အတွက် ပထမဆုံး တစ်ခါးတစ်ချပ်တော့ ပွင့်သွားပြီ ဖြစ်ပါတယ်။ နောက်ထပ် ကျွန်တော်ဆက်လုပ်စရာ အဆင့်တွေ သိပ်မကျန်တော့ပါဘူး…။ နောက်ထပ် ကျွန်တော် တံခါးတစ်ချပ်သာဖွင့်ဖို့ ကျန်ပါတော့တယ်..။ ဒီနောက်ဆုံးတံခါး တစ်ချပ်ရပ် တစ်ဘက်မှာ ကျွန်တော့်မျှော်လင့်ချက်တွေကို ကျွန်တော်ခပ်ရေးရေး မြင်နေရပါပြီ..။ ကျွန်တော့်အသိအာရုံတွေကို အရင်ကထပ်ပိုပြီး စုစည်းလိုက်ပါ တယ်..။ ကျန်နေတဲ့ တံခါးတစ်ချပ်ဟာလဲ နောက်ဆုံးအဆင့် ဖြစ်သည့်အလျှောက် အခက်ခဲဆုံး ဖြစ်နေနိုင်မည်ဆိုတာကို ကျွန်တော် ကြိုတင်မှန်းဆ ထားပြီးသားပါ..။ နောက်ဆုံး တံခါးတစ်ချပ်ရဲ့ စစ်ကြေငြာသံကို ကျွန်တော်ကြားလိုက်ရပါပြီ….။

“ဟဲလို…မေနှင်းပါ။”

“ငါ ကိုဦးပါ..။ ငါ နင့်ကိုအရမ်းချစ်တယ်ဟာ….။ နင်ငါ့ကို ချစ်တယ်ဆိုရင် မနက်ဖြန်ကျောင်းနောက်ဆုံးနေ့မှာ နင့်အတွက် ငါမွေးနေ့လက်ဆောင် ပေးခဲ့တဲ့ ရင်ထိုးလေး ထိုးခဲ့ပါနော်…။”

“ဂလောက်…”

“ဟေးးးးးးးးးးးးးးးးးးးးးးးးးးးးးးးးးးးးးး!!!!!!!!!!!!!!!!!!!!!!!!!!!”

ကျွန်တော့်ဘေးမှ အမြှီးမလှုပ်၊ နားရွက်ကုတ်ကာ နားထောင်နေကြသော ကျွန်တော့်သူငယ်ချင်းများ ကျွန်တော့်ကိုမချီကာ ခြံထဲပြေးဆင်းပြီး အတူ တကွ အောင်ပွဲခံကြပါတော့တယ်…။

နောက်ဆုံးတစ်ခါး တစ်ချပ်ကို ကျွန်တော် အောင်မြင်စွာ ဖွင့်လှစ်နိုင်ခဲ့ပြီ ဖြစ်ပါတယ်..။ ဒီစစ်ဆင်ရေးကို ကျွန်တော်တို့ သူငယ်ချင်းတွေ လျှို့ဝှက်နာမည်ပေးထားတယ် “နုလုံးသားတံခါး စစ်ဆင်ရေး” တဲ့…။

*******************************************************************************************

နတ်သံနှောပြီး ဇာတ်စုံပြောပြီ

ကျွန်တော် ၅ တန်းကျောင်းသားဘ၀က ပထမဆုံးအကြိမ် ကောင်မလေးတစ်ယောက်ကို ရည်းစားစကားပြောတုန်းက တကယ့်အဖြစ်အပျက် လေးပါ..။ အဲ့ဒီ့တုန်းက မိန်းကလေး သူငယ်ချင်းတွေဘက်မှ အသိပေးချက်အရ ကောင်မလေး အိမ်မှာလူကြီးတွေမရှိတုန်း..။ ကျွန်တော့်အိမ်မှာ လည်း လူကြီးတွေ လစ်တုန်း သူငယ်ချင်းကောင်မလေး (တော်တော်ရင်းနှီးကြပါတယ်) ကို ဖုန်းခိုးဆက်ပြီး ရည်းစားစကားပြောခဲ့တဲ့ အဖြစ်အပျက် လေးပါ…။ တစ်ကယ်ဖြစ်ပျက်ခဲ့တဲ့အတိုင်း ကျွန်တော်ပြန်ရေးထားတာပါ..။ အခုချိန်တွေးကြည့်ရင် တော်တော်ပျော်ဖို့…။ တော်တော်ရယ်ဖို့ ကောင်း ပါတယ်..။ အချစ်ဆိုတာကို ဘုမသိ၊ ဘမသိ စူးစမ်းမိခဲ့စဉ် အချိန်က ပျော်စရာလေးတစ်ခုပေါ့..။ အခုတော့လဲ…။

ဝှိုက် က တစ်ချိန်ကဒုက္ခ အခုတော့ဟာသ ဆိုတဲ့ ခေါင်းစဉ်လေးနဲ့ Tag လို့ အမှတ်တရ ရေးပေးလိုက်ခြင်းဖြစ်ပါတယ်..။

P.S – နောက်ဆုံးနေ့ ရင်ထိုးတပ်လာလားတော့ မမေးပါနဲ့..။ ၁၉၉၅ က ပြောခဲ့တဲ့ ရည်းစားစကားဟာ ၂၀၀၂ ခုနှစ်မှ အဖြေရပါတယ်..။  အမှတ်စဉ်သာချိတ်မယ်ဆိုရင် သူ့ဆီက ကျွန်တော်အဖြေပြန်ရတဲ့ အချိန်မှာ သူဟာ ကျွန်တော့်ရဲ့ ချစ်သူများဇယားထဲမှာ 1 T0 10 တောင် မ၀င် တော့ပါဘူး ဒီလိုပါပဲ..။ ကျွန်တော်လည်း သူ့ဇယားမှာ 1 To 10 မ၀င်တော့ပါဘူး အခုတော့ သူငယ်ချင်းတွေအဖြစ် ဆက်လက် ရှိနေပါသေးကြောင်း…။

ညနေ : ၄း၀၀

Golden Triangle Cafe, ပြင်ဦးလွင်။

နိဒါန်း

“ဒီနေ့ ဘာနေ့လဲသိလား..?” လို့ ကျွန်တော်မေးလိုက်တော့…။

” အင်း….နေဦး…။ တို့ကနေ့တွေ ရက်တွေ သိပ်မှတ်လေ့မှတ်ထမရှိဘူး…။ အမှတ်တမဲ့ပဲ…။ ဘာနေ့များပါလိ့မ်…။”

“ဟာ…ဟ ကျွန်တော်နဲ့တော့ လုံးဝ ဆန့်ကျင်ဘက်ပဲ…”

ဒီလိုနဲ့ပဲ ကျွန်တော်နှင့် သူမကြားမှာ လားရာတူသော ဆန့်ကျင်ဘက် ဦးတည်ချက်များနဲ့ စတင်ခဲ့ပါတယ်။ သဘာဝရဲ့ သဘောတစ်ရားတစ်ခုမှာ ခပ်သိမ်းသော အရာတွေဟာ လားရာတူရင် ဦးတည်ချက်တူကြပါတယ်..။ ဦးတည်ချက်တူတဲ့အရာများဟာလဲ လားရာတူတက်ကြပါတယ်…။ ကျွန်တော်နဲ့ သူမအတွက်ကတော့ ခံစားမှုဆိုသောလားရာများတူခဲ့ကြပေမယ့် ခံယူချက်တည်းဟူသော ဦးတည်ချက်တို့ ကွဲပြားခဲ့ကြခြင်းသာ ဖြစ်ပါတယ်။ ဒါကိုကလည်း သူမနဲ့ ကျွန်တော်တို့ရဲ့ လက်တွဲများကို ပိုမိုခိုင်ခံ့စေခဲ့တဲ့ အကြောင်းအရာ တစ်ခုလည်း ဖြစ်နိုင်ပါတယ်..။ ဆန့်ကျင် ဘက် ဦးတည်ချက်နှစ်ခုဟာ တစ်နေရာရာ၊ တစ်ချိန်ချိန်မှာတော့ သေချာပေါက် တွေ့ဆုံကြမယ်ဆိုတာကို ကျွန်တော်ယုံကြည်ပါတယ်..။

အခန်း (၁)

“ပြောစမ်းပါဦး…။ ဒီနေ့က ဘာနေ့မို့လို့လဲ…” သူမက ကျွန်တော့်မျက်ဝန်းတွေကို သေသေချာချာစူးစူး စိုက်စိုက်ကြည့်ပြီးမေးလိုက်ပါတယ်။

“အိုကေလေ…။ သိချင်တယ်ဆိုတော့လဲ ပြောပြရမှာပေါ့…။ ဇာတ်လမ်းကတော့…”

” Coffee ရပါပြီ…”

” သြော…။ Okay..! သူ့ကို Cappachino ပေးလိုက်ပါ…။ ကျွန်တော်က Espresso Double…!

“အင်း…။ ဆက်စမ်းပါဦး…။”

“သြော်…။ အိုကေ…။ ခဏ….”

“ချွင်….”

ကျွန်တော် စီးကရက်တစ်လိပ်ကို မီးညှိလိုက်ပါတယ်…။ ပြီးတော့ Espresso ရဲ့အရာသာကို နဲနဲမြည်းကြည့်လိုက်တယ်…။

“အင်း…။ ဒီနေ့ ကော်ဖီက ခါတိုင်းထက် နဲနဲပိုပြင်းတယ်ဗျ…”

ကျွန်တော်တို့သည် တစ်ခါတစ်ရံတွင် တစ်စုံတစ်ခုကို လေးလေးနက်နက်ပေါ့ပါး ပြစ်တတ်ကြဖို့လိုပါတယ်….။ တစ်ခါတစ်ရံ တစ်စုံတစ်ခုကို မေ့ ဖျောက်ဖို့… တစ်စုံတစ်ခုကို ပြင်းပြင်းထန်ထန် သတိရနေဖို့လိုပါတယ်…။ မများလှတဲ့လောကရဲ့ လှည့်ကွက်တွေကြားမှာ တစ်ခါတစ်ရံ ကျွန်တော် တို့က လောကကို ပြန်လည်လှည့်စားဖို့ အခွင့်အရေးတွေရတတ်ကြပါတယ်…။ ဒီအခွင့်အရေးကို အမိအရဖမ်းဆုပ်နိုင်ဖို့အတွက် ကျွန်တော်တို့ရဲ့ အသက်ရှူသံတွေကို ဦးနှောက်နဲ့အပြည့်ဖြန့်ကျက်ထားဖို့လိုပါလိမ့်မယ်…။ အဲ…။ မိန်းကလေးတစ်ယောက်ရဲ့ အချစ်ကိုရဖို့ဆိုရင်တော့ သူမ မျက် ၀န်းက အကြည့်တွေကို စက္ကန့်မလပ် ကျွန်တော်တို့ရဲ့ နှလုံးသားနဲ့ အပြည့် သိမ်းဆည်းထားတတ်ဖို့လိုတာပေါ့…။

အခန်း (၂)

“ဒီနေ့က March လ တစ်ရက်နေ့ဗျ…။ ကျွန်တော်တို့ အခုလူတွေ အသုံးပြုနေကြတဲ့ နေ့တွေ၊ ရက်တွေ၊ လတွေ၊ နှစ်တွေကို ရောမခေတ်မှာ စတင်, တီထွင်အသုံးပြုခဲ့ကြတယ်…။ အခြားလတွေကိုတော့ မဆိုင်လို့ ကျွန်တော်မရှင်းပြတော့ဘူး..။ လွန်ခဲ့တဲ့ နှစ်ထောင်ပေါင်းများစွာက ဒီလိုနေ့မှာ ရောမစစ်သည်တွေဟာ သူတို့ရဲ့ ရန်သူတွေကို ချေမှုန်းဖို့ စတင်ချီတက်ခဲ့ကြတယ်ဗျ…။ ဒါကိုအစွဲပြုပြီး ဒီလကို March လလို့ သတ်မှတ်ခဲ့ကြတယ်…။ အင်္ဂလိပ် လိုဆိုရင်တော့ March ဆိုတာ စစ်ချီတက်တယ်လို့ အဓိပ္ပါယ်ရတာပေါ့ဗျာ…။ ဆိုလိုတာကတော့ ဒီလိုရက်မျိုးမှာ ရောမခေတ်က စစ်သည်တော်တွေဟာ ရဲဘော်ရဲဘက်အချင်းချင်း လက်တွဲပြီး သူတို့ရဲ့ ရန်သူတွေကို စတင်ချီတက် တိုက်ပွဲဝင်ခဲ့ကြတယ်ပေါ့…။”

ကျွန်တော်စကားစကို ဖြတ်ပြီးသူမကို တစ်ချက်လှမ်းကြည့်လိုက်တော့…။ မျက်လုံးလေးမှိတ်ပြီး..။ ဆိုင်ထဲမှာဖွင့်ထားတဲ့ သီချင်းရဲ့ စာသားကို တိုး တိုးလေးလိုက်ဆိုနေပါတယ်…။ သေချာပါပြီ…။ သူမ ကျွန်တော့်စကားကို သေသေချာချာစူးစိုက်ပြီးနားထောင်နေတယ်…။ တစ်နည်းအားဖြင့် သူမ ကျွန်တော်ပြောတဲ့အကြောင်းကို စိတ်ဝင်စားနေပြီ ဆိုတာကိုပေါ့…။

“ရှင်ဆေးလိပ် နောက်တစ်လိပ်သောက်ဦးမလို့လား…?” မျက်လုံးမှိတ်ထားရာမှ သူမ ကျွန်တော့်ကို လှမ်းမေးလိုက်ခြင်း ဖြစ်ပါတယ်…။

“မဟုတ်ဘူးဗျ…။ ကျွန်တော် နောက်ဆုံးပိတ် ကျည်ဆံတစ်တောင့်ကို ပစ်မလို့…။” ပြောရင်းသူ့လက်ထဲက အခွံသာကျန်တော့တဲ့ စီးကရက်ဘူးခွံ ကို အမှိုက်ခြင်းထဲ ပစ်ထည့်လိုက်ပါတယ်..။ သူမရဲ့အကြည့်တွေကတော့ စားပွဲပေါ်မှာရှိတဲ့ ပြာခွက်ထဲက ကျည်ခွံတွေပေါ်မှာပါခိုနားလျက်ရှိပါတယ်။

အချစ်မှာ ပေးဆပ်ခြင်းတွေမရှိဘူး..။ အချစ်မှာရယူခြင်းတွေမရှိဘူး..။ အချစ်မှာ ပူလောင်မူတွေမရှိဘူး..။ အချစ်မှာ ပျော်ရွှင်မှုတွေမရှိဘူး..။ လူတစ်ယောက်ကိုချစ်တယ် ဆိုတာအဲ့ဒီ့လူတစ်ယောက်ကို ပိုင်ဆိုင်ဖို့လဲ မဟုတ်ပါဘူး..။ စွန့်လွှတ်ဖို့လဲမဟုတ်ပါဘူး…။ လူတစ်ယောက်ကို တစ်ကယ်ချစ်ရင်..။ အဲ့ဒီ့လူတစ်ယောက်ရဲ့ ပျော်ရွှင်မှု၊ ငြိမ်းချမ်းမှု အတွက် ကျွန်တော်တို့ ဘယ်လောက်လုပ်ပေးနိုင်လဲ ဆိုတာကိုပဲ စဉ်းစားပါ…။ မမေ့ပါနဲ့…။ ကျွန်တော်တို့မှာ မျှော်လင့်တတ်တဲ့ စိတ်တစ်ခုရှိနေသမျှ ကျွန်တော်တို့ရဲ့ မျှော်လင့်ခြင်းတွေဟာ ဘယ်တော့မှ ပြီးပြည့်စုံလာမှာ မဟုတ်ပါဘူး…။ ဒါပေမယ့်..။ ဘာမှမမျှော်လင့်တတ်တဲ့နောက်မှာတော့ ကျွန်တော်တို့ဟာ အရာအားလုံးနဲ့ အလိုလို ပြည့်စုံနေပြီဆိုတာကို သင်တွေ့ ပါလိမ့်မယ်…။ တစ်ကယ်တော့ အချစ်ဆိုတာဟာ မရှိခြင်းတွေနဲ့ ပြည့်ဝနေတဲ့ လေဟာနယ်တစ်ခုပါပဲ…။ ချစ်သူတွေဆိုတာကတော့ အဲ့ဒီ့ လေဟာ နယ်လေးထဲက မရှိခြင်းတွေရဲ့ သစ္စာတရားနဲ့ နွေးထွေးမှုကို မြင်တွေ့ သိရှိပြီး ခံစားနိုင်သွားကြတဲ့သူတွေပေါ့ဗျာ…။

အခန်း (၃)

“ဒီလိုခမ်းနားတဲ့ အဓိပ္ပါယ်တွေနဲ့ ပြည့်ဝနေတဲ့ နေ့မျိုးမှာ ကျွန်တော့်ဘ၀အတွက် အမျိုးမျိုးသောကောင်းခြင်းတွေ၊  ဆိုးခြင်းတွေကို ရင်ဆိုင်ဖို့ အတွက် ကျွန်တော့်ရဲ့ ရဲဘော်၊ ရဲဘက်တစ်ယောက်အဖြစ် ကျွန်တော့်ရဲ့ လက်ကိုတွဲပြီး ရင်ဆိုင် တိုက်ပွဲဝင်ဖို့ ခင်ဗျားကို ဖိတ်ခေါ်ပါတယ်…။”

အချို့သောအရာများသည် အစရှိသော်လည်း အဆုံးမရှိပါ…။ အချို့သောအရာများမှာတော့ အဆုံးရှိ၍ အစကိုရှာမတွေ့ ဖြစ်တတ်ကြပါတယ်..။ ပြဿနာမရှိပါဘူး…။ မေးခွန်းတိုင်းအတွက် အဖြေမရှိသလို…။ အဖြေတိုင်းတွက်လဲ ပုစ္ဆာတွေလိုက်ထုတ်နေစရာမလိုပါဘူး..။ အဆုံးမရှိတဲ့  လေဟာနယ်ကို ခံစားတတ်ဖို့အတွက် ကျွန်တော်တို့ အတွက် အလိုအပ်ဆုံးက ခံစားတတ်တဲ့နှလုံးသားတစ်စုံရှိရင် လုံလောက်ပါပြီ..။ ကျွန်တော်တို့ နားနဲ့မကြားနိုင်တဲ့ အသံတွေများစွာရှိပါတယ်..။ အချို့သောအသံတွေကို ကြားခြင်ရင် ကျွန်တော်တို့ရဲ့ နားတွေအစား နှလုံးသားကို ခဏလောက် ဖြစ်ဖြစ် နားထောင်ခွင့်ပေးဖို့တော့ လိုပါလိ့မ်မယ်…။

နိဂုံး (သို့မဟုတ်) အိပ်မက်တစ်ခု၏ နိဒါန်း

ကျွန်တော့်ရဲ့ ကော်ဖီစားပွဲပေါ်တင်ထားတဲ့ ညာဘက်လက်မှာ နွေးထွေးနူးညံတဲ့ ထိတွေ့မှုတစ်ခုကို ခံစားလိုက်ရပါတယ်…။ တစ်ချိန်ထဲမှာပဲ  ကျွန်တော် အချစ်ဆိုတဲ့လေဟာနယ်တစ်ခုကို မျက်ဝါးထင်ထင် ရှာဖွေတွေ့ရှိခဲ့ပါတယ်…။ ကျွန်တော်တို့ အဲ့ဒီ့နေ့ ကစပြီး ဘ၀တစ်လျှောက်လုံး အဆိုးအကောင်းတွေ အားလုံးကို အတူလက်တွဲ တိုက်ပွဲဝင်ကြဖို့ သံဓိဌာန် ချမှတ်လိုက်ကြပြီးဖြစ်ပါတယ်..။

“ရှင်အခုလာနေတဲ့ သီချင်းကို ဘယ်လိုခံစားရလဲ…”

” ဒီသီချင်းက ကိုယ်တို့နှစ်ယောက်အတွက် ရှေ့ပြေးနိမိတ်ပဲလေ….။ အရေးကြီးတာက လက်တွဲတွေ ခိုင်ခိုင်မြဲဖို့ပါ…။”

“ဒါနဲ့ အခုချိန်ထိ ရှင်ကျွန်မနာမည်ကို မမေးသေးဘူးနော်…”

” မလိုပါဘူး…။ ကိုယ့်ဆီမှာ မင်းအတွက် ကိုယ်တိုင် ထုဆစ်ထားတဲ့ နာမည်တစ်လုံးရှိပြီးသားပါ….ငယ်”

လက်တွဲပြီး ထွက်ခွာသွားတဲ့ ချစ်သူနှစ်ယောက်ရဲ့နောက်….။ ကော်ဖီဆိုင်လေးထဲမှာတော့ အဲလက်စ်ရဲ့ “အိပ်မက်ထဲက အိပ်မက်များ” ဆိုတဲ့ တေးသံ ဟာ ပျံ့လွင့်လို့သာနေပါတော့ တယ်…။

P.S- ၃ နှစ်ပြည့် နှစ်ပတ်လည်နေ့မှသည် နောင်နှစ်ပေါင်းများစွာ မင်းနဲ့အတူ အိပ်မက်တွေ ဆက်မက်နေခွင့်ပြုပါချစ်သူ…။

ကျွန်တော် ဘလော့စရေးရခြင်းရဲ့ ရည်ရွယ်ချက်နှစ်ခုရှိပါတယ်…။ တစ်ခုက အများဆိုင်ဖြစ်ပြီး…။ နောက်တစ်ခုကတော့ ကျွန်တော့် ကိုယ်ရေး ကိုယ်တာ ခံစားချက်သက်သက်တစ်ခုမျှသာဖြစ်ပါတယ်…။ ဒီနေရာမှာတော့ ကျွန်တော်ကိုယ်ရေးကိုယ်တာနဲ့ (အထူးသဖြင့် ကျွန်တော့်ခံစားချက်၊ ခံယူချက်တစ်ခု လို့ပဲပြောရမှာပေါ့) ဆိုင်တဲ့အချက်ကိုတော့ ထွေထွေထူးထူး မပြောတော့ပါဘူး…။ အများနဲ့ သက်ဆိုင်တဲ့အချက်တစ်ချက်ကိုပဲ ကျွန်တော် အနည်းငယ် ရှင်းပြလိုပါတယ်…။

ကျွန်တော် ဘလော့ကို စတင်လုပ်ရတဲ့ ရည်ရွယ်ချက်နှစ်ခုထဲက အများနဲ့သက်ဆိုင် (အများကို အသိပေးရန်သင့်တော်တယ်လို့ ကျွန်တော်ယူဆတဲ့ အချက်ပါ) တဲ့အချက်တစ်ခုဆိုတာကတော့…။ ကျွန်တော်က ကျွန်တော့် ဘလော့လေးကို နည်းပညာတွေ၊ အနုပညာတွေ၊ ရသတွေ၊ သုတတွေ စသည်ဖြင့် ကျွန်တော် သိသလောက်၊ တတ်သလောက် ငမြောက်ငချောက် အချက်အလက်လေးတွေကို ဝေေ၀ဆာဆာ တင်ဆက်၊ ဖော်ပြပေးသွား ဖို့ပဲ ဖြစ်ပါတယ်…။ ကျွန်တော် စရေးကတည်းက ငါ ဘာကိုပဲ တစ်မျိုးထဲ ရေးမဟဲ့ ဆိုတဲ့ ဘောင်သတ်မှတ်ထားခြင်းမရှိခဲ့ပါဘူး..။ မရှိဆို ကျွန်တော် ကိုယ့်အကြောင်းကိုယ်သိပါတယ်…။ (ပြောရင်ကိုယ့်ကိုယ်ကို မြှောက်တယ်ဖြစ်ဦးမယ်) ကျွန်တော် ဘာမှဖြစ်ဖြစ်မြောက်မြောက် အသုံးကျတဲ့ကောင် မဟုတ်ဘူးဆိုတာ ကိုယ့်ကိုယ်ကို သိနေခဲ့လို့ပါ..။

ကျွန်တော့်ကို ကွန်တော် အနုပညာရှင်တစ်ယောက်လို့ နာမည်တပ်ပြီး အနုပညာတစ်ခုထဲကိုပဲ တင်ဆက်ရေးသားရအောင် ကျွန်တော် အဲ့လောက် သတ္တိမရှိပါဘူး..။ အနုပညာရဲ့ သဘော၊ သဘာဝ၊ အနှစ်သာရ၊ သိမ်မွေ့မှု၊ နက်နဲမှုတွေဟာ ကျွန်တော့် ပုဇွန်ဆိတ်ဦးနှောက်လောက်နဲ့ ဘယ်လိုမှ လိုက်မမှီနိုင်လောက်အောင်ကို ကြီးကျယ်ခန်းနားလွန်းပါတယ်…။ တစ်ခုတော့ ကျွန်တော်သိပါတယ်…။ ကျွန်တော် အနုပညာကိုချစ်ပါတယ်…။ အနုပညာကို ချစ်ရုံ၊ လေးစားရုံ၊ မဖြစ်စလောက် တောင်ခြစ်၊ မြောက်ခြစ် စာတွေရေးယုံလောက်နဲ့တော့ ကျွန်တော် မိမိကိုယ်ကိုဘယ်တော့မှ “ငါအနုပညာရှင်…၊ အနုပညာတစ်ခုထဲကိုပဲ ဖန်တီးမယ်ကွ…” ဆိုပြီးမကြွေးကြော်ရဲတာ အမှန်ပါ..။ ဘောင်တစ်ခုထဲ သတ်မှတ်ပြီး ဘလော့ရေးရအောင် ကျွန်တော်သည် များစွာအဆင့်မရှိသော သာမန်ဘလော့ဂါတစ်ယောက်မျှသာ ဖြစ်ပါသည်။

ကျွန်တော် ဘလော့စရေးခါစက မျိုးစုံတင်ပါတယ်..။ ကျွန်တော့်ကိုယ်တိုင် ဘာတွေမှန်းမသိအောင် မဲမဲမြင်သမျှအကုန်တင်ပါတယ်..။ ကဗျာဆိုလည်း ရေးပါတယ်..။ Software ဆိုလည်းကူးပါတယ်..။ စကားပုံတွေဆိုလဲ ရေးတာပါပဲ…။ သီချင်းတွေဆိုလည်း မလွတ်စေရပါဘူး…။ ဗီဒီယိုလဲ လာထားပဲ..။ ဘာတွေမှန်းမသိအောင်ကို ကျွန်တော် တောင်လုပ်၊ မြောက်လုပ် လျှောက်လုပ်ခဲ့ပါတယ်…။ မယုံဘူးဆိုရင် ကျွန်တော့် အရင့်အရင် ပို့စ် တွေကို လိုက်လံရှာဖွေကြည့်ပါ…။ အမှိုက်သရိုက်ပေါင်းစုံ ထွက်လာပါလိ့မ်မယ်…။ ဒါပေမယ့် အဲ့ဒီ့အချိန်တုန်းက ကျွန်တော်ခံစားရတာ တစ်ခုကို တော့ ကျွန်တော် အသေအချာမှတ်မိနေပါတယ်…။ ဘာလဲဆိုတော့ …။ ကျွန်တော်ပျော်ပါတယ်…။ ကျွန်တော့်စိတ်တွေပေါ့ပါးတယ်…။ (အခုတော့လေးနေတယ်ဗျာ.. လည်ပင်းခဲဆွဲပြီးရေးလို့ ) လွတ်လပ်တယ်…။ တင်ချင်တာတင် ရေးချင်တာရေး…။ ဘယ်သူမှမသိဘူး..။

ကျွန်တော် ဘလော့စရေးတဲ့အချိန်တုန်းက မြန်မာဘလော့ဂါတွေ အခုလောက်အင်အားမတောင့်သေးတာတော့အမှန်ပါပဲ..။ လက်ချိုးရေကြည့် အဲ့ဒီ့အချိန်က အယောက်တစ်ရာ နှစ်ရာထက်မပိုလောက်ပါဘူး..။ ( ကျွန်တော်အသုံးမကျလို့ မသိတာလဲ ဖြစ်နိုင်ပါတယ်) အဲ့ဒီ့အချိန်က ဘလော့ဂါ တွေရှားပါးသလို နောက်ထပ်ရှားပါးတာ တစ်ခုရှိပါသေးတယ်…။ ဘာတွေလဲဆိုတော့ Comment တွေပါ…။ ကျွန်တော် ဘလော့စရေးတဲ့အချိန်ခန့် က တော်တော်ကိုဘုမသိဘမသိနဲ့ စရေးခဲ့ခြင်းဖြစ်ပါတယ်..။ ဘလော့တွေလှည့်ပြီး ကိုယ့်ဘလော့ကိုယ် Promotion လုပ်ရမှန်းလည်း ကျွန်တော် မသိခဲ့ပါဘူး…။ ကျွန်တော် တော်တော်ကို အသုံးမကျတာသိသာပါတယ်..။ ယခု နောက်ပိုင်းမှာ ပေါ်ပေါက်လာခဲ့တဲ့ များစွာသော မြန်မာ ဘလော့ဂါ မောင်နှမတွေကတော့ ကျွန်တော့်ထက် အဆပေါင်းများစွာ တော်ကြတယ်ဆိုတာ ပြောနေစရာမလိုလောက်အောင်ပါပဲ…။

လည်ဖို့တောင်မသိတဲ့ ကျွန်တော်…။ ကော်မန့်ဆိုတာကတော့ ဝေလာဝေးပါပဲ…။ ပို့စ် ၁၀ ခုလောက်မှ တစ်ခါ၊ ကံကောင်းရင် ကော်မန့်ရတတ် ပါတယ်.. ။ ( ကျွန်တော်အခုမှ သေသေချာချာပြန်စဉ်းစားကြည့်တာ တစ်ခုရှိပါတယ်…။  ကျွန်တော့်အရည်အချင်း သို့မဟုတ် ကျွန်တော်ရေး သောအကြောင်းအရာတစ်ခု၏ အရည်အသွေးမှာ ကော်မန့်တစ်ခုရဖို့ရန် မထိုက်တန်လောက်အောင် အသုံးမကြခြင်းကြောင့် ဖြစ်နိုင်ပါတယ်..) သို့သော်…။ ထိုအချိန်ထိုကာလက ရခဲ့ဖူးသော ကော်မန့်များကို ကျွန်တော်အထူးလေးစား တန်ဖိုးထားပါသည်။ အဘယ့်ကြောင့်ဆိုသော ထိုအချိန်က ကျွန်တော်ရခဲ့ဖူးသော ကော်မန့်များသည် နယူတန်၏ ဒုတိယနိယာမ၏ လွှမ်းမိုးမှု ကင်းစင်ခဲ့သောကြောင့် (ရှိကောင်းရှိနိုင်ပါတယ် သို့သော် တော်တော်သိသိသာသာကြီးကိုတော့ နဲပါတယ်) ဖြစ်ပါတယ်…။ ယခုအချိန်မှာတော့ ….နဲနဲများ ရှားပါးသွားပြီ လားလို့ တစ်ခါတစ်လေတော့ တွေးမိပါတယ်…။

အပေါ်ကစကားကို ပြန်ဆက်ရရင် နည်းပညာအကြောင်းရေးရအောင်ကလဲ ကိုယ်တိုင်က ဘာမှဖြစ်ဖြစ်မြောက်မြောက်မသိ။ အနူတော၊ လူမချော တစ်ချော အဆင့်လောက်တောင် မနဲ ကျားကန်ပြီး ဟန်ကိုဖော့နေရတဲ့သူဆိုတော့..။ မိမိကိုယ်ကို နည်းပညာသမားလို့ အမည်တပ်ဖို့ဆိုရင် ကျွန်တော့်ဘ၀ဟာ ပုရွက်ဆိတ်ကို ဆန်အိတ်ထမ်းခိုင်းသလို ဖြစ်နေမှာ အသေအချာပါပဲ…။ အခုချိန်အထိလည်း ရောင်လည်လည် ဖြစ်နေတုန်းပါပဲ ..။ ဒါပေမယ့် ကျွန်တော် သိတာတစ်ခုတော့ ရှိတယ်…။ ကျွန်တော်နည်းပညာကို စိတ်ဝင်စားတယ်…။ တတ်နိုင်သလောက်များများသိချင်တယ်…။ သူများတွေလို ပါရမီ မကောင်းလို့ မထူးချွန်ပေမယ့် ဟိုစပ်စပ်၊ ဒီစပ်စပ် ပါလေရာ ငါးပိချက် အဆင့်မရောက်တစ်ရောက်လောက်တော့ ကျွန်တော် သိမယ်ထင်ပါတယ်…။ နာမ်စားတွေနဲ့ လှုပ်ရှားနေတဲ့ ဒီလောကကြီးထဲမှာ မရဘူး တစ်ခုမဟုတ် တစ်ခုတော့ နာမည်တပ်ရမယ်ဆိုရင်တော့ ကျွန်တော့်ကို ဒြပ်မဲ့တစ်ခုအဖြစ်သာ သတ်မှတ်လိုက်ကြပါတော့လို့…။

ဒါပေမယ့် ဘာတွေ ဘယ်လိုဖြစ်သွားလဲတော့ မသိဘူး…။ ကျွန်တော် မထင်မှတ်တဲ့အချိန်မှာ၊ မထင်မှတ်တဲ့ပို့စ်တွေနဲ့၊ မထင်မှတ်ပဲ ဘောင်တစ်ခုထဲ ရောက်သွားခဲ့တယ်…။ ကျွန်တော့်ကိုယ် ကျွန်တော်သတိထားမိချိန်မှာ ကျွန်တော်ဒီဘောင်ထဲမှာ ပိတ်မိနေခဲ့တာ တော်တော်ကြာနေခဲ့ပါပြီ။ ဒီဘောင်ကို ကျွန်တော် ဖန်တီးတိုးဝင်ခဲ့တာလဲ မဟုတ်ပါဘူး…။ ဘယ်သူကမှလဲ ကျွန်တော့်ကို ချိုကဆွဲ၊ အမှီးကဆွဲပြီး ဆွဲသွင်းခဲ့တာလဲမဟုတ်ပါဘူး။ ဒါပေမယ့် သေချာတာကတော့ ဘောင်တစ်ခုထဲကို ကျွန်တော် သေသေချာချာကို ရောက်ရှိနေခဲ့ပြီ ဖြစ်ပါတယ်..။ ကျွန်တော့် ဘ၀တစ်လျှောက်မှာ သတိထားမိသမျှ ကတ္တားနဲ့ ကံ မရှိပဲ ကြိယာ တစ်ခုကြောင့် နာမ်တစ်ခု ဖြစ်ခဲ့ရတဲ့ ဖြစ်စဉ်တစ်ခုပါပဲ။

ဒီဘောင်တစ်ခုက ကျွန်တော့်ကို စင်မြင့်တစ်ခုပေါ်တော့ တင်ပေးနေတယ်ဆိုတာ ကျွန်တော်သိပါတယ်။ ဘာစင်လဲတော့ ကျွန်တော်သေသေချာချာ မသိပါဘူး (ဖြစ်နိုင်တာကတော့ နတ်စင် ဒါမှမဟုတ် ကြိုးစင်ပါပဲ ) ဒီပို့စ်ကို ကျွန်တော်ရေးနေတဲ့အချိန်မှာ  ကျွန်တော့်လည်ပင်းက တစ်ခါတစ်ခါ ယားပါတယ်..။ ဘယ်ဘက်မျက်ခုံးက Break Dance ကပါတယ်…။ ကျွန်တော့် ကျောကုန်းက မကြာခဏဆိုသလို ချွန်ထက်တဲ့ အရာတစ်ခုနဲ့ အထောက်ခံထားရသလို ခံစားရပါတယ်…။ နိမိတ်တွေကတော့ တော်တော်အားရဖို့ကောင်းပါတယ်…။ နဂိုကတည်းက ကျွန်တော်က သွေးကြောင်တတ်ပါတယ်…။ “နောက်ကျတဲ့ ခြေထောက် သစ္စာဖောက်” ဆိုတာ ကျွန်တော်အကြိုက်ဆုံးထဲမှာပါတဲ့ ဆိုရိုးတစ်ခုပါ။

အရှိန်က တဖြေးဖြေးရလာတယ်…။ ကျွန်တော့် လက်က စာရေးရင် မကြာခဏ Break ပေါက်တယ်…။ စကားလုံးတွေက ဟိုခလုတ်တိုက်၊ ဒီခလုတ် တိုက် တိုက်တယ်…။ မထိတထိ အပြုံးတွေနဲ့ ကလိတိတိ၊ ရိတိတိ လာကြည်စားကြတယ်…။ ကီးဘုတ်ပေါ်တင်တဲ့ လက်ဆိုလား..။ ခွေးထက် မိုက်တဲ့ ဘာဆိုလား…။ Stop! ရပ်! ကျွန်တော်ပြောတယ် နဂိုကတည်းက ကျွန်တော်ကြောက်တတ်ပါတယ်လို့…။ ဂလိုတွေဆို မဖြစ်ချေဘူး…။ လောကကြီး မှာ ကြောင်သူတော် (အဲမှားလို့) သူတော်ကောင်းတွေ အရမ်းများတယ်။ ဒီလိုနဲ့ အိမ်က မိဘနှစ်ပါး အများတကာရဲ့ Custom Message မှာ လုံးပါး မပါးရခင်..။ မလုံလို့ ပွင့်ချင်သလိုလိုဖြစ်နေတဲ့ ကိုယ့်အိုးကိုယ်ပြန်ဖုံး…။ ဖနောင့်နဲ့တင်ပါး တစ်သားထဲ ဖြစ်အောင် ပြေးရပါတယ်။ ကျွန်တော် အကြောက်တကာ့ အကြောက်ဆုံးထဲမှာတော့ ကျွန်တော်မွေးတဲ့ လဒ ကျွန်တော့် ပြန်စားမှာကိုပဲ…။

ဒီလိုနဲ့ ဖိုရမ်တွေလုပ်လိုက်…။ WordPress တွေစမ်းလိုက်…။ Joomla တွေကလိလိုက်နဲ့ မြောချင်တိုင်း မြောနေခဲ့တာ အခုထိပါပဲ…။ ဒီကြားထဲ မသိတဲ့သူကို မတတ်တဲ့သူက အားကိုး…။ ဒီမောင်ကလည်း လူကသာ နဲနဲမှသုံးစားမရတာ သူများကို ဆရာလုပ်ချင်လိုက်တာမှ အပိုင်းပိုင်းကို ပြတ်လို့..။ တတ်သည့်ပညာမနေသာ ဆိုသလို…။ သူများတွေလုပ်ထားတဲ့ ဆိုဒ်တွေကို နှမ်းလေးဝင်ဖြူးပေးလိုက်၊ ထုံးလေး လိုက်သုတ် ပေးလိုက် နဲ့ ဟန်ကိုကျနေတာပဲ..။   “ကိုယ် ကောင်းရင် ခေါင်းဘယ်မှမရွေ့ပါဘူး” တဲ့…။ ဟီး ဟီး…။ ကိုယ်ကမှမကောင်းတာ ခေါင်းက ဘယ်နားသွားရှာရမှန်းတောင် မသိတော့ဘူး အဲ့လို အဲ့လို ပြောရင် ကိုယ့်ကိုယ်ကိုမြှောက်တယ်ဖြစ်ဦးမယ်..။ အခုတော့ တော်တော်များများ ကိစ္စတွေပြီးပြတ်လို့ အများသူငှာအား အမြင်ဒုက္ခ၊ အတွေးဒုက္ခ အစရှိသော ဒုက္ခအမျိုးမျိုးအားပေးရန် အလို့ငှာ ထုံးစံ အတိုင်း ပြန်လည် ဒုက္ခပေး ပါတော့မယ်…။

ကျွန်တော် ထင်ရာတွေရေးပါတယ်…။ မြင်ရာတွေရေးပါတယ်…။ မထင်တာတွေလဲ ရေးပါတယ်…။ မမြင်တာတွေလဲ ရေးပါတယ်…။ ရေးတေးတေး ပေါ်ရင်လည်းရေးပါတယ်…။ ၀ိုးတိုးဝါးတားပေါ်ရင်လဲရေးပါတယ်…။ ရေးပါတယ်…။ ကျွန်တော်ရေးနေပါတယ်…။ ရေးခဲ့ပါတယ်…။ ဆက်လည်း ရေးပါဦးမယ်…။

ဒါပေမယ့်…. ဒီဘောင်ထဲမှာတော့ ဟုတ်ချင်မှ ဟုတ်ပါတော့မည် ဖြစ်ကြောင်း…။

P.S- စာမရေးတာကြာပြီ ဖြစ်သောကြောင့် ရေးချင်လွန်းလို့ရေးခြင်းဖြစ်ပါတယ်..။ ဘာအကြောင်းလဲ လာမမေးပါနှင့် ကျွန်တော်ကိုယ်တိုင်  ဘာအကြောင်းရေးထားမှန်း မသိသောကြောင့် ဖြစ်ပါသည်။

ပတ်ဝန်းကျင်တစ်ခုလုံးတွင် တိတ်ဆိတ်မှုများ ဆူညံစွာ ဖုန်းလွှမ်းနေပါတယ်…။ စည်းချက်မှန်မှန် မြည်နေသော နာရီ လက်တံတစ်ခု၏ စက္ကန့်သံတစ်ချက်တိုင်းမှာ ကျွန်တော့် ခံနိုင်ရည်တွေ တစ်စစီ ကြွေကြနေလေရဲ့။ တစ်ချိန် က အဲ့ဒီ့စက္ကန့်သံတွေကို ရေတွက်ရင်း ကျွန်တော်ရင်ခုန် ကြည်နူးစွာ စောင့်ကြည့်ခဲ့ဖူးတယ်…။ ဒီတစ်ခါလည်း ကျွန်တော် ဒီစက္ကန့်သံတွေကို ရင်ခုန်စွာ စောင့်ကြည့်နေရ ပြန်ပါပြီ…။ ဒါပေမယ့် ဒီတစ်ကြိမ်မှာတော့ ကြေကွဲစွာ နဲ့ပေါ့…။ ကျွန်တော် တယုတယ ထုစစ်ခဲ့ရတဲ့ ရင်ခွင်ကမ်းပါးတစ်ခု…။ အခု…။ စက္ကန့်တွေရဲ့ တိုက်စားခြင်း ခံရလေပြီ။

ဘာကြောင့်လဲ..? ဘာကြောင့်လဲ…? တစ်ချိန်တစ်ခါတုန်းက ကျွန်တော်မျှော်လင့်ခဲ့ရဖူးတဲ့ စက္ကန့်တံတွေရဲ့ လားရာတွေနဲ့ အခု တရွေ့ရွေ့ စီးမြောနေတဲ့ စက္ကန့်တံတွေရဲ့ လားရာတွေ တူနေပါလျှက် ဘာကြောင့်များ ကျွန်တော့်ရဲ့ ခံစားချက်တွေ ပြောင်းပြန်စီးဆင်းနေကြရပါသလဲ…? ဒါဟာလောကရဲ့ မတည်မြဲခြင်းများစွာထဲက ခပ်ပါးပါး မတည်မြဲခြင်း တစ်ခုပဲလား? ဒါမှမဟုတ် မိမိကိုယ်ကို လှည့်စားထားသော အပေါစား မျက်လှည့်ပွဲ တစ်ခုလား? အနဲဆုံးတော့ ရွက်ကြားရေကြို ခံစားချက်တစ်ခုအဖြစ် ကျေးဇူးပြု၍ အသိအမှတ်ပြုပေးဖို့ ဘုရား သခင်ထံမှာ ကျွန်တော် အယူခံဝင်ခြင်ပါတယ်။

တစ်ရိပ်ရိပ်ပြေးလွှားနေတဲ့ အာရုံတွေကို ကျွန်တော် ဖမ်းဆုပ်ဖို့ ကြိုးစားတယ်…။ ခဏရပ်..။ ပြန်စဉ်းစားတယ်…။ ထားလိုက်ပါလေ…။ ဒီအတိုင်းလေးပဲ လွတ်လွတ်လပ်လပ် ပြေးလွှားကြပါစေ..။ မိပြီးသား ရင်ခုန်သံတစ်ချို့ကိုပါ ကျွန်တော် ပြန်လွှတ်ပေးလိုက်တယ်…။ လွတ်လပ်ခြင်းကို မြတ်နိုးတဲ့သူတစ်ယောက်ကို ဂုဏ်ပြုတဲ့အနေနဲ့ပေါ့။ ပျံသန်းပါစေ…။ သူအတောင်တွေညောင်းလို့ နားခိုမယ် ကြံတဲ့နေရာတိုင်းမှာ ကျွန်တော့်ရင်ခွင် ရှိနေရင်ပြီးတာပါ ပဲလေ…။ ပျံသန်းချင်တဲ့ အချိန်ကြရင်လည်း မစိုးရိမ်ကြပါနဲ့…။ ကျွန်တော် ကောင်းကင် တစ်ခုအဖြစ် ရှိနေပေးဦး မှာပါ…။

နင်စိုက်ပျိုးခဲ့တဲ့ အိပ်မက်တွေလေ
ဒီရင်ဘတ်ထဲမှာ အလျှံ့အပယ်ပဲ
နင့်လက်နဲ့ ပြန်နှုတ်မယ့် အချိန်ကို စောင့်နေကြလေရဲ့…။
BLACK DREAM

ကျွန်တော် အတတ်နိုင်ဆုံး စကားလုံးတစ်လုံးကို အသက်သွင်းဖို့ ကြိုးစားမိတယ်…။ တစ်ညလုံးပဲ…။ ဟုတ်တယ်။ တစ်ညလုံးပဲ…။ ဒီစကားလုံးကို ကျွန်တော် မနက်ဖြန်မှာ အပြီးတိုင် အသက်သွင်းပြီး ဖြစ်ဖို့ အရေးတကြီးလိုအပ် တယ်…။ အဲ့ဒီ့စကားလုံးထဲမှာ ကျွန်တော့်ရင်ဘတ်ထဲကို မြင်နိုင်တဲ့ မှန်တစ်ချပ်ပါရမယ်။ ကျွန်တော့်နှုတ်ခမ်းက မပြောဖြစ်လိုက်တဲ့ အသံတွေကို ကြားနိုင်ဖို့ ကြားခံလေဟာနယ်တစ်ခုပါရမယ်။ မရေမတွက်နိုင်သော အကြင် နာတရားတွေနဲ့ နွေးထွေးတဲ့ အနမ်းတွေအတွက် ဂုဏ်ထူးဆောင် တံဆိပ်တစ်ခုပါရမယ်။ ပြန်လည် ဝေးကွာရ တော့မယ့် အချိန်တွေကို အောင်မြင်စွာ ကျော်ဖြတ်နိုင်ဖို့အတွက် ဖိနပ်တစ်ရံ ပါရမယ်။ ကျွန်တော့်ရဲ့ မျှော်လင့် ချက်တွေကို အမှန်ကန်ဆုံး အတိကျဆုံး တိုင်းတာပြနိုင်မယ့် ပေတံတစ်ချောင်းပါရမယ်…။ နောက်ဆုံး ကျွန်တော့် အချစ်တွေကို တိုင်တည်ဖို့ သူမသိပ်မြတ်နိုးတဲ့ အဖြူရောင် နှင်းဆီ တစ်ပွင့်ပါရမယ်။

သူမရဲ့ အငွေ့အသက်တွေ…။ စကားသံတွေ….။ ပုံရိပ်တွေ ပြည့်နှက်နေတဲ့ ဒီအခန်းကျဉ်းလေးထဲက ရုန်းထွက်ဖို့ ကျွန်တော်မကြိုးစားချင်ပါ…။ ဖြစ်နိုင်ရင် ဒီအရာတွေအားလုံးကို တယုတရ လိုက်ကောက်ပြီး ကျွန်တော့် အိပ်ယာရဲ့ အပေါ်တည့်တည့် မျက်နှာချက်လေးမှာ ချိတ်ဆွဲထားချင်ပါတယ်။ အတူလက်တွဲ လျှောက်လှမ်းခဲ့ဖူး တဲ့ မြောက်များလှစွာသော လမ်းတို့မှ ခြေရာများကို ကျွန်တော် နံရံတွေနဲ့ အပြည့်ချိတ်ဆွဲ အလှဆင်ထားခြင်ပါ တယ်…။ မရေမတွက်နိုင်အောင် လှပခဲ့ဖူးသော အပြုံးများနဲ့ အနမ်းတွေကိုတော့ ကျွန်တော့် ကော်ဖီခွက်လေးထဲ မှာ ထာဝရအတွက် ဖွက်ထားချင်ပါတယ်…။ လွမ်းတဲ့အခါတိုင်း ကျွန်တော် ထုတ်သောက်နိုင်အောင်ပေါ့….။

တရိပ်ရိပ်ပေါ်နေတဲ့ ဒီအတိတ်ပုံရိပ်တွေကို မျက်ဝန်းတစ်စုံ မှိတ်ရုံနဲ့ ကျွန်တော်မပိတ်ပြစ်နိုင်တာကတော့ ကျွန်တော့်ရဲ့ ညံ့ဖျင်းမှုကြောင့်ပဲ ဆိုကြပါတော့…။ ဒီလိုဆိုလဲ ကျွန်တော် အလင်းနှစ် တစ်သန်းစာလောက် မိုက်မဲ လိုက်ချင်ပါတယ်…။ ကျွန်တော့် အိပ်ယာတစ်လျှောက် ကျွန်တော့်အိပ်မက်တွေ လူးလိုက်လွန့်လိုက်နဲ့ ကျွန်တော့် ချစ်သူရဲ့ အရိပ်တွေကို လိုက်ရှာနေပုံများ…။ ထားလိုက်ပါလေ…။ တစ်နေ့တော့ သူတို့သခင်မရဲ့ အရိပ်တွေကို သူတို့ နမ်းရှိုက်ရ ကောင်းပါရဲ့….။ အိပ်မက်မှာလည်း မျှော်လင့်ချက်နဲ့လေ…..။

မနက်ဖြန်ပေါင်းများစွာထဲကမှ
ငါအမုန်းဆုံးက မနက်ဖြန်က
မနက်ဖြန်ပဲ….။
BLACK DREAM

အကောင်းဆုံးကိုမျှော်လင့်ဖို့ထက် အဆိုးဆုံးအတွက် ကျွန်တော် ပိုပြီးအချိန်ပေး ပြင်ဆင်ခဲ့ပါလျှက်….။ တစ်ကယ် တမ်း ရင်ဆိုင်ရပြန်တော့လဲဗျာ…။ ရင်ထဲနင့်လှပါတယ်…။ ဆို့တက်လာတဲ့ အမည်မဲ့ခံစားချက်တွေကို အရင်က လို ကော်ဖီခါးခါးတွေနဲ့ ကျွန်တော်မမြိုချနိုင်တော့ပါဘူး…။ မီးခိုးငွေ့တွေ အဖြစ်လောင်တိုက်သွင်း ပြာချဖို့လည်း ကျွန်တော် မအောင်မြင်တော့ပါဘူး…။ စကားလုံးတွေအဖြစ် အသွင်ပြောင်းဖို့အတွက်လည်း ကျွန်တော့်လက် ချောင်းတွေ အင်အားမဲ့ခဲ့ရပါပြီ…။ ကျွန်တော်လေ…။ ကျွန်တော်….. သူမကို အရမ်းမြတ်နိုးမိပါသည်။

” နင်သိလားချစ်သူ…ငါလေ တိတ်တဆိတ်ရူးသွပ်နေလေရဲ့…။ နင်မရှိနိုင်တော့တဲ့ ငါ့ရဲ့နံနက်ခင်းတွေဟာ ဘယ်လိုနည်းနဲ့မှ အရင်လို အကြင်နာတွေပြည့်နေတဲ့ ကော်ဖီနံ့သင်းသင်းတွေ မရှိနိုင်တော့ဘူး ဆိုတာ နင်သိပါ လေရဲ့… နောက်ဆုံး အလွမ်းတွေပဲ ပွင့်လာရမယ်မှန်းသိရက်နဲ့ ငါကြည်ဖြူသဘောတူစွာနဲ့ပဲ ဒီပန်းတစ်ပွင့်ကို စိုက်ပျိုးခဲ့တာပါ…။ ခဏတာအတွက်ပဲ ခွဲရတာဆိုရင်တောင် အဲ့ဒီ့ခဏတွေကို ငါနောက်ဘ၀ကျမှ အတိုးနဲ့ ပြန် ဆပ်လိုက်ခြင်ရဲ့…။ နင်မသိလို့ပါ ချစ်သူ…။ ငါ့ခန္ဓာကိုယ်တစ်ခုလုံးဟာ နင်ပေးတဲ့ အနမ်းတွေနဲ့ လည်ပတ်နေခဲ့ ရတယ်ဆိုတာကိုပေါ့….”

ဒီအာရုဏ်တက်ဟာ ကျွန်တော့်ဘ၀အတွက်တော့ အကျည်းတန်ဆုံး ပန်းချီကား တစ်ချပ်ပါပဲ…။ အခွင့်ရှိသေးရင် ကျွန်တော့်ရဲ့ လစ်ဟင်းမှုတွေ၊ အသုံးမကျမှုတွေ၊ မှားယွင်းမှုတွေအတွက် သူမရဲ့ ခြေဖမိုးထက်က ယဇ်စင်မှာ ကျွန်တော့် ၀ိဥာဉ်ကို ကားစင်တင်ပြီး ပေးစပ်ခြင်ပါသေးတယ်…။ ကျွန်တော့်ကြောင့် ခံစားခဲ့ရတဲ့ သူမရဲ့ အလိုမကျမှုတွေ၊ ဒေါသတွေ၊ နာကြည်းမှုတွေ၊ အနစ်နာခံ ပေးဆပ်မှုတွေအတွက် သူမရဲ့ ခြေဖမိုး ယဇ်စင်ကို ကျွန်တော့ မျက်ရည်တွေနဲ့ ဆေးကြော သုတ်သင်ပေးချင်ပါသေးတယ်…။

အခွင့်ရှိသေးရင်ပေါ့ဗျာ…
…………….နောက်ထပ် အခွင့်ရှိသေးမယ် ဆိုရင်ပေါ့….
……………………………….ကျွန်တော်လေ…..
…………………………………………..သူမရဲ့ နဖူးလေးကို နောက်တစ်နေ့မှာ ထပ်မံ နမ်းရှိုက်ခွင့် ရှိချင်ပါသေးသည်။

နင်သိလား….ချစ်သူ
နင့်ရဲ့ အနမ်းတစ်ချက်တိုင်းမှာလေ…
ငါ့ ခံနိုင်ရည်တွေ တစ်စစီ ပဲ့ကြွေခဲ့ ဖူးတယ်ဆိုတာကိုပေါ့…။
BLACK DREAM

p.s- အချိန်အကြာဆုံး ဖန်တီးခဲ့ရတဲ့ စည်းချက်တစ်ခုပါပဲ…။