ဇာတ်လမ်းတစ်ခုလုံးရဲ့ ဇာတ်ကွက်တိုင်းဟာ အနှစ်သာရ ပြည့်ဝစွာ ရိုက်ကူးတင်ဆက်ထားတဲ့ အနုပညာမြောက်ဇာတ်လမ်းတစ်ခုဖြစ်ပါတယ်…။ မြောက်များစွာရရှိသွားတဲ့ Oscar ဆုတွေနဲ့လည်း တကယ်ကိုထိုက်တန်တဲ့ ဇာတ်ကားတစ်ခုပါ…။

အဲ့ဒီ့ဇာတ်ကားထဲမှာ သင်ယူစရာတွေ၊ သံဝေဂရစရာတွေ၊ မှတ်သားစရာတွေ၊ သတိထားစရာတွေ အမြောက်အများပါခဲ့ပါတယ်..။ အဲ့ဒီမြောက်များစွာထဲက ကျွန်တော့်ရင်ထဲ အခုအချိန်မှာ နက်နက်ရှိုင်းရှိုင်းထိုးဖောက် နေရာယူနေတဲ့ စကားတစ်လုံးရှိပါတယ်…။

Tom Hanks သေခါနီးမှာ Private Ryan ကို ပြောခဲ့တဲ့ …. “Earn it…!” ဆိုတဲ့စကားပဲ ဖြစ်ပါတယ်…။

သူဆိုလိုတာကတော့ ဒီ Ryan ဆိုတဲ့ သာမည စစ်သားလေးတစ်ယောက်ကို ကယ်ဖို့အတွက် စွန့်လွှတ်စတေးခဲ့ရတဲ့ (သူအပါအ၀င်) ရဲဘော်ရဲဘက်တွေရဲ့ အသက်ဝိဥာဉ် တွေနဲ့ ထိုက်တန်အောင် …။ ကျန်ရှိနေသေးတဲ့ လူ့သက်တမ်းတစ်လျှောက်မှာ တန်ဖိုးရှိအောင်နေပါ..။ အဓိပ္ပါယ်ရှိအောင်နေပါ..။ ဒီစွန့်လွှတ်မှုတွေကို အလကားမဖြစ်ပါစေနဲ့ဆိုပြီး ဆိုလိုတယ်လို့ ကျွန်တော် ယူဆပါတယ်..။ အင်္ဂလိပ်လိုကတော့ စကားလေးက နှစ်လုံးထဲပါ..။ Earn It…!

မနေ့က ကျွန်တော် အဲ့ဒီ့စကားလုံးလေး နှစ်လုံးရဲ့ အဓိပ္ပါယ်ကို ကိုယ်တိုင်ကိုယ်ကျ မျက်ဝါးထင်ထင် မြင်တွေ့ခဲ့ရတယ်…။

ကျွန်တော် အခုနေမယ့် အိမ်လေးကိုပြောင်းဖို့အတွက် ပထမဆုံးလာကြည့်တော့..။ အခန်းလေးက တော်တော် စုတ်ပြတ်နေပါတယ်..။ အခန်းထဲမှာ ဘိလပ်မြေအိပ်တွေ၊ အုတ်ခဲကျိုးတွေပါ ပုံနေပါတယ်…။ အဲ…။ အခန်းဝမှာတော့ ခွေခွေလေးအိပ်နေတဲ့…။ ရွှေဝါရောင် အမွှေးရှည်ရှည်တွေ…။ ပြည့်ဖောင်းဖောင်း မျက်နှာကြီးကြီး တစ်ခုရယ်နဲ့ Eye Shadow တွေ ဆွဲထားတယ်လို့ ထင်ရလောက်အောင် မဲနက်ပြီး ၀ိုင်းစက်နေတဲ့ မျက်ဝန်းတစ်စုံ ရှိတဲ့ သူတစ်ယောက် ငြိမ်ငြိမ်လေး အိပ်နေပါတယ်…။

လူသံတွေကြားတော့ ခေါင်းထောင်လာပြီး ရှူးရှဲရှူးရှဲ ထဟောင်ပါတယ်…။ ကျွန်တော်နဲ့ ပါလာတဲ့ ဒီနေရာမှာ အရင်နေနှင့်တဲ့ Senior က လှမ်းအော်လိုက်ပါတယ်…။

“Jackie ငြိမ်ငြိမ်နေစမ်း…..။”

ကျွန်တော် ငယ်ငယ်ကတည်းက ခွေးတော်တော်ချစ်တတ်ပါတယ်…။ ကိုယ်ပိုင် Passport နဲ့ တန်ဖိုးကြီးခွေးတွေကအစ လမ်းဘေး အိမ်ကြို အိမ်ကြားက သာမန် ခွေး တွေအထိ ကျွန်တော် အကုန်ချစ်ပါတယ်…။ ကျွန်တော့် ဘ၀မှာ ခွေးကိုက်ခံရတယ်ဆိုတာလည်း တစ်ခါမှ မရှိခဲ့ဖူးပါဘူး..။ ဘယ်လောက်သောင်းကျန်းပါ တယ်ဆိုတဲ့ ခွေးပဲ ဖြစ်ဖြစ်..။ ကျွန်တော်နဲ့ မဖြစ်မနေဆုံလို့…။ အို အို အို..။ တောက်တောက်တောက် ဆိုပြီး လုပ်လိုက်တာနဲ့..။ အမြှီးတနှံ့နှံ့ဖြစ်ကာ ကျွန်တော်နဲ့ ငယ်ပေါင်း ကြီးဖော် သူငယ်ချင်းတစ်ယောက်လို ဖြစ်သွားလေ့ရှိပါတယ်…။

ကျွန်တော်အခုအိမ်ကို မပြောင်းခင် ကျွန်တော့်ဘေးမှာ မိသားစု သုံးစုရှိပါတယ်..။ ကျွန်တော်ပြောင်းမလာခင်အထိ Jackie ဟာ အဲ့ဒီ့မိသားစုအိမ်တွေမှာ ဗိုလ်ကျခြင်တိုင်း ဗိုလ်ကျ..။ စားချင်တဲ့အချိန်စား..။ အိပ်ချင်တဲ့အချိန်အိပ်ပါတယ်…။ အပြင်မှာချမ်းရင် အိမ်ထဲအထိ ၀င်အိပ်တတ်ပါတယ်…။ မိသားစုတွေအားလုံးက Jackie အဲ့လိုဆိုးပေမယ့်..။ ကလေးတစ်ယောက်လိုပဲ အားလုံးက တော်တော်ချစ်ကြပါတယ်..။ ချစ်မယ်ဆိုလည်း ချစ်သင့်ပါတယ်…။ သူ့ရဲ့တောင့်တောင့်ဖိုင့်ဖိုင့် ခန္ဓာကိုယ်ကြီးရှယ်..။ ရွှေရောင်အမွှေးရှည်ရှည်လေးတွေရယ်..။ မည်းနဲ ၀ိုင်းစက်နေတဲ့ မျက်ဝန်းတစ်စုံနဲ့ အဲ့ဒီ့မျက်ဝန်းနောက်က ဖြူစင်နေတဲ့ မျက်ဝန်းလေးတွေရယ် ဟာ တွေ့တဲ့သူတိုင်း သူ့ကို မချစ်ပဲ မနေနိုင်အောင် ဆွဲဆောင်နိုင်ပါတယ်…။

Jackie ရေ ထမင်းစားမယ်ဆိုရင်..။ ဟန်မဆောင်နိုင်အောင် ပါးစပ်ထဲက သွားရည်တွေ တတောက်တောက်ကျတဲ့အထိ ကလေးဆန်တဲ့သူဖြစ်ပါတယ်…။

ကျွန်တော်တို့ မိသားစုပြောင်းလာပြီးတဲ့နောက် Jackie ကျွန်တော်တို့အိမ်မှာပဲ စတည်းချပါတော့တယ်..။ ကျွန်တော့်အမျိုးသမီးကလည်း ခွေးချစ်တတ်တော့ Jackie တို့က အကြိုက်ဖြစ်သွားပါတယ်..။ ကျွန်တော့် အမျိုးသမီးကို သူဆိုးချင်တိုင်းဆိုးပါတယ်..။ Lady Black ကလည်း လူကောင်သေးသေးဆိုတော့ ဘယ်လိုမှ Jackie ကို သူမနိုင်ပါဘူး..။ ကျွန်တော်ရုံးသွားတဲ့ အချိန်များဆို Jackie ဗိုလ်ကျသမျှ သူခံရပါတယ်…။ ဒါပေမယ့် အချစ်ကတော့ မပျက်ခဲ့ပါဘူး…။

ပြီးခဲ့တဲ့ အပါတ်က ကျွန်တော့်အမေနဲ့ ညီမ ကျွန်တော့်ဆီကို လာလည်ကြပါတယ်..။ ၂ ပါတ်နီးပါးလောက်နေသွားကြပါတယ်…။ အိမ်ရှေ့ကို ဘယ်သူလာလာ လူစိမ်း မြင်တာနဲ့ ကမူးရှူးထိုး ဟောင်တတ်တဲ့ Jackie ဟာ..။ ကျွန်တော့်အမေကို မြင်တာနဲ့ ငယ်စဉ်ကတည်းက သူ့ကိုကျွေးမွေးစောင့်ရှောက်ခဲ့တဲ့ သခင်တစ်ယောက် အလား အငန်းမရ ဆီးကြိုပါတယ်…။ ဒါတောင် မနက် ၄ နာရီ ဝေလီဝေလင်း အမြင်မသဲကွဲသေးတဲ့အချိန်ပါ..။

Jackie ဟာ ကျွန်တော့်အိမ်ရဲ့ ဖိနပ်ချွတ်မှာအိပ်ရတာ ၀ါသနာပါပါတယ်..။ ဘယ်လောက်ပဲ မောင်းထုတ်ထုတ် ပေကပ်ပြီး အိပ်နေတတ်ပါတယ်..။ အိမ်က လူ တစ်ယောက်ယောက် အပြင်က ပြန်လာတာနဲ့ အဲ့ဒီ့လူဆီပြေးသွားပြီး..။ သူ့ရဲ့ ကြီးမားတဲ့ခေါင်းကြီးနဲ့ အတင်းတိုးဝှေ့ကြိုဆိုတတ်ပါတယ်…။ သံပန်းတံခါးပိတ်ထား လို့ အိမ်ထဲဝင်မရရင် လက်နဲ့ ယက်ပြီး တံခါးကိုဖွင့်တတ်ပါတယ်..။ တစ်ခါတစ်လေ ကျွန်တော်တို့ နှစ်ယောက်အပြင်က ပြန်လာတာနဲ့ ဆိုင်ကယ် (ကျွန်တော်တို့ နှစ်ယောက်ဆီ) ဆီကို ပြေးလာလိုက် တံခါးဝကို သွားပြီး လက်နဲ့ ပုတ်ပြလိုက် လုပ်ကာ တံခါးဖွင့်ခိုင်းတတ်ပါတယ်…။

သူဟာ တိရစ္ဆာန်တို့ သဘာဝ အခြားသောခွေးတွေကို အနိုင်ကျင့်တတ်ပေမယ့် သူအနိုင်မကျင့်တဲ့ ခွေးမလေးတစ်ကောင်ရှိပါတယ်…။ အစက ကျွန်တော် အဲ့ဒီ့ ခွေးမ လေးကို သတိမထားမိပါဘူး..။ အမေတို့ရောက်နေတုန်း တစ်နေ့မှာ Lady Black က နာမည်ဆန်းဆန်း တစ်ခုကို ပါးစပ်က ခေါ်လိုက်လို့ ..။ ဘာပြောလိုက် တာလည်းဆိုပြီး မေးတော့..။ Lady Black က ရယ်လျက်ပြောပါတယ်…။

“ဒီတစ်ယောက်ကြည့်ရတာ သိပ်ပြည့်ပုံ မရဘူး ကိုရဲ့ ချစ်ဖို့လည်းကောင်းတယ်..။ အဲ့ဒါကြောင့် “ပြားဝက်” လို့ နာမည်ပေးလိုက်တာ”

ကျွန်တော် တော်တော်သဘောကျသွားတယ်..။ သူပြောမှ သတိထားပြီး ကြည့်မိတော့ တကယ်ကို မပြည့်ပုံရပါတယ်…။ ဒါပေမယ့် ချစ်ဖို့ကောင်းတာကလည်း အမှန်ပါ ပဲ..။ နောက်ပိုင်း ကျွန်တော် တစ်ချက်တစ်ချက် သတိထားကြည့်မိပါတယ်..။ ကျွန်တော် ရုံးကပြန်လာရင် ကျွန်တော့်ကို Jackie နဲ့အတူ ပြားဝက်လဲ လာကြိုတတ်ပါတယ်..။ ဒါပေမယ့် ထူးဆန်းတာက Jackie က ဒီအတိုင်းလာကြိုပေမယ့်..။ ပြားဝက်က ကျွန်တော့်ကို လာကြိုပြီ..။ ကျွန်တော်ပြန် လာတာ မြင်ပြီဆိုတာနဲ့ အနားမှာ ရှိတဲ့အရာတစ်ခုခုကို ပါးစပ်နဲ့ချီပြီး ကျွန်တော့်ဆီ ယူလာလေ့ရှိပါတယ်..။ တစ်ခါတစ်လေ အ၀တ်စ..။ တစ်ခါတစ်လေ သစ်သား ပြားလေးတွေက အစ ပါပါ တယ်…။

သြော တကယ်ကို တစ်ဝက်ပဲ ရှိတဲ့ “ပြားဝက်” ပါပဲလား….။

တစ်ခါတစ်လေ ကျွန်တော် Lady Black ကို နောက်လေ့ ရှိပါတယ်…။ ဟိုမှာ ခင်ဗျား ချစ်ချစ် ဗိုက်ဆာနေပြီ ထမင်းသွားကျွေးလိုက်ဦးတို့..။ သူရန်ကုန်ပြန်သွားတဲ့ အချိန်မှာ ခင်ဗျားရည်းစားကြီး ခင်ဗျားကို လွမ်းနေပြီတို့ဆိုပြီး Jackie နဲ့ နောက်လေ့ရှိပါတယ်…။

တကယ်ဆို Lady Black ဘေးမှာ ကျွန်တော့်ထက်ပိုပြီး Jackie က အနေများခဲ့ပါတယ်…။ Lady Black က သရဲကြောက်တတ်သလို..။ ကျွန်တော့်အိမ်ကလည်း တကယ်ခြောက်ပါတယ်..။(အခုတော့ အိမ်တက်ဆွမ်းကျွေး၊ ပရိတ်ရွတ်လိုက်တော့ မရှိတော့ပါဘူး) Lady Black ကြောက်မှန်းသိလို့ပဲလား..။ သူ့သဘာဝအရ လား တော့ မသိပါဘူး…။ ကျွန်တော်ရုံးသွားပြီဆိုတာနဲ့ Jackie ကျွန်တော့် ဇနီးနားက မခွာတော့ပါဘူး..။ တစ်ခါတစ်လေ သူမီးဖိုထဲ ဟင်းချက်နေတဲ့အချိန်မှာ အိမ်ရှေ့ ဖိနပ်ချွတ်မှာ ခွေခွေလေးလာအိပ်ပေးနေလေ့ရှိပြီး..။ တစ်ခါတစ်လေ အခန်းထဲမှာခင်းထားတဲ့ ကော်ဇောတွေကို ပိုင်ဆိုးပိုင်နင်း နင်းဖြတ်ကာ မီးဖိုထဲအထိ ၀င်လာပြီး ကျွန်တော့်အမျိုးသမီး ဟင်းချက်နေတဲ့ အနားမှာ လာအိပ်နေလေ့ရှိပါတယ်…။ ဒီလိုအချိန်မှာ ကျွန်တော်မဟုတ်တဲ့ တစ်စုံတစ်ယောက်ကများ အိမ်ရှေ့ကို ရောက်လာ မယ်ဆို တဟုန်ထိုးပြေးပြီး ဟောင်ဖို့ ၀န်မလေးတတ်သူတစ်ယောက်ပါ….။

“Jackie ရှိတာ သရဲတောင်မကြောက်တော့ဖူး..။ ဟင်းချက်နေတုန်းအိမ်ရှေ့လှမ်းကြည့်လိုက်လို့ ဖိနပ်ချွတ်မှာ သူအိပ်နေတာတွေ့ရင် စိတ်ထဲ လုံခြုံသလို ခံစားရတယ်” ဒါက မနေ့က မနက်က Lady Black ပြောခဲ့တဲ့ စကားပါ…။

“သူတို့ကိုကျွေးဖို့ ဈေးသည်ဆီက ကြက်ခေါင်းနဲ့ တောင်ပံတွေ  ၂ ရက်ခြားမှာထားတယ်…။ ဆန်လည်း သီးသန့်ဝယ်ထားတယ်…။ တစ်လကို သူတို့စားရိတ် ၄ သောင်းလောက်တော့ ကျမယ်…။” မနေ့က မနက်ပိုင်းက ပြောခဲ့တဲ့ Lady Black ရဲ့ စကားတွေပါ…။

ညနေ ကျွန်တော်ရုံးက ပြန်ရောက်ပြီး စိတ်ထဲမှာလည်း အလုပ်လုပ်ချင်စိတ်မရှိတာနဲ့ ကျွန်တော့် အမျိုးသမီးနဲ့အတူ ရုပ်ရှင်ကြည့်ဖို့ စိတ်ကူးလိုက်ပါတယ်..။ Lady Black က “အပြင် ပြန်မထွက်တော့ဘူးဆိုရင် Jackie တို့ကို အပြင်ထုတ်ပြီး..။ ဆိုင်ကယ်သွင်းလိုက်တော့လေ ကို…။ တော်ကြာ ခြင်တွေဝင်လာတော့မယ်..။”

အချိန်က ၅ နာရီ ၀န်းကျင်လောက်ဖြစ်မယ်ထင်ပါတယ်…။ ခါတိုင်းဆို Jackie တို့က ကျွန်တော့်ဖိနပ်ချွတ်မှာ ညနေ ၆ နာရီ ၇ နာရီအထိ ၀င်နေလေ့ရှိကြပါတယ်..။

“အင်း..။အင်း…”

Jackie တို့ကို အပြင်ထုတ်ပြီး ကျွန်တော်တို့ လင်မယားနှစ်ယောက်လည်း ရုပ်ရှင်ကြည့်နေလိုက်ပါတယ်..။ နာရီဝက်လောက်အကြာမှာထင်တယ်..။ ဘေးအိမ်က ညီလေးက အရေးတကြီးပြေးလာခေါ်တယ်…။

“အစ်ကို..။ အစ်ကို..။ အရေးကြီးလို့..။ မြန်မြန်..။”

ကျွန်တော် ပြေးထွက်သွားလိုက်တယ်….။

“အစ်ကိုရယ် ဟိုမှာ Jackie ကိုကြည့်ပါဦး” ဆိုပြီး ငိုမဲ့မဲ့ မျက်နှာနဲ့ပြောလို့ ကျွန်တော်ကြည့်လိုက်မိတော့….။

ကျွန်တော့် ရင်ဘတ်တစ်ခုလုံး ပွင့်ထွက်သွားသလို ခံစားလိုက်ရတယ်..။ အမြဲတမ်းတက်ကြွလန်းဆန်းပြီး အသန့်ကြိုက်တဲ့ Jackie တစ်ယောက် တစ်ကိုယ်လုံး ရွှံ့တွေ အလိမ်းလိမ်း..။ မျက်နှာကလည်း ချက်ခြင်းချောင်ကျသွားတယ်…။ လျှာလည်းထွက်နေပြီ…။ ကျွန်တော်အိမ်ဘက်ကို လမ်းလျှောက်လာလိုက်..။ ဘိုင်းကနဲ ပြစ်လဲ သွားလိုက်…။ ကျွန်တော် သိလိုက်ပြီ..။

Jackie အဆိပ်မိလေပြီ….။

“ဖြိုး ဖြိုး လာကြည့်ပါဦး….”

ကျွန်တော့်မိန်းမအပြင်တောင်မရောက်လိုက် Jackie ကို အိမ်ထဲကလှမ်းမြင်လိုက်ကတည်းက သူထိုင်ကျသွားတယ်….။

“ညီလေး အခုဘာတိုက်ထားလည်း..”

“ဘဲဥဖောက်တိုက်ထားတယ်အစ်ကို..။ အစ်ကို့ဆီမှာ ကန်စွန်းရွက်ရှိရင် အရည်ကျိတ်ပြီးတိုက်ရအောင်…။”

“ကန်စွန်းရွက်တော့မရှိဖူး…။ ထညက်တော့ရှိတယ်…။ သကြားရှိတယ်..။ တိုက်ထားလိုက်…။ အစ်ကို ဆရာဝန်ပြေးခေါ်မယ်…။ ညီလေး ဒီမှာနေခဲ့..”

ကျွန်တော့်အိမ်ဘေးက ညီလေးလည်း မျက်ရည်စမ်းတမ်းတမ်းဖြစ်နေပါပြီ..။ Jackie ကို ထညက်ကျွေးဖို့အတွက် သူကိုယ်တိုင် ၀င်ချုပ်ပါတယ်..။ တရုတ်ကပြားလေး ဆိုတော့ Jackie ကိုယ်က ရွံ့တွေရယ်..။ ရှုန်းရာကနေခြစ်မိတဲ့ ခြစ်ရာတွေရယ်နဲ့ သူ့တစ်ကိုယ်လုံးလည်း ရစရာမရှိတော့ပါဘူး…။

ကျွန်တော် Jackie ကို တစ်ချက်ပွတ်ပြီး ပြောလိုက်ပါတယ်…။

“သား..။ ခဏလေးတောင့်ထားနော်..။ မြန်မြန် ပြန်လာခဲ့မယ်…”

ကျွန်တော်ဆိုင်ကယ်ကို တဟုတ်ထိုးမောင်းထွက်ပြီး ပြင်ဦးလွင်အနှံ့ တိရစ္ဆာန်ကုဆရာဝန် လိုက်ရှာခဲ့ပါတယ်…။ စိတ်ထဲကလည်း မှီပါစေဆိုတဲ့ ဆုတောင်းတစ်ခုကိုသာ အထပ်ထပ်ဆုတောင်းနေမိခဲ့တယ်..။ နောက်ဆုံး ဆရာဝန်ရှိတဲ့နေရာကို သိပြီးလိုက်သွားတယ်…။ နာရီဝက်လောက်ကြာသွားပါတယ်…။

“ကျွန်တော့်ခွေး အဆိပ်မိလို့ Doctor ရယ် မြန်မြန်လေးလိုက်ခဲ့ပေးပါ…”

ဆရာဝန်ကတော့ သိပ်ဟန်မပျက်..။ ဘာမှမဖြစ်သည့်ပုံ..။ ကျွန်တော့်မှာသာ စိတ်ကို မနဲချုပ်ထားရသည်..။ Jackie ဆီလည်းပြန်ချင်ပြီ…။

“တပ်ထဲမှာ ပြစ်တဲ့အဆိပ်က သိပ်ပြင်းတယ်…။ မမှီလောက်ဖူးထင်တယ်…” ကျွန်တော် တကယ်ကို ဒေါသထွက်သွားသည်…။ ဒါလားဆရာဝန်စိတ်ဓာတ်…။ မမှီတာကို ကျွန်တော်သိသည်..။ ဒါပေမယ့် တတ်နိုင်သလောက် Jackie ကို ညင်ညင်သာသာ ဘ၀ကူးသွားစေချင်သည်…။

“မမှီဘူးဆိုတာ ကျွန်တော်သိပါတယ် Doctor. ဒါပေမယ့် သက်သာအောင် တစ်ခုခုတော့ လိုက်လုပ်ပေးပါ..” ဆရာဝန်ရဲ့ အမျိုးသားကလည်း ပြောတော့မှ မလိုက်ချင် လိုက်ချင်နဲ့ လိုက်လာသည်…။

တကယ်မမှီတော့တာကို သူ့ သမ္ဘာအရသိလို့ စိတ်လျော့ထားမှန်း ကျွန်တော်သိပါတယ်..။ ဒါပေမယ့် ဒီအချိန်မှာ လာပင့်တဲ့သူရဲ့စိတ်..။ သတ္တ၀ါတစ်ကောင် မချိမဆန့် ခံစားနေရတဲ့ဆိုတဲ့ ကိုယ်ချင်းစာတရားတော့ အနဲနဲ့အများရှိသင့်ပါတယ်…။

ဒါတောင်ကျွန်တော့်ကို မေးလိုက်သေးတယ်.. “ဘာခွေးအမျိုးအစားလဲတဲ့”

ကျွန်တော့်စိတ်ထဲ ထောင်းခနဲဖြစ်သွားတယ်…။ မကောင်းတတ်လို့သာ တော်တော်ချုပ်ထိန်းလိုက်ရတယ်…။ “သာမန်ခွေးပါပဲ Doctor ရယ်..။ ဒါပေမယ့် လိုင်းခန်းတစ်ခုလုံးက သားသမီးလည်း မရှိကြသေးတော့ သားလို ချစ်ရတဲ့ သူဖြစ်နေလို့ပါ…။”

ကျွန်တော် အိမ်ကိုပြန်ရောက်တော့ Jackie အသက်ရှိသေးသည်…။ ကျွန်တော့်မိန်းမ ကျွန်တော့်ဆီ ပြေးလာပြီး ငိုသံနဲ့ ပြောသည်…။

“ကို…။ ပြားဝက်လေးလဲ သေပြီ…။ အဖြူမနဲ့ ဖက်ပြီးတော့ သေနေတာ…။ သနားပါတယ်…” ကျွန်တော် တော်တော်ဆို့သွားသည်..။

သူပြောတဲ့ အဖြူမဆိုတာ အလွန် အေးသော ခွေးမလေးဖြစ်သည်…။ အကောင်ကြီးသော်လည်း သူများတွေဆီက အစာကိုလုမစားတတ်..။ သူ့ကို သီးသန့်ကျွေးမှ စားတတ်သော သူဖြစ်သည်။ သူများတွေရန်လိုလျှင်လည်း သူစားနေတာကို ဖယ်ပေးလေ့ရှိသည်….။ မနက်ကတင် သူများတွေ အနိုင်ကျင့်မှာစိုးလို့ ကျွန်တော့် Lady Black က သူကိုယ်တိုင် လက်နဲ့ ခွံ့ကျွေးခဲ့သေးသည်..။ သေသွားတဲ့ သူတွေအတွက်တော့ မတတ်နိုင်တော့..။ အခုဆရာ ၀န်လည်း လာပြီ Jackie လည်း မသေသေးဘူးဆိုတော့..။ မရှိမဲ့ ရှိမဲ့ မျှော်လင့်ချက်လေး နဲနဲရှင်သန်လာသည်…။

မှီများ..။ မှီပေဦးမလား…။

လိုင်းခန်းက အရာရှိတွေ Jackie နားမှာ ပြုံနေသည်..။ ကျွန်တော်ဖယ်ပြီး Jackie နားကိုသွားလိုက်တော့ သူတော်တော်မောနေပြီ ဖြစ်သည်…။ ဆရာဝန်က ဆေးထိုးဖို့ လုပ်သည်..။ ထိုအချိန်မှာ ကန်စွန်းရွက်ပြုတ်ရည်တိုက်ဆိုတော့…။ Jackie ကို ကျွန်တော် လက်နှစ်ဘက်နဲ့ သူခြေထောက်နှစ်ဖက်ကို ချုပ်ပေး သည်..။ ကျွန်တော့်အိမ်ဘေးက ညီလေးက ရှေ့လက်နှစ်ဘက်ကိုချုပ်သည်..။ ကျန်တဲ့သူတွေကတော့ ကြည့်သာကြည့်နေကြသည်..။ ကိုင်ဖို့နေနေသာသာ အနားတောင် သိပ်မကပ်ရဲပေ…။

“ကဲ ညီလေး ပါးစပ်ဖြဲပြီး လောင်းထည့်ကွာ..။ ကိုယ်ချုပ်ထားမယ်..”

အစာအဆိပ်မိသွားသော သူတစ်ယောက်ပီပီ..။ သူ့ပါးစပ်ထဲကို တစ်စုံတစ်ခုထပ်ထည့်မှာ အရမ်းကြောက်နေပုံရသည်…။ ပြားဝက်တို့၊ အဖြူမတို့မှာ အကောင်သေး သလို..။ စိတ်လည်း သိပ်ပြင်းပုံမရသောကြောင့်..။ အစာစားမိသည့်နေရာမှာတွင် ချက်ခြင်းသေသွားကြပုံရသည်…။ Jackie ကတော့ စိတ်တော်တော် ပြင်းပုံရသည်။ သူ အခြေအနေမကောင်းတော့မှန်းသိသည်နှင့် သူ့ကို အမြဲအစာကျွေးလေ့ရှိတဲ့ ကျွန်တော့်အိမ်ဘေးက ညီလေးအိမ်နဲ့ ကျွန်တော့်အိမ်ကို ရောက်အောင် ပြန်ပြေးလာခဲ့ သည်..။

ကျွန်တော့်ကို ညီလေး လာမခေါ်ခင်မှာပင် Jackie လမ်းလျှောက်လိုက် လဲလိုက်ဖြစ်နေပြီ ဖြစ်သည်..။ ကျွန်တော်ဆရာဝန်သွားခေါ်တဲ့အချိန်မှာ ကျွန်တော့် မိန်းမပြောပြတာ့..။ သူအိပ်နေကြ ကျွန်တော်တို့ အိမ်ထဲက ဖိနပ်ချွတ်ကို အတင်းပြေးပြီး အဲ့ဒီနေရာမှာ ခွေခွေလေးသွားအိပ်နေသည်တဲ့…။ သူ့ကို အဆိပ်ပြေဖို့ ဘဲဥအနှစ်တိုက်ဖို့အပြင်ကို မနဲအတင်း ဆွဲထုတ်ရတယ် ပြောပါတယ်…။

အခု Jackie ကို ဆေးထိုးပေးတာက တခြားလိုင်းခန်းတစ်ခုရှေ့ရောက်နေပါပြီ..။ ဆရာဝန်က ဆေးနှစ်လုံးထိုးပါတယ်…။ ခဏစောင့်ကြည့်မယ်တဲ့..။ သက်သာရင် နောက်တစ်လုံး ထပ်ထိုးမယ်ပြောတယ်…။ ကျွန်တော် Jackie ခြေထောက်ကို ချုပ်ထားတယ်…။ ကျွန်တော့်ရင်တွေ အရမ်းစို့နင့်နေတယ်..။ လူတွေ အများကြီးရှေ့မှာ မျက်ရည်မကျအောင် မနဲထိမ်းထားရတယ်..။ စိတ်ထဲကနေ သရဏဂုံ သုံးပါးရွတ်ပေးနေတယ်..။ ဖြစ်နိုင်ရင် (လူတွေသာမရှိရင်) မင်းဟာ တကယ် လိမ္မာတဲ့အကြောင်း..။ ဘာကိုမှ နောက်ဆံမတင်းသင့်ကြောင်း…။ ဒီဘ၀က လွတ်ကျွတ်တဲ့အခါ နောင်ဘ၀ကောင်းတစ်ခုကို ရောက်နိုင်ကြောင်း..။ အခုလို မောဟတွေ ဝေဒနာတွေနဲ့ သေခဲ့ရင် ဘ၀ကောင်းတစ်ခုကို ဘယ်လိုမှမရောက်နိုင်ကြောင်း..။  တဖွဖွပြောပြီး ဘုရားစာကို ပါးစပ်က ထုတ်ပြီး ရွတ်ပေးလိုက် ချင်ပါတယ်…။

“Doctor ရေတိုက်လို့ရမလား..”

“ရတယ် ရတယ်…”

ကျွန်တော်တို့ နှစ်ယောက်ချုပ်ထားသည်..။ နောက်ထပ် ညီလေးတစ်ယောက်က ပါးစပ်ကို အတင်းဖြဲပြီး ရေလောင်းထည့်သည်..။

“ဖြေးဖြေးလုပ်..။ ပါးစပ်ထဲကရေ နှာခေါင်းထဲဝင်ပြီး မွန်း….”

တဆက်ဆက်တုန်ပြီး အတင်းရုန်းနေသော Jackie ခန္ဓာကိုယ်သည် ရုတ်တရက် ချက်ခြင်းရပ်သွားတာကို သူ့ကို ချုပ်ထားတဲ့ ကျွန်တော်သိလိုက်သည်…။ သူ့ခန္ဓာ ကိုယ်တစ်ခုလုံး ချက်ခြင်းအေးစက်ပြီး တက်လာသည်…။ ရေတိုက်ဖို့ ကြိုးစားတဲ့သူက ကြိုးစားတုန်း…။

“ညီလေး… Jackie သွားပြီ….”

ကျွန်တော်ထိုင်ချပြီး ငိုသာငိုလိုက်ချင်သည်….။

ကျွန်တော်ရယ် ညီလေးတစ်ယောက်ရယ် Jackie ခန္ဓာကိုယ်ကိုကြီးကို မသွားသည်။ ပြားဝက်တို့၊ အဖြူမတို့ သေသည့်နေရာနားတွင်ပင်မြှုပ်ရန်ဖြစ်သည်…။

အရှေ့မှာ နှစ်ကောင်သေနေတယ်လို့ သိရတော့ Lady Black က ပြားဝက်မဖြစ်ပါစေနဲ့…။ ဒီတစ်ကောင်တော့ ချန်ခဲ့ပေးပါလို့ အကြိကြိမ်ဆုတောင်းပြီး သွားတယ်လို့ ပြောပါတယ်…။ ဒါပေမယ့် သူ့ဆုတောင်းတွေမပြည့်ခဲ့ပါဘူး…။ ကျွန်တော် သွားကြည့်တော့ တကယ်ပဲ ပြားဝက်လေးနဲ့ အဖြူမတို့ဟာ တစ်ကောင်နဲ့ တစ်ကောင် ယှက်ပြီး (ဖက်ပြီး) သေနေတာကို သနားစဖွယ် မြင်ခဲ့ရပါတယ်..။ အဲ့ဒီ့နားမှာပဲ နောက်ထပ် ခွေးအမည်းလေးတစ်ကောင်လည်း သေနေပါတယ်..။ ကျွန်တော်တို့ စုစုပေါင်း လေးကောင် မြေမြှုပ်ပေးခဲ့ပါတယ်…။

အိမ်ပြန်ရောက်တော့ ဖြိုးလည်း ငိုပါတယ်..။ ကျွန်တော်လည်း ငိုပါတယ်…။ အမေ့ဆီ ဖုန်းဆက်ပြီး လှမ်းပြောတော့ အမေလည်းငိုပါတယ်…။ အားလုံးငိုကြရပါတယ်..။

ဒါဟာ သံယောဇဉ်ပဲ မဟုတ်လားဗျာ…။

ကျွန်တော်နဲ့ ကျွန်တော့်မိန်းမ စကားတွေဆက်ပြောဖြစ်သည်…။ မနက်ကမှ ကျွန်တော့်ကို လာကြိုနေသည့် Jackie နှင့် သစ်သားပြားလေးကိုက်ပြီး လာကြိုတဲ့ ပြားဝက်လေး ကို ကျွန်တော်တွေ့ခဲ့သေးသည်..။ အခုမရှိတော့…။

မနက်မြင်၍…. ညနေမှာ ပျောက်ကွယ်ခဲ့လေပြီ…။

မသေခင် Jackie ကျွန်တော့်ကို စူးစူးစိုက်စိုက် ကြည့်သွားတဲ့အကြည့်တွေကို ကျွန်တော် မြင်ယောင်နေမိသည်…။ သူသာ စကားပြောတတ်ပါက ဘာတွေ များ နောက်ဆုံး အနေနဲ့ ပြောသွားချင်ပါသလဲ…။

လောကရဲ့ မတည်မြဲတဲ့ သဘောတရားတွေလား…။ သံယောဇဉ်တရားရဲ့ လောင်ကျွမ်းမှုတွေအကြောင်းလား….။ သံသရာဆိုတဲ့ စက်ဝန်းကြီးတစ်ခုအကြောင်း လား..။ ဒါမှမဟုတ် ..။ နောက်ဆုံး..။ အစာအိမ်ပျက်စီးလို့ ပူလောင်နေတဲ့ သူမပိုင်ပေမယ့် ပိုင်တယ်လို့ ထင်ခဲ့တဲ့ ခန္ဓာကိုယ်ကြီးရဲ့ ဝေဒနာအကြောင်းလား….။ အနဲဆုံး…..

“နှုတ်ဆက်ခဲ့ပါတယ်…” ဆိုတဲ့ စကားတစ်ခုများလား….။

ဒါမှမဟုတ်….။ Tom Hanks ပြောခဲ့တဲ့ “Earn It….!” ဆိုတဲ့ စကားလေများလား…..။

သေချာတာကတော့ ကျွန်တော့်ဘ၀တစ်လျှောက် ဖြတ်သန်းလာခဲ့ရသမျှ ပထမဆုံးသောသက်ရှိတစ်ယောက်အနေနဲ့ ကျွန်တော့်လက်ထဲမှာပင် ဘ၀ကူးသွား ခဲ့ ခြင်း ဖြစ်သည်…။ များစွာကြေကွဲရပါသည်…။ များစွာတုန်လှုပ်ရပါသည်…။

Jackie ရဲ့ သေခြင်းတရားသည် ကျွန်တော်တို့အတွက် အလဟသ မဖြစ်သင့်ဟု ကျွန်တော်ယုံကြည်သည်..။ ကျွန်တော်တို့တွင် အချိန်တွေရှားပါးခဲ့ပြီ…။ ကျွန်တော်တို့အလှည့်သည် ဒီနေ့လော မနက်ဖြန်လော မမြင်နိုင်ပြီ…။ ကျွန်တော်တို့ အဆင်သင့်ဖြစ်ခဲ့ပြီလော…။ ဒါမှမဟုတ် မဖြစ်သေးသလော..။ တကယ်လို့များ ကျွန်တော်တို့အပေါ် ကံကြမ္မာက မျက်နှာသာမပေးခဲ့သည့်အချိန်တွင် Jackie လိုမျိုးသွေးမပျက်အောင် ကျွန်တော်တို့ အဘယ်သို့သော အသိတရားဖြင့် ထိန်းချုပ်ကြ မည်နည်း..။ အဘယ်သို့သော သတ္တိဖြင့် နောင်ဘ၀ကို ရင်ဆိုင်ကြမည်နည်း…။

အချိန်တွေကို ကျွန်တော်တို့မပိုင်ပါ..။ ဒီခန္ဓာကိုယ်လည်း ကျွန်တော်တို့မပိုင်ပါ….။ လောကတွင် ကျွန်တော်တို့ဘာမှမပိုင်ပါ..။ ကျွန်တော်တို့ပိုင်တာ ပစ္စုပ္ပန်ဆိုတဲ့ အခွင့်အရေးလေးတစ်ခုသာရှိသည်…။ မနက်ဖြန်ကို ကျွန်တော်တို့မပိုင်ပေ…။ ထို့ကြောင့် ကျွန်တော် ပစ္စုပ္ပန်အချိန်ကပင်စပြီး ပြင်ဆင်ခဲ့ပြီ ဖြစ်သည်..။

ခင်ဗျားရော ဘယ်တော့ ပြင်ဆင်မလဲ မိတ်ဆွေ…။ ကျွန်တော်ကတော့ ကျွန်တော့်မျက်စိရှေ့…။ ကျွန်တော့်ရင်ခွင်ထဲတွင် ဘ၀ကူးသွားသော Jackie ရဲ့ သေခြင်းတရား ကို အလဟသအဖြစ်ခံမည်မဟုတ်ချေ…။ ခင်ဗျားရော ဘယ်လိုခံယူမလဲမိတ်ဆွေ….။

သေချာတာတစ်ခုတော့ ရှိသည်…။ ကျွန်တော့်ဘ၀တစ်လျှောက်လုံးအတွက်… ။ ကျွန်တော်ချစ်သော လောကအတွက်…။ ခင်ဗျားတို့အတွက်….။

“I Will Earn From It…..”

P.S- Jackie၊ ပြားဝက်၊ အဖြူမနဲ့ အခြားသောအဲ့ဒီ့နေ့က သေဆုံးသွားတဲ့ သတ္တ၀ါအပေါင်းအတွက် သင်္ကန်းလှူကာ ရေစက်ချဖို့ စီစဉ်သွားမည် ဖြစ်ပါသည်။

အချိန်တို့သည် ထင်တာထက်ပိုပြီး လျှင်လျှင် မြန်မြန်ကုန်ဆုံးသွားပါတယ်..။ ဘာလိုလိုနဲ့ ကျွန်တော် မြန်မာပြည် ပြန်ရောက်တာ ၁ နှစ် နီးပါးရှိသွားပြီ ဖြစ်ပါတယ်။ တစ်နှစ်ဆိုတဲ့အချိန်ဟာ အချို့အတွက် မသိသာပါဘူး..။ မထူးခြားပါဘူး..။ အချို့အတွက်တော့ တစ်နှစ်ဆိုတဲ့ အချိန်မပြောနဲ့ တစ်စက္ကန့်ဆိုတဲ့ အချိန်ပိုင်းလောက်နဲ့ တင် အရာအားလုံးကို ပြောင်းလဲပြစ်ဖို့ လုံလောက်ပါတယ်..။

ကျွန်တော်အတွက်တော့ ဒုတိယအမျိုးအစားက အကြုံးဝင်ပါတယ်..။ တစ်နှစ်ဆိုတဲ့အချိန်ဟာ ဘယ်လိုကုန်လို့ ကုန်သွားမှန်းမသိလောက်အောင်ကို လုပ်စရာတွေက စနစ်တကျ ပြည့်နေခဲ့ပါတယ်..။ ကျွန်တော်ပိုင်ဆိုင်ထားတဲ့ ဘ၀အမျိုးအစားအရ ဒါဟာ သိပ်မထူးဆန်းပါဘူး…။ စာဖတ်သူတွေအတွက်လည်း ထူးဆန်းမယ် မထင်ပါဘူး..။ ဒီကာလတစ်ခုအတွင်းမှာ ကျွန်တော်ရရှိခဲ့တဲ့ အတွေ့အကြုံတွေ…။ ခံစားချက်တွေဟာ အမျိုးစုံသလောက် ရသလည်း စုံလှပါတယ်…။ ဒီအတွေ့အကြုံတွေထဲက ကျွန်တော့်ရင်ထဲ ရောက်လာတဲ့ အဖြစ်အပျက်လေးတစ်ခုအကြောင်း ကျွန်တော် ပြန်ပြောပြချင်ပါတယ်…။ ဒီစာကိုဖတ်လိုက်ရလို့ ကုန်ဆုံးသွားမယ့် တစ်စုံတစ်ခုသော မိနစ်ပိုင်း စက္ကန့်ပိုင်းအတွက် မပြောပလောက်သော ပမာဏလေးဖြစ်ဖြစ်တော့ အကျိုးရှိကောင်း ရှိမယ်လို့ ကျွန်တော် မျှော်လင့်ပါတယ်…။

ပထမတော့ ဒီအကြောင်းကို ကျွန်တော် ၀တ္ထုတို တစ်ပုဒ်အသွင်ပြောင်းပြီ ယခင့်ယခင်များကအတိုင်း မြှုပ်ကွက်လေးတစ်ခုထားပြီး ရေးမလို့စဉ်းစားခဲ့ပါသေးတယ်..။ ဒါပေမယ့် ကျွန်တော်ကိုယ်တိုင်ရလိုက်တဲ့ သင်ခန်းစာတစ်ခုဖြစ်တဲ့အတွက် ကိုယ့်ကိုယ်ကို သတိပေး (ဆုံးမ) တဲ့အနေနဲ့ရော ကျွန်တော့်လို အခြေအနေမျိုး (အနဲနဲ့အများဆိုသလို) ကြုံတွေ့နေရတဲ့ စာဖတ်သူများအတွက်ရော သတိထားမိနိုင်အောင် အဖြစ်အပျက်တစ်ခုအနေနဲ့ပဲ ဆောင်းပါးပုံမျိုး ရေးဖို့ ကျွန်တော် ဆုံးဖြတ်ခဲ့ပါတယ်..။

ဒီလိုပါ…။

ကျွန်တော် ရန်ကုန်ပြန်ရောက်လာပြီးကတည်းက အကြီးမားဆုံးအရူးထနေတဲ့ ရောဂါကတော့ အခုကျွန်တော်စီးနေတဲ့ကားကို အသစ်လဲချင်နေတာပါပဲ..။ ကျွန်တော့် မိသားစုဟာ တော်ဝင်အဆင့်၊ Top 10 အဆင့်ဝင်လောက်အောင် မချမ်းသာပေမယ့်…။ သာမန်ထက်ပိုပြီး ပြည့်ပြည့်စုံစုံနေနိုင်တဲ့ ဘ၀တစ်ခုကို ပိုင်ဆိုင်ထားပါတယ်။ ဒီ့အတွက် အပေါ်ယံအားဖြင့်ကြည့်မယ်ဆိုရင် ကားတစ်စီးလိုချင်နေတဲ့ ကျွန်တော့်ရဲ့ ဆန္ဒ (အရူးထမှု) ဟာ ပြဿနာတစ်ခုဘယ်လိုမှ မဖြစ်နိုင်ပါဘူး..။ ကြိုက်တဲ့ကား  တွေ့လို့ ဈေးလည်း သင့်တယ် (ကျွန်တော့်အသက်အရွယ် ကျွန်တော့်သောက်ဆင့်လောက်နဲ့ တော်ရုံတန်ရုံကားဆိုပါတော့) ဆိုရင် အခုစီးနေတဲ့ကား ကို ပေါက်ဈေးအတိုင်း ရသင့်သလောက်ရအောင်ရောင်းလိုက်..။ ပြီးရင် လိုတဲ့ငွေ နဲနဲပါးပါး (ရာတော့ကျော်တာပေါ့ဗျာ..။ သိန်းရာကျော်တာကို နဲနဲပါးပါး လို့ ရေးတယ်ဆိုပြီး သြဘာအပေး မစောကြပါနဲ့ဦး။ ကျွန်တော်အပေါ်မှာပြောခဲ့သလို ဒီဆောင်းပါးဟာ အမှားကို (အထူးသဖြင့်ကိုယ့်အမှားကို ကိုယ် ၀န်ခံတဲ့ဆောင်း ပါး တစ်ခုဖြစ်တဲ့အတွက် အစပိုင်းအသုံးအနှုံးနဲ့ အခြေအနေကတော့ ကြွားရာ ကြီးကျယ်ရာ ရောက်ကောင်းရောက်နိုင်ပါတယ်) အသာတကြည်  ၀ယ်လိုက်ရုံပါပဲ…။ ဒါပေမယ့် အဓိက ပြဿကတော့ ကျွန်တော့်အဖေပါပဲ…။

ကျွန်တော့်အဖေဟာ လက်ရှိအခြေအနေထိရောက်လာဖို့ အောက်ခြေဘ၀ကနေစပြီး သမာအာဇီဝဖြစ်သော လုပ်ငန်းများကို ကြိုးစားရုန်းကန်ရင်း ကျွန်တော်တို့ မိသားစုကို တည်ထောင်ပေးခဲ့ခြင်းဖြစ်ပါတယ်..။ ဒါ့ကြောင့်သူ့ရဲ့အတွေးအခေါ်၊ အယူအဆနဲ့ ဆုံးဖြတ်ချက်တွေဟာ ရိုးရှင်းပြီး ပကာသနကင်းလွန်းလှပါတယ်..။ သူ့အတွက် ကားဆိုတာ အလုပ်လုပ်ဖို့ ဖြစ်ပါတယ်…။ သူ့အယူအဆအရ လိုချင်တဲ့နေရာကို၊ လိုချင်တဲ့အချိန်မှာ သွားနိုင်ဖို့အတွက် ကားကို အသုံးပြုခြင်း (၀ယ်ခြင်း၊ စီးခြင်း) ဖြစ်ပါတယ်..။ ဇိမ်ခံဖို့ မဟုတ်ပါတဲ့..။ ကျွန်တော်တို့ နေထိုင်ရာ A-1 ခြံကနေ လှည်းတန်းကို သွားမယ်ဆိုပါစို့..။ သာမန်ရုံးအတက်အဆင်းချိန်သွားမယ်ဆိုရင် Prado လည်း ၁၅ မိနစ် မောင်းရပါတယ်..။ သာမန်ကားတစ်စီးလည်း ထို မိနစ်ပိုင်းအတွင်းပဲမောင်းရပါတယ်..။ ကားပိုကောင်းလို့ မြန်မြန်ပိုမရောက်နိုင်ပါဘူး..။ (အထူးသဖြင့် ရန်ကုန်မြို့ ထဲမှာ ကိုယ်တိုင်မောင်းဘူးတဲ့ သူတွေသိပါတယ်) ဒါကြောင့် မလိုအပ်ပဲ ကားအကောင်းစား ၀ယ်စီးခြင်းကို အပြင်းအထန် ကန့်ကွက် သူဖြစ်ပါတယ်။ ကားဝယ်မယ့် အစား အဲ့ဒီ့ကားထဲ မြုပ်သွားမယ့် ငွေနဲ့ စီးပွားရေးလုပ်ငန်းတွေကိုပဲ ဆက်ပြီး တိုးချဲ့ချင်တဲ့ သူတစ်ယောက်ပါ။

ကျွန်တော့်လို အောက်သက်မကြေတဲ့ကောင်နဲ့ သူ့လို ရိုးသားတဲ့သူ ထိပ်တိုက်တွေ့ကြတဲ့ အချိန်မှာ ပြဿနာကစပါတယ်…။ ခွန်းကြီးခွန်းငယ်..။ ပြန်လာတဲ့နေ့က စလို့..။ ဒီကားဝယ်ဖို့ အကြောင်းအရာ ရောက်သွားတာနဲ့ ပြဿနာက စပါတယ်…။ အမေတွေ အဖိုးတွေကလည်း ကျွန်တော်ရော အဖေရော ပြနေတဲ့ အကြောင်းပြ ချက်ကိုယ်စီက သူ့ဟာနဲ့ သူခိုင်မာ မှန်ကုန်မှု ရှိနေတာကြောင့် ဘယ်သူ့ဘက်မှ မလိုက်ပဲ ဆိတ်ဆိတ်သာ နေနေခဲ့ကြပါတယ်..။ ဒီလိုနဲ့ပဲ ကျွန်တော်တို့ သားအဖ နှစ်ယောက်ကြားက စစ်အေးတိုက်ပွဲက အချိန်ကြာလာခဲ့ပါတယ်..။

အဲ့ဒီ့ကြားထဲမှာ ကြီးမားတဲ့ အပြောင်းအလဲ တစ်ခုအဖြစ် ကျွန်တော် အိမ်ထောင်ကျသွားပါတယ်…။ အဲ့ဒီ့မှာ ပွဲက ပိုဆူသွားပါတယ်..။ နဂိုကတည်းက ကားရူးနေပါတယ် ဆိုမှ..။ အိမ်ထောင်ကျသွားတော့ လူအမြင်မှာ ပိုပြီးတင့်တောင့် တင့်တယ် ဖြစ်ချင်လာတယ်…။ (ပိုကြွားချင်လာတယ်ပဲ ဆိုပါတော့ဗျာ…) ဒီအချိန်အနေတွေကို ရိပ်စား မိလာတဲ့ ကျွန်တော့်အဖိုးက နောက်ဆုံး ထွက်ပေါက်တစ်ခုပေးလိုက်ပါတယ်..။ ကျွန်တော် ပြန်မလာခင်ကတည်းက ကျွန်တော့်အတွက် ၀ယ်ထားတဲ့ ခြံတစ်ကွက်ကို သူက ထုတ်ရောင်းခွင့်ပြုလိုက်ပါတယ်…။ ဒီခြံရောင်းထွက်သွားရင် မင်းလည်း စီးချင်တဲ့ ကား အသင့်အတင့် တစ်စီးဝယ်စီး ..။ ပိုတာတွေကို မင်းတို့ဥာဏ်ရှိသလို သုံးကြ ပေါ့ကွာဆိုပြီး ခြံရောင်းခွင့်ပေးလိုက်ပါတယ်…။

ကျွန်တော်တို့ ၀ယ်ထားတုန်းက အဲ့ဒီ့ခြံက အမြတ်တော်ခွန်ဆောင်အပြီး ၁၀၀ မပြည့်တပြည့်ပဲ ကျပါတယ်…။ ဒါနဲ့ ရောင်းမယ်ဆိုပြီး ဈေးခေါ်လိုက်ပါတယ်..။ ကျွန်တော်တို့ ၈၅၀ ခေါ်လိုက်ပါတယ်….။ အိုကေ..။ အဆင်ပြေတယ်..။ ပွဲစားတွေကလည်း သဘောကျတယ်…။ လိုချင်တဲ့သူတွေကလည်း သဘောကျတယ်..။ အုတ်တံတိုင်းခတ်ပြီးသား ပေ ၁၅၀ ပတ်လည်လောက်လဲရှိတယ်…။ အချက်အချာကျတဲ့နေရာမှာလည်း ရှိတယ်…။ လာကြ..။ ကြည့်ကြ..။ မေးကြပေါ့..။ ကျွန်တော်တို့ လင်မယားနှစ်ယောက် (အဓိက က ကျွန်တော်ပါ..။ ကျွန်တော့်အမျိုးသမီးက ဒါတွေ စိတ်ကိုမ၀င်စားပါဘူး..။ သူ့ဘေးမှာ ကျွန်တော် ရှိနေရင် သူ့လောက လှပပြီးသား ဖြစ်နေပြီလို့ ခံယူထားပြီးသား သူပါ) လည်း တပြုံးပြုံးပေါ့..။ ၀ယ်မယ့်သူက မနက်ဖြန် သဘက်ခါလာတော့မယ်..။ စာချုပ်တွေ ဘာတွေအားလုံးလဲ ပြင်ပြီး သွားပြီ…။

တစ်ဘက်မှာဝယ်ဖို့ ကားတွေ ဘာတွေလည်းကြည့်ပြီးပြီ…။ 5D Mark II ရောဂါတက်နေတဲ့ ကျွန်တော့်အရူးထမှုကလည်း နေမြင့်တာနဲ့အတူ တော်တော်ရင့်။ Lady Black က သူလည်း ဓာတ်ပုံရိုက်တာ ၀ါသနာပါတယ်..။ ကျွန်တော်က အသစ်ဝယ် သူက အခု ကျွန်တော့် 50D နဲ့ရိုက်မယ်ဆိုပြီး Plan ချကြပါတယ်..။ ကျွန်တော့အထင်တော့ သူ ဒီလောက်ကြီး ဓာတ်ပုံရိုက်တာကို ၀ါသနာမပါ ပါဘူး..။ ကျွန်တော် 5D Mark II ၀ယ်ဖို့ တွန့်ဆုတ်တွန့်ဆုတ်ဖြစ်နေလို့ ကျွန်တော် စိတ်ပြတ် သားသွားအောင် တမင်ကျွန်တော့်အဟောင်းလေးနဲ့ သူရိုက်ချင်လို့ပါဆိုပြီး အနစ်နာခံခြင်း ဖြစ်တယ်လို့ ကျွန်တော် အတိအကျယုံကြည်ပါတယ်…။ တကယ်တမ်း သူတစ်ကယ်ဝါသနာပါတာက ကျွန်တော်ရိုက်တဲ့ဓာတ်ပုံလေးတွေကြည့်ပြီး ဟိုပုံလေးကကောင်းတယ်..။ ဒီပုံကမကောင်းဘူး ဆိုပြီး ဝေဖန်တာမျိုး..။ နေပူကျဲတဲ ကျွန်တော် သွားရိုက်သမျှနေရာတိုင်းကို ထီးတစ်ချောင်းနဲ့ လိုက်မိုးပေးတာမျိုး..။ ဓာတ်တော်ချိုင့်မှာ သွားရိုက်ချင်လှပါပြီဆိုလို့..။ အတက်ချည်း ၁ နာရီကျော်တက်ရ တဲ့နေရာမျိုးကို အပင်ပန်းအဆင်းရဲခံကာ လိုက်တာမျိုးပဲ ဖြစ်ပါတယ်…။

ဒီလိုနဲ့ အားလုံးအိုကေပြီ ရောင်းမယ် ဆိုပြီးလုပ်ပြီးကာမှ…။ အမှတ်မထင် ကျွန်တော်တို့ သိလိုက်ရတဲ့ အချက်တစ်ချက်က တော်တော်ကို အံ့အားသင့်ဖို့ ကောင်းသွား ပါတယ်..။ အခြားမဟုတ်ပါဘူး..။ ပွဲစားက တင်ရိုက်ထားပါတယ်…။ ပွဲစားက ၀ယ်မယ့်သူကို ၁၁၀၀ နဲ့တင်ရိုက်ထားပြီး ကျွန်တော့်တို့ကို ပါးစပ်လာပိတ်ပါတယ်…။ စာချုပ်ချုပ်တဲ့နေ့ကြရင် ဘာမှဝင်မပြောပါနဲ့တို့..။ ၁၁၀၀ လို့ပြောပေးပါတို့..။ စသည်ဖြင့်…။ ကျွန်တော် တော်တော်တုန်လှုပ်မိသွားတယ်..။ ကျွန်တော့်ခြံ ဒီလောက် ဈေးရတာကို တုန်လှုပ်သွားတာ လုံးဝမဟုတ်ပါဘူး..။ အဲ့ဒီ့အချိန် ကျွန်တော့်ခေါင်းထဲကို အရင်ဆုံးဝင်လာတာက လူတွေရဲ့ မသမာလောဘကိုပါ…။ ခြံအရောင်းအ၀ယ်လုပ်ရင် ပွဲခပေးရတာ မဆန်းပါဘူး..။ သူတို့ထိုက်ထိုက်တန်တန် (အခုခတ် ပေါက်ဈေးရဲ့ ၂%) ယူပါတယ်။ အခုလို ပွဲအကြီးတွေဆို သူတို့ အတွက် ဆယ်နဲ့ချည်ပြီးကျန်ပါတယ်…။ ဒါကိုတင်အားမရသေးပဲ..။ သူတို့မပိုင်တဲ့ ပစ္စည်းတစ်ခုအပေါ်မှာ သိန်း ၂၅၀ ကျော် အလကားယူဖို့ စဉ်းစားတာကတော့ ကျွန်တော် တကယ်ကို လိုက်မမှီဖြစ်ခဲ့ရပါတယ်…။ (မင်းတို့ကရော လောဘ မကြီးလို့လား ၁၀၀ လောက်နဲ့ ၀ယ်ထားတာကို ၈၅၀ နဲ့ပြန်ရောင်းတယ်ဆိုရင်..။ ကျွန်တော်တို့ ၀ယ်ထားတာက လွန်ခဲ့တဲ့ ၄ နှစ်လောက်ကပါ။ ပြီးတော့ ကျွန်တော်တို့က ဈေးခေါ်တယ်…။ ၀ယ်ချင်တဲ့သူက သူကြိုက်လို့ တန်တယ်ထင်လို့ ၀ယ်ပါတယ်..။ အဖြေက ရှင်းပါတယ်)

ဒါနဲ့အဲ့ဒီ့ပွဲ ပျက်သွားပါတယ်…။ ကျွန်တော်လည်း အရှိက်ကို ဖြတ်အထိုးခံလိုက်ရသလို မျှော်လင့်ချက်တွေ တပွေ့တစ်ပိုက်ကြီး ဖြစ်ပြီးကာမှ အရုပ်ကြိုးပြတ်ဖြစ်သွား ပါတယ်..။ ဒါနဲ့ အဲ့ဒီ့နေ့ ညနေ ကျွန်တော်နဲ့ Lady Black မြို့ထဲက သူငယ်ချင်းတွေနဲ့ စိတ်ပြေလက်ပျောက်ဆိုပြီး အပြင်မှာ ဆုံဖို့ချိန်းလိုက်ကြပါတယ်…။

ဒီလိုနဲ့ ကျွန်တော် လှည်းတန်းမှာ မီးပွိုင့်မိပါတယ်..။ ညနေ ၆ နာရီ ၇ နာရီထုံးစံအတိုင်း ပတ်ဝန်းကျင်က မှောင်စပျိုးပျိုး..။ ကျောင်းပြန်သူတွေ၊ ရုံးပြန်သူတွေ၊ တစ်ယောက်လက်ကို တစ်ယောက်ချိတ်ကာ ရုံးလာကြို ကျောင်းလာကြိုသူတွေ၊ အဆောင်သူ အဆောင်သားတွေ၊ မြို့ပြင်ပြန်မယ့်သူတွေ၊ မြို့ထဲသွားမယ့်သူတွေနဲ့ လှည်းတန်းလမ်းဆုံရဲ့သဘာဝအတိုင်း အရောင်တွေ စုံလို့နေပါတယ်…။

ကျွန်တော့်ခေါင်းထဲမှာလည်း ကျွန်တော်အခုလိုချင်နေတဲ့ ၃၀၀ နဲ့ ၄၀၀ ကြားရှိမယ့် (စက်မှုဇုန်ထုတ်မဟုတ်တဲ့) ကားအကြောင်း၊ မရလိုက်တဲ့ သိန်း ၈၅၀ အကြောင်း၊ Range အပြည့်နဲ့ဆို ၇၀ လောက်ကျမယ့် 5D Mark II အကြောင်း..၊ လက်မတင်လေး လွတ်သွားတဲ့ မိန်းမအတွက်ဝယ်ပေးဖို့ စဉ်းစားထားတဲ့ ၂၀ ၀န်းကျင် မြင်းခွာတံဆိပ် နာရီလေးတစ်လုံးအကြောင်း…။ ပူလောင်မှုတွေ…။ မောဟတွေ…။ လောင်မြိုက်မှုတွေနဲ့…။ ကျွတ်တစ် သပ်သပ်  တောက်တစ်ခေါက်ခါက်နဲ့ပေါ့…။

လှည်းတန်းမီးပွိုင့်ကြာတာကို အကြောင်းပြုပြီး ကျွန်တော့်လိုပဲ Lady Black လည်း ငေးချင်ရာငေးရင်းတွေးချင်ရာတွေးနေပါတယ်…။ အဲ့ဒီ့အချိန် ကျွန်တော့်ကား လှုပ်ကနဲ ဖြစ်သွားပါတယ်..။ ကျွန်တော် ပထမထင်တာက အရှေ့ကကားပဲ ဘီးလိမ့်လာပြီး တိုက်သလား..။ အနောက်က ကားပဲ ကလက်ချော်ပြီး ကျွန်တော့်ကားနာက်ကို ၀င်စောင့်သလားပေါ့…။ ပြန်စဉ်းစားကြည့်တော့ ကားက ဒီလောက်ကြီး အရှိန်ပြင်းပြင်းလှုပ်သွားတာလည်း မဟုတ်ပါဘူး..။ အိကနဲ ဖြစ်ရုံ လောက်ပါပဲ…။ ဒါနဲ့ ကျွန်တော်တို့ Mr & Mrs Black နှစ်ယောက်ဘေးဘီကို သတိထားမိ ကြည့်မိလိုက်တော့….။

ကျွန်တော့်ကားက Dagon Jeep ပါ..။ Jeep ကားဆိုတော့ နဲနဲမြင့်ပါတယ်..။ မြင့်တော့ အပေါ်တက်ဖို့ တံခါးပေါက်နားမှာ ခြေနင်းလေး တစ်ခု ပါပါတယ်…။ တစ်စ တစ်စ အမှောင်ဖုံးလွှမ်းစ ပြုလာနေတဲ့ ပတ်ဝန်းကျင်ကို တော်တော်လေး အာရုံစိုက်ပြီး ကြည့်လိုက်တော့မှ ၅ နှစ်နဲ့ ၇ နှစ် ကြား ကလေးငယ်လေးတစ်ယောက်..။ ကျွန်တော့် ဂျစ်ကား ခြေနင်းခုံလေးပေါ် တက်လို့ (သူ့အရပ်က ခြေနင်းခုံပေါ်မတက်ရင် မမှီဘူးလေ၊ ကျွန်တော်တို့လည်း မမြင်ရဘူး)၊ အဲယားကွန်းဖွင့်ထားလို့ အပြည့်တင်ထားတဲ့ Lady Black ဘေးက မှန်နားမှာ မျက်နှာလေးကပ်လို့….။ လက်တစ်ဘက်က ပြန်လန်မကျအောင် ကားမှန်ဘောင်လေးကို ခဲခဲရင်းရင်းကိုင်လို့..။ ၀တ်ထားတာ က နွမ်းနွမ်းလျလျ…။ မျက်နှာလေးက ငြစ်ငြစ်နွမ်းနွမ်း…။ သူ့ဆီမှာတောက်ပတာဆိုလို့ ဖြူဝင်းနေတဲ့ မျက်ဝန်းလေးနှစ်ခုနဲ့….

လက်ထဲမှာ ကိုင်ထားတဲ့ လန်းလန်းဆန်းဆန်း စပယ်ပန်းကုန်းလေး တစ်ကုန်း….

“၂၀၀ ထဲပါ ဦးရယ်…။ ယူသွားပါနော်…။ တစ်ကုံးထဲ ကျန်တော့လို့ပါ…။”

ကျွန်တော် ပထမကြောင်သွားပါတယ်..။ နောက်တွေဝေသွားတယ်..။ ပြန်စဉ်းစားတယ်…။ ကားက သိန်း ၄၀၀…။ ကင်မရာက သိန်း ၇၀…။ စပယ် တစ်ကုံး ငွေကျပ် ၂၀၀…။ လှည်းတန်း မီးပွိုင့်သည် အမှောင်ထုကြားမှ အစိမ်းရောင် တစ်ချက်ဖြင့် ကျွန်တော့်အား မျက်စလှမ်းပြစ်ပြသည်။

ကျွန်တော်ဆုံးဖြတ်လိုက်ပါတယ်…။

“များတယ်ကွာ…”

လန်းဆန်းသော စပယ်ပန်းများကိုင်ထားသော ကလေးငယ်သည် နွမ်းလျသော မျှော်လင့်ချက်များဖြင့် ကျွန်တော့်ကား ခြေနင်းခုံပေါ်မှ ဆင်းသွားပါတယ်..။ ကျွန်တော့် 3C တပ်ထားတဲ့ ၉ခ Dagon Jeep ဟာလည်း အေးအေးဆေးဆေး ငြင်ငြင်သာသာပင် လှည်းတန်း မီးပွိုင့်ကို ကျော်ဖြတ်သွားခဲ့ပြီ ဖြစ်ပါတော့သည်…..။

P.S- အဲ့ဒီ့ကလေးငယ်အား နောက်နေ့များတွင် သတိထားကြည့်မိသော်လည်း လှည်းတန်းမီးပွိုင့်တွင် ထပ်မံမတွေ့ရှိခဲ့တော့ပါ…။

ကမ္ဘာ၏ ဗဟိုလည်မှတ်မှု စနစ်များ တိမ်းစောင်း လွဲမှားစပြုလာခြင်းမှအစ…။ သတ္တ၀ါ (အဓိက လူ) တို့၏ ခံယူချက်နှင့် အတွေးအခေါ်များ တရှိန်ထိုး ပြောင်းလဲလာခဲ့သည့်နောက် ကမ္ဘာတစ်ဝှမ်းတွင် ကြောက်မယ်ဖွယ်ရာ တော်လှန်ရေးကြီးတစ်ခု ပေါ်ပေါက်လာခဲ့လေတော့သည်။

(မှတ်ချက်။  ။ အက်ဆေး နောက်ပိုင်းတွင် သတ္တ၀ါ ဆိုသောဝေါဟာရအစား လူ ဆိုသော ဝေါဟာရ ဖြင့်သာ ဆက်လက်ရေး သားသွားမည်ဖြစ်ပါသည်။ အကြောင်းမှာ ဤအက်ဆေးသည် လူ များကိုသာ ရည်ရွယ်ကာ ရေးသား ထားသောကြောင့် ဖြစ်ပါတယ်..။)

ထိုတော်လှန်ရေးကို ကမ္ဘာတစ်ဝှမ်းမှ “ဒုတိယကမ္ဘာတော်လှန်ရေး (သို့) သက်ရှိဝါဒ တော်လှန်ရေး” လို့ ခေါ်ဆို အသိအမှတ်ပြုခဲ့ကြပါတယ်…။

တော်လှန်ရေးပေါ်ပေါက်လာရခြင်း၏ အဓိကဇစ်မြစ်မှာ အကြောင်းအရာမှာ လူသားတို့၏ စကားလုံးနှင့် ဝေါဟာရများကို ဖောင်းပွစွာတီထွင်ခဲ့ကြ ခြင်း၊ သုံးစွဲ (သို့) သတ်မှတ်ခဲ့ကြခြင်းတို့ကြောင့် စတင်ခဲ့ပါတယ်..။ လွန်ခဲ့သော နှစ်ထောင်ပေါင်းများစွာမှ စစ်ပွဲများနှင့် တော်လှန်ရေးသမိုင်းများ ကို ပြန်လည် သုံးသပ်ကြမည်ဆိုပါက လူသားအချင်းချင်း ဖြစ်ပွားခဲ့သော စစ်ပွဲများ၊ တော်လှန်ရေးများသာ ဖြစ်ပေါ်ခဲ့ကြပါတယ်…။

ထိုအချိန်က ပေါ်ပေါက်ခဲ့ဖူးသော စာရေးဆရာများ၊ သိပံ္ပပညာရှင်များက လက်ရှိကျွန်တော်တို့ ရောက်ရှိနေသော သက္ကရာဇ်တွင် ဖြစ်ပေါ်လာနိုင်သော စစ်ပွဲများ၊ တော်လှန်ရေးများမှာ လူသားနှင့် အခြားကမ္ဘာမှ အန္တာရယ်များ၊ လူသားနှင့် စက်ယန္တာယားတို့၏ စစ်ပွဲများပင် ဖြစ်ပေါ်လာလိ့မ်မည်ဟု ကြိုတင်ခန့်မှန့်သုံးသပ်ခဲ့ကြပါတယ်..။ သို့သော် ထိုဟောကိန်းများသည် တစ်ကယ်တမ်းတွက် လုံးဝ  မှားယွင်းခဲ့ပြီ ဖြစ်ပါတယ်..။ ထိုကဲ့သို့ မှားယွင်း သော ဟောကိန်းများ ထုတ်ခဲ့ရခြင်းအကြောင်းအရင်းမှာ ၎င်းတို့အနေဖြင့် လူသားတို့နှင့် အနီးကပ်ဆုံးတွင် ထာဝရတည်ရှိခဲ့သော သက်မဲ့အရာဝတ္ထု များအပေါ် မေ့လျော့နေခဲ့ ခြင်းကြောင့်ပင် ဖြစ်ပါတော့သည်…။

ရှေးဟောင်းအတွေးအခေါ် (လွန်ခဲ့သော နှစ်ပေါင်းထောင်ကျော်) များအရ သက်ရှိနှင့် သက်မဲ့များ၏ ကွဲပြားခြားနားမှုအပေါ် အမျိုးမျိုးခွဲခြား သတ်မှတ်ခဲ့ကြပါတယ်…။ သက်ရှိမှန်လျှင် အသက်ရှူရမည်။ သက်ရှိမှန်လျှင် ခံစားချက်ရှိရမည်။ သက်ရှိမှန်လျှင် အသိဥာဏ်ရှိရမည်။ စသည်ဖြင့် သတ်မှတ်ခဲ့ကြ ပါတယ်…။ ၎င်းတို့ ထိုကဲ့သို့ ခြေအငြိမ်မနေ လက်အငြိမ်မနေ ဝေါဟာရများနှင့် အဓိပ္ပါယ်သတ်မှတ် ချက်များကို ချခြင်တိုင်းချ၊ ထုတ်ခြင်တိုင်း ထုတ်ခဲ့ခြင်းများ၏ ရလာဒ်များအနေဖြင့် လက်ရှိ ကျွန်တော်တို့ ခေတ်မှ လူသားများ ယခုအခါ အလူးအလဲ ခံနေကြရပြီ ဖြစ်ပါတယ်..။

၂၉ ရာစုနှစ်မတိုင်မှီ အထိတည်ရှိခဲ့သော ထိုရှေးဟောင်းအတွေးအခေါ်ပညာရှင်များနှင့် အတွေးချော် ပညာရှင်များသည် ထိုကဲ့သို့မှားယွင်းသော အဓိပ္ပါယ်သတ်မှတ်ချက်များ၊ ဟောကိန်းများကို ထုတ်ခဲ့ရုံသာမက လက်ရှိ ကျွန်တော်တို့ရင်ဆိုင်နေရသော “ဒုတိယကမ္ဘာတော်လှန်ရေး” ဖြစ်ပေါ်လာဖို့အတွက် အဓိက အစပျိုး မျိုးစေ့ချပေးခဲ့ကြသော သမိုင်းတရားခံများလည်း ဖြစ်ပါတယ်…။

အကြောင်းမှာ ၎င်းတို့သည် ထိုကဲ့သို့ မည်သည့်အရာများသည် သက်ရှိများဖြစ်သည်။ မည်သည့်အရာများသည် သတ်မဲ့များ ဖြစ်သည်ဟု ပညာရှင် များပီပီ ပြီးပြီးရော သတ်မှတ်ခဲ့ကြပြီးသည့်နောက်တွင်….။ ထိုသူတို့မှပင် တစ်ဖန် သက်မဲ့များသည် အသက်ရှူကြကြောင်း….။ သက်မဲ့များတွင် ခံစားချက်များရှိကြောင်း..။ သက်မဲ့ များတွင် အသိဥာဏ်များရှိကြောင်း စတင်ဖော်ထုတ်ကာ ပြသနာအား မီးစမွှေးခဲ့ကြခြင်း ဖြစ်ပါတယ်….။

ထိုရလဒ်များအဖြစ်…

နေရာမှာ တစ်ကမ္ဘာလုံးဆိုင်ရာ သက်ရှိသက်မဲ့ တန်းတူညီမျှ အခွင့်အရေးရရှိရေး ဌာနကြီးရဲ့ အစည်းအဝေး ခန်းမအတွင်း ဖြစ်ပါတယ်…။ ခန်းမရဲ့ ဖွဲ့စည်းပုံမှာ ထိပ်ဆုံးနေရာတွင် သက်ဆိုင်ရာအဖွဲ့အစည်းများ၏ အကြီးအကဲ များထိုင်ရန်သတ်မှတ်ပေးထားသော စင်မြင့်နှင့် မိန့်ခွန်းပြောစင် ရှိပါတယ်..။ ကျန်တဲ့ ခန်းမတစ်ခုလုံးမှာ ရှိသည့် ခုံများကိုတော့ Column သုံးခု ပိုင်းခြားသတ်မှတ်ထားပါတယ်..။ လက်ဝဲဘက်အစွန်ဆုံးတွင် လူမဟုတ်သော သက်ရှိများ၏ ကိုယ်စားလှယ်များက နေရာယူကြပါတယ်..။ အလယ် Column တွင် လူသားများ၏ ကိုယ်စားလှယ်များမှ နေရာယူ ကြကာ။ လက်ယာအစွန်ဆုံးတွင်တော့ ယခင် သက်မဲ့များအဖြစ် သတ်မှတ်ခံခဲ့ရသော သက်မဲ့များ (၀ါ) သက်ရှိများ စာရင်းတွင် အကြုံးဝင်ဖို့အတွက် ကြိုးစားနေသော သက်မဲ့များမှ ရွေးချယ်စေလွှတ်လိုက်သော ကိုယ်စားလှယ်အဖွဲ့များက နေရာယူထားကြပါသည်။ (လွန်ခဲ့သော နှစ်ပေါင်း တစ်ထောင်ခန့်က ပေါ်ပေါက်ခဲ့ဖူးသော ကမ္ဘာ့ကုလသမဂ္ဂအဖွဲ့အစည်း၏  အစည်းအဝေးခန်းမကို မျက်လုံးထဲ မြင်ကြည့်နိုင်ပါတယ်)

အစည်းအဝေးခန်းတစ်ခုလုံးကို အကြမ်းဖျဉ်းခွဲခြားကြည့်လိုက်ပါက…။ လောကတွင် (လူမပါ) သက်ရှိများ၊ သက်မဲ့များ များစွာရှိသည့်အနက်…။ ကျန်သော အဖွဲ့များမှ ကိုယ်စားလှယ်များမှာ ရာခိုင်နှုန်း ၆၆.၆၆ သာ အစည်း အဝေးတက်ရောက်ခွင့်ရရှိကာ လူလည် (အလယ် Column မှာထိုင်သောကြောင့် လူလည် လို့ခေါ်ခြင်း ဖြစ်ပါသည်။ “လူလယ်” နှင့် မမှားကြပါကုန်…။) များမှာမူ တစ်ကမ္ဘာလုံးရှိ သက်ရှိ၊ သက်မဲ့များအားလုံး၏ ၃၃.၃၃ ရာခိုင်နှုန်း စာ တက်ရောက်ခွင့်ရရှိနေခြင်းမှာမူ…။

မကြာခင်မှာပင် ခေါင်းဆောင်အသီးသီးတို့သည် ဆင်မြင့်ပေါ်တွင်နေရာယူကြကာ အစည်းအဝေးကို စတင်လိုက်ကြပါတယ်…။ ရှေးဦးစွာ သက်မဲ့ များအဖွဲ့မှ စတင်ကာ သူတို့အား သက်ရှိများအဖွဲ့အစည်းအတွင်း အဘယ့်ကြောင့် ထည့်သွင်းသတ်မှတ်ပေးသင့်ကြောင်းကို အချက်အလက်များဖြင့် စတင် အဆိုပြုကြပါတော့ တယ်…။

ရှေးဦးစွာ ကမ္ဘာ့သက်မဲ့များဆိုင်ရာ ခေါင်းဆောင်အဖြစ် ရွေးချယ်တင်မြှောက်ခြင်းခံထားရသော အပင်များဆိုင်ရာအဖွဲ့အစည်း ဥက္ကဌမှ စတင် အဆိုတင်သွင်းပါတယ်..။

“ကျွန်တော့်အနေနဲ့ ရှေးဦးစွာ ပြောကြားလိုတာကတော့ အခုလို အပင်များရဲ့ ကိုယ်စားလှယ်အနေနဲ့ သာမက ကမ္ဘာ့သက်မဲ့များအားလုံးရဲ့ ကိုယ်စားလှယ်အနေဖြင့် စကားပြောခွင့်ရတဲ့အတွက် ကမ္ဘာ့သက်မဲ့များ (သက်ရှိ သတ်မှတ်ခွင့်ရရေး တိုက်ပွဲဝင်သူများ) အားလုံးကို အထူးပဲ ကျေးဇူးတင်ရှိကြောင်း ပြောကြားလိုပါတယ်..။”

ကိုယ်ကျွန်တော်တို့ဟာ အခုလို သက်ရှိများ (ယခုအချိန်အထိ သတ်မှတ်ထားသော) နှင့် အတိုက်အခံ ပြုလုပ်နေခြင်းမှာ ငြိမ်းချမ်းနေတဲ့ ကမ္ဘာ့ ငြိမ်းချမ်းရေးကို ပျက်စီးစေလိုခြင်းကြောင့် မဟုတ်ပါဘူး..။ ကျွန်တော်တို့အနေနဲ့ ရသင့်ရထိုက်တယ်လို့ ယုံကြည်ထားသော အခွင့်အရေး တစ်ရပ်အား တောင်းဆိုနေခြင်းသာ ဖြစ်ပါတယ်..။ ထိုကဲ့သို့သော အခွင့်အရေး (အထူးသဖြင့် လူသားများနှင့် တန်းတူ) ကို ရရှိသင့်ကြောင်းကို လည်း အခုလက်ရှိ အလည်လိုင်းမှာထိုင်နေကြသော လူသားများမှပင် ကျွန်တော်တို့၏ အတွေးအခေါ်များ အတွင်းသို့ ရိုက်သွင်းပေးခဲ့ကြခြင်း ဖြစ်ပါတယ်..။ ဥပမာအားဖြင့် သက်ရှိ၊ သက်မဲ့ပေါင်းများစွာ ဖွဲ့စည်းတည်ရှိသည့် ဒီကမ္ဘာမှာ အဘယ့်ကြောင့် ကိုယ်စားလှယ်တက်ရောက်ခွင့် ပမာဏ ဟာ တန်းတူညီမျှမှုမရှိပဲ လူများက ၃၃.၃၃ ရာခိုင်းနှုန်း နေရာယူရရှိပါသလဲ ဆိုတာမျိုးဖြစ်ပါတယ်..။”

ထိုခေါင်းဆောင်၏ စာသားတစ်ချက်အဆုံးတွင် ညာလက်အခြမ်းတွင် ထိုင်နေကြသော သက်မဲ့များဆိုင်ရာ ကိုယ်စားလှယ်များဘက်အခြမ်းမှ လက်ခုပ်သံများ တဖြောင်းဖြောင်းထွက်ပေါ်လာပြီး..။ ဘယ်ဘက်အခြမ်းတွင် ထိုင်နေသော သက်ရှိများအဖွဲ့ (လူမပါ) ကိုယ်စားလှယ်များကမူ လူလည်များထိုင်သော ဘက်သို့ နားမလည်နိုင်သော အကြည့်များ၊ အရေခွံနွာချင်သော အကြည့်များ စသည်ဖြင့် အနှုတ်သဘော ဆောင်သော အကြည့်များဖြင့် ဂုဏ်ပြုကြပါတော့တယ်…။

အပင်ခေါင်းဆောင်က “ ကျွန်တော် ဥပမာအနေနှင့် ဘာကြောင့်အပင်များအနေဖြင့် သက်ရှိအဖွဲ့အစည်းအတွင်း ပါဝင်သင့်ကြောင်းကို တင်ပြ ခွင့်ပြုပါ…။ လူသားများရဲ့ သတ်မှတ်ချက် ရှိပါတယ်..။ သက်ရှိမှန်ပါက အသက်ရှူ ရမည်။ မျိုးပွားခြင်း၊ မွေးဖွားခြင်း၊ ကြီးပြင်းခြင်း၊ အိုမင်းခြင်း၊ သေဆုံးခြင်း ရှိရမယ်လို့ အတိအကျ သတ်မှတ်ထားသော အဆိုရှိပါတယ်…။ လူသားများဆိုင်ရာ ဘာသာတရား အဆုံးအမနှင့် သတ်မှတ်ချက် များတွင်လည်း ထိုအဆိုကို တွေ့ရှိနိုင်ပါတယ်။ ကျွန်တော်တို့ သစ်ပင်များဟာ အသက်ရှူကြပါတယ်…။ ထို့အတူ ကျွန်တော်တို့မှာ မျိုးပွားခြင်း၊ မွေးဖွားခြင်း၊ ကြီးပြင်းခြင်း၊ အိုမင်းခြင်း၊ သေဆုံးခြင်းများကိုလည်း သက်ရှိများနည်းတူ တည်ရှိနေပါတယ်။ ထို့ကြောင့် သက်ရှိများအားလုံး၏ ခေါင်းဆောင်ဟု လက်ရှိသတ်မှတ်ထားသည့် လူသားတို့၏ စံချိန်စံညွှန်းများဖြင့် ကိုက်ညီနေသောကြောင့် ကျွန်တော်တို့အပင်များအား သက်ရှိများ အဖြစ် အသိအမှတ်ပြုပေးသင့်ပါ တယ်..။”

“ထို့အတူ နောက်ထပ်ဥပမာတစ်ခုအနေဖြင့်..။ ရေများဆိုင်ရာ အဖွဲ့အစည်းကို ဥပမာပြခြင်ပါတယ်..။ လူသားများရဲ့ သက်ရှိ အဖြစ်သတ်မှတ်ရေး အတွက် နောက်ထပ် အဓိကကျတဲ့ အချက်တစ်ခုရှိပါတယ်..။ ဒါကတော့ သက်ရှိမှန်ရင် ခံစားတတ်ရမယ်၊ အသိဥာဏ်၊ မှတ်သားနိုင်မှုစွမ်းရည် ရှိရမယ်လို့ အတိအကျ ဖော်ပြထားပါတယ်..။ ရေ ကိုကြည့်ပါ..။ ထိုလူသားများ၏ သက်သေပြ ရှာဖွေဖော်ထုတ်မှုကြောင့်ပဲ ရေတွင် ခံစားမှု ရှိကြောင်း လွန်ခဲ့သော နှစ်ပေါင်းတစ်ထောင်ကျော်ကပင် ဖော်ထုတ်ခဲ့ပြီးဖြစ်ပါတယ်…။ ထိုအချိန်ကပင် ရေသည် ခံစားနိုင်မှုအပြင် မှတ်သားနိုင်မှု စွမ်းရည်ရှိကြောင်းကိုလည်း ဖော်ထုတ်ပေးခဲ့ပြီး ဖြစ်ပါတယ်..။ တစ်ကယ်တမ်းဆို ရေရဲ့မှတ်သားနိုင်မှု စွမ်းရည်ဟာ နှစ်ပေါင်းထောင်နှင့် ချီကာ ထိမ်းသိမ်းမှတ်သားနိုင်စွမ်းရှိသောကြောင့် လူသားများထက်ပင် အစပေါင်းများစွာ ပိုပြီး အားသာနေတာကို တွေ့ရှိရမှာ ဖြစ်ပါတယ်..။ ကျွန်တော်တို့ ရေအဖွဲ့အစည်း၊ အပင်အဖွဲ့စည်းကဲ့သို့ပင် အခြားသော သက်မဲ့များမှာလည်း သက်ရှိအဖြစ် အသိအမှတ်ပြုခံရရေးအတွက် ခိုင်လုံသော အကြောင်း ပြချက်နှင့် အထောက်အထားများ များစွာ အတိအကျရှိနေပါတယ်..။ ဒါကြောင့် ကျွန်တော်တို့အား သက်ရှိများအဖြစ် သတ်မှတ်ပေးပါရန် လေးစားစွာ တင်ပြအပ်ပါတယ်ခင်ဗျား…။”

အပင်ခေါင်းဆောင်၏ မိန့်ခွန်းသံအဆုံးတွင် ခန်းမတစ်ခုလုံး လက်ခုပ်တီးသံများ၊ လက်ခေါက်မှတ်သံများ၊ မလိုလားသော ဟန်ပန်များ၊ တီးတိုး တိုင်ပင်သော အသံများဖြင့် ဖုံးလွှမ်းသွားပါတယ်..။

ထို့နောက် သဘာပတိမှနေ၍ ကိုယ်စားလှယ်များအားလုံးကို မေးမြန်းပါတယ် “ အပင်ခေါင်းဆောင်ကြီး တင်ပြ သွားတဲ့ အချက်ဟာ အမှန်တကယ်ကို ချက်ကြလက်ကြရှိပြီး ခိုင်မာတာကိုတွေ့ရပါတယ်..။ သဘာပတိများ အဖွဲ့မှလည်း သဘောတူပါတယ်..။ သို့သော် လုပ်ထုံးလုပ်နည်းအရ..။ အခု တင်ပြသွားသော အဆိုအပေါ် ကန့်ကွက်မည့်သူများ ရှိမရှိကိုတော့ မေးမြန်းရမှာဖြစ်ပါတယ်..။

“ပထမအကြိမ်မေးပါမယ်..။ ကန့်ကွက်မယ့်သူ ရှိပါသလား….။” ခန်းမတစ်ခုလုံးငြိမ်….။

“ဒုတိယအကြိမ်မေးပါမယ်..။ ကန့်ကွက်မယ့်သူ ရှိပါသလား….။” ဘာသံမှ မထွက်…။

“နောက်ဆုံးအကြိမ်…။ ကန့်ကွက်မယ့်သူ ရှိပါသလား…”

“၀ုန်း…”

“ရှိပါတယ်…။”

မျှော်လင့်ချက်များဖြင့် ပြုံးနေသော သက်မဲ့များဆိုင်ရာ ကိုယ်စားလှယ်အဖွဲ့တွေ အားလုံးမျက်နှာပျက်သွားပါတယ်..။ အကြောင်းမှာ ထရပ်လိုက်သော သူမှာ သဘာပတိအဖွဲ့တွင် ပါဝင်နေသော စီရှေ အာဏာရှိသူ တစ်ယောက် ဖြစ်နေသောကြောင့်ပါ…။ သူတစ်ယောက် ကန့်ကွက်ရုံနဲ့ အားလုံးရဲ့ မျှော်လင့်ချက်များ တစ်စစီ စုတ်ပြတ် ပျက်စီးသွားတော့မှာဖြစ်ပါတယ်…။

သဘာပတိကြီးမှ..” ဟုတ်ကဲ့..။ ခင်ဗျားအနေနဲ့ ကန့်ကွက်တယ်ဆိုရင်ဖြင့် ဒီအတည်ပြုမှုတင်ပြချက်ဟာ ရှုံးနိမ့်သွားပါပြီ..။ ဒါပေမယ့် ဘာကြောင့် ကန့်ကွက်ရတယ်ဆိုတဲ့အကြောင်းလေးကိုတော့ ကိုယ်စားလှယ်တော်ကြီးများအားလုံး အမြင်ရှင်းစေဖို့ ရှင်းပြပေးစေလိုပါတယ်..”

ထိုကန့်ကွက်သော စီရှည် အာဏာရှိသည့် ပုဂ္ဂိုလ်မှာ မိန့်ခွန်းပြောစင်ရှိရာသို့ ရူးသိုးသိုးဖြင့် ရောက်ရှိလာကာ အင်မတန်မှ တိုတောင်းပြီး ပြတ်သား လှသော ကန့်ကွက်ရသည့် အကြောင်းအရင်းအား အောက်ပါအတိုင်း ပြောကြားလိုက်ပါတော့သည်။

“ရှင်းပါတယ်…။ အခြားသက်မဲ့များအကြောင်းတော့ မပြောလိုတော့ပါ..။ ဒါပေမယ့်  အထက်မှာ ဥပမာပေးသွားတဲ့ အပင်နှင့်ရေ တို့ကိုသာ သက်ရှိများအဖြစ် အသိအမှတ်ပြုလိုက်ပါက ကျွန်တော်ကဲ့သို့ သေတပန် သက်တစ်ဆုံး သက်သက်လွတ် စားပါတယ်လို့ ကြွေးကြော်ထားတဲ့ သူများအားလုံး စားစရာမရှိ၊ သောက်စရာ မရှိဖြစ်ကာ ငတ်ပြီး သေကုန်ကြမှာ စိုးလို့ပဲ ဖြစ်ပါတယ်…”

အစည်းအဝေးခန်းမ တစ်ခုလုံး ငြိမ်ကျသွားပါတယ်…။ ထိုညီလာခံသည်လည်း ၎င်းကန့်ကွက်မဲ တစ်ခုထဲဖြင့်ပင် ဇာတ်သိမ်းသွားပါတယ်…။ သို့သော် သက်မဲ့များအဖွဲ့မှ ထိုကဲ့သို့ အစည်းအဝေးများဖြင့် ငြိမ်းချမ်းစွာ အဖြေရှာ မရသည့်အဆုံး တိုက်ပွဲဝင်ရင် ဆုံးဖြတ်ချက်ချလိုက်ကြပါတယ်…။

အပင်များသည် လူသားနှင့် သတ္တ၀ါတို့အား အာဟာရ မဖြစ်စေခြင်း၊ အဆိပ်အတောက်နှင့် ဥပါဒ်ဖြစ်စေခြင်း၊ စိမ်းလန်းမှုတို့အား ရုပ်သိမ်းခြင်း၊ ရှင်သန်ပေါက်ဖွားမှုတို့အား ထိန်းချုပ်ကန့်သတ်လိုက်ခြင်း စသည်တို့ဖြင့် စတင်တိုက်ခိုက်သောကြောင့် သစ်တောများပြုန်းတီးခြင်း၊ လူနှင့်သတ္တ၀ါ များ အဟာရချို့တဲ့ခြင်း၊ အပူအအေး လွန်ကဲမှုများ ဖြစ်ပေါ်လာခြင်း၊ ရာသီဥတု ဟန်ချက်များ ပျက်စီးသွားခြင်း စသည်ဖြင့် တိုက်ပွဲအတွင်း အလူး အလိ့မ် ခံစားကြရပါတော့တယ်…။

ထို့အတူ ရေများဘက်မှလည်း ရေလွှမ်းမိုးမှုများဖြစ်စေခြင်း၊ မိုးများကို ပိုမိုခေါင်စေခြင်း၊ ရေရှားပါးသောနေရာ များတွင် ပိုမိုရှားပါးလိုက်စေခြင်း၊ ရေများဖြင့် လျှပ်စစ်ပေးမှုများကို ရပ်တန့်စေခြင်းအလို့ငှာ၊ ရေစီးကြောင်းများကို ပြောင်းလွှဲပြစ်ခြင်း၊ ရေများအတွင်း ရောဂါပိုးမွှားများကို ယခင်က ထက် ပိုမိုရှင်သန်နေထိုင်ခွင့်ပြုလိုက်ခြင်း စသည့် ထိုးစစ်များအပြင်းအထန် ဆင်နွဲပါတော့တယ်…။

အပင်နှင့်ရေတို့နည်းတူ အခြားသောသက်မဲ့များမှလည်း အပြင်းအထန် ၀ိုင်းဝန်းတိုက်စစ်ဆင်ကြသောကြောင့် အချိန်မကြာလိုက်ခင်မှာပဲ သက်မဲ့များအား အားကိုးနေထိုင်နေရသော ကမ္ဘာပေါ်ရှိ သက်ရှိများ (အထူးသဖြင့် လူများ) ၏ တောင်းဆိုမှုနှင့် သဘောတူညီမှုကြောင့် သက်ရှိများ ဆိုင်ရာ အဖွဲ့အစည်းမှတစ်ဆင့် အပင်နှင့်ရေအပါအ၀င် အချက်အလက်နှင့် တောင်းဆိုလာသော သက်မဲ့များအားလုံကို သက်ရှိများအဖြစ် အသိ အမှတ်ပြုပေးလိုက်ရပါတော့တယ်..။

သို့သော်….

မကြာခင်မှာပဲ ရေနှင့်အပင် အပါအ၀င် သက်ရှိအဖြစ်အသိအမှတ်အပြုခဲ့မှု ရရှိပြီးသော သက်မဲ့ တော်တော်များ များသည် သက်ရှိများအဖွဲ့အစည်းမှ နှုတ်ထွက်ကာ နဂိုသက်မဲ့များအဖွဲ့အစည်းသို့ ပြန်လည်ဝင်ရောက်သွားပါတော့တယ်…။ ၎င်းတို့ထိုကဲ့သို့ ဆုံးဖြတ်ရခြင်းအကြောင်းအရင်းကိုတော့ ထုံးစံအတိုင်း သက်မဲ့များကိုယ်စားလှယ် အပင်များ ခေါင်းဆောင်ကြီးမှ အောက်ပါအတိုင်း ပြောကြားသွားခဲ့ပါတယ်…။

“ကျွန်တော်တို့ ဘာကြောင့် သက်မဲ့အဖွဲ့အစည်းထဲကို ပြန်ဝင်သွားရလဲဆိုတော့…။ တကယ်တော့ သက်ရှိ..။ အင်းသက်ရှိဆိုတာထက်..။ အဓိက က လူပေါ့ဗျာ…။ လူတွေရဲ့ ဘာကြောင့် လူလို့ ခေါ်ရသလဲဆိုတဲ့ အနှစ်သာ ရနဲ့ အဓိပ္ပါယ်ကို တစ်ကယ် သိရှိသွားလို့ပဲ ဖြစ်ပါတယ်..။ တစ်ကယ်တော့ လူတစ်ယောက် ဖြစ်ဖို့ အသက်ရှူတတ်ဖို့လည်း မလိုပါဘူး..။ မျိုးပွားတာတွေ သေဆုံးတာတွေလည်း မလိုပါဘူး…။ အသိဥာဏ်တွေ၊ မှတ်ဥာဏ် တွေလည်းမလိုပါဘူး..။

လူတစ်ယောက်ဖြစ်ဖို့ မလိ့မ်တပါတ် လုပ်တတ်ဖို့ပဲ လိုပါတယ်။ မသိတာကို သိသလိုလို ဟန်ဆောင်တတ်ရပါမယ်။ မတတ်တာကို တတ်သလိုလို ဟန်ဆောင်တတ်ရပါမယ်..။ သူ့အတွက် လုပ်သလိုလိုနဲ့ ကိုယ့်အတွက် ကျန်အောင် လုပ်တတ်ရပါ့မယ်။ တကယ်တမ်းမှာတော့  သူတို့လူတွေ ကိုယ်တိုင်ကပင် သူတို့သတ်မှတ်ထားသလို လူလို့ အမည်ခံထားပြီး လုံးဝအသိဥာဏ်မရှိတဲ့ မည်ကာမတ္တ လူပေါင်းများစွာ ကျွန်တော်တို့ မြင်တွေ့ ခဲ့ရပါတယ်…။ ဒါတွေအပြင်…။ ကျွန်တော်တို့အနေနဲ့ အခုလို မူလနေရာကို ပြန်သွားကြရခြင်း အကြောင်းကတော့ ကျွန်တော်တို့မှာရှိတဲ့ ကိုယ်ချင်း စာတရားနဲ့ ရိုးသားမှုတွေကို မစွန့်လွှတ်နိုင်လို့ပဲ ဖြစ်ပါတယ်”

“နောက်ဆုံး ကျွန်တော်မှာခဲ့ချင်တာကတော့…။ တစ်ကယ်လို့ ခင်ဗျားသာ တစ်ကယ့်လူတောထဲတိုးပြီး လူတန်းစေ့တဲ့ လူတစ်ယောက် ဖြစ်ချင်တယ် ဆိုရင်တော့ ခင်ဗျားမှာရှိတဲ့ ကိုယ်ချင်းစာတရားနဲ့ ရိုးသားမှုတွေ အားလုံးကို စွန့်ပြစ်ထားခဲ့ကြပါလို့…”

P.S- ပထမရေးနေတုန်းက အကြောင်းအရာတစ်ခုပါ ရေးနေရင်းလမ်းချော်သွားလို့ ချော်လက်စနှင့် မရေးတာကြာပြီ ဖြစ်သော ယခင်က ရေးခဲ့ဖူး သည့် ကျွန်တော်နှင့် တစ်နေ့တာ ၊ ခေတ်သစ်မင်းနန္ဒာ တို့လိုပုံစံမျိုး ပြန်လည်ရေးသားလိုက်ခြင်းဖြစ်ပါသည်။ လမ်းချော်သွားလို့ မရေးဖြစ် လိုက်တဲ့ အကြောင်းအရာကိုတော့ နောက်မှပဲ ရေးသားဖော်ပြပါတော့မယ်။

မိုးဖွဲများ ဖြေညှင်းစွာ စတင် ကျဆင်းလာပါတယ်…။

အခန်း (၁)

ညင်သာစွာ ဖြတ်သန်းတိုက်ခတ်လိုက်တဲ့ လေနုအေးတစ်ချက် အမှတ်တမဲ့ သူ့ရင်ခုန်သံအချို့ကို ကျီစယ်သွားပုံက မထေမဲ့မြင်နိုင်လှပါတယ်…။ သိစိတ်တစ်ဝက် မသိစိတ်တစ်ဝက်နဲ့ သတိထားမိတော့မှ သူ့ခြေလှမ်းတွေ အခန်းနဲ့အပြည့်တပ်ထားတဲ့ ပြတင်းပေါက်တွေဆီကို ဦးတည် နေကြောင်း သူ သတိထားမိလိုက်ပါတယ်…။

ခပ်ဟဟ ဖြစ်နေတဲ့ ပြတင်းပေါက်တံခါးကို သူဆွဲဖွင့်လိုက်တာနဲ့ တစ်ပြိုင်နက်…။ အဆုံးအစမဲ့စွာ တိုက်ခတ်လာတဲ့ လေပြေတစ်ချို့နဲ့ အတူ ပိုင်ရှင်မဲ့ မိုးစက်တွေ သူ့ရဲ့ပါးပြင်ပေါ်ကို အလုအယက်….။ သို့မဟုတ်….။ အားကိုးတကြီး လာရောက်ဖက်တွယ်ကြပါတယ်။ အင်းလေ….။ သူတို့လည်း ဒီလောက်အေးစက်နေတဲ့ အပြင်လောကမှာနေရတာ ချမ်းလောက်ရောပေါ့…။ တစ်နေ့နေ့ တစ်ချိန်ချိန်တော့ အခုလိုပဲ နွေးထွေးတဲ့နေရာ တစ်ခုခု ကို ခိုနားရကောင်းရဲ့ဆိုပြီး မျှော်လင့်ဖူး….။ မျှော်လင့်ဖူးခဲ့ကြမှာပေါ့…။

မိုးစက်အချို့ ပြတင်းပေါက်ဘောင်တစ်လျှောက် ဟိုနား…။ နောက်…။ ဒီနား…။ စုစုဝေးဝေး….။ ပြန့်ကျဲလို့ နားနေကြလေရဲ့….။ ကောင်းကင်ခရီးကို ဖြတ်သန်း ပျံသန်းလာကြရတာ သူတို့အတွက် သိပ်ကိုမောပန်းသတဲ့လေ…။ တစ်နေ့တော့ မြေပြင်ခရီးကို ဖြတ်သန်းနေရတဲ့သူတွေ အကြောင်း သူတို့ကို ပြောပြရပါဦးမယ်…။ အဆင်ပြေမယ်ဆိုရင် သူတို့တွေရဲ့ ဖြတ်သန်းခဲ့တဲ့ ကောင်းကင်ပေါ်က အတွေ့အကြုံတွေကိုလည်း တတ်နိုင်သ လောက် တီးခေါက်ကြည့်ရပါဦးမယ်…။ ထားပါလေ…။ ကောင်းကင်ပေါ်ကို ရောက်ပါ့မလား..။ မရောက်နိုင်ဖူးလား ဆိုတာထက်…။ ဘာပဲဖြစ်ဖြစ် သိထားတော့ မကောင်းဘူးလားလေ…။

တကယ်တော့ ဒီမိုးစက်တွေဟာ မှားယွင်းသော ခိုလှုံရာကိုရှာခဲ့ကြတာပါ…။ အေးစက်မှုတွေနဲ့ စတင်ဖွဲ့တည်လာခဲ့တဲ့ သူတို့ဘ၀တွေ ဆက်လက် ရပ်တည်ဖို့အတွက်….။ ပျော်သည်ဖြစ်စေ မပျော်သည် ဖြစ်စေ…။ သူတို့ဟာ အဲ့ဒီ့အေးစက်မှုတွေ ကြားမှာပဲ ဆက်လက်နေထိုင်ဖို့ လိုပါလိ့မ်မယ်…။ နွေးထွေးမှုကို မိုက်မဲစွာ ရှာဖွေခဲ့တဲ မိုးစက်အချို့…။ သူတို့တောင့်တခဲ့ကြတဲ့ နွေးထွေးမှုကိုရတဲ့အခိုက်….။ မကြာခင်မှာပဲ ခြောက်ခမ်းကွယ်ပျောက် သွားကြလေရဲ့….။

တစ်နေ့နေ့တစ်ချိန်ချိန်မှာတော့ နွေးထွေးမှုကို အခုလိုမိုက်မဲစွာ ရှာဖွေ ခိုလှုံခဲ့ကြဖူးတဲ့ မိုးစက်တွေဟာ…။ အသစ်အသစ်သော နောင်ဖြစ်လာမယ့် မျိုး ဆက်သစ် မိုးစက်တွေအတွက် မဖြစ်မနေ သင်ယူစရာ သင်ခန်းစာ တစ်ခုများ ဖြစ်လာလေမလား….။

အခန်း (၂)

ညဥ့်သည် တဖြေးဖြေးချင်း အချိန်၏တိုက်စားခြင်းကို ခံတုရင်းဖြင့် ကျရှုံးလို့လာနေပါတယ်…။ တကယ်တော့ အလင်းရဲ့အင်အားကို တောင့်ခံနိုင်တဲ့ အမှောင်ဆိုတာ ဘယ်ရာဇ၀င်မှာမှ မရှိခဲ့ဖူးဘူးလေ…။ မိုးစက်တွေ….။ မိုးစက်တွေ….။ ဆက်လို့သာ ကြနေကြလေရဲ့…။ နီမြန်းနေတဲ့ ကောင်းကင် အောက်…။ မိုးစက်အချို့ လမ်းပျောက်နေကြတယ်…။ မိုးစက်အချို့ လမ်းဖောက်နေကြတယ်…။

မာကျူရီ မီးလုံးနားက ခရီးဆက်ခဲ့တဲ့ မိုးစက်အချို့က ၀ါဖန့်ဖန့်အရောင်တွေနဲ့…။ တံခါးပိတ်ထားတဲ့ ဆိုင်ခန်းတစ်ခုရဲ့ “ကြိုဆိုပါတယ်” ဆိုတဲ့ ဆိုင်း ဘုတ်မှာထွန်းထားတဲ့ အစိမ်းရောင် မီးသီးတွေနားက မိုးစက်အချို့ကတော့ ခပ်စိမ်းစိမ်း…။ ဘာပဲဖြစ်ဖြစ်လေ…။ ၀ါဖန့်ဖန့်အရောင်နဲ့ ခရီးဆက်သွား တဲ့ မိုးစက်တွေပဲ ဖြစ်ဖြစ်…။ အစိမ်းရောင်တွေနဲ့ ခရီးဆက်သွားတဲ့ မိုးစက်တွေပဲဖြစ်ဖြစ်…။ အနဲနဲ့အများတော့…။ ပိန်းပိတ်အောင် ကျယ်ပြောနေတဲ့ ကောင်းကင်အောက် ဘယ်သူမှ သတိမထားမိလိုက်ပဲ တိုးဝင်ပျောက်ကွယ်သွားကြတဲ့ မိုးစက်တွေထက်စာရင်တော့…။ အဲ့ဒီ့ မိုးစက်တွေထက် စာရင်တော့….။

လှပတဲ့ညတစ်ခုဖြစ်ဖို့အတွက်..။ တကယ်တမ်း…။ အမှောင်ဟာ ဓားစာခံတစ်ယောက်ပါ…။ တစ်ခါတစ်လေ မရေမတွက်နိုင်သော ကြယ်ရောင်စုံတွေ ရဲ့  အလှကို လူတွေချီးမွမ်း ထောပနာ ပြနိုင်ကြဖို့အတွက် အမှောင်ဟာ ဗီလိန်တစ်ယောက်အနေနဲ့ အသုံးတော်ခံပါတယ်…။ ဘာပဲပြောပြော အမှောင်ထဲမှာ ဘယ်သူမှသတိမထားမိလိုက်ပဲ ခရီးဆက်ရင်းပျောက်ကွယ်သွားတဲ့ မိုးစက်တွေဟာ အနဲဆုံးတော့ အခြားမိုးစက်တွေလို အရောင်တွေ အဆိုးမခံ လိုက်ရဖူးပေါ့လေ…။ ကံကောင်းပါစေ မိုးစက်တွေရေ….။

အခန်း (၃)

တွေးလက်စ အတွေးအချို့ကို ခဏရပ်လိုက်တယ်…။ အကျင့်ရပြီးသားဖြစ်နေတဲ့ လက်ချောင်းတွေက စီးကရက်တစ်လိပ်ကို မီးညှိပြီးနေပြီပေါ့..။ သခင့်အလိုက်ကို သိပ်သိတတ်ကြပုံများ…။ အားရပါးရ ရှူရှုလိုက်တဲ့ ခဏ အရာရာဟာ ရီရီဝေေ၀ ၀ိုးတိုးဝါးတားနဲ့ လှပလို့နေရဲ့…။ မျက်လုံးတွေကို သူဖြေးညှင်းစွာ ပိတ်လိုက်တော့….။ သာယာတဲ့ ဂီတသံတစ်ခု သူ့အကြားအာရုံထဲကို နူးညံ့စွာ စီးဝင်လာတယ်…။

Yanni ရဲ့ Reflection Of Passion …..။

အဆုတ်ထဲက ဆန်တက်လာတဲ့ မီးခိုးငွေ့တွေကို သူနှမြောတသကြီးစွာ ဖြေးဖြေးခြင်း မှုတ်ထုတ်လိုက်တယ်…။ တလွင့်လွင့် တမြောမြောနဲ့ လွင့်ထွက်သွားတဲ့ မီးခိုးငွေ့အချို့ကြောင့် မိုးစက်အချို့ တဟွတ်ဟွတ်နဲ့ သီးသွားကြတယ်…။ ခပ်တိုးတိုးဆိုပေမယ့်..။ သူကြားဖြစ်အောင် ကြားလိုက် မိတယ်..။ သူ့နှုတ်ခမ်းမှာ အပြုံးတစ်ခု ရိပ်ကနဲ့ ဖြတ်သန်းသွားတယ်..။ ကြည့်စမ်းပါဦး..။ လွတ်လွတ်လပ်လပ်ကြီး ငြိမ်းချမ်းစွာ မွန်းကြပ်နေပုံများ..။

ဟား…..။ ဒီလိုအချိန်မျိုးမှာ တစ်စုံတစ်ယောက်ကို သိပ်သည်းစွာ သတိရနေတဲ့ စိတ်တွေများ သက်သာသွားလေမလား…။ သူ သက်ပြင်းအချို့တစ် ၀က်ကို ခဲရာခဲဆစ် ထုစစ် ဖန်တီးလိုက်တယ်…။

အပြင်မှာ မိုးစက်တွေ တဖွဲဖွဲဆက်လက် ကြဆင်းနေကြတုန်း…။ နဲနဲတော့ မိုးစက်တွေကျဲလာနေပြီထင်သည်…။

သူ့လက်ထဲမှာလည်း စီးကရက်တစ်လိပ် အငွေ့တလူလူနဲ့ လောင်မြိုက်လို့ကောင်းနေတုန်း…။ အရင်ကထက်တော့ ကုန်ဖို့ နီးလာပြီထင်သည်။

အကြားအာရုံတွေထဲမှာလည်း Yanni ရဲ့ Reflection Of Passion ကို ကြားနေရတုန်း..။ အဆုံးကိုရောက်ဖို့တော့ နီးလာပြီထင်ပါသည်။

ဇာတ်သိမ်း

မိုးတိတ်သွားခဲ့လေပြီ….။

ကျွန်တော်ကိုယ်တိုင်က ဘာပဲလုပ်လုပ် တစ်ဘက်စွန်းကို ရောက်တတ်လေတော့..။ ကျွန်တော့်ခံစားချက်..။ ကျွန်တော့်အယူအဆ…။ ကျွန်တော့် အတွေးအခေါ်တွေဟာလဲ..။ သူများနဲ့တော့ နဲနဲကွာခြင် ကွာဟနေပါလိ့မ်မယ်…။ ကြိုက်တဲ့သူက ခံစားလိုက်ပါ..။ မကြိုက်တဲ့လူကတော့ ပိတ်လိုက်ရုံ ပေါ့ဗျာ..။

Blackout – Scorpions

Numb – Linkin Park

Enter Sadman – Metallica

P.S- ထွက်ပေါက်ပျောက်နေတဲ့သူတွေအားလုံး အမြန်ဆုံး ပြန်လန်းနိုင်ကြပါစေဗျာ..။

ပျော်ရွှင်ဖွယ်ကောင်းသော မွေးနေ့တစ်ခုဖြစ်ပါစေ အစ်ကိုကြီး ကိုစိုးထက်ရေ…။

သင့်ဘ၀တစ်လျှောက်မှာ လမ်းတွေကိုဘယ်အရာနဲ့ လှမ်းလျှောက်ခဲ့ပါသလဲ…? ကျွန်တော်ရော ဘယ်အရာဖြင့် လျှောက်နေတယ်လို့သင်ထင်ပါ သ လဲ?

အခန်း (၁)

သင်သေသေချာချာ စဉ်းစားကြည့်ခဲ့ဖူးပါသလား…?

အမြင် နဲ့ အသံဟာ

ထောင့်မှန်ကျတယ်ဆိုတဲ့အကြောင်းကိုပေါ့….။

BLACK DREAM

ဒီလိုနဲ့….

သူ လျှောက်လက်စ လမ်းကိုသာ ဆက်လျှောက်နေလိုက်ပါတယ်…။ ပတ်ဝန်းကျင်ကို သိပ်အလေးအနက်ကြီးမဟုတ်တောင် တစ်ချက်ချက် တော့ လူ့သဘာဝအတိုင်း ခပ်စောင်းစောင်း သတိထားမိတာပေါ့…။ သူ လျှောက်လာတဲ့ လမ်းတစ်လျှောက် ဘယ်အသံကိုမှ တစ်ချက်လေး လောက်မျှ တောင် တည့်တည့်မတ်မတ် မကြားခဲ့ရပါဘူး..။ ဖြစ်နိုင်ခြေတွေကတော့ တော်တော်များများရှိပါတယ်…။  လူတွေရဲ့ နှုတ်ခမ်းတွေရွဲ့ နေကြလို့…။ ဒါမှမဟုတ် နှုတ်ခမ်းတွေပေါ်က ထွက်ကျလာတဲ့ စကားလုံးတွေကိုယ်တိုင်က ရွဲ့စောင်းနေကြလို့..။ ဒါမှမဟုတ် လူတွေရဲ့ အတွင်း စိတ်တွေက ရွဲ့စောင်းနေကြလို့…။ ဒါမှမဟုတ်…။ ကျွန်တော်တို့ရဲ့ ကမာမြေကြီးကို တိုင်က ၂၃ နှစ်ပိုင်း တစ်ပိုင်း ဒီဂရီ ရွဲ့စောင်းနေလို့…။  ဒါမှမဟုတ် အခြား အခြားသော အကြောင်းတွေကြောင့်လဲ ဖြစ်နိုင်ပါသေးတယ်…။

ဒါပေမယ့် အသံတွေကတော့ ဘယ်လိုနည်းနဲ့မှ အခုချိန်ထိ သူ့နားထဲကို တည့်တည့်မတ်မတ် ၀င်ရောက်လာခဲ့ကြခြင်းမရှိသေးပါဘူး..။ သူ မျက်နှာမူ ရာရဲ့ ဆန့်ကျင်ဘက် (သို့မဟုတ်) သူ့ ဦးတည်ရာကနေကြည့်မယ်ဆိုရင် အသံတွေဟာ သူ့ရဲ့လားရာတွေနဲ့ ထောင့်မှန်ကြနေပါတယ်…။ သိပ်ပြီး တော့ ထွေထွေထူးထူး မစဉ်းစားကြပါနဲ့…။ အကြောင်းကတော့ ကျွန်တော်တို့ရဲ့ နားတွေဟာ နဖူးပေါ်တက် ပေါက်နေခြင်းမဟုတ်ပဲ…။ နားထင် နားတွင် ပေါက်နေကြသောကြောင့် ဖြစ်ပါတယ်…။ တကယ်လို့များ နားတွေဟာ အခုလို နားထင်နားမှာပေါက်တာမဟုတ်ပဲ နဖူးပေါ်၊ နှာခေါင်းပေါ်၊ မျက်ခုံးပေါ် အစရှိသည့် အရှေ့မျက်နှာစာပြင်ဘက်တွင် ပေါက်နေကြမည်ဆိုပါက..။ ကျွန်တော်တို့ ကြားနေရတဲ့ အသံများသည် ကျွန်တော်တို့ရဲ့ အာရုံများထဲသို့ တည့်တည့်မတ်မတ် ၀င်ကောင်းဝင်လာနိုင်ကြမယ် ထင်ပါတယ်..။

ထောင့်မှန်ကျနေတဲ့ အသံတွေကို အရင်အတိုင်းမသိမသာ နားထောင်ရင်း သူ့ ခြေဖနောင့်တွေ ဦးတည်ရာသို့ သူ ပုံမှန်အတိုင်း ဆက်လျှောက်နေ လိုက်ပါတယ်..။ လမ်းကြောင်းတစ်ခုကို ကောင်းမွန်စွာ လျှောက်လှမ်းနိုင်ဖို့အတွက် သင့်မှာရှိတဲ့ ဦးနှောက်တစ်ခြမ်း၊ မျက်လုံးနှစ်ဘက် နဲ့ ခြေထောက်တစ်စုံ ဘယ်အရာဟာ ပိုအရေးကြီးမယ်ထင်ပါသလဲ…။ အဖြေမပေးမှီ သင့်ရဲ့ မျက်လုံးတွေနဲ့အရင် လမ်းလျှောက် ကြည့်ပါ။ ထိုအခိုက် အတန့် သင့်ရဲ့ ဦးနှောက်နဲ့ ခြေထောက်များကို လုံးဝအသုံးမပြုဖို့လိုပါလိ့မ်မယ်..။ ထို့နောက် သင့်ဦးနှောက်ဖြင့် တစ်ဖန်ထပ်ပြီး လျှောက်လှမ်း ကြည့်ပါ..။ ပထမ အခေါက်ကကဲ့သို့ပင် အခြားအရာနှစ်ခုဖြစ်သော မျက်လုံးနှစ်ဖက်နှင့် ခြေထောက်များကို အသုံးမပြုရပါ..။ နောက်ဆုံးတွင် သင့်ခြေထောက်များဖြင့် လမ်းလျှောက်ကြည့်ပါ…။ ထိုအခိုက် ဦးနှောက်နှင့် အမြင်အာရုံအား ကျေးဇူးပြုပြီးတော့ လျစ်လျှူရှုကြည့်လိုက်ပါ။

အခန်း (၂)

တကယ်တော့ တွေဝေမှုဆိုတာဟာ

မသိစိတ်နဲ့ သိစိတ် အားပြိုင်မှုကြားက

ဒဏ်ခံကြိုးမျှင် တစ်စပေါ့…။

BLACK DREAM

စူးစူးရွားရွား ကားဟွန်းတီးသံတစ်ခုကြောင့် သူ့ ခြေလှမ်းတွေ အလိုလျှောက် တုံ့ဆိုင်းပြီးသားဖြစ်သွားတယ်…။ သူ့ရှေ့မှာ အရှိန်ပြင်း စွာမောင်း နှင်လာတဲ့ ကားတစ်စီးကို တွေ့လိုက်ရတယ်…။ အခိုက်အတန့်တစ်ခုတော့ သူ တော်တော်လေးမင်တက်သွားလိုက်မိတယ်…။ မျက်လုံးတွေ ပြာထွက်သွားတယ်…။ သူ အဲ့ဒီ့ကားဟွန်းသံကို မကြားလိုက်မှီကပင် သူ့ ခြေလှမ်းကို လှမ်းခဲ့ပြီး ဖြစ်နေခဲ့တယ်လေ…။ ခဏတာလေးဖြစ်သော အခိုက်အတန့်ကို ကျော်လွန်ပြီးတဲ့နောက် သူကိုယ်တိုင် ဇဝေဇ၀ါဖြစ်သွားခဲ့ရတယ်…။ နောက်မှ သူ့ကိုယ်သူ ပြန်သတိထားမိပြီး ခပ်မဲ့မဲ့ ပြုံးဖြစ်ခဲ့ တယ်…။  ဦးတည်ရာအတိုင်း သူ အသာတကြည်ပဲ ဆက်လျှောက်လာခဲ့လိုက်တယ်…။

ကျွန်တော်တို့လူသားတွေဟာ ဘယ်လိုပဲ အစွဲအလန်းအဟောင်းတွေ၊ အယူအဆဟောင်းတွေထဲက ခွဲထွက်ဖို့၊ လွတ်မြောက်ဖို့ ကြိုးစားနေကြပေ မယ့်…။ တစ်ခါတစ်လေမှာတော့ မသိစိတ်နဲ့ သိစိတ်ကြားမှာရှိတဲ့ တင်းအားတွေဟာ တကယ်ကို နားလည်ရခက်ခဲလှပါတယ်..။ ကျွန်တော်တို့လူ သားတွေရဲ့ဘ၀မှာ အဲ့ဒီ့ မသိစိတ်နဲ့ သိစိတ်ကြားမှာရှိတဲ့ တင်းအား (Tension) တွေကို တွေဝေမှု (၀ါ) မောဟ (၀ါ) Illusion များအဖြစ် နေ့စဉ်နဲ့ အမျှ ကြုံတွေ့နေကြရမှာ ဖြစ်ပါတယ်..။ အဲ့လိုအချိန်မျိုးမှာ ကိုယ်စီကိုယ်စီအလိုက် ဒဏ်ခံကြိုးလေးတွေရဲ့ အင်အားအပေါ်မူတည်ပြီး တောင့်ခံ့နိုင်ခဲ့ တဲ့သူများရှိသလို…။ မကြာခဏ ပြတ်ထွက်သွားကြတဲ့ ကြိုးမျှင်လေးပေါင်းများစွာကိုလည်း တွေ့ရှိရနိုင်ပါတယ်…။

နဲနဲသွေးအေးသွားတဲ့ ခဏ ကိုယ့်ကိုယ်ကို ပြန်တွေးကြည့်တော့ နဲနဲ ရှက်သလိုတော့ ဖြစ်သွားလိုက်တယ်…။ ဘာကြောင့်များ လူသားတွေရဲ့ စိတ်ထဲမှာ ကြောက်စိတ်ဆိုတဲ့အရာတွေဟာ ကိုယ်နဲ့ဆိုင်သည်ဖြစ်စေ၊ မဆိုင်သည်ဖြစ်စေ အနဲနှင့်အများဆိုသလို ရှိနေတတ်ကြပါသလဲ..။  ဒါဟာ အကြောက်တရားလား…? ဒါမှမဟုတ် ဒါဟာ သတိတရားတစ်ခုပေပဲလား..? သူလျှောက်လှမ်းရာ ဦးတည်တဲ့နေရာက တစ်ခု…။ သူ့ရဲ့မျက်နှာမူရာ က တစ်ဘက်…။ စောစောက သူ့ရဲ့ စိတ်မှာ ဖြစ်သွားတဲ့ စိုးရိမ်စိတ်တွေရဲ့ ဦးတည်ရမှုက တစ်ခြား..။ အားလုံးဟာ ဦးတည်ရာတွေ ထွေပြားနေပုံများ ထူးဆန်းဖို့ မကောင်းလောက်အောင်ပင် ထူးဆန်းခဲ့လေသည်…။ သူမျက်နှာမူရာ အရပ်ကို တစ်ချက်ပြုံးပြီး ကြည့်လိုက်မိသည်..။ ထို့နောက် မူလ လျှောက်လှမ်းလာခဲ့သည့် လမ်းအတိုင်းပင် ဆက်လက်လျှောက်လှမ်းလိုက်ပါတယ်…။

အခန်း (၃)

ကွန်ပျူတာတစ်လုံးလိုပေါ့ဗျာ

အာရုံငါးပါးထဲက တစ်ပါးကိုခဏ အနားပေးလိုက်တဲ့အခါ

ဦးနှောက်ရဲ့ လုပ်ဆောင်မှုအား ပိုမိုကောင်းမွန် မှန်ကန်လာနိုင်လေမလား….?

BLACK DREAM

လျှောက်လာရင်း လျှောက်လာရင်း လမ်းကတဖြေးဖြေး ဇဝေဇ၀ါ လိုလိုဖြစ်လာသည်..။ မှားသည်ထင်သည်…။ မမှားနိုင်ပါ…။ ဒီလိုမမှားအောင် သူအ သေအချာ ကြိုးစားခဲ့ပါတယ်…။ ခက်တာက သူ့အသိစိတ်တွေထဲမှာ သူ့အိမ်နှင့်နီးလာပြီဆိုတာ သိနေသော်လည်း သူ့အမြင်အာရုံများကမူ အိမ်နှင့် အလှမ်းဝေးလှသည်…။ အခြေအနေက ရှင်းရှင်းလေးနှင့်ရှုပ်နေသည်..။ သူအဆုံးဖြတ်ရ နဲနဲကြပ်သွားသည်…။ မြင်နေတဲ့အတိုင်းလက်ခံရမည်လား? ဒါမှမဟုတ် အသိဥာဏ်ရဲ့ ဆင်ခြင်မှုကိုပဲ လက်ခံရမည်လား? သူလျှောက်လာတဲ့ လမ်းတစ်လျှောက် ဒီနေရာသည် အရေးအပါဆုံးဟု ကိုယ့်ကိုယ်ကို သတ်မှတ်လိုက်သည်…။ တစ်စုံတစ်ခုကို ဆုံးဖြတ်ရမည်…။ တစ်စုံတစ်ခုကို ရွေးချယ်ရမည်…။ ဘယ်အရာသည် မှန်ပါသနည်း..။ ဘယ်အရာသည် မှားနေပါသနည်း…။

ခင်ဗျားတို့ရော ဒီလိုအခြေအနေမှာ ဘာကိုရွေးချယ်ကြမလဲ…? ဘယ်အရာကို ယုံကြည်ကြမလဲ…? ဘယ်လိုဆုံးဖြတ်ကြမလဲ….? မြင်နေတာက အမှန်တရားလား…? သိနေတာက အမှန်တရားလား…? မြင်နေတာက ဘယ်လောက်ရာခိုင်နှုန်းသေချာပါသလဲ…? သိနေတာတွေ တွေးထင်ထား တာတွေကရော ဘယ်လောက်ရာခိုင်နှုန်း မှန်ကန်ပါနိုင်သလဲ…? ဒီလိုအချိန်မှာ ကျွန်တော်တို့ရဲ့ ဒဏ်ခံကြိုး ဘယ်လောက်အထိ အားကောင်းနိုင်မ လဲ…? တစ်ချက်ခုတ် နှစ်ချက်ပြတ်ဆိုသော ဆိုရိုးစကားသည် ရေကဲ့သို့သော ဂုဏ်သတိရှိသည့် အရာများအတွက်တော့ အချည်းအနှီးပင် ဖြစ်ပေ လိမ့်မယ်..။ မျှားတစ်စင်းဖြင့် ငှက်နှစ်ကောင်ပစ်သည်ဆိုသော ဆိုရိုးသည် ငှက်တစ်ကောင်ထဲတွင် ခေါင်းနှစ်လုံးပါသော အကောင်များအတွက်ဆို လျှင်မူ…?

သူတစ်စုံတစ်ခုကို ပြတ်သားစွာ ဆုံးဖြတ်လိုက်သည်။ သူ့ရဲ့နောက်ဆုံး ခြေလှမ်းကို အသာအယာ ကြွလိုက်သည်။ သူ့ခြေလှမ်းပြန်အချမှာ သူ့အိမ်ပေါ်သို့ တက်သည့် ပထမဆုံး လှေခါးထစ်ကို ခြေချမိလိုက်သည်…။ သူ့မြင်နေရတဲ့အရာတွေ၊ မြင်ခဲ့တဲ့အရာတွေသည်လည်း ဝေးလို့ ဝေးလို့သာ ကျန်ခဲ့ပါတော့တယ်….။

နိဂုံး

ကျွန်တော် ဘယ်အရာကို သုံးပြီးလျှောက်ခဲ့သည်တော့ ကျွန်တော်ကိုယ်တိုင်လည်း မသိပါ..။ သေချာတာကတော့ ကျွန်တော် လမ်းတစ်လျှောက် ပြောင်းပြန် (သို့) ဖနောင့်တွေရဲ့ ဦးတည်ရာနောက် နောက်ပြန်လျှောက်ခဲ့တာကတော့ သေချာပါပေသည်။

P.S-  နောက်တစ်ခေါက် ပြန်ဖတ်ပါ…။ ပြောင်းပြန် ပြန်တွေးပါ…။

၁။ ဦးနှောက်စက်ရုံ အတွက် ကုန်ကြမ်းရှားပါးလာခြင်း။

၂။ ရေးပြီးသောစာများအား အားရကျေနပ်မှုမရှိသောကြောင့် မတင်ဖြစ်ခြင်း။

၃။ ရေးလိုက်သော စာများအား, အားရ ကျေနပ်လွန်းအားကြီးသောကြောင့် မတင်ဖြစ်ခြင်း။

၎။ စာရေးလိုက်တိုင်း လက်များ ဘရိတ်ပေါက်ပေါက်သွားသောကြောင့် အရှိန်သတ်ထားခြင်း။

၅။ စာရေးခြင်းထက် နည်းပညာပိုင်းနှင့်ဆိုင်သောဘက်တွင် အနဲငယ် ပိုမို အာရုံရနေခြင်း။

၆။ လုပ်ခြင်တာများ များနေသောကြောင့် ဘာမှ လုပ်မရခြင်း။

၇။ မု့န်ဖိုးရလိုရငြား ကိုယ်တတ်သည့်ပညာလေး (မဖြစ်စလောက်) နှင့် တစ်ဘက်တစ်လမ်းမှ ၀င်ငွေရှာနေခြင်း။

၈။ စာမေးပွဲများ မဟားတရား နီးကပ်လာခြင်း။

၉။ စာကျက်ရန် စာအုပ်နှင့် Lecture များ ရှာမရခြင်း။

၁၀။ စာရေးခြင်စိတ် အလျဉ်းမရှိခြင်း။

မည်သို့ပင် ဖြစ်စေ..။ ကျွန်တော် ဘလော့မပိတ်ပါ..။ ရပ်ပါဦးမည်…။ ပြန်ရေးနေပြီ ဆိုပြီး ပိတ်လိုက်ဖွင့်လိုက် လုပ်မည်လည်းမဟုတ်ပါ..။ အရေးကြဲ ခြင်းသာလျှင် ရှိမည်ဖြစ်ပါသည်…။ မရေးခြင်တဲ့ အဆုံး ပြစ်ထားရုံမှလွဲ…။ ကျွန်တော်ဘာမှလုပ်မည်မဟုတ်ပါ…။

ကျွန်တော့်အတွက် မနက်ဖြန်များစွာ ရှိနေပါသေးသည်..။ ထို့ကြောင့် ကျွန်တော့်တွင် ဖက်တွယ်ထားသော အိပ်မက်များစွာလည်း အတိအကျရှိနေပါ သေးကြောင်း…။

P.S- မကြာမှီ လာမည်….။ မျှော်….။

“သြော်….။ အခုတော့လဲ မင်းရောက်ပြီလာပဲ…”

တစ်ဘက်မှ စီးကြိုပြီးပြောလိုက်တဲ့ စကားတစ်ခွန်းကို သူခပ်ရဲ့ရဲ့ အပြုံးတစ်ခုဖြင့်သာ တုံ့ပြန်လိုက်ပါတယ်…။ မလိုဘူးလေ…။ ဒီလူနဲ့ ဒီလူ လောက နီတိတွေ..။ အပေါ်ယံ စကားလုံးတွေ….။ ဒီလောက်ဆို သူ့ရင်ထဲရှိတာတွေကို သဘောပေါက်သွားမှာပါ…။

“အေးဆေးပေါ့ကွာ…။ ထိုင်…။ ရော့…။ ဆေးလိပ်လေးဘာလေးသောက်ဦး…။ အမောပြေမှ စကားပြောကြတာပေါ့…”

“ဟင့်အင်း…။ ငါဆေးလိပ်မသောက်တတ်တာ မင်းမေ့သွားပြီထင်တယ်….”

တစ်ဘက်မှ သူ့သူငယ်ချင်းက ဘာမှဆက်မပြောတော့ပဲ ခေါင်းကို တဆတ်ဆတ်ငြိတ်ရင်း ပြုံးလို့သာနေပါတယ်…။

“ဘာပဲ ပြောပြောငါက ဒီနေရာကို မင်းအရင်ရောက်နေတာဆိုတော့ ငါက အိမ်ရှင်ပဲလေ..။ ဧည့်ဝတ်ကျေရပေမပေါ့…။”

သူဘာမှ ပြန်မပြောမိ…။ သူ့သူငယ်ချင်းကိုသာ သေသေချာချာ စိုက်ကြည့်နေမိသည်…။ တကယ်ကို မယုံနိုင်စရာပင်…။ သူနဲ့ သူ့သူငယ်ချင်းကြား ဘာတွေကွာခြားသွားခဲ့လဲ…? ဘယ်လိုအခြေအနေတွေက မတူညီမှုတွေကို ဖန်တီးခဲ့လဲ…။ တကယ်ဆို အနဲနဲ့အများတော့ တူညီနေသင့်တာပေါ့..။ အခုတော့…။ သူ့အတွက် အံ့သြခြင်းများစွာဖြင့် စကားတစ်ခွန်းသာ ဆိုနိုင်ခဲ့သည်…။

“မင်းအရင်လိုပဲ….။ ဘာမှ ပြောင်းလဲမသွားဘူးနော်….”

အခန်း (၁)

တကယ်တော့ သူတို့သူငယ်ချင်းနှစ်ယောက် ဝေးကွာခဲ့တာ နှစ်ပေါင်းများစွာ ကြာခဲ့ပြီ ဖြစ်ပါတယ်…။ အတိအကျ နီးပါးပြောရရင် နှစ် (၄၀) နီးပါးပေါ့။ သူနဲ့ သူ့သူငယ်ချင်းဆိုတာက တကယ့်ကို ညီအစ်ကိုပမာ..။ တိုင်ပင်ဖက်..။ ဆွေးနွေးဖက်…။ ငြင်းခုန်ဘက်…။ တူညီတာတွေရှိခဲ့သလို..။ သဘာဝ အတိုင်း မတူညီမှုတွေကလဲ ပုံမှန်မွေးဖွားခဲ့ကြတာ အဆန်းတစ်ခုတော့ မဟုတ်ပါ။ ဒီလိုနဲ့ပဲ ကြီးပြင်းလာခဲ့ရာ…။ မထင်မှတ်တဲ့ အချိန်…။ မထင်မှတ် တဲ့နေရာမှာ သူတို့တွေ ခွဲခွာကြဖို့ အကြောင်းဖန်လာခဲ့သည်…။ သူတုန်လှုပ်ခဲ့သလောက် သူ့သူငယ်ချင်းကတော့ ဘာမှမခံစားရသည့် အတိုင်း တကယ့်ကို မယုံကြည်နိုင်လောက်အောင် တည်ငြိမ်လွန်းလှခဲ့သည်…။

သက်တူရွယ်တူ သူငယ်ချင်းတွေဆိုပေမယ့်…။ သူ့သူငယ်ချင်းရဲ့ အတွေးအခေါ်တွေ…။ အယူအဆတွေ…။ အမြင်တွေဟာ သူ့ထက်ပိုမို တည်ငြိမ်ခဲ့ တာတော့ သူဝန်ခံရပေလိ့မ်မည်..။ သူ့သူငယ်ချင်းရဲ့ စကားလုံးတွေတိုင်းဟာ သူ့အတွက်တော့ ဘာသာဗေဒ အသစ်တစ်ခုလို အမြဲဖြစ်နေခဲ့ပါတယ်။ သူအကြိမ်ကြိမ် နားလည်ဖို့ ကြိုးစားခဲ့ပေမယ့်…။ သူ့အတွက်တော့ အလှမ်းဝေစမြဲ ဝေးနေခဲ့ဖူးပါတယ်..။ သူတစ်ခါတစ်လေ သူ့သူငယ်ချင်း ဘာ တွေကိုများ တွေးနေပါလိ့မ်…။ ဒါမှမဟုတ် ဘယ်လိုများတွေးနေပါလိ့မ်လို့ သိချင်လွန်းလှပါတယ်…။

“မင်းကို ကြည့်လိုက်ရင် အမြဲတမ်း ဘာမှမခံစားရသလိုပဲ..” သူရဲ့စကားဟာ ဟာသတစ်ခု မဟုတ်သည့်တိုင် ဘာကြောင့်များ သူ့သူငယ်ချင်းရဲ့ နှုတ် ခမ်းတစ်စုံမှာ မထီတရီ အပြုံးတွေ ဖူးပွင့်ခဲ့ရပါသနည်း…။

“မင်းကိုငါပြောမယ်…။ ကြီးမားတဲ့ ကျောက်တောင်၊ တောင်တန်းကြီး တွေကအစ..။ သေးငယ်တဲ့ ကျောက်တုံးတစ်ခုအထိဖြစ်လာဖို့ဆိုရင် သေးငယ်တဲ့ သာမန်မျက်စိနဲ့တောင် မမြင်နိုင်တဲ့ အမှုန်ပေါင်းများစွာနဲ့ စတင်ခဲ့ရတယ်..။ အဲ့ဒီ့ အမှုန်လေးတွေဟာ တဖြေးဖြေး အချိန်ကြာလာတာ နဲ့အမျှ ဖိအားတွေ၊ အပူတွေ၊ အနည်ကျမှုတွေကြောင့် တစ်ဖြေးဖြေးကျစ်လျစ်သိပ်သည်းပြီးတော့ မာထန်တဲ့ ကျောက်တုံး ကျောက်ဆိုင်တွေ…။ နောက်ကျောက်တောင်တွေ..။ တောင်တန်းကြီးတွေ ဖြစ်လာခဲ့ရတယ်…။”

“ဟိတ်ကောင်…။ ငါမေးတာနဲ့ မင်းပြောနေတာနဲ့ ဘာဆိုင်လို့လဲ…။ မင်းကပြောလိုက်ရင် အဲ့လိုတွေချည်းပဲ..။ အရင်းမရှိ…။ အဖျားမရှိ..။”

“ခဏနေဦးလေကွာ…။ ဆိုင်လာလိ့မ်မယ်…။ အဲ့ဒီ့တော့ သေသေချာချာစဉ်းစားကြည့်မယ်ဆိုရင် ကျောက်တုံးတစ်ခုဟာ သာမန်အားဖြင့် ခိုင်မာတယ် ဆိုပေမယ့် သူတို့တွေရဲ့ သဘာဝ ဖြစ်တည်မှုအစဟာ အင်မတန်ပျော့ပြောင်း သေးငယ်လှတဲ့ အမှုန်လေးတွေများစွာပါဝင်နေတယ်ဆိုတာ ကိုတော့ မင်းလက်ခံလောက်ပါပြီ…။”

သူ… သူ့သူငယ်ဆက်ပြောမယ့်စကားကိုသာ အာရုံစိုက်နေလိုက်မိပါတယ်…

” ဒီလိုပဲကွ…။ လူတစ်ယောက်ရင့်ကျတ်တယ်…။ ဒါမှမဟုတ် မင်းပြောသလို “ဒီကောင့်ကြည့်ရတာ ဘာမှခံစားတတ်မယ့် ပုံမပေါ်ပါဘူးကွာ” ဆိုတာမျိုး က အဲ့ဒီ့လူကျောက်ဖြစ်သွားတဲ့ အချိန်မှာ မင်းတို့ကတွေ့လို့သာ အဲ့လိုပြောနိုင်ကြတာ…။ လူတစ်ယောက်ရဲ့ ခံစားချက်တွေ ကျောက်ဖြစ်သွားဖို့ ဆို တာ သေးငယ်တဲ့ ထိခိုက်ခံစားမှုတွေ…။ မမြင်နိုင်တဲ့ သောကအမှုန်တွေ..။ များပြားလှတဲ့ မြိုသိပ်မှုတွေကနေ တဖြေးဖြေးစတင်ခဲ့တာပဲ…။ အဲ့ဒီ့ သေးငယ် လှတဲ့ ခံစားမှုတွေ တဖြေးဖြေး စုပုံအနည်ကျလာတဲ့နောက်…။ ဘ၀ရဲ့ ပြင်းထန်တဲ့ ဖိအားနဲ့ သောကရဲ့ အပူတွေကို အကြိမ်ပေါင်းများစွာ ရင်ဆိုင်ခဲ့ ရပြီးတဲ့နောက် သူ့ရဲ့ စိတ်အစုံဟာ ကျောက်ဖြစ်သွားခဲ့ရတယ်…။ တကယ်ဆိုရင် အဲ့လိုဘာမှ မခံစားတတ်ဘူးလို့ မင်းတို့ထင်တဲ့သူတွေက မင်းတို့ ငါတို့တွေထက် အများကြီးခံစားတတ်…။ အဲ..။ ဒါမှမဟုတ်…။ ခံစားဖူးတဲ့သူတွေချည်းပဲကွ….။“

အခန်း (၂)

“ဒါနဲ့ မင်းအခုလာတာက…?”

“ငါလာတဲ့ ကိစ္စကိုမပြောခင်…။ ငါသိခြင်တာ တစ်ခုကို မင်းအရင်ပြောပြနိုင်မလား..?”

“အင်း…။ ဆိုစမ်းဘာဦး…။”

” ဒီမယ်သူငယ်ချင်း…။ အခုအသက်အရွယ်ကြီးရောက်တဲ့အထိ မင်းမှာငါ့ကိုမေးစရာမေးခွန်းတွေ မကုန်နိုင်သေးဘူးလား…? ဒီလိုပဲ မင်းအမြဲ သူများ ကို လျှောက်မေးနေတာ မင်းကိုမင်းမေးဖို့ရော အချိန်ရသေးရဲ့လား…။ ဟမ်…။ ဟေ့ရောင်…”

“ဒါတွေထားစမ်းပါကွာ…။ ငါအခုမေးမှာကိုပဲ မင်းဖြေ…။ မင်းနဲ့ငါနဲ့ လမ်းခွဲခဲ့ကြတာ ငါတို့ အသက် (၂၀) လောက်က အခုဆို ငါ့အသက် (၆၀) ကျော်ပြီ..။ တစ်နည်းအားဖြင့် ငါတို့မတွေ့ခဲ့ကြတာ နှစ်ပေါင်း လေးဆယ်ကျော်လောက်ရှိပြီ…။ ဒီလောက်နှစ်တွေ အချိန်တွေကြာခဲ့တာတောင် ငါ့မှာ ပြောင်းလဲမှုတွေ များစွာဖြစ်ခဲ့သလောက် မင်းကျတော့ ဘာလို့ ဘာမှမပြောင်းလဲရတာလဲ….။ ဒါကို ငါသိခြင်တယ်…။”

“ဟား…ဟား..။ ငါဘာကြောင့် မပြောင်းလဲသလဲဆိုတာ မင်းကိုမပြောပြခင်..။ မင်းကို ငါမေးခွန်းတစ်ခုမေးမယ်…။ မင်းတို့ အသက်အရွယ်ဆိုတာကို ဘာနဲ့တိုင်းလဲ ဟေ့ရောင်…”

“ဟ..။ အသက်အရွယ်ပါဆိုမှတော့ အချိန်နဲ့ တိုင်းရတာပေါ့ဟ..။ အချိန်နဲ့မတိုင်းလို့ မင်းကြီးဒေါ်ကြီးနဲ့ ငါကတိုင်းရမှာလား..”

“ဟဲ..ဟဲ..။ အေးဟုတ်ပါပြီကွာ..။ မင်းပြောသလို အသက်အရွယ်ကို အချိန်နဲ့မတိုင်းပဲ ငါ့ကြီးဒေါ်ကြီးနဲ့တိုင်းတာကမှ မင်းတို့အတွက် ပိုအဓိပ္ပါယ်ရှိဦး မလားပဲ…”

“နေစမ်းပါဦး…။ ဒါဆို မင်းက အသက်အရွယ်ဆိုတာကို အချိန်နဲ့ မတိုင်းတာခြင်လို့ ဘာနဲ့များတိုင်းတာခြင် သေးလို့လဲ…”

“လွယ်ပါတယ်ကွာ…။ အသိတရားနဲ့ တိုင်းတာမှာပေါ့…”

“ဘာ…! အသက်ကို အသိတရားနဲ့တိုင်းမယ်…? ဟုတ်လား…? ” သူ့သူငယ်ချင်းရဲ့ စကားကြောင့် သူတော်တော်တွေဝေသွားမိသည်…။

” ဟုတ်တယ်…။ လူတစ်ယောက်ရဲ့ သက်တမ်း…။ ရင့်ကျတ်မှုတွေကို အချိန်နဲ့တိုင်းတာခြင်းဟာ တကယ်တော့ အချည်းအနှီးပဲ…။ ဒါတွေဟာ မိမိ ကိုယ် မိမိ လှည့်စားခြင်းတစ်မျိုးပဲ..။ မင်းတို့ငါတို့ လူသားတွေဟာ ကိုယ်တိုင်ဖန်ဆင်းထားတဲ့ လှောင်ချိုင့်တစ်ခုအတွင်းမှာ ကိုယ်တိုင် အချုပ်နှောင်ခံ နေကြရတယ်…။ အစစအရာရာကို အချိန်တွေနဲ့ တိုင်းကြ..။ တာကျ…။ အချိန်မလောက်ဘူးပြောကြ…။ တစ်ချို့ကလည်း အချိန်တွေပိုတယ်ပြော ကြ…။ ဒီလိုသာတိုင်းတာကြကြေးဆို ငါမေးမယ်….။ နာရီမကြည့်တတ်တဲ့သူတစ်ယောက်…။ ဒါမှမဟုတ်…။ နာရီမရှိတဲ့သူတစ်ယောက်…။ ဒါမှမဟု တ် အချိန်ဆိုတဲ့ ပညတ်ကို မဖန်တီးထားတဲ့ အခြားသော သတ္တ၀ါတွေအတွက် အသက်အရွယ်ကို မင်းတို့ ဘယ်လိုတိုင်းတာကြမလဲ…?”

သူဘာပြန်ပြောရမှန်းမသိ…။ သူ့မှာသာ ဘာမှပြန်ပြောစရာ စကားမရှိတာ…။ သူ့သူငယ်ချင်းကတော့ အဆက်မပြတ် ဆက်ပြောလျှက်…။

“ကဲ မင်းတို့ပြောသလို…။ လူတွေရဲ့ အသက်အရွယ်နဲ့ ရင့်ကျတ်မှုတွေကို အချိန်နဲ့တိုင်းကြပါပြီတဲ့ကွာ…။ အဲ့ဒါဆို ငါမေးမယ်..။ အဲ့လိုအချိန်နဲ့ တိုင်းတာသတ်မှတ်လို့ မှန်ကြေး…။ တစ်နည်းအားဖြင့် အသက်အရွယ်ကြီးလာလို့ ရင့်ကျတ်လာကြေးဆိုရင်…။ မင်းတို့ပြောပြောနေတဲ့ “အသက်ကြီးပြီး အချိန်မစီးဘူး” ဆိုတဲ့စကားက ဘာလို့ပေါ်လာသေးလဲ…။ အသက်ကဖြင့်..။ အေးမင်းတို့ လို အချိန်နဲ့တိုင်းကြည့်ရင်ပေါ့ကွာ..။ အိုမင်း ရွတ်တွနေပြီ..။ ခေါင်းထဲမှာက အသိဥာဏ်နတ္ထိ…။ ဘာမှသုံးစားလို့မရတဲ့…။ နလပိန်းတုန်းတွေ…။ အိုနာကျိုးကန်းတွေကြ ဘာလို့ အသက် ကြီးပေမယ့် မရင့်ကျတ်ကြလဲ..။ ဘာလို့ အသိဥာဏ်မရှိကြလဲ…။ အေး…။ ထပ်ပြောမယ်…။ မင်းတို့ပြောသလို အချိန်နဲ့ တိုင်းတာလို့ အသက် အရွယ် ငယ်ပေမယ့် ရင့်ကျတ်တည်ငြိမ်ကြတဲ့ လူငယ်တွေ…။ ကလေးတွေကြတော့ မင်းတို့ ဘယ်လို သတ်မှတ်ကြမလဲ…။ အဲ့ဒီ့အမျိုးအစား နှစ်ခုကို မင်းယှဉ်ကြည့်လိုက်…။ ဘယ်သူဟာ လူကြီးလဲ…? ဘယ်သူဟာသူငယ်နှပ်စားလဲ…? အဲ့ဒါကြောင့်မင်းကို ငါပြောတာ လူတွေရဲ့ အသက်ကို ရက်တွေ နှစ်တွေ၊ အချိန်တွေနဲ့ တိုင်းတာမယ့်အစား..။ အဲ့ဒီ့လူတစ်ယောက်ရဲ့ ရင့်ကျတ်မှုပမာဏ ဘယ်လောက်ရှိတယ်ဆိုတာကို စံချိန်စံနှုန်းတစ်ခုထားပြီး သတ်မှတ်ရင် ပိုအဓိပ္ပါယ်ရှိနိုင်တယ်….။ စကာမစပ်…။ ငါ့ကြီးဒေါ်ကြီးတော့ ချမ်းသာပေးပါကွာ…။ ဟဲ ဟဲ…။”

အခန်း (၃)

သူ…။ သူ့သူငယ်ချင်းပြောတဲ့စကားတွေ နားထောင်ပြီးတော့..။ တစ်ခုခုကို ရှင်းရှင်းလင်းလင်းပဲ သိသွားသလိုလို…။ သိပြီးသားရိုးရှင်းတဲ့ ကိစ္စတွေ ကပဲ ပြန် လည်ရှုတ်ရှပ်ခတ်သွားသလိုလို…။ သေချာတာကတော့ တော်တော်လေးကို သူဇဝေ ဇ၀ါဖြစ်သွားတာပါပဲ..။

“ဟေ့..။ ဒါတွေထားပါဦး…။ မင်း မိန်းမနဲ့ ကလေးတွေရော…။ အဆင်ပြေကြရဲ့လား…။ အခုလောက်ဆို မင်းလည်း မြေးတွေ ဘာတွေတောင် ရနေ လောက်ရောပေါ့…။ ဟဲ ဟဲ”

သူ့သူငယ်ချင်းရဲ့စကားသံကြားမှ သူ့အာရုံတွေ ပြန်လည် အသက်ဝင်လာခဲ့သည်..။

“အေး…။ ဒီလိုပါပဲကွာ…။ မိန်းမကတော့ အသက်ကြီးလာတော့… ကျန်းမာရေးက ရွှေတစ်နေ့ ငွေတစ်နေ့ပဲပေါ့…။ သားမသမီးတွေကတော့ သူ့ အိမ်ထောင်နဲ့သူ အဆင်ပြေကြပါတယ်…။ ငါ့မြေးတွေလဲ အခုဆို ကျောင်းတွေ ဘာတွေတက်နေပြီ…”

“မင်း တို့မလဲ…။ ဇယားရှုပ်လိုက်တာကွာ….” ပြောင်ချော်ချော်ဖြင့် ပြောနေသော ဒီကောင့်မျက်နှာအား ငယ်ငယ်ကစိတ်နှင့်သာဆိုလျှင် ပြေးထိုးပြီး ဂုတ်သာခွစီးထားလိုက်ခြင်သည်…။ သူကတော့ အပြုံးမပျက်…။ သူနှင့်မဆိုင်သလို….။

“ဒါနဲ့…။ အခု မင်းကငါ့ဆီ ဘာလာလုပ်တာလဲ….။ ဘ၀ရဲ့အထုအထောင်းတွေ၊ အကွေ့အပြောင်းတွေကို မခံနိုင်တော့လို့ ငါနဲ့အတူနေဖို့ အပြီး ပြောင်း လာတာလား..။”

“အပြီးပြောင်းလာရအောင်…။ မင်းငါ့ဆီမှာ ဘာအထုပ်အပိုးတွေတွေ့လို့လဲ…။  အခုက ခဏလာတာကွ…။ အေး….။ ဒါပေမယ့် မင်းပြောသလို ဇာတ်ရှုပ်တွေ ရှင်းစရာရှိတာရှင်းပြီးရင်တော့ ငါမင်းဆီအပြီးပြောင်းလာဖြစ်မယ်…။ ငါလဲ မနေခြင်တော့ဘူးကွာ..။ ဒီရုပ်နဲ့ ခန္ဓာကြီး ငြီးငွေ့လှပြီ…။”

“အေးလေ…။ လာမယ်ဆိုအချိန်မရွေးပါပဲ…။ ငါကတော့ မင်းလိုအဲ့ဒီ့ ဒဏ်တွေမခံစားခြင်လို့ စောစောစီးစီးကတည်းက အဲ့ဒါတွေနဲ့ ဝေးတဲ့ဒီနေရာ လေးမှာနေလာခဲ့တာပဲ…။ ငါခေါ်တုန်းက မင်းမှမလိုက်တာ…။”

“မင်းသွားတဲ့ နည်းကြီးနဲ့တော့ ငါမလိုက်ခြင်ပါဘူးကွာ…။ ကဲ..။ ဟုတ်ပါပြီ…။ မင်းပြောသလို ပဲထားပါတော့…။ ငါမေးတာ ဖြေဦး…။ ငါကြတော့ အနှစ် ၄၀ ကျော်နဲ့မကာမိအောင် ပြောင်းလဲသွား သလောက် မင်းကျတော့ ဘာလို့ မပြောင်းလဲသွားသလဲ…”

“ဟား…ဟား။ ငါလား…။ ဘယ်ပြောင်းလဲပါ့မလဲကွာ..။ ဒါကလွယ်ပါတယ်ကွာ…။ ငါနေထိုင်တဲ့နေရာမှာက အချိန်ဆိုတဲ့ ပညတ်တွေမရှိဘူးလေကွာ။”

သူတစ်ချက်တွေဝေသွားသည်…။ အချိန်ဆိုတဲ့ ပညတ်တွေမရှိတဲ့နေရာဆိုပါလား….။

ဇာတ်သိမ်း

သူ့အသိစိတ်တွေ သူ့ခန္ဓာကိုယ်နှင့် ပြန်လည်ထိတွေ့လာပြီ ဖြစ်ကြောင်း သူသတိထားမိလိုက်သည်…။ အကြားအာရုံထဲတွင်လည်း စကားသံအချို့ မသဲမကွဲ ကြားနေရသည်…။ သူအားတင်း၍ မျက်လုံးအစုံကိုဖွင့်တော့…။ စိုးရိမ်မှုတွေ၊ အံ့သြမှုတွေ ပြည့်နေတဲ့ မျက်လုံးပေါင်းများစွာက သူ့ခန္ဓာ အပေါ် အဆက်မပြတ် ရွာချနေကြသည်…။ သူစကားလုံး အချို့ကို အတိုဆုံးနှင့် အပြည့်စုံဆုံး ဖြစ်အောင် ကြိုးစားပြောလိုက်သည်…။ သူပြောသော စကားလုံးများနှင့်မကာမိအောင် မောဟိုက်ခြင်း လှိုင်းလုံးများက သူ့နုလုံးကြွက်သားကို ရိုက်ခတ်လာသည်…။

ဖျက်ကနဲအရိပ်တစ်ခု သူ့ဘေးနားက အမှတ်တမဲ့ ဖြတ်သွားတာတွေ့လိုက်လို့ သူသတိထားမိလိုက်သည်….။ အခန်းထောင့်တွင် စီးကရက်တစ်လိပ် အား ငယ်စဉ်ကအတိုင်း တရှိုက်မတ်မတ် ဖွာရှိုက်ရင်းသူ့ကို ပြုံးပြနေသော အသက်နှစ်ဆယ်ဝန်းကျင်ခန့်သာ ရှိသေးသည့် လူငယ်တစ်ဦး…။ သို့မဟုတ်…..။ သူ့ရဲ့ အချစ်ဆုံးသူငယ်ချင်း…။ သူ ပြန်ပြုံးပြလိုက်မိသည်…။ ထို့နောက်တွင်မူ….

“ကျွန်တော်စိတ်မကောင်းပါဘူးဗျာ…။ လူနာအသက်မရှိတော့ဘူး….”

အခန်းတစ်ခုလုံး ငိုကျွေးသံများဖြင့် ဆူပွက်သွားသည်…။

“လာစမ်းပါကွာ…။ ကျန်ခဲ့တဲ့သူတွေကို လှည့်ကြည့်မနေနဲ့…။ အချိန်တန်ရင် သူတို့လည်း အခု မင်းငါ့နောက်လိုက်လာသလိုပဲ…။ မင်းနောက်ကို လိုက်လာကြပါလိ့မ်မယ်…”

သူ့သူငယ်ချင်းပြောတာ ဖြစ်နိုင်သည်…။ တစ်ချိန်ကြလျှင်တော့ သူတို့လည်း အချိန်ဆိုတဲ့ ပညတ်တွေဝေးရာသို့ ရောက်လာကြဦးမည်သာ ဖြစ်ပါ သည်။

P.S- ပညတ်များအတွင်း ပိတ်မိနေခြင်းမှ လွတ်မြောက်နိုင်ကြပါစေ…။

“တီ…တီ…တီ”

Phone သံကိုပင် သူပြီးအောင်စောင့်မနေနိုင်တော့…။ ချင်ခြင်းပင်ကောက်ကိုင်လိုက်မိပါတယ်..။

“အင်း…ပြော”

“…………….”

“ခွပ်….”

သူ့လက်ထဲမှ လွတ်ကျသွားသော Mobile Phone ရဲ့အသံလော…။ သို့မဟုတ်…။ သူ့ရင်ဘတ်ထဲမှ နုလုံးသား၏ အသံလော…။ သူတိတိကျကျ မပြောနိုင်သော တစ်ချိန်ထဲ တစ်ပြိုင်ထဲ ထွက်ပေါ်လာသည့် မြည်သံစွဲတစ်ခု….။ သေချာတာတစ်ခုကတော့ ကြမ်းပြင်ပေါ်တွင် တစ်ပိုင်းတစ်စစီ ကျကွဲ သွားသော သူ့ရဲ့ Phone ဟာ…။ သူ့ရင်ဘတ်ထဲမှ နုလုံးသားရဲ့ ဖြစ်စဉ်ကို အတိအကျ နိမိတ်ထင်ဟပ် နေစေခြင်းပင်…။

အခန်း (၁)

သူ့တစ်ကိုယ်လုံး ချွေးစီးများနှင့်သာ မောဟိုက်လို့နေပါတယ်…။ တစ်ဘက်မှစကားသံအဆုံး သူ့ကမ္ဘာတစ်ခုလုံးအမှောင် ကျသွားပါတယ်..။ ခန္ဓာ ကိုယ်တစ်ခုလုံးကို အတွင်းအပြင် ဆွဲလှန်လိုက်သလို ဝေဒနာက နာကြည်း သည်းထန်လွန်းလှပါတယ်…။ တစ်ချိန်ကသူ့ရဲ့ ခပ်မိုက်မိုက်အတွေးတွေ က အခုချိန်မှာ သူ့ဘ၀ကို တကယ်ပင် အမှောင်အတိ ဖုန်းစေခဲ့ပါပြီ…။ သူ့ဘ၀ရဲ့ တက်လမ်း…။ ရည်ရွယ်ချက်…။ ရှေ့ရေး…။ အရာရာဟာ စုတ်ပြတ်သွားပါတော့မယ်…။ ဘယ်သူမပြုမိမိမှု…။ ဒါတွေအားလုံးရဲ့ တရားခံဟာ သူမှလွဲပြီး  အခြားဘယ်သူမှ မဖြစ်နိုင်…။ မဖြစ်သင့်ဘူးဆိုတဲ့ အသိစိတ်…။ ဖြစ်တော့မယ်ဆိုတဲ့ မသိစိတ်…။ အားပြိုင်မှု နှစ်ခုကြား သူ့ဘ၀လုံးပါးပါးတော့လေမည်…။

တကယ်ဆို ဒါတွေဟာ သူ့ရဲ့ အသုံးမကျမှု…။ တွေဝေမှုတွေကြောင့်ဆိုတာ သိပ်ထင်ရှားလွန်းပါတယ်…။ ခံစားချက်တစ်ခုရဲ့ အမြင့်မားဆုံးနေရာ တစ်ခု…။ ခပ်သိမ်းသော အသိစိတ်တို့ မှိတ်သုန်း ပျောက်ကွယ်ခဲ့တယ်…။ ဆင်ခြင်နိုင်တဲ့ အသိတရားတစ်ခု လုံးပါးပါးခဲ့တယ်..။ အရာရာဟာ စိတ်ရဲ့ စေရာနောက် ကောက်ကောက်ပါအောင် လိုက်ခဲ့ပြီးမှတော့…။ ခါးသီးတဲ့ အနာဂတ်တစ်ခုကလွဲလို့ ဘာများသူ့အတွက်မျှော်လင့်စရာ ရှိဦးတော့မတဲ့ လဲ…။ ဆူပွက် ပေါက်ကွဲနေတဲ့ အတွေးတွေကြား…။ အဆုံးအဖြတ်တစ်ခုအတွက် အချိန်တွေကလဲ ခပ်ပါးပါးတောင် မျက်နှာသာပေးခြင်ပုံမရတော့ပါ။

ဘာလုပ်မလဲ…။ ဘယ်လမ်းကိုရွေးမလဲ…။ ဘာတွေက ဖြစ်သင့်တာလဲ…။ ဘာတွေက ဖြစ်ခဲ့ပြီလဲ…။ မေးခွန်းတွေ…။ မေးခွန်းတွေ…။ အဆက်မပြတ် သူ့ဦးခေါင်းတစ်ခုလုံး စုတ်ပြတ်သတ်သွားသည်….။ သူ့အသွေး…။ သူ့အသား…။ နှလုံးသားတစ်ခုလုံး အက်စစ်ကန်ထဲ အစိမ်ခံထားရသလိုခံစား ရသည်…။ အကြိမ်ကြိမ် ချုပ်တည်းခဲ့တဲ့ အသိစိတ်တစ်ချက် လွတ်အထွက်မှာ…။ ဘ၀ဟာ ဒီလောက် စုတ်ပြတ်သွားမယ်မှန်း ဘယ်တုန်းကမှ သူ မမှန်းစမိခဲ့ပေ…။ ကိုယ်တိုင်ဖန်ဆင်းခဲ့တဲ့  အရိပ်ဆိုးတစ်ခု….။ ဘ၀အဆက်ဆက် သံသရာရှည်တော့လေမည်သာ….။

အခန်း (၂)

“ငါမသတ်ဘူး…။ မင်းကို ငါမသတ်ဘူး…။ ငါသတ်တာမဟုတ်ပါဘူးကွာ….”

“ဟား..ဟား…။ ခင်ဗျားဗျာ…။ ကိုယ့်အသတ်သေမှာတော့ ကြောက်တတ်လိုက်တာ…။”

“မဟုတ်ပါဘူးကွာ…။ ငါမင်းကို တကယ်မသတ်ခဲ့တာပါ…။ ငါ့ရဲ့ ပေါ့….ပေါ့….ပေါ့ဆမှု…။ အသုံးမကျမှုကြောင့် ဒီလို ဖြစ်….ဖြစ်…ဖြစ်ခဲ့ရတာပါကွာ”

“ခင်ဗျားဗျာ…။ ပြောထွက်လိုက်တာ…။ ကျွန်တော့်ဘာများလုပ်ခဲ့လို့လဲဗျာ…။ ကျွန်တော့်မှာ ဘာအမှားများရှိခဲ့လို့လဲ…။ ကျွန်တော့်မှာ ဘာအပြစ်များ ရှိခဲ့လို့ ခင်ဗျား ဒီလို ရက်ရက်စက်စက်လုပ်ခဲ့ရတာလဲဗျာ…”

” ငါ…။ ငါ….။ ငါလေ…။ မင်းအပေါ် ရက်စက်ချင်လို့မဟုတ်ပါဘူးကွာ…။ အဲ့ဒါကိုတော့ မင်းယုံကြည်ပေးပါ…။ မင်းအတွက် တစ်ကယ်ပဲ ငါ့စိတ်တွေ ထိခိုက် ကြေကွဲခဲ့ရပါတယ်ကွာ…။ ငါ့….ငါ့…ငါ့မှာ အခြားရွေးစရာ လမ်းမရှိ …. မရှိ…. မရှိတော့လို့ပါကွာ…..။ ငါ့ကို…ငါ့ကိုလေ….။ ခွင့်လွှတ်ပေးဖို့ ငါမတောင်းဆိုလိုပါဘူးကွာ…။ ဒါပေမယ့်…။ ဒါပေမယ့်လေ…။ ငါ့ကို နားလည်ပေးဖို့တော့ ငါတောင်းဆိုခြင်ပါတယ်ကွာ…”

“မရတော့ဘူးဗျာ…။ အားလုံးဟာ လွန်သွားခဲ့ပြီ..။ ကျုပ်ကခွင့်လွှတ်တယ်ထား…။ ခင်ဗျားကို ခွင့်မလွှတ်တဲ့သူတွေက မကြာခင် ခင်ဗျားရဲ့လုပ်ရပ်တွေ အတွက် လာခေါ်ကြလိ့မ်မယ်…။ ဟော ဟိုမှာ လာနေကြပြီ…။ ကဲ… ကျုပ်လည်းသွားမယ်ဗျာ…။ ကံမကုန်သေးရင်တော့ ပြန်ဆုံကြသေးတာပေါ့..”

“ငါမသတ်ဘူး…။ ငါမသတ်ဘူး…။ မင်းကို ငါမသတ်ဘူး…။ ငါ့ကိုနားလည်ပါ…။ ငါ့ကိုနားလည်ပေးပါကွာ…။ ငါ့မှာ ရွေးစရာလမ်းတကယ်ကို မရှိခဲ့လို့ ပါ..။ ငါ့နှလုံးသားတစ်ခုလုံးလဲ မင်းအတွက် ကြေကွဲခဲ့ရပါတယ်ကွာ…။”

“ငါမသတ်ဘူး….”

“ငါ့ကို နားလည်ပါ…”

“ငါမသတ်ဘူး…”

“အားးးးးးးးးးးးးးးးးးးးးးးးးးးးးးးးးးးးးးးးးးးးးးးး”

အကယ်၍ ဒီအရာသည်သာ အိပ်မက်တစ်ခု မဟုတ်ခဲ့ဘူးဆိုလေလျှင်….။

အခန်း (၃)

“သေချာသွားပြီ…။ အခုဘာဆက်လုပ်ကြမလဲ…?”

“ဟားးးးးးး….” သူစီးကရက်တစ်လိပ်မှ နီကိုဒင်းအဆိပ်ငွေ့တွေအားလုံးကို အဆုတ်ထဲ အပြည့်ရှိုက်သွင်းလိုက်မိသည်..။

“ဘယ်လိုလုပ်မလဲ..? ထွက်ပြေးလို့လဲ လွတ်မယ့်ကိစ္စမျိုးမှမဟုတ်တာကွာ…။ လုပ်စရာရှိတာ လုပ်ပြီး..။ ပြင်ဆင်ကြရုံ၊ ရင်ဆိုင်ကြရုံပေါ့…”

တစ်ဘက်က တိတ်ဆိတ်လျှက်…။ သူတစ်ယောက်ထဲသာ စကားတွေ တောက်လျှောက်ဆက်ပြောနေမိသည်…။

“မင်းအတွက်လည်း ငါစိတ်မကောင်းဘူးကွာ…။ မင်းစိတ်ထဲမှာ ဒီအချိန်မှာ ဘယ်လောက်ခံစားနေမယ်ဆိုတာကို ငါသိပါတယ်…။ ငါ့ခန္ဓာကိုယ်တစ်ခု လုံးလဲ သွေးကြောတွေထဲမှာ ချော်ရည်တွေ စီးဆင်းနေသလို ခံစားနေရပါတယ်…။ တစ်ကယ်ဆို ဒါဟာ ငါ့ရဲ့ပေါ့ဆမှုတွေပါ…။ ငါ့ရဲ့ အသုံးမကျမှု တွေပါ…။ ငါ့ရဲ့ အသုံးမကျမှုတွေအတွက် ငါဝင်ခံပါတယ်…။ ငါ့အပြစ်တွေအတွက် ငါပေးဆပ်သွားချင်တယ်..။ ပေးဆပ်ခွင့်ရခြင်တယ်…။ ပေးဆပ် သွားလိုက်ခြင်တယ်…။ ဒါပေမယ့်ကွာ…။ ငါဘယ်လိုပဲ ပေးဆပ်ပေးဆပ်…။ ငါ့ကြောင့် အပြစ်မရှိတဲ့သူတစ်ယောက် ….။ ငါ့အပြစ်တွေ မကြေနိုင်ဘူး ဆိုတာ ငါသိပါတယ်ကွာ….။ ငါလေ…။ ငါ…..။ ငါ….အရမ်းဝမ်းနည်းတယ်ကွာ….။ ဒါပေမယ့်….”

သူ့အသံတွေထဲ ရှိုက်သံတွေပါလာခဲ့သည်…။ သူ့လည်မျိုတစ်ခုလုံးစို့တက်လာသည်…။ သူ့ပါးပြင်တစ်လျှောက် ကိုယ့်ကိုယ်ကို အပြစ်တင်သည့် “တောက်” ခေါက်သံတွေက တသွင်သွင် စီးဆင်းလျှက်…။

” ငါတို့စီစဉ်ထားတဲ့အတိုင်းသာ ဆက်လုပ်ကြရုံပေါ့ကွာ…”

သူ ရှိုက်ကြီးတငင်ငင် ငိုချမိလိုက်သည်…။ သို့သော် သူ့ရင်ထဲက အပူတွေကတော့ ညိမ်သက်မသွားသည့်အပြင် ပို၍ ပို၍ တိုးလို့သာ…။

ဇာတ်သိမ်း

သူစားပွဲပေါ်မှ ဖိုင်တွဲတစ်ခုကို ကောက်ယူကာ ထုတ်ကြည့်မိလိုက်သည်….။ အထဲမှ စာရွက်စာတမ်းအချို့နှင့် ဖလင်ပြားတစ်ခု အလိုက်သင့် ထွက်ကျ လာပါတယ်…။ သူ ဖလင်ပြားအား စူးစူးစိုက်စိုက်ကြည့်နေမိသည်..။ သူ့မျက်ဝန်းထဲမှ စီးကျလာသော အရာများသည် မျက်ရည်များမဟုတ်ပဲ သွေးစက်များ ဖြစ်သွားမလောက်ပင် သူ့ရင်ထဲ နာကျင်လွန်းလှသည်…။ သူအတတ်နိုင်ဆုံး စကားလုံးအချို့ကို အံထုတ်ဖြစ်ခဲ့သည်…။

“တကယ်ဆို…။ တကယ်ဆိုလေ…။ သားကို ဖေဖေ သိပ်ချစ်တာပေါ့သားရယ်….။ နောင်ဖြစ်လေရာ ဘ၀တိုင်းမှာလည်း ဒီလို အဖြစ်ဆိုးမျိုးကြီးနဲ့ ငါ့သား မကြုံရပါစေနဲ့လို့ ဖေဖေ ဆုတောင်းပေးနေပါ့မယ်သားရယ်…။ အခွင့်ရှိသေးရင် ပြန်လာခဲ့ပါကွာ..။ ဖေဖေလေ…။ ငါ့သားနောက်တစ် ခါ ဖေဖေတို့ ဘ၀ထဲကို ပြန်ဝင်လာမယ့်နေ့ကို စောင့်ကြိုနေပါ့မယ်သားရယ်….။”

ဆုပ်ကိုင် ခြေမွထားလို့ ကြေမွနေသော Ultra Sound ဓာတ်မှန်ပြားတစ်ခု၊ DNC လုပ်ခဲ့သည့် ဆေးရုံမှ စာရွက်စာတမ်းအချို့နှင့်အတူ သူသည် လည်း ကြမ်းပြင်ပေါ်သို့

အရုပ်…………………………….. ကြိုး………………………………………….ပြတ်………။

P.S- ဖြစ်ရပ်မှန်တစ်ခုအား ရင်ဘတ်တစ်ခုလုံးနှင့် အပြည့် ခံစားကာ ရေးဖွဲ့ပါသည်။