ခမ်းနားသော မေတ္တာတရားတို့ ၀န်းရံသောအခါတွင် သေးသိမ်သော ပကာသနတို့သည် ဒူးထောက်အညံ့ခံကာ မြင့်မြတ်သော မေတ္တာတရား၏ ကြီးမြတ်သော အောင်မြင်မှုအား ကောင်းချီးပေးရလေသည်။

အခန်း (၁)

ခဏလောက် ရင်ခုန်သံတွေကို

အိပ်စက်ခိုင်းလိုက်ပါ…

နောက်နေ့နံနက်မှာ သူတို့တွေ လန်းဆန်းစွာ နိုးထပါစေ…။

BLACK DREAM

အချိန်အားဖြင့် (၁၂) နာရီထိုးဖို့ (၄၅) မိနစ်ခန့်သာ လိုပါတော့သည်။ မကြာမှီအချိန်တွင် သန်းခေါင်သည် အနက်ဆုံး ညဥ့်ပါတော့မည်…။ ညသည် ယခင့်ယခင် ညများထက်ပိုမိုသာယာ လှပလို့နေပါတယ်…။ တစ်ချက်တစ်ချက် တိုက်ခိုက်လိုက်သော လေပြေတို့သည် လတ်ဆတ်သန့်ရှင်းလို့ နေ ပါတယ်…။ သေသေချာချာကြည့်မယ် ဆိုပါက…။ အိပ်မောကျနေသော မြို့ကလေးရဲ့ ခပ်ဝေးဝေး တောင်ကုန်းလေး တစ်ခုပေါ်ရှိ ဘုရားရှိခိုးကျောင်း လေး တစ်ခုပေါ်သို့ လက်ခြင်းတွဲယှက်၍ တစ်လှမ်းခြင်း လျှောက်လှမ်းနေသော ချစ်သူနှစ်ဦးအား တွေ့မြင်နိုင်မှာ ဖြစ်ပါတယ်…။ ၎င်းတို့နှစ်ဦး၏ ဦး တည်ချက်မှာလည်း ထို ဘုရားကျောင်းသေးသေးလေးသို့သာ ဖြစ်ပါတယ်…။ ဘာအတွက်လဲ…? ဘာကြောင့်လဲ….?

မကြာခင်မှာပဲ ထိုချစ်သူနှစ်ဦးသည် ဘုရားကျောင်းလေးသို့ရောက်ရှိသွားပါတယ်..။ အချိန်အားဖြင့် ည ၁၂ နာရီထိုးဖို့ နာရီဝက်အလိုဖြစ်ပါတယ်..။ ထို့နောက် ထိုချစ်သူနှစ်ဦးသည် ဘုရားကျောင်းလေးထဲသို့မ၀င်ခင် တစ်ယောက်နှင့်တစ်ယောက် ခေတ္တမျှ တစ်ဦးကို တစ်ဦး အကြည့်ခြင်းစုံလိုက် ကြပါတယ်..။ ၎င်းတို့နှစ်ဦးရဲ့ မျက်နှာများပေါ်တွင်တော့ အပြုံးများ ကိုယ်စီနှင့်ပေါ့…။

ချစ်သူနှစ်ဦးသည် ဘုရားကျောင်းလေးထဲရောက်ရှိသွားပြီးနောက် ဘုရားသခင်၏ ရှေ့မှောက်၌ဒူးထောက်ထိုင်ချလိုက်ပါတယ်..။ ထို့နောက် တစ်ဦး နှင့်တစ်ဦး မျက်နှာချင်းဆိုင်လိုက်ပြီး…။ တစ်ဦးမျက်ဝန်းကို တစ်ဦး စူးစိုက်စွာကြည့်ကာ…။ တစ်ဦးလက်ကို တစ်ဦးဆုပ်ကိုင်လိုက်ပါတော့တယ်……။

အခန်း (၂)

တကယ်တော့ အချစ်ဆိုတာ

အဲ့ဒီ့ချစ်သူနှစ်ဦးထဲသာ အပြန်အလှန်နားလည်နိုင်တဲ့

သီးခြားဘာသာစကားတစ်မျိုးပေါ့…။

BLACK DREAM

သာယာသောကောင်းကင်အောက်…။ တောက်ပသော ကြယ်စဉ်တို့သည် လရောင်ရဲ့ တေးသွားနဲ့အတူ ပျော်ရွှင်စွာ ကခုန်ရင်း သူတို့နှစ်ယောက်ရဲ့ ရင်ခုန်သံအသီးသီးကို ပူဇော်နေကြလေရဲ့…။ တိတ်ဆိတ်မှုအတိဖုန်းလွှမ်းလျှက်ရှိသော ပတ်ဝန်းကျင်ဟာလည်း ချစ်သူနှစ်ယောက်ရဲ့ ရင်ခုန်သံတွေ ကို ငြိမ်သက်စွာ ခိုးနားထောင်နေကြလေရဲ့…။ စစ်မှန်သော မေတ္တာတရားတို့ဖြင့် ကမ္ဘာအသစ်တစ်ခုအား ဖန်ဆင်းစေအံ့…။ ခိုင်မြဲသော သံဓိဌာန် တစ်ခုသည် မတူညီသော ခန္ဓာကိုယ်နှစ်ခုရှိ ၀ိဥာဉ်တို့အား သံသရာကုန်အောင် ရစ်ပတ်ချည်နှောင်စေခဲ့လေပြီ…။ ချစ်သူနှစ်ဦးရဲ့ စိတ်အတွင်းမှာ ကိုယ်စီ စကားသံတို့သည် နူးညံ့စွာ စီးဆင်းနေတယ်…။ သင်မကြားနိုင်ပါဘူး..။ ထို့အတူ ကျွန်တော်လည်းမကြားနိုင်ပါဘူး….။

ချစ်သူတို့ပြောသော ဘာသာစကားတွင် မေတ္တာတရားသည် ဘာသာစကားအဖြစ်ပါဝင်ကြမည်ဆိုပါက…။  သံယောဇဉ်သည် နာမ်များအဖြစ် လည်းကောင်း ၊ နားလည်ယုံကြည်မှုတို့သည် ကြိယာများအဖြစ်လည်းကောင်း…၊ ကြင်နာယုယမှုတို့သည် နာမသိသေသနများအဖြစ်လည်း ကောင်း၊ မျှဝေခံစားမှုတို့သည် ကြိယာဝသေသနများအဖြစ်လည်းကောင်း ပါဝင်ကြလေမည်…။ ၎င်းအချစ်သူတို့၏ ဘာသာစကားအား သစ္စာတရား တည်းဟူသော သဒ္ဒါစည်းမျဉ်းဖြင့် ရေးသား ဖန်တီးကြလေသည်…။ ချစ်သူတို့၏ ဘာသာစကားများတွင် ကံမပါ,ပါ…။ ကတ္တားမပါ, ပါ…။ ထို့ကြောင့် ပြုသူမရှိသလို…။ အပြုခံရသူလည်းမရှိပါ…။ နောက်တစ်ခေါက်အနေဖြင့် သင်ပြန်ဖတ်ကြည့်ပါ…။ ချစ်သူတို့၏ ဘာသာစကားတွင် စကားလုံးများ လည်း ပါဝင်ခြင်းမရှိကြောင်း တွေ့ရှိရပါလိ့မ်မယ်…။

အခန်း (၃)

အဲ့ဒီ့ည

တိုးတိုးလေး ပြောသွားတယ်

“ငါလေ…နင့်ကိုသိပ်ချစ်တာပဲ….။”

ကောင်လေး

ငါ့ရင်ထဲက ခံစားချက်တွေကို နင်သိအောင် ရင်ခုန်သံအဖြစ်ဖန်ဆင်းပြီး နင့်ရဲ့လက်ဖ၀ါးလေးကို ဆုပ်ကိုင်လိုက်ပါတယ်…။ နင်များခံစားနိုင်မလားလို့ ပေါ့ချစ်သူ…။ ငါသိလိုက်တယ်…။ နင့်ရဲ့ နူးညံ့တဲ့လက်ဖ၀ါးအစုံမှာလည်း ငါ့ကို သိစေချင်တဲ့ နင့်ရဲ့ ခံစားချက်တွေရှိနေပြီဆိုတာကိုပေါ့…။ ငါလေ…။ အမြဲတမ်း နင့်ရဲ့ မျက်ဝန်းတွေကို ဂရုစိုက်ပြီးကြည့်နေမိခဲ့တယ်…။ နင့်ရဲ့ မျက်တောင်တစ်ချက်ခတ်လိုက်တိုင်းဟာ…။ အလှပဆုံးဆိုတဲ့ နေ၀င်ဆည်း ဆာ တစ်ခုထက် ငါ့ရင်ကို တစ်ချက်ပိုခုန်စေပါတယ်…။ နင့်ရဲ့ ၀င်သက်ထွက်သွက်တွေ ပိုမိုပြည့်ပြည့်၀၀ ရှုရှိုက်နိုင်စေဖို့…။ ငါနင့်ရဲ့ ဘေးမှာ ရှိနေခဲ့ တဲ့အချိန်တိုင်း ငါ့ရဲ့ ၀င်သက် ထွက်သက်တွေကို လျော့ချခဲ့တာ နင်သိမှသိပါလေစ ချစ်သူ…။ နင့်ရဲ့ လှပတဲ့ ခြေဖ၀ါးတစ်ချက်အကြွတိုင်းမှာ ငါလေ ကမ္ဘာ့ဆွဲ ငင်အားဆိုတဲ့အရာကို ခဏခဏ ပျက်ရယ်ပြုခဲ့ဖူးလေရဲ့…။ သူတို့ဘက်လောက်ပဲ ဆွဲအားကြီးနိုင်မလဲချစ်သူ…။ နင့်မျက်ဝန်းရဲ့ အကြည့် တစ်ချက် ကိုမှ မှီနိုင်ပါလေစ…။

နင်ရဲ့အပြုံးတစ်ချက်ဟာ အချိန်တွေနဲ့ရေတွက်မယ်ဆိုရင်တော့ ခဏလေးပါပဲ…။ ဒါပေမယ့် နင့်ရဲ့အပြုံးတစ်ချက်တိုင်းမှာ ငါ့ရဲ့ နုလုံးသားကျောက် ဆောင်ကို ကမ္ဘာတည်သ၍ တုန်ခါသွားအောင် ရိုက်ခက်ခဲ့တယ်ဆိုတာ နင်သိပါလေစချစ်သူ…။ ငါအကြိမ်ကြိမ်ပြောဖူးပါတယ်…။ ငါ့အိပ်မက်တွေကို နင့်ဝိဥာဉ်နဲ့ ရက်လုပ်ခဲ့တယ်လို့…။ ဘယ်နာမည်ကျော်ရေမွှေးတွေကများ နင့်ရဲ့ ကိုယ့်သင်းနံ့လေးလောက် ငါ့ကို မိန်းမောမူးယစ်သွား အောင်လှည့် စား ဖျားယောင်းနိုင်ပါ့…။ နူးညံ့တဲ့ နင့်ရဲ့ပါးပြင်ပေါ်မှာ ထာဝရနားခိုဖို့အတွက်…။ ငါ…….။ အနမ်းလိပ်ပြာလေးတစ်ကောင် စေလွှတ်လိုက်တယ်..။ ကျေးဇူးပြု၍ ထာဝရ နားခိုခွင့်ပြုပေးပါ ချစ်သူ…။ နင့်ရဲ့နူးညံ့တဲ့ ပါးပြင်လေးတစ်လျှောက် မျည်ရည်ဆိုတဲ့ အသံမထွက်ဖြစ်လိုက်တဲ့ “တောက်” ခေါက် သံတွေစီးဆင်းလာတဲ့ အခါ သူ့ရဲ့အတောင်ပံတွေနဲ့ တယုတယ ဖယ်သုတ်ပေးဖို့လည်း ငါတိုးတိုးတိတ်တိတ် မှာလိုက်လေရဲ့ ချစ်သူ…။

အဲ့ဒီ့ည

တိုးတိုးလေးပြောသွားတယ်…

“ငါလည်း နင့်ကို သိပ်ချစ်တယ်…”

ကောင်မလေး

ဇတ်သိမ်း

ထို့နောက်…။ ည ၁၂ နာရီအတိတွင်တော့ ချစ်သူနှစ်ဦးသည် ဘုရားကျောင်းအတွင်းမှ ပျော်ရွှင်စွာ ဖြင့်လည်လည် ထွက်ခွာလာခဲ့ကြပါတယ်…။ သူ တို့နှစ်ယောက်ရဲ့လက်ထပ်ထိမ်းမြားခြင်း မင်္ဂလာသည် အောင်မြင်စွာ ပြီးစီးအထမြောက်ခဲ့ပြီ ဖြစ်ပါတယ်….။

ခမ်းနားသော မေတ္တာတရားတို့ ၀န်းရံသောအခါတွင်

သေးသိမ်သော ပကာသနတို့သည် ဒူးထောက်အညံ့ခံကာ

မြင့်မြတ်သော မေတ္တာတရား၏ ကြီးမြတ်သော အောင်မြင်မှုအား ကောင်းချီးပေးရလေသည်။

BLACK DREAM

P.S- Quaker ဘာသာဝင် တို့၏ လက်ထပ်ထိမ်းမြားခြင်း မင်္ဂလာအား ခံစားပြီးရေးဖွဲ့ထားခြင်းဖြစ်ပါသည်။ ၎င်းတို့၏ အယူဝါဒအရ ချစ်သူနှစ်ဦး သည် ဘုရားရှင်၏ ရှေ့မှောက်၌ တစ်ယောက်နှင့်တစ်ယောက် နာရီဝက်ခန့်အကြာ စူးစိုက်ကြည့်ရုံဖြင့် အကြင်လင်မယားဖြစ် သည်ဟုအယူရှိပါ တယ်။

“တစ်နေရာရာပေါ့..။”

“ဘယ်လိုနေရာမျိုးလဲ…?”

“မျှော်လင့်ချက်နဲ့ အသက်ရှင်ရခြင်းတွေမှ ကင်းဝေးတဲ့နေရာ..။ အိပ်မက်ဆိုတဲ့ ၀င်သက်၊ ထွက်သက်တွေကို ရှူရှိုက်ရခြင်းတွေနဲ့ ကင်းဝေးတဲ့နေရာ။ ဖြစ်သင့်တာတွေ၊ ဖြစ်ချင်တာတွေ၊ ဖြစ်နေတာတွေမရှိတဲ့နေရာ…။ အတိတ်ဆိုတဲ့ အရိပ်တွေမရှိတဲ့နေရာ…။ ပစ္စုပ္ပန်ဆိုတဲ့ ဖြစ်တည်ခြင်းတွေ မရှိတဲ့ နေရာ…။ အနာဂတ်ဆိုတဲ့ လှည့်စားခြင်းတွေ မရှိတဲ့နေရာ…။”

“မင်းဟာက အဓိပ္ပါယ်မရှိတာ…”

“အေး…ငါတစ်ခုပြောဖို့မေ့သွားတယ်..။ ဟုတ်တယ်…။ မင်းပြောတဲ့ “အဓိပ္ပါယ်” ဆိုတဲ့အရာတွေပါ မရှိတဲ့နေရာ…။

“ဟေ့ရောင်…။ မင်း..။ မင်း ရူးများနေလား…?”

“ဟင့်အင်း..။ အခုတော့ ငါထင်ထားသလောက် ရူးခွင့်မရသေးဘူး..။ အခုအဲ့ဒီ့နေရာကိုသွားမယ်ဆိုတဲ့ ရည်ရွယ်ချက်ထဲမှာ…။ “လွတ်လွတ်လပ်လပ် ရူးသွပ်ခွင့်” ရချင်တာလဲ အဓိကအကြောင်းအရင်းထဲမှာ ပါတယ်..။”

” မင်း ဒီလိုတွေ လျှောက်လုပ်နေတာ..။ မင်းဘ၀အတွက်…။ မင်းရှေ့ရေးအတွက် ဘာမှမစဉ်းစားတော့ဘူးလား…။ မင်း ဒါတွေလျှောက်လုပ်နေလို့ မင်းဘ၀ ဘာဖြစ်လာမှာတဲ့လဲ..။ မင်းဘယ်လိုလုပ် အောင်မြင်တဲ့ ဘ၀တစ်ခုကို ပိုင်ဆိုင်နိုင်ပါတောာ့မလဲ…?”

“ဟုတ်တယ်…။ ဘာမှဖြစ်လာမှာမဟုတ်ဘူး…။ ဟုတ်လား…? ဟား…ဟား…။ တကယ်လို့များ ဘာမှဖြစ်မလာခြင်းဆိုတဲ့အရာတွေဟာ ငါဖြစ်ခြင်တဲ့ ဆန္ဒတွေပဲလို့ ပြောရင် မင်းဘာပြောမလဲ..။ ဘ၀တွေ ဘာမှဖြစ်မလာဘူးဆိုတာ တကယ်တော့ မှားတယ်..။ လုံးဝမှားတယ်…။ တကယ်က ဖြစ်လာ တယ်..။

“ဟမ်…။ ဘယ်လို…ဘယ်လို..။ ငါမူးလာပြီ မင်းစကားကို ငါနားမလည်ဘူး…။ ဘာမှ ဖြစ်မလာခြင်းဆိုမှတော့ ဘယ်လိုလုပ်ပြီး ဖြစ်လာတယ်လို့ မင်း ကပြောဦးမလို့လဲ…?”

“ဘာဖြစ်လာတာလဲဆိုတော့ ” ဘာမှ မဖြစ်ခြင်းဆိုတဲ့ ဖြစ်တည်ခြင်း” တစ်မျိုးဖြစ်လာတယ်…။ မင်းစဉ်းစားကြည့်ပါဦး..။ မင်းတို့၊ ငါတို့ ရှင်သန် နေတဲ့ ဒီလောကကြီးထဲမှာ…။ လူတွေက အမြဲတမ်း တစ်ခုမဟုတ်သော အရာတွေကို အမြဲတောင့်တနေကြတယ်..။ မျှော်လင့်နေကြတယ်..။ တစ်ချို့ရကြ တယ်..။ တစ်ချို့မရဘူး..။ တစ်ချို့ ရသလောက်နဲ့ မတင့်တိမ်နိုင်ပဲ ထပ်လိုချင်တယ်..။ တစ်ချို့မလိုချင်တာတွေရတယ်…။ တစ်ချို့ ရတာတွေ မလို ချင်ဘူး…။ ဘယ်နှခါများ ပြည့်စုံခဲ့ကြလဲ…? ဘယ်နှစ်ခါများ ပြည့်ဝခဲ့ကြလဲ…? ဘယ်နှစ်ခါများ ပြီးဆုံးခဲ့ကြလဲ….? ငါတို့လူသားတွေ အများစုပိုင်ဆိုင် နေတဲ့ (သို့မဟုတ်) ပိုင်ဆိုင်တယ်လို့ ထင်နေကြတဲ့ ဘ၀တွေဟာ တကယ်တော့ သမင်မွေးရင်း ကျားစားရင်ဖြစ်နေတယ်..။

” ဘယ်လို သမင်မွေးရင်း၊ ကျားစားရင်း…။ မင်းရှင်းလေ ငါပိုရှုပ်လာလေ ဖြစ်လာပြီကွာ…။”

” ငါတို့ လူသားတွေဟာ ကံ၊ ဥာဏ်၊ ၀ီရိယ ဆိုတဲ့လက်နက်တွေအားကိုးနဲ့ အောင်မြင်ခြင်း၊ ကျော်ကြားခြင်း၊ ပြည့်စုံကြွယ်ဝခြင်းစတဲ့ ရွှေသမင်တွေကို တစ်ကောင်ပြီး တစ်ကောင်ဖမ်းကြတယ်…။ ဟား…ဟား..။ မင်းအဲ့ဒီ့ ဖမ်းလိုက်တဲ့ သမင်တွေ ဘာဖြစ်သွားတယ်ထင်လဲ…? အေး…။ အဲ့ဒီ့ ဖမ်းသမျှ သမင်အားလုံးကို လောဘ၊ မောဟ၊ ဒေါသ ဆိုတဲ့ ကျားငစဉ်းလဲတွေက အားရပါးရ ပွဲတော်တည်ကြတာပေါ့ကွာ…။ မင်းဘယ်လောက် ဖမ်းနိုင်မလဲ..။ မင်းဖမ်းနိုင်တာထက် သူတို့က ဆယ်ဆ ပိုစားနိုင် တယ်ကွ…။”

“ထားပါကွာ..။ အဲ့ဒါတွေ ငါမပြောလိုတော့ပါဘူး..။ မင်းအခုသွားမယ်ဆိုတဲ့နေရာက တကယ်ရောရှိရဲ့လား…။ ရှိရင်ရော…။ ဘယ်နေရာမှာလဲ…? ဘာ လို့ တစ်ခြားလူတွေက မသွားကြလဲ..? မရှာကြလဲ…?

“အဟား…။ သိပ်ရှိတာပေါ့ကွာ..။ နဲနဲတော့ဝေးတယ်….”

“ဟုတ်လား…။ ဘယ်လောက်လောက်ဝေးလဲ…?”

” တော်တော်ဝေးတယ်…။ ဘယ်နေရာလဲဆိုတော့ ငါ့တို့ စိတ်ရဲ့ အနက်ရှိုင်းဆုံးနေရာမှာပဲ…။ ဘာလို့ တစ်ခြားလူတွေက မသွားကြတာလဲဆိုတော့ မတွေ့လို့ကွ..။ လူတွေက ကိုယ်မမြင်နိုင်တဲ့ မနက်ဖြန်ဆိုတာတွေ၊ မျှော်လင့်ချက်ဆိုတာတွေ စတဲ့ ကံကြမ္မာရဲ့ မက်လုံး ငါးစာတွေနောက်ပဲ တ ကောက်ကောက်လိုက်နေရတော့ ကိုယ့်မှာရှိပြီးသားအရာတွေကို သတိမထားမိကြတော့တဲ့ သဘောပေါ့..။ အဲ..။ တစ်ချို့သိတဲ့လူ..။ သတိထားမိ သွားတဲ့ သူတွေတော့ရှိတယ်…။ ဒါပေမယ့် တော်ရုံလူတွေ ဘယ်သူမှ အဲ့ဒီ့ခရီးကို အောင်မြင်တဲ့အထိ ခရီးမဆက်နိုင်ကြဘူး…။ တစ်ချို့က သိရုံတင် သိပြီး ပထမဆုံး ခြေလှမ်းကို စလှမ်းဖို့ တွေဝေနေကြတယ်..။ တစ်ချို့က ခရီးတစ်ဝက်မှာပဲ အာရုံတွေ ပြန်လည်သွားတယ်…။ ဒီလိုနဲ့ပဲ…။ ဒီခရီးက အရောက်ပေါက်နဲခဲ့တယ် ဆိုပါတော့…။

“မင်းအတွေးနဲ့ မင်းတော့ ဟုတ်နေတာပဲ…။ ဒါနဲ့ အဲ့ဒီ ခရီးကိုသွားဖို့ ဘာတွေလိုမလဲ…?”

“သိပ်များများစားစားမလိုပါဘူး…။ ပထမဆုံး အဲ့ဒီ့လမ်းကိုမှန်ကန်အောင် ပြသနိုင်ဖို့ “အသိဥာဏ်” ဆိုတဲ့ သံလိုက်အိမ်မြှောင်တစ်ခုလိုတယ်…။ စက္ကန့်နဲ့အမျှ မင်းသွားမယ့် လမ်းကို မသွားဖြစ်အောင် နှောင့်ယှက်မယ့် လောကရဲ့ လှည့်ကွက်တွေကို ရင်ဆိုင်ကျော်လွှားနိုင်ဖို့ “သတိ” ဆိုတဲ့ ဓား တစ်လက် လိုတယ်…။ မင်းသွားတဲ့ လမ်းတစ်လျှောက် ရိက္ခာအဖြစ်စားသုံးဖို့ “ယုံကြည်ချက်” ဆိုတဲ့ ရိက္ခာအချို့ လိုတယ်..။ နောက်ဆုံး မကြာခဏ မင်းခရီးပန်းတဲ့ အခါ မင်းကို နှစ်သိမ့်နွေးထွေးစေမယ့်၊ လုံခြုံမှုပေးစေမယ့် “ဓမ္မ” ဆိုတဲ့ ခြုံစောင်လေးတစ်ထည် လိုတယ်..။ ဒီလောက်ပါပဲ..။

“အင်း…။ ဟုတ်ပါပြီ…။ မင်းပြောသလို…။ မင်းသွားချင် ရောက်ချင်တဲ့နေရာကို ရောက်ပြီပဲ ဆိုပါစို့…။ မင်းဘာလုပ်မှာလဲ…?”

“ဟား…ဟား…။ Good Question…! ငါကျောက်တိုင်လေး တစ်တိုင်သွား စိုက်မလို့ကွ..။”

“ဘာ….? ကျောက်တိုင် ဟုတ်လား…။ ဘာ…။ ဘာ…။ ဘာကျောက်တိုင်လဲဟ…?”

သူ သက်ပြင်းတစ်ခုကို အသာအယာ ထုတ်လွှတ်လိုက်တယ်…။ အဲ့ဒီ့နောက် သူ့ခေါင်းကိုမော့ပြီး လေပြေလေညှင်းတွေထဲမှာပါလာတဲ့ oxygen တော်တော်များများကို တ၀ကြီးဆုပ်ယူလိုက်တယ်…။ အင်း…။ အနဲဆုံးတော့ သူ Carbon Dioxide အနည်းငယ်ကိုတော့ ပြန် ထုတ်လွတ်ရမှာပဲ…။  သစ်ပင်တွေအတွက် သူဟာ အသက်ရှည်ဆေး တစ်ခွက်ကို ဖန်ဆင်းပေးသူ…။ သတ္တ၀ါတွေအတွက်တော့ အဆိပ်ငွေ့တွေကို ဖန်ဆင်းပေးလိုက်သူ။  အမှန်တရားဆိုတဲ့ ခပ်ဝါးဝါး ဒီအစွန်းနှစ်ဘက်ကြား….။ သူမြင်နေရတာက ပြာလဲ့လဲ့ကောင်းကင်အောက်က စက္ကန့်နှင့်အမျှ ရွှေ့လျားနေတဲ့ တိမ် တိုက်တွေ။

” သံသရာဆိုတဲ့ အဆက်မပြတ်လည်ပတ်နေတဲ့ စက်ဝန်းတစ်ခုထဲက မိမိကိုယ်ကို လွတ်လပ်ခွင့်ပေးလိုက်တဲ့ “နိဗ္ဗာန်” ဆိုတဲ့ကျောက်တိုင် တစ်ခုပေါ့“

P.S- ကျွန်တော်တို့ ဘ၀တစ်လျှောက်များစွာလှသော ခြေလှမ်းများထဲတွင် တွေဝေမှု ရာခိုင်နှုန်းအများဆုံးပါသော ခြေလှမ်းမှာ “ပထမဆုံး” ခြေလှမ်း များပဲ ဖြစ်ပါတယ်..။

Relativity Theory ထဲမှာ အိုင်းစတိုင်းက ဒီလိုရှင်းပြထားပါတယ် ” ကျွန်တော်တို့ စာမေးပွဲ (ကိုယ်မဖြေနိုင်တဲ့) အခန်းတစ်ခုထဲမှာရောက် နေ တယ်ဆိုရင် အချိန်တွေက တော်တော်နဲ့ကို မကုန်နိုင်တော့ပါဘူး..။ လူကလည်း ဇောချွေးတွေပြန်လို့..။ ဘာရေးလို့ရေးရမှန်းလဲမသိ…။ အချိန်တွေကလည်း တော်တော်နဲ့ကို မကုန်တော့ပါဘူး…။ အဲ့ဒီလိုအချိန်မှာ ကျွန်တော်တို့ အချိန်တွေကို ကြာလိုက်တာလို့ မြည်တွန်တောက် တီးတတ်ကြပါတယ်…။ အဲ..။ ဒါပေမယ့်..။ ကျွန်တော်တို့ သိပ်ချစ်တဲ့ ချစ်သူရဲ့ ဘေးနားမှာများ ကျွန်တော်တို့တွေ ရှိနေခဲ့မယ်ဆိုရင်တော့ အချိန်တွေ အကုန်မြန်သွားကြပုံများ ဘယ်ကနေ ဘယ်လို ကုန်သွားမှန်းကို မသိတော့ပါဘူး..။” လို့အချိန်ရဲ့ ပရမတ် တစ်ခုကို ရှင်းပြသွားပါတယ်..။

တကယ်တော့ ကျွန်တော်တို့ လူသားတွေဟာ အချိန်ဆိုတဲ့အရာတစ်ခုရဲ့ လှည့်စားခြင်းကို ခံနေခဲ့ကြရခြင်းသာဖြစ်ပါတယ်…။ ကိုမင်းတစေ ရေးခဲ့တဲ့ ပို့စ်တစ်ခုထဲက စာသားကို ပြန်ကိုးကားပြီးပြောရမယ်ဆိုရင်တော့ ကျွန်တော်တို့လူသားတွေဟာ ကိုယ်တိုင်ဖန်ဆင်းခဲ့တဲ့ အချိန်ဆိုတဲ့ လှောင်အိမ် ထဲမှာ ကိုယ်တိုင်ပြန်ပြီး အချုပ်နှောင် ခံနေကြရခြင်းသာ ဖြစ်ပါတယ်…။ ဒါတွေကို သေသေချာချာ ပြန်စဉ်းစားကြည့်မယ်ဆိုရင် ကျွန်တော်တို့ရဲ့ တွေ ဝေမှု (Illusion) တွေကို အတိုင်းသာ မြင်တွေ့ရမှာ ဖြစ်ပါတယ်…။

ဒီလိုတွေဝေမှုတွေ ဖြစ်ရခြင်းဟာ ကျွန်တော်တို့ဟာ မိမိရဲ့ ဖန်တီးနိုင်မှု၊ သိမြင်နိုင်မှု၊ လုပ်ဆောင်နိုင်မှု အစရှိတဲ့ Inspiration တွေကို ကိုယ်တိုင် ချိုးနှိမ် အကျဉ်းချထားလို့ပဲဖြစ်ပါတယ်…။ တကယ်တော့ Inspiration ဆိုတာဟာ စိုက်ပျိုးအပ်တဲ့ အပင်လေးတစ်ခုပါ…။ သူ့ကို Self Cofindence, Self Control အစရှိတဲ့ မိမိကိုယ်ကို ယုံကြည်မှု၊ ထိမ်းသိမ်းစောင့်ရှောက်နိုင်မှု စတဲ့ မြေသြဇာလေးတွေ ကျွေးပြီး ကျွန်တော်တို့ စနစ်တကျစိုက်ပျိုးမယ်ဆိုရင် ကျွန်တော်တို့ရဲ့ အနာဂတ်တွေဟာ လှပစွာ ဖူးပွင့် ဝေဆာလာမှာ မလွဲပါဘူး…။

ကျွန်တော်တို့လူသားတွေဟာ မကြာခဏလည်း ထွက်ပေါက်ပျောက်နေတတ်ကြပါတယ်..။ ဒါမှမဟုတ် ထွက်ပေါက်တစ်ခုကို အသေအလဲ ရှာနေကြတယ် လို့ပြောလို့လဲရပါတယ်..။ တကယ်ဆိုရင် အဲ့ဒါကလည်း ကျွန်တော်တို့ရဲ့ မှားယွင်းနေမှုတစ်ခုလို့ ကျွန်တော်ထင်ပါတယ်..။ တကယ်တော့ ထွက်ပေါက်ဆိုတာ ကျွန်တော်တို့ တကူးတက လိုက်ရှာနေစရာမလိုပါဘူး…။ ဘာကြောင့်လဲဆိုတော့ ကျွန်တော်တို့ ကိုယ်တိုင်ကိုက ကျွန်တော်တို့ ဘ၀တွေအတွက် ထွက်ပေါက် (Exit) ဖြစ်နေလို့ပါပဲ…။

ကျွန်တော် စကားလုံးလေးနှစ်လုံးကို ငယ်ငယ်ကတည်းက သဘောကျမိတာရှိပါတယ်..။ Exist နဲ့ Exit ပါ…။ ကျွန်တော်တို့ ဘ၀တွေ  ဖြစ်တည် (Exist) နေ မျှ ကျွန်တော်တို့မှာ ကိုယ်ပိုင်ထွက်ပေါက် (Exit) တွေဟာ အတိအကျကို ရှိနေပြီးသားလို့ ကျွန်တော်ယုံကြည်ပါတယ်..။ တကယ်တော့ ဘုရားသခင်က ဖန်ဆင်းပေးခဲ့တယ့် ကျွန်တော်တို့ ဘ၀တွေရဲ့ ဖြစ်တည်မှုဟာ ပြီးပြည့်စုံပြီးသားဖြစ်ပါတယ်…။ ဒါဆိုရင် သောကတွေ၊ အလိုမကျမှုတွေ၊ မပြည့်စုံမှုတွေက ဘာလဲလို့ မေးလာပါလိ့မ်မယ်..။ ဟုတ်ပါတယ်…။ အဲ့ဒါတွေကိုယ်တိုင်ကိုက လူတစ်ယောက်ရဲ့ ဖြစ်တည်မှု တစ်ခုထဲမှာ မဖြစ်မနေပါဝင်နေရမယ့် အဓိကသရုပ်ဆောင် (Main Character) တွေပါပဲ…။

ကျွန်တော်တို့ရဲ့ ဖြစ်တည်မှုထဲမှာ သူတို့သာမပါဝင်ခဲ့ဖူးဆိုရင် ကျွန်တော်တို့ရဲ့ ကာလသုံးပါးဟာ တကယ်ကို ပျင်းခြောက်ခြောက်နဲ့ ငြီးငွေ့ဖွယ် အတိ ဖြစ်နေမှာသေချာပါတယ်…။ တကယ်တော့ လောကရဲ့ အနိဌာရုံနဲ့ သောကတွေဆိုတာ ကျွန်တော်တို့ရဲ့ စိတ်ချမ်းသာမှု၊ အဆုံးစွန်ဆုံး လွတ် မြောက်မှု (နိဗ္ဓာန် သို့မဟုတ် ကောင်းကင်ဘုံ) အတွက် တကယ့်ကို မိတ်ဆွေကောင်းတွေပါပဲ…။ သူတို့ဟာ တကယ့်မိတ်ဆွေစစ်စစ်တွေပါ…။ တစ် ချိန်ထဲမှာပဲ သူတို့ဟာ ကျွန်တော်တို့ အတွက် လှေခါးထစ်တွေတဖြစ်လဲ ပါရမီဖြည့်ဘက်တွေ အနေနဲ့ ရှိနေပါတယ်။ ဘယ်လိုလှေခါးထစ်တွေလဲ ဆိုရင်တော့ ကျွန်တော်တို့ဘ၀ မြင့်သထက်မြင့်မားပြီး အဆုံးစွန်ဆုံးသော လွတ်မြောက်မှုတစ်ခုအထိရောက်ရှိအောင် ပို့ဆောင်ပေးမယ့် ဘ၀ရဲ့ လှေခါးထစ်တွေပဲပေါ့…။

ကျွန်တော့်အမြင်အရတော့ လောကရဲ့သာယာမှု၊ ကြည်နူးပျော်ရွှင်မှုဆိုတာတွေကမှ ကျွန်တော်တို့ဘ၀တွေအတွက် တကယ့် ရန်သူအစစ်တွေပါ။ သူတို့က ကျွန်တော်တို့ကို စွဲလမ်းမှုတွေ၊ တပ်မက်မှုတွေ ပေးပါတယ်..။ အနတ္တကို အတ္တဖြစ်စေပါတယ်…။ ရမက်ဖြစ်စေပါတယ်..။ တဏှာဖြစ်စေ ပါတယ်…။ ကျွန်တော်တို့ ရိုးရိုးလေးစဉ်းစားကြည့်ရင် ရှင်းရှင်းလင်းလင်းတွေ့မြင်နိုင်ပါတယ်…။ လောကဓံဆိုတာ (၈) ပါးထက်မပိုပါဘူး..။ အဲ့ဒီ့ မများလှသော ရှစ်ပါးကို ကျွန်တော်တို့ သေသေချာချာ ခွဲခြမ်းပြီး Analyse လုပ်ကြည့်မယ်ဆိုရင် ကောင်းခြင်းနဲ့ဆိုးခြင်းဟာ တစ်ဘက်ကို (၄) ခုစီ မျှတစွာ ပါဝင်နေတာကို တွေ့ရပါလိ့မ်မယ်…။ မပူပါနဲ့…။ ဘယ်တော့မှ (၈) ပါးထက်ပိုလာမှာမဟုတ်ပါဘူး..။ ဒါကြောင့် ကျွန်တော်ပြောတာပါ ကျွန်တော်တို့ရဲ့ ဖြစ်တည်မှု Existence (မဂ္ဂဇင်းမဟုတ်ပါ ) က အားလုံးကို ပြီးပြည့်စုံစွာ ဖန်ဆင်းပေးခဲ့ပါတယ်လို့…။

ကျွန်တော်တို့ တွေ့ကြုံနေရတဲ့  အခက်အခဲတွေ၊ ပူပင်သောကတွေကို ကျွန်တော်တို့ အမြင်တစ်မျိုးပြောင်းကြည့်ကြပါစို့…။ ကျွန်တော်တို့ရဲ့ တပ်မ တော်အကြီးအကဲ တစ်ယောက်ပြောခဲ့တဲ့ စကားတစ်ခွန်း (ကျွန်တော်တို့ သင်တန်းဆင်းတုန်းက ပြောခဲ့တဲ့ မိန့်ခွန်းထဲမှ ကောက်နှုတ်ချက်ပါ) ကို ကျွန်တော် တော်တော်လေး နှစ်သက်မိပါတယ်…။

“…ရဲဘော်တို့ တကယ်တော့ အခက်အခဲတွေ၊ ဒုက္ခဆင်းရဲတွေဆိုတာဟာ ရဲဘော်တို့အတွက် ရန်သူတွေမဟုတ်ပါဘူး..။ မိတ်ဆွေပါ..။ အထောက် အပံ့တွေပါ…။ ရဲဘော်တို့အနေနဲ့သိထားရမှာက အခက်အခဲတွေ ဒုက္ခတွေနဲ့ တွေ့ကြုံကြတဲ့ အချိန်တွေမှာ ရှောင်ဖယ်ဖို့မကြိုးစားပဲ ရင်ဆိုင်ကြဖို့ပဲ ဖြစ်ပါတယ်..။ တကယ်တော့ ပြဿနာအခက်အခဲတွေဆိုတာ ရဲဘော်တို့ ဘ၀တွေ အတွက် လှေခါးထစ်တွေပဲ ဖြစ်ပါတယ်..။ ပြဿနာတစ်ခုကို ရှင်ဆိုင် ဖြေရှင်းနိုင်ခြင်းဟာ လှေခါးထစ်တစ်ဆင့်ကို အောင်မြင်စွာ ကျော်ဖြတ် ခြေခြနိုင်ခြင်းလို့ အဓိပ္ပါယ်သက်ရောက်ပါတယ်..။ ရဲဘော်တို့အနေနဲ့ ပြဿနာတွေ အခက်အခဲတွေ များများရင်ဆိုင်ရလေ..။ သို့မဟုတ် များများ ကျော်လွှားနိုင်လေ ရဲဘော်တို့ရဲ့ အရည်အချင်းတွေ ပိုမိုထက်မြက်ကောင်းမွန်လာပြီး လှေခါးတစ်တွေကို တထစ်ပြီး တထစ်နင်းဖြတ်နိုင်ကာ ဘ၀ရဲ့အောင်မြင်မှုတွေကို အမြန်ဆုံးရောက်ရှိမှာ ဖြစ်ပါ တယ်..။ ပြဿနာတွေ၊ အခက်အခဲတွေကို ရင်မဆိုင်ပဲ ရှောင်လွဲနေမယ်ဆိုရင်တော့ ရဲဘော်တို့ဟာ ကိုယ့်ဘ၀ရဲ့ အောင်မြင်မှုကို ရှောင်လွှဲနေတာနဲ့ အတူတူပဲ ဖြစ်ပါလိ့မ်မယ်…” ဆိုပြီးမှာကြားခဲ့ပါတယ်..။

အတိအကျမဟုတ်ပေမယ့် သူပြောခဲ့တဲ့အနှစ်သာရက အဲ့ဒီ့အတိုင်းပါပဲ…။ ကျွန်တော်ဘ၀မှာ အခက်အခက်တွေနဲ့ ကြုံတွေ့ရတိုင်းအဲ့ဒီ့စကားကို အမြဲ သတိရမိပြီး ကျွန်တော်ကြိုးစားခဲ့ပါတယ်…။ နောက်တစ်ခုရှိပါသေးတယ်..။ တကယ်တော့ ကျွန်တော်တို့ ဘ၀တွေရဲ့ အခက်အခဲတွေ၊ ပြဿနာ တွေဆိုတာ ကျွန်တော်တို့ လူသားတွေအတွက် အနှစ်သာရအရှိဆုံး၊ အလှပဆုံး ဟာသ ဇာတ်ကွက်တွေပါပဲ…။ အခက်အခဲတွေ၊ ပြဿနာတွေနဲ့ ကြုံတွေ့ရချိန်တိုင်းမှာ ပြုံးနိုင်အောင်ကြိုးစားဖို့ ကျွန်တော်တိုက်တွန်းလိုပါတယ်…။ ကျွန်တော်လဲ ကြိုးစားခဲ့ပါတယ်..။ မယုံမရှိပါနဲ့ ပြဿနာ၊ အခက် အခဲတွေဟာ ကျွန်တော်တို့ သူတို့ကို စေ့စေ့ကြည့်ပြီး ပြုံးလိုက်တဲ့ အပြုံးဒဏ်ကို သူတို့မခံနိုင်ကြပါဘူး..။ ခဏတာအတွင်းမှာပဲ လက်နက်ခြ အညံ့ခံ သွားကြပါလိ့မ်မယ်..။ အဲ့ဒီ့အခါကြတော့ ကျွန်တော်တို့ နောက်ထပ် လှေခါးတစ်ဆင့်ကို ပြုံးပြီး ဆက်တက်ကြရုံပေါ့…။

ကျွန်တော်တို့ရဲ့ သဘာဝတရားကြီးထဲမှာ အဆိုးဆိုတာမရှိရင် အကောင်းဆိုတာလဲ ဖြစ်မလာပါဘူး..။ အားလုံးဟာ ဆက်စပ်မှု (Relative) ရှိနေပါ တယ်..။ ကျွန်တော်တို့ရဲ့ သဘာဝကြီးထဲမှာ လူဆိုးဆိုတာ မရှိရင် လူကောင်းဆိုတာ ရှိမလာတော့ပါဘူး..။ ဘာကြောင့်လဲ ? ဒီလူတစ်ယောက် ကောင်းတယ်ဆိုတာကို ပေါ်လွင်ဖို့ ဆိုးတယ်ဆိုတဲ့ လူတစ်ယောက်မရှိပဲ လူကောင်းဆိုတဲ့ စကားလုံး (သို့မဟုတ်) ဝေါဟာရတစ်ခုကို ဘယ်လိုမှ တည်ဆောက်လို့မရသောကြောင့် ဖြစ်ပါတယ်…။ ကျွန်တော်တို့လူသားတွေရဲ့ သဘာဝအရ အမြဲ လိုလိုပင် တစ်ခုထက်ပိုလာပါက နှိုင်းယှဉ်ကြည့် ကြတာ ထုံးစင်တစ်ခုပင်ဖြစ်နေကြပြီ ဖြစ်ပါတယ်..။ ကျွန်တော်တို့ နှိုင်းယှဉ်ကြည့်ကြတာပေါ့…။ ဒါပေမယ့် သူများနဲ့တော့မဟုတ်ဘူး..။ မနေ့က ကျွန်တော်တိုနဲ့ ဒီနေ့ ကျွန်တော်တို့ကိုပေါ့ဗျာ…။

ဒါပေမယ့် လောကမှာ ဘယ်အရာပဲ ဖြစ်ဖြစ် အစွန်းရောက်တာ မကောင်းဘူးဆိုတာကိုတော့ ကျွန်တော်တို့အနေနဲ့ သတိထားကြရမှာ ဖြစ်ပါတယ်..။ မည်သို့ပင် ဖြစ်စေ အချိန်တွေ၊ ပညတ်တွေရဲ့ လှည့်စားမှုအောက်မှာ အတူကွ လှည့်စားခံနေကြရတဲ့ ကျွန်တော်တို့ လူသားတွေအချင်းချင်း  တစ်ယောက်နဲ့ တစ်ယောက် အပြန်လှန်ကူညီစောင့်ရှောက်ကာ ကျွန်တော်တို့ရဲ့ အသီးသီးသော ကိုယ်ပိုင်ထွက်ပေါက်တွေကို ပြုံးရွှင်စွာ ရှာဖွေတွေ့ ရှိနိုင်ကြပါစေလို့ ဆုတောင်းရင်း…..

………ကျွန်တော့်ရဲ့ ၂၄ နှစ်မြောက်မွေးနေ့အတွက် အမှတ်တရရေးသားလိုက်ပါတယ်…။

P.S- ကျွန်တော်ချစ်သော ကျေးဇူးရှင် မိဘနှစ်ပါး၊ သင်ဆရာ။ မြင်ဆရာ၊ ကြားဆရာများအားလုံးနှင့်တကွ ကျွန်တော့်ကို မွေးဖွားခွင့်ပေးခဲ့သော ကျွန်တော်ချစ်တဲ့  အမိမြန်မာနိုင်ငံကြီး ကျန်းမာ ပျော်ရွှင်နိုင်ပါစေလို့ ကျွန်တော် အဝေးမှပဲ ဦးချကန်တော့ မေတ္တာပို့လိုက်ပါတယ်…။