zkaungkhant for pointing my typing error )

ဘာလို့လဲဆိုတော့ အဲ့ဒီ့နေ့က ကျွန်တော်တို့ရဲ့ နာမည်ကျော် ဓာတ်ပုံဆရာကြီး Dragonz (မိတ်ကပ်လိမ်းတဲ့ နဂါးကြီး) ရဲ့ ၂၅ နှစ်ပြည့် မွေးနေ့ဖြစ်လို့ပါ..။ သူနဲ့ ကျွန်တော်နဲ့က မွေးလတူလို့လားတော့မသိဘူး..။ အနုပညာကိုရူးသွပ်တဲ့နေရာမှာတော့ တော်တော်လေး တူကြပါ တယ်..။ ကျွန်တော့်ထက်စာရင် ဒီကောင်က ပိုပြီးတော့တောင် အနုပညာဆန်တယ်လို့ ပြောလို့ရပါတယ်..။ (အတည်နောက်တာပါ ဒီကောင်ကြီးက ရုပ်သာကြမ်းတာ..။ စိတ်ထားကတော့ တော်တော်ဆိုးပါတယ်..။ ) ကျွန်တော်က အလုပ်တစ်ခုလုပ်ရင် စိတ်မရှည်သလောက် ဒီကောင်က အလုပ်တစ်ခုကို စိတ်ရှည်လက်ရှည်နဲ့ သေသေချာချာ အသေးစိတ်လုပ်တတ်ပါတယ်..။ ကျွန်တော်က ၀လုံးတောင် ၀ိုင်းအောင်မရေးတတ် သလောက် ဒီကောင်က ပန်းချီ၊ ကာတွန်း ကောင်းကောင်းဆွဲတတ်ပါတယ်..။ စာတွေဘာတွေလည်းရေးပါတယ်..။ ဒါတွေက သိပ်မထူးဆန်း ဘူးလား? အိုကေ ဒါဆို ကျွန်တော် ထူးဆန်းတာလေးတစ်ခုပြောပြပါမယ်..။ အဲ့ဒီ့ နဂါးက Paper Art ( ရောင်စုံ ကဒ်ထူစက္ကူများကို သုံးကာ ဒီဇိုင်းတွေဖော်တဲ့ ပညာလို့ပဲ အကြမ်းဖျဥ်းသတ်မှတ်ကြတာပေါ့ ) ကို တော်တော်လေး ကျွမ်းကျင်ပါတယ်..။ အခု အောက်မှာ ဒီကောင်လက်ဆောင် ပေးဖို့လုပ်ထားတဲ့ Paper Art Design တစ်ခုကို ကျွန်တော် ရိုက်ပေးထားတဲ့ ပုံတင်ပေးထားပါတယ်..။ (Order မှာယူလိုပါက လက်လီလက်ကား လက်ခံပါတယ်တဲ့..။ )

ဆိုတော့..။ သူမွေးနေ့အမှတ်တရ ဖြစ်ဖို့..။ ကျွန်တော်တို့ အဲ့ဒီ့မြို့မှာရှိတဲ့သူငယ်ချင်းတွေနဲ့ ချိန်းပြီး မနက်ပိုင်းမှာ နှင်းလျောစီးသွားကြပါတယ်..။ ကျွန်တော့်အတွက်တော့ တကယ့်ပထမဆုံး စလုပ်ဖူးတဲ့အလုပ်တစ်ခု အနေနဲ့ မှတ်တမ်းတင်သွားပါတယ်..။ ကျွန်တော်က ငယ်ငယ်ကတည်းက Skate (In-Line Roller) စီးတတ်တဲ့အတွက် အစပိုင်း ၁၅ မိနစ်လောက် ယိုင်တိုင် ယိုင်တိုင်စီးပြီးတဲ့နောက်မှာ..။ တော်တော်လေးအသားကျ သွားပါတယ်..။ လိပ် ရယ်..။ အကြိုင်ရယ်…။ ဂါးဂါးရယ်ကတော့ တပိုင်းပိုင်း တဗုန်းဗုန်းပါပဲ..။ (သိက္ခာချတာမဟုတ်ပါဘူး..။ အမှန်က အပုပ်ချတာပါ  ) ကျွန်တော်တို့အားလုံးရဲ့ နှင်းလျောစီးအနီးကပ် နည်းပြကတော့ ဒီနိုင်ငံက နိုင်ငံကျော်ကဗျာဆရာ ပူရှကင်နဲ့ တထေရာတည်းတူတဲ့ (အထူးသဖြင့် သူ့ရဲ့ လန်ထွက် နေတဲ့ Hair Stlye က ချွတ်စွတ်တူပါတယ်) ချစ်စရာနာမည်လေးကို ပိုင်ဆိုင်ထားသူ လီဆူးမပဲ ဖြစ်ပါတယ်..။

ကျွန်တော်တို့သွားတဲ့ ခရီးစဉ်မှာပါဝင်သူတွေကတော့ ကျွန်တော်ရယ်..။ ဂါးဂါးရယ်..။ လိပ် (မ) ရယ်..။ အကြိုင် ရယ်..။ ပေါက်စီရယ်..။ လီဆူးမရယ်။ နောက်တစ်ယောက်ရယ်ပါ (ဒီကောင့် Nick Name ကတော့ အချင်းချင်း ဖဲ့သလိုဖြစ်နေမှာစိုးလို့ ကျွန်တော် ထည့်မရေးတော့ပါဘူး ) စုစုပေါင်း (၇) ယောက်ပါ..။

Skate စီးတုန်းက ဒူးလောက်ပဲ ညောင်းပါတယ်..။ အခု နှင်းလျော Skate မှာတော့ လက်က တုတ်ချောင်းနှစ်ချောင်းကို အားယူပြီးတွန်းရတဲ့အတွက် လက်မောင်းတွေပါ အီစလံဝေသွားပါတယ်..။ (စီးနေတုန်းကတွေးထားတဲ့အတိုင်းပဲ ညလည်းရောက်ရော လက်မောင်းတွေ ကိုက်ပါတော့တယ်..။) ဒီနေရာမှာ ကြုံကြိုက်လို့ နှင်းလျောစီးနည်း တက်ကနီကွီးလေး နဲနဲပေးလိုက်ပါမယ်..။ (Skate စီးတတ်ပြီးသူတွေကတော့ စက်ဘီးစီးတတ်တဲ့သူ ဆိုင်ကယ်စီးသင် သလောက်ပါပဲ) ဒူးနဲနဲကွေးပါ..။ ခါးနဲနဲညွတ်ပါ..။ ခန္ဓာကိုယ်ရဲ့ Weight ကို အတင်းအားမထည့်ထားပါနဲ့ (အတွင်းအားမသုံးပါနဲ့..။ သုံးပါက ချောနေတဲ့နှင်းပြင်ပေါ်မှာ ဖွတ်ကနဲ ဖင်ထိုင်လျှက်ကျပါလိ့မ်မယ်) စိတ်ကိုလျော့ထားပါ..။ နှင်းလျောစီးတဲ့အပြားနှစ်ခု Parallel ဖြစ်ဖို့ကို သတိထားပါ (မထားပါက ထိုအပြား နှစ်ခု ဝေးသွားလျှင် ပေါင်ပြဲကာ ကျော်မကောင်း ကြားမကောင်း ဖြစ်ပါလိ့မ်မယ်..။ ပူးသွားပါက ခြေထောက် နှစ်ချောင်းလိမ်ပြီးတော့ Blackie ကျ (Black Dream ကျ မဟုတ်ပါ) ကျပါလိ့မ်မယ်..။) ထို့နောက် တုတ်တံ နှစ်ချောင်းကို မိမိရဲ့နောက်နားခပ်ကျ ကျကိုထားကာ အားယူပြီးတွန်းပါ..။ အရှိန်မရခင် အနဲငယ် အားစိုက်ရပေမယ့် အရှိန်ရသွားတဲ့အခါမှာတော့ ဟပ်ထိုးလဲ..။ မှားလို့…။ သက်တောင့် သက်သာ တွန်းရုံနဲ့ ရွှီးကနဲ ရွှီးကနဲ သွားပါလိ့မ်မယ်…။

ထိုကဲ့သို့ စနစ်တကျ (ကိုယ့်နည်းကိုယ့်ဟန်နဲ့) နာရီဝက်လောက် ထရိန်နင်ဆင်းပြီးသွားတဲ့အခါမှာတော့ ကျွန်တော်တို့ အားလုံးဟာ ဂျိန်းစဘွန်းနဲ့ ငါလား ငါလား စီးနိုင်လောက်တဲ့အခြေအနေကို ရောက်သွားပါတော့ တယ်..။ (မယုံပါက ညာသည်ဟု မှတ်ကြကုန်..)

ဒီနေရာမှာ ဗဟုသုတအနေနဲ့ တစ်ခုပြောစရာရှိလာပါတယ်..။ ဒါကတော့ အအေးချိန်ပါပဲ..။ ကျွန်တော်တို့ နှင်းလျောသွားစီးတဲ့နေ့က ကျွန်တော် ထင်တာမမှားဘူးဆိုရင် အနှုတ် ၁၅ ရှိပါတယ်..။ (သေချာတာကတော့ အနှုတ် ၁၀ အောက်မရောက်ပါဘူး) တော်တော်လေး အေး တယ်လို့ယူဆလို့ ရပါတယ်..။ ဒီအတိုင်းလမ်းလျှောက်နေရင် လက်တွေ၊ နားရွက်တွေ၊ နှာခေါင်းတွေ ကိုက်လာသည်အထိ  အေးစေတဲ့ အအေးချိန်ပါ…။ ဒါပေမယ့် နှင်းလျှောစီးတဲ့အချိန်မှာကတော့ လူက ချွေးတွေတောင်စို့ပြီး ( စောချွေးတွေ၊ ကြောက်ချွေးတွေလားတော့ မသိပါဘူး ) တော်တော်လေး လန်းလန်းဆန်းဆန်း တက်တက်ကြွကြွနဲ့ အအေးဒဏ်ကို လုံးဝသတိမထားမိတော့ပါဘူး..။ ဒါကြောင့် ကျွန်တော့်အထင် ဒီဘက်အနောက်နိုင်ငံတွေ လို အအေးချိန်များတဲ့ နိုင်ငံတွေမှာ နှင်းလျောစီးကြခြင်းဟာ အပျော်အတွက်လည်းဖြစ်နိုင်သလို..။ ကျန်းမာရေး အတွက်လည်း အများကြီး အထောက်အကူပြုနိုင်တဲ့ အပန်းဖြေနည်းတစ်မျိုးအဖြစ် နှစ်သက်ကြခြင်းဖြစ်နိုင်ပါတယ်..။ (အစီးမတော်ရင်တော့ ကျန်းမာရေးမကောင်းပဲ အရေးပေါ် တော့ ရောက်သွားနိုင်ပါတယ်..) ဒီလိုနဲ့ ၃ နာရီခန့် ကလေးတွေနဲ့အပြိုင်အဆိုင် (ကလေးနဲ့တောင် မနိုင်ပါဘူး..။ လူကြီးဆိုရင်တော့ ပြောမနေပါနဲ့တော့) စီး ပြီးတဲ့အချိန်မှာတော့ ကျွန်တော်တို့ ငှားထားတဲ့ တိုက်ခန်းကို ပြန်ကာ ညနေကျရင် ပြုလုပ်မယ့် ဂါးဂါးရဲ့ မွေးနေ့ အတွက် ကျွေးဖို့မွေးဖို့ ပြန်လည် ပြင်ဆင်ကြပါတယ်..။

မွေးနေ့ရယ်လို့လူအများကြီးတော့ မဟုတ်ပါဘူး..။ ကျွန်တော်ကလွဲလို့ ကျွန်တော်နဲ့အတူ ဒီကိုလာတဲ့ ကျန် တဲ့သုံးယောက် (လိပ် (မ)၊ အကြိုင်နဲ့ ဂါးဂါး) တို့ဟာ မနှစ်က ဒီမြို့မှာကျောင်းတက်သွားတဲ့သူတွေဖြစ်တဲ့အတွက် သူတို့ဆရာမ ၄ ယောက်လောက်နဲ့ ကျွန်တော်တို့ ၄ ယောက်ပဲ ဖြစ်ပါ တယ်..။ အိမ်ထောင်တွေ ကလေးတွေနဲ့ ဖြစ်နေတဲ့ အသက်ကြီးတဲ့ ဆရာမနှစ်ယောက်ကတော့ ၈ နာရီလောက်မှာ ပြန်သွားပါတယ်..။ ကျွန်တော်တို့ နဲ့ သက်တူရွယ်တူ ကျန်တဲ့နှစ်ယောက်ကတော့ ကျန်ရှိနေသေးတဲ့ အချိန်များကို ကျွန်တော်တို့နဲ့အတူ ဆက်လက်ကုန်ဆုံးရင်း (ကျန်ရှိနေတဲ့အချိန် ဆိုတာ ည ၁၂ နာရီအထိကိုပဲပြောတာပါ..။ ကျွန်တော့်ကိုဆို သိပ်ယုံကြတာမဟုတ်လို့ ကြိုရှင်းပြထားတာပါ ) ကာလုဂါ ခရီးစဉ်ရဲ့ နောက်ဆုံးည ကို ကုန်ဆုံးစေခဲ့ ပါတယ်..။

နောက်နေ့မနက် (၆.၂.၂၀၁၀) မှာတော့ ကျွန်တော်တို့ ပြန်မယ့်အချိန်ကို ညနေ ၅ နာရီသတ်မှတ်ထားတဲ့အတွက် မနက်ပိုင်းတစ်ပိုင်းလုံး ဓာတ်ပုံထပ်ရိုက်ဖို့ အချိန်ရခဲ့ပါတယ်..။ အဲ့ဒီ့နေ့မနက်မှာတော့ ကျွန်တော်တို့ ကို အိမ်ငှားဖို့ကအစ..။ အစစ အရာရာ ကူညီပေးထားတဲ့ ဆရာမဆိုလည်းဟုတ် သူငယ်ချင်းဆိုလဲဟုတ်တဲ့ Olga နဲ့ တွေ့ဆုံခဲ့ကြပါတယ်..။ သူကအားလုံးကို စီစဉ်ပေးခဲ့ပေမယ့် ကျွန်တော်တို့လာမယ့် နေ့မှာ အခြားမြို့ကသူ့အဖိုးတွေ၊ အဘွားတွေဆီ အလည်သွားနေတဲ့အတွက် မွေးနေ့တုန်းက မလာနိုင်ခဲ့ပါဘူး..။ ( ကျွန်တော်တို့ကို ကြောက်လို့ ထွက်ပြေးတာလည်း ဖြစ်နိုင်ပါတယ်။ ) မြို့ခံပါတာနဲ့ မပါတာ ဒီနေရာလေးမှာ တော်တော်သိသာပါတယ်။ မောင်မင်း ကြီးသားသုံးယောက်က ဒီမှာ တစ်နှစ်လောက်စာသင်ခဲ့တယ်သာဆိုတာ တစ်ကယ်တမ်းရိုက်မဟဲ့ဆိုတော့ ဘယ်သွားရိုက်ရမှန်း မသိကြတော့ပါဘူး (နှင်းတွေအကုန်ဖုံးနေတဲ့ အတွက် နွေရာသီတုန်းက လှတဲ့နေရာတွေဟာ မလှတော့တာလဲ ပါပါတယ်) ဒါပေမယ့် အဲ့ဒီ့နေ့က Olga ရဲ့အကူအညီနဲ့ Kaluga မြို့ရဲ့အလှဆုံး View Point လို့သတ်မှတ်ရမယ့်နေရာလေးကို ရောက်ရှိခဲ့ပါတယ်..။ အဲ့ဒီ့မှာပဲ ဓာတ်ပုံတွေလှည့်ပတ်ရိုက်ရင်း ၄ နာရီ ခန့်မှာ Olga ကို သူ့အိမ်ကို ပြန်ပို့ပေးပြီး ကျွန်တော်တို့တိုက်ခန်းကို ပြန်လာခဲ့ကြပါတယ်..။ အိမ်ပိုင်ရှင်က ၄း၃၀ မှာ အခန်းသော့လာယူကာ ကျွန်တော်တို့လည်း ဇော်ပိုင်သီချင်း ကို ဆိုခဲ့ကြပါတယ်..။ ဘာသီချင်းလဲ ? မသိဘူးလား..? ဘယ်သီချင်းရှိရမှာလဲ…။ မြို့ဝင်ညပေါ့ဗျာ…။

P.S- Kaluga မှသူငယ်ချင်းများဖြစ်ကြသော စိုးနေလင်းနောင်၊ပေါက်စီ၊ လီဆူးမ၊ ကြည်ဇော်၊ ညီလေးဥက္ကာမင်း၊ Olga တို့အတွက် ဒီပို့စ်လေးကို အမှတ်တရ ရေးသားလိုက်ပါတယ်..။ အဟဲ..။ ဂါးဂါးရဲ့ မွေးနေ့ အမှတ်တရ  ခရီးစဉ်လေးဆိုရင်လည်း မမှားဘူးပေါ့ဗျာ..။

Photo Informations:

Camera: Nikon D90

Lens: Nikon Nikkor 18-105mm VR f3.5-5.6G ED; Nikon Nikkor 70-300mm f4-5.6D

ဒါက Dragonz ရဲ့ Paper Art လက်ရာပါ

သီတင်းကျွတ်အမှတ်တရပေါ့ဗျာ..။

***************************************************************************************

ဘယ်အချိန်က စလို့ ဘလော့ဂ်ရေးတာပါလဲ။

ကျွန်တော် ၂၀၀၇ ခုနှစ် စက်တင်ဘာလ ၉ ရက်နေ့က စပြီး Blogspot မှာ http://blackdream21.blogspot.com ဆိုတဲ့ နာမည်နဲ့ စရေးခဲ့ပါ တယ်။ ၆လခန့်ကြာတဲ့အခါမှာ www.blackdream21.com ကိုပြောင်းလဲအသုံးပြုခဲ့ပါတယ်။၂၀၀၈ ခုနှစ် စက်တင်ဘာမှာ Blogspot အစား  Wordpress ကို စတင် အသုံးပြုခဲ့ပါတယ်။ အခုအချိန် ထိပါပဲ။

အဲ့ဒါကတော့ ကျွန်တော့် Blog နဲ့ပါတ်သတ်ပြီး အလည်လာသူများ..။ ဒါမှမဟုတ် စာဖတ်သူများရဲ့ သဘောထားနဲ့ ခံစားချက်တွေ ကိုသိခြင်လာခြင်း ပဲ ဖြစ်ပါတယ်..။ တစ်နည်းအားဖြင့် Feedback ပြန်ယူတဲ့သဘောပါ..။ ဘာကြောင့်လဲဆိုတော့ ဒါတွေဟာ ကျွန်တော် စာတွေကို ဆက်လက်ရေးသား နေဖို့ အတွက် အားဆေးတစ်ခွက် ဖြစ်နေလို့ပါ..။

မြောက်များလှစွာသော Blog ရေးတဲ့သူတွေက သူတို့ပို့စ်လေးတွေကို ဝေဖန်သွားကြတဲ့ (သို့မဟုတ်) အားပေးသွားကြတဲ့ Comment လေးတွေကို ကြည့်ပြီး ကြည်နူးပျော်ရွှင်တတ်ကြပါတယ်…။ ကျွန်တော့်မှာတော့ ရင်ခုန်စရာ Comment တွေအပြင်…။ အခုဆို Post View တွေပါ ရှိနေပါတယ်။ အမှန်အတိုင်းပြောရရင် ဒီနောက်ပိုင်းမှာ ကျွန်တော် Comment ဘယ်နှစ်ခုရတယ်ဆိုတာထက် Post View ဘယ်လောက် ခုန်ခုန်တက်သွားတယ် ဆိုတာကို ကြည့်ပြီး ကျွန်တော် ပျော်နေတတ်ခဲ့ပါပြီ…။

ဒီနေရာမှာ တစ်ဆက်ထဲ တိုက်ဆိုင်လို့ ကျွန်တော် Post View တစ်ခုအကြောင်းကိုပြောပြချင်ပါတယ်..။ ကျွန်တော်တို့ ညီအစ်ကိုမောင်နှမတွေ စုပေါင်း တည်ထောင်ထားတဲ့ Myanmar Genius ရဲ့ ကိုယ်ပွားတစ်ခုဖြစ်တဲ့ MMGenius Blog Service မှာရှိတဲ့ Post တွေထဲက How To Create Your Own Domain ဆိုတဲ့ Post တစ်ခုအကြောင်းဖြစ်ပါတယ်..။

ကျွန်တော် အစပိုင်းက သိပ်သတိမထားမိခဲ့ပါဘူး…။ ဒါပေမယ့် ကျွန်တော်ပထမဆုံး သတိထားမိလိုက်တဲ့အချိန်မှာ သူ့ရဲ့ Post View Count အရ တော်တော်လေး အံ့ကြမိသွားပါတယ်..။ ကျွန်တော် ပထမဆုံးသတိထားမိတဲ့အချိန်မှာ အဲ့ဒီ့ Post ရဲ့ Post View ဟာ ၅၀၀၀ ကျော်ဖြစ်နေလို့ပါ..။ ဒါနဲ့ ကျွန်တော်လည်း မေ့မေ့ပျောက်ပျောက် နေလိုက်ခဲ့ပါတယ်..။

ဒါပေမယ့် ဒုတိယအကြိမ် ကျွန်တော် သတိရလို့ ထပ်ကြည့်မိတဲ့အခါမှာ ကျွန်တော့်ရဲ့ အံ့သြမှုက တကယ်ကို မယုံနိုင်စရာကောင်းလှပါတယ်..။ ဘာကြောင့်လဲဆိုတော့ အဲ့ဒီ့ Post ရဲ့ Post View ဟာ ၁၀၀၀၀ ကျော်နေခဲ့လို့ပါပဲ..။ ကျွန်တော့်စိတ်အထင် ၄…၅ ရက်လောက်ပဲ ခြားမယ်ထင်ပါ တယ်..။ အမှန်က အဲ့ဒီ့တုန်းက (ကျွန်တော်သတိထားမိတဲ့အချိန်တုန်းက) ရေတွက်မှ အဲ့ဒီ့ MMGenius Blog Serivce ကို စဖွင့်ထားတာ ၄ လ လောက်ပဲရှိပါသေးတယ်…။ ကျွန်တော့်လို သာမညောင်ည Blogger တစ်ယောက်အတွက်ကတော့ တကယ့်ကို အံ့မခန်းပါပဲ..။

ကျွန်တော်အပိုပြောတယ်ထင်ရင် MMGenius Blog Service ရဲ့ Side Bar မှာရှိတဲ့ Most Views မှာသွားကြည့်နိုင်ပါတယ်..။

အဲ့ဒီ့နောက်ပိုင်း ကျွန်တော် အဲ့ဒီ့ Post ကို သတိထားပြီးကြည့်လာခဲ့မိလိုက်တာ..။ အခုဆို ဘယ်လောက်ရှိသွားပြီလို့ ထင်ကြပါသလဲ…?

33704…. သုံးသောင်း သုံးထောင် ခုနှစ်ရာ့ လေး ဖြစ်ပါတယ်..။

ဒါက လမ်းကြုံလို့ Post View အကြောင်းလေးပြောရင်း MMGenius Blog Service အကြောင်းကြောငြာဝင်တာပါ..။ ကျွန်တော့်စကားကို ပြန်ဆက်ပါ့မယ်..။

လူဆိုတာကလည်း တစ်မျိုးမဟုတ် တစ်မျိုး အနဲနဲ့အများ၊ အထူနဲ့အပါးဆိုသလို ရူးလိုက်ရမှ နေသာထိုင်သာ ရှိကြတဲ့သဘောဖြစ်တဲ့အတွက် လူထဲ က လူတစ်ယောက်ဖြစ်တဲ့ (ကိုယ့်ကိုယ်ကို သတ်မှတ်ထားခြင်းပါ..။ ဟုတ်ချင်မှလည်း ဟုတ်ပါလိ့မ်မယ်…။ ဟုတ်ရင်လည်း ဟုတ်ပါလိ့မ်မယ်) ကျွန်တော်လည်း ရူးပါတယ်…။

တကယ်တမ်း Post View အရေအတွက်နဲ့ Comment အရေအတွက်အချိုးချကြည့်လိုက်ရင် သိပ်ကိုကွာခြားပါတယ်..။ ဒါက ဘာကိုပြနေလဲ ဆိုတော့ ခြေရာလက်ရာမချန်ပဲ လာအားပေးသွားတဲ့ သူတွေအများအပြား ရှိနေတယ်ဆိုတာပဲ ဖြစ်ပါတယ်…။ ကျွန်တော့်ရဲ့ တောင်ရောက်မြောက် ရောက်၊ ထင်ရာမြင်ရာ လျှောက်လျှောက်ရေးတတ်တဲ့ ဒီစာမျက်နှာလေးကို ဘယ်သူတွေ တမြတ်တနိုး ဖတ်ရှုနေကြပါသလဲ…? ကျွန်တော်သိချင် ပါတယ်…။

အိမ်တိုင်ရာရောက် လာဖတ်တဲ့သူတွေလည်းရှိမယ်..။ Google Reader ထဲက အေးအေးဆေးဆေးဖတ်နေတဲ့သူတွေလည်းရှိမယ်..။ Feed တွေထဲ က ထိုင်ဖတ်နေသူတွေလည်းရှိပါလိ့မ်မယ်..။ ဘာပဲ ဖြစ်ဖြစ် ဒီလူတွေအားလုံးဟာ ကျွန်တော်ချစ်ခင်ရတဲ့…။ ကျွန်တော်လေးစားရတဲ့ ကျွန်တော့်ရဲ့ အမာခံ ပရိတ်သတ်များပဲ ဆိုတာ သေချာလွန်းလှပါတယ်..။ သူတို့မှာ တစ်စုံတစ်ခုသော ပြောစရာများရှိနေလိ့မ်မယ်လို့လည်း ကျွန်တော်ယုံကြည်ပါ တယ်..။

အဲ့ဒါကြောင့်…။ ထိုထိုသော မများလှတဲ့ ကျွန်တော့်ရဲ့ စာဖတ်ပရိတ်သတ်များရဲ့ ရင်ခုန်သံများကို နားထောင်နိုင်ဖို့အတွက် ကျွန်တော် ဧည့်မှတ်တမ်း လေးတစ်ခုကို ဖန်တီးလိုက်ပါတယ်..။ ဒီနေရာလေးဟာ သာမန် Post တစ်ခုကို Comment ပေးသလိုမျိုး Post တစ်ခုထဲနဲ့ သက်ဆိုင်ခြင်း၊ Post အသစ်များတင်လာတာနဲ့အမျှ အနောက်ကိုရောက်ရောက်သွားခြင်းမရှိပဲ..။ ကျွန်တော့် Blog တစ်ခုလုံးအတွက် အမှတ်တရအနေနဲ့ စာမျက်နှာတစ် ခုထဲမှာ အမြဲတမ်း စုစုစည်စည်းရှိနေပါလိ့မ်မယ်…။

ဒီနေရာကို Click လုပ်ပြီးတော့ ဖြစ်စေ…။ အပေါ်မှာရှိတဲ့ Guest Book ကို Click လုပ်ပြီးတော့ ဖြစ်စေ..။ ကျွန်တော့်ရဲ့ ဧည့်သည်တော်မှတ်တမ်းမှာ လက်မှတ်ရေးထိုးနိုင်ကြပါတယ်။

ဒါကြောင့်….

အားလုံးပဲ ကျေးဇူးပြုပြီးတော့ အနက်ရောင် အိပ်မက် တစ်ခု၏ ၀ိဥာဉ်များ အပေါ်မှာ ခင်ဗျားတို့ရဲ့ အိပ်မက်များကို ဖြန့်ကျဲပေးခဲ့ကြပါလို့ ကျွန်တော် တောင်းဆိုလိုက်ရပါရစေ…။

P.S- Feed Reader များ၊ Google Reader များလည်း ဒီ Post ကို ဖတ်ပြီးရင် လာရောက် မှတ်တမ်းလေး တင်ပေးကြပါလို့ ဖိတ်ခေါ်ပါရစေ..။

ကျွန်တော် ၉ ရက် ၉ လ ၂၀၀၇ ခုနှစ်မှာ ဘလော့စတင်ရေးသားခဲ့ပါတယ်..။ ဘယ်လိုရည်ရွယ်ချက်တွေကြောင့် Blog စရေးဖြစ်ခဲ့တယ်..။ ဘယ်သူ တွေက ကျွန်တော့်ရဲ့ လက်ဦး မြင်ဆရာ၊ သင်ဆရာ၊ ကြားစရာတွေ ဖြစ်ခဲ့တယ်ဆိုတာကို အရင်က ရေးခဲ့ဖူးတဲ့ ပို့စ်တွေထဲမှာ အလျဉ်းသင့် သလို ထည့်သွင်းရေးသားခဲ့ဖူးပါတယ်..။ မဖတ်ရသေးရင် ကျွန်တော့်ရဲ့ လွန်လေပြီးသော ၃၆၅ ရက် ဆိုတဲ့ တစ်နှစ်ပြည့်ပို့စ် မှာ ထပ်မံဖတ်ရှုနိုင် ပါတယ်။ ဒီတစ်ခါ ကျွန်တော်ပြော ပြချင်တာကတော့ Black Dream သို့မဟုတ် blackdream21 သို့မဟုတ် အနက်ရောင် အိပ်မက် ဆိုတဲ့ နာမည် တစ်ကို ဘယ်လိုရရှိခဲ့တယ်..။ ဘယ်လို အဓိပ္ပါယ်တွေနဲ့ ကျွန်တော်ခံစားထားတယ်…။ စတာတွေကို ပြောပြချင်လို့ပါ…။

သာမန် Tag Post တစ်ခုဖြစ်တဲ့အတွက် ပို့စ်ဖတ်လို့ ကုန်သွားမယ့် အချိန်အတွက် အချိန်ကုန်ရကျိုးနပ်မယ် ထင်မှဆက်ဖတ်ဖို့ ကျွန်တော် အရင်ဆုံး ပြောချင်ပါတယ်..။

ကျွန်တော် ပထမဆုံး Blog စရေးမယ် စဉ်းစားတော့ ငယ်ငယ်က ကျွန်တော်တို့ သူငယ်ချင်းတွေကြားမှာ စကားဝှက်အဖြစ်သုံးခဲ့ဖူးတဲ့ စကားလုံးလေး တစ်လုံးကို အရင်ဆုံး သတိရမိပါတယ်..။ ဒါပေမယ့် ကျွန်တော်အပါအ၀င် ကျွန်တော်တို့အားလုံးရဲ့ အဲ့ဒီ့စကားလုံးအပေါ် အလေးအနက်ထားမှုက အတော်အတန် ကြီးမားကျယ်ပြန့်တဲ့ အတွက် ကျွန်တော်တစ်ယောက်ထဲ သီးသန့်လုပ်တဲ့ ဒီနေရာမှာ အဲ့ဒီ့စကားလုံးကို အသုံးမပြုဖို့ ကျွန်တော် ဆုံး ဖြတ်လိုက်ပါတယ်။ အဲ့ဒီ့နောက်မှာ ပညတ်တွေထဲက မလွတ်နိုင်သေးတဲ့ ကျွန်တော်လည်း ပညတ်တစ်ခုကို အမြန်ဆုံးရှာဖွေနိုင်ဖို့ ကြိုးစားရပါတော့ တယ်။

သိပ်တော့ ကြာကြာ မစဉ်းစားလိုက်ရဘူးလို့ ကျွန်တော်ထင်ပါတယ်..။ နာမည်တစ်ခု ရခဲ့တယ်..။ ကျွန်တော့်ဘ၀မှာ အရေးပါတဲ့…။ ကျွန်တော်နှစ် သက်တဲ့ အရာလေးတွေကို စုစည်းထားတဲ့ နာမည်တစ်ခုပါ..။

ကျွန်တော်ငယ်စဉ် ကတည်းက အနက်ရောင်ကို တော်တော်လေးနှစ်သက်ပါတယ်..။ အ၀တ်အစားပဲ ၀ယ်ဝယ် အသုံးအဆောင်ပဲ ၀ယ်ဝယ် ကျွန်တော့် ရဲ့ ဦးစားပေး အရောင်ဟာ အနက်ရောင်ပါပဲ။ တစ်ချို့ဘာသာအယူအဆ၊ မိရိုးဖလာ အယူအဆတွေအရ အနက်ရောင် ဆိုတာဟာ အမင်္ဂလာအရောင် မသုံးသင့် မသုံးအပ်တဲ့အရောင်လို့ သတ်မှတ်ထားကြပါတယ်။ သူ့အယူအဆနဲ့သူမို့ ကျွန်တော် ဘာမျှမပြောလိုပါ..။  ပြန်ပေးဆွဲတာကို Blackmail မှောင်ခိုဈေးကွက်ကို Black Market စသည်ဖြင့် အသုံးပြုခြင်းများကို အစွဲပြုပြီးတော့ အချို့ကြတော့လည်း အနက်ရောင်ဆိုတာဟာ မကောင်းမှု ဒုစရိုက်ကို ကိုယ်စားပြုတယ်..။ ဘာ…ညာ..။ စသည်ဖြင့် သတ်မှတ်ကြပါတယ်..။ ရှိစေ…။ ဒါလည်း ကျွန်တော်နှင့် မဆိုင်ပါ….။ ကျွန်တော်နှင့် ဆိုင်တာ ကိုသာ ကျွန်တော် ဆက်ရေးမည် ဖြစ်ပါသည်။

အနက်ရောင်

ခင်ဗျားတို့ ဘယ်လိုထင်လဲ…?

အနက်ရောင်နဲ့ အမဲရောင် တူမယ်ထင်သလား…?

ကျွန်တော်ကတော့ မထင်ဘူး…။

ကျွန်တော့်အတွက်တော့ အနက်ရောင်ဆိုတာ အဓိပ္ပါယ်များစွာရှိနေပါတယ်..။ ငယ်စဉ်ကတော့ သာမန် ကြိုက်တယ်ဆိုရုံ ကြိုက်ခဲ့တာပါ..။ အရွယ် နဲနဲ ရလာတဲ့ အခါ တဖြေးဖြေး စဉ်းစားမိရင်းက ကျွန်တော့်အတွက် အနက်ရောင်ဟာ ပိုပိုပြီး အဓိပ္ပါယ် ရှိလာခဲ့ပါတယ်..။ ကျွန်တော့်အယူအစအရ အနက် ရောင် ဆိုတာဟာ ထောင်ကျကျ ပြားကျကျ ဘ၀တစ်ခုကို ကိုယ်စားပြုပါတယ်။ လောကရဲ့ အမျိုးမျိုးသော အရောင်ဆိုးမှု များကို ခံယူနိုင်တဲ့ ဘ၀တစ် ခုကို ကိုယ်စားပြုပါတယ်…။ လူတိုင်းလူတိုင်းရဲ့ မှောက်မှားတတ်သော အာရုံတစ်ခုကို ကိုယ်စားပြုပါတယ်..။ လူတိုင်းလူတိုင်းအတွက် တစ်ချိန်က ရခဲ့ ဖူးသော ခါးသီးတဲ့ ဘ၀သင်ခန်းစာ တစ်ခုကို ကိုယ်စားပြုပါတယ်…။ အနိမ့်အမြင့် အလှည့်အပြောင်းတွေ များပြားလှတဲ့ လောကဓံရဲ့ စိန်ခေါ်မှုတွေကို ရင်ဆိုင်နိုင်တဲ့ ပြင်းထန်သော တွန်းအားတစ်ခုလို့ ယူဆပါတယ်..။

အနက်ရောင်နဲ့ ပတ်သတ်ပြီး သီးခြားပြင်ပ ဖွင့်ဆိုချက်များကိုလည်း ကျွန်တော် ရှာဖွေဖတ်ရှုခဲ့ဖူးပါတယ်..။ Black is … Colour of the king,  King of the colour, Colour of Justice ဆိုပြီးတော့ ဖြစ်ပါတယ်..။ သူဆိုလိုချင်တာကတော့ နိုင်ငံတကာမှာရှိတဲ့ နိုင်ငံခေါင်းဆောင်တွေ၊ အကြီးအကဲတွေဟာ ဧည့်ခံပွဲတွေ၊ ညစာစားပွဲတို့ အခန်းအနားတို့ ပြုလုပ်ကြတဲ့အခါမှာ အမြဲလိုလို အနက်ရောင်ကို သုံးစွဲဝတ်ဆင်ကြပါတယ်။ သူတို့ တွေရဲ့ ကားတွေ ဟာလည်း အနက်ရောင် များသာ ဖြစ်ကြပါတယ်..။ King of the colour ဆိုတာကလည်း ဒီသဘောပဲ ဖြစ်ပါတယ်..။ ဘာကြောင့် နိုင်ငံအကြီးအကဲတွေရဲ့ ကားတွေ ၀တ်စုံတွေဟာ အခြားအရောင်တွေမဖြစ်ပဲ အနက်ရောင်တွေဖြစ်နေသလဲ..? ဒါကို ဆိုလိုတာ ဖြစ်နိုင်ပါတယ်။ Colour of Justice ဆိုတာကတော့ တရားမျှတမှုရဲ့ အရောင်လို့ ဖွင့်ဆိုလို့ရမယ်ထင်ပါတယ်..။ ဥပမာအားဖြင့် ရှေ့နေတွေ၊ တရားသူကြီး တွေဟာ တရားစီရင်ရေးကို ပြုလုပ်တဲ့အခါမှာ အနက်ရောင် ၀တ်စုံမှ လွဲပြီးတော့ ဘယ်အရောင်ကိုမှ အသုံးပြုခြင်းမရှိပါဘူး…။

အိပ်မက်

တကယ်တော့ အိပ်မက်ဆိုတာ

ကျွန်တော်တို့ရဲ့ ကိုယ်ပိုင်ယုံကြည်ချက်၊ မျှော်လင့်ချက်တွေ

စတင်မြစ်ဖျားခံရာ ခံစားချက် အရင်းအမြစ် နေရာတစ်ခုပေါ့…။

လူတိုင်းလူတိုင်းမှာ ကိုယ်စီ အိပ်မက်တွေ ရှိတတ်ကြပါတယ်..။ ခင်ဗျားတို့မှာလည်း ခင်ဗျားတို့ အိပ်မက်တွေရှိပါလိ့မ်မယ်..။ ကျွန်တော့်မှာလည်း ကျွန်တော့် ကိုယ်ပိုင် အိပ်မက်တွေရှိပါတယ်..။ အသက်ဝင်မလာပဲ ပျက်စီးခဲ့ရတဲ့ အိပ်မက်တွေလည်း ရှိကောင်းရှိမယ်၊ လက်ရှိ ကျွန်တော်တို့ ဖြစ်ချင် တဲ့ အိပ်မက်တွေ အကောင်အထည်ပေါ်ပြီး ဖြစ်နေတာတွေလည်းရှိမယ်..။ တစ်ချိန်ချိန်မှာ ဖြစ်လာဖို့ အလားအလာရှိတဲ့ အိပ်မက်တွေလည်း ရှိ ကောင်းရှိမယ်..။ တစ်ချို့အိပ်မက်တွေက စိတ်ကူးယဉ်ဆန်တယ်..။ တစ်ချို့အိပ်မက်တွေက လက်တွေ့ကျတယ်..။ တကယ်တော့ ဘ၀ဆိုတာဟာ လည်း အရှည်လျားဆုံး အိပ်မက် တစ်ခုပဲ မဟုတ်လားဗျာ…။

တစ်ချို့တွေအတွက် အိပ်မက်ဆိုတာ အိပ်ယာက နိုးထရင် အားလုံးဟာ လွင့်ထွက် ပျက်စီးသွားတတ်ကြတယ်..။ တစ်ချို့တွေအတွက်ကြတော့ အိပ်မက်ဆိုတာက အိပ်ယာက ထတာနဲ့ ယုံကြည်ချက်အသစ်၊ မျှော်လင့်ချက်အသစ်နဲ့ ခွန်အားအသစ်တွေကိုပေးတယ်..။ တစ်ချို့တွေက အိပ်မက် ထဲမှာ ပျော်ကြတယ်..။ တစ်ချို့တွေက အိပ်မက်တွေကနေ ရုန်းထွက်နိုင်ဖို့ ကြိုးစားကြတယ်..။ တစ်ခါတစ်လေ ကျွန်တော်တို့ရဲ့ ဘ၀တွေထဲမှာ အိပ်မက်တွေထဲက နိုးထလာတဲ့သူနဲ့ အိပ်မက်တွေဆီကို ခရီးဆက်နေတဲ့သူတွေ မတော်တဆ ဆုံမိကြတဲ့အခါ သိပ်ကို စိတ်ဝင်စားဖို့ ကောင်းတဲ့ အလှည့်အပြောင်းလေးတွေ မကြာခဏ ဖြစ်ပေါ်လာတတ်ကြတယ်…။

တစ်နည်းအားဖြင့် အိပ်မက်ဆိုတာ စိတ်ကို အသိဥာဏ်နဲ့ ထုဆစ်ထားတဲ့ ပန်းပု ရုပ်ထုလေး တစ်ခုပေါ့…။

၂၁

ကျွန်တော် ဖဲမကစားတတ်ပါ..။

ဆရာသစ္စာနီရဲ့ စကားအရပြောရရင်တော့ လူ့ဘ၀ဆိုတာ အကုသိုလ်အကြွေးယူတဲ့ နေရာတစ်ခုပေါ့..။ ဟုတ်ပါတယ်..။ ကျွန်တော် ဒီလူ့ဘ၀ကနေ အကုသိုလ်အကြွေးယူဖို့ စတင်ရောက်ရှိတဲ့နေ့ကို အစွဲပြုထားတဲ့ ဂဏန်းတစ်ခုကို မှတ်မှတ်သားသား ရှိစေချင်တဲ့ ရည်ရွယ်ချက်နဲ့ အသုံးပြုခြင်းပါ။

နိဂုံး

“အနက်ရောင် အိပ်မက်တစ်ခု၏ ၀ိဥာဉ်များ…” ဒါက ကျွန်တော့် Blog ရဲ့ နာမည်ပါ..။ ဒီအနက်ရောင် အိပ်မက်တစ်ခုရဲ့ ၀ိဥာဉ်တွေထဲမှာ…။ ခင်ဗျားတို့ ရဲ့ အိပ်မက်တွေအကြောင်း ပါကောင်းပါမယ်..။ ကျွန်တော့်ရဲ့ အိပ်မက်တွေအကြောင်းလဲ ပါကောင်းပါမယ်..။ ကျွန်တော်တို့ ခင်ဗျားတို့ ဘ၀မှာ တစ်ခါမှ မမြင်ဖူး မတွေ့ဖူး မကြားဖူးတဲ့ လူတစ်ယောက်ရဲ့ အိပ်မက်တွေအကြောင်းလဲ ပါချင်ပါမယ်..။ လောကမှ ပျံ့လွင့်နေတဲ့ အိပ်မက်တွေအားလုံး ရဲ့ ၀ိဥာဉ်တွေကို ဖမ်းဆုပ် စုစည်းထားတဲ့ သဘောပါ…။

နောက်တစ်ခု..။ Black Dream ဟာ Nightmare မဟုတ်ပါ…။ အနက်ရောင် အိပ်မက်ဟာ အိပ်မက်ဆိုးတစ်ခုမဟုတ်ပါ….။ ခင်ဗျားတို့ ကျွန်တော် တို့တွေ နှစ်ခြိုက်စွာ အိပ်မောကျသွားတဲ့ အခါ ကျွန်တော်တို့ ဘာတွေ မြင်ရပါသလဲ…? အနက်ရောင် လောကတစ်ခု…။ တစ်နည်းအားဖြင့် အနက် ရောင် အိပ်မက်တစ်ခုက လွဲလို့ ဘာမှမရှိနိုင်ပါဘူး..။

ဒါဆို ခင်ဗျားသိလိုက်ပါ…။ ခင်ဗျားရဲ့ ဘ၀ထဲမှာလည်း Black Dream ဆိုတာ အသေအချာ ရှိနေပြီ ဆိုတာကိုပေါ့ဗျာ….။

P.S- ကိုဟန်သစ်ငြိမ် Tag ထားခြင်းဖြစ်ပါတယ်..။ အခုလိုပြောပြခွင့်ရအောင် Tag ပေးတဲ့ အတွက် ကျေးဇူးတင်ပါတယ် အစ်ကို..။

ကျွန်တော် ဘလော့စရေးတာက Blogspot (blackdream21.blogspot.com) နဲ့ပါ..။ နောက်တော့ ရောဂါပိုးတွေ အတိုင်းမသိ ရွစိတ်ခတ်လာလို့ www.blackdream21.com ဆိုတဲ့ မျက်နှာဖုံးလေးဝယ်တပ်ပြီးတော့ Blogspot ကို ဖုံးဖိခဲ့ပါတယ်…။ (တစ်လက်စထဲ ကျွန်တော့်ကို blogspot link နဲ့ ချိတ်ထားပေးသူများ ကျေးဇူးပြု၍ .com သို့ ပြန်လည် ပြောင်းရွှေ့ ချိတ်ပေးကြပါရန် ကျွန်တော်ကိုယ်တိုင် အဆိုပြု၊ ကျွန်တော်ကိုယ်တိုင် ထောက်ခံလိုက်ပါတယ်။ မကြာခင် ကျွန်တော့်ရဲ့ Blogspot လေးကို အပြီးတိုင် ပိတ်တော့မှာ ဖြစ်ပါတယ်) အဲ့ဒီ့နောက် သကာလ ခန္ဓာကိုယ်ထဲက ရောဂါ ပိုးတွေဟာ တစ်နေ့တစ်ခြား ပိုဆိုဆိုးရွားလာပါတော့တယ်…။ သူများဘလော့တွေလိုက်ကြည့်..။ အားကျ..။ ကိုယ်လုပ်ချင်တာတွေတွေ့ သို့သော် လုပ်မရ သို့မဟုတ် မလုပ်တတ်…။ ဒီလိုနဲ့ပဲ တိုင်ပတ်လာခဲ့တာ…။ နောက်ဆုံး မတတ်နိုင်တဲ့အဆုံး ချောင်းကို ပြစ်ပြီး မြစ်ကိုရှာပါတော့ တယ်..။

Blogspot ဆိုတဲ့ ချောင်းကို ပြစ်ပြီး Wordpress ဆိုတဲ့ မြစ်ကိုရှာပါတယ်…။ ရောက်ရောက်ခြင်းတော့ အားလုံးသိကြတဲ့အတိုင်း အိုးနင်းခွက်နင်းနဲ့ ပေါ့..။ အခုတော့လည်း အိုးနင်းခွက်နင်းမဖြစ်တော့ပါဘူး..။ နင်းစရာအိုးတွေ ခွက်တွေ အကုန်ကွဲကုန်လို့   Wordpress ရောက်ရင် ကိုယ်လိုချင် တာလေးတွေများ ဖြစ်လာမလားဆိုပြီး လာခဲ့ပါတယ်..။ ဒီရောက်တော့ ဆရာ Wordpress က ပညာတွေ စပြတော့တာပါပဲ။ ဘယ်ကစပြီး ဘာလုပ် လို့ လုပ်ရမှန်းမသိ..။ အရပ်ကူပါ လူဝိုင်းပါ…။ သို့သော်ငြားလည်း နောက်ပိုင်းမှာ အဆူဆူသော ဆရာတို့ရဲ့ သင်ကြားပြသမှု မရေမတွက်နိုင် လောက်သော လက်တည့်စမ်းမှုများဖြင့် Wordpress အား မပို့င်တစ်ပိုင် ကိုင်တွယ် အသုံးပြုလာနိုင်ခဲ့ပါတယ်..။

ဒါနဲ့ ပထမဆုံး ကျွန်တော် wordpress လုပ်ကတည်းက မချစ်သောလည်း အောင့်ကာနမ်းခဲ့ရတဲ့ Option Theme ကို ခြေစုန်ကန်ဖို့ကြိုးစားပါ တယ်။ (အမှန်က Option Theme က တော်တော်ကိုကောင်းတာပါ..။ ကျွန်တော့်ဖာသာ မကြိုက်တာပါ ) ကျွန်တော့်ရဲ့ Theme ရှာပုံတော်မှာ အဓိကထားတဲ့ ဦးတည်ချက်နှစ်ခုရှိပါတယ်..။ (၁) မဲမှောင်မိုက်နေသော Theme ဖြစ်ရမည် (၂) ရိုးရိုးလေးနဲ့ ဆန်းသော Theme ဖြစ်ရမည်။ ဒါက အဓိကနှစ်ချက်ပါ..။ Fluid Theme ဖြစ်ဖို့…။ Function တွေကောင်းဖို့ စတဲ့ ဘာညာ သာရကာက နောက်မှပါ..။ အဲ့ဒါနဲ့ပဲ ရှာလာလိုက်တာ နောက်ဆုံးအခု ကျွန်တော် သုံးထားတဲ့  Hemingway ဖန်တီးထားတဲ့ ဒီ Theme လေးနဲ့တော်တော်အဆင်ပြေသွားပါတယ်။

မဲမှောင်မိုက်မူး နောက်သွားစေသော…။ ရိုးရိုးလေးနဲ့ ဆန်းတဲ့ Theme ပါ..။ ကံကောင်းခြင်တော့ Fluid Theme လဲ ဖြစ်နေပါတယ်..။ သာမန်ကြည့် လိုက်ရင်တော့ ဒီ Theme လေးက ရိုးရိုးလေးပါပဲ..။ သေသေချာချာကြည့်လိုက်ရင်တော့ ခပ်တုန်းတုန်းပါ ..။ အတည်နောက်တာပါ..။ ကျွန်တော် ဒီ Theme လေးကိုတော်တော်ကြိုက်ပါတယ်..။ ဒီလို Theme မျိုးကို Wordpress သမားတွေက Minimalism Theme လို့ခေါ်ပါတယ်..။ ဘာလို့ လဲဆိုတော့ သူက ရိုးရိုး Themes တွေထက်အများကြီးပေါ့ပါတယ်..။ အမြင်ရှင်းပါတယ် (ဥပမာ- ကျွန်တော့်ဘလော့ကို ကြည့် အမြင်ရှင်း လွန်းလို့ ဘာမှမပါဘူးလို့တောင် ထင်ရတယ် ) အသွင်ဆန်းပါတယ်…။ (လိုချင်ရင်ပြော အများကြီးရှိပါသေးတယ် )

အဲ့ဒီ့မှာ ပြဿနာစပါတယ်..။ ဒီ Theme က ပို့စ်တွေက သူများတွေလို တည့်တည့်မသွားပဲ ဂဏန်းသွားသွားပါတယ်..။ မြင်တော်မူကြတဲ့အတိုင်းပါ ပဲ..။ စာဖတ်သူအများအပြား မျက်စိလည်ကြပါတယ်…။ စာလုံးတွေသေးလို့ဆိုပြီး ကျွန်တော့်ကို မေတ္တာပို့ကြပါတယ် ။ ဒီ ဘလော့ဖတ်ပြီးရင် မူး နောက်နေတာပဲလို့ အားပေးစကားတွေ ကြားရပါတယ်..။ နောက်တစ်ခါ ဒီ Blog က Cbox လည်းမထားဘူး..။ ဘာကျယ်တယ်ဆိုလားမသိဘူး ပြောတဲ့ မေတ္တာပို့သံများလဲ ကြားရပါတယ်..။ အမှန်က မှားပါတယ် (တိန်… အမှန်ကမှားပါတယ်တဲ့ နဲနဲရှုပ်သွားလားမသိ ရှင်းပါအံ့ )

စာလုံးသေးလို့ အဆင်မပြေတဲ့သူများခင်ဗျာ..။ အပေါ် Search Bar အောက်မှာရှိတဲ့ +A A -A သုံးခုကို အားရပါးရ Click ကြည့်ကြပါ..။ ရဲရဲကြည့် Click ကြပါ..။ +A ကို တစ်ခါနှိပ်တိုင်း စာလုံးတွေ ကြီးကြီးလာပါလိ့မ်မယ်..။ -A ကို နှိပ်ရင်သေးသေးသွားပါလိ့မ်မယ်…။ A ကို နှိပ်ရင် မူရင်း အော်လဂျင်နယ် အတိုင်း ပြန်ဖြစ်ပါလိ့မ်မယ်…။ နောက်တစ်ခါ ဆီဗုံး (သို့မဟုတ်) C-Bomb ( သူက Nuclear Bomb ထက်ဆိုးပါတယ်..။ သူ့မှာ တစ်ချက် တစ်ချက် ထထကွဲရင် အင်မတန် ပြဿနာကြီးပြီး ကြောက်ဖို့ကောင်းပါတယ်.. ဒါကြောင့် သူ့ကို ကျွန်တော် C-Bomb လို့ခေါ်ပါတယ်) ..။ ကျွန်တော့် Blog မှာ C-Bomb ရှိပါတယ်..။ မြန်မာ Blogger မှန်ရင် C-Bomb ရှိရမယ်ဆိုတဲ့ ဘယ်သူမှ မသတ် မှတ်ခဲ့သောလည်း ရှိနေတဲ့ နားလည် လက်ခံမှုကြီးအရ ကျွန်တော့်မှာ C-Bomb ရှိပါတယ်..။ Theme ရဲ့ နည်းပညာအပိုင်းအရ ဖွက်ထားသလို ဖြစ်နေတာပါ..။ (တကယ်လဲ ဖွက်ထားတာပဲ ) အပေါ်နားမှာ ရှိတဲ့ Open Navigation ဆိုတာကို Click လိုက်ပါ..။ ဖုံးထားသမျှ ကုန်းကွလိုက် သလို အကုန်ပေါ်လာပါလိ့မ်မယ်..။

တစ်ခုတော့ ကျွန်တော် မေတ္တာရပ်ခံပါရစေ ကျွန်တော့် C-Bomb ကို စနက်တံတော့ ဖြုတ်မသွားကြပါနဲ့လို့..။ ကျွန်တော် တကယ်ကြောက်လို့ပါ။

နောက်ထပ် ပြဿနာတစ်ခုက ကျွန်တော်ဝယ်ထားတဲ့ Hosting နဲ့ပတ်သတ်ပါတယ်..။ သူက တစ်ဆင့်ခံ Webhost ဖြစ်နေတော့ကာ (ဈေးတော့ တော်တော်ပေါတယ် ) အနဲငယ်လေးပါတယ်..။ Minimalism Theme သုံးပြီး ဆိုဒ်ကြီးလေးနေတာကတော့ ရှက်ဖွယ်လိလိပါ ။ ဒါကြောင့် အားလုံး ဘလော့အထိလာပြီး အချိန်ကုန်ဖတ်နေစရာမလိုအောင် ပို့စ်အသစ်တင်တိုင်း Email ပို့ပေးမယ့် subscriber လေး အောက်နားမှာ ထား ပေးပါတယ်..။ သို့သော်လည်း အောက်နားရောက်သောသူတို့၏ ထုံးစံအတိုင်း ဥပက္ခောပြုခံရခြင်းလော သို့မဟုတ်  Subscribe လုပ်ရင်ပေးရမယ့် အချိန်နဲ့ ကျွန်တော့်စာကို ဖတ်ရင်ပေးရမယ့် အချိန်နဲ့ မထိုက်တန်ဖူးဟု ယူဆသောကြောင့် သလောတော့ မပြောတတ် ကျွန်တော့် subscriber ရဲ့ အရေအတွက်ဟာ ဒုံရင်းဒုံရင်းပါပဲ။

ဒါမှမဟုတ်လဲ ဘယ်လိုလုပ်ရမှန်းမသိလို့လဲ ဖြစ်နိုင်ပါတယ်..။ ဒါကြောင့် အခု ကျွန်တော်အစီအစဉ်တစ်ခုလုပ်ပါတယ်..။ ကျွန်တော့်ဘလော့ အပေါ်က Menu မှာ Register ဆိုတာလုပ်ပေးထားပါတယ်..။ အဲ့ဒီ့မှာ Register လေးလုပ်လိုက်ရုံနဲ့ ကျွန်တော့်ဒီဘလော့မှာ ပို့စ်တင်တိုင်း Email နဲ့ ပို့စ်တွေပို့ပေးမှာဖြစ်ပါတယ်။ Blog Loading လုပ်တာကို စောင့်ရသည့်အချိန်များ၊ Ban ထားသည်များကို အဆင့်ဆင့်ကျော်ခွရသည့် အနေ အထားများ…။ အိုးမဲသုတ်ထားသော ဘလော့ကို အာရုံစိုက်ပြီး ဖတ်ရသော ဒုက္ခ…။ ပုရွတ်ဆိတ်နှင့် သူမသာ ကိုယ်အသုဘ  အရွယ်လောက်ရှိသော  Font ပိစိညောက်တောက်များကို ဖတ်ရခြင်း ဒုက္ခများမှ ကင်းဝေးသွားမည်ဖြစ်ပြီး ဇိမ်ရှိရှိ မိမိ Email ထဲမှ ထိုင်ဖတ်နိုင်မည်ဖြစ်ကြောင်းပါ…။

သို့ကလိုသော အကြောင်းအရာကြောင့် ဘလော့သို့လာမည့် Visitor ဦးရေနှင့် အားဆေးများဖြစ်သော Comment အရေအတွက်များ ကျဆင်း ခြင်းအစရှိသည့် Blog ဈေးကွက် ပျက်စီးသွားနိုင် သော်လည်း စာဖတ်သူများ အားလုံးအဆင်ပြေပါကမူ ကျွန်ုပ် မဟူရာမဲမှောင်မှောင်နက်မှ အထူး ၀မ်းသာမည်ဖြစ်ပါကြောင်း…။

P.S- အတည်ပေါခြင်းဖြစ်ပါသည်။