ဒုတိယကမ္ဘာ (သို့မဟုတ်) …
သက္ကရာဇ်အားဖြင့် AD 3000 ဘက်သို့ ချဉ်းနှင်း ၀င်ရောက်ခဲ့ပြီ ဖြစ်ပါတယ်…။
ကမ္ဘာ၏ ဗဟိုလည်မှတ်မှု စနစ်များ တိမ်းစောင်း လွဲမှားစပြုလာခြင်းမှအစ…။ သတ္တ၀ါ (အဓိက လူ) တို့၏ ခံယူချက်နှင့် အတွေးအခေါ်များ တရှိန်ထိုး ပြောင်းလဲလာခဲ့သည့်နောက် ကမ္ဘာတစ်ဝှမ်းတွင် ကြောက်မယ်ဖွယ်ရာ တော်လှန်ရေးကြီးတစ်ခု ပေါ်ပေါက်လာခဲ့လေတော့သည်။
(မှတ်ချက်။ ။ အက်ဆေး နောက်ပိုင်းတွင် သတ္တ၀ါ ဆိုသောဝေါဟာရအစား လူ ဆိုသော ဝေါဟာရ ဖြင့်သာ ဆက်လက်ရေး သားသွားမည်ဖြစ်ပါသည်။ အကြောင်းမှာ ဤအက်ဆေးသည် လူ များကိုသာ ရည်ရွယ်ကာ ရေးသား ထားသောကြောင့် ဖြစ်ပါတယ်..။)
ထိုတော်လှန်ရေးကို ကမ္ဘာတစ်ဝှမ်းမှ “ဒုတိယကမ္ဘာတော်လှန်ရေး (သို့) သက်ရှိဝါဒ တော်လှန်ရေး” လို့ ခေါ်ဆို အသိအမှတ်ပြုခဲ့ကြပါတယ်…။
တော်လှန်ရေးပေါ်ပေါက်လာရခြင်း၏ အဓိကဇစ်မြစ်မှာ အကြောင်းအရာမှာ လူသားတို့၏ စကားလုံးနှင့် ဝေါဟာရများကို ဖောင်းပွစွာတီထွင်ခဲ့ကြ ခြင်း၊ သုံးစွဲ (သို့) သတ်မှတ်ခဲ့ကြခြင်းတို့ကြောင့် စတင်ခဲ့ပါတယ်..။ လွန်ခဲ့သော နှစ်ထောင်ပေါင်းများစွာမှ စစ်ပွဲများနှင့် တော်လှန်ရေးသမိုင်းများ ကို ပြန်လည် သုံးသပ်ကြမည်ဆိုပါက လူသားအချင်းချင်း ဖြစ်ပွားခဲ့သော စစ်ပွဲများ၊ တော်လှန်ရေးများသာ ဖြစ်ပေါ်ခဲ့ကြပါတယ်…။
ထိုအချိန်က ပေါ်ပေါက်ခဲ့ဖူးသော စာရေးဆရာများ၊ သိပံ္ပပညာရှင်များက လက်ရှိကျွန်တော်တို့ ရောက်ရှိနေသော သက္ကရာဇ်တွင် ဖြစ်ပေါ်လာနိုင်သော စစ်ပွဲများ၊ တော်လှန်ရေးများမှာ လူသားနှင့် အခြားကမ္ဘာမှ အန္တာရယ်များ၊ လူသားနှင့် စက်ယန္တာယားတို့၏ စစ်ပွဲများပင် ဖြစ်ပေါ်လာလိ့မ်မည်ဟု ကြိုတင်ခန့်မှန့်သုံးသပ်ခဲ့ကြပါတယ်..။ သို့သော် ထိုဟောကိန်းများသည် တစ်ကယ်တမ်းတွက် လုံးဝ မှားယွင်းခဲ့ပြီ ဖြစ်ပါတယ်..။ ထိုကဲ့သို့ မှားယွင်း သော ဟောကိန်းများ ထုတ်ခဲ့ရခြင်းအကြောင်းအရင်းမှာ ၎င်းတို့အနေဖြင့် လူသားတို့နှင့် အနီးကပ်ဆုံးတွင် ထာဝရတည်ရှိခဲ့သော သက်မဲ့အရာဝတ္ထု များအပေါ် မေ့လျော့နေခဲ့ ခြင်းကြောင့်ပင် ဖြစ်ပါတော့သည်…။
ရှေးဟောင်းအတွေးအခေါ် (လွန်ခဲ့သော နှစ်ပေါင်းထောင်ကျော်) များအရ သက်ရှိနှင့် သက်မဲ့များ၏ ကွဲပြားခြားနားမှုအပေါ် အမျိုးမျိုးခွဲခြား သတ်မှတ်ခဲ့ကြပါတယ်…။ သက်ရှိမှန်လျှင် အသက်ရှူရမည်။ သက်ရှိမှန်လျှင် ခံစားချက်ရှိရမည်။ သက်ရှိမှန်လျှင် အသိဥာဏ်ရှိရမည်။ စသည်ဖြင့် သတ်မှတ်ခဲ့ကြ ပါတယ်…။ ၎င်းတို့ ထိုကဲ့သို့ ခြေအငြိမ်မနေ လက်အငြိမ်မနေ ဝေါဟာရများနှင့် အဓိပ္ပါယ်သတ်မှတ် ချက်များကို ချခြင်တိုင်းချ၊ ထုတ်ခြင်တိုင်း ထုတ်ခဲ့ခြင်းများ၏ ရလာဒ်များအနေဖြင့် လက်ရှိ ကျွန်တော်တို့ ခေတ်မှ လူသားများ ယခုအခါ အလူးအလဲ ခံနေကြရပြီ ဖြစ်ပါတယ်..။
၂၉ ရာစုနှစ်မတိုင်မှီ အထိတည်ရှိခဲ့သော ထိုရှေးဟောင်းအတွေးအခေါ်ပညာရှင်များနှင့် အတွေးချော် ပညာရှင်များသည် ထိုကဲ့သို့မှားယွင်းသော အဓိပ္ပါယ်သတ်မှတ်ချက်များ၊ ဟောကိန်းများကို ထုတ်ခဲ့ရုံသာမက လက်ရှိ ကျွန်တော်တို့ရင်ဆိုင်နေရသော “ဒုတိယကမ္ဘာတော်လှန်ရေး” ဖြစ်ပေါ်လာဖို့အတွက် အဓိက အစပျိုး မျိုးစေ့ချပေးခဲ့ကြသော သမိုင်းတရားခံများလည်း ဖြစ်ပါတယ်…။
အကြောင်းမှာ ၎င်းတို့သည် ထိုကဲ့သို့ မည်သည့်အရာများသည် သက်ရှိများဖြစ်သည်။ မည်သည့်အရာများသည် သတ်မဲ့များ ဖြစ်သည်ဟု ပညာရှင် များပီပီ ပြီးပြီးရော သတ်မှတ်ခဲ့ကြပြီးသည့်နောက်တွင်….။ ထိုသူတို့မှပင် တစ်ဖန် သက်မဲ့များသည် အသက်ရှူကြကြောင်း….။ သက်မဲ့များတွင် ခံစားချက်များရှိကြောင်း..။ သက်မဲ့ များတွင် အသိဥာဏ်များရှိကြောင်း စတင်ဖော်ထုတ်ကာ ပြသနာအား မီးစမွှေးခဲ့ကြခြင်း ဖြစ်ပါတယ်….။
ထိုရလဒ်များအဖြစ်…
နေရာမှာ တစ်ကမ္ဘာလုံးဆိုင်ရာ သက်ရှိသက်မဲ့ တန်းတူညီမျှ အခွင့်အရေးရရှိရေး ဌာနကြီးရဲ့ အစည်းအဝေး ခန်းမအတွင်း ဖြစ်ပါတယ်…။ ခန်းမရဲ့ ဖွဲ့စည်းပုံမှာ ထိပ်ဆုံးနေရာတွင် သက်ဆိုင်ရာအဖွဲ့အစည်းများ၏ အကြီးအကဲ များထိုင်ရန်သတ်မှတ်ပေးထားသော စင်မြင့်နှင့် မိန့်ခွန်းပြောစင် ရှိပါတယ်..။ ကျန်တဲ့ ခန်းမတစ်ခုလုံးမှာ ရှိသည့် ခုံများကိုတော့ Column သုံးခု ပိုင်းခြားသတ်မှတ်ထားပါတယ်..။ လက်ဝဲဘက်အစွန်ဆုံးတွင် လူမဟုတ်သော သက်ရှိများ၏ ကိုယ်စားလှယ်များက နေရာယူကြပါတယ်..။ အလယ် Column တွင် လူသားများ၏ ကိုယ်စားလှယ်များမှ နေရာယူ ကြကာ။ လက်ယာအစွန်ဆုံးတွင်တော့ ယခင် သက်မဲ့များအဖြစ် သတ်မှတ်ခံခဲ့ရသော သက်မဲ့များ (၀ါ) သက်ရှိများ စာရင်းတွင် အကြုံးဝင်ဖို့အတွက် ကြိုးစားနေသော သက်မဲ့များမှ ရွေးချယ်စေလွှတ်လိုက်သော ကိုယ်စားလှယ်အဖွဲ့များက နေရာယူထားကြပါသည်။ (လွန်ခဲ့သော နှစ်ပေါင်း တစ်ထောင်ခန့်က ပေါ်ပေါက်ခဲ့ဖူးသော ကမ္ဘာ့ကုလသမဂ္ဂအဖွဲ့အစည်း၏ အစည်းအဝေးခန်းမကို မျက်လုံးထဲ မြင်ကြည့်နိုင်ပါတယ်)
အစည်းအဝေးခန်းတစ်ခုလုံးကို အကြမ်းဖျဉ်းခွဲခြားကြည့်လိုက်ပါက…။ လောကတွင် (လူမပါ) သက်ရှိများ၊ သက်မဲ့များ များစွာရှိသည့်အနက်…။ ကျန်သော အဖွဲ့များမှ ကိုယ်စားလှယ်များမှာ ရာခိုင်နှုန်း ၆၆.၆၆ သာ အစည်း အဝေးတက်ရောက်ခွင့်ရရှိကာ လူလည် (အလယ် Column မှာထိုင်သောကြောင့် လူလည် လို့ခေါ်ခြင်း ဖြစ်ပါသည်။ “လူလယ်” နှင့် မမှားကြပါကုန်…။) များမှာမူ တစ်ကမ္ဘာလုံးရှိ သက်ရှိ၊ သက်မဲ့များအားလုံး၏ ၃၃.၃၃ ရာခိုင်နှုန်း စာ တက်ရောက်ခွင့်ရရှိနေခြင်းမှာမူ…။
ရေစီးကြောင်းများ တိမ်းစောင်းခြင်း (၂)
ဟိုတစ်နေ့က Living Together များအကြောင်းဆက်မပြောခင် အဲ့ဒီ့ပို့စ်မှာရခဲ့တဲ့ ကိုလောရှည်ရဲ့ ကော်မန့်လေးအပေါ် ကျွန်တော် အနဲငယ် ရှင်းပြချင်ပါတယ်…။ သူက ထောက်ပြသွားတဲ့အချက်ဟာ တစ်ကယ်ဆို ကျွန်တော် အခု ဒီအပိုင်း (၂) ထဲမှာရေးပြီးသားဆိုပေမယ့်…။ သူပြောတဲ့အချိန် တုန်းက အပိုင်း (၁) မှာ မပါတဲ့ အတွက် ဒါကို သူက စေတနာနဲ့ထောက်ပြသွားတယ်လို့ ကျွန်တော်မြင်ပါတယ်..။ ဆောင်းပါးမဆုံးခင် ဆန္ဒစောပြီး ထောက်ပြသွားတာ ဖြစ်တဲ့အတွက် စေတနာ အမှားတစ်ခုလို့ပဲ ကျွန်တော် ခံယူပါတယ်..။ အခုလို ထောက်ပြတဲ့ အတွက်လည်း ကျေးဇူးတင်ပါတယ်။ ကို လောရှည်ထောက်ပြသွားတဲ့ အကြောင်းအရာဟာ အခု အပိုင်း (၂) မှာပါဝင်မှာ ဖြစ်ပါတယ်..။ ဒါဟာလည်း သူထောက်မပြခင် ကျွန်တော် အကြမ်း ရေးထားတဲ့ အချိန်ကတည်းက ပါဝင်ပြီး ဖြစ်ကြောင်းကို ဒီပို့စ်မတင်ခင် ပို့စ် အကြမ်းဖတ်လိုက်ရတဲ့သူတွေ သိကြမယ်လို့ မျှော်လင့်ပါတယ်..။
အခု ကျွန်တော်တို့ မနေ့က အကြောင်းလေး ဆက်ပြောကြရအောင်..။
လက်ရှိ ကျွန်တော်တို့လူမျိုးများကျင့်သုံးနေတဲ့ Living Together ဆိုတာ တကယ့် Living Together မဖြစ်သေးပါဘူး..။ ဘောလုံးစကားနဲ့ ပြောရရင်တော့ Pro မရောက်သေးပဲ ..။ Semi Pro အဆင့် (ဒါတောင် နဲနဲမြင့်နေမလား မသိဘူး။ Beginner ပြောရမလား Rookie ပြောရမလားပဲ ) လောက်ပဲ ရှိနေပါသေးတယ်။ တစ်ကယ်တမ်းပြောရရင် Living Together အဆင့်မရောက်သေးပဲ Sleeping Together အဆင့်ပဲ ရှိသေးတယ်လို့ ဆိုရပါလိ့မ်မယ်..။
ဒီ အကျင့်စရိုက်ဟာ တစ်ကမ္ဘာလုံးမှာ ပျံ့နှံ့ခဲ့တာ ကြာပြီဆိုပေမယ့် ကျွန်တော်တို့ လူမျိုးတွေဆီကို (သိသိသာသာ) ကြီးကူးစက်လာတာဟာ ၂၀၀၀ ခုနှစ် နောက်ပိုင်းမှာ ပိုများလာတယ်လို့ ကျွန်တော်ထင်ပါတယ်။ ဒီမှာ အခြေအနေ ၂ ရပ်ရှိပါတယ်..။ အဲ့ဒါကတော့ ပြည်တွင်းနေ လူငယ်ထုနဲ့ ပြည်ပနေ လူငယ်ထုပဲ ဖြစ်ပါတယ်..။ ပြည်တွင်းနေလူငယ်ထုထက် ပြည်ပနေ လူငယ်ထုက ပိုမိုပြီးတော့ လွတ်လပ်မှု၊ အမြင်ကျယ်မှုရှိတဲ့ အတွက် သူတို့မှာ ဒီအခြေအနေမျိုးရှိနေတဲ့သူတွေ ပိုများပါတယ်။ အမြင်ကျယ်မှုဆိုတဲ့နေရာမှာ ကောင်းတဲ့ အမြင်ကျယ်မှုနဲ့ ဆိုးတဲ့ အမြင်ကျယ်မှု နှစ်ခု ထပ်ဖြစ်လာပါတယ်..။
ကောင်းတဲ့အမြင်ကျယ်မှုကတော့ ဒီလို Sleeping Together ရာမှာ မလိုလားအပ်တဲ့ ပြသနာတွေ ဖြစ်မလာဖို့ တားဆီးတဲ့ နည်းလမ်းတွေ၊ ကာကွယ်တဲ့ နည်းလမ်းတွေကို ပိုမိုသိရှိခြင်း၊ ထိုကဲ့သို့ ကာကွယ်ပို့ ရုပ်ပိုင်းဆိုင်ရာ၊ ပတ်ဝန်းကျင်ပိုင်းဆိုင်ရာ အထောက် အပံ့နဲ့ ဖန်တီးပေးနိုင်မှု အခြေအနေတွေ ပိုမိုရရှိခြင်းကြောင့် များသောအားဖြင့် ပြည်တွင်းမှာထက် ပိုမို ကာကွယ်နိုင်ကြပါတယ်…။ ပြည်တွင်းမှာတော့ ထိုကဲ့သို့သော အခြေ အနေများ မပေးတာကြောင့် ပြည်ပနေ လူ့အဖွဲ့အစည်းလောက် လျှင်မြန်တွင်ကျယ်စွာ ပြန့်ပွားလာခြင်း မရှိတာကို ကျွန်တော် သတိထားမိပါတယ်..။
ဆိုးတဲ့အချက်ကတော့..။ ထိုကဲ့သို့ ပြည်တွင်းမှာက ပတ်ဝန်းကျင်ရဲ့ အရှိန်၊ လူတွေရဲ့ ပါးစပ်၊ ဘာသာတရားရဲ့ အထိမ်းအကွပ်တွေကြောင့် တားဆီးခြင်း သို့မဟုတ် ကာကွယ်ဟန့်တားခြင်းများ ပြုလုပ်ရာမှာ ပြည်ပမှာထက် အခြေအနေပေးမှု သိသာစွာ နဲပါးပါတယ်..။ ဒီအတွက် တကယ် တမ်း ပြဿနာ ဖြစ်လာတဲ့အခါမှာ ကာယကံရှင်များရော၊ မိဘအသိုင်းအ၀ိုင်းရော များစွာ စိတ်ထိခိုက် ကြရပြီး ပြဿနာဟာ ဖြစ်သင့်တာထက် ပိုမိုကြီးထွားလာ ပါတော့တယ်..။ ဘာမှမဖြစ်ရင် ဘာမှ မဖြစ်ဘူးဆိုတဲ့အတိုင်း..။ မဖြစ်တာ အကောင်းဆုံးဆိုပေမယ့်..။ မလွှဲသာမရှောင်သာဖြစ် လာတဲ့အခါမှာ အချိန်မှီ တားဆီးနိုင်ခြင်းဟာ ပြသနာအဆုံးစွန်ဆုံး ရောက်သွားတာထက်တော့ သက်သာရာရမှာပဲ ဖြစ်ပါတယ်..။ ပြည်ပ အနေအထားရဲ့ ဆိုးကျိုးကတော့ အပေါ်မှာ ကျွန်တော်ရေးခဲ့သလိုပဲ လွတ်လပ်မှု၊ အခွင့်အရေးပေးမှုတွေကြောင့် ဒီလို Sleeping Together ခြင်း အနေအထားတွေဟာ ပိုမိုလျှင်မြန်စွာ ပြန့်ပွား လာတာကို တွေ့နိုင်ပါတယ်..။
ဟုတ်ပြီ..။ ဒါဆို မေးလာပြီ…။ ဒါဆို..။ “Living Together က လုံးဝတားဆီးသင့်တဲ့အရာလား..? မလိုလားအပ်တဲ့ အရာလား? မရှိသင့်တဲ့ အရာလား..?” ဒီလိုမေးလာရင် အဖြေရတော်တော်ကြပ်ပါတယ်..။ ဒါပေမယ့် ကျွန်တော် နားလည်သလောက် ကြိုးစား ဖြေကြည့်ပါ့မယ်..။
ကျွန်တော်တို့ လူမျိုးတွေအနေနဲ့ ဘာသာတရား နဲ့ ယဉ်ကျေးမှုဆိုတဲ့ စကားလုံး နှစ်လုံးကို လိုတဲ့နေရာမှာပဲ ဖြစ်ဖြစ် မလိုတဲ့နေရာမှာပဲ ဖြစ်ဖြစ် ပါးစပ်ဖျားကမချပဲ ကိုင်ကိုင်ပေါက်တတ်ကြတဲ့ အကျင့်ဆိုးကြီးတစ်ခုကို မဖြစ်မနေ အရင်ဦးဆုံး ပြင်သင့်ပါတယ်..။ ဘာကြောင့်လဲ ဆိုတော့ ကျွန်တော် ဥပမာ နှစ်ခုပေးပါမယ်…။ ခေတ်ဟောင်းက ဥပမာတစ်ခုနဲ့ ခေတ်သစ် ဥပမာတစ်ခုပါ..။
ကနောင်မင်းသားကြီးတုန်းက ရေမြှုပ်ဗုံး စမ်းသပ်ဖောက်ခွဲတဲ့အချိန်မှာ မင်းတုန်းမင်း ဆွမ်းကပ်နေတဲ့ ရဟန်းတ်ာများက သတ္တ၀ါများ သေကြေ စေတဲ့ လက်နက်များ ထုတ်လုပ်တာကို လက်မခံနိုင်တဲ့အတွက် ဆွမ်းစားတာကို ရပ်ပြစ်ပြီး ဆန္ဒပြလို့..။ မင်းတုန်းမင်း အမိန့်နဲ့ ကနောင်မင်းသားကြီးလဲ ဆက်မလုပ်ရတော့ပါဘူး..။ ဒီတော့ ဘာဖြစ်လဲ..? ခေတ်မှီတဲ့ လက်နက်ကို မထုတ်လုပ်နိုင်ခဲ့ခြင်းဟာ ကျွန်တော်တို့လူမျိုး သူများကျွံဘ၀ ရောက်ဖို့ အတွက် တစ်ထောင့်တစ်နေရာကနေ အမဲစက်တစ်ခုဖြစ် အတိအကျ ပါဝင်ခဲ့ရပါတယ်…။ ဒါဟာ ဘာသာရေးနဲ့ ခေတ်ကို ရောထွေး ယှက်တင် ပြုလုပ်ခဲ့လို့ ဖြစ်ပါတယ်..။ နောက်တစ်ခု…
ရေစီးကြောင်းများ တိမ်းစောင်းခြင်း (၁)
အမှာ…
အခု ကျွန်တော်ရေးမယ့် အကြောင်းအရာများဟာ လူငယ်များကို ကျွန်တော်သိစေခြင်တာ မြင်စေခြင် တာများ ဖြစ်သလို…။ လူငယ်ထဲက လူငယ်တစ်ယောက်ဖြစ်တဲ့ ကျွန်တော့်ကို ကျွန်တော်လည်း သတိပေးတဲ့ သဘောများပါဝင်ပါတယ်…။ ဘိန်းစားခြင်းအတူတူ တလုံးပိုရှူတယ်ထင် ရင်လည်း ကျွန်တော် ဘာမှမပြောလိုပါဘူး…။
ခေတ်တွေ၊ ယဉ်ကျေးမှုတွေနဲ့ ပတ်သတ်ပြီးရေးရမှာ ဖြစ်တဲ့အတွက် ကျွန်တော့်အတွက် တာဝန်ကြီး တာတော့အမှန်ပါပဲ..။ ဒါပေမယ့် ကျွန်တော် ရေးသမျှ အကြောင်းအရာ အားလုံးကို ကျွန်တော် တာဝန် အပြည့်အ၀ ယူပါတယ်..။ အခုလို အခြေအနေမျိုးမှာ ခေတ်တွေ ယဉ်ကျေးမှုတွေအကြောင်း ဆောင်းပါးတွေ၊ ဝေဖန်ရေးတွေ များစွာရေးသားနေကြတာကို ကျွန်တော် မြင်ခဲ့ဖူး၊ တွေ့ခဲ့ဖူးပေမယ့်..။ သူတို့ ပြောဆို ရေးသားနေတာတွေဟာ ခုတ်ရာတစ်ခြား ရှရာတစ်ခြားဖြစ်နေတယ်လို့ ကျွန်တော့် (ကိုယ်ပိုင်) အမြင်နဲ့ ယုံကြည်ပါတယ်…။
ဒါကြောင့် အတတ်နိုင်ဆုံး လူငယ်တွေရဲ့ ရင်ဘတ်ထဲကို တိုက်ရိုက်ထိနိုင်အောင် ကြိုးစားပြီး ဒီဆောင်းပါးရှည်ကို ကျွန်တော်ရေးဖို့ ဆုံးဖြတ်ခဲ့ခြင်းဖြစ်ပါတယ်…။ ကျွန်တော်လည်း နောက် ၅ လ၊ ၆ လ နေရင် ပညာသင် ခရီးစဉ် ပြီးဆုံးလို့ ရွှေပြည်တော်ကို ပြန်တဲ့အခါ ဟိုမှာက ဆက်ရေးဖြစ်ဖို့ မရေး ဖြစ်ဖို့က မသေချာလေတော့..။ ကျွန်တော် မပြန်ခင်လေး ဒီ Blog ကို စလုပ်ကတည်းက ရေးခြင်ခဲ့တာ..။ ပြောခြင်ခဲ့တာတွေကို မကျန်ခဲ့ရလေအောင်…။ ရေးသားလိုက်ရခြင်းဖြစ်ပါတယ်…။
ဒီဆောင်းပါးဟာ အခန်းဆက် ဆောင်းပါးရှည် ဖြစ်ပါလိ့မ်မယ်..။ ကျွန်တော် အဓိက ဆွေးနွေးသွားမယ့် အကြောင်းအရာတွေက လူငယ်နဲ့ ၀တ်စား ဆင်ယင်မှု၊ လူငယ်များနဲ့ လူနေမှု (သမီးရည်းစား ဆက်ဆံရေးများ အပါအ၀င်) ၊ လူငယ်နှင့် ပညာရေးတို့ ပါဝင်ပါလိ့မ်မယ်..။ ဒါတွေက ကျွန်တော် လောလောဆယ် စဉ်းစားမိထားတာတွေပါ..။ ထပ်ပေါ်လာရင် ထပ်ဖြည့်ရေးပါမယ်..။ ရေးချင်စိတ်ပျက် သွားရင် ဆက်ရေးမှာ မဟုတ်ပါဘူး…။
ဆောင်းပါးပါ အကြောင်းအရာများ၊ စကားလုံးများ၊ အသုံးအနှုံးများနဲ့ အချက်အလက်များဟာ တိုက်ရိုက်ရေးသားထားသော စကားလုံးများ ဖြစ်သောကြောင့် အနဲငယ် ကြမ်းတမ်းသော အသုံးအနှုန်းများ ပါဝင်မည်ဖြစ်ကြောင်း ကြိုက်တင် သတိပေးလိုပါတယ်…။
နိဒါန်း
ခေတ်…..။ ခေတ်မှီတယ်…။ ခင်ဗျားတို့လည်း ခေတ်မှီချင်ကြတယ်..။ ကျွန်တော်လည်း ခေတ်မှီချင်တယ်…။ အားလုံးခေတ်မှီချင်ကြတယ်….။ ဒါပေမယ့်….။
ခေတ်မှီတယ်ဆိုတာဘာလဲ….? ဘယ်လိုနေထိုင်မှ ခေတ်မှီမှာလဲ…? ဘယ်လိုပြောဆိုမှ ခေတ်မှီမှာလဲ? ဘယ်လို ၀တ်စားဆင်ယင်မှ ခေတ်မှီမှာလဲ….? ဘယ်လိုတွေ လုပ်ကိုင် ဖန်တီးပြနေမှ ခေတ်မှီမှာလဲ..? ကဲ….။ ကျွန်တော်တို့ ဘယ်လို သတ်မှတ်ကြမလဲ…?
ခေတ် ဆိုတာ ကာလ ပါ။ ခေတ်မှီတယ်ဆိုတော့ ကာလကို အမှီသဟဲ ပြုတယ်…။ ထင်ဟပ်စေတယ် လို့ ဆိုနိုင်ပါတယ်..။ လွယ်လွယ်ပြောာရရင်တော့ ခေတ်(ကာလ) နှင့်အညီ လိုက်လျောညီထွေစွာ နေထိုင် နိုင်ခြင်း၊ သို့မဟုတ် …။ နေထိုင်နိုင်မှုလို့ပဲ ခပ်ပါးပါး သတ်မှတ်လိုက်ကြရအောင်ဗျာ…။
ခေတ်မှီတယ်ဆိုတဲ့ စကားလုံးနဲ့ မတိမ်းမယိမ်း…။ တစ်ကယ်ဆို ဖွားတော်ဘက်လို့တောင် ပြောလို့ရပါတယ်…။ ပေါ်ပေါက်လာတဲ့ စကားလုံးတစ် လုံးကတော့ သရုပ်ပျက်ခြင်းပါပဲ….။ သရုပ်ပျက်ခြင်းဆိုတာ ဘာလဲ…? ဘယ်လိုအရာများ ပြုမူဆောင်ရွက်၊ ပြောဆိုနေထိုင်ခြင်းကို ခေတ်မှီတယ်လို့ ခေါ်ပြီး တော့…။ မည်သည့်အရာများ ပြုမူဆောင်ရွက်၊ ပြောဆိုနေထိုင်ခြင်းကို သရုပ်ပျက်တယ်လို့ ကျွန်တော် တို့ ခေါ်ဆို သတ်မှတ်ကြပါမလဲ…?
ခေတ်အကြောင်းပြောကြမယ်ဆိုရင်တော့…။ ကျွန်တော်တို့ ယဉ်ကျေးမှုဆိုတဲ့ စကားလုံး ဝေါဟာရ တစ်ခုကို ချန်လှပ်ထားလို့ ရမယ်မထင်ပါဘူး…။ ကမ္ဘာပေါ်မှာရှိတဲ့ နိုင်ငံတိုင်း၊ လူမျိုးတိုင်းရဲ့ လက်ရှိ ရောက်ရှိနေတဲ့ ခေတ် (ကာလ) ဟာ သူတို့ ဖြတ်သန်းကျင်လည်ခဲ့တဲ့ ယဉ်ကျေးမှု သမိုင်း ကြောင်း၊ ယုံကြည်မှုနဲ့ နေသားကျမှု များအပေါ်မှာ တိုက်ရိုက်မူတည်နေတတ်ကြပါတယ်…။
ယဉ်ကျေးမှုသည် ကူးစက်မြန်သော ရောဂါပိုးမွှားတစ်ခုဆိုပါက…။ စတင်ကူးစက်သော နေရာဒေသနှင့် အကူးစက်ခံရသော နေရာဒေသ လူမျိုးတို့သည် ဖြတ်သန်းစီးဆင်းလာကြသော သမိုင်းကြောင်းနှင့် နောက်ခံအခြေအနေခြင်း မတိမ်းမယိမ်းဖြစ်နေပါက ဘာမှ ပြသနာမရှိနိုင် သော်လည်း..။ ယဉ်ကျေးမှု၊ ယုံကြည်မှု၊ သမိုင်းကြောင်း စသည်ဖြင့် အစစအရာရာ ကွဲပြားခြားနားသော နေရာတစ်ခု (သို့) နိုင်ငံ တစ်ခု စတင် ကူးစက်ပျံ့နှံ့သော အခါတွင်မူ….။
ယဉ်ကျေးမှုတစ်ခုကို လက်ခံ ကျင့်သုံးနိုင်ဖို့…။ ထိုလက်ခံကျင့်သုံးမည့် နေရာဒေသနှင့် လူမှုပတ်ဝန်း ကျင်သည် ထိုယဉ်ကျေးမှု၏ ဒဏ်ကို လက်ခံနိုင်သော အနေအထားနှင့် မိမိယဉ်ကျေးမှုနှင့် လိုက်ဖက်ညီထွေစွာ အသွင်ပြောင်းလဲနိုင်မှုအင်အား ရှိရပါမယ်..။ ထိုကဲ့သို့ လိုက်ဖက်ညီ ထွေစွာ အသွင်မပြာင်းလဲနိုင်သည့် အခါတွင်…။ လူမျိုးစုတစ်ခု…။ သို့…။ နိုင်ငံတစ်ခု၏ ယဉ်ကျေးမှုဟာ စတင် အတိုက်စားခံရပါတော့တယ်…။
လောကအလှ Online Magazine နှင့်တွေ့ဆုံခြင်း
ကျွန်တော် လွန်ခဲ့တဲ့ တစ်လခန့် (၀၉.၀၉.၀၉) ရက်နေ့က ကျွန်တော့် Blog ရေးသားတာ (၂) နှစ်ပြည့်ခဲ့ပါတယ်..။ အဲ့ဒီ့နေ့မှာပဲ မှတ်မှတ်ရရ လောကအလှ Online Magazine မှ ကျွန်တော် Blog ရေးခြင်းနဲ့ ပတ်သတ်တဲ့ ကျွန်တော့်ရဲ့ သဘောထားလေးတွေ၊ အမြင်လေးတွေ၊ အနေအထားလေးတွေကို မေးမြန်းခဲ့ပါတယ်။ အဲ့ဒီ့ မေးမြန်းမှုလေးတွေနဲ့ ကျွန်တော် ဖြေကြားခဲ့တာလေးတွေကို အမှတ်တရအနေနဲ့ အခုဒီမှာ ပြန်လည်ဖော်ပြလိုက်ပါတယ်..။ မူလနေရာမှာ ဖတ်ချင်တယ်ဆိုရင်တော့ လောကအလှ Online Magazine စာမျက်နှာမှာ သွားရောက် ဖတ်ရှုနိုင် ပါတယ်..။
သီတင်းကျွတ်အမှတ်တရပေါ့ဗျာ..။ 
***************************************************************************************
ဘယ်အချိန်က စလို့ ဘလော့ဂ်ရေးတာပါလဲ။
ကျွန်တော် ၂၀၀၇ ခုနှစ် စက်တင်ဘာလ ၉ ရက်နေ့က စပြီး Blogspot မှာ http://blackdream21.blogspot.com ဆိုတဲ့ နာမည်နဲ့ စရေးခဲ့ပါ တယ်။ ၆လခန့်ကြာတဲ့အခါမှာ www.blackdream21.com ကိုပြောင်းလဲအသုံးပြုခဲ့ပါတယ်။၂၀၀၈ ခုနှစ် စက်တင်ဘာမှာ Blogspot အစား WordPress ကို စတင် အသုံးပြုခဲ့ပါတယ်။ အခုအချိန် ထိပါပဲ။
ပြည်ပကိုရောက်တာ ကြာပါပြီလား။
ကျွန်တော့် Blog စရေးတဲ့နေ့က ကျွန်တော် ပြည်ပကို ရောက်တဲ့တစ်နှစ် ပြည့်တဲ့ နေ့ပါ။ အခု ကျွန်တော့် Blog သက်တမ်းက နှစ်နှစ်ဆိုတော့ ကျွန်တော် ဒီရောက်တာ ၃ နှစ်ပြည့်ခဲ့ပါပြီ။ အခုတော့ ကျော်သွားပြီပေါ့။
ပညာရေးက ဘာတွေလုပ်နေတာပါလဲ။
အခု ဒီမှာ အင်ဂျင်နီယာဘာသာရပ်နဲ့ ပတ်သတ်ပြီး ဘွဲ့လွန်သင်တန်း တက်နေပါတယ်…။
ပြည်ပမှာ နေထိုင် ပညာသင်ယူရတာ အခက်အခဲတွေ ရှိပါသလား။
ကိုယ့်ရေ ကိုယ့်မြေမှာလောက်တော့ ဘယ်မှာမှ လွယ်ကူအဆင်ပြေမယ်လို့ ကျွန်တော် မထင်ပါဘူး။ ရုပ်ပိုင်းဆိုင်ရာ တိုးတက်မှုတွေ အဆင်ပြေမှုတွေ
ရှိနိုင်ပါတယ်။ ဒါပေမယ့် လူတစ်ယောက်ဟာ ရုပ်ပိုင်းဆိုင်ရာ ပြည့်စုံရုံနဲ့ မပြီးနိုင်ပါဘူး။ စိတ်ပိုင်းဆိုင်ရာ နွေးထွေးမှုနဲ့ လုံခြုံမှုဟာလည်း အရေးကြီး တယ်လို့ ကျွန်တော်ထင်ပါတယ်။ နိုင်ငံတစ်ခုရဲ့ ယဉ်ကျေးမှု၊ ဓလေ့ထုံးစံကို နားလည်နိုင်မှုတွေကလည်း အရေးပါ ပါတယ်။
ဒါက အားလုံးအတွက် ခြုံငုံသုံးသပ်ကြည့်တာပါ။ ကျွန်တော်လက်ရှိ ပညာ သင်ကြားနေတဲ့နေရာမှတော့ အခြေအနေက နည်းနည်း ပိုရှုပ်ထွေး ပါတယ်။ နိုင်ငံတကာသုံး ဘာသာစကားကို အသုံးပြုရတာမဟုတ်ပဲ။ သူတို့ မိခင် ဘာသာစကားကိုသာ အသုံးပြုကြတာမို့ ပိုပြီး အခက်အခဲတွေ ရှိပါတယ်။
အားလပ်ချိန်မှာ ဘလော့ဂ်ရေးတယ်ဆိုပေမယ့် ဘလော့ဂ်ပို့စ်တွေ အတော်လေး စုံလင်လှပြီး စာဖတ်ပရိသတ်နဲ့လည်း အတော်လေး
ပျော်ပျော်ရွှင်ရွှင်ပြောဆိုထားတာ တွေ တွေ့ပါတယ်။ အချိန်ကို ဘယ်လို စီမံခန့်ခွဲပါသလဲ။
ကျွန်တော် အရင်က စာတော်တော်ဖတ်ဖြစ်ပါတယ်။ အဲ့ဒီ့မှာ ကိုယ်လည်း သူတို့လို ရေးကြည့်ချင်တဲ့ စိတ်တွေ ပေါ်လာပါတယ်။ ဒါနဲ့ပဲ ကိုယ့်ဘာသာ ကိုယ် စာအုပ်လေးတွေထဲမှာ ကဗျာတွေ ဘာတွေ ချရေးဖြစ်ခဲ့ပါတယ်။ ဒီလိုနဲ့ပဲ နောက်ပိုင်းမှာ Internet တွေ ဘာတွေပေါ်လာတော့ Planet Myanmar လိုနေရာ မျိုးမှာစပြီး ကဗျာတွေကို Internet ပေါ် စတင်ဖြစ်ခဲ့ပါတယ်။ ဒါပေမယ့် နောက်ပိုင်း အခြေအနေ အကြောင်းကြောင်း ကြောင့် ဆက်ပြီး မရေးဖြစ်တော့ပါဘူး။ ဒါနဲ့ ပြည်ပကိုရောက်လာတဲ့ အခါမှ ဒီစိတ်က တစ်ဖန် နိုးကြွလာပါတယ်။ အဲ့ဒီ့အချိန်မှာ ကျွန်တော့် သူငယ်ချင်း တစ်ယောက်ကနေ တဆင့် Blog ဆိုတဲ့ အရာနဲ့ စတင် ထိတွေ့ သိရှိ ခဲ့ပါတယ်။
အိပ်မက် လက်ဆောင်
နိဒါန်း
အဖေ…။ ညက…။ သား…။ အိပ်မက်တွေမက်တယ်…။ အိပ်မက်ထဲမှာ အရောင်တွေ မညီညာဘူး..။ ပညတ်တွေမညီညာဘူး..။ အသံတွေမညီညာဘူး။ ဘ၀တွေ မညီညာဘူး..။ အင်း…။ ရင်ခုန်သံတွေလည်း မညီညာဘူးပေါ့ အဖေရယ်…။
အိပ်မက် (၁)
အိပ်မက်ထဲမှာ…။ နံရံအချို့လည်း ပါတယ် အဖေ..။ ထူးခြားတာက အဲ့ဒီ့နံရံတွေမှာ “နား” မပါကြဖူးတဲ့လေ…။ ခပ်သဲ့သဲ့ ငိုရှိုက်သံအချို့ကြားမှာ အချို့ အချို့ရဲ့ ဘ၀တွေက ခါးလှပါတယ် အဖေရယ်..။ မေတ္တာမိုးခေါင်၊ သစ္စာရေရှား..။ ဒီသဘာဝတရား ကြီးက တစ်ခါတစ်လေ တစ်ကယ်ပဲ တရားရဲ့လား အဖေ…?
အိပ်မက်ထဲမှာ…။ လူအချို့…။ အစားတစ်လုပ်စာ လုံလောက်တဲ့ ငွေအသပြာရဖို့ သူတို့အစာအိမ်ကိုသူတို့ ဖြုတ် လျှော့ဈေးနဲ့ ထုတ်နေကြတယ်…။ စပါးလုံးတစ်ထောက်စာ အရေပြားတစ်ခု အ၀တ်အစားဝတ်နိုင်ဖို့ ကိုယ့်သားရေကို ကိုယ်လှီးထုတ် ပိတ်စတစ်အုပ်နဲ့ လဲနေကြတယ်…။ လူအချို့ရှင် သန်ဖို့…။ လူအချို့ ယဇ်စဉ် တက်နေရတယ်…။
မျှော်လင့်ခြင်းနဲ့ရက်တဲ့ ပန်းချီကားတစ်ချပ်…။ ရုတ်တရက်..။ စုတ်တစ်ချက်အမှားမှာ…။ စုတ်ပြတ်သတ်သွားတော့..။ စတေးလိုက်ရတာ ဘ၀တစ်ခု လုံးပေါ့ အဖေ..။ ရမ္မက်တွေကြား ရုန်းကန်လှုပ်ရှား…။ တစ်ခါတစ်လေများ..။ သားတို့မျှော်လင့်ချက်တွေကို အနားပေးဖို့တောင် မေ့ခဲ့ကြတာ ကြာပြီ ထင်ပါတယ် အဖေရယ်…။
အိပ်မက် (၂)
အိပ်မက်ထဲမှာ…။ မျက်မှန်တွေ အရမ်း ရောင်းကောင်းတယ် အဖေ…။ အဲ့ဒီ့မျက်မှန်က ဘယ်သူ့ကိုမဆိုကြည့် လိုက်တာနဲ့ အဲ့ဒီ့လူရဲ့ ကျောကုန်းမှာ လှေခါး ဘယ်နှစ်ထစ် ပါတယ်ဆိုတာ မြင်ရတယ်…။ အဲ့ဒီ့လူရဲ့ ဦးနှောက် ထဲမှာ ဓာတ်ဆီ ဘယ်နှစ်ဂါလံ ပါတယ်ဆိုမြင်ရတယ်…။ အင်း…။ အဲ့ဒီ့လူရဲ့ နှလုံးသားထဲမှာ အတ္တဘယ်နှစ်ပိသာ ပါတယ်ဆိုတာလည်း မြင်ရတယ် ဆိုပါတော့အဖေရယ်..။
အိပ်မက်ထဲမှာ….။ သားမျှားမိတဲ့ငါးက…။ အရိုးထွားတယ်…။ ချေးခါးတယ်…။ ဘေးတိုက်သွားတယ်…။ ရေခဲ ရိုက်ထားတယ်…။ ခြေထောက်များ တယ်..။ နောက်ပြီးတော့…။ အင်း…။ နားရွက်လည်း နဲနဲကားတယ် အဖေ…။ သူကပြောတယ်…။ ငါဟာ ရှားပါး “ငါး”…။ မင်း မမျှားလည်း..။ ငါ့ကို စားချင်တဲ့သူတွေ အများကြီးတဲ့…။ စုပ်လည်းဆူး..။ စားလည်းရူး…။ မထူးပါဘူးအဖေရယ်…။ သား…။ စည်သွပ်ဘူးထဲ ထည့်လိုက်တယ်….။
သန်းခေါင်ထက် ညဉ့်မနက်ဖူး ဆိုတဲ့စကား…။ မျက်မမြင်တစ်ယောက်ကြားရင်…။ ဟားပါလိ့မ်မယ် အဖေ…။ အလင်းနဲ့ အမှောင်ကြား…။ သူသိတဲ့ အမှန်တရားက…။ အရောင်တွေ သိပ်မများလှပါဘူး…။ မယုံတစ်ဝက် ယုံတစ်ဝက်နဲ့…။ အလင်းဆိုတာ အမှောင်ထက်မြတ်ကြောင်း…။ ဘယ် “တောင်” ကိုတက်ပြီး…။ သားသူ့ကို သက်သေထားရမလဲ အဖေ…?
အိပ်မက် (၃)
အိပ်မက်ထဲမှာ..။ သစ်ပင်တွေ တွေ့တယ်အဖေ..။ ဒါပေမယ့် အဲ့ဒီ့သစ်ပင်တွေက မြေပြင်မှာ အမြစ်မတွယ်ပဲ တိမ်တွေထဲမှာ အမြစ်တွယ်တယ်လေ..။ သူတို့က တိမ်ညွှန့်စားပြီး ဖွားကြတာတဲ့…။ ဘယ်လိုပဲ ဖြစ်ဖြစ် အချိန်တန်တော့လည်း ကမ္ဘာ့ဆွဲငင်အားက ဘယ်သူ့ကိုမှ လက်လီ၊လက္ကား ဈေးစ ကား မများခဲ့ဘူး မဟုတ်လားအဖေ…? သူတို့သစ်ရွက်တွေ ကြွေတော့လည်း ဒီမြေပြင်ပေါ်ပဲ သက်ဆင်းခဲ့ရတာပဲ မဟုတ်လား အဖေ?
အိပ်မက်ထဲမှာ…။ ဧရာဝတီဘက်က ပြန်လာတဲ့…။ လေပြေအချို့နဲ့လည်းတွေ့တယ် အဖေ…။ “ဒီကောင် လေပဲ ရှိတာပါကွာ..” လို့ ပြောတတ်တဲ့ လူတွေကို မကျေနပ်လို့..။ ထိတွေ့ကိုင်တွယ်ခြင်း၊ မျက်စိဖြင့် မြင်နိုင်ခြင်း မရှိနိုင်အောင်လောက်အောင် နူးညံ့ပေမယ့်..။ လေမှာလည်း သူ့အားနဲ့ သူရှိ ကြောင်းသက်သေပြပြီး ပြန်လာတယ်လို့တော့ ပြောသံကြားမိတယ်..။
တစ်ကယ်တော့ အိပ်မက်ဆိုတာ သားအတွက်တော့ တစ်ခါက ပြောဖူးသလို….။ ဘ၀တစ်လျှောက်လုံး နေ့စဉ်ရက်ဆက်မှန်မှန် စားသုံးခဲ့တဲ့ နံနက်စာ သက်သက်ပါပဲ အဖေရယ်…။
နိဂုံး
ဘာရယ်တော့ မဟုတ်ဖူးပေါ့အဖေရယ်..။ လောကမှာ အဖေလို့ ခေါ်နိုင်တဲ့ အခွင့်အရေးလေးရှိတုန်း…။ အဖေ့ မွေးနေ့မှာ..။ အမှတ်တရအနေနဲ့..။ မက်ဖူးတဲ့ အိပ်မက်လေးတွေအကြောင်း တိုင်တည် ရုံလောက်ပါ…။ သားလို တိုင်တည်ခွင့်မရတော့တဲ့ သူတွေရဲ့ ကိုယ်စားလည်း ပါတာပေါ့ အဖေ ရယ်…။
P.S- HAPPY BIRTHDAY DAD!!!