ပေတ ဒါန
ကြားဖူးသူများ ကြားဖူး ပါလိ့မ်မည်…။ သိပြီးသူများလည်း သိပြီး ဖြစ်ပါလိ့မ်မည်…။ သို့သော် မကြားဖူးသောသူများနှင့် မသိသေးသော သူများအတွက် ရည်ရွယ်ပါသည်။ ပေတ ဆိုသော ဝေါဟာရကို မသိနိုင်သောလည်း ဗုဒ္ဓဘာသာ လူမျိုးတိုင်း ဒါနကိုတော့ သိကြမှာပါ…။ အခု ကျွန်တော်ပြောမယ့် ပေတ ဒါန ဆိုတာ အမျိုးမျိုးသော အလှူတွေထဲကမှ တစ်ခုပါ…။ ဒါပေမယ့် ထူးခြားတယ်…။ စိတ်ဝင်စားဖို့ကောင်းတယ်…။ အကျိုးသက်ရောက်မှု ပြန်းထန်တယ်…။ ကုသိုလ်ရတယ် (အခြား အလှူမှာ ရတဲ့ ကုသိုလ်တွေနဲ့ မတူပါဘူး..။ ဘာလို့လဲဆိုတာ ဒီဆောင်းပါးပြီးသွားရင် သိပါလိမ့်မယ်…)
ပေတ ဒါနအကြောင်းကို ကျွန်တော် ပထမဆုံး ကြားဖူးတာကတော့ သွားလေသူ စာရေးဆရာ နီကိုရဲ ရဲ့ “နတ်ငယ်” ဆိုတဲ့ ၀တ္ထုထဲမှာပဲ ဖြစ်ပါတယ်..။ ၀တ္ထုရဲ့ ရည်ရွယ်ချက် က ပေတဒါန အကြောင်းကို လူတွေသိလာအောင်…။ လှူဒါန်းကြအောင် ရည်ရွယ်ထားပြီး…။ အရေးအသားကတော့ ဆရာ နီကိုရဲရဲ့ ပင်ကိုအတိုင်း ရယ်စရာ ဟာသ ၀တ္ထု လေးတစ်ခုဖြင့် ဖွဲ့စည်းထားပါသည်…။ ရေးသားပုံနှင့် ဇာတ်လမ်းဖွဲ့စည်းပုံမှာ တကယ်အနှစ်သာရရှိသော (အပေါစားမဆန်နသော) ဟာသမျိုး ဖြစ်နေပေမယ့်…။ အဓိက သူတင်ပြလိုတဲ့ အကြောင်းအရာကတော့ တကယ်ကို လေးနက် လှပါတယ်…။ (more…)
၉/ခ စံပယ်
ဇူလိုင်..။ သြဂုတ်..။ စက်တင်ဘာ..။ အောက်တိုဘာ..။ နိုဝင်ဘာ..။ ဒီဇင်ဘာ..။ ဇန်န၀ါရီ…။ ဖေဖော်ဝါရီ..။ မတ်…။ ဧပြီ…။ မေ…။
အချိန်တို့သည် ထင်တာထက်ပိုပြီး လျှင်လျှင် မြန်မြန်ကုန်ဆုံးသွားပါတယ်..။ ဘာလိုလိုနဲ့ ကျွန်တော် မြန်မာပြည် ပြန်ရောက်တာ ၁ နှစ် နီးပါးရှိသွားပြီ ဖြစ်ပါတယ်။ တစ်နှစ်ဆိုတဲ့အချိန်ဟာ အချို့အတွက် မသိသာပါဘူး..။ မထူးခြားပါဘူး..။ အချို့အတွက်တော့ တစ်နှစ်ဆိုတဲ့ အချိန်မပြောနဲ့ တစ်စက္ကန့်ဆိုတဲ့ အချိန်ပိုင်းလောက်နဲ့ တင် အရာအားလုံးကို ပြောင်းလဲပြစ်ဖို့ လုံလောက်ပါတယ်..။
ကျွန်တော်အတွက်တော့ ဒုတိယအမျိုးအစားက အကြုံးဝင်ပါတယ်..။ တစ်နှစ်ဆိုတဲ့အချိန်ဟာ ဘယ်လိုကုန်လို့ ကုန်သွားမှန်းမသိလောက်အောင်ကို လုပ်စရာတွေက စနစ်တကျ ပြည့်နေခဲ့ပါတယ်..။ ကျွန်တော်ပိုင်ဆိုင်ထားတဲ့ ဘ၀အမျိုးအစားအရ ဒါဟာ သိပ်မထူးဆန်းပါဘူး…။ စာဖတ်သူတွေအတွက်လည်း ထူးဆန်းမယ် မထင်ပါဘူး..။ ဒီကာလတစ်ခုအတွင်းမှာ ကျွန်တော်ရရှိခဲ့တဲ့ အတွေ့အကြုံတွေ…။ ခံစားချက်တွေဟာ အမျိုးစုံသလောက် ရသလည်း စုံလှပါတယ်…။ ဒီအတွေ့အကြုံတွေထဲက ကျွန်တော့်ရင်ထဲ ရောက်လာတဲ့ အဖြစ်အပျက်လေးတစ်ခုအကြောင်း ကျွန်တော် ပြန်ပြောပြချင်ပါတယ်…။ ဒီစာကိုဖတ်လိုက်ရလို့ ကုန်ဆုံးသွားမယ့် တစ်စုံတစ်ခုသော မိနစ်ပိုင်း စက္ကန့်ပိုင်းအတွက် မပြောပလောက်သော ပမာဏလေးဖြစ်ဖြစ်တော့ အကျိုးရှိကောင်း ရှိမယ်လို့ ကျွန်တော် မျှော်လင့်ပါတယ်…။ (more…)
Email ကနေ ဖတ်မယ်…
ကျွန်တော့် Blog ကို MPT က Ban ထားပါတယ်..။ သိတဲ့သူအချို့လည်း သိကြပါတယ်..။ မသိတဲ့သူအချို့လည်း မသိကြပါဘူး…။ အချို့လည်း အမှတ်တမဲ့နဲ့ သိသလိုလို မသိသလိုလိုပါပဲ…။ ကျွန်တော်ရေးတဲ့ မဖြစ်ညစ်ကျယ်စာတွေကို ဖတ်လေ့ဖတ်ထ မရှိတဲ့သူတွေအတွက် ဘာမှ မထူးခြားပေမယ့်…။ ကျွန်တော့် Blog ကို ယခင့် ယခင် လွန်ခဲ့သည့် ၄ နှစ် ခန့်ကတည်းက ဖတ်ခဲ့ကြတဲ့ ညီအစ်ကို မောင်နှမတွေနဲ့ စာဖတ်ပရိတ်သတ်အချို့အတွက်တော့ ဒီလို Ban ခံထားရခြင်းဟာ တော်တော်စိတ်ပျက် ဖို့ ကောင်းပါလိ့မ်မယ်..။
ဘာကြောင့် Ban ခံရလဲဆိုတာ ကျွန်တော်လည်း မသိသလို..။ Ban တဲ့သူလည်း သိမယ်မထင်ပါဘူး…။ (ဟုတ်ပါတယ်..။ သူလည်း သူ့အထက် လူကြီးက Ban ဆိုလို့ ဘန်းတာ ဖြစ်ပါလိ့မ်မယ်။ သူကိုယ်တိုင်လည်း ကျွန်တော့် Blog ကို ဖတ်ဖူးမယ် မထင်ပါ။ ရှိတယ်လို့တောင် ထင်မည် မဟုတ်ပါ…။ ) ထားပါ..။ ကျွန်တော်ပြောချင်တာ က Ban တဲ့အကြောင်းမဟုတ် ပါဘူး..။ အခုလို Ban ထားတဲ့အတွက် Blog ကို ကိုယ်တိုင်ကိုယ်ရောက်လာပြီး မဖတ်နိုင်တဲ့သူတွေအတွက်ရော…။ Blog တကာ လျှောက်ပတ်ပြီးဖတ်နေရတာ ထက်စာရင် Email ထဲမှ ငြိမ်ငြိမ်လေး Feel အပြည့်နဲ့ ဖတ်ချင်တဲ့သူတွေအတွက် ကျွန်တော်အခု Feed Burner နဲ့ Email Subscription လုပ်လိုက်ပါတယ်..။
အရင်ကလည်း လုပ်ဖူးပါတယ်..။ ဒါပေမယ့် Site က Blogspot ကနေ WordPress ကိုရွှေ့လိုက်…။ 1and1 ကနေ Dot5 ကိုရွှေ့..။ နောက် Dot5 ကနေ Bluehost ကို ပြောင်းလိုက်နဲ့..။ Blog ပိုင်ရှင်ရဲ့ စိတ်အတိုင်း ဟိုခုန် ဒီပေါက်ဖြစ်နေတဲ့အတွက် Feed တွေ ပျက်ကောင်းပျက်သွားနိုင်ပါတယ်…။ (ပျက်ကို ပျက်ကုန်တာပါ)..။ အဲ့ဒါနဲ့ လွန်ခဲ့တဲ့ ၂ ရက်ကျော်က Feed အသစ် တစ်ခု Burn လိုက်ပါတယ်…။ အဲ့ဒီ့ Feed တွေကို လုပ်နေတုန်း ရုံးမှာ Net ကျသွားတဲ့ အတွက် ဆက်မလုပ်ဖြစ်ပဲ ထားလိုက်ပါတယ်..။ အသစ်စလုပ်ပြီးပြီးချင်း Feed အသစ်လေးရဲ့ Feed Count ကို ကြည့်လိုက်တော့ အားရစရာပါ “zero” reader ပါတဲ့..။ ဒါနဲ့ ပြစ်ထားလိုက် တယ်..။ (စိတ်နာလို့…)
အခု..။ ဒီနေ့ Internet Cafe ကနေ လာသုံးရင်း ဆက်လုပ်တော့ တော်တော်ရင်ခုန်ဖို့ ကောင်းသွားပါတယ်..။ ကျွန်တော် လျှောက်ကလိလိုက်တာ ကျွန်တော့် Google Feedburner Account ထဲမှာ Feed နှစ်ခုဖြစ်သွားပါတယ်…။ ကျွန်တော် သဘောပေါက်လိုက်တယ်..။ အရင် Feed မပျက်သေးပဲကိုး…။ ဒါနဲ့ ဆက်ကြည့် လိုက်တော့ ပိုရင်ခုန်သွားတယ်…။ ဘာလို့လဲဆိုတော့ ကျွန်တော့် Feed Account အဟောင်းထဲမှာ Email Subscription 34 readers နဲ့ Google Feedfetcher ၁ ယောက် ရှိပါတယ်..။ ကိုယ့်ကိုယ်ကို အဲ့လောက် Email Subscription ရှိမယ်လို့ ယောင်လို့တောင် အိပ်မက် မမက်ဖူးပါဘူး… (Email Subscription ရာကျော်၊ ထောင်ကျော်ရှိသူများ ပက်ပက်စက်စက် လူးလိမ့်နေအောင် ရယ်ကြပါကုန်) ..။ ဒါနဲ့…
ဟိုနေ့ကလုပ်လိုက်တဲ့ Feed အသစ်လေးကို ကြည့်လိုက်တော့ ကိုယ့်မျက်လုံး ကိုယ်မယုံနိုင်အောင်ဖြစ်သွားပါတယ်…။ (အခုထိလဲ တကယ်ရော ဟုတ်ရဲ့လားလို့ သံသယ ၀င်နေတုန်းပါ) ကျွန်တော့် Feed Count ထဲမှာ 200 Readers အတိအကျ ရှိနေပါတယ်…။ ဒါပေမယ့် သူကြတော့ တစ်မျိုးပါ..။ Account အဟောင်းမှာ တုန်းကလို Email Subscription များများ (ကျွန်တော့်အတွက်) မရှိပါ…။ Email Subscription 1 ယောက်ပဲ ရှိပါတယ်..။ အဲ့ဒါလည်း တစ်ခြားမဟုတ်ပါဘူး..။ ကျွန်တော့်ဘာသာ ကျွန်တော် စမ်းကြည့်ထားတဲ့ email ပါ (တော်တော်လေးများ ကြွားရာရောက်သွားပြီထင်တယ်၊ အဲ့လောက် အားပေးတဲ့ သူများပါတယ်)
ဒါပေမယ့် Google Feedfetcher ၁၉၉ ယောက်တောင်ဖြစ်နေပါတယ်…။ သူပြထားတဲ့ Graph လေးကြည့်လိုက်တော့ March ၃ ရက်နေ့မှာ ခုန်တက်သွားတာကို တွေ့ရပါတယ်…။ Bot တွေလား Search Engine ရဲ့ Spider လားတော့ ကျွန်တော်လည်း မသိပါဘူး..။ ဘာပဲ ဖြစ်ဖြစ် ပျော်တာပေါ့ဗျာ..။ အယောက် ၂၀၀ နဲတာမှတ် လို့…။ ဖြစ်နိုင်ရင် Account အဟောင်းက Email Subscription Reader ၃၄ ယောက်ကို ဒီဘက် Account အသစ်ထဲ Transfer လုပ်ပြီး ရုပ်တည်ကြီးနဲက ၂၃၅ ယောက်လောက် ပြချင်တာပေါ့…။ ဒါပေမယ့် မရပါဘူး..။ 
(မှတ်ချက်။ Email Subscription အများကြီးဖြစ်အောင် စိတ်ကြိုက် အရေအတွက်ထည့်ပြီး Hack လုပ်လို့ရပါသည်။ မယုံမရှိပါနှင့် ကျွန်တော် လုပ်တတ်ပါသည် သို့သော် မလုပ်ချင်ပါ။)
ပြောရင်းနဲ့ စကားတွေက တော်တော်လမ်းချော်ကုန်ပါပြီ (ခွင့်လွှတ်ပါ။ ကြွားချင်အား ကြီးသွားလို့ပါ)။ ဆိုလိုတာက အခု Blog ကို ၀င်ဖတ်မရလို့ စိတ်အနှောင့်အယှက် ဖြစ်နေတဲ့ ညီအစ်ကို မောင်နှမများနဲ့ စာချစ်သူများအတွက် ကျွန်တော် Account တစ်ခု သေသေချာချာလုပ်ပြီး ( ဒီတစ်ခါ အတည်ပါ..။ နောက်မပျက်စေရပါဘူး..။ အာမခံ!) မျှဝေလိုက်ပါတယ်…။ အခု ဒီ Post ရဲ့ အောက်မှာပါတဲ့ Email Subscription လေးထဲမှာ မိတ်ဆွေတို့ရဲ့ Email Address လေးထည့်လိုက်ပါ။ မိတ်ဆွေ တို့ရဲ့ Email Account ထဲကို Confirmation တောင်းတဲ့ Mail တစ်စောင်ရောက်လာပါလိ့မ်မယ်..။ Confirm လုပ်လိုက်ပါ..။ ဒါဆို အားလုံးအိုကေသွားပါပြီ..။
ဒီ Post က တဖြေးဖြေးနောက်ရောက်သွားလို့ Post ကိုမတွေ့တော့ဘူးဆိုလည်း ဘေးက Side Bar မှာ ကျွန်တော်ထားပေးထားပါတယ်..။ ဒီတော့…။ ကျွန်တော်တင်သမျှ Post ပေါင်း ၁၆၀၀၀ ကို email ထဲက အဆင်သင့်ထိုင်ဖတ်လို့ ရသွားပါပြီ…။ အမှန်တော့ ကျွန်တော်ကိုယ်တိုင်က လျှာရှည်တာပါ (တုံးတာလဲ ပါပါတယ်) ဒီလောက် IT ခေတ်ကြီးထဲမှာ Email Subscription လုပ်တာလောက်ကို ကျွန်တော် လိုက်ရှင်းပြနေစရာမလိုပါဘူး…။ ကျွန်တော့်ထက်တောင် ပိုသိကြဦး မှာ သေချာပါတယ်..။ ဒါပေမယ့် ထုံးစံအတိုင်း ဆရာကြီး လုပ်ပြီးရှင်းပြပေးခြင်းဖြစ်ပါကြောင်း….။
P.S- Email Subscription များ ပက်ပက်စက်စက် Subscribe လုပ်ကြပါစေ အရှင်ဘုရား..။
အိတ်ဖွင့်ပေးစာ (၂)
အမှာ
ပြီးခဲ့တဲ့ရက်ပိုင်းက ရောက်ယက်ခတ်နေတဲ့ စိတ်တွေနဲ့ Post တွေ တောက်လျှောက်တင်ခဲ့တဲ့အပေါ် မူတည်ပြီး ကျွန်တော့်ရဲ့ ဖြစ်၊ ပျက်နေတဲ့ စိတ်တွေကို သတိထား မိပုံရတဲ့ ..။ ကျွန်တော့်ရဲ့ မများလှစွာသော စာဖတ်ပရိတ်သတ်များထဲမှ တစ်ယောက်ဖြစ်တဲ့ ဆရာတော် အရှင်ညာဏစာရ ထံမှ ကျွန်တော့်ဆီကို ပေးပို့လာသော ဆုံးမ စာ (ပေးစာ) ကို ကျွန်တော်ကဲ့သို့ပင် သံသရာ ပင်လယ်ကို ဖြတ်ကူးရင်း လောကဓံတရားနှင့် စီးခြင်းထိုးနေကြတဲ့ အခြားသော ညီအစ်ကိုမောင်နှစ်များနှင့် မိတ်ဆွေများ အတွက် ပြန်လည်ဝေမျှပေးလိုက်ပါတယ်…။
ဆရာတော်၏ ပေးစာအား မည်သည့်ပြင်ဆင်ဖြည့်စွက်မှုမှ မပြုလုပ်ပဲ ဆရာတော်ပေးပို့လိုက်သည့်အတိုင်း ပြန်လည်ဖော်ပြလိုက်ပါတယ်…။
P.S – အကြောင်းအရာနှင့် ဆုံးမစာကတော့ တိုတောင်းပေမယ့် အလွန်တရာမှ အနှစ်သာရပြည့်ဝလှပါကြောင်း…။
******************************************************************************************************
ဒကာ ဘလက်
တလောက ဦးဇင်း တက်နေတဲ့ တက္ကသိုလ်က ဆွေးနွေးပွဲတခုက ဖိတ်လို့ သွားဖြစ်တယ်။ ဦးဆောင် ဆွေးနွေးတာကတော့ မြန်မာဆရာတော်တပါး တိဘက်ဘုန်းတော်ကြီးတပါး မဟာယာန ဘုန်းတော်ကြီးတပါးပေါ့လေ။ ဦးဇင်းကတော့ မြန်မာဆရာတော်အတွက် စကားပြန်အဖြစ် တက်ခွင့်ရပါတယ်။
ဆွေးနွေးတဲ့ ခေါင်းစဉ်ကတော့ တရားထိုင်ခြင်း-တဲ့။ သုံးပါးစလုံး ကိုယ့်အမြင်တွေကို တင်ပြကြတယ်။ အများကြီးဆိုပါတော့ ဒကာဘလက်ခ်။ အဲဒီတုံးက ပရော်ဖက်ဆာတယောက်က မေးခွန်းတခုမေးတာကိုတော့ ခုထက်ထိ အမှတ်ထင်ထင် ရှိနေဆဲပါ။
သူမေးတဲ့ မေးခွန်းက တရားထိုင်ခြင်းသည် ကောင်းသည့်အလုပ်ဖြစ်ပါလျက် အဘယ့်ကြောင့် ဆိုကျိုးများကို တွေ့ကြုံရတတ်ပါသလဲ-တဲ့။ ခုနေခါ ဒကာဘလက်အတွက် တိုက်ဆိုင်မှုရှိတဲ့ မေးခွန်းတခုများ ဖြစ်နေမလားလို့ မျှဝေလိုက်တာပါ။
ဘုန်းတော်ကြီး သုံးပါးစလုံး အဖြေတွေ ကိုယ်စီ ပေးကြပေမယ့် ဦးဇင်းကတော့ လားမားဘုန်းတော်ကြီး ပေးတဲ့ အဖြေကို အကြိုက်ဆုံးဖြစ်ပါတယ်။ သူဖြေတာက ဥပမာလေးနဲ့ ဆိုတော့ ခုထက်ထိကို မှတ်မိနေတုံးပါပဲ။
သူတို့ရဲ့ မြို့တော် ဓမ်ရ်ဆာလာ(ဓမ္မသာလာ)က တိဘက်ပြည်မကြီးရဲ့ အလယ်ပိုင်းမှာ ရှိပါသတဲ့။ မြို့တော်ကို ဘယ်အရပ်မျက်နှာက လာသည် ဖြစ်စေ တောင်တန်းတွေကို ကျော်ရတယ်။ ကွေ့တွေကို ဖြတ်ရပါတယ်။ တောင်တွေကိုပဲ ကျော်ကျော် ကွေ့တွေကိုပဲ ဖြတ်ဖြတ် အားတော့ စိုက်ရတာပါပဲ။ တတောာင်ကို ကျော်ဖို့ အတက်လမ်းကို ကြိုးပမ်းရတဲ့အခါ ငါ အပေါ်ကို ရောက်နေပါပေါ့လား-လို့ ကိုယ့်ကိုယ်ကို တလွဲမာန မထားမိဖို့ လိုသလို တောင်ဆင်းလမ်းကို လျောက်မိတဲ့ အခါတွေမှာ ငါမှာဖြင့် နိမ့်ပါးနေပါပကောလားလို့ အားငယ်ဖို့ မလိုပါဘူး။ တောင်ကို တက်နေခြင်းသည်လဲ ဓမ်ရ်ဆာလာနဲ့ နီးဖို့ အကြောင်းတခု ဖြစ်သလို တောင်ပေါ်က ဆင်းလျောက်ခြင်းက လဲ ဓမ်ရ်ဆာလာ မြို့တော်နဲ့ နီးဖို့ပဲ ဖြစ်ပါတယ်-တဲ့။
ဒီဥပမာလေးနဲ့ ဟပ်ပြီး ဓမ္မရေးမှာမှ မဟုတ်ပါဘူး လောကရေးမှာလဲပဲ ကောင်းကျိုးနဲ့ပဲ ကြုံကြုံ ဆိုးကျိုးနဲ့ပဲ တွေ့တွေ့ ဖြတ်သန်းရမယ့် အတွေ့အကြုံတွေ အဖြစ် တည်ငြိမ်စွာပြီး ဖြတ်သန်း နှလုံးသွင်းဖို့ လားမား ဘုန်းတော်ကြီးက အကြံပြုပါတယ်။
ဦးဇင်းလဲ ခုချိန်အထိ တောင်ပေါ်တွေကို ရောက်တဲ့အခါ လတ်ဆတ်တဲ့ လေတွေကို တ၀ကြီး ရှုလို့ တလွဲမာနလို့ မဆိုနိုင်သည့်တိုင် သာယာမှုတွေကိုတော့ လိုအပ်တာထက်ပိုလို့ ဆုပ်ကိုင်မိတဲ့ အခါတွေ ရှိနေဆဲပါ။ တောင်အဆင်းလမ်းနဲ့ ကြုံလေတိုင်း ညည်းညူမှုတွေနဲ့ မကင်းနိုင်သေးပါဘူး။ ကွေ့တွေကို ဖြတ်ဖို့ သွေးမကြောင်သည့်တိုင် ခြေလှမ်းတွေ နှေးနေဆဲဆိုတာ ကိုယ့်ကိုယ်ကို သုံးသပ်မိပါတယ်။
တောင်ပေါ်ကို ရောက်ခိုက် လိုအပ်တာထက် ပိုပြီး မသိမ်းပိုက်မိဖို့ တောင်ဆင်းလမ်းကို လျောက်မိလေတိုင်း စိတ်မပျက်မိစေဖို့ လားမားဘုန်းတော်ကြီးရဲ့ အဖြေစကားကို မကြာမကြာ နှလုံးသွင်းမိပါတယ်။
ကွေ့တွေကို ဖြတ်ဖို့ ကြုံလာချိန်မှာတော့ ကိုယ့်ကိုယ်ကို လိုအပ်တာထက် ပိုပြီး သတိမထားမိဖို့ ကြိုးစား ဖြစ်ပါတယ်။ သတိက မပိုဘူး မဟုတ်လားလို့တော့ မေးစရာ ရှိပါတယ်။ သတိက ပိုတယ်လို့တော့ မရှိပါဘူး။ သို့သော် ကိုယ်က သတိထားတယ်ဆိုပေမယ့် တကယ် သတိထားတာဟုတ်ရဲ့လားလို့ မကြာကြာ သုံးသပ်ကြည့်ဖို့ လိုမယ်လို့ ယူဆပါတယ်။ တခါတရံမှာကျတော့ ကိုယ့်ရဲ့ တွန့်ဆုတ်မှုက သတိလို့ အယောင်ဆောင်တတ်တယ် မဟုတ်လား။
လိုရာဆန္ဒ ပြည့်ဝအောင် ကြိုးစားနိုင်ပါစေ။
အချိုး…
လောကသည် လှပပေသည်။ သို့သော် ထို့ထက်လှပသော လောကတစ်ခုအား သူဖန်ဆင်းဖို့ ကြိုးစားခဲ့သောအခါ…
အလင်းသည် အရောင်မရှိပေ…။ သို့သော် လူတို့သည် အလင်းရောင် ဟုခေါ်လေ့ရှိကြသည်…။ အလင်းကြောင့် အရောင်တို့ ထွန်းလင်းခွင့်ရရှိသောကြောင့် ဖြစ်နိုင်သည်။ အလင်းမရှိပါက အရောင်မရှိပေ…။ အရောင်မရှိပါက…။ အရောင်ဆိုးခံရခြင်းများ မရှိနိုင်ပေ…။ အရောင်အဆိုးခံရခြင်းများမရှိပါက….။ အတိတ်ဆိုးများ မရှိ နိုင်ပေ…။ အတိတ်ဆိုးများမရှိပါက အနာဂတ်ဆိုးများလည်း ရှိလာနိုင်မည်မဟုတ်ပေ…။ အနာဂတ်ဆိုးများ မရှိသောကြောင့် မျှော်လင့်ချက်များ လိုတာထက် ပိုမိုရှင်သန် စရာ မလိုတော့ပေ…။ မျှော်လင့်ချက်များ နဲပါးသွားသောအခါ လူသားတို့၏ လောဘများ နဲကောင်းနဲသွားနိုင်သည်…။ မနိုင်မနင်းထမ်းထားရသော ဘ၀အမောများ အထိုက်အလျှောက် လျော့ပါးကောင်း လျော့ပါးသွားပေလိ့မ်မည်…။
ထိုအခါ လောကသည် ပိုမို လှပလာပေမည်လော….?
လူတို့တွင် မွေးရာပါ ဦးနှောက်တစ်ခုစီ လက်ဆောင်ပါရှိလေသည်။ သို့သော် ထိုဦးနှောက်သည် ခံစားတတ်ခြင်းဟူသော မွေးရာပါ ကြိမ်စာသင့်လာခဲ့လေသည်။ သူ၏ မူလအလုပ်သည် ခံစားဖို့လော၊ စဉ်းစားဆုံးဖြတ်ဖို့လော၊ တွေးတော် မျှော်မြင်ဖို့လော၊ ကောက်ကျစ်ယုတ်မာဖို့လော၊ ကိုယ်ပိုင်သံစဉ် သီချင်းသစ် တစ်ပုဒ်ကို ရေးသား ဖို့လော၊ ပျော်စရာကောင်းသော အနုပညာမြောက်သည့် ဟာသတစ်ပုဒ်ကို ရယ်မောဖို့လော…။ သို့မဟုတ်…။ မိမိကိုယ်ကို လှည့်စားဖို့ပေများလော…။ သေချာတာ တစ်ခုကတော့ သူသည် မွေးစကတည်းက မနိုင်ဝန်ထမ်းခဲ့ရသော သနားစဖွယ် ဖြစ်တည်မှုတစ်ခုသာ..။ တကယ်ဆို သူသည် ဘုရားသခင်၏ မျက်နှာသာ ပေးခြင်းကို မခံခဲ့ရသော ဖန်ဆင်းမှုတစ်ခုသာ ဖြစ်လေသည်။
တကယ်လို့များ ကျွန်တော်တို့တွင် ထိုဦးနှောက်ဆိုသောအရာ ပါရှိမလာခဲ့ပါက…။ လောကတွင်..။ ကာဗွန်ဒိုင်အောက်ဆိုဒ်များ လျော့ပါးနေခဲ့ပေလိ့မ်မည်..။ သဘာဝ ဘေးအန္တာရယ်များပေါ်ပေါက်လာ မည်မဟုတ်ပေ…။ ဖန်ပြွန်သန္ဓေသားသည်လည်းကောင်း၊ သွေးချောင်းစီး နျူကလီးယား စစ်ပွဲများသည် လည်းကောင်း သမိုင်းစာမျက်နှာ ထက်သို့ တက်ခွင့်ရမည်မဟုတ်ပေ…။ ဘင်လာဒင် သည်လည်း မြေအောက်ထဲက ထွက်လာစရာ အကြောင်းမရှိပေ…။ တရားမျှတမှု၊ မတရားမှု တို့သည်လည်း ရှိလာမည်မဟုတ်ပေ..။ ကုန်ဈေးနှုန်းသည်လည်း သိမ်ကြီးဈေး ခေါင် မိုးပေါ်တွင် ဆိုင်ခန်းတစ်ခု ဖွင့်စရာမလိုပေ…။ ထိုအရာများအားလုံး တစ်ပြိုင်နက် ချုပ်ငြိမ်းဖို့ ကျွန်တော်တို့အားလုံးတွင် ဦးနှောက်မရှိခဲ့ဖို့သင့်သည်..။ အခုတော့ ကျွန်တော်တို့၏ လောကတွင် ကြိမ်စာသင့်နေသော ဦးနှောက်ပေါင်း ၆ ဘီလျှံကျော်မှ ဒုက္ခ စက်ဝန်းအတွင်း လည်ပတ်နေကြလေသည်…။ ထို့ကြောင့် ကျွန်တော်တို့ တွင်ရှိသော ဦးနှောက်များအားလုံးကို ဘောတယ်ကုလားထံရှိ ပဲကြီးလှော်များဖြင့် လဲလှယ် စားသောက်သင့်သည်…။
ထိုအခါ လောကသည် ပိုမို လှပလာလေမည်လော…?
ကြယ်တို့လှပစွာ လင်းလက်ကြဖို့အတွက် အမှောင်သည် ဗီလိန်အဖြစ် အသုံးတော်ခံခဲ့ကြောင်း ကျွန်တော်ရေးခဲ့ဖူးသည်…။ သူရဲကောင်းပေါင်းများစွာ ပေါ်ထွက်လာဖို့ အတွက် ဗီလိန်ပေါင်းများစွာ နာမည်ပျက်ခဲ့ကြရဖူးသည်…။ လောကသည် သူရဲကောင်းများ ပေါများမှ လှပမည်ဟု လူတို့ အယူရှိကြသည်..။ လူတိုင်းသည် တော်ချင် ကြသည်။ တတ်ချင်ကြသည်..။ ဂုဏ်ပြုခံချင်ကြသည်…။ အောင်မြင်ကျော်ကြားချင်ကြသည်…။ ထိုအခါ ထိုအရာများအားလုံး အထမြောက်ဖို့အတွက်..။ ကိုယ်စီ ဘ၀ ဇာတ်လမ်းမှာ မင်းသား၊ မင်းသမီးများအဖြစ် ပွဲထွက်နိုင်ဖို့အတွက်..။ ဗီလိန်များကို အပူတပြင်းရှာကြသည်…။ သို့သော် လူတို့သည်…။ မိမိဘ၀ဇာတ်အတွက် မိမိ မင်းသား ဖြစ်နေချိန်တွင်..။ အခြားလူတစ်ယောက်၏ ဇာတ်အတွက် ဗီလိန်ဖြစ်နေမှန်းကို များသောအားဖြင့် သတိမထားမိကြပေ….။ များစွာ သနားဖို့ကောင်းပေ သည်…။
သူရဲကောင်းများ ထွန်းကားမှ လှပမည် ဆိုသော လောကကြီးအတွက်…။ သူရဲကောင်း များများထွန်းကားဖို့အတွက် ဗီလိန်များများလိုပေသည်.. ။ ထို့ကြောင့် ကျွန်တော်တို့အားလုံး ဗီလိန်များအဖြစ် တညီတညွတ်တည်း သရုပ်ဆောင်ကြပါ သူရဲကောင်းများ အများကြီးပေါ်ထွန်းလာမည်ဖြစ်သောကြောင့်..။ တစ်လောကလုံး ကောင်းစားဖို့…။ သူရဲကောင်းထွန်းကားဖို့ တစ်လောကလုံး ဗီလိန်လုပ်ကြလျှင် လွန်စွာသင့်တော်ပေမည်…။ ကျွန်တော်တို့၏ ကမ္ဘာမြေကြီး၏ လည်ပင်းတွင် ” ပျော်စ ရာ၊ ရွှင်စရာ ဗီလိန်ကမ္ဘာ” ဟု စာတမ်းချိတ်ထားလျှင် လွန်စွာလှပပေမည်..။ အခြားဂြိုလ်မှ ဂြိုလ်သားများလည်း အတုယူအားကျကာ ကြိုးစားကြပါက ကျွန်တော်တို့၏ အနန္တစကြာဝဌာကြီးသည် မကြာသောအချိန်တွင် ဗီလိန်စကြ၀ဌာကြီး ဖြစ်လာမည်မှာ မလွဲပေ…။
ထိုအခါ လောကသည် ပိုမို လှပသွားပေမည်လော….?
သစ္စာတရား၏ တန်ဖိုးသည် သစ္စာမဲ့သော လူများနှင့် နှိုင်းယှဉ်ကြည့်မိသော အခါမှသာ ထင်ရှားစွာ ပေါ်ထွန်းလာတတ်စမြဲဖြစ်ပေသည်။ အဘယ့်ကြောင့်ဆိုသော် လူသားတို့သည် မိမိတို့ သစ္စာရှိကြောင်းကို အခြားသာ သစ္စာမရှိ (ဟု သူတို့သတ်မှတ်သော) သူများနှင့် ယှဉ်ထိုးပြီး ဂုဏ်ယူလေ့ရှိကြသည်…။ ထိုသစ္စာရှင်ကြီးများ သစ္စာရှိပြဖို့အတွက် အခြားလူသား တစ်ယောက် အလိုလိုနေရင်း သစ္စာမဲ့သူ စာရင်းဝင်သွားခဲ့ရသည်…။ ထို့ကြောင့် သစ္စာရှိသော သူများ များပြားဖို့အရေး ကျွန်တော် တို့အားလုံး တညီတညွတ်တည်း သစ္စာဖောက်ပြဖို့ လိုပေလိ့မ်မည်…။ အမုန်းစစ်မှ အချစ်စစ်သည် ဆိုကြသည်…။ ထိုအခါ အမုန်းမရှိသော အချစ်သည် အချစ်မစစ် ဟု အဓိပ္ပါယ်သက်ရောက်ကြောင်း စဉ်းစားမိကြပါလေစ…။ ထိုကဲ့သို့ဆိုလျှင် ချစ်သူတိုင်း အချစ်စစ်ကြဖို့ ချစ်သူတိုင်း ..။ တစ်ယောက်မျက်နှာ တစ်ယောက် တံတွေးနဲ့ ထွေး..။ တစ်ယောက်လည်မျို တစ်ယောက်တက်နင်း..။ တစ်ယောက် ငယ်ထိပ် တစ်ယောက် ဖနောင့်နဲ့ပေါက်ကာ..။ ပက်ပက်စက်စက် မုန်းတီးကြဖို့ လိုပေလိ့မ်မည်။ ထိုသို့လုပ်ပြီးသော သကာလမှသာ ငါနင့်ကို အရမ်းချစ်ကြောင်း အရမ်းမုန်းပြခြင်းဖြင့် သက်သေပြလိုက်တာပါဟု ဆိုကြည့်ပါ…။ သင့်ချစ်သူသည် သင့်အား ဘယ်လို တုံ့ပြန်ကြောင်း ကော်မန့်တွင် တစ်ခါ ပြန်လည်ရေးသားကြပါ…။
ဒီလိုနဲ့ ကျွန်တော်တို့ လူသားများသည် ပက်ပက်စက်စက် သစ္စာတရားများ မဲ့ ကြကာ..။ တစ်ယောက်နဲ့ တစ်ယောက် မုန်းတီးနာကြင်ကြခြင်းဖြင့်….။ လောကကြီးသည် သစ္စာတရားထွန်းကားသော၊ အချစ်စစ် အချစ်မှန်များဖြင့် ပြည့်နှက်သော ကမ္ဘာကြီးတစ်ခုဖြစ်လာပေလိ့မ်မည်…။
ထိုအခါ လောကသည် ပိုမို လှပလာပေမည်လော….?
ကျွန်တော်စဉ်းစားကြည့်မိသည်…။
သင်လည်း စဉ်းစားကြည့်စေလိုသည်…။
အခြားတစ်ယောက်ကိုလည်း စဉ်းစားကြည့်ဖို့ တိုက်တွန်းပေးစေလိုသည်…။
ထိုအခါ ကျွန်တော်တို့အားလုံးသည် စဉ်းစား သူများ ဖြစ်လာကြမည်…။
ထို့နောက်တွင် ကျွန်တော်တို့အားလုံးသည် နွားတင်းကုတ် တစ်လုံးကို အတူတကွဝယ်ယူကာ…။ ကိုယ်စီ နဖားကြိုးထိုးကြရင်း အတူတူနွားဇာတ်ခင်းကြပါမည်။ ထို နွားတင်းကုတ်အတွင်း သို့ …
(၁) အလင်းမ၀င်စေရ
(၂) ဦးနှောက်များယူဆောင်မလာရ
(၃) သူရဲကောင်းများမလာရ
(၄) သစ္စာတရား မရှိစေရ
ထိုအခါ လောကသည် ပိုမို လှပသွားပေမည်လော….? လှပသွားပေမည်လော…?
လောကသည် လှပပေသည်။ သို့သော် ထို့ထက်လှပသော လောကတစ်ခုအား သူဖန်ဆင်းဖို့ ကြိုးစားခဲ့သောအခါ..ကျွန်တော်တို့အားလုံး နွားဖြစ်သွားကြ လေသည်။
P.S- ဤ အက်ဆေးအား နွားဇာတ်ခင်းသော နွားအက်ဆေးဟု မမှတ်စေရ…။