အနဲဆုံးတော့ ဆုံစည်းဖို့အတွက်လား…

ခွဲခွဖို့အတွက်လား…. ဆိုတာကိုတော့ သိသင့်တာပေါ့….

BLACK DREAM (ကျွန်တော်နှင့် သူမ မှ)

တစ်ခါတစ်ရံ အရမ်းထူးဆန်းတယ်လို့ မထင်မိကြဘူးလား…? အချိန်တွေဟာ တစ်ခါတစ်လေမှာ အကုန်မြန်ပြီး…။ တစ်ခါတစ်လေကြတော့ ကြာရှည်လွန်းလှတဲ့ အကြောင်းကိုလေ…။ အိုင်းစတိုင်းက Relativity Theory ရဲ့ သဘောလို့ ပြောခဲ့ဖူးတယ်…။ သူပြောတာလည်း ဖြစ်နိုင်ပါတယ်…။ ဘာပဲ ဖြစ်ဖြစ် အချိန်ဆိုတာဟာလည်း ပညတ်တစ်ခုပဲ ဖြစ်တဲ့အတွက်…။ အမြဲတမ်းတော့ ဘယ်မှန်နိုင်ပါ့မလဲ…။ တကယ်တမ်းဆိုရင်တော့ အချိန်က မြန်သွားလိုက် နှေးသွားလိုက် ဖြစ်နေတာ ကျွန်တော်တို့ရဲ့ စိတ်ကြောင့်ဆိုတာ အားလုံးသိကြပါတယ်…။ စိတ်ဆိုတာ တကယ်တမ်းကြတော့ အချိန်ကိုတောင် မြန်တယ် နှေးတယ်လို့ ထင်ရလောက်အောင်တောင် စွမ်းဆောင်နိုင်အား ကြီးမားလှတာ တကယ်ကို အံ့သြစရာပါ…။ အခု ကျွန်တော်လည်း အဲ့ဒီ့အချိန် မျက်လှည့်ထဲမှာ ရောက်ရှိလို့နေပေါ့…။

တစ်ချိန်ကတော့ ၄ နှစ်ဆိုတဲ့ ကာလကြီးကို ငါဘယ်လိုများကျော်ဖြတ်ရပါ့မလဲလို့ တံတားဦးလေဆိပ်ရဲ့ လူဝင်မှုကြီးကြပ်ရေးအရှေ့မှာ တားထားတဲ့ စည်းအ၀ါလေးကို ဖြတ်တုန်းက စဉ်းစားခဲ့ဖူးတယ်…။ အဲ့ဒီ့စည်းဝါလေးရဲ့ နောက်ကို ကျွန်တော်ချစ်တဲ့ မိသားစုတွေ သူငယ်ချင်းတွေ လိုက်မလာနိုင်တော့သလို…။ ကျွန်တော်ကိုယ်တိုင် လည်း အဲ့ဒီ့ စည်းဝါလေးကိုကျော်ပြီး မိသားစုတွေရှိတဲ့နေရာကို ပြန်သွားလို့ မရတော့ဘူးလေ…။ ဟုတ်တယ်…။ ကျွန်တော် ဒီကာလတွေကို ဘယ်လိုကျော်ဖြတ်မလဲ လို့ တကယ်ပဲ စဉ်းစားခဲ့ဖူးပါတယ်…။ ဒါဟာ စွန့်စားခန်းတစ်ခုရဲ့ အစ…။ ဘ၀တစ်ခုရဲ့ တစ်ဆစ်ချိုး…။ ကံကြမ္မာတစ်ခုရဲ့ ဒီရေတက်ချိန်…။ ဘယ်လိုပဲ ဖြစ်ဖြစ် ကျွန်တော် အဲ့ဒီ့ စည်းအ၀ါလေးကို အသာအယာပဲ ဖြတ်ကျော်ပြီး…။ နှင်းတွေဝေနေအောင် လှသလို…။ အေးစက်မှုတွေနဲ့ ပြည့်ဝနေတဲ့ ၄ နှစ်တာ အချိန်စက်ဝန်းတစ် ခုထဲ ကို ၀င်ရောက်လိုက်ပါတယ်…။

ရုပ်ဝတ္ထုတွေ ဖူးပွင့်နေတဲ့ အဲ့ဒီ့ နှင်းပင်ကြီးဟာ ကျွန်တော်တို့လို မေတ္တာမိုးခေါင်ခံရတဲ့ သူအတွက်တော့ မြောင်းထဲက ရေစက်တစ်စက်လောက်၏ နှစ်သိမ့်မှုမျိုး..။ ပိုးစုန်းကြူတစ်ကောင်က ထုတ်လွတ်လိုက်တဲ့ အလင်းကြောင့် ဖြစ်လာတဲ့ နွေးထွေးမှုလေးလောက်တောင် မပေးနိုင်ခဲ့ပါဘူး…။ ဒီလိုနဲ့ တစ်ခါတစ်လေ နှင်းတောတွေ ထဲမှာ မျက်ရည်လည်တော့…။ မျက်ခမ်းစမှာတင် အေးခဲလို့….။ စီးဆင်းခွင့်တောင် မရခဲ့ဖူးလေ…။

ဒီလိုနဲ့ ကျွန်တော်တို့နဲ့နှင်းတွေနဲ့….။ နှင်းတွေနဲ့ ကျွန်တော်တို့နဲ့ အပြိုင်ဆိုင်စစ်ခင်းလိုက်ကြတာ…။ ကျွန်တော်တို့ရဲ့ တိုက်ပွဲဟာ ပြီးဆုံးခဲ့ပြီပေါ့…။  အနိုင်တွေ မရှိခဲ့ဖူး…။ အရှုံးတွေ မရှိခဲ့ဖူး..။ စစ်ပြေငြိမ်းခြင်းတွေမရှိခဲ့ဖူး…။ ခင်ဗျားအံ့သြ ပါလိ့မ်မယ်…။ ကျွန်တော်တို့ စစ်ပွဲဟာ နွေးထွေးတဲ့ ငြိမ်းချမ်းရေးတစ်ခုနဲ့ မိတ်ကောင်း ဆွေကောင်းတွေ အဖြစ် စီးဆင်းလို့…။ ဒီနှင်းပင်ကြီးက မျက်ရည်တွေ ဖြိုင်ဖြိုင်ကျတဲ့အခါကြတော့လည်း…။ လမ်းမတစ်လျှောက် ရော်ရွက်တို့ရဲ့ ရွှေအိုရောင်လေး တွေ ၀ါလို့…။ ထိန်လို့…။ လေဆိပ်အထိ လမ်းခင်းပေးရင်း နှုတ်ဆက်ကြလေမလား…။ “ထာဝရအတွက် နှုတ်ဆက်ပါတယ်” လို့ပြောတော့ ကျွန်တော်တို့ နှင်းပင်ကြီးအောက်မှာ ရှိနေခဲ့သမျှ ကာလအတွင်း ခံနိုင်ရည်တွေရှိအောင်၊ အခက်အခဲတွေ ရင်ဆိုင်တတ်အောင်၊ အလင်းရောင်ကို ကိုယ်တိုင်ဖန်တီးတတ်အောင် အနွေးဓာတ်ကို ကိုယ်တိုင် စိုက်ပျိုးတတ်အောင်…။ သင်ကြားပေးခဲ့တဲ့ ဆရာမရဲ့ ပါးမှာ မျက်ရည်စတွေနဲ့ပေါ့….။ ကျွန်တော်ပြန်မလေပြောခဲ့ပါဘူး…။ “ထာဝရ နှုတ်ဆက်ပါ တယ် ဆရာမရယ်…” လို့လေ…။

ရယ်သံတွေတူ

ငိုသံတွေတူ…

တကယ်ဆို ငါတို့က

ရင်ဘတ်တွေ တူခဲ့တယ်လေ….။

BLACK DREAM

ကျွန်တော် နှင်းပင်ကြီးအောက်မှာ နေစဉ်တစ်ခဏအတွင်း…။ ဆရာမ ပြောသလို နွေးထွေးမှုတစ်ခုကိုရှာခဲ့လေရဲ့…။ မနက်ဖြန်ဆိုတာရှိနေသ၍ ငါကတော့ ငါ့အိပ်မက် ကို ဖက်တွယ်ထားမှာပဲ…. ဆိုတဲ့ စကားတစ်ခွန်းနဲ့ အတူပေါ့…။ ကျွန်တော့်ရင်ဘတ်ထဲမှာ ခံစားချက်တွေ ပြိုကျတော့ သွေးကြောတွေထဲ စကားလုံးတွေ အဖြစ် စီးဆင်း ကြလေရဲ့…။ ကျွန်တော့်လိုပဲ ဆိုင်ရာ ဆိုင်ရာ အပင်အသီးအသီးမှာ လောကရဲ့ အဖူးအပွင့်တွေ ရလိုရငြား မျှော်လင့်ရင်း မိခင်တောနက်ကြီးကို ကျွန်တော့်လို ရင်နာနာ နဲ့စွန့်ခွာခဲ့တဲ့ သူတွေ ကျွန်တော်တို့မိသားစုလေး တစ်စုကို ဖန်တီးလို့ပေါ့…။ ကျွန်တော့်မိသားစုထဲမှာ ကိုလင်းထက်က အစ်ကိုအကြီးဆုံး..။ ကိုစိုးထက်က ဒုတိယ..။ ကိုမိုးမောင်ကြီးက တတိယပေါ့…။ အင်း…။ မိုးသောက်ယံ…။ ရဲအောင်သူ…။မောင်မျိုး…။ သားဖြိုးတို့…။ ဥဂ္ဂ..။ Zox..။ အိုင်လွယ်ပန် တို့က မတိမ်းမရိမ်း သူငယ်ချင်း ဆိုလည်းဟုတ် ညီအစ်ကိုတွေဆိုလည်း ဟုတ်ပေါ့..။ မရွှေပြည်သူတို့…။ မလဲ့တို့က အစ်မအကြီးတွေဆို…။ မွန်..။ မီးငယ်…။ မဗေဒါ..။ အမရာ…။ မှူးဒါရီ…။ တို့က သူငယ်ချင်းဆိုလည်းဟုတ်…။  မောင်နှမဆိုလည်းဟုတ်ပေါ့…။ နောက်ထပ်အများကြီးဆို တကယ့်အများကြီးကို ကျန်ကြလေသေးရဲ့…။

တံးခါကို ဖြေးဖြေးပိတ်

တိုးတိုးတိတ်တိတ်

နှင်းမြို့တော်ကြီး အိပ်နေပါစေ….။

BLACK DREAM

ကွန်ပျူတာကိုပိတ်…။ လက်ဆွဲအိတ်ထဲထည့်…။ အထုပ်အပိုးတွေကို သယ်ပိုး..။ ဖြေးဖြေးခြင်းပိတ်သွားမဲ့ ဓာတ်လှေခေါးကြားကနေ ငါ့အခန်းလေးကို ဖြေးဖြေးခြင်း ခိုး ကြည့်…။ လေးနှစ်တာ နွေးထွေးမှုတွေနဲ့…။ ငါ့အရိပ် တစိတ်တလေများ ကျန်ခဲ့လေဦးမလား…။ ကားပေါ်ကိုတက်…။ ပြတင်းပေါက်က ကြည့်တော့..။ လမ်းမ တစ် လျှောက် ရော်ရွက်တွေက ဟိုနား..။ ဒီနား..။ ခပ်ဝါးဝါး ဖြစ်နေတာ ရွှေအိုရောင်…။ ကျောင်းတော်ကြီးရှေ့က ဖြတ်မောင်းတော့..။ ကြေးရုပ်ကြီးက ငါ့ကိုကြည့်နေမလား။ ကြည်နူးတာလား..။ ကြေကွဲတာလား…။ အားပေးတာလား…။ တားနေလေရော့ သလား…။ အိမ်ပြန်ရမတဲ့လား…။ ပျော်စရာကြီးဆိုပါလား…။ မျှော်နေကြသတဲ့လား..။ ရင်ခုန်ရမတဲ့လား…။ သြော်…။ အိမ်ကိုပြန်ရမတဲ့လား…။ အိမ်ကို ဟုတ်ရဲ့လား…။

ဒီနှင်းပင်ကြီးမှာ လေးနှစ်တစ်ခါမှ နှစ်လုံးသားတစ်ခုဟာ အသက်ဝင်သတဲ့လား…။ အခုကြတော့လည်း အေးစက်ခဲ့သူဟာ သူမဟုတ်သလိုပါပဲလား..။ ကြေကွဲစရာ ဖြစ်ရပ်တွေကို ဟားတိုက်ခဲ့တာ သူမဟုတ်ဖူးတဲ့လား…။ အစားထိုးမရနိုင်တော့တဲ့ ဆုံးရှုံးမှုတွေကို လျစ်လျှူရှုခဲ့တုန်းက နှာစီးနေသတဲ့လား..။ အထီးကျန်ညတွေကို ကော်ဖီတစ်ခွက်နဲ့ စီးကရက်တစ်လိပ်နဲ့ ဖြတ်သန်းတုန်းက သူနဲ့မဆိုင်ဘူးဆိုပါလား…။ ဆရာတွေနဲ့ ဘတစ်ပြန် ကျားတစ်ပြန် နပမ်းတွေသတ်တုန်းက သူကပျော် စရာကြီးဆိုပြီး ခြေပြစ်လက်ပြစ်ရယ်လို့…။ မောလို့…။ ဟားတွေတိုက်လို့…။ အခုတော့လည်း နှင်းပင်ကြီးရဲ့ အကိုင်းအခက်တွေမှာ မျက်ရည်တွေ ဖူးပွင့်သတဲ့လား..။ လောကဟာ သူ့အတွက်မတရားဘူးလို့ များအော်နေသလား…။ နှင်းမြို့သူ နှင်းမြို့သားတွေက မင်းတို့ကို ချစ်ကြပါတယ်တဲ့လား…။ ရင်ပြင်နီရဲ့ ပက်ကြားအပ်တွေ ဟာ ငါတို့ကို လွမ်းလို့ ကွဲတာပါတဲ့လား…။ တကယ်ရော ဟုတ်ပါ့မလားလေလို့ တွေးရင်း…။ ငေးရင်း…။ ဆွေးရင်း….။

P.S- အခု ဒီစာကို ကျွန်တော့် ညီအစ်ကို မောင်နှစ်မတွေ ဖတ်နေတဲ့အချိန်မှာဆိုရင် Black Dream တစ်ယောက် ….

တကယ်ဆို ငါဟာမှောင်မိုက်ခြင်းကမ္ဘာငယ်တစ်ခုမှာ ငါ့ယုံကြည်ချက်တွေအားကိုးနဲ့ အရာအားလုံးကို မေ့ပျောက်ထားခြင်ခဲ့တဲ့ သူတစ်ယောက်ပေါ့…။ တကယ်ဆိုမင်းဟာ…။ မစို့မပို့အလင်းတန်းအချို့နဲ့ ငါ့အထီးကျန်နေ့ရက် ရေခွက်ငယ်တစ်ခုကို ဂယက်ထစေခဲ့သူ…။ ငါ့နှလုံးသားကျောက်တောင်ကို တဖြေးဖြေးခြစားစေခဲ့သူ…။ အနည်ကျနေတဲ့ ခံစားချက်တွေကို သွေးရူးသွေးတမ်း ဆော့ကစားစေခဲ့သူ…။ ငါ့ဘ၀အတွက် မျှော်လင့်ခြင်းဆိုတာ အသက်သွင်း စေခဲ့သူ…။ သိပ်လှတဲ့ နတ်သမီးတစ်ပါးပေါ့ ဟန်နီ…။

လွင်ပြင်ရိုင်းတွေကို ဖြတ်သန်းတိုက်ခိုက်လိုက်တော့…။ ငါ့ဝိဥာဉ်တွေထဲဖြတ်သန်းသွားတဲ့ ခပ်ပါးပါး ရင်ခုန်သံချက်ဟာ မင်းများလား…။ ခပ်သဲ့သဲ့ကြားနေရတဲ့ ခေါ်သံတွေ…။ တကယ်ဆို…။ လိုက်လေဝေးလေ…။ အိပ်မက်ဆိုတာ အရည်မရှိ ဒြပ်မရှိဆိုတာ…။ ငါအစောကြီးကတည်းက သိနှင့်ခဲ့ဖို့ကောင်းတာပေါ့…။ မင်းမသိလို့ပါ…။ တစ်ကယ်တော့ ငါဟာ အချစ်ဆိုတဲ့ ကြိမ်စာတစ်ခုကို ကျေကျေနပ်နပ် မြိုချထားခဲ့တဲ့ မကောင်းဆိုးဝါး တစ္ဆေတစ် ကောင်ဆိုတာကိုပေါ့ ဟန်နီ…။

သက်တံ့တွေထဲ ဖြတ်သန်းလမ်းလျှောက်ဖို့ လက်မှတ်တစ်စောင်ကို ဘုရားသခင်က ငါ့အားပေးသနားတော်မူတုန်းက..။ ငါ့ကိုယ်ပိုင် သက်တံ့လေးတစ်ခုကို ငါကိုယ်တိုင် ဖက်တွယ်လို့ မာနလေးတစ်ခွဲသားနဲ့ ငြင်းပယ်ခဲ့ဖူး သူဟာ ငါပါ…။ နေမ၀င်နိုင်တဲ့ ညနေခင်း…။ မင်းဟာ ငါ့ဘ၀အတွက် ထာဝရအလင်းလို့ ယုံကြည်ခဲ့တုန်းက…။ ဒီရင်ခွင်ပေါ် ဖြတ်နင်း …။ ရင်ခုန်ခြင်း မပြုရဆိုတဲ့…။ စကားတစ်ခွန်း…။ ငါခပ်စွန်းစွန်းတောင် မကြားခဲ့လေတော့…။ ငါ့ထိုက်နဲ့ ငါ့ကံ…။ မင်းများ ဒီရင်ခွင်ကို ကန်သွားလေမလား…

လင်းတလဲ့ မှိန်တလဲ့ မင်းပေးခဲ့တဲ့ အိပ်မက်တွေထဲမှာ…။ ငါ့နှလုံးသွေးတွေ စီးမြော…။ ရင်ခုန်သံ ခပ်ပေါပေါတွေ ပေးချင်မှတော့…။ ငါ့ကိုငါ ချခင်း …။ ဒီလမ်းကို ငါဘယ်ခင်းပါ့မလဲ ဟန်နီ…။ နှလုံးသားက ကြိမ်စာတိုက်…။ တကယ်တော့ ငါဟာ ရူးမိုက်တတ်တဲ့ လူတစ်ယောက် မခဲ့သည့်တိုင်…။ တစ်ချက်တစ်ချက်တော့ ယိုင်ယိုင်သွား တာတော့ အမှန်ပါ…။ စစ်ကြေငြာသံတွေ တစ်ဖက်ကကြား..။ ငါ့ရန်သူဟာ ငါ့နုလုံးသားကို ခါးစေမတဲ့လား…။ မင်း မကြားလို့ပါ…။ ဒီနံရံတွေက တစ်နေ့စကားပြောတဲ့အခါ…။ မင်းငိုသံ ခပ်ပါးပါး…။ နှစ်လုံးသား စည်းခြားသံကို..။ အဝေးကနေတောင် ငါမကြား ချင်ဘူး ဟန်နီ…။

ငါဟာ ဒင်္ဂါးပြားတစ်ခုရဲ့ “ခေါင်း” တစ်ခုတဲ့လား…။ မင်းကို ပေးလိုက်တဲ့ဘက်က “ပန်း” …။ အနဲဆုံးတော့ မဲ့ပြုံးတစ် ချက်နဲ့ မင်းပျော်မှာပါ…။ “အချိန်တန်တော့လည်း ပိုင်ရှင်ကို ပြန်အပ်ရတာပါပဲ” ဆိုတာ မင်းအတွက် သဘောကျစရာ အပြုံးတစ်ခုကို ဖြစ်စေသတဲ့လား…။ တစ်လှမ်းခြင်းပဲ လှမ်းလှမ်း…။ တစ်ခြမ်းခြင်းပဲ လှမ်းလှမ်း..။ တကယ်တော့ ခြေလှမ်းဟာ အလှမ်းဝေးစေတယ်ဆိုတာ မင်းမသိရော့လေသတော့လား…။ မလိုပါဘူး..။ တကယ်ဆို သံယောဇဉ် ဆိုတာဟာ ရင်ခုန်သံခြင်း စကားပြောတဲ့ အသံကိုကြားစေတဲ့ ကြားခံဒဏ်ခံကြိုး အမျှင်လေးတစ်ခုပေါ့…။ ဟန်နီရယ်…။

P.S- အိပ်မက်ကနိုး… ရုတ်တရက်တိုးတိုးလေးအော်လိုက်တယ်…. ဟန်နီ…..

ဒါဟာ တကယ့် သဘာဝတစ်ခုပေပဲလား..။ ဒါမှမဟုတ်…။ လူတို့ဖန်တီးအပ်တဲ့ သဘာဝတစ်ခုလား…။ ဟန်ဆောင်မှုတစ်ခုလား…။ ကြံဆောင်မှုတစ်ခုလား…။  ကိုယ့်ဂုဏ်သိက္ခာကို ကိုယ်ကိုတိုင် လေလံပြစ်ခြင်းတစ်မျိုးလား…။ Emporio Armani ကထုတ်တဲ့ ချိုင်းနံ့ပျောက်ဆေး တစ်မျိုးလား..။  ခြေလှမ်းတစ်ခုတဲ့လား..။ ပုဂံကို ရောက်ခဲ့တာလား…။ ပုဂံကိုရောက်ဖို့ ပထမဆုံးခြေလှမ်းလား…။ ပုဂံကရော တကယ်ရှိရဲ့လား…။ ပုဂံကရော ကိုယ့်ကို တကယ်စောင့်နေရဲ့လား…။ အောင်မြင်မှု အတွက် လှေခါးတစ်ခုလား…။ ကိုယ့်ကိုယ်ကို ငရဲထဲတွန်းပို့တဲ့ လှေခါးတစ်ခုလား…။  ဒါမှမဟုတ် နံရံမှာ မှန်ဘောင်သွင်းပြီးချိတ်ဖို့ ဓာတ်ပုံတစ်ခုအတွက်ပဲလား…။ အဖေနဲ့အမေကြွားဖို့လား…။ မင်္ဂလာဆောင် ဖိတ်စာတစ်ခုမှာ စာလုံးကြီးကြီးနဲ့ စာတမ်း ရှည်ရှည်ရေးဖို့အတွက်လား..။ သတို့သမီးကရော ရှိပြီလား…။  ကိုယ်ချစ်တဲ့တိုင်းပြည်အတွက် အသီးအပွင့်တွေ ဖူးပွင့်ဖို့ မြေသြဇာတစ်ခုလား…။ ပြည်သူတွေအတွက် ထမင်းတစ်လုပ်လား…။ ဒါမှမဟုတ် မျက်ရည် တစ်စက်လား…။ ဘာအတွက်လည်း ဆိုတာ မင်းရောသိလား..။ ငါရောသိလား..။ ကျွန်တော်သိသလား…။ ခင်ဗျားတို့ရော သိကြရဲ့လား…။

လူပေါင်းများစွာနဲ့ ကြုံတွေ့ခဲ့ရတယ်..။ တစ်ချို့လူတွေရဲ့ ခံစားချက်တွေက နှစ်လုံးသားက ပြစ်ပြစ်နှစ်နှစ်စီးဆင်းလို့…။ တစ်ချို့လူတွေရဲ့ ခံစားချက်တွေကြတော့ လည်း..။ လေကြီးမိုးကြီးတွေ…။ သကြားလုံးကြီးကြီးတွေ စီးဆင်းလို့….။ ။ တစ်ချို့က အပေါ်ယံ…။ တစ်ချို့က အတွင်းခံ…။ တစ်ချို့က အရင်းခံ…။ တစ်ချို့က အဖျားခံ…။ တစ်ချို့က ချော်လဲရောထိုင်..။ တစ်ချို့က လှေကြုံတူခရီးသွား..။ တစ်ချို့က အုတ်ရောရော ကျောက်ရောရော…။ တစ်ချို့က အရိပ်နေနေ အခက်ချိုးချိုး..။ တစ်ချို့က သားရေပေါ်အိပ် သားရေနားစား…။ တစ်ချို့က ကြည်ကြည်ဖြူဖြူ…။ တစ်ချို့က ငြူငြူဆူဆူ…။ တစ်ချို့က အူတူတူ…။ တစ်ချို့ကတော့ ရင်ခုန်သံတွေ တူလို့ပေါ့…။

အဖြစ်အပျက်တွေကမြန်…။ အပြောင်းအလဲတွေကမြန်…။ အလျော်အစားတွေကမြန်…။ အထိုးအကျွေးတွေကမြန်…။ အိပ်မက်တွေကမြန်…။ ခံစားချက်တွေကမြန်…။ ယုံကြည်မှုတွေကမြန်…။ မုန်းတီးမှုတွေကမြန်…။ အိပ်ယာထချိန်ကမြန်…။ အိမ်သာတက်ချိန်ကမြန်…။ ကုန်သွားတဲ့အချိန်တွေကမြန်…။ ကုန်သွားတဲ့ပိုက်ဆံတွေ ကမြန်..။ ဆံပင်ဖြူတာမြန်..။ စီးကရက်တွေကုန်တာမြန်…။ ကော်ဖီခါးခါးတွေအကုန်မြန်…။ မျက်လုံးတွေမှုန်လာတာကမြန်…။ ဦးနှောက်တွေမှိုတက်လာတာကမြန်..။ နှလုံးသားပေါ် မြက်ရိုင်းတွေပေါက်ပေါက်လာတာကမြန်…။ အီတလီရှုံးတာကမြန်…။ စီးနေကြဖိနပ်က ပါးပါးသွားတာမြန်…။ ချိုင်းမွှေးတွေရှည်လာတာကမြန်…။ အတွေးအခေါ် ခြောက်ခန်းမှုတွေကမြန်…။ လူကိုလူခြင်းခြနင်းမှုတွေကမြန်..။ တစ်ယောက် ကျောကုန်းတစ်ယောက် တံတားခင်းခြင်းကမြန်…။  တိုင်းပြည်ရဲ့ သယံဇာတ အရင်းအမြစ်တွေကုန်တာမြန်…။ အသက်တွေကြီးလာ တာမြန်…။ မမြန်တာဆိုလို့ ဒီစာတစ်ပိုဒ်ကိုရေးရတာပဲ…။

P.S – ဘာဆက်ရေးရမှန်းမသိတော့ဘူးဗျာ…။ ဒီမှာပဲ ရက်လိုက်တော့မယ်….။

]]> http://www.blackdream21.com/2010/07/11/%e1%80%a1%e1%80%93%e1%80%ad%e1%80%95%e1%81%b8%e1%80%ab%e1%80%9a%e1%80%b9%e1%80%99%e1%80%9b%e1%80%bd%e1%80%ad%e1%80%b1%e1%80%9e%e1%80%ac%e1%80%85%e1%80%ac/feed/ 15 http://www.blackdream21.com/2010/04/17/%e1%80%80%e1%80%bc%e1%80%ba%e1%80%94%e1%80%b9%e1%80%b1%e1%80%90%e1%80%ac%e1%80%b9%e1%80%9e%e1%80%ad%e1%80%b1%e1%80%9e%e1%80%ac-%e1%80%a1%e1%82%8f%e1%80%af%e1%80%95%e1%80%8a%e1%80%ac/ http://www.blackdream21.com/2010/04/17/%e1%80%80%e1%80%bc%e1%80%ba%e1%80%94%e1%80%b9%e1%80%b1%e1%80%90%e1%80%ac%e1%80%b9%e1%80%9e%e1%80%ad%e1%80%b1%e1%80%9e%e1%80%ac-%e1%80%a1%e1%82%8f%e1%80%af%e1%80%95%e1%80%8a%e1%80%ac/#comments Sat, 17 Apr 2010 13:54:09 +0000 Black Dream http://www.blackdream21.com/?p=980 အနုပညာ…။ ပို၍တိတိကျကျ ပြောရလျှင် ကျွန်တော် သိသော အနုပညာ…။

ကျွန်တော်သိသော အနုပညာဆိုသောကြောင့် ဒီအမြင်သည် ကျွန်တော့်အမြင် သီးသန့်သာ ဖြစ်ပေ လိမ့်မည်..။ မည်သည့် ကျမ်းကိုးမှ မပါ..။ မည်သည့် ကမ္ဘာကျော် အဆိုအမိန့်မှ မပါ..။ မည်သည့် ကိုးကွယ် ဘက်လိုက်မှုမှ မပါ..။ ကျွန်တော့် နုလုံးသားထဲမှ လာသော အရာ..။ ကျွန်တော့် အသိဥာဏ်ထဲမှ လာသောအရာမျှသာ..။

အနုပညာ..။ ပို၍တိတိကျကျ ပြောရလျှင် ကျွန်တော် သိသော အနုပညာဆိုသည်မှာ…

ကျွန်တော် အကြိမ်ပေါင်းများစွာ ပြောခဲ့သလိုပဲ ကျွန်တော်ဟာ အနုပညာသမားတစ်ယောက်မဟုတ်ပါ..။ စာရေးဆရာ တစ်ယောက်လည်းမဟုတ်ပါ…။ အခြားလူများနည်းတူ…။ အနုပညာကို ၀ါသနာ ပါသော..။ တန်ဖိုးထားလေ့ ရှိသော သာမန် လူငယ်တစ်ယောက်မျှသာ..။ ကျွန်တော် ဥာဏ်မှီသ၍ အနုပညာဆိုသည်မှာ ခက်ခဲသည်..။ သိမ်မွေ့သည်..။ စူးရှသည်..။ နူးညံ့သည်..။ ခန့်ညားသည်..။ ရိုကျိုးသည်..။ အနုပညာသည် ပေါင်းစည်းမှု ဖြစ်သည်..။ အနုပညာသည် ဆန့်ကျင်ဘက် ဖြစ်သည်..။

အနုပညာသည် ပြည်သူ့အတွက်လည်း မဟုတ်ပေ..။ အနုပညာရှင်အတွက်လည်း မဟုတ်ပေ..။ ငွေကြေးဥစ္စာအတွက်လည်း မဟုတ်ပေ..။ ဂုဏ်ပကာသဏ အတွက် လည်းမဟုတ်ပေ..။ အောင်မြင်ကျော်ကျားမှုအတွက်လည်း မဟုတ်ပေ…။ အနုပညာသည် အသုံးတော်ခံ မဟုတ်ပေ..။ အဘယ်ကြောင့်ဆိုသော အနုပညာသည် မျက်နှာဖုန်းတစ်ခု မဟုတ်သောကြောင့်..။ အနုပညာသည် လှေခါးတစ်ခုမဟုတ်သောကြောင့်..။ အနုပညာသည် ၀ါဒဖြန့် လက်နက်တစ်ခုမဟုတ်သောကြောင့်..။ အနုပညာသည် နောက်ကျောကိုထိုးသော ဓားတစ်ချောင်းမဟုတ်သောကြောင့်..။ အနုပညာသည် ကာရာ အိုကေခန်းတစ်ခုမဟုတ်သောကြောင့် ဖြစ်ပေသည်..။

ကိုယ့်ဘိုးဘေး ဘီဘင်များ၏ ဘိုးဘေး ဘီဘင်များပင် မမှီလိုက်သော BC နှင့် အတော်ဝေးဝေး AD အစောပိုင်းကာလများမှ ကမ္ဘာကျော် (ဟုအများက သတ်မှတ်ကျ သော) အနုပညာရှင်ကြီးများ၏ အယူအဆများ..။ သဘောတရားများ..။ အဆိုအမိန့်များကို သိမှ…။ ဖတ်ဖူး…။ နားလည်ချင်ယောင် ဆောင်ဖူးမှ…။ လူရှေ့သူရှေ့များတွင် အရှက်မရှိ အာဘောင်အာရင်းသန်သန် ကြက်တူရွေး စာချရွတ်နိုင်မှ…။ ကိုယ်တကယ်မသိသည့်တိုင်..။ ကြားဖူးသည်များကို  ကိုယ့်နားဝလောက်တွင် မထားပဲ..။ သူများနားဝထဲသို့ ကြားချင်မှန်းမသိ မကြားချင်မှန်းမသိ ပို့နိုင်မှ…။ ပါးနောက်ဆုံး..။ ထိုလူများ၏ ခက်ခဲရှုပ်ထွေးရှည်လျား လှသော နာမည် များကို အလွတ်ပြောနိုင်မှ..။ အနုပညာသမားဟုတ် သတ်မှတ်လျှင်…။ ကျွန်တော်သည် နှုတ်ဆိတ်နေမည်ဖြစ်သည်..။

အနုပညာ သမားစစ်စစ်မှန်လျှင် ဆင်းရဲနွမ်းပါးရမည်..။ နွမ်းလျနေသော ပုဆိုး..။ လည်ကတုံး အင်္ကျီအဖြူတစ်ထည်…။ ဆေးပေါ့လိပ်တို တစ်လိပ်နဲ့…။ ပြတ်လုနီးပါး တစ်ရံထဲသော ဖိနစ်တစ်ရံနှင့် လေထန်ကုန်း လက္ဘရည်ဆိုင်များတွင် ထိုင်ဖူးမှ..။ အနုပညာသမားဟုတ် သတ်မှတ်လျှင်..။ ကျွန်တော်သည် နှုတ်ဆိတ်နေမည် ဖြစ်သည်။

လိမ်လည်မှုသည်လည်း အနုပညာတစ်ခုဖြစ်သည်..။ အဘယ့်ကြောင့်ဆိုသော ကမ္ဘာပေါ်ရှိ စိတ်ကူးယဉ် ၀တ္ထုများ..။ ရုပ်ရှင်ဇာတ်လမ်းများသည် လိမ်လည်မှုတင်ဆက် မှုများဖြစ်သောကြောင့် ဖြစ်သည်..။ သို့သော် အဘယ့်ကြောင့် လူတို့သည် ထိုအရာများအပေါ် တန်ဖိုးထား..။ ရင်ခုန်ကြပါနည်း..။ ကောင်းချီးသြဘာ လက်ခုပ်များဖြင့် အားပေးကြပါသနည်း..။ ထိုလူတို့သည် လိမ်လည်မှု သို့မဟုတ် လူလိမ်များကို အားပေးနေကြခြင်းလော..။ မဟုတ်ပါ..။ ထိုလူသားတို့၏ လက်ခုပ်သြဘာသံများ သည် ထိုလိမ်လည်မှုများကို အားပေးနေခြင်းမဟုတ်ပဲ..။ မဟုတ်မမှန်မှန်း မိမိအားလှည့်စားနေမှန်း သိသည့်တိုင်အောင်..။ မိမိမှ တကယ်ဖြစ်နေတယ်ထင်တယ်ဆို သည့် အတွေးမှ..။ တကယ်များလား ဟုတ် စိတ်အထင်ရောက်စေနိုင်တဲ့အထိ..။ ထိုလိမ်လည်မှု သို့မဟုတ် လူလိမ်များက..။ သူတို့၏ စိတ်ကူးအတွေးအခေါ်များ၊ ထက်မြတ်သည့်အရေးအသားများ..။ ပြောင်မြောက်သည့် သရုပ်ဆောင်မှုများဖြင့် သဘာဝကျကျ ဖန်တီး တင်ဆက်ပြသနိုင်ခဲ့သသောကြောင့် ကျွန်တော်တို့သည် ထိုထိုသော သူတို့၏ အနုပညာ အရည်အချင်းအား တန်ဖိုးထားအားပေးကြခြင်းသာ ဖြစ်သည်..။ လိမ်လည်မှုနှင့် လှည့်ဖျားမှုတို့ကို အားပေးခြင်းမဟုတ်ပေ..။ သို့သော သေချာသည်တစ်ခုမှာ ကျွန်တော်တို့ ပြုံးပြုံးကြီး အလိမ်ခံလိုက်ရသည် ဖြစ်သည်..။ ထို့ကြောင့် အနုပညာသည် လိမ်လည်မှု တစ်ခုလည်းဖြစ်သည်..။

အနုပညာသည် အမှန်တရားတစ်ခုလည်း ဖြစ်နိုင်သည်…။ လောက သဘာဝရဲ့ ဖြစ်တည်မှုများ..။ ပျက်သုန်းမှုများ..။ မတည်မြဲမှုများ..။ ကြိုတင်မခန့်မှန်းနိုင်ခြင်းများ။ မရေရာမှုများ..။ အစရှိသည့် သဘာဝတရားများကို တင်ပြ ဖော်ထုတ်နိုင်ခြင်း…။ အမှန်နှင့်အမှား..။ အကောင်းနှင့်အဆိုး..။ အလင်းနှင့်အမှောင်ကြား..။ လမ်းပျောက် နေသူများ..။ ဝေခွဲရခက်နေသူများ..။ တွေဝေတုံ့ဆိုင်းနေသူများအား..။ ထိုသူ၏ အမြင်နှင့်ခံယူချက်အပေါ်မူတည်၍ (၎င်းလူတစ်ယောက်အတွက်တော့ အမှန်တရား ဖြစ်ကောင်းဖြစ်ပါလိ့မ်မည်..။ သို့သော် အမှန်တရားဟု ကျွန်တော်မသုံးလို) အဖြစ်သင့်ဆုံးနှင့် အသင့်တော်ဆုံး လမ်းကြောင်းတစ်ခုအပေါ် ရောက်အောင် တည့်မတ် လမ်းညွှန်ပေးနိုင်သည်..။ ကောင်းခြင်းတရားတို့ကို ဆောင်ကျဉ်းပေးသည်..။ ထို့ကြောင့် ကျွန်တော်တို့ လက်ခုပ်သြဘာများဖြင့် ချီးမြှင့်ကြသည်..။ သို့သော် ကျွန်တော်တို့၏ လက်ခုပ်သြဘာများသည် အမှန်တရားအား ချီးမြှင့်အားပေးကြခြင်းမဟုတ်ပဲ..။ ထိုကဲ့သို့ တည့်မတ်လမ်းညွှန်ပေးနိုင်ခဲ့သော အနုပညာရဲ့ စွမ်းဆောင် ရည်အား ဂုဏ်ပြု ချီးမြှင့်ကြခြင်းသာ ဖြစ်ကြောင်းကို သင်သည် သတိထားမိလိ့မ်မည် မဟုတ်ချေ..။ ထို့ကြောင့် အနုပညာသည် အမှန်တရား တစ်ခုလည်း ဖြစ်နိုင်ပေ သည်..။

ထို့အတူ…။ အနုပညာပေါ်လာနိုင်စရာ ဇစ်မြစ်များစွာရှိသည်…။  ရတုတမ်းခြင်းတစ်ပုဒ်ဖြစ်နိုင်သည်…။ Metallica ၏ Enter Sad Man လည်း ဖြစ်နိုင်သည်။  အနုပညာသည် ဆိုက်ကားသမား တစ်ယောက်၏ ဘ၀လည်းဖြစ်နိုင်သည်..။ ဖင်နောက်မှီး တစ်ပိုင်းပြတ်နေသော ရာဘာဖိနပ်တစ်ရံလည်း ဖြစ်နိုင်သည်။ အခိုးခံလိုက်ရသော အိပ်မက်တစ်စုံတစ်ရာလည်းဖြစ်နိုင်သည်..။ သင်နှင့်လမ်းခွဲသွားသော ရည်းစား ဟောင်း တစ်ယောက်လည်း ဖြစ်နိုင်သည်..။ အိပ်ယာဝင်ပုံပြင်တစ် ပုဒ်လည်း ဖြစ်နိုင်သည်..။ သောက်လက်စ စီးကရက်တစ်လိပ်၏ နီကိုးဒင်းမီးခိုးငွေ့များလည်း ဖြစ် နိုင်သည်..။ ချစ်တယ် ဆိုသော စကားတစ်ခွန်းလည်း ဖြစ်နိုင်သည်..။ လှပသော နေ၀င်ဆည်းဆာတစ်ခုလည်းဖြစ်နိုင်သည်..။ အနုပညာသည် သုံးပြီးသား Condom တစ်ခုဖြစ်နိုင်သည်..။ အနုပညာသည် ညည့်ငှက်မလေးတစ်ယောက်၏ လူမသိ သူမသိချိန်တွင် ကြိတ်၍ ငိုကြွေးခဲ့ရသော မျက်ရည် တစ်စက်ဖြစ်နိုင်သည်။ နူးညံ့သော မိဘမေတ္တာတရားလည်း ဖြစ်နိုင်လို..။ သွေးသံ တရဲရဲဖြင့် စစ်မြေ၏ အနိဌာရုံ တစ်ခုလည်း ဖြစ်နိုင်သည်..။ အနုပညာသည် ထိုတွင်ရှိသည်..။ ဒီတွင်ရှိသည်..။ သင့်အနားတွင်ရှိသည်..။ သင်နှင့် ခပ်လှမ်းလှမ်းတွင်ရှိသည်..။ ထိုကဲ့သို့ ရှိနေခြင်းကို သင်သိရှိနိုင်ဖို့အတွက် ကျွန်တော်တို့မှာ ခံစားတတ်တဲ့ နုလုံးသားတစ်စုံနဲ့ ခံစားမှုကို အသက်ဝင်လာအောင် ဖန်တီးနိုင်မည့် အရည်အချင်းတစ်ခုသာ လိုအပ်သည်..။ ထို့ကြောင့်…

အနုပညာသည် မတရားမှုတစ်ခုမဟုတ်…။ အနုပညာသည် အမှန်တရားတစ်ခုလည်းမဟုတ်..။ စစ်မှန်သော အနုပညာဆိုသည်မှာ ပြောင်မြောက်သော ဖန်တီးမှု တစ်ခု သာဖြစ်သည်..။ ထိုမျှထက် ဘာမှမပို..။ ပိုအောင်လည်း မည်သည့် လူသားကမှ စွမ်းဆောင်နိုင်စွမ်းမရှိ..။ အဘယ့်ကြောင့်ဆိုသော် သိပ်သည်းသော ခံစားမှုကြောင့် ဖြစ်ပေါ်လာသော ပြောင်မြောက်သည့် နုလုံးသားနှင့် ဖန်တီးသည့် အရာတစ်ခု၏ အင်အားသည် ကမ္ဘာပေါ်ရှိ အလုံးစုံသော ရုပ်ပိုင်း၊ စိတ်ပိုင်းဆိုင်ရာတို့ထက် သာလွန် သောကြောင့် ဖြစ်သည်..။

ထို့ကြောင့် ထိုဖန်တီးမှု (အနုပညာဆိုသည်မှာ) ..။ အာဏာရှင်များအတွက်လည်းမဟုတ်ပေ..။ ဒီမိုကရေစီအတွက်လည်းမဟုတ်ပေ..။ ပစ္စည်းမဲ့ဝါဒ ဒေါသတစ်ခု မဟုတ်ပေ..။ ဘက်လိုက်မှု မဟုတ်ပေ..။ သာပေါင်းညာစားမဟုတ်ပေ..။ မြေနိမ့်ရာ စိုက်သောလှံတစ်ချောင်းမဟုတ်ပေ။ လူညီ၍ ဤကို ကျွဲဖတ်ခြင်းလည်းမဟုတ်ပေ။ တစ်ယောက်ထက်ပို လို့ အုပ်စုဖွဲ့ခြင်းလည်းမဟုတ်ပေ..။ ၀ါဒဖြန့် လက်နှက်တစ်ခုလည်းမဟုတ်ပေ..။ အသုံးတော်ခံ အရာတစ်ခုလည်းမဟုတ်ပေ..။ နောက်ဆုံး အနုပညာသည် သူကိုယ်တိုင်လည်းမဟုတ်ပေ…။ အနုပညာကိုယ်တိုင်က သူကိုယ်တိုင်မဟုတ်သည့် အခါတွင်..။ အနုပညာရှင်ဆိုသည်မှာ ဆိုဖွယ်ရာပင် ရှိမည် မဟုတ်ချေ…။

အနုပညာသည် နှလုံးသားနှင့် အသိဥာဏ် ကာရံညီစွာ ဖန်တီးထားသော ကဗျာတစ်ပုဒ်သာ ဖြစ်သည်။ တစ်နည်းဆိုရသော အနုပညာသည် ဖန်တီးမှုတစ်ခုသာ ဖြစ်သည်။

သင်သည် ကျွန်တော့်၏ အနုပညာကို သဘောတူနိုင်သည်..။ ထို့အတူ သဘောမတူပဲနေခွင့်လည်းရှိသည်..။ ငါခံစားသည်..။ ထို့ကြောင့် ငါတည်ရှိသည်ဆိုသော..။ ခံစားမှုအဓိက ( Essentialism) တစ်ခုအဖြစ်သင်ယူဆနိုင်သည်..။ ထို့အတူ ငါတည်ရှိသည် ..။ ထို့ကြောင့် ငါခံစားလို့ရသည်ဆိုသော..။ ဖြစ်တူမှုပဓာန (Existentialism) ..။ ထို သို့သင်လွတ်လပ်စွာ ယုံကြည်ခွင့်ရှိခြင်းသည်လည်း သင်ရဲ့ ခံစားချက်ကို အရင်းတည်ကာ သင့် အသိဥာဏ်က ဖန်တီးပေးလိုက်သော ခံစားချက်တစ်ခုဖြစ်သည်..။ ထို့ကြောင့် သင့်သည် ဖန်တီးမှုတစ်ခုကို Force လုပ်စရာမလိုပဲ ရရှိလိုက်သည်..။ ပေါ်ပေါက်သွားခဲ့သည်..။ ဖြစ်တည်သွားခဲ့သည်။ ထို့ကြောင့် ထိုကဲ့သို့လွတ်လပ်စွာ ခံယူလိုက်သည့် သင့်ရဲ့ စိတ်ကပင် သင်ဖန်တီးလိုက်သော ဖန်တီးမှု (အနုပညာ) တစ်ခုသာ ဖြစ်ပေသည်..။ ထို့ကြောင့် သင်သည် လည်း အနုပညာရှင်တစ်ယောက်သာ ဖြစ်ပေတော့သည်..။

P.S- ဤ ဆောင်းပါးသည် ကျွန်တော့်၏ အမြင်နှင့် ယူဆချက် သီးသန့်ဖြင့် ခံစားထားသော အနုပညာပင် ဖြစ်ပါသည်။

ဘယ်အကြောင်းက စပွားရမလဲ..။ အနီးဆုံးအကြောင်းအရာဆိုရင်တော့ သင်္ကြန်ပေါ့ဗျာ..။ မနက်ဖြန်ဆိုရင် ကျွန်တော်တို့ချစ်တဲ့ရွှေပြည်တော်ကြီးမှာ…။ ကျွန်တော်တို့ ချစ်တဲ့ မြန်မာ့နှစ်သစ်ကူးပွဲတော် သင်္ကြန်ကြီး စတင်ပြီပေါ့..။ ကျွန်တော် သင်္ကြန်ဆိုတာနဲ့ အဆက်အသွယ်ပြတ်ခဲ့တာ တကယ်တမ်းဆို ၈ နှစ်ကျော်ပါပြီ..။ ဒီကြားထဲ ၂၀၀၅ သင်္ကြန်တုန်းကတော့ ခွင့်ရက်လေးနဲ့ တစ်ခါကြုံသွားလို့ နွဲလိုက်ရပါသေးတယ်..။ ဒါပေမယ့် နှစ်ပေါင်းများစွာ ဝေးကွာခဲ့ရတာကတစ်ကြောင်း..။ အသက် အရွယ်နဲ့ ခံစားချက်တွေက ငယ်ငယ်ကတော့လောက် မလတ်ဆတ်တော့တာက တစ်ကြောင်း..။ အခြားအကြောင်းကြောင်းတွေကြောင့် အဲ့ဒီ့နှစ်သင်္ကြန်ဟာလဲ ကျွန်တော့်အတွက် ဘာမှ အဓိပ္ပါယ်မရှိခဲ့ပါဘူး..။ အင်း..။ ပျော်စရာမကောင်းဘူးပေါ့ဗျာ…။

တကယ်ဆို ကျွန်တော်က သင်္ကြန်ပိုးအရမ်းပါတယ်..။ ကလေးဘ၀ သိတတ်တဲ့အချိန်ကတည်းက သင်္ကြန်ဆို တစ်ရက်မှမလွတ်စေရအောင်..။ အရွယ်အလိုက် ဆင်နွဲခဲ့ တူသူပါ..။ သင်္ကြန်ကို တစ်ရက်လွတ်သွားမှာကို ကျွန်တော် အသက်ထွက်သွားမှာထက် ပိုကြောက်ပါတယ်..။ ဒါပေမယ့်လည်း ဘ၀ရဲ့အလှည့်အပြောင်းတွေကြားမှာ သင်္ကြန်ကို ချစ်ခဲ့တဲ လူတစ်ယောက် သင်္ကြန်ဆိုတာနဲ့ဝေးရာ….။ ဝေးရာ…။ သို့သာ…။ တစ်ချိန်က ချစ်တဲ့သူတွေ၊ သူငယ်ချင်းတွေ၊ မိသားစုတွေနဲ့ အတူတကွ ပျော်ရွှင်စွာ ဆင်နွဲခဲ့ဖူးတဲ့..။ ချစ်စရာကောင်းတဲ့ သင်္ကြန်..။ ပျော်ရွှင်ကြည်နူးစရာကောင်းတဲ့ သင်္ကြန်ဟာ..။ အတိတ်နဲ့အတူ တစ်နေ့ထက် တစ်နေ့ ကျွန်တော့ ဘ၀က နေ ပိုမိုဝေးကွာတဲ့နေရာကို ရောက်သွားခဲ့ပါပြီ…။

ဘယ်လိုပဲ ဖြစ်ပါစေ ကျွန်တော်ချစ်တဲ့ ညီအစ်ကိုမောင်နှမတွေ အားလုံး ပျော်ရွှင်စရာကောင်းတဲ့ နှစ်သစ်ကူးပွဲတော်ကို ကံကောင်းခြင်းတွေ၊ ကြည်နူးပျော်ရွှင်ခြင်းတွေ၊ လန်းဆန်းမှုတွေနဲ့ ဖြတ်သန်း ဆင်နွဲနိုင်ကြပါစေလို့ ကျွန်တော်ဆုတောင်းပေးပါတယ်..။

Internet (Blog) မှာ စာဆက်ရေးဖို့ကတော့ အခု တကယ်စဉ်းစားရမယ့် အနေအထားရောက်ပါပြီ..။ တစ်နှစ်တစ်ခါ သက်တမ်းတိုးရတဲ့ ကျွန်တော့် Domain က နောက်ထပ် ရက်ပေါင်း ၅၂ ရက်အတွင်း သက်တမ်းကုန်တော့မှာဖြစ်တဲ့အတွက် သက်တမ်းတိုးဖို့ Notice စာ မနေ့ကပဲ ရပါတယ်..။ ကဲ ကျွန်တော် ဘာလုပ်ရမလဲ..။ ဆက်ဝယ်ရမလား..။ Blackdream21 ကို နှုတ်ဆက်လိုက်ရမလား…။ ကျွန်တော် အွန်လိုင်းမှာတော့ နောက်ပိုင်း စာသိပ်မရေးဖြစ်လောကတော့ဘူး..။ ကျွန်တော် အခု မဂ္ဂဇင်းတွေစပို့ပါပြီ..။ ကျွန်တော့်အထင် ဇွန်လမှာ စထွက်မယ့် မဂ္ဂဇင်းအသစ်တစ်ခုမှာ စပါ ပါလိ့မ်မယ်…။ ကဲ ဒီလိုဆိုတော့..။ စာတွေ ဆောင်းပါးတွေ မဟုတ်ပဲ..။ Blog လေးအနေနဲ့ရေးမယ်ဆိုရင်ရော…?

ဘ၀ဆိုတာကို လူတွေက ကိုယ်ဖြတ်သန်းလာတဲ့ အတွေ့အကြုံတွေ ခံစားချက်တွေအပေါ်မူတည်ပြီး အမျိုးမျိုးအဓိပ္ပါယ်ဖွင့်ဆိုကြခဲ့ဖူးတယ်..။ ဒါပေမယ့် ဘယ်အဓိပ္ပါယ် ဖွင့်ဆိုချက်တွေကမှ ပြည့်စုံနိုင်မယ်လို့ ကျွန်တော်မထင်ဘူး..။ လူတွေဟာ တစ်ခါတစ်လေ ကိုယ်တိုင်ဖန်တီးခဲ့တဲ့ စကားလုံးတွေရဲ့ အဓိပ္ပါယ်ကိုတောင် ကိုယ်တိုင် ပြန်ပြီး အဓိပ္ပါယ်မဖွင့်ဆိုနိုင်လောက်အောင် ညံ့ကြမှန်း အချိန်တွေပိုကြာလာလေ ကျွန်တော်ပိုပြီး သတိထားမိလာလေပဲ…။ နောက်ထပ် ထင်ရှားတဲ့ ဥပမာတစ်ခု..။ ဥပမာ..။ အချစ်ပေါ့ဗျာ..။

အချစ်ဆိုတာ….။ မဆုံးနိုင်သော မေးခွန်း…။ မပြည့်စုံသော ဖွင့်ဆိုမှု…။ မလိုလားအပ်သော လိုအပ်ချက်…။ မဖန်တီးခဲ့သင့်သော စကားလုံး…။ အလှပဆုံး ပိုးစိုးပက်စက် လှည့်စားမှု..။ မချိမဆန့် ဝေဒနာတစ်ရပ်…။ ဇောက်ထိုး မိုးမျှော် ဘ၀တစ်ခု…။ မိမိကိုယ်ကို လုပ်ကြံမှု…။ ကျောချင်းကပ်နေသော ဆန့်ကျင်ဘက်..။ နောက်ဆုံး…..။ အချစ်ဆိုတာ….လူတို့ဖန်ဆင်းအပ်သော………လုပ်ဇာတ်တစ်ခု။ (Black Dream : ချစ်ချစ် မင်းတို့ပဲ ချစ်ကြ မှ )

အချစ်အကြောင်းတွေ ဘ၀အကြောင်းတွေ ပြောနေလို့ ကျွန်တော်အသဲကွဲနေတယ်တော့မထင်ပါနဲ့..။ နှစ်ပေါင်းများစွာ (၄ နှစ်နီးပါး) ချစ်ခဲ့ရတဲ့သူနဲ့ မတိုက်ဆိုင်တဲ့ သဘောထား တွေ..။ အယူအတွေ..။ အကျင့်စရိုက်တွေနဲ့..။ ကံကြမ္မာရဲ့ အဖြစ်စလောက် လှည့်ကွက်တွေကြောင့် ဝေးခဲ့ရတာ မှန်ပေမယ့် ကျွန်တော်အသဲတော့ မကွဲပါဘူး..။ ဘာကြောင့်လဲဆိုတော့ ကျွန်တော်မှာ တစ်ခါပြီး တစ်ခါကွဲရအောင် အသဲရော၊ နှစ်လုံးရော (မည်သည့် ခန္ဓာကိုယ်အစိတ်အပိုင်းမှ) အပိုမပါတဲ့ အတွက်ကြောင့် ဖြစ်ပါတယ်။ တစ်ခါတစ်လေ အရမ်းသတိရတယ်…။ ဒါပေမယ့် အဲ့ဒီ့သတိရတဲ့ တစ်စက္ကန့်ဆိုတဲ့ ကာလမပြည့်မှီ..။ အဲ့ဒီ့နောက်က နာကျင်စရာတွေ..။ မခံမရပ်နိုင်စရာတွေ..။ ပြင်းထန် ခါးသီးတဲ့ ခံစားချက်တွေက ချက်ခြင်းလိုက်လာတယ်..။ ထားလိုက်ပါ..။ အမည်ခံ အလွမ်းသီချင်းတစ်ပုဒ်လောက်မှ နားထောင်လို့ မကောင်းပါဘူး…။

လူတိုင်းဟာ ကိုယ့်ဘ၀နဲ့ ကိုယ်တော့ ကိုယ်တိုင် မင်းသားပါပဲ..။ ကိုယ်တိုင် မင်းသမီးပါပဲ..။ ကိုယ့်စိတ်ရူးနဲ့ ကိုယ်မင်းသားလုပ်ကြပါ..။ မင်းသမီးလုပ်ကြပါ..။ ဘာ ပြဿနာမှ မရှိပါဘူး..။ ဒါပေမယ့် လူဆိုတဲ့အမျိုးဟာ ဘာကြောင့်များ ကိုယ့်ကိုယ်ကို မင်းသား၊ မင်းသမီး ခန့်လို့မှ အားမရ..။ သူများတကာတွေကို လူကြမ်းအခန်း တွေ၊ ဗီလိန်အခန်းတွေကနေ ပါစေချင်ကြ..။ အဲ့ဒီ့အခန်းတွေထဲကို အတင်းထိုးထည့်ကြတာလဲ ဆိုတာ ကျွန်တော့်အတွက်တော့ တကယ်ကို စဉ်းစားလို့မရတဲ့ မေးခွန်း တစ်ခုပါ…။ အင်္ဂလိပ်ဆိုရိုးစကားတစ်ခုအရ သူဟာ သိက္ခာသမာဓိနဲ့ ပြည့်စုံတဲ့ မင်းသား၊ မင်းသမီးတစ်ယောက် ဖြစ်ကြောင်းပြဖို့အတွက် မရှိမဖြစ် လိုအပ်နေတဲ့ ဗီလိန် ကို အတင်းဖန်ဆင်းခဲ့တာ ဖြစ်ကောင်းဖြစ်ပါလိ့မ်မယ်…။ ကိုယ့်ဘာသာ မင်းသားလုပ်ကြပါဗျာ..။ မကျေနပ်ရင် ပတ်မကြီးထိုးခွဲကြပါ…။ ကျွန်တော်တို့ မဆိုင်တဲ့သူတွေ ကိုတော့ ဇွတ်ရော အတင်းရော ဗီလိန်နေရာ ဆွဲမထည့်ကြပါနဲ့ဗျာ…။

တကယ်ဆို ခင်ဗျားတို့ကတော်ပြီးသားပါ..။ ခင်ဗျားတို့က တတ်ပြီးသားပါ..။ ထူးချွန်ပြီးသားပါ..။ အောင်မြင်ပြီးသားပါ..။ နာမည်ကြီးပြီးသားပါ..။ လူသိများပြီးသားပါ။ ဒါတောင် ဘာကြောင့် ကျွန်တော်တို့ကို နင်းမှ ဒီ့ထက်မြင်တဲ့နေရာကိုရောက်မယ်လို့ ခင်ဗျားတို့ ထင်နေကြရတာလဲ..? နိမ့်တိုင်းမကောင်းသလို..။ မြင့်တိုင်းလည်း မကောင်းနိုင်ဘူးဆိုတာ ခင်ဗျား ကျွန်တော့်ထက် ပိုသိပါတယ်..။ ခင်ဗျားတို့ ဂုဏ်ယူပါ..။ ၀င့်ကြွားပါ..။ ဟစ်ကြွေးပါ..။ မာန်တက်ပါ..။ ကျွန်တော်တို့ လက်ခုပ်တီးပါ့ မယ်..။ လက်ခုပ်တီးရင် အသံထွက်ပါတယ်..။ ကျွန်တော့်ပါးကို ခင်ဗျားလက်ဝါးနဲ့ ရိုက်မှ အသံထွက်တာ မဟုတ်ဖူးဆိုတာကို ခင်ဗျားတို့တွေ ဘာကြောင့် မသိကြတာ လဲ..။ အင်းပေါ့ဗျာ..။ ပညာရှိတွေမို့လို့ သတိဖြစ်ခဲသွားတာ ဖြစ်ပါလိ့မ်မယ်…။ နောက်တစ်ခါတော့ သတိမလစ်ပါစေနဲ့ဗျာ..။ ကျွန်တော့်ပါးတွေ နားတွေလည်း ခင်ဗျား လက်ဝါးကြောင့် ယောင်ကိုင်းလှပါပြီ…။

တစ်ခုလောက်မေးကြည့်ချင်တယ်..။ ကိုယ်ချင်းစာတရားဆိုတာ ဘာများပါလိမ့်..။ ကိုယ့်ကိုထိရင်တော့ မချိအောင်နာတတ်ပြီး..။ သူများကိုကျတော့ ဖြစ်ချင်တာဖြစ်..။ သေချင်သေ ဆိုတာမျိုးကိုများခေါ်မလား..။ ဒါဟာ ၂၁ ရာစု ကိုယ်ချင်းစာဝါဒအသစ် တစ်ရပ်လား…။ သူများမကောင်းကြောင်းနဲ့ ကိုယ်ကောင်းကြောင်းဟာ ၂၁ ရာစုရဲ့ နံနက်စာ အမျိုးအစားသစ်တခုလား…? ကိုယ့်ထက်သာ မနာလိုတာဟာ ၂၁ ရာစုအတွက် အဟာရဖြစ်စရာ နွားနို့တစ်ခွက်များလား..? မြေနိမ့်ရာလှံစိုက်ပြီး..။ သာပေါင်း ညာစားခြင်းဟာ ၂၁ ရာစုရဲ့ အောင်မြင်ခြင်း နည်းလမ်းတစ်ခုလား..? တကယ်ဆို ခင်ဗျားတို့ မတရားဘူးဗျာ..။ အားချင်မတူတာတောင်..။ ခင်ဗျားတို့..။ ကျွန်တော်တို့ကို မသနားဘူး..။ တကယ်ဆို ကျွန်တော်တို့က ခင်ဗျားတို့ အခေါ်မြူးတိုင်း ဘုရားထူးရအောင် အရူးတွေမှ မဟုတ်တာပဲ…။

ဘာမှလုပ်ချင်စိတ်မရှိတာကြောင့် တစ်ကြောင်း..။ စာတွေ အရင်လို အင်တာနက်စာမျက်နှာပေါ် (ဘလော့မှာ) မရေးချင်တော့တာက တစ်ကြောင်းကြောင့်..။ လစ်ဟာ နေတဲ့စိတ်ကို အာသာပြေအောင် Facebook ကိုပဲသုံးနေခဲ့တာ တော်တော်ကြာပါပြီ..။ အစကတော့ ဟုတ်တိပါတ်တိပါပဲ..။ နောက်ပိုင်းကြာလာတော့ Facebook ဆို တာလဲ အခုလက်ရှိ ဖြစ်ချင်တိုင်းဖြစ်နေတဲ့ (အမည်ခံ) Blogger တွေနဲ့ ဘာမှမထူး..။ အသွင်းတမူထူးပြီး ရူးနေကြတဲ့ နေရာတစ်ခုပဲ ဆိုတာ ပိုသိလာရတယ်…။ တစ်ယောက်နဲ့ တစ်ယောက် ပြိုင်ကြ ဆိုင်ကြ..။ ဆော်ကြ..။ နှုက်ကြ..။ စောင်းကြ..။ မြောင်းကြ…။ ၀ါးလုံးရှည်တွေနဲ့ရမ်းကျ..။ ဓားတိုတွေနဲ့ နောက်ကျောကို ထိုးကြ..။ သူ့လူ ကိုယ့်လူတွေ ဖွဲ့ကြ..။ ဒါတွေကို များမြင်ရင်..။ အသက် ၂၆ သာရှိသေးတဲ့ Facebook Founder ဖြစ်တဲ့ Mark Zuckerberg သာမြင်ရင် ရင်ကျိုးမှာ ပဲ..။ ဒီလိုတွေ ထင်တိုင်းကျဲနေကြတာ လူငယ်တွေပဲလား..။ မဟုတ်ပါဘူး..။ အိုကြီးအိုမတွေ..။ ရှေ့မှီသလိုလို နောက်မှီသလိုလိုနဲ့..။ ဘာမှမမှီပဲ မျောက်သစ်ကိုင်း လွတ်နေတဲ့သူတွေ လည်းပါတယ်..။

မသိရင် သူတို့ကိုယ် သူတို့ Mark Zuckerberg လိုလို Worpdress Founder Matt Mullenweg လိုလို..။ လူတိုင်းကပဲ သူတို့ကို အရိပ်တကြည့်ကြည့် မျက်စိ ဒေါက်ထောက်ကြည့်နေသလိုလို..။ သူတို့ပြောမှပဲ သိရသလိုလို တတ်ရသလိုလိုနဲ့..။ ဟိတ်ကြီး ဟန်ကြီးတွေနဲ့..။ နောက်ကွယ်မှာတော့ ဟိုလူ့အတင်းတုတ်..။ ဒီလူ့ အတင်းတုတ်နဲ့..။ ဟိုလူနဲ့သိလိုက်ပြန်ပြီ..။ ဒီလူ့အကြောင်းလဲ သိတာပဲ..။ ဒါကိုပဲ ဂုဏ်ယူစရာတစ်ခုလိုလို..။ ဖူး….(fool….)။

အော်နေလိုက်ကြတာ..။ ဟစ်ကြွေးနေလိုက်ကြတာ..။ မသိရင် နိုင်ငံတော်ကြီးမှာ သူတို့ကိုပဲ ချက်ခြင်း သမ္မတခန့်ရတော့မလိုလို..။ တစ်နိုင်ငံလုံးကိုပဲ ကိုယ်စားပြုနေ သလိုလို..။ အမှန်တရား ဘက်တော်သားကြီးတွေလိုလို…။ ဘာကြီးလိုလို..။ ညာကြီးလိုလို..။ နောက်ဆုံးတော့လည်း ကျတော့လည်း..။ အကုန်လုံး ပုဆိုးခြုံထဲက လက် သီး ပြနေတဲ့သူတွေချည်းပဲ..။ အပြောကတော့ ရွှေမန်း..။ ကတော့ ချိုမိုင်မိုင်ဆိုတာ ဒါမျိုးတွေပဲဖြစ်မယ်..။ ပြောလိုက်တာကတော့ လေကြီးမိုးကြီး..။ ကိုယ်တိုင် ဘာများ ပေးဆပ်ဖူးသလဲ..။ သွေးမပြောနဲ့..။ ချွေးတောင် ပေးဖူးရဲ့လားဆိုတော့..။ အီး..။ အဲ…။ ဟဲ ..။ ဟဲ..။ ခင်ဗျားတို့ သိသလောက်တော့ ကျွန်တော်တို့လည်း သိတယ်..။ ခင်ဗျားတို့ မသိတာတွေလည်း ကျွန်တော်တို့ သိနိုင်တယ်..။ ခင်ဗျားတို့ မမြင်ဖူးတာတွေ..။ မကြုံဖူးတာတွေ..။ တစ်ခါမှထင်မထားဖူးတဲ့ အခက်အခဲနဲ့ အနေအထား တွေလည်း ကျွန်တော်တို့ ကြုံဖူးနိုင်ပါတယ်..။ ပါးစပ်နဲ့ပြောတာကတော့ တစ်နှစ်သားကလေး (နဲနဲငယ်သွားလားမသိဘူး..။ ၅ နှစ်သားလောက်ထားဗျာ) လဲ ကြားဖန် များရင်…။ ပြောတတ်ပါတယ်ဗျာ…။ အဝေးကြီးက အော်နေကြ ဟစ်နေကြမယ့်အစား..။ ကိုယ်တိုင် ကိုယ်ကြ လာကြိုးစားပေးကြပါဆိုတော့လဲ..။ သူတို့နဲ့ ထိုက်တန် တဲ့နေရာနဲ့ အခွင့်အရေးပဲ မရှိသလိုလို..။ သူတို့တတ်ထား သိထားတဲ့ ပညာတွေနဲ့ပဲ မထိုက်တန်သလိုလို..။ ပါးစပ်ကလေး ပိတ်ပြီး ရသလောက် အခွင့်အရေးလေးနဲ့ အကောင်းဆုံးဖြစ်အောင် ခက်ခက်ခဲခဲ ကြိုးစားနေကြတဲ့..။ လူငယ်တွေ..။ လူလတ်တွေ..။ လူကြီးတွေကိုလည်း အားနာကြပါဦးဗျာ..။

ဘယ်အရာမှ အကောင်းချည်းပဲ မရှိသလို..။ အဆိုးချည်းပဲလည်းမရှိပါဘူး…။ အရာအားလုံးဟာ အကောင်းနဲ့ အဆိုးအမြဲဒွန်တွဲနေတယ်ဆိုတာ ခင်ဗျားတို့ပညာတတ် တွေက ကျွန်တော်တို့လို ဘာမှမဟုတ်တဲ့ကောင်တွေထက် ပိုသိကြပါတယ်…။ ဒီတစ်ခါလည်း ပညာရှိ သတိဖြစ်ခဲသွားပြန်ပြီနဲ့ တူပါတယ်..။ ခင်ဗျားတို့ ပညာရှိကြီးတွေ.. ပညာတတ်ကြီးတွေကလည်း ဖြစ်ဖြစ်နိုင်လွန်းတယ်ဗျာ။ မကောင်းရင် မကောင်းဘူးပြော..။ မှန်တယ်..။ ကောင်းတာလေး ရှိရင်လည်း ကောင်းတယ် ပေါ့ဗျာ..။ မွေးကာစကလေးတွေလို အမြဲချည်းပဲ “ဘူး” ချည်းပဲတော့ မှုတ်မနေနဲ့ပေါ့..။

ခဏတိုင်း ၀ါးလုံးရှည်တွေနဲ့ ရမ်းတာခံရဖန်များတော့..။ လူတွေလည်း ကွန်ဖူးတွေ..။ ကရာတေးတွေ တော်တော်တတ်နေပြီ…။ ထင်ပြီးသားလူတွေက ၀ါးလုံးရှည်နဲ့ ရမ်းတာကို ပြုံးပြုံးလေး ကြည့်ရင်း ကိုယ်နဲ့မဆိုင်သလိုနေတတ်ပေမယ့်..။ တစ်ခါတစ်လေ ကိုယ်အထင်ကြီးမယ်လို့ ကြံထားတဲ့သူတွေက အဲ့လို အကျင့်မျိုးတွေ ကူးစက်ပြီး ၀ါးလုံးရှည်နဲ့ ရမ်းတာကိုခံရတဲ့အခါတော့..။ အငိုက်မိတဲ့ ငမိုက်သား..။ ခံစားရတာတော့ တော်တော်ခက်တယ်ဗျာ…။

တကယ်ဆို ကျွန်တော်က လူတွေနဲ့ပေါင်းသင်းဆက်ဆံရတာ..။ ပျော်ပျော်ရွှင်ရွှင်စုစုရုံးရုံးလေး နေရတာကို အရမ်းသဘောကျတတ်တဲ့လူပါ..။ အဲ့လိုပဲ တစ်ချိန်တည်း တစ်ပြိုင်ထဲမှာ တစ်ယောက်ထဲ ငြိမ်သက်စွာ လွင့်မြောနေရတာကိုလည်း မြတ်နိုးတတ်တဲ့လူတစ်ယောက်ပါ…။ ကျွန်တော့်လက်ရှိအသက်အရွယ်ရဲ့ ၃ ပုံ ၁ ပုံ ကျော်ကျော် ၃ ပုံ ၂ ပုံနီးပါးကိုတော့ ကိုယ်နဲ့ သိပ်ပြီးအံမ၀င်လှတဲ့ ပါတ်ဝန်းကျင်တစ်ခုမှာ ရှင်သန်ခဲ့ရ..။ ရှင်သန်နေရတာကြောင့်..။ တစ်ယောက်ထဲ နေရတဲ့ အခြေအနေကို ပိုပြီးသဘောကျပါတယ်..။ ဒါပေမယ့် လူ့သဘာဝအတိုင်း ငြီးငွေ့လာလို့ အပေါင်းလေး အသင်းလေးနဲ့ သိုက်သိုက်ဝန်းဝန်း နေမယ်ဆိုပြန်တော့လည်း …။ မနာလိုတာတွေပဲလား..။ (မနာလိုရအောင် ကျွန်တော်လည်း ဘာမှ ဖြစ်ဖြစ်မြောက်မြောက် တော်တဲ့သူ၊ အောင်မြင်တဲ့သူလည်းမဟုတ်) ကြိတ်ပြီးတော့ပဲ မကျေ မနပ်တွေ ဖြစ်နေသလား..။ မခေါ်နိုင်..။ မပြောနိုင်..။ မပြုံးနိုင်…။ ကိုယ်က မသိချင်ယောင်ဆောင်ပြီး စကားစပြီး သွားပြောရင်တောင်မှ ပြောချင်သလိုလို မပြောချင် သလိုလို..။ ကြားသလိုလို..။ မကြားသလိုလို…။ သြော်..။ မကျေနပ်တာရှိလည်း ဒဲ့ပေါ့ကွာ..။ မိန်းကလေးတွေမှ မဟုတ်..။ ယောက်ျားလေးတွေလည်း ဒီလိုဖြစ် တတ်တာ ထူးဆန်းပါ့ဗျာ..။ အထူးသဖြင့် ကျွန်တော် ကျင်လည်နေတဲ့ အသိုင်းအ၀ိုင်းမှာရှိတဲ့ ယောကျာ်းတစ်ယောက်ဖြစ်ပြီး ဒီလိုမျိုးဖြစ်တာကတော့..။ စိတ်ပဲဆိုး ရမလား..။ ရယ်ချင် ပက်ကျိ..။ ဟိ ဟိ ဟိ..။ လို့ ပဲပြောရမလား..။ နောက်ဆုံးတော့ ဘယ်သူမပြု မိမိမှု..။ ကိုယ်က အထွန့်ရှည်ပြီး စုစုဝေးဝေးလေး အပေါင်းနဲ့ အသင်းနဲ့ နေချင်ခဲ့တာကိုး..။ အရင်လို တစ်ယောက်ထဲ နေလဲ ရရဲ့သားနဲ့…။ ဖူး…(fool…) ။ ဒီတစ်ခါကတော့ ကိုယ့်ကိုယ်ကို ဖူးတာပါ…။

ပြေရာပြေကြောင်း ဓာတ်ပုံတွေလိုက်ရိုက်နေတယ်..။ အားရတာတွေလည်းရှိတယ်..။ အားမရတာတွေလည်းရှိတယ်..။ ဒီရောဂါက ဘယ်အချိန်အထိ အဆိပ်တက်နေဦး မလဲတော့ ကျွန်တော်လည်းမပြောတတ်ဖူး..။ အခုထိတော့ အရှိန်ကောင်းနေတုန်း (အရှိန်အကောင်းဆုံး အချိန်လို့တောင် ပြောလို့ရပါတယ်..)။ လောလောဆယ် တော့ Blog တွေ..။ Facebook တွေ ထက်အများကြီးသာပါတယ်..။ (ဘယ်အချိန် ထဖောက်မလဲတော့မသိဘူး) ..။ တစ်ရွာလုံးနဲ့ ငါ့ဘကြီးဆိုတော့..။ ဘယ်ရမလဲ..။ တစ်ရွာလုံးမှားတာပဲ ဖြစ်ရမှာပေါ့..။ ငါ့ဘကြီးကတော့ Ever Right! ပဲ..။ နဲနဲလေးမှ မလျော့ပေးနိုင်ဘူး..။

မောင် Zox နဲ့ မောင်ဥဂ္ဂ ..။ ရောက်ရာအရပ်ကနေ အသေသာ လာသတ်ကြပါတော့…။ ကျွန်တော်မျိုးကြီးလဲ ကြိုးစားပြီး ပြင်ကြည့်ပါတယ်..။ ဒီတစ်ခါတော့ ပြဿနာ ကကြီးပါတယ်..။ DNS Wildcard အထိ ပြင်ဖို့လိုလာတယ်လို့ဆိုပါတယ်..။ အရင်ကမဖြစ်ပဲ အခုမှ ဘာတွေထကြောင်ပြီး ဖြစ်လဲတော့ ကျွန်တော်မျိုးလည်း မလျှောက်တတ်တော့ပါဘူး..။ အခုလို စိတ်အနေအထားမှာ Domain ကြီးတစ်ခုလုံး ဖျက်မပြစ်တာပဲ ကံကောင်းတယ်လို့ ပြောရပါလိ့မ်မယ်..။ စောင်းမြောင်းပြီး ပြောနေတဲ့သူတွေ..။ ကောလဟာလ လွှတ်နေတဲ့သူတွေ..။ မထိတရိ လာရိနေတဲ့သူတွေကို ဘာမှ ပြန်ပြောမနေပါနဲ့..။ ဒေါသလည်း ထွက်မနေပါနဲ့..။ စာရင်းလေးသာ မှတ်ထားလိုက်ပါ…။ အဲ့ဒီ့ စာရင်း နောက် ၂ လ ကြာရင် ကျွန်တော်မျိုးကိုယ်တိုင် လိုက်ပြီး..။ သူတို့ကျေနပ်တဲ့အထိ ခခယယ လိုက် ရှင်းပေးပါ့ မယ်လို့..။

တစ်ခါတစ်လေ စဉ်းစားမိနေတယ်..။ အခုရေးနေတဲ့စာတမ်းက Photography အကြောင်းသာဖြစ်သွားရင် သိပ်ကောင်းမှာပဲ..။ လအနဲအငယ်အတွင်း မီးကုန်ရမ်းကုန် လေ့လာထား..။ ဖတ်ထားတာတွေနဲ့သာ စာတမ်းတင်လိုက်ရလို့ကတော့ သေချာတယ်..။ Dr. ဘွဲ့တန်းကနဲပါမှာ..။ အခုတော့ စာတမ်းလည်း ပြစ်ထားတာ ကြာာပေါ့။ ဆရာရေ…။ ကျွန်တော့်ကို အသေသာ လာသတ်လိုက်ပါတော့ဗျာ…။

စိတ်နဲ့ကိုယ်နဲ့မကပ်ပုံများ…။ အရင်ကဆို..။ ဇန်န၀ါရီလကနေ..။ ဒီဇင်ဘာလအထိ..။ မွေးနေ့တွေတင်မက..။ အထိမ်းအမှတ်နေ့တွေ..။ နှစ်ပါတ်လည်နေ့တွေ..။ ဘာနေ့…။ ညာနေ့…။ အကုန်အလွတ်ရနေတတ်တဲ့ခေါင်း..။ အိပ်ယာထတာနဲ့ ဒီနေ့ဘယ်သူ့မွေးနေ့..။ ဒါမှမဟုတ်..။ ဘာနေ့ဆိုတာကို အရင်ဆုံးတွေးနေတတ်တဲ့ ခေါင်းက…။

အမေရေ…။ ခွင့်လွှတ်ပါဗျာ..။ အမေ့မွေးနေ့ April 23 ကို သား 13 နဲ့မှားခဲ့ပြီ..။ စိတ်မကောင်းဖြစ်ပြီး..။ နောက်လတော့ မုန့်ဖိုးမပို့ပဲမနေပါနဲ့..။ သား Lens လေး နှစ်ခုနဲ့ မျက်မှန်လေး တစ်လက်လောက်တော့ မပြန်ခင် ၀ယ်ထားလိုက်ချင်သေးတယ် အမေရယ်….။ နော်…။

P.S- Have A Great New Year Festival Everybody. It’s Thigyan! Let’s Rock N Roll!!!

ကျွန်တော်အရင်ဆုံး မင်္ဂလာရှိတဲ့သတင်းတစ်ခုကိုပြောချင်ပါတယ်..။ အဲ့ဒါကတော့ ကျွန်တော်တို့ ညီအစ်ကိုတွေ စုပေါင်းပြီးတည်ထောင်ထားတဲ့ MMGenius Blog Service အကြောင်းပဲ ဖြစ်ပါတယ်။ မြန်မာနိုင်ငံ ISP ကလူတွေကတော့ ဘယ်လိုတွေ သဘောရပြီး အမြင်မကြည်လင်တာတွေ ရှိလို့ Ban လိုက်တယ်တော့မသိဘူး..။ လွန်ခဲ့တဲ့ ၄ လကျော်လောက်က ကျွန်တော့်ရဲ့ www.blackdream21.com အပါအ၀င် www.mmgenius.com ပါ အ Ban ခံလိုက်ရပါတယ်..။ ဒါနဲ့ပဲ ကျွန်တော်တို့ အရင်ကထားခဲ့တဲ့ ရည်ရွယ်ချက်တွေ အားလုံးသဲထဲရေသွန်သလိုဖြစ်ပြီး တော်တော်လေး စိတ်ဓာတ်ကျသွားခဲ့ကြပါတယ်…။

ဒီလိုတွေ မဖြစ်ခင် ကျွန်တော်တို့ Server အချိန်းအပြောင်းမှာ ကျွန်တော့်ရဲ့အားနည်းချက်၊ အသုံးပြု သူတွေရဲ့ ပေါ့ဆမှုတွေကြောင့် ကျွန်တ်ာတို့ MMGenius မှာလုပ်ထားကြတဲ့ Blog တွေ တော်တော်များများ ပျက်စီးသွားပါတယ်..။ ဒီလိုတွေမဖြစ်အောင်လို့ ကျွန်တော့်အနေနဲ့ အသုံးပြုသူတွေကို Server ပြောင်းမှာ ဖြစ်တဲ့အတွက် Backup များ လုပ်ထားကြဖို့ အကြိမ်ကြိမ် email များပို့ပြီး သတိပေးခဲ့ပါတယ်..။ ဒါပေမယ့်လည်း ကိုယ်စီကိုယ်စီအကြောင်းတွေကြောင့် Backup လုပ်မိတဲ့သူထက် မလုပ်မိတဲ့သူတွေက ပိုများကြပါတယ်..။ Backup မလုပ်ထားရင်တော့ Server ကြီးတစ်ခုလုံး အသစ်ပြောင်းလိုက်တာဖြစ်တဲ့အတွက် ကျွန်တော်လည်း ဘာမှ ပြန်ပြီးမကူညီနိုင်တော့ပါဘူး..။

အဲ့လိုအကြောင်းတရားတွေကဖြစ်..။ အခြား နားလည်မှုမပေးနိုင်သော၊ လူမှုရေးနားမလည်သည့် သူတွေရဲ့ အပြောအဆိုတွေခံရနဲ့ ကျွန်တော်လည်း လုပ်ချင်ကိုင်ချင်စိတ် တော်တော်ပျောက်သွားတာ တော့အမှန်ပါပဲ…။ ဒီကြားထဲ ကျွန်တော့်ရဲ့ Personal ကိစ္စတွေကပါ တစ်ဘက်က ရှိလာပြန်တော့ အကြောင်းအရာ များအားလုံး ပေါင်းစည်းလိုက်တဲ့အချိန်မှာ ကျွန်တော်…။ ကျွန်တော့် ကိုယ်ပိုင် ဘလော့ အပါအ၀င် ကျွန်တော်တို့ တည်ထောင်ထားတဲ့ Site တွေအားလုံးကို လျစ်လျူရှုလိုက်မိသလို ဖြစ်သွားပါတယ်..။

ဒါပေမယ့် တစ်နေ့မှာ ကျွန်တော် ဘလော့တွေကို လိုက်ဖတ်ကြည့်ရင်း Backup လုပ်ထားလို့ကျန်ခဲ့ တဲ့ www.mmgenius.com နဲ့ရေးနေကြတဲ့ Zox ရဲ့ Post နှစ်ခုကို ဆက်တိုက်ဖတ်လိုက်မိပါတယ်..။ အဲ့ဒီ့မှာ ကျွန်တော်တို့ MMGenius ကပေးထားတဲ့ ၀န်ဆောင်မှုကို သစ္စာရှိရှိနဲ့ တစ်စိုက်မတ်မတ် ဆက်လက် အသုံးပြုကာရေးနေကြတဲ့ ညီအစ်ကိုမောင်နှစ်မတွေရဲ့ ဆန္ဒတွေနဲ့ ရင်ထဲက ခံစားချက်တွေကို ကျွန်တော် ဖတ်မိလိုက်ပါတယ်..။ ကျွန်တော် တကယ်ပဲ စိတ်မကောင်း ဖြစ်ခဲ့ရပါတယ်..။ စိတ်ပျက် လက်ပျက် ဖြစ်နေတဲ့ ကျွန်တော့်ရဲ့ စိတ်တွေလည်း တစ်ခါ ခေါင်းပြန်ထောင်လာပါတယ်…။ နားလည်မှု မရှိတဲ့ လူအချို့ကြောင့် တကယ် တစ်စိုက်မတ်မတ် အသုံးပြုနေတဲ့သူတွေ..။ သုံးချင်တဲ့သူတွေရဲ့ အကျိုးတွေ ကျွန်တော့်ရဲ့ ပျော့ညံ့မှုကြောင့် ပျက်ဆီးကုန်တယ်လို့ ကျွန်တော်ခံစားလိုက်ရပါတယ်..။

Myanmar Genius Forum မှာဆိုရင်လည်း Blog လုပ်ပေးဖို့တောင်းဆိုထားတဲ့ Request ပေါင်းများ စွာကို ကျွန်တော်တွေ့ပေမယ့် …။ ဒီအတိုင်းပဲ ငူတူတူ ငေါင်တောင်တောင်နဲ့ ကြည့်နေရုံကလွဲပြီး ကျွန်တော် ဘာမှမလုပ်ပေးခဲ့မိပါဘူး..။ ဒါတွေအားလုံးဟာ တကယ်တော့ ကျွန်တော့်အပြစ်တွေပါပဲ။ ဒီအတွက်လည်း ကျွန်တော် အားလုံးကိုတောင်းပန်ပါတယ်..။ အခုရေးနေတဲ့သူတွေရော…။ အရင်ကရေးခဲ့တဲ့သူတွေရော..။ နောင်ရေးလာမယ့်သူတွေရော အားလုံးကို တောင်းပန်ခြင်း ဖြစ်ပါတယ်..။

အခုတော့ MMGenius က မြန်မာပြည်မှာ ဖွင့်လို့ရတဲ့နေရာကရ..။ မရတဲ့ နေရာကမရ ဖြစ်နေတော့..။ အခြေအနေအမှန်ကို ကျွန်တော်ကိုယ်တိုင် အတိအကျတော့ မသိပါဘူး..။ ဒါပေမယ့် ကျွန်တော်ဆုံး ဖြတ်ချက် တစ်ခုကိုတော့ ပြတ်ပြတ်သားသားချလိုက်ပါတယ်..။

ပိတ်ထားသည်ပဲ ဖြစ်ဖြစ်..။ ဖွင့်ထားသည်ပဲ ဖြစ်ဖြစ်..။ ကျွန်တော်တို့ စေတနာအရင်းခံထားပြီးလုပ်ခဲ့တဲ့ အလုပ်တစ်ခုကို ကျွန်တော် ဆက်လက်ဖို့ ဆုံးဖြတ်လိုက် ပါတယ်..။ အရင်လို အဆင်ပြေလွယ်ကူစွာ အသုံးပြုလို့မရနိုင်တော့ပေမယ့်…။ မြန်မာလူမျိုးတွေကြားထဲမှာ ကိုယ့်လူမျိုးအခြင်းခြင်းပေးနေတဲ့ ၀န်ဆောင်မှုတစ်ခုကို တော့ ကျွန်တော် အပျက်အစီးမခံနိုင်တာအမှန်ပါ…။

ဒါကြောင့် အခုအချိန်ကာလ အတော်ကြာရပ်ဆိုင်းသွားတဲ့ MMGenius ကို ပြန်လည် စတင်လည်ပတ်လိုက်ပြီ ဖြစ်ပါတယ်..။ ဒီနေရာမှာ ကျွန်တော်အားလုံးနဲ့ မိတ်ဆက်ပေးချင်တာကတော့..။ MMGenius Blog Service အတွက် ကျွန်တော် Admin အသစ်နှစ်ယောက်နှင့် အားဖြည့်ဖွဲ့စည်းလိုက်ပါတယ်..။ ကျွန်တော်ကိုယ်တိုင် စာတမ်းကြောင့် မအားလပ်နိုင်တော့တာက တစ်ကြောင်း..။ တစ်ယောက်ထဲလုပ်နေရတာထက်စာရင် အားလုံးစုစုစည်းစည်းလေးနဲ့ ၀ိုင်းကြိုးစား လိုက်ရင် ပိုမိုအောင်မြင်ထိရောက်စွာ အကျိုးပြုနိုင်မယ်လို့ ယုံကြည်တာကတစ်ကြောင်းကြောင့်..။  သားဖြိုး (ကဗျာလွယ်အိတ်လေး) နဲ့ Zox (Netmaze) တို့ကို MMGenius BLog Service ရဲ့ Admin များအဖြစ် သတ်မှတ်ပေးလိုက်ပါတယ်..။ အခု သူတို့ နှစ်ယောက် ပူးပေါင်းတိုင်ပင်ပြီး Blog တွေ ပြန်ပေးနေပါပြီ..။ အရင်တောင်းထားတဲ့သူတွေကိုလည်း ပြန်ပေးနေပါပြီ..။ အသစ်ထပ်တောင်းမယ့်သူတွေကိုလည်း ပေးကြပါလိ့မ်မယ်..။

အရင်က ကျွန်တော်တစ်ယောက်ထဲလုပ်နေတာထက် အခု ကျွန်တော့်ညီနှစ်ယောက်က ထပ်ပြီး အားဖြည့်ကူညီလိုက်ကြတော့ ကျွန်တော်တို့ရဲ့ MMGenius Blog Service ဟာ အရင်ကထက် ပိုမို အရှိန်ပြင်းစွာ၊ ပိုမိုထိရောက်စွာ အကျိုးပြုလာနိုင်မယ်လို့ ကျွန်တော်အတိအကျယုံကြည်ပါတယ်…။ ကျွန်တော့်ကို အခုလို တစ်ဘက် တစ်လှမ်းက ကူညီတဲ့ အတွက်လည်း ကျွန်တော် တော်တော်လေး ၀မ်းသာမိပါတယ်..။ သားဖြိုးနဲ့၊ Zox မှ မဟုတ်ပါဘူး..။ ယခုအချိန်အထိ MMGenius မှာ တစ်စိုက် မတ်မတ်ရေးခဲ့တဲ့..။ မောင်ဥဂ္ဂ၊ နေ့အိပ်မက်၊ ဖိုးဂျယ် တို့ကိုလည်း ကျွန်တော် တကယ်ကျေးဇူးတင်ပါ တယ်..။

ဒါကြောင့် အခု ကျွန်တော်တို့ MMGenius Blog Service ကိုအရင်အတိုင်း အရှိန်အဟုန်ဖြင့် ပြန်လည်မောင်းနှင်နေပြီ ဖြစ်ကြောင်း ပထမအချက်အနေနဲ့ သတင်းကောင်းပါးလိုက်ပါတယ်..။

ဒုတိယအချက်အနေနဲ့ ကျွန်တော်တို့ ညီအစ်ကိုမောင်နှစ်မတွေ စုစည်းပြီး ဦးစွာတည်ထောင်ခဲ့တဲ့ Myanmar Genius Forum အကြောင်းကို ကျွန်တော်နဲနဲလေး ဆက်ပြီး ပြောပြချင်ပါတယ်..။ ကျွန်တော်တို့လူမျိုးတွေ တည်ထောင်ထားတဲ့ များစွာသော ဖိုရမ်များအနက် ကျွန်တော်တို့ Myanmar Genius ဖိုရမ်ဟာ အရမ်းအောင်မြင်ခဲ့ခြင်းမရှိသည့်တိုင်အောင်..။ အုတ်ရောရောကျောက်ရောရော အဆင့်ကို မရောက်ပဲ အတိုင်းအတာတစ်ခုအထိ အသိအမှတ်ပြု လူစိတ်ဝင်စားခြင်းကို ခံခဲ့ရတဲ့အတွက် ကျွန်တော် ဂုဏ်ယူပါတယ်..။ ကျွန်တော်တို့ရဲ့ Myanmar Genius ၀န်ဆောင်မှုများအပေါ်မှာ လူအများ ဘယ်လောက်အထိ စိတ်ဝင်စားမှုရှိတယ်မရှိဘူးဆိုတာကို ကျွန်တော်တို့ Facebook မှာလုပ်ထားတဲ့ Fan Page နဲ့ Group မှာ လူပေါင်းထောင်ကျော်အောင် Member များရှိနေခြင်းက သက်သေတည်နေပါတယ်..။

အခု ကျွန်တော်တို့ရဲ့ Myanmar Genius Forum ကို ကျွန်တော်ရယ် ကျွန်တော့်အစ်ကို ဖြစ်တဲ့ ကိုရဲအောင်သူရယ် ပူးပေါင်းပြီး ပြန်လည် လည်ပတ်အောင် လုပ်နေပြီဖြစ်ပါတယ်..။ ကိုရဲအောင်သူရဲ့ ဦးဆောင် စီစဉ်မှုနဲ့ပဲ လွန်ခဲ့တဲ့ နှစ်လက Myanmar Genius Forum မိသားစုများရဲ့ ပထမဆုံး အကြိမ်အလှူတစ်ခု ကိုအောင်မြင်စွာ ပြုလုပ်နိုင်ခဲ့ပြီးဖြစ်ပါတယ်..။ ဒါဟာ ကျွန်တော်တို့ Myanmar Genius Forum ရဲ့ ပထမဦးဆုံးသော ခြေလှမ်းတစ်ခုဖြစ်ပါတယ်..။ အဲ့ဒီအချိန်ကာ လတုန်းက ကျွန်တော် အကြောင်းအမျိုးမျိုးကြောင့် မဖော်ပြဖြစ်ခဲ့တာကြောင့် အခုဖော်ပြခြင်းဖြင့် ဂုဏ်ပြုခြင်း ဖြစ်ပါတယ်..။ အဲ့ဒီ့အလှူဖြစ်အောင် ၀င်ရောက်ကူညီ ကြတဲ့ ဖိုရမ် မန်ဘာများ အက်ဒမင်းများကိုလည်း ကျွန်တော် ဒီနေရာကနေပဲ ကျေးဇူးတင်ကြောင်း ပြောပါရစေ..။

အလှူရက် သတ်မှတ်မှုကပ်သွားခြင်း…။ ထုံးစံအတိုင်း ကျွန်တော့်ရဲ့ အသုံးမကျခြင်းကြောင့်..။ မန်ဘာများကို သေသေချာချာ လှုံဆော်စည်းရုံးနိုင်ခဲ့ခြင်း မရှိတာကတော့ ကျွန်တော့်ရဲ့ အဓိက အားနည်းချက်ကြောင့်ပဲ ဖြစ်ပါတယ်..။ ဒါပေမယ့် ကျွန်တော်တို့ Myanmar Genius Forum ရဲ့ ခြေလှမ်း တွေဟာ ဒီတစ်ခု ထဲမှာ ပြီးဆုံးသွားမှာမဟုတ်ပဲ နောက်ထပ် အကြိမ်တွေထပ်ရှိလာဦးမှာဖြစ်တဲ့ အတွက် နောင်အခါများမှာတော့ ယခုထက်ပိုပြီး မန်ဘာများ၊ စေတနာရှင်၊ အလှူရှင်များ ပိုမိုထိရောက် စွာပါဝင်လာနိုင်အောင် ကျွန်တော် ကြိုးစားသွားပေးပါ့မယ်လို့ ပြောကြားရင်း..။ ကျွန်တော့်ရဲ့ တစ်ကြော့ပြန် ပို့စ်တစ်ခုအဖြစ် ဖော်ပြလိုက်ပါတယ်..။

P.S- အားလုံးပဲ Myanmar Genius Forum နဲ့ MMGenius Blog Service သို့လာရောက်လည်ပတ် ကာ Member ၀င်ခြင်း၊ Blog များပြုလုပ်ခြင်းများ ပြုလုပ်ကြဖို့ ကျွန်တော်လေးစားစွာ ဖိတ်ခေါ်အပ်ပါ တယ်..။

zkaungkhant for pointing my typing error )

ဘာလို့လဲဆိုတော့ အဲ့ဒီ့နေ့က ကျွန်တော်တို့ရဲ့ နာမည်ကျော် ဓာတ်ပုံဆရာကြီး Dragonz (မိတ်ကပ်လိမ်းတဲ့ နဂါးကြီး) ရဲ့ ၂၅ နှစ်ပြည့် မွေးနေ့ဖြစ်လို့ပါ..။ သူနဲ့ ကျွန်တော်နဲ့က မွေးလတူလို့လားတော့မသိဘူး..။ အနုပညာကိုရူးသွပ်တဲ့နေရာမှာတော့ တော်တော်လေး တူကြပါ တယ်..။ ကျွန်တော့်ထက်စာရင် ဒီကောင်က ပိုပြီးတော့တောင် အနုပညာဆန်တယ်လို့ ပြောလို့ရပါတယ်..။ (အတည်နောက်တာပါ ဒီကောင်ကြီးက ရုပ်သာကြမ်းတာ..။ စိတ်ထားကတော့ တော်တော်ဆိုးပါတယ်..။ ) ကျွန်တော်က အလုပ်တစ်ခုလုပ်ရင် စိတ်မရှည်သလောက် ဒီကောင်က အလုပ်တစ်ခုကို စိတ်ရှည်လက်ရှည်နဲ့ သေသေချာချာ အသေးစိတ်လုပ်တတ်ပါတယ်..။ ကျွန်တော်က ၀လုံးတောင် ၀ိုင်းအောင်မရေးတတ် သလောက် ဒီကောင်က ပန်းချီ၊ ကာတွန်း ကောင်းကောင်းဆွဲတတ်ပါတယ်..။ စာတွေဘာတွေလည်းရေးပါတယ်..။ ဒါတွေက သိပ်မထူးဆန်း ဘူးလား? အိုကေ ဒါဆို ကျွန်တော် ထူးဆန်းတာလေးတစ်ခုပြောပြပါမယ်..။ အဲ့ဒီ့ နဂါးက Paper Art ( ရောင်စုံ ကဒ်ထူစက္ကူများကို သုံးကာ ဒီဇိုင်းတွေဖော်တဲ့ ပညာလို့ပဲ အကြမ်းဖျဥ်းသတ်မှတ်ကြတာပေါ့ ) ကို တော်တော်လေး ကျွမ်းကျင်ပါတယ်..။ အခု အောက်မှာ ဒီကောင်လက်ဆောင် ပေးဖို့လုပ်ထားတဲ့ Paper Art Design တစ်ခုကို ကျွန်တော် ရိုက်ပေးထားတဲ့ ပုံတင်ပေးထားပါတယ်..။ (Order မှာယူလိုပါက လက်လီလက်ကား လက်ခံပါတယ်တဲ့..။ )

ဆိုတော့..။ သူမွေးနေ့အမှတ်တရ ဖြစ်ဖို့..။ ကျွန်တော်တို့ အဲ့ဒီ့မြို့မှာရှိတဲ့သူငယ်ချင်းတွေနဲ့ ချိန်းပြီး မနက်ပိုင်းမှာ နှင်းလျောစီးသွားကြပါတယ်..။ ကျွန်တော့်အတွက်တော့ တကယ့်ပထမဆုံး စလုပ်ဖူးတဲ့အလုပ်တစ်ခု အနေနဲ့ မှတ်တမ်းတင်သွားပါတယ်..။ ကျွန်တော်က ငယ်ငယ်ကတည်းက Skate (In-Line Roller) စီးတတ်တဲ့အတွက် အစပိုင်း ၁၅ မိနစ်လောက် ယိုင်တိုင် ယိုင်တိုင်စီးပြီးတဲ့နောက်မှာ..။ တော်တော်လေးအသားကျ သွားပါတယ်..။ လိပ် ရယ်..။ အကြိုင်ရယ်…။ ဂါးဂါးရယ်ကတော့ တပိုင်းပိုင်း တဗုန်းဗုန်းပါပဲ..။ (သိက္ခာချတာမဟုတ်ပါဘူး..။ အမှန်က အပုပ်ချတာပါ  ) ကျွန်တော်တို့အားလုံးရဲ့ နှင်းလျောစီးအနီးကပ် နည်းပြကတော့ ဒီနိုင်ငံက နိုင်ငံကျော်ကဗျာဆရာ ပူရှကင်နဲ့ တထေရာတည်းတူတဲ့ (အထူးသဖြင့် သူ့ရဲ့ လန်ထွက် နေတဲ့ Hair Stlye က ချွတ်စွတ်တူပါတယ်) ချစ်စရာနာမည်လေးကို ပိုင်ဆိုင်ထားသူ လီဆူးမပဲ ဖြစ်ပါတယ်..။

ကျွန်တော်တို့သွားတဲ့ ခရီးစဉ်မှာပါဝင်သူတွေကတော့ ကျွန်တော်ရယ်..။ ဂါးဂါးရယ်..။ လိပ် (မ) ရယ်..။ အကြိုင် ရယ်..။ ပေါက်စီရယ်..။ လီဆူးမရယ်။ နောက်တစ်ယောက်ရယ်ပါ (ဒီကောင့် Nick Name ကတော့ အချင်းချင်း ဖဲ့သလိုဖြစ်နေမှာစိုးလို့ ကျွန်တော် ထည့်မရေးတော့ပါဘူး ) စုစုပေါင်း (၇) ယောက်ပါ..။

Skate စီးတုန်းက ဒူးလောက်ပဲ ညောင်းပါတယ်..။ အခု နှင်းလျော Skate မှာတော့ လက်က တုတ်ချောင်းနှစ်ချောင်းကို အားယူပြီးတွန်းရတဲ့အတွက် လက်မောင်းတွေပါ အီစလံဝေသွားပါတယ်..။ (စီးနေတုန်းကတွေးထားတဲ့အတိုင်းပဲ ညလည်းရောက်ရော လက်မောင်းတွေ ကိုက်ပါတော့တယ်..။) ဒီနေရာမှာ ကြုံကြိုက်လို့ နှင်းလျောစီးနည်း တက်ကနီကွီးလေး နဲနဲပေးလိုက်ပါမယ်..။ (Skate စီးတတ်ပြီးသူတွေကတော့ စက်ဘီးစီးတတ်တဲ့သူ ဆိုင်ကယ်စီးသင် သလောက်ပါပဲ) ဒူးနဲနဲကွေးပါ..။ ခါးနဲနဲညွတ်ပါ..။ ခန္ဓာကိုယ်ရဲ့ Weight ကို အတင်းအားမထည့်ထားပါနဲ့ (အတွင်းအားမသုံးပါနဲ့..။ သုံးပါက ချောနေတဲ့နှင်းပြင်ပေါ်မှာ ဖွတ်ကနဲ ဖင်ထိုင်လျှက်ကျပါလိ့မ်မယ်) စိတ်ကိုလျော့ထားပါ..။ နှင်းလျောစီးတဲ့အပြားနှစ်ခု Parallel ဖြစ်ဖို့ကို သတိထားပါ (မထားပါက ထိုအပြား နှစ်ခု ဝေးသွားလျှင် ပေါင်ပြဲကာ ကျော်မကောင်း ကြားမကောင်း ဖြစ်ပါလိ့မ်မယ်..။ ပူးသွားပါက ခြေထောက် နှစ်ချောင်းလိမ်ပြီးတော့ Blackie ကျ (Black Dream ကျ မဟုတ်ပါ) ကျပါလိ့မ်မယ်..။) ထို့နောက် တုတ်တံ နှစ်ချောင်းကို မိမိရဲ့နောက်နားခပ်ကျ ကျကိုထားကာ အားယူပြီးတွန်းပါ..။ အရှိန်မရခင် အနဲငယ် အားစိုက်ရပေမယ့် အရှိန်ရသွားတဲ့အခါမှာတော့ ဟပ်ထိုးလဲ..။ မှားလို့…။ သက်တောင့် သက်သာ တွန်းရုံနဲ့ ရွှီးကနဲ ရွှီးကနဲ သွားပါလိ့မ်မယ်…။

ထိုကဲ့သို့ စနစ်တကျ (ကိုယ့်နည်းကိုယ့်ဟန်နဲ့) နာရီဝက်လောက် ထရိန်နင်ဆင်းပြီးသွားတဲ့အခါမှာတော့ ကျွန်တော်တို့ အားလုံးဟာ ဂျိန်းစဘွန်းနဲ့ ငါလား ငါလား စီးနိုင်လောက်တဲ့အခြေအနေကို ရောက်သွားပါတော့ တယ်..။ (မယုံပါက ညာသည်ဟု မှတ်ကြကုန်..)

ဒီနေရာမှာ ဗဟုသုတအနေနဲ့ တစ်ခုပြောစရာရှိလာပါတယ်..။ ဒါကတော့ အအေးချိန်ပါပဲ..။ ကျွန်တော်တို့ နှင်းလျောသွားစီးတဲ့နေ့က ကျွန်တော် ထင်တာမမှားဘူးဆိုရင် အနှုတ် ၁၅ ရှိပါတယ်..။ (သေချာတာကတော့ အနှုတ် ၁၀ အောက်မရောက်ပါဘူး) တော်တော်လေး အေး တယ်လို့ယူဆလို့ ရပါတယ်..။ ဒီအတိုင်းလမ်းလျှောက်နေရင် လက်တွေ၊ နားရွက်တွေ၊ နှာခေါင်းတွေ ကိုက်လာသည်အထိ  အေးစေတဲ့ အအေးချိန်ပါ…။ ဒါပေမယ့် နှင်းလျှောစီးတဲ့အချိန်မှာကတော့ လူက ချွေးတွေတောင်စို့ပြီး ( စောချွေးတွေ၊ ကြောက်ချွေးတွေလားတော့ မသိပါဘူး ) တော်တော်လေး လန်းလန်းဆန်းဆန်း တက်တက်ကြွကြွနဲ့ အအေးဒဏ်ကို လုံးဝသတိမထားမိတော့ပါဘူး..။ ဒါကြောင့် ကျွန်တော့်အထင် ဒီဘက်အနောက်နိုင်ငံတွေ လို အအေးချိန်များတဲ့ နိုင်ငံတွေမှာ နှင်းလျောစီးကြခြင်းဟာ အပျော်အတွက်လည်းဖြစ်နိုင်သလို..။ ကျန်းမာရေး အတွက်လည်း အများကြီး အထောက်အကူပြုနိုင်တဲ့ အပန်းဖြေနည်းတစ်မျိုးအဖြစ် နှစ်သက်ကြခြင်းဖြစ်နိုင်ပါတယ်..။ (အစီးမတော်ရင်တော့ ကျန်းမာရေးမကောင်းပဲ အရေးပေါ် တော့ ရောက်သွားနိုင်ပါတယ်..) ဒီလိုနဲ့ ၃ နာရီခန့် ကလေးတွေနဲ့အပြိုင်အဆိုင် (ကလေးနဲ့တောင် မနိုင်ပါဘူး..။ လူကြီးဆိုရင်တော့ ပြောမနေပါနဲ့တော့) စီး ပြီးတဲ့အချိန်မှာတော့ ကျွန်တော်တို့ ငှားထားတဲ့ တိုက်ခန်းကို ပြန်ကာ ညနေကျရင် ပြုလုပ်မယ့် ဂါးဂါးရဲ့ မွေးနေ့ အတွက် ကျွေးဖို့မွေးဖို့ ပြန်လည် ပြင်ဆင်ကြပါတယ်..။

မွေးနေ့ရယ်လို့လူအများကြီးတော့ မဟုတ်ပါဘူး..။ ကျွန်တော်ကလွဲလို့ ကျွန်တော်နဲ့အတူ ဒီကိုလာတဲ့ ကျန် တဲ့သုံးယောက် (လိပ် (မ)၊ အကြိုင်နဲ့ ဂါးဂါး) တို့ဟာ မနှစ်က ဒီမြို့မှာကျောင်းတက်သွားတဲ့သူတွေဖြစ်တဲ့အတွက် သူတို့ဆရာမ ၄ ယောက်လောက်နဲ့ ကျွန်တော်တို့ ၄ ယောက်ပဲ ဖြစ်ပါ တယ်..။ အိမ်ထောင်တွေ ကလေးတွေနဲ့ ဖြစ်နေတဲ့ အသက်ကြီးတဲ့ ဆရာမနှစ်ယောက်ကတော့ ၈ နာရီလောက်မှာ ပြန်သွားပါတယ်..။ ကျွန်တော်တို့ နဲ့ သက်တူရွယ်တူ ကျန်တဲ့နှစ်ယောက်ကတော့ ကျန်ရှိနေသေးတဲ့ အချိန်များကို ကျွန်တော်တို့နဲ့အတူ ဆက်လက်ကုန်ဆုံးရင်း (ကျန်ရှိနေတဲ့အချိန် ဆိုတာ ည ၁၂ နာရီအထိကိုပဲပြောတာပါ..။ ကျွန်တော့်ကိုဆို သိပ်ယုံကြတာမဟုတ်လို့ ကြိုရှင်းပြထားတာပါ ) ကာလုဂါ ခရီးစဉ်ရဲ့ နောက်ဆုံးည ကို ကုန်ဆုံးစေခဲ့ ပါတယ်..။

နောက်နေ့မနက် (၆.၂.၂၀၁၀) မှာတော့ ကျွန်တော်တို့ ပြန်မယ့်အချိန်ကို ညနေ ၅ နာရီသတ်မှတ်ထားတဲ့အတွက် မနက်ပိုင်းတစ်ပိုင်းလုံး ဓာတ်ပုံထပ်ရိုက်ဖို့ အချိန်ရခဲ့ပါတယ်..။ အဲ့ဒီ့နေ့မနက်မှာတော့ ကျွန်တော်တို့ ကို အိမ်ငှားဖို့ကအစ..။ အစစ အရာရာ ကူညီပေးထားတဲ့ ဆရာမဆိုလည်းဟုတ် သူငယ်ချင်းဆိုလဲဟုတ်တဲ့ Olga နဲ့ တွေ့ဆုံခဲ့ကြပါတယ်..။ သူကအားလုံးကို စီစဉ်ပေးခဲ့ပေမယ့် ကျွန်တော်တို့လာမယ့် နေ့မှာ အခြားမြို့ကသူ့အဖိုးတွေ၊ အဘွားတွေဆီ အလည်သွားနေတဲ့အတွက် မွေးနေ့တုန်းက မလာနိုင်ခဲ့ပါဘူး..။ ( ကျွန်တော်တို့ကို ကြောက်လို့ ထွက်ပြေးတာလည်း ဖြစ်နိုင်ပါတယ်။ ) မြို့ခံပါတာနဲ့ မပါတာ ဒီနေရာလေးမှာ တော်တော်သိသာပါတယ်။ မောင်မင်း ကြီးသားသုံးယောက်က ဒီမှာ တစ်နှစ်လောက်စာသင်ခဲ့တယ်သာဆိုတာ တစ်ကယ်တမ်းရိုက်မဟဲ့ဆိုတော့ ဘယ်သွားရိုက်ရမှန်း မသိကြတော့ပါဘူး (နှင်းတွေအကုန်ဖုံးနေတဲ့ အတွက် နွေရာသီတုန်းက လှတဲ့နေရာတွေဟာ မလှတော့တာလဲ ပါပါတယ်) ဒါပေမယ့် အဲ့ဒီ့နေ့က Olga ရဲ့အကူအညီနဲ့ Kaluga မြို့ရဲ့အလှဆုံး View Point လို့သတ်မှတ်ရမယ့်နေရာလေးကို ရောက်ရှိခဲ့ပါတယ်..။ အဲ့ဒီ့မှာပဲ ဓာတ်ပုံတွေလှည့်ပတ်ရိုက်ရင်း ၄ နာရီ ခန့်မှာ Olga ကို သူ့အိမ်ကို ပြန်ပို့ပေးပြီး ကျွန်တော်တို့တိုက်ခန်းကို ပြန်လာခဲ့ကြပါတယ်..။ အိမ်ပိုင်ရှင်က ၄း၃၀ မှာ အခန်းသော့လာယူကာ ကျွန်တော်တို့လည်း ဇော်ပိုင်သီချင်း ကို ဆိုခဲ့ကြပါတယ်..။ ဘာသီချင်းလဲ ? မသိဘူးလား..? ဘယ်သီချင်းရှိရမှာလဲ…။ မြို့ဝင်ညပေါ့ဗျာ…။

P.S- Kaluga မှသူငယ်ချင်းများဖြစ်ကြသော စိုးနေလင်းနောင်၊ပေါက်စီ၊ လီဆူးမ၊ ကြည်ဇော်၊ ညီလေးဥက္ကာမင်း၊ Olga တို့အတွက် ဒီပို့စ်လေးကို အမှတ်တရ ရေးသားလိုက်ပါတယ်..။ အဟဲ..။ ဂါးဂါးရဲ့ မွေးနေ့ အမှတ်တရ  ခရီးစဉ်လေးဆိုရင်လည်း မမှားဘူးပေါ့ဗျာ..။

Photo Informations:

Camera: Nikon D90

Lens: Nikon Nikkor 18-105mm VR f3.5-5.6G ED; Nikon Nikkor 70-300mm f4-5.6D

ဒါက Dragonz ရဲ့ Paper Art လက်ရာပါ

တစ်ကယ်တော့ လူတစ်ယောက်ရဲ့ မွေးနေ့ဆိုတာဟာ…။ သူကိုယ်တိုင်ပါဝင်ဆင်နွဲခွင့်မရလိုက်တဲ့…။ အတိတ်ဘ၀က မိသားစုတစ်စုရဲ့ ၀မ်းနည်းကျေ ကွဲခြင်း နှစ်ပတ်လည်နေ့တစ်ခုပါပဲ…။

ကျွန်တော်တို့ မွေးဖွားလာကြတယ်…။ ထို့နောက်..။ ကြီးပြင်းလာကြတယ်..။ ထို့နောက် အိုမင်းလာတယ်..။ နောက်ဆုံး သေဆုံးကြတယ်..။ ဘ၀ရဲ့ Process တွေဟာတကယ်ပဲရိုးရှင်းလှပါတယ်..။ တစ်စုံတစ်ခုကို ကျွန်တော်တို့ သေသေချာချာ စုပ်ကိုင်နိုင်ဖို့ကြိုးစားရင်း ကျွန်တော်တို့တွေ ဘာမှ မသေချာတဲ့လောကထဲမှာ စမ်းတ၀ါးဝါးနဲ့လမ်းပျောက်နေခဲ့ကြတယ်..။ ပူလောင်နေခဲ့ကြတယ်..။ မောဟိုက်နေခဲ့ကြတယ်…။

ပြောင်းလဲတတ်တဲ့ လူတို့ရဲ့စိတ်တွေဟာ စက္ကန့်မလှပ် ကျွန်တော်တို့ကို လှည့်စားနေတတ်ကြပါတယ်..။ အထိမ်းအမှတ်နေ့စွဲတွေနဲ့ မွေးနေ့တွေ ကို သိပ်တန်ဖိုးထားတတ်တဲ့ ကျွန်တော်ပင်လျှင် အခုဆို ကိုယ့်မွေးနေ့ကို အပြီးအတိုင်မဟုတ်တောင်..။ တစ်ချက်တစ်ချက်မှာမေ့နေတတ်ခဲ့ပါပြီ…။

အထူးသဖြင့် ကျွန်တော့်ရဲ့စိတ်တွေဟာ ဒီနှစ်မွေးနေ့မှာ အရင်နှစ်များကထက် ပိုမိုအေးစက်နေတတ်ခဲ့ပါပြီ..။ ကြည်လင်ခြင်းလဲ မရှိပါဘူး..။ ကျွန်တော် အရင်နှစ်တွေလို အိမ်ကိုဖုန်းဆက်ပြီး အဖေနဲ့ အမေကို မကန်တော့ ဖြစ်ခဲ့ပါဘူး..။ ကျွန်တော့်ဖုန်းဟာ Service Error ကြောင့် Incoming မရတော့တာကို ကျွန်တော်သိပေမယ့် သွားမပြင်ခဲ့ပါဘူး..။ ရလဒ်အနေနဲ့ ကျွန်တော့်မွေးနေ့မှာ ဖုန်းဆက်ပြီးဆုတောင်းကြမယ့် သူတွေ…။ Message တွေပို့ကာဆုတောင်းကြမယ့်သူတွေရဲ့ ဆုတောင်းတွေကို ကျွန်တော်မရနိုင်တော့ပါဘူး..။ ဒါပေမယ့် ကျွန်တော် ထွေထွေ ထူးထူး ခံစားရခြင်းမရှိတော့ပါဘူး..။

အထူးဆန်းဆုံးတစ်ခုက ကျွန်တော် ဒီနေ့မှာ ကျွန်တော့်မွေးနေ့အတွက် ရည်စူးကာ စိတ်နယ်လွန် Post Modern ၀တ္ထုလတ်တစ်ခုကို တင်နိုင်ဖို့ အတွက် ညနေကတည်းက ထိုင်ရေးနေခဲ့ပါတယ်…။ အချိန်အားဖြင့် ၆ နာရီလောက် ကြာသွားပါတယ်..။ ဇာတ်လမ်းအားလုံးမပြီးခင် ၃ ပုံနှစ်ပုံလောက်မှာ ကျွန်တော်သေသေချာချာ Save လုပ်ခဲ့ပါတယ်..။ ဇာတ်လမ်း အားလုံးရေးပြီး သွားတဲ့အချိန်မှာတော့ မထင်မှတ်ပဲ ကျွန်တော့်စက် Over Heat တက်ကာ Shutdown ကျသွားပါတယ်…။ ကျွန်တော်ပြန်ဖွင့်တော့ ကျွန်တော်ရေးထားတဲ့ ဖိုင်တစ်ခုလုံး ပြန်ရှာလို့မတွေ့တော့ပါဘူး..။ အမှန်ဆို အားလုံးမဟုတ်တောင် သိမ်းထားတဲ့ ၃ ပုံ ၂ ပုံစာလောက်တော့ ပြန်ရသင့်ပါတယ်..။ အခုတော့ ဖိုင်တစ်ခုလုံးပျောက်သွားပါတယ်..။

သာမန်အားဖြင့်ဆိုရင် ဘာမှ ထူးထူးဆန်းဆန်းမရှိပေမယ့် အဲ့ဒီ့ ၀တ္ထုတိုထဲမှာ ဘယ်လိုစိတ်နယ်လွန်တွေနဲ့ သေခြင်းတရားကို ရေးထားတယ်ဆိုတာ ကျွန်တော်အသိဆုံးမို့ ကျွန်တော့်အတွက်တော့ ဒီဝတ္ထုတိုဆုံးရှုံးသွား ခြင်းဟာ တော်တော်လေးတော့ ထူးဆန်းနေခဲ့ပါတယ်..။ အစက ပြန်ရေးဖို့ ကျွန်တော့်အတွက် အချိန်လည်းမရှိတော့သလို..။ စိတ်လဲမပါတော့ပါဘူး..။ ဒါကြောင့် အဲ့ဒီ့ ပျောက်ဆုံးသွားတဲ့ ၀တ္ထုတိုအစား နောက်များမှပဲ ကျွန်တော် ၀တ္ထုရှည်တစ်ပုဒ် ပြန်လည် ဖန်တီးပြီးရေးပါတော့ မယ်..။

နောက်တစ်ခုက အခု ဒီနှစ် ကျွန်တော့်မွေးနေ့မှာ ကျွန်တော့်ရဲ့ Blog ဟာ Visitor ၅ သောင်းကျော်ခဲ့ပါတယ်..။ အထူးအဆန်းတစ်ခုမဟုတ်ပေမယ့် ကျွန်တော့်အတွက်တော့ ကျွန်တော်ချစ်တဲ့ ကျွန်တော့်ဘလော့ကပေးတဲ့ မွေးနေ့လက်ဆောင်တစ်ခုအဖြစ်မှတ်ယူလိုက်ပါတယ်…။

ဝတ္ထုကောင်းတစ်ပုဒ်လို့ ကျွန်တော်မသတ်မှတ်ချင်ပေမယ့်..။ ကျွန်တော့် မိတ်ဆွေတွေအနေနဲ့ဘ၀မှာ တစ်ခါတုန်းကမျှ မဖတ်ဖူးသေးတဲ့ ဇာတ်လမ်းနဲ့ ဖွဲ့စည်းထားတဲ့ ထူးဆန်းတဲ့ အကြောင်းအရာလေးတွေပါဝင်တဲ့ စိတ်ဝင်စားဖွယ် ၀တ္ထုလေးတစ်ခုကို ကျွန်တော် စိတ်ကူးထားသလို မတင်ပြနိုင်ခဲ့တဲ့အတွက်တော့ ကျွန်တော် တကယ်ပဲ စိတ်မကောင်းပါဘူး..။ အဲ့ဒီ့ ၀တ္ထုပျက်ဆီးသွားတဲ့အတွက် ကျွန်တော် စိတ်တော့ တော်တော်လေး ထိခိုက်သွားပါတယ်..။ ရှည်ရှည်ဝေး ဝေးတွေလည်း ကျွန်တော် ဘာမှဆက်မရေးချင်တော့ပါဘူး..။ အခု ဒီပို့စ်လေးကို တင်လိုက်တာလည်း အမှတ် တရသဘောမျိုး..။ ကျွန်တော့်ကိုချစ်တဲ့ ဆုတောင်းပေးချင်ကြတဲ့ ညီအစ်ကိုမောင်နှစ်မတွေအနေနဲ့ ဆုတောင်းပေးနိုင်အောင် တင်လိုက်တဲ့ သဘောပါပဲ..။

အရင်နှစ်တွေကလို သေသေချာချာ ပြင်ဆင်ပြီး အလေးအနက်ထားမလုပ်ပေးနိုင်တဲ့အတွက်တော့ ကျွန်တော် စိတ်မကောင်းပါဘူး…။

ကဲ…။ စိတ်ညစ်စရာတွေထားလိုက်ဗျာ…။

ကျွန်တော် ဒီနေ့ ၂၅ ပြည့်ပါပြီ…။ လူ့ဘ၀ရဲ့ အရေးပါတယ်လို့ လူတွေသတ်မှတ်တဲ့ အသက်အရွယ် အချိုး အကွေ့တစ်ခုကို ရောက်ခဲ့ပါပြီ…။ အရှေ့မှာ ဘယ်လိုစိတ်ခေါ်မှုတွေ..။ ရင်ဆိုင်မှုတွေနဲ့ ဆက်တွေ့ရဦးမလဲ..။ ဘ၀ကတော့ ဇာတ်ရှိန်မြင့်ပြီးရင်း မြင့်လာပြီလို့ ပြောရင်း…။

P.S- အဖေနဲ့ အမေ့ကိုတော့ စိတ်ထဲကနေပဲ မှန်းပြီး ဦးချကန်တော့လိုက်ပါတယ်…။

ဒေသန္တရ ဗဟုသုတလေးဘာလေးလဲ ယူရင်း…။ ကျွန်တေf်ရိုက်လာတဲ့ ပုံလေးတွေလည်း ခံစားကြည့်ကြတာပေါ့။ အရင်က တိုးလို့တွဲလောင်းနဲ့ ရေးဖို့ကျန်နေတဲ့ သို့ ယူရယ်တောင်တန်းများ ကိုလည်း အဲ့ဒီ့တုန်းက ရေးသလို ခရီးသွားမှတ်တမ်းသဘောမျိုးနဲ့မဟုတ်ပဲ အခုလို ပုံလေးတွေနဲ့ ကျွန်တော်နဲ့အတူ ပျော်ပျော်ပါးပါး ခရီးသွားလို့ရအောင် ပြန်စီစဉ်ပြီး တင်ပေးပါ့မယ်..။ ဒီကြားထဲမှာ ဓာတ်ပုံရိုက်နည်း နည်းနည်းပါးပါးလည်း (ကျွန်တော် တတ်သလောက်လေး) ထည့်ပြီးပွားသွားလို့ရတာပေါ့..။ တစ်ချက်ခုတ်…။ အပိုင်းပိုင်းပြတ်ပေါ့…။

ကဲ…။ ဒါဆိုလည်း လစ်လိုက်ကြစို့…။

ဒီနှစ်ဆောင်းရာသီကတော့ Media တွေရဲ့အပြောအရ နှစ်ပေါင်းသုံးဆယ်အတွင်း အအေးဆုံးနဲ့ နေပွင့်တဲ့ရက် အများဆုံးအဖြစ် မှတ်တမ်းဝင်သွား ပါသတဲ့..။ နွေရာသီ ပြီးကတည်းက ကျောင်းနဲ့ အဆောင်၊ အဆောင်နဲ့ကျောင်းကို တစ်နေ့ ၂ မိနစ်လောက် ခြေတိုအောင် လျှောက်လိုက်ရပြီးတဲ့ သကာလ..။ စာမေးပွဲပေါင်းများစွာကို ဆရာနဲ့ တပည့်..။ တပည့်နဲ့ဆရာ..။ ဆရာကဆရာလား..။ တပည့်က တပည့်လား..။ ဘတစ်ပြန်၊ ကျားတစ် ပြန် အပွဲပွဲနွှဲကာ အောင်ပွဲဆင်ပြီးတဲ့သကာလ…။ ပထမနှစ်ဝက်ရဲ့ ကျောင်းပိတ်ရက် ရွှေရောင်ကာလကြီးသို့ ဆိုက်ရောက်လာခဲ့ပါတယ်…။

သို့ကလိုဆိုရင်ပဲ…။ ကျောင်းမဖွင့်ခင်ကတည်းက စီစဉ်ထားသော (သိပ်တော့ သွားချင်ပုံမရပါဘူး ) Kaluga ခရီးစဉ်ကို အကောင်အထည်ဖော်ဖို့ လုပ်ပါတော့တယ်..။ ဟိုမှာရှိတဲ့ သူငယ်ချင်းတွေကို ဒုက္ခမပေးချင်တာက တစ်ကြောင်း။ (နောက်ပိုင်းတွေ ဖတ်ပြီးတဲ့အခါကျမှ ဒုက္ခမပေးချင်လို့ပဲ တော်တော့တယ်လို့ မေတ္တာမပို့ ကြပါနဲ့ ) လွတ်လွတ်လပ်လပ် ဇယားလေးတွေခင်း..။ ဟုတ်ပါဘူး..။ ဓာတ်ပုံတွေ ရိုက်ချင်တာက တစ်ကြောင်း ကြောင့် အိမ်ခန်းတစ်ခုကို အဲ့ဒီ့မြို့မှာရှိတဲ့ ဆရာမ (ဆရာမဆိုပေမယ့် သက်တူရွယ်တူ သူငယ်ချင်း တွေလိုပါပဲ ) ရဲ့ အကူအညီနဲ့ ဈေးသက်သက်သာ သာ ငှားလိုက်ကြပါတယ်..။ ဒီလိုနဲ့အစစအရာရာ အားလုံး စီစဉ်ပြီးတဲ့နောက်မှာတော့…။

မနက် ၆ နာရီ က ထွက်မယ်ဆိုပြီး စီစဉ်ထားသော်လည်း….။ မိတ်ကပ်လိမ်းနေသော Facebook တွင်နာမည် ကြီးနေသည့် ဓာတ်ပုံနှင့် Paper Art ပညာရှင် Dragonz (နာမည်အရင်းမှာ – အစိုး) …။ ထို မိတ်ကပ်လိမ်းသော Dragonz (ကြားမကြားဖူးပေါင်..။ နဂါးမိတ်ကပ်လိမ်းတယ်လို့) အား မိတ်ကပ်ပိုင်းဆိုင်ရာ အနီးကပ် တာဝန်ယူ ကြီးကြပ်ပြင်ဆင်ပေးနေသော မာမီကြိုင် (ခေါ်)အကြိုင်…။ သွားခါနီးလာခါနီးအထိ ဆိုင်ရာပိုင်ရာ မနှဲကြီး..။ အဲ..။ မမကြီးထံမှ ခရီးသွားခွင့် အမိန့်မရသေးသော မာမီလိပ်(မ) ခေါ် အထွန်း …။ စသည်ဖြင့် ၎င်းတို့၏ ကိုယ်စီ ကိုယ်စီ အရေးကြီးတာဝန်နဲ့ ၀တ္ထရားများ ပြီးပြတ်သည်ကို စောင့်ရင်း မနက် ၉ နာရီ (ကို ၅၅ မိနစ်လေးပဲ စွန်းပါတယ်) ကျော်တွင် စတင်ထွက်ခွာခဲ့ကြပါတယ်..။

နှစ်နာရီခန့် ကားစီးပြီးတဲ့အခါမှာတော့ နှင်းတွေတမြို့လုံးဖုံးလွှမ်းကာလှပနေတဲ့ ကာလုဂါမြို့လေးသို့ စတင် ရောက်ရှိခဲ့ပါတော့တယ်..။ (အမှန်က တော့ တစ်နိုင်ငံလုံး နှင်းကဖုံးနေတာပါ..။ ကဗျာများ ဆန်မလားလို့ နဲနဲနုကြည့်တာ..။ )

အောက် (ကဓာတ်ပုံ) ကိုကြည့်ပါ..။ ဒါကတော့ ကျွန်တော်တို့ ကားဆိုက်တဲ့ ဘူတာရုံပါ..။ ဟုတ်ဖူး…။ ဘူတာဆိုက်တဲ့ ကားရုံပါ..။ ဟင်..။ ကားဆိုက် တဲ့ ရထားရုံ..။ ရထားစီးတဲ့ ကားရုံ..။  ဟာ…။ ထားတော့..။ ကျွန်တော်လည်း မရေးတတ်တော့ဘူး..။ နှစ်ခုစလုံး အဲ့ဒီ့မှာ အတူတူဆိုက်တယ်..။ ဒီလိုပဲ သဘောပေါက် ပေးကြပါတော့..။

အဲ့ဒီ့မှာ ကားပေါ်ကဆင်းပြီး အူလည် အူလည် ဖြစ်နေတဲ့ ကျွန်တော်တို့ လူလယ် (လူလည်မဟုတ်ပါ) ၄ ယောက်ကို ညီငယ်တစ်ယောက်မှ လာကြိုသဖြင့် သူတို့အဆောင်သို့လိုက်သွားကာ..။ ကျွန်တော်တို့ လာမယ် ဆိုလို့ ၎င်းတို့၏ မျက်ရည်လေးများဖြင့် ချက်ပြုတ်ထားသော ကြက်အသဲ..။ ပဲဟင်း..။ ကြက်သွန်ချဉ် စသည့် စားကောင်းသောက်ဖွယ်များဖြင့် ဧည့်ခံပါတော့တယ်..။ ကျွန်တော်တို့ ၄ ယောက် ထမင်းစားပုံအား ကြည့်ကာ သူတို့ရွာမှခွေးကြီး အောင်နက်အား သတိရသွားပုံရပါတယ်..။ ကျွန်တော်တို့ကို ချက်ကျွေးတဲ့သူရဲ့ မျက်ဝန်းမှာ မျက်ရည်စတွေတောင် စို့လို့(ငါတော့ ဒီလ ခေါက်ဆွဲခြောက်တောင် နပ်မှန်ပါတော့မလားကွယ်)..။ ဂျယ်ကြီး..။ မှားလို့..။ ငယ်ကြီးခေါ် နေနေလေး ခမျာမှာလည်း သူ့ရေခဲသေတ္တာထဲက ထုတ်ပေးလိုက်ရတဲ့ ငွေရောင်နဲ့ အစိမ်းရောင် စပ်ထားတဲ့ ဗူးလေးတွေကိုကြည့်ကာ ပုဆိုးနဲ့ မျက်ရည် တွင်တွင်သာ သုတ် လို့နေပါတယ်..။

ပွဲတော်ဆက်နေတဲ့ ပုံတွေကတော့ ၇ ရက်သားသမီး အစားအသောက်တွေပျက်ကုန်မှာစိုးလို့ မတင်တော့ပါဘူး..။ ထိုကဲ့သို့ မသဓ္ဓါရေစာများကို အလိုက်ကန်းဆိုးမသိ စားသောက်ပြီးတဲ့နောက်မှာတော့ ကျွန်တော်တို့ ငှားထားတဲ့ အိမ်ကိုသွားရောက်ကာ ပစ္စည်းများကို စတည်းချ…။ ညနေဘာ လုပ်ကြမယ်ဆိုတာ အစီအစဉ်လေး ဘာလေးဆွဲ..။ (အမှန်က ဆွဲစရာမလိုပါဘူး။ ဟိုအဆောင်ကိုပဲသွားပြီး ညစာသွားစားရုံပါပဲ ) ဒီညတော့ လူတွေလဲကလည်းပြိုင်း..။ စားထား (သောက်ထား) တာတွေကလည်းများ…။ ခရီးကလည်းပန်းနှင့်..။ ပထမ လာတုန်းက အဓိကရည်ရွယ်ချက်ဖြစ်တဲ့ ဓာတ်ပုံရိုက်မယ့် အစီအစဉ်တောင် ဘယ်နားရောက်သွားမှန်းမသိတော့အောင်ပင် ပက်ပက်စက်စက် အနားယူ အိပ်စက်ကြပါတော့တယ်..။

နောက်နေ့ကိုတော့ အားလုံးပဲ (ညက သူမမူးပါဘူးဟု တစ်ညလုံးအော်နေသော မိတ်ကပ်လိမ်းသည့် နဂါးကြီးမှ အပ) တက်ကြွစွာ စောစောစီးစီးနိုး ကြပါတယ်..။ အားလုံး ရယ်ဒီဖြစ်တော့ ဒီနေ့ရဲ့ ပထမဆုံးအစီအစဉ်ဖြစ်တဲ့ (ထုံးစံအတိုင်း ) အဆောင်ကိုသွားကာ ထမင်းစားကြပါတယ်..။ ကျွန်တော့် တစ်သက်နဲ့တစ်ကိုယ်မှာ မျက်ရည်ကျနေသော “ပေါက်စီ” (သူ့ကိုယ်သူတော့ “မိုးတိမ်” ပါတဲ့ခင်ဗျာ ) ကိုပထမဆုံးအကြိမ်မြင်တွေ့ ဖူးခဲ့ခြင်းဟာ ကာလုဂါမြို့ခရီးသွားမှတ်တမ်းရဲ့ အရေးပါတဲ့ မှတ်တမ်းတစ်ခုအဖြစ် ထင်ကျန်ခဲ့ပါတယ်…။ စား (သောက်) ပြီးတဲ့နောက် မှာတော့ ခင်မင်ရင်းနှီးတဲ့ ဆရာမများနဲ့သွားတွေ့..။ လက်ဆောင်တွေ ဘာတွေပေး..။ အဲ့ဒီ့နောက်မှာတော့ ကျွန်တော်တို့ရဲ့ အဓိက Plan ဖြစ်တဲ့ ဒါ့ပုံရိုက်တဲ့ လုပ်ငန်းကိုစကြပါတော့တယ်..။

ဒီခရီးစဉ်လေးကတော့ အပျော်သွားတာကတစ်ကြောင်း၊ ဓာတ်ပုံရိုက်ဖို့သီးသန့်သွားတာကတစ်ကြောင်း၊ နှင်းဖွေးဖွေးကျနေတဲ့ ဆောင်းတွင်းကြီး ဖြစ်နေတာကတစ်ကြောင်းကြောင့်..။ ထင်ရှားတဲ့ ပြတိုက်တွေ၊ အထင်ကရ နေရာတွေကို ထဲထဲဝင်ဝင်မလေ့လာဖြစ်ခဲ့ပါဘူး..။ အပြင်ကနေ မှတ်တမ်းတင်ရုံလောက်ပဲ ဓာတ်ပုံတွေရိုက်ခဲ့ပါတယ်..။ အဲ့ဒီ့နေ့ကရိုက်ခဲ့တဲ့ ပုံတွေကို ဝေမျှရင်းနဲ့ပဲ ကျွန်တော်တို့ရဲ့ Kaluga ခရီးစဉ် ပထမပိုင်း လေးကို ခဏနား လိုက်ရအောင်ဗျာ…။

The Absent

The Rays...

P.S- ရိုက်လာတဲ့ပုံအားလုံးတော့မဟုတ်ပါဘူး..။ ကောင်းနိုးရာရာလေးတွေပါ..။ နောက် ကျွန်တော်ပုံတွေကို Size လျော့ချထားတဲ့အတွက် quality ကျနိုင်ပါတယ်..။ နှစ်သက်တဲ့ပုံရှိလို့ လိုချင်တယ်ဆိုရင် တောင်းနိုင်ပါတယ်..။ ကျွန်တော် Original Size နဲ့ပုံတွေ ပို့ပေးပါ့မယ်။ ကျွန်တော်တို့ ပါတဲ့ပုံတွေကတော့ အားလုံးအစား အသောက်တွေပျက်ကာ အိပ်မက်ဆိုးတွေမက်မှာဆိုးလို့ မတင်တော့ပါဘူး..။ Facebook က ညီအစ်ကို မောင်နှစ်မတွေကတော့ ဒီဒဏ်ကို သိသိကြီးနဲ့ ခါးစီးခံလိုက်ကြရပါတယ်..။

သာမန်သောက်နေကြ နွားနို့တစ်ခွက်သည်။ သာမန်ညှစ်နေကျ နွားမတစ်ကောင်ထံမှ ဖြစ်ကောင်း ဖြစ်ပါလိမ့်မည်။ သို့သော် ထိုသာမန်မဟုတ်သော သာမန် နွားနို့သည်..။ သာမန်အတိုင်း ညှီစိမ့်သော အနံ့အရသာ ရှိပါလိ့မ်မည်။ သာမန်အတိုင်း အလိုအလျှာက်ဟလာသော ပါးစပ်ပေါက်မှ တစ်ဆင့်..။ သာမန်အတိုင်း လည်ချောင်းအတွင်းသို့ စီးဝင်သွားသည်မှာ တကယ့် သာမန် ဖြစ်စဉ်တစ်ခု ဖြစ်ပါသည်။ သို့သော် ကျွန်တော်တို့၏ ခန္ဓာကိုယ်သည် သာမန်နေ့များလောက် နွားနို့ရဲ့ အဟာရကို လိုချင်မှ လိုပါလိ့မ်မည်။ သို့သော် သင်သည် သာမန်အတိုင်း Drill  တစ်ခုကို လိုအပ်သည်ဖြစ်စေ မလိုအပ်သည် ဖြစ်စေ အလိုလျှောက်လုပ်နေမိကြောင်းကို သာမန်အားဖြင့် သိရှိမည်မဟုတ်ပေ..။

သာမန်အတိုင်း ညှစ်လိုက်သော သင့်ရဲ့သွားတိုက်ဆေးဘူးသည် သင့်စိတ်ထဲတွင် ဘာမှ ထူးခြားမနေသော်လည်း…။ မနေ့က တိုက်ခဲ့သောသင့်ရဲ့ သွားတိုက်ဆေးဘူးထက် အနဲငယ် ကိုယ်အလေးချိန်ကျသွားကြောင်းကို သာမန်အားဖြင့် သင် သတိထားမိမည် မဟုတ်ပါ။ သင်သည် သာမန်အတိုင်း ပင် ရေချိုးခန်းရဲ့ နံရံမှာ ကပ်ထားသော မှန်အား ကြည့်ပေလိ့မ်မည်။ ထိုအခါ…။ ထိုမှန်သည် သင် ယခင်နေ့က အသုံးပြုခဲ့သော မှန်ထက် သာမန် အတိုင်း အနဲငယ် မှုန်ဝါးလာကြောင်း…။ သင့်ရဲ့ ဆံပင်များသည် သာမန်ထက် အနဲငယ်ပိုရှည်လာကြောင်း..။ သင့်ရဲ့ အရေပြားများသည် သာမန် အတိုင်း တစ်နေ့ထက်တစ်နေ့ တွန့်ကြေလာကြောင်း..။ သင့်ရဲ့ သက်တမ်းသည် သာမန်အတိုင်း ပိုမိုအိုမင်းလာကြောင်း…။ စသည့် သာမန်ပေါင်း များစွာအား..။ သာမန်အားဖြင့်…။ သင် လျှစ်လျှူ ရှုလိုက်ခြင်းမှာ သာမန်နေ့ရက်တစ်ခုရဲ့ သာမန်ရိုးကျ အစတစ်ခုပင် ဖြစ်သည်။

သာမန်မနက်ခင်းတစ်ခုတွင်..။ သာမန်ပဲပြုတ်သည်တစ်ယောက်သည်…။ သာမန်အော်နေကြအတိုင်းအော်ကာ လှည့်လည်ရောင်းချနေနိုင်ပါသည်..။ သို့သော် ပဲပြတ်ရဲ့ ဈေးကတော့ မနေ့ကအတိုင်း သာမန် ဖြစ်ချင်မှ ဖြစ်ပါလိ့မ်မယ်..။ ထိုနည်းတူ ထိုပဲပြုတ်သည်ရဲ့တောင်းထဲက ပဲပြုတ်တွေသည် မနေ့ကအတိုင်း သာမန် ဖြစ်ချင်မှလည်း ဖြစ်ပါလိ့မ်မယ်…။ ပဲပြုတ်သည် ဆိုသော ပညတ်သည် သာမန် ဖြစ်သည်…။ သို့သော် ထိုပဲပြုတ်ကို ရောင်းသော သူရဲ့ မျှော်လင့်ချက်သည် မနေ့ကအတိုင်း သာမန် ဟုတ်ချင်မှ ဟုတ်ပါလိ့မ်မယ် (မနေ့ကထက် ပိုညစ်ညမ်းလာပါတယ်)..။ ထို့အတူ ပတ်ဝန်းကျင်သည် သာမန် မဟုတ် (မနေ့ကထက် ပိုညစ်ညမ်းလာပါတယ်) လေထုသည် သာမန်မဟုတ် (မနေ့ကထက် ပိုညစ်ညမ်းလာပါတယ်) ယဉ်ကျေးမှု သည် သာမန်မဟုတ် (မနေ့ကထက်ပို ညစ်ညမ်းလာပါတယ်)… ထို့ကြောင့် ယနေ့သာမန်များသည် သာမန် အားဖြင့် မနေ့က သာမန်များနှင့် တူသယောင်ယောင်ရှိသော်လည်း သာမန်အတိုင်း မနေ့က သာမန်များ မဟုတ်ကြတော့သည်မှာ သာမန် ဖြစ်ရိုးဖြစ်စဉ် တစ်ခုပင် ဖြစ်ပါသည်။

Company ပေါင်းမြောက်များစွာကို သာမန်မဟုတ်သောနည်းလမ်းများဖြင့် ပိုင်ဆိုင်ထားသော သာမန်သူဌေးဟု သူ့ကိုသူထင်နေသော သူဌေးတစ်ယောက်၏ သာမန်အသုံးစရိတ်သည် သာမန်လူတန်းစား မိသားစု ပေါင်းများစွာ၏ သာမန်ရိုးကျ ရှာဖွေထားသော ငွေကြေးဥစ္စာတို့နှင့် သာမန်အတိုင်း အချိုးတူညီခြင်းမရှိသည်မှာ သာမန် ဖြစ်ရိုးဖြစ်စဉ်တစ်ခုအဖြစ် ကျွန်တော်တို့ သာမန်အတိုင်း သတ်မှတ်လို့ ရနိုင်မည် မထင်။ ငွေစက္ကူသည် သာမန်အရွယ်အစားအတိုင်းဖြစ်သည်။ ငွေစက္ကူသည် သာမန်အလေးချိန်အတိုင်း ဖြစ်သည်။ ငွေစက္ကူသည် သာမန်အတိုင်း စုတ်ပြဲလေ့ရှိသည်။ သို့သော ထိုငွေစက္ကူရဲ့ တန်ဖိုးသည် ထူးခြားစွာ သာမန်တန်ဖိုးအတိုင်း ဖြစ်မနေသည်မှာ သာမန်အတိုင်း ဟုတ်ပါလေစ..။

သာမန်မဟုတ်သော ထိုသူဌေး၏ သာမန် ကော်ဖီတစ်ခွက်သည်…။ သာမန်မိသားစုတစ်စုရဲ့ သာမန် ထမင်းဝိုင်းပေါင်း ၁၀၀ ဖြစ်နိုင်သည်။ သာမန်မဟုတ်သော ထိုသူဌေး၏ သာမန် အနှိပ်ခန်းကြေးသည်..။ သာမန် မိသားစု တစ်စု၏ သာမန် ဒဏ်ကျေဆေးဘူးပေါင်း သိန်းနှင့် ချီကာ ညီမျှသည်။ သာမန်မဟုတ်သော ထိုသူဌေးရဲ့ Hammer တစ်စီးသည် သာမန် မိသားစု တစ်စုလုံးရဲ့ ဖင်နောက်မှီးတစ်ပိုင်းပြတ်နေသော ရာဘာဖိနပ် ပေါင်း သန်းနှင့်ချီကာ ညီမျှသည်။ သို့သော် ဘာမှမတတ်နိုင်သော သာမန်လူများဖြစ်ကြသည့် ကျွန်တော်တို့သည် သာမန်အတိုင်းပင် လက်ပိုက် ကြည့်နေသည်မှ လွဲကာ ဘာမှ မတတ်နိုင်ကြခြင်းမှာလည်း သာမန် ဖြစ်ရိုးဖြစ်စဉ် တစ်ခုပင် ဖြစ်သည်။

သာမန်ကြွေကျသွားသော ပန်းတစ်ပွင့်၏ ဇာတ်သိမ်းသည်…။ သာမန် ကျွေကြသင့်သည့် ရာသီဥတုတစ်ခု မဟုတ်ခဲ့သည်မှာ သာမန်ဖြစ်ရပ်တစ်ခုသာ ဖြစ်ကြောင်း ကျွန်တော်တို့ သာမန်ရိုးကျ သတ်မှတ်နိုင်ရန် အတော်ပင် ခက်ခဲပေလိ့မ်မည်။ ထို ပန်းပွင့်လေးတစ်ပွင့်၏ အညှာတိုင်သည် သာမန် ပန်းပွင့်များကဲ့သို့ ရှိသင့်သော ခံနိုင်ရည် အရည်အချင်းမပြည့်မှီသို့လော…။ သို့မဟုတ်…။ သာမန် ပန်းပွင့်လေးများ တိုက်ခတ်ခံရလေ့ရှိသော သာမန် လေပြေတို့ထက် ပြင်းထန်သည့် သာမန်မဟုတ်သော လေပြေတို့ပိုမိုတိုက်ခတ်ခြင်း ခံရသို့လော…။ သို့မဟုတ်…။ ထိုပန်းပွင့်လေး၏ အလှသည် သာမန် ပန်းပွင့်များ၏ အလှထက် ပိုမိုထူးကဲ၍ သာမန်မဟုတ်ကာ လှပနေသောကြောင့် သာမန်မဟုတ်သော လက်များ၏ ခူးခြွေ ချနင်းခြင်း (သို့မဟုတ်) ပန်ဆင်ခြင်း ကို သာမန်အတိုင်း ခံလိုက်ရခြင်းလော…။ ဒီအရာတို့သည် သာမန်ဖြစ်စဉ်များပင်လော..။ သို့မဟုတ် သာမန် မဟုတ်သော ဖြစ်စဉ်များလော…။ သို့သော် ထိုပန်းပွင့်လေးသည် သာမန် အနိစ္စ တစ်ခုရဲ့ သဘောကို သာမန်အတိုင်းပင် ရိုးရိုးလေး သက်သေပြခဲ့ သည်။ သူသည် သာမန်ဖူးပွင့်ခဲ့သည်…။ ထို့နောက် သာမန် ကြွေလွင့်သွားခဲ့သည်။ သို့သော် သူ့ရဲ့ လှပချိန် (သို့မဟုတ်) လှပခွင့် သက်တမ်းသည် သာမန်အချိန်ကာလထက် တိုတောင်းခဲ့ခြင်းကို ကျွန်တော်တို့ မျက်စိစုံမှိတ်ကာ သာမန် ဖြစ်ရပ်တစ်ခု အဖြစ်ပဲ သတ်မှတ်လိုက်ကြပါစို့…။

သာမန် လည်ပတ်နေသော ကမ္ဘာမြေပြင်သည် လူတို့၏ ပြုပြင်ဖန်တီးမှုကြောင့်သာ ညီညာနေသယောင်ထင်ရ သော်လည်း…။ သာမန်အတိုင်းတွင်မူ မည်သို့မျှ ညီညာခြင်းမရှိသည်ကို သာမန်အသိတရားတစ်ခုဖြင့် သိရှိနိုင်သည်။ ထို့အတူ ကျွန်တော်တို့သာမန်သတ်မှတ်ထားသော မျဉ်းဖြောင့်တို့ သည် တစ်ကယ်တမ်းတွင် မျဉ်းဖြောင့် အစစ်အမှန်များ မဟုတ်ကြဟု ကျွန်တော်ပြောလျှင် သင်သည် သင့်ရဲ့ မွေးရာပါဦးခေါင်းကို သာမန်အတိုင်း ခါရမ်းပါလိ့မ်မည်..။ အကယ်ရွေ့သင်သည် ဘယ်သန်တစ်ယောက်ဖြစ်ပါက သင့်ဦးခေါင်းကို သာမန်အတိုင်း ဘယ်မှ ညာသို့ခါရမ်းမည်ဖြစ်ကာ..။ ညာသန်တစ်ယောက် ဖြစ်ပါက သာမန်အတိုင်း ညာမှ ဘယ်သို့ ခါရမ်းလိ့မ်မည် ဖြစ်သည်။

သင်မသိသေးသော အရာတစ်ခုကို သာမန်အတိုင်းကျွန်တော် ပြောပြလိုသည်။ လောကတွင် သာမန်ရိုးကျ ဖြောင့်တန်းမှု (သို့မဟုတ်) မျဉ်းဖြောင့်ဆို သည်မှာ မည်သည့်အခါကမျှ ပေါ်ပေါက်ခဲ့ခြင်းမရှိပါ..။ ကျွန်တော်တို့ မျဉ်းဖြောင့်ဟု သာမန်သတ်မှတ်ထားသော မျဉ်းကြောင်းများအားလုံးသည်။ သာမန်  ရေမျက်နှာပြင်တစ်ခု၏ ညီညာမှု (ရေပြင်ညီ) ကို အခြေခံကာ တည်ဆောက်ခဲ့ကြခြင်းဖြစ်သည်။ သို့ရာတွင် ထိုပင်လယ်ရေ မျက်နှာပြင်သည် လည်း ဒီကမ္ဘာပေါ်ရှိအခြားသော အရာများအားလုံးကဲ့သို့ပင် မျဉ်းကွေးတစ်ခုဖြစ်ကြောင်းကို သာမန်မျက်စိဖြင့် သင်မသိနိုင်သော်လည်း…။ သာမန်နေ့ရက်များမှ လွန်မြောက်ကာ အာကာသရဲ့ တစ်ထောင့် တစ်နေရာကနေ သင်ကြည့်ခွင့်ရမည်ဆိုပါက သိရှိနိုင်ပေလိ့မ်မည်…။ ထို့ကြောင့် ဒီကမ္ဘာလောကတွင် စစ်မှန်သော ရိုးဖြောင့်မှုဆိုသည်မှာ တစ်ကယ်မရှိကြောင်း သာမန်စဉ်းစားကြည့်ရုံဖြင့် သိနိုင်သည်။

ညသည် သာမန်အတိုင်း အမှောင်တို့ကို သယ်ဆောင်လာခဲ့သည်။ သို့သော် နီယွန်မီးတိုင်တို့သည် သာမန်အတိုင်း ထွန်းလင်းခြင်းရှိမရှိကို သာမန်အားဖြင့် သင်မသိနိုင်…။ မနေ့က ထိန်ထိန်ငြီးနေအောင် ထွန်းလင်းခဲ့သော နီယွန် မီးသီးအချို့သည် ဒီနေ့တွင် သာမန်အတိုင်း ထွန်းလင်း နိုင်စွမ်းမရှိပဲ ငြိမ်သက်စွာဖြင့် မြို့ပြညကို နှုတ်ဆက်ခွဲခွာသွားသော မီးတိုင်များ များစွာရှိနေနိုင်သည်ကို သာမန်ကာလျှံကာ ကျွန်တော်တို့ လက်လျှူ ရှုလိုက်ကြပါစို့…။ ကောင်းကင်သည် သာမန်အတိုင်း ကျယ်ပြန့်နေလိ့မ်မည်။ သာမန်အတိုင်း မှောင်မဲနေလိမ့်မည်။ ထို့အတူ ကောင်းကင်ပေါ်မှ ကြယ်များသည်လည်း သာမန်အတိုင်း ထွန်းလင်းနေလိ့မ်မည်။ သို့သော် မနေ့ညက သာမန်အတိုင်း သင်အိပ်နေချိန်မှာ ကြွေကျသွားသော ကြယ်တစ်ပွင့်ကြောင့်ရှိကြောင်းနှင့်…။ ဒီနေ့ကောင်းကင်တွင် ထိုကြယ်တစ်ပွင့်လျော့သွားကြောင်းကို သင်သည် သာမန်အတိုင်းပင် မသိလိုက် မသိဖာသာ နေတတ်ခဲ့သည်။ လူတို့သည် အရာတော်တော်များများအား ကိုယ့်အတွက်အကျိုးအမြတ်မရှိနိုင်ဟု ယူဆပါက မိမိတို့နှင့် မသက်ဆိုင် သလိုနေတတ်ကြခြင်းမှာ သာမန် ဖြစ်ရိုးဖြစ် စဉ်တစ်ခုပင်ဖြစ်သည်။

သင်သည် ကျွန်တော့်၏ သာမန် အက်ဆေးတစ်ပုဒ်အား သာမန်မျက်စိဖြင့် ဖတ်ပေလိ့မ်မည်။ သာမန် မျက်စိ အားမကောင်းသော သူတို့သည် သာမန် မျက်မှန်တစ်လက်အားတပ်ကာ ဖတ်ကြပေလိ့မ်မည်။ ထို့နောက် သာမန်များစွာဖြင့် ကျင့်သားရနေသော သင့်ရဲ့ မျက်လုံးနှင့် ဦးနှောက်တို့သည် ကျွန်တော်ရေးထားသော စကား လုံးများနောက်သို့ သာမန်အတိုင်း ဘယ်မှညာသို့ အပြေးလိုက်ကြပေလိ့မ်မည်..။ အချို့နေရာများတွင် သည်သည် သာမန်အတိုင်း ခေါင်းကုတ်ကောင်း ကုတ်ပါလိ့မ်မည်..။ အချို့နေရာများတွင် သာမန်အတိုင်း ပြုံး ကောင်းပြုံးပါလိ့မ်မည်..။ အချို့နေရာများတွင်..။ သာမန်အတိုင်း နှစ်ခေါက်သုံးခေါက် ပြန်ဖတ်နေနိုင်သည်။ အချို့နေရာများတွင် သာမန်အတိုင်း သင်နားလည်ချင်မှ နားလည်လိ့မ်မည်။ သို့သော် ထိုအရာများနှင့် ဖြစ်စဉ် များအားလုံးသည် သာမန်များသာ ဖြစ်ကြသည်။

ဒီလိုနဲ့…

စက္ကန့်တို့သည် သာမန် အတိုင်းခရီးဆက်ကြကာ…။ ညသည် သာမန်အတိုင်း ပြန်လည် ပျောက်ကွယ် သွားပါလိ့မ်မည်…။ သို့သော် ဒီည အဖို့တော့ သင်သည် သာမန်ညများအတိုင်း သာမန်အတွေများဖြင့် အိပ်ပျော်ကောင်းမှပျော်ပါလိမ့်မည်…။ အဘယ့်ကြောင့်ဆိုသော် သင်သည် ယခုအချိန်မှစ၍ မိမိသည် သာမန်များကြားတွင် သာမန်များအတိုင်း နေ့စဉ် လည်ပတ်နေသော သာမန်လူတစ်ယောက် ဖြစ်ကြောင်းကို သာမန်ထက် အနဲငယ် ထူးခြားစွာ သထိထားခဲ့ မိသောကြောင့် ပင်ဖြစ်သည်။

P.S- သာမန်စကားလုံးများဖြင့် ဖွဲ့စည်းထားသည့် သာမန် အက်ဆေး တစ်ပုဒ်သာ ဖြစ်ပါကြောင်း…။