BLACK DREAM » Essay http://www.blackdream21.com အနက်ရောင် အိပ်မက်တစ်ခု၏ ၀ိဥာဉ်များ... Fri, 16 Jul 2010 06:50:28 +0000 http://wordpress.org/?v=2.9.2 en hourly 1 သို့… ဟန်နီ http://www.blackdream21.com/2010/07/15/%e1%80%9e%e1%80%ad%e1%80%af%e1%82%95-%e1%80%9f%e1%80%94%e1%80%b9%e1%80%94%e1%80%ae/ http://www.blackdream21.com/2010/07/15/%e1%80%9e%e1%80%ad%e1%80%af%e1%82%95-%e1%80%9f%e1%80%94%e1%80%b9%e1%80%94%e1%80%ae/#comments Thu, 15 Jul 2010 19:28:44 +0000 Black Dream http://www.blackdream21.com/?p=1030 အိပ်မက်တွေက သဲသဲမဲမဲရွာလို့…။ အခါလွန်မိုးတွေကတော့…။ မျှော်လင့်ချက်မဲ့ကောင်းကင်မှာ အထွန်အယက်မပျက်…။ စိုတစ်ဝက် ခြောက်တစ်ဝက် အနာဂတ်တွေနဲ့ အသက်ဆက်နေလေရဲ့…။ ရှူရှိုက်လိုက်တိုင်း လေပြေတွေထဲ မင်းရဲ့ ကိုယ်သင်းရနံ့တွေများ ပါလာလေမလား…။ မာနအချို့ကို ပြစ်စလက်ခတ် လျော့ဈေးတွေပေးပြီး…။ ရူးရူးမိုက်မိုက် မျှော်လင့်တတ်ခဲ့မိတဲ့နောက်…။ ငါလေ…။ အချိုတစ်ဝက် အခါးတစ်ဝက်နဲ့….။ ငါ့အိပ်မက်တွေ အဆိပ်တက်နေပုံများ…။ မင်းများမြင်ရင် ဟားတိုက်လေရော့မလား ဟန်နီ…။

တကယ်ဆို ငါဟာမှောင်မိုက်ခြင်းကမ္ဘာငယ်တစ်ခုမှာ ငါ့ယုံကြည်ချက်တွေအားကိုးနဲ့ အရာအားလုံးကို မေ့ပျောက်ထားခြင်ခဲ့တဲ့ သူတစ်ယောက်ပေါ့…။ တကယ်ဆိုမင်းဟာ…။ မစို့မပို့အလင်းတန်းအချို့နဲ့ ငါ့အထီးကျန်နေ့ရက် ရေခွက်ငယ်တစ်ခုကို ဂယက်ထစေခဲ့သူ…။ ငါ့နှလုံးသားကျောက်တောင်ကို တဖြေးဖြေးခြစားစေခဲ့သူ…။ အနည်ကျနေတဲ့ ခံစားချက်တွေကို သွေးရူးသွေးတမ်း ဆော့ကစားစေခဲ့သူ…။ ငါ့ဘ၀အတွက် မျှော်လင့်ခြင်းဆိုတာ အသက်သွင်း စေခဲ့သူ…။ သိပ်လှတဲ့ နတ်သမီးတစ်ပါးပေါ့ ဟန်နီ…။

လွင်ပြင်ရိုင်းတွေကို ဖြတ်သန်းတိုက်ခိုက်လိုက်တော့…။ ငါ့ဝိဥာဉ်တွေထဲဖြတ်သန်းသွားတဲ့ ခပ်ပါးပါး ရင်ခုန်သံချက်ဟာ မင်းများလား…။ ခပ်သဲ့သဲ့ကြားနေရတဲ့ ခေါ်သံတွေ…။ တကယ်ဆို…။ လိုက်လေဝေးလေ…။ အိပ်မက်ဆိုတာ အရည်မရှိ ဒြပ်မရှိဆိုတာ…။ ငါအစောကြီးကတည်းက သိနှင့်ခဲ့ဖို့ကောင်းတာပေါ့…။ မင်းမသိလို့ပါ…။ တစ်ကယ်တော့ ငါဟာ အချစ်ဆိုတဲ့ ကြိမ်စာတစ်ခုကို ကျေကျေနပ်နပ် မြိုချထားခဲ့တဲ့ မကောင်းဆိုးဝါး တစ္ဆေတစ် ကောင်ဆိုတာကိုပေါ့ ဟန်နီ…။

သက်တံ့တွေထဲ ဖြတ်သန်းလမ်းလျှောက်ဖို့ လက်မှတ်တစ်စောင်ကို ဘုရားသခင်က ငါ့အားပေးသနားတော်မူတုန်းက..။ ငါ့ကိုယ်ပိုင် သက်တံ့လေးတစ်ခုကို ငါကိုယ်တိုင် ဖက်တွယ်လို့ မာနလေးတစ်ခွဲသားနဲ့ ငြင်းပယ်ခဲ့ဖူး သူဟာ ငါပါ…။ နေမ၀င်နိုင်တဲ့ ညနေခင်း…။ မင်းဟာ ငါ့ဘ၀အတွက် ထာဝရအလင်းလို့ ယုံကြည်ခဲ့တုန်းက…။ ဒီရင်ခွင်ပေါ် ဖြတ်နင်း …။ ရင်ခုန်ခြင်း မပြုရဆိုတဲ့…။ စကားတစ်ခွန်း…။ ငါခပ်စွန်းစွန်းတောင် မကြားခဲ့လေတော့…။ ငါ့ထိုက်နဲ့ ငါ့ကံ…။ မင်းများ ဒီရင်ခွင်ကို ကန်သွားလေမလား…

လင်းတလဲ့ မှိန်တလဲ့ မင်းပေးခဲ့တဲ့ အိပ်မက်တွေထဲမှာ…။ ငါ့နှလုံးသွေးတွေ စီးမြော…။ ရင်ခုန်သံ ခပ်ပေါပေါတွေ ပေးချင်မှတော့…။ ငါ့ကိုငါ ချခင်း …။ ဒီလမ်းကို ငါဘယ်ခင်းပါ့မလဲ ဟန်နီ…။ နှလုံးသားက ကြိမ်စာတိုက်…။ တကယ်တော့ ငါဟာ ရူးမိုက်တတ်တဲ့ လူတစ်ယောက် မခဲ့သည့်တိုင်…။ တစ်ချက်တစ်ချက်တော့ ယိုင်ယိုင်သွား တာတော့ အမှန်ပါ…။ စစ်ကြေငြာသံတွေ တစ်ဖက်ကကြား..။ ငါ့ရန်သူဟာ ငါ့နုလုံးသားကို ခါးစေမတဲ့လား…။ မင်း မကြားလို့ပါ…။ ဒီနံရံတွေက တစ်နေ့စကားပြောတဲ့အခါ…။ မင်းငိုသံ ခပ်ပါးပါး…။ နှစ်လုံးသား စည်းခြားသံကို..။ အဝေးကနေတောင် ငါမကြား ချင်ဘူး ဟန်နီ…။

ငါဟာ ဒင်္ဂါးပြားတစ်ခုရဲ့ “ခေါင်း” တစ်ခုတဲ့လား…။ မင်းကို ပေးလိုက်တဲ့ဘက်က “ပန်း” …။ အနဲဆုံးတော့ မဲ့ပြုံးတစ် ချက်နဲ့ မင်းပျော်မှာပါ…။ “အချိန်တန်တော့လည်း ပိုင်ရှင်ကို ပြန်အပ်ရတာပါပဲ” ဆိုတာ မင်းအတွက် သဘောကျစရာ အပြုံးတစ်ခုကို ဖြစ်စေသတဲ့လား…။ တစ်လှမ်းခြင်းပဲ လှမ်းလှမ်း…။ တစ်ခြမ်းခြင်းပဲ လှမ်းလှမ်း..။ တကယ်တော့ ခြေလှမ်းဟာ အလှမ်းဝေးစေတယ်ဆိုတာ မင်းမသိရော့လေသတော့လား…။ မလိုပါဘူး..။ တကယ်ဆို သံယောဇဉ် ဆိုတာဟာ ရင်ခုန်သံခြင်း စကားပြောတဲ့ အသံကိုကြားစေတဲ့ ကြားခံဒဏ်ခံကြိုး အမျှင်လေးတစ်ခုပေါ့…။ ဟန်နီရယ်…။

P.S- အိပ်မက်ကနိုး… ရုတ်တရက်တိုးတိုးလေးအော်လိုက်တယ်…. ဟန်နီ…..

]]> http://www.blackdream21.com/2010/07/15/%e1%80%9e%e1%80%ad%e1%80%af%e1%82%95-%e1%80%9f%e1%80%94%e1%80%b9%e1%80%94%e1%80%ae/feed/ 5 ကျွန်တော်နှင့် သာမန်များ… http://www.blackdream21.com/2010/02/17/%e1%80%80%e1%80%bc%e1%80%ba%e1%80%94%e1%80%b9%e1%80%b1%e1%80%90%e1%80%ac%e1%80%b9%e1%82%8f%e1%80%bd%e1%80%84%e1%80%b9%e1%80%b7-%e1%80%9e%e1%80%ac%e1%80%99%e1%80%94%e1%80%b9%e1%80%99%e1%80%ba%e1%80%ac/ http://www.blackdream21.com/2010/02/17/%e1%80%80%e1%80%bc%e1%80%ba%e1%80%94%e1%80%b9%e1%80%b1%e1%80%90%e1%80%ac%e1%80%b9%e1%82%8f%e1%80%bd%e1%80%84%e1%80%b9%e1%80%b7-%e1%80%9e%e1%80%ac%e1%80%99%e1%80%94%e1%80%b9%e1%80%99%e1%80%ba%e1%80%ac/#comments Wed, 17 Feb 2010 14:11:11 +0000 Black Dream http://www.blackdream21.com/?p=937 ကျွန်တော်တို့သည် သာမန်နေ့ရက်တစ်ခုအဖြစ်…။ သာမန် မနက်ခင်းတစ်ခုတွင်…။ သာမန်လည်ပတ်နေသော သာမန် နာရီများနှင့်….။ သာမန် ပညတ်များကြားထဲ…။ သာမန်လူသားတစ်ယောက်အဖြစ်…။ တဖန်…။ သာမန် ပုံစံများအတိုင်း ပြန်လည်နိုးထလာခဲ့ကြ ပြန်လေသည်…။

သာမန်သောက်နေကြ နွားနို့တစ်ခွက်သည်။ သာမန်ညှစ်နေကျ နွားမတစ်ကောင်ထံမှ ဖြစ်ကောင်း ဖြစ်ပါလိမ့်မည်။ သို့သော် ထိုသာမန်မဟုတ်သော သာမန် နွားနို့သည်..။ သာမန်အတိုင်း ညှီစိမ့်သော အနံ့အရသာ ရှိပါလိ့မ်မည်။ သာမန်အတိုင်း အလိုအလျှာက်ဟလာသော ပါးစပ်ပေါက်မှ တစ်ဆင့်..။ သာမန်အတိုင်း လည်ချောင်းအတွင်းသို့ စီးဝင်သွားသည်မှာ တကယ့် သာမန် ဖြစ်စဉ်တစ်ခု ဖြစ်ပါသည်။ သို့သော် ကျွန်တော်တို့၏ ခန္ဓာကိုယ်သည် သာမန်နေ့များလောက် နွားနို့ရဲ့ အဟာရကို လိုချင်မှ လိုပါလိ့မ်မည်။ သို့သော် သင်သည် သာမန်အတိုင်း Drill  တစ်ခုကို လိုအပ်သည်ဖြစ်စေ မလိုအပ်သည် ဖြစ်စေ အလိုလျှောက်လုပ်နေမိကြောင်းကို သာမန်အားဖြင့် သိရှိမည်မဟုတ်ပေ..။

သာမန်အတိုင်း ညှစ်လိုက်သော သင့်ရဲ့သွားတိုက်ဆေးဘူးသည် သင့်စိတ်ထဲတွင် ဘာမှ ထူးခြားမနေသော်လည်း…။ မနေ့က တိုက်ခဲ့သောသင့်ရဲ့ သွားတိုက်ဆေးဘူးထက် အနဲငယ် ကိုယ်အလေးချိန်ကျသွားကြောင်းကို သာမန်အားဖြင့် သင် သတိထားမိမည် မဟုတ်ပါ။ သင်သည် သာမန်အတိုင်း ပင် ရေချိုးခန်းရဲ့ နံရံမှာ ကပ်ထားသော မှန်အား ကြည့်ပေလိ့မ်မည်။ ထိုအခါ…။ ထိုမှန်သည် သင် ယခင်နေ့က အသုံးပြုခဲ့သော မှန်ထက် သာမန် အတိုင်း အနဲငယ် မှုန်ဝါးလာကြောင်း…။ သင့်ရဲ့ ဆံပင်များသည် သာမန်ထက် အနဲငယ်ပိုရှည်လာကြောင်း..။ သင့်ရဲ့ အရေပြားများသည် သာမန် အတိုင်း တစ်နေ့ထက်တစ်နေ့ တွန့်ကြေလာကြောင်း..။ သင့်ရဲ့ သက်တမ်းသည် သာမန်အတိုင်း ပိုမိုအိုမင်းလာကြောင်း…။ စသည့် သာမန်ပေါင်း များစွာအား..။ သာမန်အားဖြင့်…။ သင် လျှစ်လျှူ ရှုလိုက်ခြင်းမှာ သာမန်နေ့ရက်တစ်ခုရဲ့ သာမန်ရိုးကျ အစတစ်ခုပင် ဖြစ်သည်။

သာမန်မနက်ခင်းတစ်ခုတွင်..။ သာမန်ပဲပြုတ်သည်တစ်ယောက်သည်…။ သာမန်အော်နေကြအတိုင်းအော်ကာ လှည့်လည်ရောင်းချနေနိုင်ပါသည်..။ သို့သော် ပဲပြတ်ရဲ့ ဈေးကတော့ မနေ့ကအတိုင်း သာမန် ဖြစ်ချင်မှ ဖြစ်ပါလိ့မ်မယ်..။ ထိုနည်းတူ ထိုပဲပြုတ်သည်ရဲ့တောင်းထဲက ပဲပြုတ်တွေသည် မနေ့ကအတိုင်း သာမန် ဖြစ်ချင်မှလည်း ဖြစ်ပါလိ့မ်မယ်…။ ပဲပြုတ်သည် ဆိုသော ပညတ်သည် သာမန် ဖြစ်သည်…။ သို့သော် ထိုပဲပြုတ်ကို ရောင်းသော သူရဲ့ မျှော်လင့်ချက်သည် မနေ့ကအတိုင်း သာမန် ဟုတ်ချင်မှ ဟုတ်ပါလိ့မ်မယ် (မနေ့ကထက် ပိုညစ်ညမ်းလာပါတယ်)..။ ထို့အတူ ပတ်ဝန်းကျင်သည် သာမန် မဟုတ် (မနေ့ကထက် ပိုညစ်ညမ်းလာပါတယ်) လေထုသည် သာမန်မဟုတ် (မနေ့ကထက် ပိုညစ်ညမ်းလာပါတယ်) ယဉ်ကျေးမှု သည် သာမန်မဟုတ် (မနေ့ကထက်ပို ညစ်ညမ်းလာပါတယ်)… ထို့ကြောင့် ယနေ့သာမန်များသည် သာမန် အားဖြင့် မနေ့က သာမန်များနှင့် တူသယောင်ယောင်ရှိသော်လည်း သာမန်အတိုင်း မနေ့က သာမန်များ မဟုတ်ကြတော့သည်မှာ သာမန် ဖြစ်ရိုးဖြစ်စဉ် တစ်ခုပင် ဖြစ်ပါသည်။

Company ပေါင်းမြောက်များစွာကို သာမန်မဟုတ်သောနည်းလမ်းများဖြင့် ပိုင်ဆိုင်ထားသော သာမန်သူဌေးဟု သူ့ကိုသူထင်နေသော သူဌေးတစ်ယောက်၏ သာမန်အသုံးစရိတ်သည် သာမန်လူတန်းစား မိသားစု ပေါင်းများစွာ၏ သာမန်ရိုးကျ ရှာဖွေထားသော ငွေကြေးဥစ္စာတို့နှင့် သာမန်အတိုင်း အချိုးတူညီခြင်းမရှိသည်မှာ သာမန် ဖြစ်ရိုးဖြစ်စဉ်တစ်ခုအဖြစ် ကျွန်တော်တို့ သာမန်အတိုင်း သတ်မှတ်လို့ ရနိုင်မည် မထင်။ ငွေစက္ကူသည် သာမန်အရွယ်အစားအတိုင်းဖြစ်သည်။ ငွေစက္ကူသည် သာမန်အလေးချိန်အတိုင်း ဖြစ်သည်။ ငွေစက္ကူသည် သာမန်အတိုင်း စုတ်ပြဲလေ့ရှိသည်။ သို့သော ထိုငွေစက္ကူရဲ့ တန်ဖိုးသည် ထူးခြားစွာ သာမန်တန်ဖိုးအတိုင်း ဖြစ်မနေသည်မှာ သာမန်အတိုင်း ဟုတ်ပါလေစ..။

သာမန်မဟုတ်သော ထိုသူဌေး၏ သာမန် ကော်ဖီတစ်ခွက်သည်…။ သာမန်မိသားစုတစ်စုရဲ့ သာမန် ထမင်းဝိုင်းပေါင်း ၁၀၀ ဖြစ်နိုင်သည်။ သာမန်မဟုတ်သော ထိုသူဌေး၏ သာမန် အနှိပ်ခန်းကြေးသည်..။ သာမန် မိသားစု တစ်စု၏ သာမန် ဒဏ်ကျေဆေးဘူးပေါင်း သိန်းနှင့် ချီကာ ညီမျှသည်။ သာမန်မဟုတ်သော ထိုသူဌေးရဲ့ Hammer တစ်စီးသည် သာမန် မိသားစု တစ်စုလုံးရဲ့ ဖင်နောက်မှီးတစ်ပိုင်းပြတ်နေသော ရာဘာဖိနပ် ပေါင်း သန်းနှင့်ချီကာ ညီမျှသည်။ သို့သော် ဘာမှမတတ်နိုင်သော သာမန်လူများဖြစ်ကြသည့် ကျွန်တော်တို့သည် သာမန်အတိုင်းပင် လက်ပိုက် ကြည့်နေသည်မှ လွဲကာ ဘာမှ မတတ်နိုင်ကြခြင်းမှာလည်း သာမန် ဖြစ်ရိုးဖြစ်စဉ် တစ်ခုပင် ဖြစ်သည်။

သာမန်ကြွေကျသွားသော ပန်းတစ်ပွင့်၏ ဇာတ်သိမ်းသည်…။ သာမန် ကျွေကြသင့်သည့် ရာသီဥတုတစ်ခု မဟုတ်ခဲ့သည်မှာ သာမန်ဖြစ်ရပ်တစ်ခုသာ ဖြစ်ကြောင်း ကျွန်တော်တို့ သာမန်ရိုးကျ သတ်မှတ်နိုင်ရန် အတော်ပင် ခက်ခဲပေလိ့မ်မည်။ ထို ပန်းပွင့်လေးတစ်ပွင့်၏ အညှာတိုင်သည် သာမန် ပန်းပွင့်များကဲ့သို့ ရှိသင့်သော ခံနိုင်ရည် အရည်အချင်းမပြည့်မှီသို့လော…။ သို့မဟုတ်…။ သာမန် ပန်းပွင့်လေးများ တိုက်ခတ်ခံရလေ့ရှိသော သာမန် လေပြေတို့ထက် ပြင်းထန်သည့် သာမန်မဟုတ်သော လေပြေတို့ပိုမိုတိုက်ခတ်ခြင်း ခံရသို့လော…။ သို့မဟုတ်…။ ထိုပန်းပွင့်လေး၏ အလှသည် သာမန် ပန်းပွင့်များ၏ အလှထက် ပိုမိုထူးကဲ၍ သာမန်မဟုတ်ကာ လှပနေသောကြောင့် သာမန်မဟုတ်သော လက်များ၏ ခူးခြွေ ချနင်းခြင်း (သို့မဟုတ်) ပန်ဆင်ခြင်း ကို သာမန်အတိုင်း ခံလိုက်ရခြင်းလော…။ ဒီအရာတို့သည် သာမန်ဖြစ်စဉ်များပင်လော..။ သို့မဟုတ် သာမန် မဟုတ်သော ဖြစ်စဉ်များလော…။ သို့သော် ထိုပန်းပွင့်လေးသည် သာမန် အနိစ္စ တစ်ခုရဲ့ သဘောကို သာမန်အတိုင်းပင် ရိုးရိုးလေး သက်သေပြခဲ့ သည်။ သူသည် သာမန်ဖူးပွင့်ခဲ့သည်…။ ထို့နောက် သာမန် ကြွေလွင့်သွားခဲ့သည်။ သို့သော် သူ့ရဲ့ လှပချိန် (သို့မဟုတ်) လှပခွင့် သက်တမ်းသည် သာမန်အချိန်ကာလထက် တိုတောင်းခဲ့ခြင်းကို ကျွန်တော်တို့ မျက်စိစုံမှိတ်ကာ သာမန် ဖြစ်ရပ်တစ်ခု အဖြစ်ပဲ သတ်မှတ်လိုက်ကြပါစို့…။

သာမန် လည်ပတ်နေသော ကမ္ဘာမြေပြင်သည် လူတို့၏ ပြုပြင်ဖန်တီးမှုကြောင့်သာ ညီညာနေသယောင်ထင်ရ သော်လည်း…။ သာမန်အတိုင်းတွင်မူ မည်သို့မျှ ညီညာခြင်းမရှိသည်ကို သာမန်အသိတရားတစ်ခုဖြင့် သိရှိနိုင်သည်။ ထို့အတူ ကျွန်တော်တို့သာမန်သတ်မှတ်ထားသော မျဉ်းဖြောင့်တို့ သည် တစ်ကယ်တမ်းတွင် မျဉ်းဖြောင့် အစစ်အမှန်များ မဟုတ်ကြဟု ကျွန်တော်ပြောလျှင် သင်သည် သင့်ရဲ့ မွေးရာပါဦးခေါင်းကို သာမန်အတိုင်း ခါရမ်းပါလိ့မ်မည်..။ အကယ်ရွေ့သင်သည် ဘယ်သန်တစ်ယောက်ဖြစ်ပါက သင့်ဦးခေါင်းကို သာမန်အတိုင်း ဘယ်မှ ညာသို့ခါရမ်းမည်ဖြစ်ကာ..။ ညာသန်တစ်ယောက် ဖြစ်ပါက သာမန်အတိုင်း ညာမှ ဘယ်သို့ ခါရမ်းလိ့မ်မည် ဖြစ်သည်။

သင်မသိသေးသော အရာတစ်ခုကို သာမန်အတိုင်းကျွန်တော် ပြောပြလိုသည်။ လောကတွင် သာမန်ရိုးကျ ဖြောင့်တန်းမှု (သို့မဟုတ်) မျဉ်းဖြောင့်ဆို သည်မှာ မည်သည့်အခါကမျှ ပေါ်ပေါက်ခဲ့ခြင်းမရှိပါ..။ ကျွန်တော်တို့ မျဉ်းဖြောင့်ဟု သာမန်သတ်မှတ်ထားသော မျဉ်းကြောင်းများအားလုံးသည်။ သာမန်  ရေမျက်နှာပြင်တစ်ခု၏ ညီညာမှု (ရေပြင်ညီ) ကို အခြေခံကာ တည်ဆောက်ခဲ့ကြခြင်းဖြစ်သည်။ သို့ရာတွင် ထိုပင်လယ်ရေ မျက်နှာပြင်သည် လည်း ဒီကမ္ဘာပေါ်ရှိအခြားသော အရာများအားလုံးကဲ့သို့ပင် မျဉ်းကွေးတစ်ခုဖြစ်ကြောင်းကို သာမန်မျက်စိဖြင့် သင်မသိနိုင်သော်လည်း…။ သာမန်နေ့ရက်များမှ လွန်မြောက်ကာ အာကာသရဲ့ တစ်ထောင့် တစ်နေရာကနေ သင်ကြည့်ခွင့်ရမည်ဆိုပါက သိရှိနိုင်ပေလိ့မ်မည်…။ ထို့ကြောင့် ဒီကမ္ဘာလောကတွင် စစ်မှန်သော ရိုးဖြောင့်မှုဆိုသည်မှာ တစ်ကယ်မရှိကြောင်း သာမန်စဉ်းစားကြည့်ရုံဖြင့် သိနိုင်သည်။

ညသည် သာမန်အတိုင်း အမှောင်တို့ကို သယ်ဆောင်လာခဲ့သည်။ သို့သော် နီယွန်မီးတိုင်တို့သည် သာမန်အတိုင်း ထွန်းလင်းခြင်းရှိမရှိကို သာမန်အားဖြင့် သင်မသိနိုင်…။ မနေ့က ထိန်ထိန်ငြီးနေအောင် ထွန်းလင်းခဲ့သော နီယွန် မီးသီးအချို့သည် ဒီနေ့တွင် သာမန်အတိုင်း ထွန်းလင်း နိုင်စွမ်းမရှိပဲ ငြိမ်သက်စွာဖြင့် မြို့ပြညကို နှုတ်ဆက်ခွဲခွာသွားသော မီးတိုင်များ များစွာရှိနေနိုင်သည်ကို သာမန်ကာလျှံကာ ကျွန်တော်တို့ လက်လျှူ ရှုလိုက်ကြပါစို့…။ ကောင်းကင်သည် သာမန်အတိုင်း ကျယ်ပြန့်နေလိ့မ်မည်။ သာမန်အတိုင်း မှောင်မဲနေလိမ့်မည်။ ထို့အတူ ကောင်းကင်ပေါ်မှ ကြယ်များသည်လည်း သာမန်အတိုင်း ထွန်းလင်းနေလိ့မ်မည်။ သို့သော် မနေ့ညက သာမန်အတိုင်း သင်အိပ်နေချိန်မှာ ကြွေကျသွားသော ကြယ်တစ်ပွင့်ကြောင့်ရှိကြောင်းနှင့်…။ ဒီနေ့ကောင်းကင်တွင် ထိုကြယ်တစ်ပွင့်လျော့သွားကြောင်းကို သင်သည် သာမန်အတိုင်းပင် မသိလိုက် မသိဖာသာ နေတတ်ခဲ့သည်။ လူတို့သည် အရာတော်တော်များများအား ကိုယ့်အတွက်အကျိုးအမြတ်မရှိနိုင်ဟု ယူဆပါက မိမိတို့နှင့် မသက်ဆိုင် သလိုနေတတ်ကြခြင်းမှာ သာမန် ဖြစ်ရိုးဖြစ် စဉ်တစ်ခုပင်ဖြစ်သည်။

သင်သည် ကျွန်တော့်၏ သာမန် အက်ဆေးတစ်ပုဒ်အား သာမန်မျက်စိဖြင့် ဖတ်ပေလိ့မ်မည်။ သာမန် မျက်စိ အားမကောင်းသော သူတို့သည် သာမန် မျက်မှန်တစ်လက်အားတပ်ကာ ဖတ်ကြပေလိ့မ်မည်။ ထို့နောက် သာမန်များစွာဖြင့် ကျင့်သားရနေသော သင့်ရဲ့ မျက်လုံးနှင့် ဦးနှောက်တို့သည် ကျွန်တော်ရေးထားသော စကား လုံးများနောက်သို့ သာမန်အတိုင်း ဘယ်မှညာသို့ အပြေးလိုက်ကြပေလိ့မ်မည်..။ အချို့နေရာများတွင် သည်သည် သာမန်အတိုင်း ခေါင်းကုတ်ကောင်း ကုတ်ပါလိ့မ်မည်..။ အချို့နေရာများတွင် သာမန်အတိုင်း ပြုံး ကောင်းပြုံးပါလိ့မ်မည်..။ အချို့နေရာများတွင်..။ သာမန်အတိုင်း နှစ်ခေါက်သုံးခေါက် ပြန်ဖတ်နေနိုင်သည်။ အချို့နေရာများတွင် သာမန်အတိုင်း သင်နားလည်ချင်မှ နားလည်လိ့မ်မည်။ သို့သော် ထိုအရာများနှင့် ဖြစ်စဉ် များအားလုံးသည် သာမန်များသာ ဖြစ်ကြသည်။

ဒီလိုနဲ့…

စက္ကန့်တို့သည် သာမန် အတိုင်းခရီးဆက်ကြကာ…။ ညသည် သာမန်အတိုင်း ပြန်လည် ပျောက်ကွယ် သွားပါလိ့မ်မည်…။ သို့သော် ဒီည အဖို့တော့ သင်သည် သာမန်ညများအတိုင်း သာမန်အတွေများဖြင့် အိပ်ပျော်ကောင်းမှပျော်ပါလိမ့်မည်…။ အဘယ့်ကြောင့်ဆိုသော် သင်သည် ယခုအချိန်မှစ၍ မိမိသည် သာမန်များကြားတွင် သာမန်များအတိုင်း နေ့စဉ် လည်ပတ်နေသော သာမန်လူတစ်ယောက် ဖြစ်ကြောင်းကို သာမန်ထက် အနဲငယ် ထူးခြားစွာ သထိထားခဲ့ မိသောကြောင့် ပင်ဖြစ်သည်။

P.S- သာမန်စကားလုံးများဖြင့် ဖွဲ့စည်းထားသည့် သာမန် အက်ဆေး တစ်ပုဒ်သာ ဖြစ်ပါကြောင်း…။

]]> http://www.blackdream21.com/2010/02/17/%e1%80%80%e1%80%bc%e1%80%ba%e1%80%94%e1%80%b9%e1%80%b1%e1%80%90%e1%80%ac%e1%80%b9%e1%82%8f%e1%80%bd%e1%80%84%e1%80%b9%e1%80%b7-%e1%80%9e%e1%80%ac%e1%80%99%e1%80%94%e1%80%b9%e1%80%99%e1%80%ba%e1%80%ac/feed/ 12 ဒုတိယကမ္ဘာ (သို့မဟုတ်) … http://www.blackdream21.com/2009/11/28/%e1%80%92%e1%80%af%e1%80%90%e1%80%ad%e1%80%9a%e1%80%80%e1%80%99%e1%80%ac%e1%81%bb/ http://www.blackdream21.com/2009/11/28/%e1%80%92%e1%80%af%e1%80%90%e1%80%ad%e1%80%9a%e1%80%80%e1%80%99%e1%80%ac%e1%81%bb/#comments Sat, 28 Nov 2009 07:52:30 +0000 Black Dream http://www.blackdream21.com/?p=928 သက္ကရာဇ်အားဖြင့် AD 3000 ဘက်သို့ ချဉ်းနှင်း ၀င်ရောက်ခဲ့ပြီ ဖြစ်ပါတယ်…။

ကမ္ဘာ၏ ဗဟိုလည်မှတ်မှု စနစ်များ တိမ်းစောင်း လွဲမှားစပြုလာခြင်းမှအစ…။ သတ္တ၀ါ (အဓိက လူ) တို့၏ ခံယူချက်နှင့် အတွေးအခေါ်များ တရှိန်ထိုး ပြောင်းလဲလာခဲ့သည့်နောက် ကမ္ဘာတစ်ဝှမ်းတွင် ကြောက်မယ်ဖွယ်ရာ တော်လှန်ရေးကြီးတစ်ခု ပေါ်ပေါက်လာခဲ့လေတော့သည်။

(မှတ်ချက်။  ။ အက်ဆေး နောက်ပိုင်းတွင် သတ္တ၀ါ ဆိုသောဝေါဟာရအစား လူ ဆိုသော ဝေါဟာရ ဖြင့်သာ ဆက်လက်ရေး သားသွားမည်ဖြစ်ပါသည်။ အကြောင်းမှာ ဤအက်ဆေးသည် လူ များကိုသာ ရည်ရွယ်ကာ ရေးသား ထားသောကြောင့် ဖြစ်ပါတယ်..။)

ထိုတော်လှန်ရေးကို ကမ္ဘာတစ်ဝှမ်းမှ “ဒုတိယကမ္ဘာတော်လှန်ရေး (သို့) သက်ရှိဝါဒ တော်လှန်ရေး” လို့ ခေါ်ဆို အသိအမှတ်ပြုခဲ့ကြပါတယ်…။

တော်လှန်ရေးပေါ်ပေါက်လာရခြင်း၏ အဓိကဇစ်မြစ်မှာ အကြောင်းအရာမှာ လူသားတို့၏ စကားလုံးနှင့် ဝေါဟာရများကို ဖောင်းပွစွာတီထွင်ခဲ့ကြ ခြင်း၊ သုံးစွဲ (သို့) သတ်မှတ်ခဲ့ကြခြင်းတို့ကြောင့် စတင်ခဲ့ပါတယ်..။ လွန်ခဲ့သော နှစ်ထောင်ပေါင်းများစွာမှ စစ်ပွဲများနှင့် တော်လှန်ရေးသမိုင်းများ ကို ပြန်လည် သုံးသပ်ကြမည်ဆိုပါက လူသားအချင်းချင်း ဖြစ်ပွားခဲ့သော စစ်ပွဲများ၊ တော်လှန်ရေးများသာ ဖြစ်ပေါ်ခဲ့ကြပါတယ်…။

ထိုအချိန်က ပေါ်ပေါက်ခဲ့ဖူးသော စာရေးဆရာများ၊ သိပံ္ပပညာရှင်များက လက်ရှိကျွန်တော်တို့ ရောက်ရှိနေသော သက္ကရာဇ်တွင် ဖြစ်ပေါ်လာနိုင်သော စစ်ပွဲများ၊ တော်လှန်ရေးများမှာ လူသားနှင့် အခြားကမ္ဘာမှ အန္တာရယ်များ၊ လူသားနှင့် စက်ယန္တာယားတို့၏ စစ်ပွဲများပင် ဖြစ်ပေါ်လာလိ့မ်မည်ဟု ကြိုတင်ခန့်မှန့်သုံးသပ်ခဲ့ကြပါတယ်..။ သို့သော် ထိုဟောကိန်းများသည် တစ်ကယ်တမ်းတွက် လုံးဝ  မှားယွင်းခဲ့ပြီ ဖြစ်ပါတယ်..။ ထိုကဲ့သို့ မှားယွင်း သော ဟောကိန်းများ ထုတ်ခဲ့ရခြင်းအကြောင်းအရင်းမှာ ၎င်းတို့အနေဖြင့် လူသားတို့နှင့် အနီးကပ်ဆုံးတွင် ထာဝရတည်ရှိခဲ့သော သက်မဲ့အရာဝတ္ထု များအပေါ် မေ့လျော့နေခဲ့ ခြင်းကြောင့်ပင် ဖြစ်ပါတော့သည်…။

ရှေးဟောင်းအတွေးအခေါ် (လွန်ခဲ့သော နှစ်ပေါင်းထောင်ကျော်) များအရ သက်ရှိနှင့် သက်မဲ့များ၏ ကွဲပြားခြားနားမှုအပေါ် အမျိုးမျိုးခွဲခြား သတ်မှတ်ခဲ့ကြပါတယ်…။ သက်ရှိမှန်လျှင် အသက်ရှူရမည်။ သက်ရှိမှန်လျှင် ခံစားချက်ရှိရမည်။ သက်ရှိမှန်လျှင် အသိဥာဏ်ရှိရမည်။ စသည်ဖြင့် သတ်မှတ်ခဲ့ကြ ပါတယ်…။ ၎င်းတို့ ထိုကဲ့သို့ ခြေအငြိမ်မနေ လက်အငြိမ်မနေ ဝေါဟာရများနှင့် အဓိပ္ပါယ်သတ်မှတ် ချက်များကို ချခြင်တိုင်းချ၊ ထုတ်ခြင်တိုင်း ထုတ်ခဲ့ခြင်းများ၏ ရလာဒ်များအနေဖြင့် လက်ရှိ ကျွန်တော်တို့ ခေတ်မှ လူသားများ ယခုအခါ အလူးအလဲ ခံနေကြရပြီ ဖြစ်ပါတယ်..။

၂၉ ရာစုနှစ်မတိုင်မှီ အထိတည်ရှိခဲ့သော ထိုရှေးဟောင်းအတွေးအခေါ်ပညာရှင်များနှင့် အတွေးချော် ပညာရှင်များသည် ထိုကဲ့သို့မှားယွင်းသော အဓိပ္ပါယ်သတ်မှတ်ချက်များ၊ ဟောကိန်းများကို ထုတ်ခဲ့ရုံသာမက လက်ရှိ ကျွန်တော်တို့ရင်ဆိုင်နေရသော “ဒုတိယကမ္ဘာတော်လှန်ရေး” ဖြစ်ပေါ်လာဖို့အတွက် အဓိက အစပျိုး မျိုးစေ့ချပေးခဲ့ကြသော သမိုင်းတရားခံများလည်း ဖြစ်ပါတယ်…။

အကြောင်းမှာ ၎င်းတို့သည် ထိုကဲ့သို့ မည်သည့်အရာများသည် သက်ရှိများဖြစ်သည်။ မည်သည့်အရာများသည် သတ်မဲ့များ ဖြစ်သည်ဟု ပညာရှင် များပီပီ ပြီးပြီးရော သတ်မှတ်ခဲ့ကြပြီးသည့်နောက်တွင်….။ ထိုသူတို့မှပင် တစ်ဖန် သက်မဲ့များသည် အသက်ရှူကြကြောင်း….။ သက်မဲ့များတွင် ခံစားချက်များရှိကြောင်း..။ သက်မဲ့ များတွင် အသိဥာဏ်များရှိကြောင်း စတင်ဖော်ထုတ်ကာ ပြသနာအား မီးစမွှေးခဲ့ကြခြင်း ဖြစ်ပါတယ်….။

ထိုရလဒ်များအဖြစ်…

နေရာမှာ တစ်ကမ္ဘာလုံးဆိုင်ရာ သက်ရှိသက်မဲ့ တန်းတူညီမျှ အခွင့်အရေးရရှိရေး ဌာနကြီးရဲ့ အစည်းအဝေး ခန်းမအတွင်း ဖြစ်ပါတယ်…။ ခန်းမရဲ့ ဖွဲ့စည်းပုံမှာ ထိပ်ဆုံးနေရာတွင် သက်ဆိုင်ရာအဖွဲ့အစည်းများ၏ အကြီးအကဲ များထိုင်ရန်သတ်မှတ်ပေးထားသော စင်မြင့်နှင့် မိန့်ခွန်းပြောစင် ရှိပါတယ်..။ ကျန်တဲ့ ခန်းမတစ်ခုလုံးမှာ ရှိသည့် ခုံများကိုတော့ Column သုံးခု ပိုင်းခြားသတ်မှတ်ထားပါတယ်..။ လက်ဝဲဘက်အစွန်ဆုံးတွင် လူမဟုတ်သော သက်ရှိများ၏ ကိုယ်စားလှယ်များက နေရာယူကြပါတယ်..။ အလယ် Column တွင် လူသားများ၏ ကိုယ်စားလှယ်များမှ နေရာယူ ကြကာ။ လက်ယာအစွန်ဆုံးတွင်တော့ ယခင် သက်မဲ့များအဖြစ် သတ်မှတ်ခံခဲ့ရသော သက်မဲ့များ (၀ါ) သက်ရှိများ စာရင်းတွင် အကြုံးဝင်ဖို့အတွက် ကြိုးစားနေသော သက်မဲ့များမှ ရွေးချယ်စေလွှတ်လိုက်သော ကိုယ်စားလှယ်အဖွဲ့များက နေရာယူထားကြပါသည်။ (လွန်ခဲ့သော နှစ်ပေါင်း တစ်ထောင်ခန့်က ပေါ်ပေါက်ခဲ့ဖူးသော ကမ္ဘာ့ကုလသမဂ္ဂအဖွဲ့အစည်း၏  အစည်းအဝေးခန်းမကို မျက်လုံးထဲ မြင်ကြည့်နိုင်ပါတယ်)

အစည်းအဝေးခန်းတစ်ခုလုံးကို အကြမ်းဖျဉ်းခွဲခြားကြည့်လိုက်ပါက…။ လောကတွင် (လူမပါ) သက်ရှိများ၊ သက်မဲ့များ များစွာရှိသည့်အနက်…။ ကျန်သော အဖွဲ့များမှ ကိုယ်စားလှယ်များမှာ ရာခိုင်နှုန်း ၆၆.၆၆ သာ အစည်း အဝေးတက်ရောက်ခွင့်ရရှိကာ လူလည် (အလယ် Column မှာထိုင်သောကြောင့် လူလည် လို့ခေါ်ခြင်း ဖြစ်ပါသည်။ “လူလယ်” နှင့် မမှားကြပါကုန်…။) များမှာမူ တစ်ကမ္ဘာလုံးရှိ သက်ရှိ၊ သက်မဲ့များအားလုံး၏ ၃၃.၃၃ ရာခိုင်နှုန်း စာ တက်ရောက်ခွင့်ရရှိနေခြင်းမှာမူ…။

မကြာခင်မှာပင် ခေါင်းဆောင်အသီးသီးတို့သည် ဆင်မြင့်ပေါ်တွင်နေရာယူကြကာ အစည်းအဝေးကို စတင်လိုက်ကြပါတယ်…။ ရှေးဦးစွာ သက်မဲ့ များအဖွဲ့မှ စတင်ကာ သူတို့အား သက်ရှိများအဖွဲ့အစည်းအတွင်း အဘယ့်ကြောင့် ထည့်သွင်းသတ်မှတ်ပေးသင့်ကြောင်းကို အချက်အလက်များဖြင့် စတင် အဆိုပြုကြပါတော့ တယ်…။

ရှေးဦးစွာ ကမ္ဘာ့သက်မဲ့များဆိုင်ရာ ခေါင်းဆောင်အဖြစ် ရွေးချယ်တင်မြှောက်ခြင်းခံထားရသော အပင်များဆိုင်ရာအဖွဲ့အစည်း ဥက္ကဌမှ စတင် အဆိုတင်သွင်းပါတယ်..။

“ကျွန်တော့်အနေနဲ့ ရှေးဦးစွာ ပြောကြားလိုတာကတော့ အခုလို အပင်များရဲ့ ကိုယ်စားလှယ်အနေနဲ့ သာမက ကမ္ဘာ့သက်မဲ့များအားလုံးရဲ့ ကိုယ်စားလှယ်အနေဖြင့် စကားပြောခွင့်ရတဲ့အတွက် ကမ္ဘာ့သက်မဲ့များ (သက်ရှိ သတ်မှတ်ခွင့်ရရေး တိုက်ပွဲဝင်သူများ) အားလုံးကို အထူးပဲ ကျေးဇူးတင်ရှိကြောင်း ပြောကြားလိုပါတယ်..။”

ကိုယ်ကျွန်တော်တို့ဟာ အခုလို သက်ရှိများ (ယခုအချိန်အထိ သတ်မှတ်ထားသော) နှင့် အတိုက်အခံ ပြုလုပ်နေခြင်းမှာ ငြိမ်းချမ်းနေတဲ့ ကမ္ဘာ့ ငြိမ်းချမ်းရေးကို ပျက်စီးစေလိုခြင်းကြောင့် မဟုတ်ပါဘူး..။ ကျွန်တော်တို့အနေနဲ့ ရသင့်ရထိုက်တယ်လို့ ယုံကြည်ထားသော အခွင့်အရေး တစ်ရပ်အား တောင်းဆိုနေခြင်းသာ ဖြစ်ပါတယ်..။ ထိုကဲ့သို့သော အခွင့်အရေး (အထူးသဖြင့် လူသားများနှင့် တန်းတူ) ကို ရရှိသင့်ကြောင်းကို လည်း အခုလက်ရှိ အလည်လိုင်းမှာထိုင်နေကြသော လူသားများမှပင် ကျွန်တော်တို့၏ အတွေးအခေါ်များ အတွင်းသို့ ရိုက်သွင်းပေးခဲ့ကြခြင်း ဖြစ်ပါတယ်..။ ဥပမာအားဖြင့် သက်ရှိ၊ သက်မဲ့ပေါင်းများစွာ ဖွဲ့စည်းတည်ရှိသည့် ဒီကမ္ဘာမှာ အဘယ့်ကြောင့် ကိုယ်စားလှယ်တက်ရောက်ခွင့် ပမာဏ ဟာ တန်းတူညီမျှမှုမရှိပဲ လူများက ၃၃.၃၃ ရာခိုင်းနှုန်း နေရာယူရရှိပါသလဲ ဆိုတာမျိုးဖြစ်ပါတယ်..။”

ထိုခေါင်းဆောင်၏ စာသားတစ်ချက်အဆုံးတွင် ညာလက်အခြမ်းတွင် ထိုင်နေကြသော သက်မဲ့များဆိုင်ရာ ကိုယ်စားလှယ်များဘက်အခြမ်းမှ လက်ခုပ်သံများ တဖြောင်းဖြောင်းထွက်ပေါ်လာပြီး..။ ဘယ်ဘက်အခြမ်းတွင် ထိုင်နေသော သက်ရှိများအဖွဲ့ (လူမပါ) ကိုယ်စားလှယ်များကမူ လူလည်များထိုင်သော ဘက်သို့ နားမလည်နိုင်သော အကြည့်များ၊ အရေခွံနွာချင်သော အကြည့်များ စသည်ဖြင့် အနှုတ်သဘော ဆောင်သော အကြည့်များဖြင့် ဂုဏ်ပြုကြပါတော့တယ်…။

အပင်ခေါင်းဆောင်က “ ကျွန်တော် ဥပမာအနေနှင့် ဘာကြောင့်အပင်များအနေဖြင့် သက်ရှိအဖွဲ့အစည်းအတွင်း ပါဝင်သင့်ကြောင်းကို တင်ပြ ခွင့်ပြုပါ…။ လူသားများရဲ့ သတ်မှတ်ချက် ရှိပါတယ်..။ သက်ရှိမှန်ပါက အသက်ရှူ ရမည်။ မျိုးပွားခြင်း၊ မွေးဖွားခြင်း၊ ကြီးပြင်းခြင်း၊ အိုမင်းခြင်း၊ သေဆုံးခြင်း ရှိရမယ်လို့ အတိအကျ သတ်မှတ်ထားသော အဆိုရှိပါတယ်…။ လူသားများဆိုင်ရာ ဘာသာတရား အဆုံးအမနှင့် သတ်မှတ်ချက် များတွင်လည်း ထိုအဆိုကို တွေ့ရှိနိုင်ပါတယ်။ ကျွန်တော်တို့ သစ်ပင်များဟာ အသက်ရှူကြပါတယ်…။ ထို့အတူ ကျွန်တော်တို့မှာ မျိုးပွားခြင်း၊ မွေးဖွားခြင်း၊ ကြီးပြင်းခြင်း၊ အိုမင်းခြင်း၊ သေဆုံးခြင်းများကိုလည်း သက်ရှိများနည်းတူ တည်ရှိနေပါတယ်။ ထို့ကြောင့် သက်ရှိများအားလုံး၏ ခေါင်းဆောင်ဟု လက်ရှိသတ်မှတ်ထားသည့် လူသားတို့၏ စံချိန်စံညွှန်းများဖြင့် ကိုက်ညီနေသောကြောင့် ကျွန်တော်တို့အပင်များအား သက်ရှိများ အဖြစ် အသိအမှတ်ပြုပေးသင့်ပါ တယ်..။”

“ထို့အတူ နောက်ထပ်ဥပမာတစ်ခုအနေဖြင့်..။ ရေများဆိုင်ရာ အဖွဲ့အစည်းကို ဥပမာပြခြင်ပါတယ်..။ လူသားများရဲ့ သက်ရှိ အဖြစ်သတ်မှတ်ရေး အတွက် နောက်ထပ် အဓိကကျတဲ့ အချက်တစ်ခုရှိပါတယ်..။ ဒါကတော့ သက်ရှိမှန်ရင် ခံစားတတ်ရမယ်၊ အသိဥာဏ်၊ မှတ်သားနိုင်မှုစွမ်းရည် ရှိရမယ်လို့ အတိအကျ ဖော်ပြထားပါတယ်..။ ရေ ကိုကြည့်ပါ..။ ထိုလူသားများ၏ သက်သေပြ ရှာဖွေဖော်ထုတ်မှုကြောင့်ပဲ ရေတွင် ခံစားမှု ရှိကြောင်း လွန်ခဲ့သော နှစ်ပေါင်းတစ်ထောင်ကျော်ကပင် ဖော်ထုတ်ခဲ့ပြီးဖြစ်ပါတယ်…။ ထိုအချိန်ကပင် ရေသည် ခံစားနိုင်မှုအပြင် မှတ်သားနိုင်မှု စွမ်းရည်ရှိကြောင်းကိုလည်း ဖော်ထုတ်ပေးခဲ့ပြီး ဖြစ်ပါတယ်..။ တစ်ကယ်တမ်းဆို ရေရဲ့မှတ်သားနိုင်မှု စွမ်းရည်ဟာ နှစ်ပေါင်းထောင်နှင့် ချီကာ ထိမ်းသိမ်းမှတ်သားနိုင်စွမ်းရှိသောကြောင့် လူသားများထက်ပင် အစပေါင်းများစွာ ပိုပြီး အားသာနေတာကို တွေ့ရှိရမှာ ဖြစ်ပါတယ်..။ ကျွန်တော်တို့ ရေအဖွဲ့အစည်း၊ အပင်အဖွဲ့စည်းကဲ့သို့ပင် အခြားသော သက်မဲ့များမှာလည်း သက်ရှိအဖြစ် အသိအမှတ်ပြုခံရရေးအတွက် ခိုင်လုံသော အကြောင်း ပြချက်နှင့် အထောက်အထားများ များစွာ အတိအကျရှိနေပါတယ်..။ ဒါကြောင့် ကျွန်တော်တို့အား သက်ရှိများအဖြစ် သတ်မှတ်ပေးပါရန် လေးစားစွာ တင်ပြအပ်ပါတယ်ခင်ဗျား…။”

အပင်ခေါင်းဆောင်၏ မိန့်ခွန်းသံအဆုံးတွင် ခန်းမတစ်ခုလုံး လက်ခုပ်တီးသံများ၊ လက်ခေါက်မှတ်သံများ၊ မလိုလားသော ဟန်ပန်များ၊ တီးတိုး တိုင်ပင်သော အသံများဖြင့် ဖုံးလွှမ်းသွားပါတယ်..။

ထို့နောက် သဘာပတိမှနေ၍ ကိုယ်စားလှယ်များအားလုံးကို မေးမြန်းပါတယ် “ အပင်ခေါင်းဆောင်ကြီး တင်ပြ သွားတဲ့ အချက်ဟာ အမှန်တကယ်ကို ချက်ကြလက်ကြရှိပြီး ခိုင်မာတာကိုတွေ့ရပါတယ်..။ သဘာပတိများ အဖွဲ့မှလည်း သဘောတူပါတယ်..။ သို့သော် လုပ်ထုံးလုပ်နည်းအရ..။ အခု တင်ပြသွားသော အဆိုအပေါ် ကန့်ကွက်မည့်သူများ ရှိမရှိကိုတော့ မေးမြန်းရမှာဖြစ်ပါတယ်..။

“ပထမအကြိမ်မေးပါမယ်..။ ကန့်ကွက်မယ့်သူ ရှိပါသလား….။” ခန်းမတစ်ခုလုံးငြိမ်….။

“ဒုတိယအကြိမ်မေးပါမယ်..။ ကန့်ကွက်မယ့်သူ ရှိပါသလား….။” ဘာသံမှ မထွက်…။

“နောက်ဆုံးအကြိမ်…။ ကန့်ကွက်မယ့်သူ ရှိပါသလား…”

“၀ုန်း…”

“ရှိပါတယ်…။”

မျှော်လင့်ချက်များဖြင့် ပြုံးနေသော သက်မဲ့များဆိုင်ရာ ကိုယ်စားလှယ်အဖွဲ့တွေ အားလုံးမျက်နှာပျက်သွားပါတယ်..။ အကြောင်းမှာ ထရပ်လိုက်သော သူမှာ သဘာပတိအဖွဲ့တွင် ပါဝင်နေသော စီရှေ အာဏာရှိသူ တစ်ယောက် ဖြစ်နေသောကြောင့်ပါ…။ သူတစ်ယောက် ကန့်ကွက်ရုံနဲ့ အားလုံးရဲ့ မျှော်လင့်ချက်များ တစ်စစီ စုတ်ပြတ် ပျက်စီးသွားတော့မှာဖြစ်ပါတယ်…။

သဘာပတိကြီးမှ..” ဟုတ်ကဲ့..။ ခင်ဗျားအနေနဲ့ ကန့်ကွက်တယ်ဆိုရင်ဖြင့် ဒီအတည်ပြုမှုတင်ပြချက်ဟာ ရှုံးနိမ့်သွားပါပြီ..။ ဒါပေမယ့် ဘာကြောင့် ကန့်ကွက်ရတယ်ဆိုတဲ့အကြောင်းလေးကိုတော့ ကိုယ်စားလှယ်တော်ကြီးများအားလုံး အမြင်ရှင်းစေဖို့ ရှင်းပြပေးစေလိုပါတယ်..”

ထိုကန့်ကွက်သော စီရှည် အာဏာရှိသည့် ပုဂ္ဂိုလ်မှာ မိန့်ခွန်းပြောစင်ရှိရာသို့ ရူးသိုးသိုးဖြင့် ရောက်ရှိလာကာ အင်မတန်မှ တိုတောင်းပြီး ပြတ်သား လှသော ကန့်ကွက်ရသည့် အကြောင်းအရင်းအား အောက်ပါအတိုင်း ပြောကြားလိုက်ပါတော့သည်။

“ရှင်းပါတယ်…။ အခြားသက်မဲ့များအကြောင်းတော့ မပြောလိုတော့ပါ..။ ဒါပေမယ့်  အထက်မှာ ဥပမာပေးသွားတဲ့ အပင်နှင့်ရေ တို့ကိုသာ သက်ရှိများအဖြစ် အသိအမှတ်ပြုလိုက်ပါက ကျွန်တော်ကဲ့သို့ သေတပန် သက်တစ်ဆုံး သက်သက်လွတ် စားပါတယ်လို့ ကြွေးကြော်ထားတဲ့ သူများအားလုံး စားစရာမရှိ၊ သောက်စရာ မရှိဖြစ်ကာ ငတ်ပြီး သေကုန်ကြမှာ စိုးလို့ပဲ ဖြစ်ပါတယ်…”

အစည်းအဝေးခန်းမ တစ်ခုလုံး ငြိမ်ကျသွားပါတယ်…။ ထိုညီလာခံသည်လည်း ၎င်းကန့်ကွက်မဲ တစ်ခုထဲဖြင့်ပင် ဇာတ်သိမ်းသွားပါတယ်…။ သို့သော် သက်မဲ့များအဖွဲ့မှ ထိုကဲ့သို့ အစည်းအဝေးများဖြင့် ငြိမ်းချမ်းစွာ အဖြေရှာ မရသည့်အဆုံး တိုက်ပွဲဝင်ရင် ဆုံးဖြတ်ချက်ချလိုက်ကြပါတယ်…။

အပင်များသည် လူသားနှင့် သတ္တ၀ါတို့အား အာဟာရ မဖြစ်စေခြင်း၊ အဆိပ်အတောက်နှင့် ဥပါဒ်ဖြစ်စေခြင်း၊ စိမ်းလန်းမှုတို့အား ရုပ်သိမ်းခြင်း၊ ရှင်သန်ပေါက်ဖွားမှုတို့အား ထိန်းချုပ်ကန့်သတ်လိုက်ခြင်း စသည်တို့ဖြင့် စတင်တိုက်ခိုက်သောကြောင့် သစ်တောများပြုန်းတီးခြင်း၊ လူနှင့်သတ္တ၀ါ များ အဟာရချို့တဲ့ခြင်း၊ အပူအအေး လွန်ကဲမှုများ ဖြစ်ပေါ်လာခြင်း၊ ရာသီဥတု ဟန်ချက်များ ပျက်စီးသွားခြင်း စသည်ဖြင့် တိုက်ပွဲအတွင်း အလူး အလိ့မ် ခံစားကြရပါတော့တယ်…။

ထို့အတူ ရေများဘက်မှလည်း ရေလွှမ်းမိုးမှုများဖြစ်စေခြင်း၊ မိုးများကို ပိုမိုခေါင်စေခြင်း၊ ရေရှားပါးသောနေရာ များတွင် ပိုမိုရှားပါးလိုက်စေခြင်း၊ ရေများဖြင့် လျှပ်စစ်ပေးမှုများကို ရပ်တန့်စေခြင်းအလို့ငှာ၊ ရေစီးကြောင်းများကို ပြောင်းလွှဲပြစ်ခြင်း၊ ရေများအတွင်း ရောဂါပိုးမွှားများကို ယခင်က ထက် ပိုမိုရှင်သန်နေထိုင်ခွင့်ပြုလိုက်ခြင်း စသည့် ထိုးစစ်များအပြင်းအထန် ဆင်နွဲပါတော့တယ်…။

အပင်နှင့်ရေတို့နည်းတူ အခြားသောသက်မဲ့များမှလည်း အပြင်းအထန် ၀ိုင်းဝန်းတိုက်စစ်ဆင်ကြသောကြောင့် အချိန်မကြာလိုက်ခင်မှာပဲ သက်မဲ့များအား အားကိုးနေထိုင်နေရသော ကမ္ဘာပေါ်ရှိ သက်ရှိများ (အထူးသဖြင့် လူများ) ၏ တောင်းဆိုမှုနှင့် သဘောတူညီမှုကြောင့် သက်ရှိများ ဆိုင်ရာ အဖွဲ့အစည်းမှတစ်ဆင့် အပင်နှင့်ရေအပါအ၀င် အချက်အလက်နှင့် တောင်းဆိုလာသော သက်မဲ့များအားလုံကို သက်ရှိများအဖြစ် အသိ အမှတ်ပြုပေးလိုက်ရပါတော့တယ်..။

သို့သော်….

မကြာခင်မှာပဲ ရေနှင့်အပင် အပါအ၀င် သက်ရှိအဖြစ်အသိအမှတ်အပြုခဲ့မှု ရရှိပြီးသော သက်မဲ့ တော်တော်များ များသည် သက်ရှိများအဖွဲ့အစည်းမှ နှုတ်ထွက်ကာ နဂိုသက်မဲ့များအဖွဲ့အစည်းသို့ ပြန်လည်ဝင်ရောက်သွားပါတော့တယ်…။ ၎င်းတို့ထိုကဲ့သို့ ဆုံးဖြတ်ရခြင်းအကြောင်းအရင်းကိုတော့ ထုံးစံအတိုင်း သက်မဲ့များကိုယ်စားလှယ် အပင်များ ခေါင်းဆောင်ကြီးမှ အောက်ပါအတိုင်း ပြောကြားသွားခဲ့ပါတယ်…။

“ကျွန်တော်တို့ ဘာကြောင့် သက်မဲ့အဖွဲ့အစည်းထဲကို ပြန်ဝင်သွားရလဲဆိုတော့…။ တကယ်တော့ သက်ရှိ..။ အင်းသက်ရှိဆိုတာထက်..။ အဓိက က လူပေါ့ဗျာ…။ လူတွေရဲ့ ဘာကြောင့် လူလို့ ခေါ်ရသလဲဆိုတဲ့ အနှစ်သာ ရနဲ့ အဓိပ္ပါယ်ကို တစ်ကယ် သိရှိသွားလို့ပဲ ဖြစ်ပါတယ်..။ တစ်ကယ်တော့ လူတစ်ယောက် ဖြစ်ဖို့ အသက်ရှူတတ်ဖို့လည်း မလိုပါဘူး..။ မျိုးပွားတာတွေ သေဆုံးတာတွေလည်း မလိုပါဘူး…။ အသိဥာဏ်တွေ၊ မှတ်ဥာဏ် တွေလည်းမလိုပါဘူး..။

လူတစ်ယောက်ဖြစ်ဖို့ မလိ့မ်တပါတ် လုပ်တတ်ဖို့ပဲ လိုပါတယ်။ မသိတာကို သိသလိုလို ဟန်ဆောင်တတ်ရပါမယ်။ မတတ်တာကို တတ်သလိုလို ဟန်ဆောင်တတ်ရပါမယ်..။ သူ့အတွက် လုပ်သလိုလိုနဲ့ ကိုယ့်အတွက် ကျန်အောင် လုပ်တတ်ရပါ့မယ်။ တကယ်တမ်းမှာတော့  သူတို့လူတွေ ကိုယ်တိုင်ကပင် သူတို့သတ်မှတ်ထားသလို လူလို့ အမည်ခံထားပြီး လုံးဝအသိဥာဏ်မရှိတဲ့ မည်ကာမတ္တ လူပေါင်းများစွာ ကျွန်တော်တို့ မြင်တွေ့ ခဲ့ရပါတယ်…။ ဒါတွေအပြင်…။ ကျွန်တော်တို့အနေနဲ့ အခုလို မူလနေရာကို ပြန်သွားကြရခြင်း အကြောင်းကတော့ ကျွန်တော်တို့မှာရှိတဲ့ ကိုယ်ချင်း စာတရားနဲ့ ရိုးသားမှုတွေကို မစွန့်လွှတ်နိုင်လို့ပဲ ဖြစ်ပါတယ်”

“နောက်ဆုံး ကျွန်တော်မှာခဲ့ချင်တာကတော့…။ တစ်ကယ်လို့ ခင်ဗျားသာ တစ်ကယ့်လူတောထဲတိုးပြီး လူတန်းစေ့တဲ့ လူတစ်ယောက် ဖြစ်ချင်တယ် ဆိုရင်တော့ ခင်ဗျားမှာရှိတဲ့ ကိုယ်ချင်းစာတရားနဲ့ ရိုးသားမှုတွေ အားလုံးကို စွန့်ပြစ်ထားခဲ့ကြပါလို့…”

P.S- ပထမရေးနေတုန်းက အကြောင်းအရာတစ်ခုပါ ရေးနေရင်းလမ်းချော်သွားလို့ ချော်လက်စနှင့် မရေးတာကြာပြီ ဖြစ်သော ယခင်က ရေးခဲ့ဖူး သည့် ကျွန်တော်နှင့် တစ်နေ့တာ ၊ ခေတ်သစ်မင်းနန္ဒာ တို့လိုပုံစံမျိုး ပြန်လည်ရေးသားလိုက်ခြင်းဖြစ်ပါသည်။ လမ်းချော်သွားလို့ မရေးဖြစ် လိုက်တဲ့ အကြောင်းအရာကိုတော့ နောက်မှပဲ ရေးသားဖော်ပြပါတော့မယ်။

]]> http://www.blackdream21.com/2009/11/28/%e1%80%92%e1%80%af%e1%80%90%e1%80%ad%e1%80%9a%e1%80%80%e1%80%99%e1%80%ac%e1%81%bb/feed/ 11 အိပ်မက် လက်ဆောင် http://www.blackdream21.com/2009/09/27/4dad/ http://www.blackdream21.com/2009/09/27/4dad/#comments Sat, 26 Sep 2009 23:31:19 +0000 BLACK DREAM http://www.blackdream21.com/2009/09/27/%e1%80%a1%e1%80%ad%e1%80%95%e1%80%b9%e1%80%99%e1%80%80%e1%80%b9-%e1%80%9c%e1%80%80%e1%80%b9%e1%80%b1%e1%80%86%e1%80%ac%e1%80%84%e1%80%b9-2/ နိဒါန်း

အဖေ…။ ညက…။ သား…။ အိပ်မက်တွေမက်တယ်…။ အိပ်မက်ထဲမှာ အရောင်တွေ မညီညာဘူး..။ ပညတ်တွေမညီညာဘူး..။ အသံတွေမညီညာဘူး။ ဘ၀တွေ မညီညာဘူး..။  အင်း…။ ရင်ခုန်သံတွေလည်း မညီညာဘူးပေါ့ အဖေရယ်…။

အိပ်မက် (၁)

အိပ်မက်ထဲမှာ…။ နံရံအချို့လည်း ပါတယ် အဖေ..။ ထူးခြားတာက အဲ့ဒီ့နံရံတွေမှာ “နား” မပါကြဖူးတဲ့လေ…။ ခပ်သဲ့သဲ့ ငိုရှိုက်သံအချို့ကြားမှာ အချို့ အချို့ရဲ့ ဘ၀တွေက ခါးလှပါတယ် အဖေရယ်..။ မေတ္တာမိုးခေါင်၊ သစ္စာရေရှား..။ ဒီသဘာဝတရား ကြီးက တစ်ခါတစ်လေ တစ်ကယ်ပဲ တရားရဲ့လား အဖေ…?

အိပ်မက်ထဲမှာ…။ လူအချို့…။ အစားတစ်လုပ်စာ လုံလောက်တဲ့ ငွေအသပြာရဖို့ သူတို့အစာအိမ်ကိုသူတို့ ဖြုတ် လျှော့ဈေးနဲ့ ထုတ်နေကြတယ်…။ စပါးလုံးတစ်ထောက်စာ အရေပြားတစ်ခု အ၀တ်အစားဝတ်နိုင်ဖို့ ကိုယ့်သားရေကို ကိုယ်လှီးထုတ် ပိတ်စတစ်အုပ်နဲ့ လဲနေကြတယ်…။ လူအချို့ရှင် သန်ဖို့…။ လူအချို့ ယဇ်စဉ် တက်နေရတယ်…။

မျှော်လင့်ခြင်းနဲ့ရက်တဲ့ ပန်းချီကားတစ်ချပ်…။ ရုတ်တရက်..။ စုတ်တစ်ချက်အမှားမှာ…။ စုတ်ပြတ်သတ်သွားတော့..။ စတေးလိုက်ရတာ ဘ၀တစ်ခု လုံးပေါ့ အဖေ..။ ရမ္မက်တွေကြား ရုန်းကန်လှုပ်ရှား…။ တစ်ခါတစ်လေများ..။ သားတို့မျှော်လင့်ချက်တွေကို အနားပေးဖို့တောင် မေ့ခဲ့ကြတာ ကြာပြီ ထင်ပါတယ် အဖေရယ်…။

အိပ်မက် (၂)

အိပ်မက်ထဲမှာ…။ မျက်မှန်တွေ အရမ်း ရောင်းကောင်းတယ် အဖေ…။ အဲ့ဒီ့မျက်မှန်က ဘယ်သူ့ကိုမဆိုကြည့် လိုက်တာနဲ့ အဲ့ဒီ့လူရဲ့ ကျောကုန်းမှာ လှေခါး ဘယ်နှစ်ထစ် ပါတယ်ဆိုတာ မြင်ရတယ်…။ အဲ့ဒီ့လူရဲ့ ဦးနှောက် ထဲမှာ ဓာတ်ဆီ ဘယ်နှစ်ဂါလံ ပါတယ်ဆိုမြင်ရတယ်…။ အင်း…။ အဲ့ဒီ့လူရဲ့ နှလုံးသားထဲမှာ အတ္တဘယ်နှစ်ပိသာ ပါတယ်ဆိုတာလည်း မြင်ရတယ် ဆိုပါတော့အဖေရယ်..။

အိပ်မက်ထဲမှာ….။ သားမျှားမိတဲ့ငါးက…။ အရိုးထွားတယ်…။ ချေးခါးတယ်…။ ဘေးတိုက်သွားတယ်…။ ရေခဲ ရိုက်ထားတယ်…။ ခြေထောက်များ တယ်..။ နောက်ပြီးတော့…။ အင်း…။ နားရွက်လည်း နဲနဲကားတယ် အဖေ…။ သူကပြောတယ်…။ ငါဟာ ရှားပါး “ငါး”…။ မင်း မမျှားလည်း..။ ငါ့ကို စားချင်တဲ့သူတွေ အများကြီးတဲ့…။ စုပ်လည်းဆူး..။ စားလည်းရူး…။ မထူးပါဘူးအဖေရယ်…။ သား…။ စည်သွပ်ဘူးထဲ ထည့်လိုက်တယ်….။

သန်းခေါင်ထက် ညဉ့်မနက်ဖူး ဆိုတဲ့စကား…။ မျက်မမြင်တစ်ယောက်ကြားရင်…။ ဟားပါလိ့မ်မယ် အဖေ…။ အလင်းနဲ့ အမှောင်ကြား…။ သူသိတဲ့ အမှန်တရားက…။ အရောင်တွေ သိပ်မများလှပါဘူး…။ မယုံတစ်ဝက် ယုံတစ်ဝက်နဲ့…။ အလင်းဆိုတာ အမှောင်ထက်မြတ်ကြောင်း…။ ဘယ် “တောင်” ကိုတက်ပြီး…။ သားသူ့ကို သက်သေထားရမလဲ အဖေ…?

အိပ်မက် (၃)

အိပ်မက်ထဲမှာ..။ သစ်ပင်တွေ တွေ့တယ်အဖေ..။ ဒါပေမယ့် အဲ့ဒီ့သစ်ပင်တွေက မြေပြင်မှာ အမြစ်မတွယ်ပဲ တိမ်တွေထဲမှာ အမြစ်တွယ်တယ်လေ..။ သူတို့က တိမ်ညွှန့်စားပြီး ဖွားကြတာတဲ့…။ ဘယ်လိုပဲ ဖြစ်ဖြစ် အချိန်တန်တော့လည်း ကမ္ဘာ့ဆွဲငင်အားက ဘယ်သူ့ကိုမှ လက်လီ၊လက္ကား  ဈေးစ ကား မများခဲ့ဘူး မဟုတ်လားအဖေ…? သူတို့သစ်ရွက်တွေ ကြွေတော့လည်း ဒီမြေပြင်ပေါ်ပဲ သက်ဆင်းခဲ့ရတာပဲ မဟုတ်လား အဖေ?

အိပ်မက်ထဲမှာ…။ ဧရာဝတီဘက်က ပြန်လာတဲ့…။ လေပြေအချို့နဲ့လည်းတွေ့တယ် အဖေ…။ “ဒီကောင် လေပဲ ရှိတာပါကွာ..” လို့ ပြောတတ်တဲ့ လူတွေကို မကျေနပ်လို့..။ ထိတွေ့ကိုင်တွယ်ခြင်း၊ မျက်စိဖြင့် မြင်နိုင်ခြင်း မရှိနိုင်အောင်လောက်အောင် နူးညံ့ပေမယ့်..။ လေမှာလည်း သူ့အားနဲ့ သူရှိ ကြောင်းသက်သေပြပြီး ပြန်လာတယ်လို့တော့ ပြောသံကြားမိတယ်..။

တစ်ကယ်တော့ အိပ်မက်ဆိုတာ သားအတွက်တော့ တစ်ခါက ပြောဖူးသလို….။ ဘ၀တစ်လျှောက်လုံး နေ့စဉ်ရက်ဆက်မှန်မှန် စားသုံးခဲ့တဲ့ နံနက်စာ သက်သက်ပါပဲ အဖေရယ်…။

နိဂုံး

ဘာရယ်တော့ မဟုတ်ဖူးပေါ့အဖေရယ်..။ လောကမှာ အဖေလို့ ခေါ်နိုင်တဲ့ အခွင့်အရေးလေးရှိတုန်း…။ အဖေ့ မွေးနေ့မှာ..။ အမှတ်တရအနေနဲ့..။ မက်ဖူးတဲ့ အိပ်မက်လေးတွေအကြောင်း တိုင်တည် ရုံလောက်ပါ…။ သားလို တိုင်တည်ခွင့်မရတော့တဲ့ သူတွေရဲ့ ကိုယ်စားလည်း ပါတာပေါ့ အဖေ ရယ်…။

P.S- HAPPY BIRTHDAY DAD!!!

]]> http://www.blackdream21.com/2009/09/27/4dad/feed/ 17 ကျွန်တော်နှင့် သူမ (၄) http://www.blackdream21.com/2009/09/12/meandshe4/ http://www.blackdream21.com/2009/09/12/meandshe4/#comments Sat, 12 Sep 2009 18:39:17 +0000 BLACK DREAM http://www.blackdream21.com/?p=903 နိဒါန်း

တစ်ကယ်တော့ သူမဟာ

ကြွေမကျတတ်တဲ့ သစ်သီးတစ်လုံးမဟုတ်ခဲ့ပါဘူး

သူကသာလျှင် ဆွဲင်အားမဲ့ခဲ့တဲ့ ကမ္ဘာမြေပြင်တစ်ခု ဖြစ်ခဲ့တာပါ…။

BLACK DREAM

“Oh think twice, its another day for You and me in paradise”

“ဟဲလို…။ မေ လား…?”

“ဟုတ်တယ် မောင်…။”

“အဲ့…။ ထူးထူးဆန်းဆန်း ဖုန်းတွေ ဘာတွေတောင် ဆက်လို့ပါလား..? ကြည့်ရတာ ကောင်မလေး တော်တော်လွမ်းနေတယ်ထင်တယ်…။ ဟဲ ဟဲ”

“အဟင်း..။ အဲ့ဒါလဲ ပါပါတယ် မောင်ရယ်…။”

“နေပါဦး အဲ့ဒါလည်း ပါပါတယ်ဆိုတော့ နောက်ထပ် ဘာအကြောင်းရှိ နေသေးလို့လဲ…?”

“ဟုတ်တယ် မောင်…။ မေ….။ မောင့်ကို အရေးကြီးတာ ပြောစရာရှိလို့ ဆက်လိုက်တာ…။ မောင်အချိန် ရတယ်မလား..? အေးအေးဆေးဆေး ပြောလို့ ရတယ်မလား မောင်…?”

“အင်း…။ နေဦး..။ အခုက ရုံးမှာ…။ ခဏနေရင်တော့ အိမ်ပြန်မယ်လေ..။ မေ အဆင်ပြေမယ်ဆို ၇ နာရီလောက်ဖြစ်ဖြစ် ဆက်လို့ရမလား..။ မောင် ဒီမှာက လောလောဆယ် အလုပ်လေးတွေ လက်စသတ်စရာရှိနေလို့…။”

“အိုကေ မောင်…။ ဒါဆို မေ ည ၇ နာရီ ကျရင် ခေါ်လိုက်မယ်…။”

“အိုကေဗျာ..။ စောင့်နေမယ်…။”

“မောင်…..။”

“ဟင်…? ဘာလဲ… မေ…? ဘာပြောစရာ ရှိသေးလို့လဲ…?”

“ဘယ်လိုအကြောင်းတရားတွေကြောင့် ဘယ်လိုအကျိုးဆက်တွေပဲ ဖြစ်လာခဲ့ ဖြစ်လာခဲ့…။ မောင့်ကို မေ အမြဲချစ်နေမယ်ဆိုတာကို ယုံပေးပါနော် မောင်….။”

“အဲ..။ ဟဲလို…?”

တီ…။ တီ….။ တီ….။ တီ…။ တစ်ဘက်က ဖုန်းချသွားပြီး ဖြစ်ပါတယ်…။

အခန်း (၁)

ဦးနှောက်သည်

ဘ၀အား စစ်ကူပေးသောအခါတွင်

နှလုံးသားသည် ကားစင်တက်ရလေသည်..။

BLACK DREAM

တစ်ချက်ချက် မြည်နေသော နံရံပေါ်က နာရီကိုကြည့်ရင်း မေနှင်းစက် တစ်ယောက် အတွေးစစ်မျက်နှာပြင်မှာ သက်ပြင်းတွေ အကြိမ်ကြိမ် ကျဆုံး လျှက် ရှိပါတယ်။ အဆက်စပ်မရှိသော အတွေးစအချို့..။ အတိတ်၊ ပစ္စုပ္ပန်နဲ့ အနာဂတ် ဆိုတဲ့ ကာလသုံးပါးကြား အပြေးအလွှား စစ်ကစား လျှက် ရှိနေပါတယ်။ လူတစ်ယောက်အတွက် မျှော်လင့်ချက် ဘယ်နှစ်မျိုးလိုအပ်ပါသလဲ…? မျှော်လင့်ချက် ဘယ်နှစ်မျိုး ရှိသင့်ပါသလဲ..? သူမမှာတော့ မျှော်လင့်ချက် နှစ်ခုရှိသည်…။ ပထမတစ်ခုက ဦးနှောက်နဲ့ယှဉ်တဲ့ မျှော်လင့်ချက်..။ ဒုတိယက နှလုံးသားနဲ့ယှဉ်တဲ့ မျှော်လင့်ချက်။ ထိုသို့သော မျှော်လင့်ချက်နှစ်ခု ထိပ်တိုက် ရင်ဆိုင်ကြသော အချိန်တွင်မူ…။

လူတို့သည် တစ်ခါတစ်ရံတွင် မိမိကိုယ်တိုင် ဘာမှန်းမသိသော အရာများအား အရူးအမူး လိုချင် တောင့်တတတ်လေ့ရှိကာ…။ တစ်ခါတစ်ရံတွင် ထိုဘာမှန်းမသိသေးသော အလုံးစုံ ပြီးပြည့်စုံမှုအားရရှိ ရန်အတွက်…။ မိမိတွင် ပိုင်ဆိုင် ရရှိပြီးဖြစ်သည့် အချို့အချို့သော ပိုင်ဆိုင်မှုများကိုပင် ရူးမိုက် စွာ စွန့်လွှတ်တတ်လေ့ ရှိကြပါတယ်..။ သူမလည်း ထိုနည်းတူပင်…။ ပြီးပြည့်စုံသော ဘ၀ဆိုသည်မှာ မည်သို့သော အရာမှန်းမသိသည့်တိုင် ထိုပြီး ပြည့်စုံသော ဘ၀အား ရရှိပိုင်ဆိုင်နိုင်ဖို့အတွက် သူမ စွန့်လွှတ်ခဲ့ရသည့် ပမာဏမှာ အတိုင်းအတာ တစ်ခုအထိ အတော်ပင် များပြားခဲ့ပြီ ဖြစ်ကြောင်း သူမ အချိန်အတော်ကြာကပင် ကောင်းစွာ သဘောပေါက် နားလည်ခဲ့ပြီး ဖြစ်ပါတယ်…။

သူမမွေးဖွားခဲ့သော အမိမြေ…။ သူမချစ်သော မိသားစု…။ သူမချစ်သော သူငယ်ချင်းများ…။ ပတ်ဝန်းကျင်..။ ရိုးရာ..။ ယဉ်ကျေးမှု…။ ဓလေ့ထုံးစံ…။ နွေးထွေးမှု…။ မေတ္တာတရား…။ ယုတ်စွအဆုံး ထောင်မြင်လို့ စွန့်လွှတ်လိုက်ရသော ရာတန်အချို့…။ ထားပါလေ…။ ရွှေပြည်တော်ကား မျှော်တိုင်း ဝေးနေသေးသလောက် ဒီတစ်ခါ သူမထပ်မံစွန့်လွှတ်ဖို့ ဖြစ်လာသည့်အရာကတော့ သူမ၏ ၀ိဥာဉ်တို့ ရှင်သန် အမြစ်တွယ်ရာ သူမ၏ နုလုံးသား အလှည့် ဖြစ်လာခဲ့လေပြီ…။ သေချာတာတစ်ခုကတော့ သူမသည် နုလုံးသားမဲ့သူ တစ်ဦးမဟုတ်ပါ။ ထို့အတူ။ မွေးရာပါ ဦးနှောက်တစ်လုံး လဲ သူမတွင် ပါရှိခဲ့လေသည်။

အခန်း (၂)

မှောင်မိုက်တဲ့ ငါ့ကမ္ဘာ

ယုံကြည်ချက်ကိုထွေးပိုက်

မျှော်လင့်ခြင်းနဲ့ အိပ်မက်တွေ စိုက်ခဲ့တယ်…။

BLACK DREAM

“မြတ်သော် ပြန်တော့မလို့လားဟ..? ဒီနေ့ မင်း ပြန်တာ နဲနဲစောတယ်ထင်တယ်…။”

“အေးကွာ..။ ငါ ကိုယ်ရေး ကိုယ်တာ ကိစ္စလေးနဲနဲရှိလို့…။ လူကြီးကိုတော့ မင်းပဲ ကြည့်ပြောလိုက်တော့..။ ငါဝင်မတွေ့တော့ဘူး…။”

“အာ..။ ရပါတယ်ဟ..။ မင်းက ပြန်တာ စောတယ်ဆိုပေမယ့်..။ ရုံးချိန်မပြီးသေးပဲ ပြန်တာမှ မဟုတ်တာ။ ခါတိုင်းလောက် အလုပ်ချိန်ထက် နောက်ကြပြီးမနေတာပဲရှိတာ..။ မင်း အလုပ်ကို ဘယ်လောက်အထိ တန်ဖိုးထားတယ်ဆိုတာ သူသိပါတယ်ကွ..။”

“အေးကွာ…။ ကျေးဇူးပဲ…။ အဲ့ဒါဆို ငါလစ်မယ်..။ မေနှင်းစက် ဖုန်းဆက်မယ်တဲ့..။ အရေးတကြီး ပြောစရာ ရှိတယ် ထင်ပါတယ်ကွာ…။”

“အင်း….။ ငါ့အထင်တော့….။” အောင်ပြည့်က မျက်နှာသေဖြင့် ရုံးခန်းနံရံပေါ်မှ နာရီကို ကြည့်ရင်း ပြောလိုက်သဖြင့်…။

“ဟ…။ ဘာလဲဟ..။ မင်းက ဘာထင်လို့လဲ…။ အူကြောင်ကြောင်မလုပ်နဲ့နော် ငါမနက်ကတည်းက စိတ်လေးနေတာ…။”

“ဟင်း…။ ငါထင်တာ ပြောကြည့်မယ်လေ…။ မင်းစိတ်တော့ ခိုင်ပေါ့…။”

“အေးပါ…။ မင်း ဘာထင်တယ်ဆိုတာသာ ပြောစမ်းပါ..။”

“ဒီလိုလေကွာ…။ မေနှင်းစက် အခု ထွက်သွားတာ ဘယ်လောက်ကြာပြီ…?”

“အင်း ၅ နှစ်ကျော်ပြီကွ…။ အဲ့ဒီ့တော့…?”

“ဟင်း….။”

“ဟေ့ကောင် သက်ပြင်းတွေချည်းပဲ စွတ်ချမနေနဲ့။ ငါ စိတ်ပူလာပြီ။ ပြောစရာ ရှိတာ မြန်မြန်ပြောကွာ။”

“အေးလေ အဲ့လောက်သွားတာ ကြာပြီဆိုတော့….။ အခု…။”

မြတ်သော် ခေါင်းထဲ ၅ နှစ်ဆိုတဲ့ ကိန်းဂဏန်းက အတွေးကို လင်းကနဲ ဖြစ်သွားစေပါတယ်…။ တစ်စုံတစ်ခုကို ခံစားမိသလိုလို..။ သိလိုက်သလိုလို..။ ဒါပေမယ့်…။ ခက်တာက အရာရာဟာ ၀ိုးတ၀ါးနဲ့..။ ဘာကိုမှ မိမိရရ မဖမ်းဆုပ်နိုင်…။

“အခု…။ အခု ဘာဖြစ်လဲ ဟေ့ကောင်…?”

“သြော…။ အခု ပြန်လာပြီး..။ မင်းနဲ့ လက်ထပ်ဖို့…။ ပြီးတဲ့အခါကျ..။ ကလေးတွေ တစ်လ ကိုးသီတင်း မွေးချင်တိုင်းမွေးဖို့…။ အဲ့ ..။ ရွှေဘက်ထရီ ကြော်ငြာနဲ့ မှားသွားပြီ…။ အဲ့ဒါကြောင့်နေမှာပေါ့ကွာ လို့ ပြောမလို့ပါကွ..။ ဟဲ ဟဲ..။ ဟီး ဟီး…။”

“အာ…။ ခွေးသူတောင်းစား…။ မင်း သေတော့မှာပဲ…။ မင်းတွေ့မယ်..။ မင်းနဲ့…။ ငါနဲ့ တွေ့မယ်..။ မနက်ဖြန်…။ နာပြီသာမှတ်…။”

“အေး..။ ဟီး..။ ဟီး…။ တွေ့ရမှာပါ မပူပါနဲ့…။ မနက်ဖြန် ရုံးပိတ်ရက်မှ မဟုတ်တာ…။ ဟဲ ..ဟဲ”

မြတ်သော် ဘာမှ ပြန်မပြောတော့…။ အောင်ပြည့်အား နောက်ပြန် လက်သီးထောင်ပြကာ ရုံးမှ ထွက်ခွာသွားပြီသာ ဖြစ်ပါတယ်…။

အခန်း (၃)

ငါ့အရိပ်တွေ ဖြူသွားလေမလား

အတိတ်ကို ပြောင်းပြန်အချိုးချကြည့်တော့

စတေးလိုက်ရတာက

ငါ့လက်ထဲက ပစ္စုပ္ပန် အချို့ရယ်သာ…။

BLACK DREAM

အိမ်ပြန်လမ်းတစ်လျှောက် မေ သူ့ကို ဘာများပြောစရာ ရှိလို့လဲ ဆိုတဲ့အတွေးတွေက သူ့အာရုံကို အချိန်ပြည့်လွှမ်းမိုးနေခဲ့ပါတယ်..။ သူတတ်နိုင် သမျှကားကို သတိနဲ့မောင်းရင် ဖြစ်နိုင်တာများကိုတွေး ကြည့်နေမိပါတယ်…။ သူနဲ့ မေ့ရဲ့ အခြေအနေက ချစ်သူတိုင်း၊ စုံတွဲတိုင်းက အားကျရ လောက်အောင် အခြေအနေကောင်းပါတယ်..။ နှစ်ဘက်မိသားစု အနေအထား အနေဖြင့်လည်း ဘာမှ ပြောစရာမလိုအောင်  ပြည့်စုံ အဆင်ပြေပြီး သားပင်..။ “အချစ်စစ်တို့ရဲ့ လမ်းဟာ ဘယ်တော့မှ မဖြောင့်ဖြူးဘူး”ဆိုတဲ့ စကားပုံဟာ သူတို့ချစ်သူနှစ်ယောက် မကြာခဏ ဟားတိုက်လှောင်ပြောင် ခဲ့ကြတဲ့ အကောင်းဆုံး ပျက်လုံးတစ်ခု မျှသာ…။

အထက်တန်းကျောင်းသားဘ၀ နှစ်ကုန်ခါနီးမှာ သူနဲ့ မေ ချစ်သူတွေ ဖြစ်သွားခဲ့ကြပါတယ်..။ ဆယ်တန်းအောင်တော့ မေ က ဘာသာစုံဂုဏ်ထူး ထွက်ကာ ဆေးကျောင်းရောက်ပါတယ်..။ သူကတော့ ငယ်စဉ်ကတည်းက ရူးသွပ်စွာ စွဲလန်းခဲ့တဲ့ အိပ်မက်တစ်ခုကို အကောင်အထည်ဖော်ဖို့ မိသားစု အားလုံးနဲ့ ချစ်သူက တားနေသည့်တိုင် စစ်တက္ကသိုလ်သို့ တက်ရောက်ကာ တပ်မတော်အတွင်း ၀င်ရောက် တာဝန်ထမ်းဆောင်ခဲ့ပါတယ်..။ သူစစ်တက္ကသိုလ် နောက်ဆုံးနှစ်ရောက်လို့ ကျောင်းဆင်းခါနီးမှာပဲ…။ မေ ဆေးကျောင်းက ထွက်ကာ ပြည်ပသို့သွားရောက် ပညာသင်ကြားခဲ့ပါ တယ်..။ သူတို့ နှစ်ယောက်အတွက် ပထမဆုံး ရင်ဆိုင်ခဲ့ရတဲ့ အချိုးအကွေ့တစ်ခုပါပဲ..။

သူ မေ့ကို နောက်ဆုံးတွေ့ခဲ့ရတာက ဒုတိယနှစ်ခွင့်ပြန်ပြီး ပြင်ဦးလွင်ကို ပြန်မလာခင် ရန်ကုန်လေဆိပ်မှာ တွေ့ခဲ့ရခြင်းပဲဖြစ်ပါတယ်…။ ပြင်ဦးလွင်သို့ စစ်တက္ကသိုလ်တက်ဖို့ ပထမဆုံးအကြိမ်ထွက်ခွာစဉ်က ခါးသည်းနင့်နဲစွာ ရှိုက်ငိုခဲ့ဖူးသော မေ တစ်ယောက်…။ နောက်ဆုံး အကြိမ်သူ့အား လေဆိပ် သို့ လိုက်ပို့သည့်အကြိမ်တွင်မူ အင်မတန်ပင် တည်ငြိမ်ရင့်ကျတ်နေတတ်ခဲ့ပြီ ဖြစ်ပါတယ်..။ အခု မေ ပြည်ပကို ပညာသင်ဖို့ သွားတော့ သူလိုက်မပို့ နိုင်ခဲ့ပေ။ တိုက်တိုက်ဆိုင်ဆိုင် တနင်္ဂနွေနေ့ ဖြစ်နေတာကြောင့်..။ သူမြို့ထဲကနေ ဖုန်းဆက်ကာ..။  Check In မ၀င်ခင်အချိန်အထိ မေနဲ့ ဖုန်းထဲတွင် တွေ့ဆုံခွင့်ရခဲ့ပါတယ်…။ မေက သူ Check In ၀င်တော့မယ်လို့ ပြောတော့ သူ့နားထဲ လွန်ခဲ့သော ၃ နှစ်ကျော် သူ ပထမဆုံးအကြိမ် ရန်ကုန်မှ ပြင်ဦးလွင်ကို ထွက်ခွာတော့ မေ သူ့ကို ပြောခဲ့သောစကားတစ်ခွန်းကို သတိရမိလိုက်ပါတယ်..။ “ မောင်က မေ့ကို အရင်ခွဲသွား နိုင်ပြီပေါ့နော်…” တဲ့။ ဒီတစ်ကြိမ်တွင်မူ….။

အခန်း (၄)

သံယောဇဉ်ဆိုတဲ့ကြိုးကို

တတိတိ မျှင်းကာဖြတ်နိုင်သော

ဓားအား…

မာန ဟု ခေါ်လေသည်…။

BLACK DREAM

“Oh think twice, its another day for You and me in paradise”

“ဟဲလို..။ မေ…။”

“အင်း..။ မောင်စောင့်နေတာ ကြာသွားပြီလား..။”

“မကြာသေးဘူး မေ…။ မောင် စောစောကလေးပဲ ပြန်ရောက်တယ်..။ ရေချိုးအ၀တ်လဲပြီးကာစပဲ ရှိသေးတယ်…။ ထမင်းကတော့ မေနဲ့ စကားပြောပြီး မှပဲ အေးဆေး စားတော့မယ်လေ…။ မေ ပြောစရာရှိတယ်ဆိုတာ ပြောလေ..။”

“မောင် နေရော ကောင်းရဲ့လား..? အလုပ်ထဲမှာရော အဆင်ပြေရဲ့လား..?”

“အင်း..။ ကောင်းပါတယ် မေရဲ့..။ အားလုံးအေးအေးဆေးဆေးပါပဲ…။ ဒါပေမယ့် ဒီလကုန်ရင်တော့ မောင် ရာထူးတိုးနဲ့အတူ ခြေလျှင်ဆင်းရလိမ့် မယ်..။ ရှေ့တန်းမထွက်ရတာကြာတော့ ကိုယ့် နိုင်ငံကို စောင့်ရှောက်ရင်း၊ အမိမြေကြီးရဲ့ တောတောင် သဘာဝအလှတွေကို ခံစားရင်း အညောင်းပြေ အညာပြေ လမ်းလျှောက် ထွက်ဖြစ်တာပေါ့..။ ဟဲ ဟဲ”

“မောင်က မောင့်တိုင်းပြည်ကို အရမ်းချစ်တာပဲနော်…။”

“ဟုတ်တယ် မေ…။ မောင့်ဘ၀မှာ မောင့်အသက်နဲ့ ခန္ဓာမြဲနေသမျှ မောင့်တိုင်းပြည်ဟာ မောင့်ရဲ့ အသွေး..။ မောင့်ရဲ့ အသား..။ မောင့်ရဲ့ အချစ်ဆုံး ဖြစ်နေမှာပဲ မေ…။”

တစ်ဘက်မှ အသံအတော်ကြာအောင် တိတ်ဆိတ်သွားပါတယ်…။ အောင်ပြည့်ပြောလိုက်တဲ့ စကား အမှတ်မထင် ပြန်ကြားလိုက်မိတော့…။

“အား…။ ကိုသိပြီမေ..။ ဘာလဲ မေပြန်လာတော့မလို့လား? ဘယ်တော့ပြန်လာမှာလဲ..? ဘယ်လေဆိပ်လဲ? မောင် ဘယ်အချိန်လာကြိုရမလဲ..? အောင်ပြည့်ကတောင် ဒီနေ့နောက်နေသေးတယ်..။ မေ ပြန်လာရင် တစ်လကိုးသီတင်း မွေးချင်တိုင်းမွေး အားမကုန်ဘူး ဆိုလား..။ အဲ..။ ဟုတ်ပါဘူး..။ ဟဲ ဟဲ။ ဟုတ်လားမေ..။ မေ ပြန်လာတော့မလို့လား…?”

“မဟုတ်ဖူး မောင်….။”

“အင်…။ ဒါဆို ဘာလဲ မေ…? ပြောတော့ကွာ..? မောင် စိတ်နဲနဲပူလာပြီ…။”

“မေ့ ကို မောင့်ဘ၀ထဲကနေ ကျေးဇူးပြုပြီးတော့ အပြီးအပိုင် မေ့လိုက်ပါတော့မောင်..။ မေနှင်းစက် ဆိုတဲ့ မိန်းမတစ်ယောက်ဟာ မြတ်သော် ဆိုတဲ့ လူတစ်ယောက်ရဲ့ ဘ၀ထဲမှာ ဘယ်တုန်းကမှ ဖြစ်တည်ခဲ့ခြင်း မရှိတဲ့ ပုံစံမျိုးနဲ့ မေ့ပေးပါမောင်…။”

တစ်ဘက်မှ မထင်မှတ်ထားသော စကားကြောင့် မြတ်သော ခေါင်းနပန်း ကြီးသွားပါတယ်..။

“ဘာ…! ဘယ်လိုပြောလိုက်တယ်? မေ့ပေးရမယ်…။ ဘယ်တုန်းကမှ ဖြစ်တည်ခဲ့ဖူးခြင်း မရှိတဲ့ ပုံစံမျိုးနဲ့ မေ့ဖျောက်ပေးရမယ်..? မေ..။ မင်းဘာတွေ လာပြောနေတာလဲ…? မောင် နားမလည်တော့ဘူး..။”

“ဟုတ်တယ်မောင်…။ မောင်ဘာမှ နားလည်မှာမဟုတ်ဘူး..။ ဒီလိုပဲ မေကိုယ်တိုင်လည်း အခုအချိန်ထိ ဘာကိုမှ သေသေချာချာနားမလည်နိုင်ဘူး ဖြစ်နေတယ်။ အရာရာဟာ အိပ်မက်တစ်ခုလို ၀ိုးတ၀ါးနဲ့ မေ ကိုယ့်အသက်ရှူသံတွေကိုတောင် ကိုယ်ပိုင်ဆိုင်နေသေးရဲ့လားဆိုတာကို မသိတော့ဘူး မောင်..။ အကျိုးတရားတိုင်းမှာ အကြောင်းတရားဆိုတာ ရှိကြစမြဲပါမောင်..။ ဒါပေမယ့်..။ မေးခွန်းတိုင်းမှာတော့ အဖြေရှိချင်မှ ရှိပါလိ့မ်မယ်…။ အထူးသဖြင့် မေးခွန်းထုတ်တဲ့သူတိုင် အဲ့ဒီ့ ပုစ္ဆာရဲ့အဖြေကို မသိတဲ့ အနေအထားမျိုးဆိုရင်တော့ ပိုဆိုးပါလိ့မ်မယ် မောင်..။ အခု မေ့မှာ မောင့်ဘက်က မေးလာမယ့် မေးခွန်းတွေအတွက်..။ အကြောင်းပြချက်တွေ..။ အဖြေတွေ မရှိဘူးမောင်…။ မေ ကိုယ်တိုင်လည်း အဲ့ဒီ့ အဖြေတွေကို ရှာမရသေးဘူး မောင်..။ ဒါ့ကြောင့် ကျေးဇူးပြုပြီး မမေးပါနဲ့..။ မေ ပြောသလိုသာ လုပ်ပေးပါ…။”

“ဘာလဲ..? ဘာတွေလဲ..? အဖြေမရှိတဲ့ မေးခွန်းတွေရော…။ အကျိုးတွေရော..။ အကြောင်းတွေရော..။ ငါဘာကိုမှ နားမလည်တော့ဘူး…။ ငါ့ကို အကြောင်းပြချက် မပေးနိုင်ရင်တောင် အနဲဆုံး ငါ့အတွက် မင်းကို တစ်ဘ၀လုံးစာ ခါးသီးပြစ်လိုက်ဖို့အတွက် လုံလောက်တဲ့ သံသယ တစ်ခုတော့ ပေးသင့်တယ်..။”

“မောင်ကြိုက်သလိုထင်ပါ…။ သေချာတာတစ်ခုကတော့ မေ ဘယ်လိုနည်းနဲ့မှ မောင့်ရင်ခွင်ထဲ ပြန်ဝင်မလာနိုင်တော့သလို..။ မောင်ကိုယ်တိုင်လည်း ဘယ်လိုနည်းနဲ့မှ မေ့ဘ၀ထဲကို ၀င်လာမှာ မဟုတ်ဖူးဆိုတာပဲ မောင်..။”

“မင်းက ဘာလို့ ငါ့ဘ၀ထဲ ၀င်မလာနိုင်ရမှာလဲ…? ငါကရော ဘာကြောင့် မင်းဘ၀ထဲကို မ၀င်ရဲရမှာလဲ? ငါ့ဘ၀မှာရှိတဲ့ သက်ရှိတွေထဲမှာ မင်းကို ဘယ်လောက် ငါချစ်တယ်ဆိုတာ မင်းမသိဘူးလား မေ…?”

“မေ သိတယ်….။  အဲ့လို သိနေခြင်းနဲ့ အခုလို သက်ရှိတစ်ယောက် ဖြစ်နေရခြင်းကိုကပဲ မေတို့နှစ်ယောက်ကို အဝေးဆုံး တွန်းပို့ခဲ့ပြီမောင်…။”

“ဘယ်လို..? သက်ရှိတစ်ယောက်ဖြစ်နေခြင်းကိုက ငါတို့နှစ်ယောက်ကို တစ်ယောက်တစ်နေရာဆီ အဝေးဆုံးတွန်းပို့ခဲ့တယ်..။ ဟုတ်လား…? မင်း ရူးများသွားပြီလားဟင် မေနှင်းစက်…?”

“ထားလိုက်ပါတော့ မောင်..။ မေ ရူးသွားပြီလို့ပဲ ထားလိုက်ပါတော့..။ မေ့မှာ မောင့်နဲ့ စကားဆက်ပြောဖို့ အင်အားတွေလည်း မရှိတော့ဘူး..။ ဟုတ်တယ်..။ နောက်ပြီး…။ စကားလုံးတွေလဲ မရှိတော့ဘူးမောင်…။ မေ ထာဝရအတွက် နှုတ်ဆက်ခဲ့ပါ တယ်…။”

မေနှင်းစက်၏ နောက်ဆုံး စကားလုံးကြောင့် မြတ်သော် ဒေါသထောင်းကနဲ ဖြစ်သွားပါတယ်..။ ယောကျာ်းတစ်ယောက်၏ မာန…။ အစွန့်ပြစ်ခံ ချစ်သူတစ်ယောက်၏ မာန…။ စိတ်ဓာတ်ပြင်းထန်သော စစ်သားတစ်ယောက်၏ မာန…။ မာနတို့ မဟာမိတ်ဖွဲ့ကြလေပြီ…။

“မင်းမှာငါ့အတွက် စကားလုံးတောင်မရှိတော့ဘူး ဟုတ်လား..? ဟုတ်ပြီ မေနှင်းစက်..။ ဒါဆို..။ မင်းမပြောရင် ငါပြောမယ်..။ ဘာလဲ မင်း အဲ့ဒီ့မှာ အသစ်တွေ့သွားလို့လား…? ရတယ် မေနှင်းစက်..။ ငါအဲ့ဒါတွေ စိတ်မ၀င်စားဘူး..။ ငါ့အကြောင်းမင်းသိတယ်..။  မင်းလိုမျိုး အခုလို မိသားစု၊ သူငယ်ချင်း၊ ချစ်သူ စတာတွေရဲ့ အဝေးဆုံး..။ နွေးထွေးမှု မရှိတဲ့နေရာမျိုးမှာ နေနေရတဲ့သူတစ်ယောက်အတွက် နွေးထွေးမှုကို ရှာခဲ့ခြင်းဟာ အပြစ် တစ်ခုမဟုတ်ဘူး မေနှင်းစက်။ ဒီအကြောင်းအရင်းလောက်နဲ့တော့ မင်းငါ့ကို မေ့ပြစ်ခိုင်းဖို့ မသိမ်းသွင်းပါနဲ့..။”

“နောက်ဆုံး ကုန်ကုန်ပြောမယ်ကွာ..။ မင်းအဲ့ဒီ့မှာ Living Together နေ နေတယ် ဆိုရင်တောင်..။ ငါမင်းကို နားလည်ပေးလို့ရတယ်။ ဒါဘာကြောင့် လဲဆိုတာ ငါထပ်မပြောချင်ဘူး။ မင်းကိုယ်တိုင်လည်း သိပါတယ်..။ ငါမင်းအပေါ်ထားတဲ့ မေတ္တာတရား၊ မြတ်နိုးမှု၊ ယုံကြည်မှုနဲ့ သစ္စာ တရားဟာ ချစ်တယ် ဆိုတဲ့ စကားတစ်လုံးထက် အများကြီး လေးနက်တယ် မေနှင်းစက်..။ ဒီလောက် ထုထည် ကြီးကြီးမားမားနဲ့ တည်ဆောက်ထားတဲ့ ငါ့ရဲ့တန်ဖိုးထားမှုကို ဘာမဟုတ်တဲ့ လူတစ်ယောက်ကြောင့်နဲ့တော့ ငါ ဘယ်လိုမှ အပျက်အဆီး အတိမ်းအစောင်း မခံနိုင်ဘူးဆိုတာ မင်းသဘော ပေါက်ထားပါ…။ အေး ဒါပေမယ့် ငါနဲ့လမ်းခွဲမှ မင်းစိတ်ချမ်းသာမယ်..။ မင်းအတွက် အဆင်ပြေမယ် ဆိုရင်တော့ ရတယ် မေနှင်းစက်..။ ရတယ်..။ မင်း နောက်ဆုံး သိထားဖို့ တစ်ခုကတော့ တစ်ချိန် မင်းစိတ်တွေ ပြောင်းသွားလို့ ငါ့ဆီ ပြန်လာချင်တယ်ဆိုတဲ့ တစ်နေ့..။ မင်းတံခါးမခေါက်ပါနဲ့..။ ငါ့ရင်ဘတ်ကို ဖွင့်နိုင်တဲ့ တစ်ချောင်းထဲသော သော့ဟာ မင်းဆီမှာ ရှိပြီးသားပါ..။ ထာဝရမဟုတ်ပေမယ့်…။ ငါ နှုတ်ဆက်ပါတယ်…။

တီ….။ တီ…။ တီ…။ တီ….။

ဇာတ်သိမ်း

မောင်…။ ကမ္ဘာတစ်ဘက်မှာနေ့…။ ကမ္ဘာတစ်ဘက်မှာည…။ အလင်းကျရောက်ပုံခြင်းက ကိုယ်စီ ကိုယ်စီအတွက် အမှန်တရား တစ်ခုစီပါ။ အလင်း ဟာ လူသားအားလုံးအတွက်  တူညီတဲ့နွေးထွေးမှုကို တစ်ချိန်ထဲ တစ်ပြိုင်ထဲမှာ ဘယ်လိုမှ မပေးနိုင်ပါဘူး မောင်…။ ဒါပေမယ့်မောင်..။ မေယုံကြည်ပါ တယ်။ တစ်ကယ်လို့ တစ်နေ့နေ့မှာ အလင်းဟာ ကမ္ဘာမြေပေါ်ကို တူညီစွာတပြိုင်နက် ကြရောက်မယ့် နေ့မျိုးကြရှိခဲ့မယ် ဆိုရင်တော့ အဲ့ဒီ့နေ့မှာ မေတို့တွေ ပြန်ဆုံကြဦးမှာပါမောင်…။

“မေ…။ မောင်နဲ့ ပတ်သတ်လို့ မျက်ရည်ကျချင်တယ်ဆို..။ မောင် တိုက်ပွဲမှာ ကျသွားတဲ့အခါ ဂုဏ်ယူလို့ကျတဲ့ မျက်ရည်မျိုးပဲ ဖြစ်စေချင်တယ်…။”

တစ်ခါက သူပြောခဲ့ဖူးသောစကား..။ သူမ မျက်ရည်ကျဖို့ အခြေအနေကြုံတိုင်း နိမိတ်မကောင်းလှသော သူ့စကားကြောင့် မျက်ရည်မကျမိရလေ အောင် သူမ ကြိုးစားတတ်ခဲ့ပါတယ်..။

အခုလည်း သူမ ကြိုးစားနေမိတယ်…။ အောက်နှုတ်ခမ်းကို သွားနဲ့ ဖိကိုက်ရင်း ရင်ထဲက လှိုက်လှိုက် တက်တာတဲ့ ဆို့နင့်မှုများကို မျိုချကာ မျက်ဝန်းမှ စီးဆင်းလာမယ့် မျက်ရည်တွေ မကျစေဖို့ ထိမ်းချုပ်မိလိုက်တဲ့နောက်….။

နှုတ်ခမ်းက သွေးတစ်စက် သူမရှေ့မှာချထားတဲ့ ခပ်ပါးပါး စာအုပ်လေးတစ်အုပ်ရဲ့ အဖုံးပေါ်..။ သို့မဟုတ် စာကြောင်းတစ်ခုအပေါ်သို့…။ တိကျစွာ ကျဆင်းသွားခဲ့ပါတော့တယ်…။

EUROPEAN UNION

UNITED KINGDOM OF GREAT BRITAIN

AND NORTHERN IRELAND

PASSPORT

P.S- ကမ္ဘာတစ်ဝှမ်းလုံးမှာရှိတဲ့  Distance Relationship များ အားလုံးအား ခေတ်အခြေအနေနှင့် ယှဉ်ထိုး၍ ရည်ညွှန်းပါသည်။

]]> http://www.blackdream21.com/2009/09/12/meandshe4/feed/ 39 ရိုးမ ဆည်းဆာ http://www.blackdream21.com/2009/08/24/the-sunset/ http://www.blackdream21.com/2009/08/24/the-sunset/#comments Mon, 24 Aug 2009 14:01:41 +0000 BLACK DREAM http://www.blackdream21.com/?p=889 နိဒါန်း

Check Mate သည် စစ်တုရင်ကစားဝိုင်းတစ်ခုအတွက် ဇာတ်သိမ်းကကွက် တစ်ခုဖြစ်သည်ဟု သင်အဆိုပြုမည်ဆိုပါက..။ Check Mate ဟူသော စကားလုံးသည် ထိုစကားလုံးဖြစ်ပေါ်လာဖို့ရန်အတွက် ကျဆုံးသွားခဲ့သည့် များစွာသော စစ်တုရင် တပ်သားများအားလုံးအား စစ်တုရင်ဘာသာ စကား ဖြင့် ” အလေးပြု” ဟု အမိန့်ပေးခြင်း ဖြစ်သည်ဟု သူ ပြန်ပြောဖြစ်မှာ သေချာပေသည်…။

အခန်း (၁)

“Love All…”

သူရော…။ စောအယ်ဒိုရော…။ အသံလာရာဆီသို့ ပြိုင်တူလှည့်ကြည့်လိုက်မိသည်…။

ဆည်းဆာသည် အနောက်ဘက် မိုးကုတ်စက်ဝိုင်းတွင် အဆုံးမရှိသော ကဗျာတစ်ပုဒ်အား ရေးသားနေသည့်နှယ်…။ တစ်ချက်ချက် တောင်ကုန်းပေါ် ကို ဖြတ်သန်းတိုက်ခိုက်လိုက်သော လေနှအေးတစ်ချို့သည် မကြာခဏ ခိုးခိုးချလိုက်သော သူ့ရဲ့သက်ပြင်းအချို့အား အဆုံးအစမဲ့သော အနန္တ  စကြာဝဌာဆီသို့ လက်ဆင့်ကမ်း သယ်ဆောင်သွားကြလေသည်…။

” ဗိုလ်လုံ…။ သက်ပြင်းတွေ ချလှချည်လားဗျ…။ ပစ္စုပ္ပန် တည့်တည့်အပေါ်မှာပဲ အာရုံထားရင် ပိုကောင်းမယ်လို့ ကျွန်တော် အကြံပေးချင်ပါတယ် ခင်ဗျာ..။ ကိုယ်လုပ်နေတဲ့ အလုပ်တစ်ခုမှာပဲ အာရုံထားပါ ဗိုလ်လုံ..။ အရာအားလုံးကို ကျွန်တော်တို့မှာရှိတဲ့ လက်တစုံထဲနဲ့ ထိန်းချုပ်ခွင့်ကို ဘုရား သခင်က ပေးမထားပါဘူး…။”  သြော…။ သူ့သက်ပြင်းတွေကို သူကြားသွားသည်ပဲ…။ တစ်ခါတစ်ရံတွင် သင့်ရဲ့ သက်ပြင်းသံများကိုပင် သင်လုံခြုံစွာ မထိန်းသိမ်းနိုင် ကြောင်း သင်သိထားနှင့် သင့်ပါသည်။

“ခင်ဗျားပြောတာ မှန်ပါတယ်ဗျာ…” ပြုံးရင်း ပြန်ဖြေလိုက်သော သူ့ရဲ့ စကားအဆုံးမှာ နှစ်ယောက်သား တစ်ယောက်ကို တစ်ယောက် ပြုံးလျှက် ကြည့် နှင့်နေပြီးသား ဖြစ်သွားခဲ့ပါတယ်..။

မြင်ကွင်းသည် ဖုန်အနဲငယ်ထနေသောကြောင့် မသဲကွဲပေ။ ဖုန်တို့သည် လူတို့၏မြင်ကွင်းအား နံရံတစ်ခုကဲ့သို့ လုံးဝ ကွယ် ပျောက်သွားအောင် ကာ ကွယ်နိုင်ခြင်းမရှိသည့်တိုင် အနဲနှင့်အများဆိုသလိုတော့ ကျွန်တော်တို့ရဲ့ အမြင်အာရုံများကိုေ၀၀ါးသွားစေသည် မှာတော့ သေချာလှပေသည်…။ သို့သော် ထိုမှုန်ဝါးဝါး ဖုန်တွေကြားထဲ တစ်ချက်တစ်ချက် လက်ကနဲ လက်ကနဲ ဖြစ်သွားသော အရာအချို့ တက်ကြွ လန်းဆန်းစွာ လှုပ်ရှားနေကြ သည်ကို သင်သတိထားမိပါက တွေ့ရှိနိုင်ပါတယ်…။

ဟုတ်ပါတယ်..။ တစ်နေ့တာကို နှုတ်ဆက်ကာနီး နေမင်းဆီမှ အလင်းတန်းတို့သည် အင်္ကျီချွတ်ထားလို့ ချွေးတပြိုက်ပြိုက်ကျနေသော ပိုက်ကျော် ခြင်းခတ်နေကြသည့် နှစ်ဘက်သော အသင်းသားတို့၏ ခန္ဓာ ကိုယ်ပေါ်သို့ ကျရောက်နေသောကြောင့် ထိုကဲ့သို့ တစ်ချက်တစ်ချက်တွင် လက်ကနဲ လက်နဲ ဖြစ်သွားခြင်းဖြစ်ပါတယ်…။

ဆုံးဖြတ်ချက်နှင့်အတူ သူ ကစားကွက်ပြောင်းလိုက်သည်…။ နယ်ရုပ်တစ်ကောင်ကို ရှေ့သို့တစ်ကွက်တက်လိုက်ခြင်းဖြင့် သူရဲ့ တိုက်စစ်အဟုန် ကို ပိုမိုမြှင့်တင်ဖို့ လှုပ်ရှားလိုက်ပါတယ်..။

အခန်း (၂)

“စောအယ်ဒို..။ ခင်ဗျားက ကရင်ဖြစ်ပြီး ဘယ်လိုဖြစ်လို့ ရှမ်းထဲ ရောက်နေရတာလဲ..?”

“ဒါ အထူးအဆန်းတစ်ခုလား ဗိုလ်လုံ..။ ကျွန်တော်တို့ဟာ တိုင်းရင်းသားတွေလေ…။ ဒီအမိနိုင်ငံကြီးမှာ အတူတကွပေါက်ဖွား ကြီးပြင်းခဲ့ကြတဲ့သူတွေ ပဲ မဟုတ်ဖူးလား…။ ကျွန်တော်တို့ မိခင်ကြီးရဲ့ ရင်ခွင်မှာ ကျွန်တော်တို့ လွတ်လပ်စွာ လှုပ်ရှား နေထိုင်ခွင့်မရှိနိုင်ဖူးလား..? လွတ်လပ်စွာ ယုံကြည် ကြိုးစားပိုင်ခွင့်မရှိဖူးလား..? လွတ်လပ်စွာ ရဲရင့်ကျဆုံး နိုင်ခွင့်မရှိဘူးလား ဗိုလ်လုံ…? “

” မှန်ပါတယ်..။ ဒါကို ကျွန်တော်မငြင်းပါဘူး..။ ဒါပေမယ့် ခင်ဗျားတို့…။ ကျွန်တော်တို့ မိခင်ကြီးရဲ့ ရင်ခွင်ကြီးထဲကနေ စွန့်ခွာသွားမှာကို စိုးရိမ်မိတာ တော့ အမှန်ပဲ စောအယ်ဒို..”

သေချာတာတစ်ခုကတော့ ဒီတစ်ခါ သက်ပြင်းခိုးချသူမှာ သူမဖြစ်နိုင်ပေ..။

” Hope…. Two!”

“ဗိုလ်လုံ့ လူတွေ တယ်စွာသကိုးဗျ…။ ကျွန်တော့်ကောင်တွေက ကျွန်တော်တို့ထဲမှာဆို တကယ့် နာမည်ကြီးတွေဗျ…။ သူတို့ ရှာတိုက်တဲ့ အရက်ပု လင်းနဲ့ ဆေးလိပ်ဘူးတွေ ကျွန်တော် သောက်ခဲ့ရတာ မနဲလှဖူး..။ ဟား..ဟား “

” ကျွန်တော် သတိထားမိတာ တစ်ခုရှိတယ် စောအယ်ဒို…။ ကျွန်တော့်ဘက်က လူတွေက ဒီပွဲကို အားကစားတစ်ခုအနေနဲ့ ယှဉ်ပြိုင်နေတယ်..။ ဒါပေ မယ့် ခင်ဗျား လူတွေက တိုက်ပွဲတစ်ခုကို တိုက်ခိုက်နေသလို ကစားနေတယ်..။ ဒါဟာ သူတို့အတွက် ဖိအားကို ပိုမိုဖြစ်ပေါ်ပြီး အရေးနိမ့်ဖို့အတွက် အခွင့်အလမ်းကို လက်ကမ်းကြိုနေသလိုမျိုး ဖြစ်နေတယ်…။”

သူ ပြောလိုက်တဲ့စကားကို စောအယ်ဒိုက ခေါင်းတညိတ်ညိတ်လုပ်ကာ ရိုးသားသော အပြုံးတစ်ခုဖြင့်သာ တုန့်ပြန်လိုက်ပါတယ်…။ စောအယ်ဒိုရဲ့ မျက်လုံးအစုံက သူတို့ကြားမှာရှိတဲ့ စစ်တုရင်ခုံပေါ်မှာ စူးစိုက်လို့နေပါတယ်…။

” ဗိုလ်လုံ့လိုပေါ့ဗျာ…။ Check!” ညင်သာသော တုံ့ပြန်သံနှင့်အတူ မထင်မှတ်ထားသော စောအယ်ဒိုရဲ့ Check Mate အတွင်း သူကျရောက်သွား ပြီဖြစ်ကြောင်း နောက်ကျစွာ သူသိလိုက်ရပါတယ်..။

“ခင်ဗျား တော်တယ် စောအယ်ဒို…။ ကျွန်တော် ဒီအခြေအနေကို သတိမထားမိလိုက်ဖူး…”

“ကျွန်တော် တော်တာမဟုတ်ဖူး ဗိုလ်လုံ…။ ကျွန်တော်က စစ်တုရင် ကစားနေတာပါ….။ ဒါပေမယ့် ဗိုလ်လုံက စစ်တိုက်နေခဲ့တာကိုး…။”

“Cheers!!!”

စားပွဲပေါ်မှာရှိနေတဲ့ Army Rum ထည့်ထားတဲ့ စစ်မတ်ခွက် နှစ်လုံးဖြင့် ကျွန်တော်တို့ စစ်တုရင်ကစားပွဲရဲ့ ပိတ်ပွဲအခမ်းအနားကို ကျင်းပလိုက်ပါ တယ်..။ ၀ါးကွပ်ပြစ်ပေါ်မှာ လဲလျှောင်းနေတဲ့ မန်ဆန် စီးကရက်ဗူးထဲမှ စီးကရက်နှစ်လိပ်ကို သူထုတ်ယူလိုက်ပါတယ်..။ သူ တစ်လိပ်..။ စောအယ်ဒို တစ်လိပ်…။ သူကိုယ်တိုင်ပင် စီးကရက်ကို မီးညှိပေးဖြစ်ခဲ့ပါတယ်..။ ထို့နောက်မှာတော့ မပြီးသေးတဲ့ ခြင်းပွဲကို သူတို့နှစ်ယောက် ငြိမ်သက်စွာပဲ ထိုင်ကြည့်နေလိုက်မိပါတယ်..။

သူ့လိုပင်..။ စောအယ်ဒိုရဲ့ စိတ်ထဲမှာလည်း..။ နက်ရှိုင်းတဲ့ ကိုယ်ပိုင်အတွေးတွေ ရှိနေမယ်ဆို ဆိုတာကို သူခန့်မှန်းမိပါတယ်..။ သူ့မျက်ဝန်းတွေက သိပ် တည်ငြိမ်လွန်းနေတယ်လေ..။ ခပ်ပါးပါးနှုတ်ခမ်းတစ်စုံနဲ့အတူ မနက်လောက်ကမှ ရှင်းလင်း ရိတ်သင်ထားတယ်လို့ ယူဆရတဲ့ စိမ်းဖန့်နေတဲ့ မှုတ်ဆိတ်ရိတ်ထားတဲ့အရေပြားအရောင်နဲ့ သူ့ရဲ့ ကြည်လင်ဝင်းဝါတဲ့ အသားအရေရယ်..။ စီးကရက်ကို ဟန်ပါပါကိုင်ထားတဲ့  ကျော့ရှင်းသွယ်လျှ နေတဲ့ သူရဲ့ လက်အစုံရယ်ဟာ ဘယ်လိုနည်းနဲ့မှ လူသတ်လက်နက်တွေနဲ့ စီးဝါးကိုက်ညီမှု မရှိလှဟု သူသုံးသပ်မိပါတယ်..။

“ခင်ဗျား..။ မင်းသားလုပ်သင့်တာဗျ…”

“တန်းတူညီမျှရေး၊ တရားမျှတမှုနဲ့ ကျွန်တော်စောစောကပြောခဲ့တဲ့ လွတ်လပ်စွာ ယုံကြည် ကြိုးစားပိုင်ခွင့်ကို အနုပညာ ဒါမှမဟုတ် ဆွေးနွေးညှိနှိုင်း ခြင်း ဒါမှမဟုတ် အခြားအလားတူ နူးညံ့ငြင်သာ နည်းမျိုးနဲ့ သမိုင်းမှာ ရယူခဲ့ဖူးတာမျိုးရှိရင် ကျွန်တော် လုပ်မယ်ဗျာ..။”

“ခင်ဗျားကို ကျွန်တော်တစ်ခုပြောမယ် စောအယ်ဒို..။ ကျွန်တော် ရန်ကုန်မှာရှိခဲ့စဉ်တုန်းက Pearl Harbor ဆိုတဲ့ ဇာတ်ကားကြည့်ခဲ့ဖူးတယ်..။ အမေရိကန်ရဲ့ အလစ်အငိုက်ကို ယူပြီး ဂျပန်က အမေရိကန် ရေတပ်စခန်းကို ဗုံးကျဲတဲ့ ကားပေါ့..”

စောအယ်ဒိုက ပြုံးလို့သာနေပါတယ်..။ သူ့မျက်ဝန်းတွေက အရှေ့မှာ ချွေးတလုံးလုံးနှင့် အပြိုင်အဆိုင်ခတ်နေကြတဲ့ ခြင်းပွဲမှာပဲ ရှိနေပါတယ်..။

” အဲ့ဒီ့မှာ ဂျပန်တွေ အသာစီးရတော့ ဂျပန် ဗိုလ်မှူးကြီးက သူ့ရဲ့ စစ်ဦးစီးချုပ်ကို သိပ်ကိုပြောင်မြောက်တဲ့ ခေါင်းဆောင်မှုနဲ့ အောင်မြင်မှုပါပဲလို့ ပြော တယ်ဗျ… အဲ့ဒီ့မှာ…”

” ဂျပန် ဦးစီးချုပ်က A Brilliant Man Would Find A Way Not To Fight A War လို့ ပြန်ဖြေလိုက်တယ်မလား ဗိုလ်လုံ..” ကျွန်တော့်ရဲ့ အကြိုက်ဆုံးခံယူချက်တွေထဲက တစ်ခုပေါ့..။ ကျွန်တော် England မှာကျောင်းတက်နေတုန်းက ကြည့်ခဲ့ရတာပါ..။ ကြာတော့ ကြာပြီပေါ့..။

သူဘာဆက်ပြောရမှန်း မသိဖြစ်သွားပါတယ်…။ ခေါင်းထဲတွင် မေးခွန်းတွေ ရှုပ်ရှက်ခတ်သွားသည်။ ဘာကြောင့်များ ဒီလို ပညာတတ်တစ်ယောက် အခုလိုတောထဲ တောင်ထဲရောက်နေပါလိ့မ်..။ သိပ်တော့ မစဉ်းစားလိုက်ရပါ..။ သူ့ရဲ့ ယုံကြည်ချက်နှင့် ခံယူချက်ကလွဲပြီး သူ့ကို ဒီလိုနေရာ မျိုး ရောက်လာအောင် တွန်းပို့နိုင်မည့် အခြားအရာဘာမှ မရှိနိုင်ဘူးဆိုတာ သူချက်ခြင်း သဘောပေါက်လိုက်ပါတယ်..။ ထို့အတူ ဘာကြောင့် သူစစ် တုရင်ထိုးရာတွင် ရှုံးနိမ့်သွားရတယ်ဆိုတဲ့ အဖြေကိုလည်းကောင်းကာင်း ဘောပေါက်လိုက်မိပါတယ်။ သူတစ်ဘက်သားကို လျော့တွက်ခဲ့မိတယ်လေ။

“ဒါပေမယ့်..ဗိုလ်လုံ။ If You Want Peace, Prepare For War ဆိုတဲ့စကားကိုလဲ ဗိုလ်လုံ ကြားဖူးမယ်ထင်ပါတယ်…။”

“Set…!!!”

ပိုက်ကျော်ခြင်းပွဲကား ပြီးသွားလေပြီ…။

အခန်း (၃)

“၀ူး…။ ဗိုလ်ကြီးရေ…။ ဒီနေ့သောက်ရမယ့် Army Rum ကတော့ ဘ၀တစ်လျှောက်မှာ အချိုဆုံးဖြစ်မယ်ထင်တယ်ဗျ..။ စောအယ်ဒိုတို့ ဘက်က လူတွေက တော်တော်ကောင်းတာပဲဗျ..။ တော်တော် လုပ်လိုက်ရတယ်..။ ဟား..ဟား..။”

“သိပ်ဟုတ်တာပေါ့ဗျာ..။ ကျွန်တော့်ရဲဘော်တွေက ကျွန်တော်တို့ အထဲမှာဆို ဖိုက်တာတွေဗျ..။ ဒါပေမယ့် ခင်ဗျားတို့သာသွားတာတစ်ခုရှိတယ်..။ အဲ့ဒါဘာလဲဆိုတော့..။ ခင်ဗျားတို့ ဗိုလ်ကြီးပြောသလို ပြိုင်ပွဲအပေါ်ထားတဲ့ စိတ်ဓာတ်ပဲဗျ…။”

စောအယ်ဒိုက သူ့ဘက်လှည့်ကာ ပြုံးကြည့်ရင်း ပြောလိုက်ခြင်းဖြစ်ပါတယ်..။ သူနေရ ထိုင်ရတော်တော်ခက်သွားသည်…။

“ဘယ်လိုလဲ ဗိုလ်ကြီး..။ ဗိုလ်ကြီးတို့ပွဲရော အဖြေဘယ်လိုထွက်သွားလဲ..” တပ်ကြပ်ကြီး သိန်းမြင့်ရဲ့ မေးခွန်းက သူ့အရှိုက်ထဲ ၀င်သွားပါတယ်။

“ခင်ဗျားတို့ ဗိုလ်ကြီးက အတွေးအခေါ်တအားကောင်းတယ်ဗျ..။ စဉ်းစားတာတွေ များလွန်းတော့  မျက်စိရှေ့တည့်တည့်မှာ ရှိနေတဲ့ အခွင့်အရေးကို တစ်ခါတစ်လေတော့ ဆုံးရှုံးရတာ ရှိကောင်းရှိမပေါ့ဗျာ..။ “

သူ့အစားဝင်ဖြေလိုက်သော စောအယ်ဒိုရဲ့ အဖြေက တော်တော်တာသွားသည်..။ ဆရာကြီးသိန်းမြင့်လည်း ဆက်မမေးတော့..။

“စိတ်ချပါဗျာ…။ ကျွန်တော် ဒီနေ့ သင်ခန်းစာရလိုက်တယ်..။ မနက်ဖြန် ကျွန်တော် ဒီလိုမမှားစေရဘူး စောအယ်ဒို..။” သူ့ရဲ့အပြုံး..။ စောအယ်ဒိုရဲ့ အပြုံး…။ နှစ်ယောက်စလုံးရဲ့ အပြုံးတွေဟာ ယုံကြည်ချက်ကိုယ်စီနဲ့ သိပ်ကို ရဲရင့်လွန်းကြပါတယ်…။

“ကဲ အားလုံး..။ ဒီအမှတ်တရ ညနေလေးအတွက် Cheers ဗျာ…။ အဲ ။ တစ်ခုတော့ရှိတယ် အားလုံး နှစ်ပက်ထက်တော့ မပိုစေနဲ့ဗျို့..။ နှစ်ဘက်စလုံး မနက်ဖြန် အလုပ်လေးတွေ ရှိတယ်ဆိုတာ မေ့မထားကြနဲ့ဦး..။” သူအားလုံးကြားအောင် အော်ပြောလိုက်သည်..။

“ကျွန်တော်ကတော့ ဒီလိုလေး ပြောချင်တယ် ဗိုလ်လုံ..”

နိဂုံး

စောအယ်ဒိုတို့အဖွဲ့ သူတို့ စခန်းကုန်းလေးရှိရာသို့ တရွှေ့ရွှေ့နှင့် ချီတက်သွားကြတာကို ကြည့်ရင်း သူ့ရင်ထဲမှာ အဖြေမရှိသော မေးခွန်းပေါင်း များစွာ ဝေ့၀ဲနေခဲ့ပါတယ်..။ မနက်ဖြန် မနက် အာရုံလာတာနဲ့ တပြိုင်နက် အထက်ရဲ့အမိန့်အရ သူတို့ရင်ဆိုင်ကုန်းနှစ်ခုစတင် တိုက်ခိုက်ရတော့ မှာ ဖြစ်ပါတယ်…။ ဒီတစ်ခါတော့ အမျိုးအမည်မသိတဲ့ သက်ပြင်းတစ်ခုကို လွတ်လပ်စွာချရင်း..။ စောအယ်ဒိုနောက်ဆုံး ပြောသွားသော စကားကို သာ သူ့နားထဲ ထပ်တလဲလဲ ကြားယောင်နေမိပါတော့တယ်…။

တစ်ဘက်က မောင်းပြန်သေနတ်ကို ကိုင်မြှောက်ရင်း တစ်ဘက်က သူ့ပုခုံးကို တင်းကြပ်စွာ ဖတ်စွဲ ဆုပ်ကိုင်ရင်း..။ နှလုံးသားရဲ့ အနက်ရှိုင်းဆုံးနေရာ မှ ကြုံးဝါးလိုက်သော သူ့ရဲ့ ပြင်းပြတဲ့ ဆန္ဒ …။ သို့မဟုတ်..။ ယုံကြည်ချက်…။

စောအယ်ဒိုဆိုတဲ့ ကရင်လူငယ်တစ်ယောက်ရဲ့ အသံသည် ရှမ်းရိုးမတစ်ခုလုံးမှာ ပဲ့တင်ရိုက်ခတ်သွားပါတယ်…။ ဒီရှမ်းရိုးမကြီးတည်ရှိနေသမျှ အဆုံး မရှိ ရိုက်ခတ်နေဦးမယ် ဆိုတာကိုလည်း သူထာဝရယုံ ကြည်ပါတယ်…။ ဖြစ်နိုင်ရင် ဒီကြုံးဝါးသံကို ရိုးမရဲ့ ဆည်းဆာကို သက်သေပြုရင်း မိခင်ရဲ့ ရင်ခွင်အတွင်း နေထိုင်ကြတဲ့ တိုင်းရင်းသားညီအစ်ကိုများအားလုံး ကြားနိုင်စေဖို့သာ သူ ဆုတောင်းနေခဲ့မိပါတော့တယ်…။

” တိုင်းရင်းသား ညီအစ်ကိုအချင်းချင်း တစ်ဦးနဲ့ တစ်ဦး သတ်ဖြတ်ရခြင်းမှ အမြန်ဆုံးကင်းလွတ်ဖို့… {{{{{{ငြိမ်းချမ်းရေး}}}}}}}}”

P.S- ဒီစကားသံကို အားလုံးကြားနိုင်အောင် လက်ဆင့်ကမ်း သယ်ဆောင်ပေးဖို့ ခင်ဗျားမှာလည်း တာဝန်ရှိပါတယ်..။

]]> http://www.blackdream21.com/2009/08/24/the-sunset/feed/ 15 မြစ် http://www.blackdream21.com/2009/08/20/river/ http://www.blackdream21.com/2009/08/20/river/#comments Wed, 19 Aug 2009 22:44:33 +0000 BLACK DREAM http://www.blackdream21.com/?p=615 အခန်း (၁)

လေနှင်ရာလွင့်ရလို့

ကြေကွဲရတဲ့အထဲမှာ

ဘယ်တုန်းကမှ

ရွက်လှေတွေ မပါခဲ့ဘူး…။

BLACK DREAM

သူ့ရဲ့ဘ၀တစ်လျှောက် မထင်မှတ်တဲ့အရာတွေ မထင်မှတ်တဲ့အချိန်မျိုးမှာ မကြာခဏဆိုသလို ကြုံတွေ့ရတတ်တာ သူ့အတွက် အထူးအဆန်း တစ်ခုမဟုတ်ခဲ့တာတော့ တော်တော်ကြာခဲ့ပါပြီ…။ အချိုးအကွေ့တွေထူပြောပါတယ်ဆိုတဲ့ ဘ၀ရဲ့ လမ်းကြောင်းတွေပေါ်ကို ငယ်ရွယ်စဉ်အချိန် ကတည်းက စတင်လျှောက်လှမ်းခဲ့သူမို့…။ အခုလို နှစ်ကာလ ကြာရှည်လာပြီဖြစ်တဲ့ အချိန်မှာတော့ သူ့အတွက် အရာရာဟာ နေသားကျနေခဲ့ပြီ ဖြစ် ပါတယ်…။ ကိုယ်ပိုင် ရင်ဆိုင်မှု…။ ကိုယ်ပိုင် သုံးသပ်ချက်…။ ကိုယ်ပိုင် ဆုံးဖြတ်ချက်တွေဟာ သူလျှောက်လှမ်းခဲ့ရာ ဘ၀တစ်လျှောက် သူ့နောက်က အရိပ်တွေလို မျက်ခြေမပြတ် လိုက်ပါခဲ့ပါတယ်…။ တကယ်ဆို….။ သူလျှောက်လှမ်းရာ ဘ၀ခရီးလမ်းဟာ အများသူငှာတွေထက် အချိုးအကွေ့ အပြောင်းအလဲတွေက မယုံနိုင်လောက်အောင် ပိုမိုများပြားလှပါတယ်…။ သာမန်လူတွေ ကြုံတွေ့နေကြ…။ ကြီးမားပါတယ်ဆိုတဲ့ ပြဿနာ တော် တော်များများဟာ သူ့အတွက်တော့ အပြုံးမပျက်စေခဲ့တာ အမှန်ပါပဲ…။

အချိုးအကွေ့တွေများလှတဲ့ ဘ၀မြစ်ကြောင်းတွေကြား အခုဆိုရင် သူ့ဘ၀ ရွက်လှေကို ဟန်ချက်ညီညီ ထိမ်းတတ်ခဲ့ပါပြီ…။ သူဖြတ်သန်းရာ မြစ် ကြောင်းတစ်လျှောက်…။ တစ်ညိမ့်ညိမ့်တိုက်ခတ်လာတဲ့ လေနုအေးတွေကို ခံစားရင်း ရွက်လွှင့်ခဲ့ဖူးသလို…။ ရိုက်ချက်ပြင်းပြင်း မုန်တိုင်းတွေရဲ့ ကြားထဲမှာလည်း သူတင် ကိုယ်တင် ရွက်လွှင့်ခဲ့ပြီး ဖြစ်ပါတယ်…။ တစ်ခါတစ်ရံမှာ လူအချို့သူ့ရွက်လှေလေး အပေါ်တက်လာပြီး သူနဲ့အတူ ခရီးကြုံ လိုက်ပါခဲ့ကြတယ်…။ မကြာခဏဆိုသလို လိုရာရောက်သွားတဲ့ လမ်းကြုံအချို့ သူ့ရွက်လှေလေးပေါ်က ပြန်လည်ထွက်ခွာသွာကြတယ်…။ အချို့က လက်ပြနှုတ်ဆက်သွားတယ်..။ အချို့က ကျောခိုင်းစွန့်ခွာသွားတယ်…။ အင်း…။ အချို့ကိုတော့ သူကိုယ်တိုင်ပင် လမ်းတစ်ဝက်မှာ ကန်ချခဲ့ဖူးတယ်။

သူ ရွက်လွှင့်ရာ မြစ်ကြောင်းတစ်လျှောက် မကြာခဏဆိုသလို သူ့ဘ၀ရဲ့ ရွက်လှေလေးကို ခဏတာ နားခိုဖို့ပဲ ဖြစ်ဖြစ်…။ ရှေ့ဆက်သွားရမယ့် ခရီး အတွက် လိုအပ်တာတွေ ဖြည့်ဆည်းဖို့ပဲ ဖြစ်ဖြစ်…။ နောက်ဆုံး မြစ်ကြောင်းတစ်လျှောက် အထီးကျန်ခဲ့တဲ့ သူ့ဝိဥာဉ်ကို အနားပေးဖို့အတွက်ပဲ ဖြစ် ဖြစ် ဆိပ်ကမ်းအချို့မှာ ဆိုက်ကပ်ခဲ့ဖူးတယ်….။ အချို့ဆိပ်ကမ်းတွေက သူ့ရွက်လှေလေးကို နွေးနွေးထွေးထွေး ကြိုဆိုကြတယ်..။ တစ်ချို့ဆိပ်ကမ်း တွေကတော့ လူစိမ်းတစ်ယောက်ဖြစ်တဲ့ သူ့ကို နုလုံးသားအစိမ်းတွေနဲ့ ကြည့်ကြတယ်…။ တစ်ချို့သော ဆိပ်ကမ်းတွေကြတော့လဲ မသိလိုက် မသိ ဖာသာ…။ သူတို့နဲ့ မဆိုင်သလို…။ အင်း…။ ဘယ်လိုပဲ ဖြစ်ပါစေ..။ ကျေးဇူးတင်စရာလေးတစ်ခုကတော့ ဘယ်ဆိပ်ကမ်းကမှ သူ့ကို ခါးခါးသီးသီး နှင်မထုတ်ခဲ့ကြဖူးဘူး..။

အခန်း (၂)

တကယ်တော့ ဘ၀ဆိုတာ

ပုဇွန်ခေါင်းတစ်ခုပေါ့

လူတွေယိုသမျှ အညစ်အကြေးအားလုံး

သူ့ခေါင်းထဲမှာပဲ စုခဲ့လေရဲ့…။

BLACK DREAM

သူရွက်လွှင့်ရာ မြစ်ကြောင်းတစ်လျှောက် သူ့အတွက် မရေမတွက်နိုင်သော အတွေ့အကြုံတွေကို ရှူရှိုက်ခွင့်ရခဲ့တယ်…။ ဘ၀ဆိုတဲ့အရာက လူတွေ ကို ဒုက္ခပေးနေတာလား…။ လူတွေက ဘ၀ဆိုတဲ့အရာကို ခုတုံးလုပ်အသုံးချနေကြတာလားဆိုတာကိုသူ အတိအကျကြီးမဟုတ်တောင် အကြမ်းဖျဉ်း လောက် လေ့လာနိုင်ခဲ့တယ်…။ သူမြင်တွေ့ခဲ့ရတဲ့ ဖြစ်စဉ်တွေနဲ့ ချိန်ထိုးသုံးသပ်မိတယ်…။ လူတွေဟာ သူတို့လိုချင်တာတွေကို ရရှိပိုင်ဆိုပြီးတဲ့ နောက် မလိုအပ်တော့တဲ့ အမုန်းတွေ…။ အာဃာတတွေ…။ လောဘတွေ…။ ဒေါသတွေ…။ မောဟတွေကို အညစ်အကျေး စွန့်ပြစ်ပစ္စည်းတစ်ခု အဖြစ်အသွင်ပြောင်းကာ ဘ၀ဆိုတဲ့ မြစ်ပြင်ထဲကို စည်းမရှိ၊ ကမ်းမရှိ စွန့်ပြစ်ခဲ့ကြတယ်…။ ပထမ…။ မျက်နှာလွှဲတယ်…။ နောက် သူတို့ အရှုပ်ထုပ်ကို ဘ၀ဆိုတဲ့မြစ်ပြင်ပေါ် သွန်ချစွန့်ပြစ်တယ်…။ ဒီလိုနဲ့….။ လူပေါင်းများစွာ….။ အညစ်အကြေးပေါင်းများစွာ…။ မျက်ရည်ပေါင်းများ စွာ….။ ဒီမြစ်ပြင်မှ အဆိပ်မသင့် ဘယ်သူသင့်မလဲ…။

ကိုယ်ကျင့် တရားကမ်းပါးတွေ ရေစီးကမ်းပြိုလိုက်လို့  မြစ်ပြင်တစ်လျှောက်သောင်တွေထွန်းပြီး ကိုယ်စီကိုယ်စီ ဘ၀ရွက်လှေတွေ သောင်တင်ကြ…။ ခရီးတွေဖင့်ကြ…။ အနှောင့်အယှက်တွေဖြစ်ကြတော့…။ ဒီမြစ်ကသောင်ထွန်းလို့ အခုလို ဒုက္ခရောက်ရတာပါတဲ့လေ…။ လူတွေစွန့်ပြစ်တဲ့ အမှိုက်သရိုက်တွေကြောင့် ဘ၀ဆိုတဲ့ မြစ်ပြင်တစ်လျှောက် အကြည်းတန်တော့…။ ဘ၀ဆိုတာ အနိဌာရုံတွေနဲ့ ပြည့်နေတဲ့ နေရာတစ်ခုလို့ သတ်မုတ်ကြပြန်လေရဲ့…။ ဒီမြစ်ပြင်ထဲက ရေတွေကိုပဲ စုတ်ထုတ် ကိုယ်စီ ဘ၀စိုက်ခင်းတွေ စိမ်းလန်းအောင် စိုက်ပျိုးခဲ့တုန်းကတော့…။ သူတို့ တော်လို့ အောင်မြင်ကြတာတဲ့…။ ဘာများကျေးဇူးခံ ကျေးဇူးစား ရှိလို့လဲဆိုပြီး ပျက်ရယ်ပြုလိုက်ကြပုံများ…။

အလိုမပြည့်မှုဆိုတဲ့ ကာလ၀မ်းရောဂါတွေ…။ နာကြည်းမှုဆိုတဲ့ Plague ရောဂါတွေဖြစ်တော့…။ ဒီမြစ်ပြင်ကရေကိုသောက်လို့ ဒီလိုဖြစ်ရပါတယ်တဲ့ လက်ညှိုးထိုးကြပြန်ရော…။ စဉ်းစားကြည့်ပါဦး…။ ဒီမြစ်ပြင်မှာ ဘာများအပြစ်ရှိခဲ့လို့လဲ….။ လူတွေစွန့်ပြစ်သမျှ အစုတ်အပြတ်တွေ၊ အညစ်အကြေး တွေကိုလည်း စုပုံလက်ခံရသေးတယ်…။ နောက်ဆုံး တရားခံရှာပြန်တော့လည်း သူ့ကြောင့်ပဲတဲ့လေ…။ ကုန်ကုန်ပြောကြကြေးဆို..။ လူတွေ အိမ်သာတက်ပြီးလို့ ( )င် ဆေးတာတောင်…။ ဒီမြစ်ပြင်ထဲက ရေတွေနဲ့ပဲ ဆေးခဲ့ကြတာသတိမှ ရကြပါလေစ…။ အခုတော့လည်း တရားခံက သူပဲတဲ့ဗျာ…။ အဲ့ဒီ့ လူတွေပြောပြောနေတဲ့..။ အချိုးအကွေ့များလှပါတယ်ဆိုတဲ့ မြစ်ပြင်၊ မာယာတွေ ထူပြောလှပါတယ်ဆိုတဲ့ မြစ်ပြင်၊ …။ မြစ်ပြင်…။ မြစ်ပြင်…။ အင်း….။  ကြာလာလေလေ သနားလာလေလေပဲ….။

အခန်း (၃)

ပန်းတိုင်လား?

နီးပါတယ်…။

ခင်ဗျားအခုရပ်နေတဲ့နေရာက

ခင်ဗျားနောက်ဆုံး အားထုတ်မှုရဲ့ ပန်းတိုင်တစ်ခုပေါ့..။

BLACK DREAM

တကယ်ဆို မြစ်ပြင်ကိုယ်တိုင်က ဒီလောက် အချိုးအကွေ့တွေ မများခဲ့ပါဘူး…။ ကိုယ်ကျင့်တရားဆိုတဲ့ ကမ်းပါးကို မပြိုအောင် လူတွေ ကိုယ်စီ ကိုယ် စီ ထိမ်းသိမ်းစောင့်ရှောက်ခဲ့ကြမယ်ဆိုရင်ပေါ့…။ ဒီလိုလည်း မြစ်ပြင်တစ်လျှောက် သောင်တွေ ထွန်းလာစရာ အကြောင်းမရှိပါဘူး…။ အခုဆို မြစ်ပြင် ခဗျာ..။ အကွေ့အကောက်တွေများရုံမက..။ အထီးကျန်မှု မြစ်ကျိုးအင်းတွေပါ ဖြစ်ပေါ်ခဲ့ရလေရဲ့…။ ကိုယ်စီကိုယ်စီတို့ရဲ့ ပန်းတိုင်ကိုရောက်ဖို့ အ တွက်..။ ဒီဘ၀ဆိုတဲ့ မြစ်ပြင်က ကျောပိုးပြီး သယ်ပိုးခဲ့ရသလောက်..။ ခရီးဆုံးလို့ ပန်းတိုင်ကိုရောက်တော့..။ ဒီမြစ်ထဲကရေတွေနဲ့ပဲ အားရပါး ရ ခြေဆေးသွားကြပုံများ…။ ကုန်းပေါ်တက်ခါနီး လူတစ်ယောက်က သမင်လည်ပြန်လေးနဲ့ အားရပါးရ ကျေးဇူးဆပ်သွားသေးတယ်..။ ” မြစ်ရေတွေ ကလည်းနောက်ကျိနေတာပဲ..။ ဟိုတယ်ရောက်မှ ရေသန့်ဘူးနဲ့ ဆေးဦးမယ်” ဆိုလား…။

မြစ်ပြင်ကိုတစ်လှည့်…။ လူတွေကို တစ်လှည့်…။ အကြိမ်ကြိမ် အဖန်ဖန် ပြန်သုံးသပ်မိတော့…။ ရလဒ်က..။ ခပ်တုံးတုံး သက်ပြင်း တစ်ကောင်ထက် မပိုခဲ့…။ သွားစရာလှေမရှိလို့ သူ့ရွက်လှေလေးနဲ့ တင်ခေါ်လာခဲ့ရတဲ့လူတွေကိုကြည့်ပြီး သူကျေနပ်မိခဲ့သလောက်…။ ပင်လယ်နဲ့နီးလာတာနဲ့အမျှ မကြာခဏဆိုသလို သူ့ဘေးကဖြတ်သွားတတ်တဲ့ ပင်လယ်ကူးသင်္ဘောကြီးတွေကို ကြည့်ပြီးလည်း အကြိမ်ကြိမ် ခေါင်းငိုက်စိုက်ကျခဲ့ရတာ မရေမ တွက်နိုင်တော့ပါ…။ မကြာခင် သူ့ဘ၀အတွက် ကြီးမားသော အချိုးအကွေ့တစ်ခု စတင်တော့မည်ဖြစ်သည်..။ သူဖြတ်သန်းလာခဲ့တဲ့ အမြင်ကျဉ်း ကျဉ်း၊ စိတ်ကူးကျဉ်းကျဉ်း၊ အတွေးအခေါ်ကျဉ်းကျဉ်း၊ နောက်ဆုံး အသက်ရှူသံ ကျဉ်းကျဉ်းသာ ရှိတဲ့ နေရာတစ်ခုသည် ဆုံးခန်းတိုင်တော့မည် ဖြစ် သည်…။ အရှေ့ကို မျှော်ကြည့်တော့ မျက်စိ တစ်ဆုံး, အဆုံးမရှိသည့် ပင်လယ်ပြင်က သူ့အား ရင်ဘက်ဟင်းလင်းဖွင့်ပြီး ကြိုဆိုနေလေပြီ..။

ဒီတစ်ခါ သူဖြတ်သန်းရမည့် ခရီးက..။ အခုသူဖြတ်သန်းလာခဲ့တဲ့ ခရီးထက် ပိုမိုဝေးကွာပေလိ့မ်မည်..။ ပိုမို လျှို့ဝှက်နက်နဲပေလိ့မ်မည်..။ ပိုမို နူးညံ့ ရက်စက်ပေလိ့မ်မယ်…။ လေပြေတို့ရဲ့ မျက်နှာဖုံးကို လွှမ်းခြုံထားသော မုန်တိုင်းပေါင်းများစွာတို့ ပျော်မြူးသည်။  ဒီခရီးကို သူအဆုံးအထိ  ရောက်ကောင်းမှ ရောက်နိုင်မည်။ သို့သော် သူကျေနပ်သည်။ ဒီခရီးသည် ရက်စက်ကောင်း ရက်စက်ပေလိ့မ်မည်..။ သို့သော် မယုတ်မာပေ..။ ဒီခရီး သည် ဝေးကွာကောင်း ဝေးကွာပေလိ့မ်မည်..။ သို့သော် မကွေ့ကောက်ပေ…။ ဒီခရီးသည် မှန်ချင်မှ မှန်ကန်သော ခရီးတစ်ခုဖြစ်ပေလိ့မ်သည်။ သို့သော် မှားယွင်းသော ခရီးတစ်ခု မဟုတ်ပေ..။ ဒီခရီးသည် အနဲဆုံး သူ့အတွက်တော့ လတ်ဆတ်သည့် အသက်ရှူ ခွင့်ကိုပေးလိမ့်မည်…။

မည်သို့ပင်ဖြစ်စေ သူသည် ကိုယ်ပိုင်ဘ၀ရွက်လှေအား ကိုယ်တိုင် ထိမ်းကျောင်း မောင်းနှင်နိုင်ခွင့်ရှိနေခြင်းကိုကသည်ပင် လူတစ်ယောက်ရဲ့ အနှစ် သာရရှိစွာ ရပ်တည်နိုင်ခြင်း ဂုဏ်ဒြပ်တစ်ခုပင် မဟုတ်ပါလားဗျာ…။

P.S- လူတွေရဲ့ သဘာဝနဲ့ ဘ၀ရဲ့ သဘောတရား ခပ်သေးသေးတစ်ခုကို မြစ်တစ်ခုနဲ့ တင်စားရုံသက်သက် ရေးသားပါသည်။

]]> http://www.blackdream21.com/2009/08/20/river/feed/ 14 မိုးစက်ကြွေ http://www.blackdream21.com/2009/07/05/rain-drop/ http://www.blackdream21.com/2009/07/05/rain-drop/#comments Sun, 05 Jul 2009 20:43:40 +0000 BLACK DREAM http://www.blackdream21.com/?p=826 နိဒါန်း

မိုးဖွဲများ ဖြေညှင်းစွာ စတင် ကျဆင်းလာပါတယ်…။

အခန်း (၁)

ညင်သာစွာ ဖြတ်သန်းတိုက်ခတ်လိုက်တဲ့ လေနုအေးတစ်ချက် အမှတ်တမဲ့ သူ့ရင်ခုန်သံအချို့ကို ကျီစယ်သွားပုံက မထေမဲ့မြင်နိုင်လှပါတယ်…။ သိစိတ်တစ်ဝက် မသိစိတ်တစ်ဝက်နဲ့ သတိထားမိတော့မှ သူ့ခြေလှမ်းတွေ အခန်းနဲ့အပြည့်တပ်ထားတဲ့ ပြတင်းပေါက်တွေဆီကို ဦးတည် နေကြောင်း သူ သတိထားမိလိုက်ပါတယ်…။

ခပ်ဟဟ ဖြစ်နေတဲ့ ပြတင်းပေါက်တံခါးကို သူဆွဲဖွင့်လိုက်တာနဲ့ တစ်ပြိုင်နက်…။ အဆုံးအစမဲ့စွာ တိုက်ခတ်လာတဲ့ လေပြေတစ်ချို့နဲ့ အတူ ပိုင်ရှင်မဲ့ မိုးစက်တွေ သူ့ရဲ့ပါးပြင်ပေါ်ကို အလုအယက်….။ သို့မဟုတ်….။ အားကိုးတကြီး လာရောက်ဖက်တွယ်ကြပါတယ်။ အင်းလေ….။ သူတို့လည်း ဒီလောက်အေးစက်နေတဲ့ အပြင်လောကမှာနေရတာ ချမ်းလောက်ရောပေါ့…။ တစ်နေ့နေ့ တစ်ချိန်ချိန်တော့ အခုလိုပဲ နွေးထွေးတဲ့နေရာ တစ်ခုခု ကို ခိုနားရကောင်းရဲ့ဆိုပြီး မျှော်လင့်ဖူး….။ မျှော်လင့်ဖူးခဲ့ကြမှာပေါ့…။

မိုးစက်အချို့ ပြတင်းပေါက်ဘောင်တစ်လျှောက် ဟိုနား…။ နောက်…။ ဒီနား…။ စုစုဝေးဝေး….။ ပြန့်ကျဲလို့ နားနေကြလေရဲ့….။ ကောင်းကင်ခရီးကို ဖြတ်သန်း ပျံသန်းလာကြရတာ သူတို့အတွက် သိပ်ကိုမောပန်းသတဲ့လေ…။ တစ်နေ့တော့ မြေပြင်ခရီးကို ဖြတ်သန်းနေရတဲ့သူတွေ အကြောင်း သူတို့ကို ပြောပြရပါဦးမယ်…။ အဆင်ပြေမယ်ဆိုရင် သူတို့တွေရဲ့ ဖြတ်သန်းခဲ့တဲ့ ကောင်းကင်ပေါ်က အတွေ့အကြုံတွေကိုလည်း တတ်နိုင်သ လောက် တီးခေါက်ကြည့်ရပါဦးမယ်…။ ထားပါလေ…။ ကောင်းကင်ပေါ်ကို ရောက်ပါ့မလား..။ မရောက်နိုင်ဖူးလား ဆိုတာထက်…။ ဘာပဲဖြစ်ဖြစ် သိထားတော့ မကောင်းဘူးလားလေ…။

တကယ်တော့ ဒီမိုးစက်တွေဟာ မှားယွင်းသော ခိုလှုံရာကိုရှာခဲ့ကြတာပါ…။ အေးစက်မှုတွေနဲ့ စတင်ဖွဲ့တည်လာခဲ့တဲ့ သူတို့ဘ၀တွေ ဆက်လက် ရပ်တည်ဖို့အတွက်….။ ပျော်သည်ဖြစ်စေ မပျော်သည် ဖြစ်စေ…။ သူတို့ဟာ အဲ့ဒီ့အေးစက်မှုတွေ ကြားမှာပဲ ဆက်လက်နေထိုင်ဖို့ လိုပါလိ့မ်မယ်…။ နွေးထွေးမှုကို မိုက်မဲစွာ ရှာဖွေခဲ့တဲ မိုးစက်အချို့…။ သူတို့တောင့်တခဲ့ကြတဲ့ နွေးထွေးမှုကိုရတဲ့အခိုက်….။ မကြာခင်မှာပဲ ခြောက်ခမ်းကွယ်ပျောက် သွားကြလေရဲ့….။

တစ်နေ့နေ့တစ်ချိန်ချိန်မှာတော့ နွေးထွေးမှုကို အခုလိုမိုက်မဲစွာ ရှာဖွေ ခိုလှုံခဲ့ကြဖူးတဲ့ မိုးစက်တွေဟာ…။ အသစ်အသစ်သော နောင်ဖြစ်လာမယ့် မျိုး ဆက်သစ် မိုးစက်တွေအတွက် မဖြစ်မနေ သင်ယူစရာ သင်ခန်းစာ တစ်ခုများ ဖြစ်လာလေမလား….။

အခန်း (၂)

ညဥ့်သည် တဖြေးဖြေးချင်း အချိန်၏တိုက်စားခြင်းကို ခံတုရင်းဖြင့် ကျရှုံးလို့လာနေပါတယ်…။ တကယ်တော့ အလင်းရဲ့အင်အားကို တောင့်ခံနိုင်တဲ့ အမှောင်ဆိုတာ ဘယ်ရာဇ၀င်မှာမှ မရှိခဲ့ဖူးဘူးလေ…။ မိုးစက်တွေ….။ မိုးစက်တွေ….။ ဆက်လို့သာ ကြနေကြလေရဲ့…။ နီမြန်းနေတဲ့ ကောင်းကင် အောက်…။ မိုးစက်အချို့ လမ်းပျောက်နေကြတယ်…။ မိုးစက်အချို့ လမ်းဖောက်နေကြတယ်…။

မာကျူရီ မီးလုံးနားက ခရီးဆက်ခဲ့တဲ့ မိုးစက်အချို့က ၀ါဖန့်ဖန့်အရောင်တွေနဲ့…။ တံခါးပိတ်ထားတဲ့ ဆိုင်ခန်းတစ်ခုရဲ့ “ကြိုဆိုပါတယ်” ဆိုတဲ့ ဆိုင်း ဘုတ်မှာထွန်းထားတဲ့ အစိမ်းရောင် မီးသီးတွေနားက မိုးစက်အချို့ကတော့ ခပ်စိမ်းစိမ်း…။ ဘာပဲဖြစ်ဖြစ်လေ…။ ၀ါဖန့်ဖန့်အရောင်နဲ့ ခရီးဆက်သွား တဲ့ မိုးစက်တွေပဲ ဖြစ်ဖြစ်…။ အစိမ်းရောင်တွေနဲ့ ခရီးဆက်သွားတဲ့ မိုးစက်တွေပဲဖြစ်ဖြစ်…။ အနဲနဲ့အများတော့…။ ပိန်းပိတ်အောင် ကျယ်ပြောနေတဲ့ ကောင်းကင်အောက် ဘယ်သူမှ သတိမထားမိလိုက်ပဲ တိုးဝင်ပျောက်ကွယ်သွားကြတဲ့ မိုးစက်တွေထက်စာရင်တော့…။ အဲ့ဒီ့ မိုးစက်တွေထက် စာရင်တော့….။

လှပတဲ့ညတစ်ခုဖြစ်ဖို့အတွက်..။ တကယ်တမ်း…။ အမှောင်ဟာ ဓားစာခံတစ်ယောက်ပါ…။ တစ်ခါတစ်လေ မရေမတွက်နိုင်သော ကြယ်ရောင်စုံတွေ ရဲ့  အလှကို လူတွေချီးမွမ်း ထောပနာ ပြနိုင်ကြဖို့အတွက် အမှောင်ဟာ ဗီလိန်တစ်ယောက်အနေနဲ့ အသုံးတော်ခံပါတယ်…။ ဘာပဲပြောပြော အမှောင်ထဲမှာ ဘယ်သူမှသတိမထားမိလိုက်ပဲ ခရီးဆက်ရင်းပျောက်ကွယ်သွားတဲ့ မိုးစက်တွေဟာ အနဲဆုံးတော့ အခြားမိုးစက်တွေလို အရောင်တွေ အဆိုးမခံ လိုက်ရဖူးပေါ့လေ…။ ကံကောင်းပါစေ မိုးစက်တွေရေ….။

အခန်း (၃)

တွေးလက်စ အတွေးအချို့ကို ခဏရပ်လိုက်တယ်…။ အကျင့်ရပြီးသားဖြစ်နေတဲ့ လက်ချောင်းတွေက စီးကရက်တစ်လိပ်ကို မီးညှိပြီးနေပြီပေါ့..။ သခင့်အလိုက်ကို သိပ်သိတတ်ကြပုံများ…။ အားရပါးရ ရှူရှုလိုက်တဲ့ ခဏ အရာရာဟာ ရီရီဝေေ၀ ၀ိုးတိုးဝါးတားနဲ့ လှပလို့နေရဲ့…။ မျက်လုံးတွေကို သူဖြေးညှင်းစွာ ပိတ်လိုက်တော့….။ သာယာတဲ့ ဂီတသံတစ်ခု သူ့အကြားအာရုံထဲကို နူးညံ့စွာ စီးဝင်လာတယ်…။

Yanni ရဲ့ Reflection Of Passion …..။

အဆုတ်ထဲက ဆန်တက်လာတဲ့ မီးခိုးငွေ့တွေကို သူနှမြောတသကြီးစွာ ဖြေးဖြေးခြင်း မှုတ်ထုတ်လိုက်တယ်…။ တလွင့်လွင့် တမြောမြောနဲ့ လွင့်ထွက်သွားတဲ့ မီးခိုးငွေ့အချို့ကြောင့် မိုးစက်အချို့ တဟွတ်ဟွတ်နဲ့ သီးသွားကြတယ်…။ ခပ်တိုးတိုးဆိုပေမယ့်..။ သူကြားဖြစ်အောင် ကြားလိုက် မိတယ်..။ သူ့နှုတ်ခမ်းမှာ အပြုံးတစ်ခု ရိပ်ကနဲ့ ဖြတ်သန်းသွားတယ်..။ ကြည့်စမ်းပါဦး..။ လွတ်လွတ်လပ်လပ်ကြီး ငြိမ်းချမ်းစွာ မွန်းကြပ်နေပုံများ..။

ဟား…..။ ဒီလိုအချိန်မျိုးမှာ တစ်စုံတစ်ယောက်ကို သိပ်သည်းစွာ သတိရနေတဲ့ စိတ်တွေများ သက်သာသွားလေမလား…။ သူ သက်ပြင်းအချို့တစ် ၀က်ကို ခဲရာခဲဆစ် ထုစစ် ဖန်တီးလိုက်တယ်…။

အပြင်မှာ မိုးစက်တွေ တဖွဲဖွဲဆက်လက် ကြဆင်းနေကြတုန်း…။ နဲနဲတော့ မိုးစက်တွေကျဲလာနေပြီထင်သည်…။

သူ့လက်ထဲမှာလည်း စီးကရက်တစ်လိပ် အငွေ့တလူလူနဲ့ လောင်မြိုက်လို့ကောင်းနေတုန်း…။ အရင်ကထက်တော့ ကုန်ဖို့ နီးလာပြီထင်သည်။

အကြားအာရုံတွေထဲမှာလည်း Yanni ရဲ့ Reflection Of Passion ကို ကြားနေရတုန်း..။ အဆုံးကိုရောက်ဖို့တော့ နီးလာပြီထင်ပါသည်။

ဇာတ်သိမ်း

မိုးတိတ်သွားခဲ့လေပြီ….။

]]> http://www.blackdream21.com/2009/07/05/rain-drop/feed/ 19 ကျွန်တော်တို့တွေ… http://www.blackdream21.com/2009/06/08/we/ http://www.blackdream21.com/2009/06/08/we/#comments Mon, 08 Jun 2009 20:00:10 +0000 BLACK DREAM http://www.blackdream21.com/?p=767 နိဒါန်း

“အားးးးးးးးးးးးးးးးးးးးးးးးးးးးးး…………တစ်အိမ်လုံးဆူညံနေတာပဲ… အစောကြီးရှိသေးတယ်…။ ဘယ်လိုမှကို ဆက်အိပ်လို့မရဘူး….။”

ကျွန်တော် အသားကုန် ကြုံးအော်လိုက်ပါတယ်…။ ခဏတော့ တစ်အိမ်လုံး ကြောင်ပြီး ကျွန်တော့်ကို ၀ိုင်းကြည့်နေကြပါတယ်…။ သိပ်မကြာလိုက်ပါ ဘူး တစ်ယောက်တစ်ပေါက်နဲ့ အားရပါးရ ၀ိုင်းလှောင်ကြပါတော့တယ်….။

“အံမယ်…။ အိပ်လို့မရဘူးသာ လျှောက်အော်နေတာ…။ ကိုယ့်ကိုယ်ကိုလည်း ပြန်ကြည့်ပါဦး ကိုကြီးရယ်…။ ရေချိုး၊ အ၀တ်အစားလဲပြီးလို့ ရေမွှေး နံ့တစ်ထောင်းထောင်းနဲ့….။ ဘယ်အချိန်ကတည်းက အစောကြီးထပြီး ပြင်ထားမှန်းတောင်မသိဘူး…။ ဒီမှာ ဘယ်သူမှတောင် မျက်နှာမသစ်ရသေး ဘူး…”

ကျွန်တော့်ညီမမှ ဆက်တိုက်ပြစ်လိုက်သော စကားလုံးများ ကြားမှ ကျွန်တော် ကိုယ့်ကိုယ်ကို နဲနဲပြန်သတိထားမိသွားပါတယ်..။ အနဲငယ် အံ့သြသလို လည်း ဖြစ်သွားပါတယ်…။ ကျွန်တော့်အခန်းဟာ ရေချိုးခန်း၊ အိမ်သာ တွဲလျှက်မဟုတ်ပါဘူး။ အောက်က အခန်းက ပြင်ထားတဲ့အတွက် သုံးလို့မရ ပါ။ အပေါ်မှာ အဖေတို့အခန်း…။ ကျွန်တော် ဘယ်အခန်းတွင် ၀င်ချိုးလိုက်မှန်းမသိပါ…။ ဒါပေမယ့် ခဏပါပဲ..။ ကျွန်တော့်အတွက် ဒါအဆန်းမဟုတ် တော့ပါ..။ အိပ်ယာကထရင် အိပ်ချင်မူးတူးနဲ့ လုပ်စရာရှိတာတွေ ဒါမှမဟုတ် လုပ်ချင်တာတွေလုပ်ပြီး တစ်ခါတစ်လေ ပြန်အိပ်ပျော်သွားပြီး နိုးလာမှ ကိုယ်ဘာတွေလုပ်ခဲ့သလဲ ဆိုတာကို မမှတ်မိတာမျိုးတွေ ခဏခဏပါ..။

“ဟေ…။ အေး…။ ဟုတ်လား…။ ဟီး ဟီး…။ ဆောတီး ဆောတီး…။ မှားတဲ့အခါလည်း မှားပေမပေါ့ကွယ်…။ ဖြဲချင်တဲ့ စိတ်ကများသွားလို့ ဟဲ ဟဲ”

“သေနာလေး…။ ငါ့မှာလန့်သွားတာပဲ ဘာများဖြစ်တာလဲလို့….။” ဒါက မာတာမိခင်ရဲ့ တိုက်စစ်….။

“အဖေရာ…? အဖေ….?”

” နင့်အဖေ အိမ်သာတက်နေတာ တစ်ကမ္ဘာလောက်ရှိပြီ..။ အခုထိမပြီးသေးဘူး…။ ကျန်တဲ့ရေချိုးခန်းတွေ မနေ့က ခြံထဲက အလုပ်သမားတွေလာ ပြီး ပြန်ပြင်ထားလို့ အဲ့ဒီ့တစ်ခန်းပဲ အားတာ…။ အဲ့ဒါ နင့်အဖေက ဇိမ်စွဲပြီး လုပ်နေလို့ ငါရော နင့်ညီမရော အခုထိ ရေမချိုးရသေးဘူးဟေ့…။”

သြော်….။ တစ်ခုပြောပြရဦးမယ် ကျွန်တော့် ဖခမည်းတော်က အိမ်သာတက်ရင် စာအုပ်တစ်အုပ်မဟုတ် တစ်အုပ်ပါမှ တက်တတ်ပါတယ်..။ အဲ…။ အိမ်သာထဲ ၀င်သွားပြီဆိုရင်လည်း မသိရင် အိမ်သာထဲဝင်ပြီး နားအေးပါးအေး စာထိုင်ဖတ်နေတာလား…။ အိမ်သာသွားတတ်တာလား ခွဲခြားမရ အောင်ကို ကြာပါတယ်…။ တစ်ခါက အပြင်က ပြန်လာတုန်း ကမူးရှူးထိုးနဲ့ အိမ်သာထဲဝင်မယ်ဆိုပြီး တွေ့ကရာ စာအုပ်ဆွဲသွားလိုက်တာ အဲ့ဒီ့တုန်းက ကျွန်တော့်ညီမ သင်နေရတဲ့ သူငယ်တန်း ဖတ်စာအုပ်ကြီး ပါသွားလေရဲ့ဗျာ….။ တကယ့်ကို စံပါပဲ…။

” ငါ့အကြောင်း ဘာတွေအတင်းတုပ်နေတာလဲ…။ အကုန်ကြားတယ်…။ မင်းတို့ သားအမိတွေ အူကြောင်ကြောင်မလုပ်နဲ့…”

“အဲ့….သရဲ”

ကျွန်တော်တို့အားလုံး ကြောင်သွားပါတယ်..။ အသံပဲ ကြားရပြီး လူမမြင်ရဘူးလေ…။

“၀ါးးးးးးးး…..ဟား…ဟား…ဟား…။ ဒီလိုလုပ်လို့ရရိုးလား…”

မှားပါတယ် အဖေရယ်….။ ကျွန်တော်တို့တိုက်က နှစ်ထပ်ပါ..။ အပေါ်ထပ်ကိုတက်တဲ့ လှေခါးက နှစ်ဆင့်ပါ…။ ပထမအဆင့်နဲ့ ဒုတိယအဆင့်ကြား မှာ အမြင့်ပေ ၂၀ လောက်ရှိတယ် ဇီးမှန်တစ်ချပ် အပြည့်တပ်ထားပါတယ်..။ အဲ့ဒီ့မှာ လိုက်ကာအရှည်ကြီးတွေလည်း တပ်ထားပါတယ်…။ အဲ့ဒီ့ လိုက်ကာကြားထဲ ကျွန်တော့်အဖေ ဘယ်အချိန်ကတည်းက ၀င်ပုန်းနေမှန်းမသိပါဘူး…။ သူ့အသံဗြဲကြီးနဲ့ ကလေးတွေလို “တူတူရေ…၀ါး” လုပ် လိုက်မှပဲ ကျွန်တော်တို့မှာ အဖြစ်မှန်ကို သဘောပေါက်သွားပါတော့တယ်…။

သူ့ကိုကြည့်လိုက်တော့ သူက အပြတ်ရှိုင်းထားပြီးနေပါပြီ..။ သဘောကတော့ အပြင်သွားဖို့အဆင်သင့် ဖြစ်နေပြီ ဆိုပါတော့…။

” အံမယ်..။ ဘာမှ အတင်းတုပ်စရာမလိုဘူး..။ ပေါ်တင်ပြောနေတာ…။ နေပါဦး ရှင်က အိမ်သာတက်နေတာ မဟုတ်ဘူးလား..။ ဘယ်လိုလုပ်ပြီး ဒီ လိုက်ကာနောက်ရောက်နေတာလဲ…။ မကြီးမငယ်နဲ့ တူတူပုန်းတမ်းက လာကစားနေသေးတယ်..။ ကျွန်မတို့က ရှင် ပွဲတော်တည်..။ အဲ.. မှားလို့..။ အိမ်သာတက်တာ ကြာလို့ အောက်မှာ ကောင်းချီးပေးနေတာ…။”

“သေဦးမယ် ဒီမိန်းမ..။ ငါ့ကို ပွဲတော်တည်တယ်လေး ဘာလေးနဲ့…။ အိမ်သာတက်ပြီးတာက ကြာပေါ့…။ တစ်ခါထဲ ရေချိုးနေလို့…။ ရေချိုးအ၀တ် လဲပြီးလို့အောက်ဆင်းလာတုန်း မင်းတို့တွေ ငါ့အတင်းတုတ်နေတာမြင်လို့ ဘာတွေများ ဆက်ပြောမလဲ ဆိုပြီး ဒီထဲ ၀င်ပုန်းနေတာ..ဟဲ ဟဲ “

ပြောရင်းလှေခါးမှ အောင်မြင်သူစစ်သူကြီး ခြေလှမ်းမျိုးဖြင့် ဆင်းလာသော ခမည်းတော်သည် အောက်ဆုံး လှေခါးထစ်အား ခြေခြပြီးသကာလတွမူ..

“အား..အား..။ နာတယ် မိန်းမရ..။ ဟ နာတယ်ဟ..။ ဟဲ ဟဲ..။ အား နာတယ်ဆို…။ အေးအေး နောက်မလုပ်တော့ပါဘူးဟ…”

မာတာမိခင်ရဲ့ အနှစ် ၁၀၀၀ အတွင်းအားအပြည့်ပါသော “ဗိုက်ကြောလိမ်ဆွဲ” သိုင်းပညာနှင့် ထိပ်တိုက်ရင်ဆိုင်လိုက်ရလေတော့သည်…။

အချိန်မှာ မနက် ၅ နာရီလောက် ဖြစ်မယ် ထင်ပါတယ်…။

အခန်း (၁)

” ဘုရားအရင်သွားမယ်မလား…”

ကျွန်တော့်အမေးကို အဖက ခပ်တိုတိုသာဖြေသည်…။

“အေး…”

ကျွန်တော်က ကားမောင်းပါတယ်..။ ကျွန်တော့်ဘေးမှာက အဖေ ထိုင်ပါတယ်..။ ကျွန်တော့် အနောက်တည့်တည့် နောက်ခန်းမှာက ကျွန်တော့ညီမ။ အဖေ့နောက်တည့်တည့်မှာက အမေ…။ အားလုံးအသီးသီးနေရာယူထားပါတယ်…။ ကျွန်တော်ကားစက်နှိုးပြီး အင်ဂျင်နဲနဲပူတဲ့အထိ စောင့်နေ လိုက်ပါတယ်..။ အင်ဂျင်ပူသွားလို့ စက်သံငြိမ်သွားတဲ့အခိုက်အတန့် ကျွန်တော့်စိတ်ထဲ ရိပ်ကနဲ ဖြတ်ပြေးသွားသော အတွေးစတစ်ခုကြောင့် ကျွန်တော့်မျက်နှာပေါ်မှာ အပြုံးစတစ်ခု အမှတ်မထင် ပွင့်ဖူးသွားခဲ့ပါတယ်…။ ဒါကို သတိထားမိလိုက်တဲ့ အဖေက….

“သား..။ မင်းဘာပြုံးတာလဲ…?”

ကျွန်တော် နံပါတ် ၁ ဂီယာကို အသာအယာပဲ ထိုးလိုက်ပါတယ်..။ ဘယ်ဘက်ခြေထောက်ကလည်း ကလပ်ကို အဆင်သင့် နင်းပြီးသားပေါ့…။

“သြော် သားမောင်းတဲ့ကားကို အခုလို အဖေထိုင်စီးဖို့ သားဘယ်လောက်စောင့်စားခဲ့ရတယ်ဆိုတဲ့ အကြောင်းကိုပေါ့ အဖေရယ်…”

ကျွန်တော့် မျက်နှာမှာ အပြုံးတွေ ရှိနေပါတယ်…။ ကျွန်တော် အဖေ့ကိုမကြည့်ပဲ ကားအရှေ့တည့်တည့်ကိုသာ ကြည့်ရင်း ပြောလိုက်ခြင်းဖြစ်ပါတယ်။ ဒါပေမယ့် ကျွန်တော်သိပါတယ်..။ အဖေပြုံးနေပါလိ့မ်မယ်….။ ထို့အတူ ကျွန်တော့်စကားသံကို သေသေချာချာ ကြားလိုက်ရတဲ့ နောက်ခန်းက ကျွန်တော့် အမေနဲ့ ကျွန်တော့် ညီမလေးလဲ ပြုံးနေကြမှာ သေချာပါတယ်…။

ဒါပေမယ့် သူတို့တွေရဲ့ အပြုံးတွေထဲမှာ ကျွန်တော် မသိတဲ့ (သို့မဟုတ်) ကျွန်တော် မသိနိုင်တဲ့ တစ်စုံတစ်ခုသောအကြောင်းအရာ ရှိနေတယ် ဆိုတာကိုတော့ ကျွန်တော် သတိမထားမိခဲ့ရိုး အမှန်ပဲ ဖြစ်ပါတယ်…။

ကျွန်တော်မောင်းနှင်သော ကားသည် အမှားအယွင်းမရှိ ညင်သာစွာပင် ခြံဝင်းထဲမှ မောင်းထွက်နိုင်ခဲ့ပြီ ဖြစ်ပါတယ်….။

အခန်း (၂)

ရွှေတိဂုံရင်ပြင်ရဲ့ နံနက်ခင်းဟာ သိပ်ကိုသာယာလှပါတယ်..။ မလင်းတလင်းကောင်းကင်အောက်…။ ညင်သာစွာ ဖြတ်သန်းတိုက်ခိုက်သွားတဲ့ လေ ပြေလေညှင်းလေးတွေကြား…။ ခပ်သဲ့သဲ့ ကြားနေရတဲ့ ဆည်းလည်းသံတွေဟာ ကျောက်သား သံမဏိကဲ့သို့ မာထန်သော နုလုံးဘ၀င်ကိုပဲ အရည် ပျော်ကျသွားအောင် စွမ်းဆောင်နိုင်စွမ်းရှိတယ် ဆိုတာကို ကျွန်တော် ချွင်းချက်မရှိ ယုံကြည်ပါတယ်..။

လူသားတွေရဲ့ လောဘတွေ၊ မောဟတွေ၊ သောကတွေ…။ ဟုတ်တယ်…။ ဒီဆည်းလည်းသံလေးတွေနဲ့ ဘုရားရှင်တော်ရဲ့ ငြိမ်းအေးတဲ့ အရိပ်ဟာ လူ သားတွေရဲ့ မဆုံးနိုင်အောင် လောင်ကြွမ်းနေတဲ့ မီးတွေကို အမှန်တကယ်ပဲ ငြိမ်းအေးစေနိုင်ပါတယ်..။ မီးတွေအရှိန်ကောင်းတုန်းတော့ လုံးဝငြိမ်း အောင် မငြှိမ်းသက်ပေးနိုင်သည့်တိုက် အခိုက်အတန့် တစ်ခုတော့ ကျွန်တော်တို့ရဲ့ နုလုံးသားကို အေးချမ်းစေပါတယ်…။ အကြွင်းမဲ့ ချုပ်ငြိမ်းဖို့ ဆို တာကတော့ ကျွန်တော်တို့ကိုယ်တိုင် ဖြစ်ချင်တဲ့ စိတ်နဲ့ တစ်ဘက်တစ်လမ်းက ကြိုးစားကြဖို့လည်း လိုသေးတယ်လေ….။

ရင်ပြင်တော်ပေါ်ရောက်ပြီးတော့ ထုံးစံအတိုင်း ရွှေတိဂုံစေတီကြီးကို လက်ယာရစ် ဖူးမျှော်ကြပါတယ်..။ ပထမဆုံး အဖေနဲ့ ကျွန်တော်ရဲ့ မွေးနေ့ ထောင့်ကိုရောက်ပါတယ်..။ အဲ့ဒီ့မှာ ဘုရားဝပ်ပြု…။ ရေသပ္ပာယ်…..။ ကျွန်တော်တို့ မွေးနေ့ထောင့်နဲ့ ကပ်ရပ်မှာ အမေ့ရဲ့ မွေးနေ့ထောင့်ပါ…။ သူလည်း သေသေချာချာဘုရားဝတ်ပြု..။ ပြီးတော့ ရွှေတိဂုံရဲ့ အံ့ဖွယ်ကိုးပါးကို တစ်နေရာခြင်းလိုက်ဖူးမျှော်…။ အားလုံးပြီးတော့..။ ဘုရားပေါ်က ပြန်ဆင်းပေါ့..။ ဘုရားပေါ်က အဆင်း ဆောင်းတန်းနားမှာ ကျွန်တော့်ညီမရဲ့ မွေးနေ့ထောင့်ရှိပါတယ်..။

ရင်ပြင်ပေါ်တစ်လျှောက်လုံး စကားတစ်ခွန်းမှ မပြောပဲ ဘုရားစာရွတ်ရင်း လိုက်လာသော အဖေက ဘုရားပေါ်မှဆင်းခါနီး ကျွန်တော့်ကို မေးခွန်းတစ် ခု ရုတ်တရက် မေးလိုက်ပါတယ်…။

“ငါ့သား..။ ဘုရားဝ အောင်ဖူးခဲ့ရဲ့လား….”

“ဟုတ်ကဲ့…”

အဖေက ပြုံးကာ ခေါင်းညိတ်ရင်း ကျွန်တော့်ရှေ့မှာ အရင်ဆင်းသွားပါတယ်..။ အမေနဲ့ ညီမလေးက ကျွန်တော့်လက်မောင်း တစ်ဘက်စီကို တွဲရင်း အဖေ့နောက်မှ ကျွန်တော်တို့ လိုက်ဆင်းခဲ့ပါတယ်…။ ကျွန်တော်သတိထားမိတာတစ်ခုက အဖေ့လိုပဲ အမေနဲ့ ညီမလေးရဲ့ မျက်နှာမှာလည်း အပြုံး တွေ ကိုယ်စီနဲ့လေ…။

အခန်း (၃)

” ရှမ်းကန် မလား အဖေ…”

” အင်းကောင်းသားပဲ…။ ဂိုးလေ…”

သူက ဒီလိုသာပြောပေမယ့်…။ အမှန်က ကျွန်တော်တို့ မိသားစု မနက်ပိုင်း ရွှေတိဂုံလာပြီးလို့ နံနက်စာစားမယ်ဆိုရင် ရှမ်းကန်မှာ Dim Sam စားနေ ကြပါ…။ ဒါဟာ ဆယ်နှစ်ကျော်ခန့် ကြာမြင့်ခဲ့ပြီ ဖြစ်တဲ့ ကျွန်တော်တို့ မိသားစုရဲ့ အစဉ်အလာတစ်ခုဆိုလည်း မှားမယ်မထင်ပါဘူး..။

ရှမ်းကန်ရောက်တော့

“အထဲမှာထိုင်မလား..။ အပြင်မှာပဲ ထိုင်မလားအဖေ…”

“လွတ်လွတ်လပ်လပ် အပြင်မှာပဲ ထိုင်တာပေါ့ကွာ…။ ရေကန်နားက ခုံမှာ လူလွတ်တယ်မလား..?”

“အင်း…။ ကောင်းတယ်..။ သားလဲ ဆေးလိပ်သောက်လို့ရတာပေါ့…”

အဖေကတော့ ဘာမှမပြော..။ သူ့လက်မောင်းကို ယုံကြည်မှု၊ နားလည်မှု၊ အားကိုးမှု တွေဖြင့် ခိုင်မြဲစွာ တွဲထားတဲ့ အမေ့ဘက်ကို ကြည့်ရင်း ခေါင်းတငြိတ်ငြိတ်ဖြင့်သာ…။ အမေက တစ်ချက်တော့လှည့်ကြည့်သည်..။ ကျွန်တော် လျှာထုတ်ပြလိုက်ပါတယ်…။ ညီမက တွဲထားတဲ့ ကျွန်တော့်ရဲ့ လက်မောင်းကို ဖြုတ်ကာ မျက်စောင်းထိုးပါတယ်..။

မှာစရာရှိတာတွေမှာ…။ နံနက်စောစောမှာ ကန်တော်မင်္ဂလာ ရေကန်ကို ဖြတ်ပြီးတိုက်ခတ်လာတဲ့ လေညှင်းတွေကို ခံစားရင်း  မိသားစု စကားလက် ဆုံ ကြပါတော့တယ်..။

“သား…။ မင်းဟိုမှာနေရတာ အဆင်ပြေရဲ့လား..?”

“ကိုယ့်တိုင်းပြည်မဟုတ်တော့လည်း ပြေတာတွေရှိသလို မပြေတာတွေလည်း ရှိတာပေါ့ အဖေရယ်..။ ဒါပေမယ့်လည်း သိပ်တော့ ထူးထူးခြားခြား မရှိ ပါဘူး..။ သူများနေသလို လိုက်နေ..။ သူများစားသလိုစား..။ သူများ လုပ်သလို လိုက်လုပ်နေရုံပါပဲ…။ ဒါတွေက အကျင့်ရနေပါပြီ အဖေရာ..”

ဟင်းခွက်အချို့နဲ့..။ Jasmine Tea ရောက်လာပါတယ်…။

“ကိုကြီးတို့ဆီမှာ ဆောင်းတွင်းတွေဆို နှင်းတွေ ကျမှာပဲနော်..။ တအားလှမှာပဲ…။ ညီမလေးက နှင်းတွေ တစ်ခါမှ အဲ့လိုမမြင်ဖူးဘူး..။ ရောက်ဖူးခြင် လိုက်တာ..။ နှင်းတွေကြားထဲမှာ ဆော့ရတာ..။ Snow Man တွေလုပ်ရတာ သိပ်ကို ပျော်ဖို့ကောင်းမှာပဲ…။ နောက်တစ်ခါ ကိုယ်ကြီးထပ်သွားဖြစ်ရင် လိုက်ဖြစ်အောင် လိုက်ခဲ့ဦးမယ်…။”

“အာ…။ ဘယ့်နဲ့ ငါ့ကို နောက်တစ်ခါ ထပ်သွားခိုင်းနေတာလဲ…။ တစ်ခါဆို ဆိုသလောက် မှတ်နေပါပြီဟာ..။ နင့်ဘာသာ သွားခြင်ရင် ယောကျာ်းရမှ ဟန်းနီးမွန်းလိုက်ပို့ခိုင်း…။”

“ဟွန့်…။ အကောင်းပြောတာကို…။ ကိုယ်ကြီးက စိတ်ကိုပုတ်တယ်…။ အဲ့ဒါကြောင့် ညီမလေးတို့ မိသားစုနဲ့ အတူတူ မနေ…”

“သမီး…။ ဟိုမှာကြည့်စမ်း သစ်ခွတွေ လှလိုက်တာ…။ အမေတို့ ခြံထဲမှာစိုက်ထားတဲ့ အမျိုးအစားတွေပဲမလား…?”

“ဟယ်..။ ဟုတ်တယ်အမေ…။ လှတယ်နော်..။ အများကြီးပဲ…။ ဒါပေမယ့် သမီးတို့ ခြံထဲက အပွင့်တွေက ပိုကြီးတယ်နော်…”

“ဟိတ်ကောင်…။ အငယ်မ..။ နင်လေ…။ ဒီလောက်နှင်းတောထဲ နေခြင်တာ..။ နှင်းတွေပိုများများစားစား ကြတာမြင်ခြင်ရင် ဆိုက်ဘေးရီးယားသာ တန်းသွား..။ အဲ့ဒီ့မှာ နှင်းပိုကြတယ်…။ ဟီး ဟီး”

ကျွန်တော့်ညီမလဲ လျှာထုတ်ပြရုံသာ ထုတ်ပြကာ ဘာမှ ဆက်မပြောတော့ပေ..။

“သား..။ မင်း စာတွေရော လိုက်နိုင်ရဲ့လား…။”

“အဖေ စိုင်းထီးဆိုင်သီချင်းကြားဖူးတယ်မလား…?”

“ဟ ဘာလဲဟ မင်းဟာက အဆန်းပါလား..။ ဘာဆိုင်လို့လဲ…။ လုပ်စမ်းပါဦး…”

“ဘယ်ကစလဲ…ဘယ်မှာဆုံးလဲ….သိသလို…. မသိသလိုပါပဲ…”

<<<<<<<ဟား…ဟား…ဟား….>>>>>

သားမိသားအဖအားလုံး တဟားဟား ဖြင့်ပွဲတော်တော်ကြသွားပါတယ်…။ စားပြီးသောက်ပြီးတော့….။ ကျွန်တော် စီးကရက်တစ်လိပ်ထုတ်ကာ မီးညှိ လိုက်ပါတယ်…။ အဖေနဲ့အမေကတော့ မမြင်ချင်ယောင်ဆောင်ရင်း ကန်ရေပြင်ဘက်ကိုသာ ငေးကြည့်နေကြပါတယ်..။ အငယ်မကတော့ နာခေါင်း ကို တမင်တကာ ရှုံပြီး လက်ကလည်း ဆေးလိပ်မီးခိုးငွေ့တွေကို ဖယ်ထုတ်နေပါတယ်…။ အမှန်က မီးခိုးငွေ့တွေက သူ့ဘက်ကို သွားခြင်းမဟုတ်ပါ။ ကျွန်တော် ဆေးလိပ်သောက်နေတဲ့ အခိုက် ကျွန်တော်တို့ မိသားစုထမင်းဝိုင်းဟာ တိတ်ဆိတ်လို့သာ နေခဲ့ပါတယ်…။

“အဖေ…။ အမေ…။ ဒီမှကြည့်ပါဦး..”

ကျွန်တော် ပြောပြောဆိုဆိုနှင့် ကျွန်တော့် ကျောပိုးအိတ်ထဲမှ တစ်စုံတစ်ခုကို ထုတ်ယူလိုက်ပါတယ်…။ ဆင်တူ နာရီလေး နှစ်လုံးပါ..။ တစ်လုံးက ယောကျာ်းဝတ်…။ တစ်လုံးက မိန်းမ၀တ်လေးပါ…။

“သား မုန့်ဖိုးစုပြီး..။ အဖေနဲ့ အမေအတွက် ၀ယ်ထားတာ….ပျော်ရွှင်ဖွယ်ရာကောင်းတဲ့ ငွေရတုမင်္ဂလာနှစ်ပတ်လည်ပါ ဖေဖေနဲ့ မေမေ”

အဖေရော အမေရော ပြုံးနေကြပါတယ်…။ ဒါပေမယ့် သူတို့ရဲ့ မျက်ဝန်းတွေဟာ သာမန်အချိန်ထက် အနဲငယ်ပိုမို အရည်လဲ့နေကြပါတယ်..။ မပြော ဖြစ်တဲ့ စကားလုံးတွေ ဖြစ်နိုင်ပါတယ်…။ အငယ်မက ဟန်မဆောင်နိုင်…။ ” ခဏ” ဟု ပြောက စားပွဲဝိုင်းမှ ထသွားပြီး အမျိုးသမီး သန့်စင်ခန်းဘက် ထွက်သွားပါတယ်…။

” အာ အဖေတို့ကလည်း အမှတ်ရလက်ဆောင်ပေးတာ ၀မ်းနည်းစရာလား…။ ဒါကို သားပေးချင်လွန်းလို့ ရေလည်စုထားရတာ..။ Brand ကိုလည်း ကြည့်ဦး Tissot…! ဟဲ..ဟဲ..။ လှတယ်မလား အမေ…”

ကျွန်တော် အာကျယ် အာကျယ်သာ လုပ်နေခြင်းဖြစ်ပါတယ်…။ ကျွန်တော့် မျက်ဝန်းတွေထဲမှာရော သူတို့လို မပြောဖြစ်တဲ့ စကားတွေ ရှိနေသလား၊ မရှိနေဘူးလားဆိုတာကိုတော့….

ကျွန်တော် ပြောပြောဆိုဆိုနှင့် အဖေ့လက်ကို ယူ..။ သူ့နာရီကိုချွတ်ပြီး ကျွန်တော့်နာရီကို ပတ်ပေးလိုက်ပါတယ်..။ နောက်တော့ အမေ့လက်ကိုယူပြီး ပတ်ပေးလိုက်ပါတယ်..။ အမေ့မှာတော့ နာရီမရှိပါ..။ အမေ့ကို ပတ်ပေးလိုက်တဲ့ နာရီအပေါ် ရုတ်တရက် မျက်ရည်စက် တစ်စက် ထိုးဆင်းသွားပါ တယ်။ ကျွန်တော့်ဆီကလား…? အမေ့ဆီကလား…? ကျွန်တော် မဝေခွဲနိုင်ခဲ့ပါဘူး…။

ဇာတ်သိမ်း

အဖေက ကားသော့ကို ဆွဲယူလိုက်ရင်း

” ကဲ ထိုင်နေတာလဲ ကြာပြီသားရေ…။ တို့တွေ ပြန်ကြရအောင်..”

“အင်း ..။ ကားသော့ပေးလေ…။ သားမောင်းမှာကို..”

အဖေက ကျွန်တော့်ပုခုံးကို ညင်သာစွာ ဖတ်လိုက်ပါတယ်…။ အမေက ကျွန်တော့်ရဲ့ ဘယ်ဘက်လက်မောင်းကို တွဲလိုက်ပါတယ်..။ အငယ်မက ကားနားမှာ ကားကိုမှီရင်း ကျွန်တော်တို့ကို ကြည့်နေပါတယ်..။ ခပ်ဝေးဝေးကမို့ သူငိုနေကြောင်း ကျွန်တော် မသိခဲ့ရပါ…။

“သား..။ မင်းပြန်ဖို့အချိန်တန်ပြီ သား…”

“အင်းလေ အခုလည်းပြန်မှာပဲလေ…။”

“မဟုတ်ဘူးသား.. မဟုတ်ဘူး…။ အခု မင်းမြင်နေတာတွေ မင်းသိနေတာတွေအားလုံးဟာ အစစ်အမှန်တွေမဟုတ်ဘူး..။ ဒါဟာ မင်းအိပ်မက် မက်နေတာပဲသား…”

ကျွန်တော် အကြီးအကျယ် တုန်လှုပ်သွားပါတယ်..။ မဟုတ်ဘူး..။ မဟုတ်ဘူး..။ ဒါလုံးဝမဖြစ်နိုင်ဘူး..။ ကျွန်တော် တစ်ချိန်လုံးသူတို့နဲ့အတူတူ ရှိနေခဲ့တာ ဒါဟာ ဘယ်လိုနည်းနဲ့မှ အိပ်မက်မဖြစ်နိုင်ဘူး..။ အဓိပ္ပာယ်မရှိဘူး..။ ကျွန်တော့်အတွေးတွေ ဆူပွက်သွားပါတယ်..။

တစ်ချိန်လုံးငြိမ်နေသော အမေက

“မင်းအဖေပြောတာ ဟုတ်တယ်သား..။ ဒါဟာ မင်းအိပ်မက် မက်နေတာပါသားရယ်…။ ယုံလိုက်ပါ…။ တစ်ကယ်တမ်းဆို မင်းက အမေတို့နဲ့ မိုင်ပေါင်း ၈၀၀၀ ကျော် ဝေးတဲ့နေရာမှာပါသားရယ်….။ မင်းလက်ခံလိုက်ပါ…”

“အာ မဟုတ်ဘူး မဟုတ်ဘူး..။ ဘာတွေလာပြောနေတာလဲ..။ အိပ်မက်ဆိုလည်း မပြန်ဘူးဗျာ..။ သားအမေတို့ အဖေတို့ ညီမလေးတို့နဲ့ပဲ နေမယ်..။ မပြန်ဘူး…။ သားဟိုမှာ သိပ်အထီးကျန်တယ်..။ သားမနေခြင်ဘူး..။ သားအမေတို့ အဖတို့နဲ့ပဲနေပါရစေ..။ သားကို ခွဲမသွားကြပါနဲ့ဗျာ။ သား အမေတို့နဲ့ပဲ အတူနေပါရစေ…သား…သား..။”

ကျွန်တော့်စကားတွေ မဆုံးလိုက်ပါ…။ ကျွန်တော့်ရဲ့ ခေါင်းပေါ်သို့ ညင်သာစွာ သပ်ငင်ပေးလိုက်တဲ့ အဖေနဲ့ အမေရဲ့ လက်အစုံနှင့်အတူ….။

အမှောင်ထုထဲသို့ ………………….ကျွန်တော်………………လွင့်………….ထွက်…………မြော……………..ပါ………..။

P.S- ဒီနေ့ (၉.၆.၂၀၀၉) ခုနှစ်မှာကျရောက်တဲ့ ကျွန်တော့်ရဲ့ချစ်လှစွာသော မိဘနှစ်ပါးရဲ့ (၂၅) နှစ်ပြည့်ငွေရတုမင်္ဂလာပွဲ အထိမ်းအမှတ် ခံစားရေး ဖွဲ့ပါသည်။

]]> http://www.blackdream21.com/2009/06/08/we/feed/ 25 ခေါင်းစဉ်မရှိ http://www.blackdream21.com/2009/06/06/notitle/ http://www.blackdream21.com/2009/06/06/notitle/#comments Sat, 06 Jun 2009 12:18:34 +0000 BLACK DREAM http://www.blackdream21.com/?p=752 နှုတ်ဆက်ပါတယ် ဆိုတာ
အနည်းဆုံးတော့
သတိရခြင်းအတွက်လားခွဲခွာခြင်းအတွက်လား
ရေးမိဖို့ တွေးမိဖို့ ကောင်းပါတယ်။

ကျွန်မ အမှတ်ရနေဆဲပါ။ အညှိုးတကြီးရွာချတဲ့ မိုးဒဏ်ကို ခံလိုက်ရတဲ့ ကျွန်မတို့ ကျောင်းလေးကို ပြုပြင်နေဆဲ ကြည်လင်တဲ့ ကောင်းကင်ကြီးအောက်မှာ အမြင်မတင့်ပေမဲ့ အပြစ်ကင်းတဲ့ ကလေးငယ်တွေကို စာသင်နေတဲ့ တစ်နေ့ကိုပေါ့။ သူတို့လေးတွေအတွက် ဘယ်တော့မှ ရိုးသွားမှာ မဟုတ်တဲ့ ဟယ်လင်ကဲလားရဲ့ အံ့မခန်း စွမ်းဆောင်နိုင်ပုံတွေကို မမောနိုင် မပန်းနိုင်နဲ့ လက်နှစ်ဖက်ကို မြှောက်ကာ ပင့်ကာ ကွေ့ကာ ၀ိုက်ကာနဲ့ ကျွန်မ အားပါးတရ ပြောပြနေခဲ့တာလေ။ သူ ကျွန်မကို ဘယ်အချိန်ကတည်းက ကြည့်နေခဲ့လဲမသိပါဘူး။ တစ်စုံတစ်ယောက်ရဲ့အကြည့်ဒဏ်ကို ခံရတဲ့သူတိုင်း ဖြစ်တတ်တဲ့ စိတ်အနေအထားမျိုးကြောင့် ကျွန်မ သူ့ကို လှည့်ကြည့်တော့ ကျွန်မရဲ့အကြည့်ကို လွှဲဖယ်ဖို့ ရှက်ကိုးရှက်ကန်းမဖြစ်နိုင်လောက်အောင် သူ အံ့အားတသင့်ကြည့်နေခဲ့တာ။ မနီးလှပေမဲ့ အတော်အသင့် ဝေးတဲ့ကြားက သူ့ရဲ့ကြည်လင်တဲ့ရုပ်ရည်ကို ကျွန်မ မြင်လိုက်ရတယ်။ တဒင်္ဂ လှုပ်ခတ်သွားတဲ့ ရင်ခုန်သံမြန်မြန်တွေကို အဲဒီကတည်းက ရိုက်ချိုးခဲ့ရမှာလေ။

နေ့စဉ်ရက်ဆက်မဟုတ်ပေမဲ့ တစ်ပတ် နှစ်ခါလောက်တော့ သူ့ကို ကျွန်မ တွေ့ဖြစ်တယ်။ စာသင်ဆောင်ရဲ့ မနီးမဝေးက ကဖေးဆိုင်မှာ ထိုင်နေတတ်ပေမဲ့ ကျွန်မကို လှမ်းကြည့်နေမယ်မှန်း မြန်ဆန်လာတဲ့ ရင်ခုန်သံတွေက အလိုလိုသိနေခဲ့တယ်။ ကျွန်မ ရင်ခုန်ခွင့်ရှိရဲ့လားလို့ ကိုယ့်ကိုယ်ကိုယ် ပြန်ဆန်းစစ်နေချိန်မှာပဲ မသိလိုက်တဲ့ဒဏ်ရာတစ်ခုက  ကျွန်မနှလုံးသားမှာ အမြစ်တွယ်သွားခဲ့တာ။ ကျွန်မ နေသားကျနေခဲ့တာပါ အစ်ကိုရယ်လို့ အကြိမ်ပေါင်းများစွာ အသံတိတ် ရေရွတ်နေခဲ့မိတယ်။

*************************************************************************************

နွေ့အတွက် ကျွန်တော် စေတနာသန့်သန့်နဲ့ပေးတာပါ။ နွေ အင်္ဂလိပ်ဝတ္ထုတွေ ဖတ်တာ နှစ်သက်တယ်ကြားလို့ အိမ်က ယူလာခဲ့တာ။ ရင်ထဲ့နင့် နေအောင်ကို ဇာတ်လမ်းက ကောင်းလို့လေ။ ယူပါ နွေ….။

မထင်မှတ်ထားတဲ့ သူ့ကို တွေ့လိုက်ရလို့ အံ့သြထိတ်လန့်စွာနဲ့ ကျွန်မ ခြေစုံရပ် လိုက်မိတယ်။ Khaled Hosseini ရဲ့ The Kite Runner ဆိုတဲ့ စာအုပ်ကို တရိုတသေကိုင်ပြီး ကျွန်မထံ လှမ်းပေးနေတဲ့ သူ့လက်အစုံကို အမှတ်မထင် ကြည့်လိုက်မိရင်းနဲ့ ဖြူဖြူသန့်သန့် လက်တစ်စုံက ကျွန်မကို ငေးမောစေခဲ့သေးတယ်။ နောင်တစ်ချိန်မှာ မလွှတ်တမ်း ကိုင်ထားချင်နေမယ့် လက်တစ်စုံကို ကျွန်မ အဲဒီကတည်းက မကြည့်သင့်ခဲ့ပါဘူး။

လက်မနဲ့ လက်ညှိုးကို ထိစပ်လို့ မျက်ခုံးနှစ်ခုကြားကနေ ရင်ဘတ်နားထိလွှဲယမ်းပြီး ဘယ်လက်ဝါးပေါ် ညာလက်ဝါးကို ဘေးတိုက်ထောင် ပြလိုက်မိတယ်။  ရုတ်တရက်မို့ အကျင့် ပါနေတဲ့ လက်တွေက လှုပ်ရှားသွားပေမဲ့ သူ ဘယ်နားလည်ပါ့မလဲလို့ တွေးပြီး စာရွက်နဲ့ ဘောပင်ကို ထုတ်ဖို့ ဟန်ပြင်လိုက်စဉ်မှာပဲ

တောင်းပန်စရာမလိုပါဘူး နွေရယ်၊ ကျွန်တော်က ဖြူစင်စိတ်နဲ့ ပေးတာမို့ နွေသာလက်ခံပေးရင် ကျွန်တော် ကျေနပ်မှာပါ။ ပြီးတော့ နောက်ဆို နွေ စာရေးပြစရာမလိုပါဘူး။ နွေပြောတာတွေအားလုံးကို ကျွန်တော် နားလည်ပါတယ်….။

ညင်းသွဲ့သွဲ့ရေမွှေးနံ့လေးက သူ့အမှတ်သညာတစ်ခုလို ဦးနှောက်ထဲကို ၀င်ရောက်လာတယ်။ ကျွန်မ တကယ့်ကို ပျောက်ဆုံးသွားချင်ခဲ့တာပါ။ နွေက အမြဲရွက်သစ်ပဲ။ ရော်ရွက်မဟုတ်ဘူးလို့ ပြောတတ်တဲ့ ဖေဖေသာ ခုနေ ရှိနေမယ်ဆိုရင် ကျွန်မကို ဘယ်လိုရှင်သန်စေမလဲ ကျွန်မ သိပ်သိ ချင်တယ်။

နွေ မျက်ရည်ဝဲနေတာလား။ ကျွန်တော် မှားသွားတယ်ထင်တယ်။ နွေ မျက်ရည်ကျစေဖို့ ကျွန်တော်မရည်ရွယ်ပါဘူး။ ကျွန်တော် နွေ့ကို ပျော်ရွှင်စေချင်တာပါ။

ကျွန်မ ခေါင်းညိတ်ပြလိုက်ရင်းနဲ့ နောက်ဆို ရှောင်လွှဲမရလို့ စကားပြောရတဲ့အခါ စာရေးပြဖို့ ဆုံးဖြတ်လိုက်တယ်။ နွေ ဆိုတဲ့ မိန်းကလေး တစ်ယောက်ရဲ့ဘ၀မှာ ပါဝင်ကပြဖို့ မဖြစ်နိုင်တဲ့ သူ့ကို ကျွန်မဘ၀ရဲ့ စစ်မှန်ခြင်းတွေနဲ့ မရောထွေးလိုပါဘူး။

နွေ ဒီကအစ်ကို့ကို ကျေးဇူးတင် ပါတယ်။ စာအုပ်ကိုတော့ လက်မခံပါရစေနဲ့။ နွေလည်း ဖတ်ဖို့ သိပ်မအားလို့ပါ။ ဖတ်ချင်တဲ့အခါကျတော့ ငှားပါ့မယ်။

ကျွန်မ စာရေးနေစဉ်တစ်လျှောက်လုံး မမှိတ်မသုန်လိုက်ကြည့်ရင်းနဲ့ သူက ပြုံးတယ်။

နွေ့လက်ရေးလေးတွေက ၀ိုင်းနေတာပဲ။ နောက်ဆို နွေ စာရေးပြလည်း ကျွန်တော် ကြည့်ရင်းနဲ့ စောင့်ရတာ အဆင်ပြေသွားပြီ။ ကျေးဇူးပဲ နွေ၊ ကျွန်တော့်ကို လက်ခံ စကားပြောတဲ့အတွက်။ ကျွန်တော် သွားတော့မယ်နော်။ သြော်… ကျွန်တော့်နာမည် မြတ်ထေရာ ပါ….။

ပြောရင်းနဲ့ သူ ထွက်သွားတော့ ကျွန်မတစ်ကိုယ်လုံး သွေးတွေ အေးခဲသွားသလို မလှုပ်မယှက် ရပ်နေမိတယ်။    နွေနဲ့ နီးကပ်လာလေ အဲဒီလူဟာ ပူလောင်လာလေပါပဲ။ ပြီးတော့ နွေရဲ့လမ်းဟာ ရွက်ကြွေတွေ များလွန်းပါတယ်။ ဒီလမ်းကို လျှောက်လှမ်းချင်တဲ့သူဟာ ရွက်ေ<ကတွေကို မရှင်းပေးနိုင်ရင်တောင်မှ မနင်းချေသင့်ဘူး မဟုတ်လား။ အစ်ကိုက လက်နဲ့ ဖွဖွလေးကောက်ယူပြီး နွေကို ကြိုဆိုချင်ပေမဲ့ နွေရဲ့ရော်ရွက်တွေက ကျွပ်ဆတ်နေပြီမို့ အစ်ကို့လက်ထဲမှာတင် အစိတ်စိတ်အမြွှာမြွှာ ဖြစ်သွားလောက်တယ် အစ်ကို။ ကျွန်မကတော့ သစ်ရွက်ခြောက်တွေရဲ့ ပညတ်ရာသခင် နွေ မို့ နွေရဲ့ပြယုဂ်ဖြစ်တဲ့ သစ်ရွက်ခြောက်လေးတွေ လေမှာဝဲပျံနေတာကို ခံစားနေဦးမှာပါ အစ်ကို။

**************************************************************************

နံနက်ဝေလီဝေလင်းမှာပဲ ကျွန်မရဲ့ကွန်ပျူတာက အီးမေးလ် အသစ်ရောက်ကြောင်း နှိုးဆော်လိုက်တဲ့အသံကြောင့် လှည်းလက်စ တံမြက်စည်းကို ထောင်ရင်း ကွန်ပျူတာဆီ လျှောက်လာခဲ့တယ်။

နွေ…    နွေ့မေးလ်ကို ကျောင်းကနေ သိခဲ့တာပါ။ နွေ့ Website ကိုလည်း ကိုယ် ဖွင့်ကြည့်တယ်။ ကလေးလေးတွေအကြောင်း နွေ ရေးထားတာ အရမ်းသရုပ်ပေါ်တာပဲ။ ဆရာမကြီးက ပြောတယ်၊ နွေ အဲဒီ            Website လုပ်ပြီးကတည်းက ကျောင်းကို ထောက်ပံ့ကြေးတွေ အများကြီး ပေးကြတယ်။ အရမ်းလှူကြတယ်တဲ့။ နွေက တကယ်တော်တယ်။ ကိုယ်တောင် ခုချိန်ထိ သူတစ်ပါးအတွက် ဘာမှမစွမ်းဆောင်ပေးနိုင်သေးဘူးလေ။ ပြီးတော့ အဲဒီထဲမှာ ကလေးတွေနဲ့အတူ နွေ တွဲရိုက်ထားတဲ့ ဓာတ်ပုံ ကိုယ် ပရင့်ထုတ်ထားတယ်။ နွေ့ကို ခွင့်တောင်းတာပါ။ ကိုယ် အခုလို မေးလ်ပို့တာ နွေ့အတွက် အနှောင့်အယှက်မဖြစ်စေပါဘူးနော်။ နွေနဲ့ပတ်သက်ရင် ကိုယ့်မှာ သိချင်တာတွေ သိပ်များနေတယ်။ နွေ့ဘက်က တစ်လုံးမှ ဖွင့်ဟမလာဟာမှာကို သိလို့ ကိုယ့်ဘာသာပဲ နွေ့ကို နားလည်ဖို့ ကြိုးစာတော့မယ်လို့ ဆုံးဖြတ်ထားတယ်။ ကျေးဇူးပဲ နွေ၊ အချိန်မီ ကိုယ့်ရှေ့ကို ရောက်လာပေးလို့။ နောက်နေ့တွေ ကိုယ့်မေးလ်ကို မျှော်နေပေးမှာလား။ ကိုယ် ခု ခရီးထွက်ရတော့မှာလေ။ နွေ့ကို ကိုယ်တွေ့မျက်မြင် နှုတ်မဆက်သွားရလို့ ကိုယ် တကယ် စိတ်မကောင်းဘူး။ ဒါပေမဲ့ ကိုယ့်မှာ နွေ့ကိုယ်စား နွေချစ်တဲ့ ကလေးတွေနဲ့ ရိုက်ထားတဲ့ပုံရှိတယ်လေ။ ခု အရေးတကြီး ခရီးထွက်ရမှာမို့ ဒီလောက်ပဲ ရေးလိုက်တယ်။ နောက်မှ ထပ်ပို့မယ်နော်။ နွေ့ကျန်းမာရေးကို ဂရုစိုက်။

ကိုယ့်ကို မျှော်နေစေချင်တဲ့
မြတ်ထေရာ

ဖတ်လို့ပြီးသွားပေမဲ့ နွေ့အကြည့်တွေက ကွန်ပျူတာဖန်သားပြင်ကနေ မခွာခဲ့ဘူး။ နွေက နှလုံးသားကို သံမှိုပေါင်းများစွာနဲ့ အသေ ရိုက်နှိပ်ထားခဲ့တာ။ ခုတော့ သူနဲ့တွေ့တိုင်း နှလုံးသားက သံမှိုတွေကို အရှင်လတ်လတ် ဆွဲနုတ်ခံရသလို သွေးစိမ်းရှင်ရှင်တွေနဲ့ နွေ့မှာ လူးလွန့်နေရတယ်။ ဖေဖေသာ ခုနေ ကျွန်မအနားရှိခဲ့ရင် စိတ်ကူးမယဉ်ချင်ပါနဲ့ သမီးရယ် လို့ ပြောမှာ သေချာတယ်။

တီး တောင်…..

ဘဲလ်တီးသံကြားတော့ မေမေ ဈေးကပြန်လာပြီမှန်း သိလိုက်တယ်။ ကျွန်မဘ၀မှာ မေမေရှိရင် ပြည့်စုံပြီလို့ ပြောရလောက်အောင် နွေးထွေး မှုပေးနိုင်တဲ့ ကျွန်မမေမေလေ။

**********************************************************************

သမီးငယ်ငယ်ကဆို သီချင်း ညည်းတယ်နော်။ သမီး သီချင်းညည်းသံကြားရင် အရမ်းပျော်တာပဲ။ သမီးအဖေဆို ပိုဆိုးသေး၊ လုံးဝ အသံမပေးနဲ့၊ သမီး ရပ်သွားလိမ့်မယ်ဆိုပြီး ဖြစ်နေတာ….။

အားပါးတရ ပြုံးရွှင်စွာ မေမေပြောတော့ ကျွန်မ ရှက်ရယ် ရယ်လိုက်တယ်။ မေမေ အဲဒီလိုပြောတိုင်း ကျွန်မ ငယ်ဘ၀လေးကို အရမ်းသတိရမိတယ်။ ကျွန်မဘ၀ လူဖြစ်စကတည်းက ခံစားခဲ့ရတဲ့ သိမ်ငယ်ခြင်းတွေဟာ ဖေဖေနဲ့ မေမေ့ရှေ့မှောက်မှာ ဘယ်တုန်းကမှ နေရာမရခဲ့ပါဘူး။

မေမေ ဘာစားချင်လဲ၊ သမီး ညနေ ဈေးသွားလိုက်မယ်။ မနက်ဖြန်အတွက်ကိုလေ…..။

သမီးက ဘာမှမချက်တတ်ဘဲနဲ့ ဘာဝယ်မှာလဲ။ မလိုပါဘူး။ မေမေ့ဘာသာ မနက်ဖြန်မှ သွားမှာပေါ့….။

မနက်ဖြန် ကျွန်မမွေးနေ့မို့ မေမေ့ကို ကိုယ်တိုင် ချက်ကျွေးချင်ခဲ့တာကို မေမေ သိရက်နဲ့စနေမှန်း သိလို့ ကျွန်မ ငြိမ်နေလိုက်တယ်။

မနက်ဖြန် သမီး မွေးနေ့ မွေးလ မွေးရက် အကုန်တိုက်တယ်။ မေမေတို့ ဘုရားကို မနက် ၄ နာရီလောက် ထသွားရင် ကောင်းမယ် ထင်တယ်နော်။ အပြန်ကျတော့ သမီးလိုချင်တာ မေမေ ၀ယ်ပေးမယ်လေ။ သွားမှာလား သမီး    မေမေက ဆန်ဆေးရင်း ကျွန်မဘက်ကို လှည့်ကြည့်ပြီးပြောတော့ ကျွန်မ ခေါင်းညိတ်ပြလိုက်တယ်။

တိုက်ဆိုင်မှုမရှိပါဘဲ သူ့ကို သတိရလိုက်တော့ ကျွန်မကိုယ် ကျွန်မ အပြစ်ရှိတဲ့လူတစ်ယောက်လို ခံစားလိုက်ရတယ်။

သမီးစိတ်တွေ ဟိုးအရင်လို မဟုတ်တော့ဘူး မေမေရယ်… မေမေ့အပြင် ရင်ဘတ်ထဲမှာ နေရာယူလာတဲ့ လူတစ်ယောက်ကို မဖယ်ထုတ်နိုင်လို့ သမီးမှာ အပြစ်ရှိနေတယ်လို့ ကျွန်မ စိတ်ထဲကနေ ရေရွတ်မိတယ်။ မေမေကတော့ ဘ၀တစ်ခုလုံး၊ အတွေးတွေအားလုံးကို ကျွန်မအတွက် ပုံအပ်ပြီး ရှင်သန်နေတာလေ။ ကျွန်မ သူ့ကို မေ့လိုက်နိုင်မှာပါနော်။

***************************************************************************

၂ နှစ်နဲ့ ၆ လ ပြည့်ခဲ့ပါပြီ၊ ကျွန်မနဲ့ ဆုံတွေ့ခြင်းအတွက် ခုထိ နောင်တမရသေးတဲ့ သူနဲ့ အချစ်ဆိုတဲ့အရာကို သူနဲ့စပြီး သူနဲ့သာ တိတ်တခိုး အဆုံးသတ်လိုက်မှာဖြစ်တဲ့ ကျွန်မတို့ရဲ့ တွေ့ဆုံခြင်းလေ။ ကျွန်မ သူ့ကို ရင်ဆိုင်ဆုံတွေ့ဖို့ အားမရှိပါဘူး။ နောက်ဆုံးခွဲခွာခြင်းအတွက် သူ့ဆီ မေးလ်လေးတစ်စောင်သာ ပို့ခဲ့တယ်။ တစ်ကြောင်းတည်းပါ။ နှုတ်ဆက်ပါတယ် လို့။

သမီး၊ ခါးပတ် ပတ်တော့လေ…..။

ခါးမှာ ခါးပတ်ပတ်ရင်းက မေမေ လှမ်းပြောတော့မှ ကျွန်မ ခါးပတ်ကွင်းကို လှမ်းကိုင်လိုက်တယ်။

ဒီလိုနဲ့ ကျွန်မတို့ ဝေးကြတော့မှာပါ။ လေယာဉ်ကြီးဟာ ကျွန်မကို သူနဲ့ အဝေးဆုံးနေရာထိ ခေါ်ဆောင်သွားနိုင်ပေမဲ့ ကျွန်မရဲ့နှလုံးသားကိုတော့ အပါမခေါ်နိုင်ခဲ့ပါဘူး။    ကျွန်မဟာ ရှုံးနိမ့်သူတစ်ယောက်ပါ။ လောကကြီးအတွက်၊ ကိုယ်တိုင်အတွက်၊ ပြီးတော့ အစ်ကို့အတွက်။

*************************************************************************

အဲဒီနေ့က ဘယ်တုန်းကမှ မမျှော်လင့်ရဲခဲ့တဲ့ သူမဆီက နှုတ်ဆက်ပါတယ် ဆိုတဲ့ စာကိုမြင်တော့ မသိတတ်တဲ့ နှလုံးသားက ပျော်နေခဲ့လိုက်တာ… ကျွန်တော့်ကို အသိအမှတ်ပြုတဲ့ အထိမ်းအမှတ်၊ သူမရဲ့သတိတရရှိနေမှုအတွက် ပဋိသန္ဓာရစကားပေါ့။ ကျွန်တော့်ပျော်ရွှင်မှုတွေကို ကောင်းကင်ကြီးက မနာလိုဘူးထင်ပါရဲ့၊ အဲဒီနေ့က မိုးသက်လေပြင်းတွေတောင် ကျလိုက်သေးရဲ့။

တစ်လ တစ်ခါတောင် ပေါ်လာဖို့ခဲယဉ်းလွန်းတဲ့ သူမကို ရင်တွေမောလောက်အောင် ကျွန်တော် မျှော်ခဲ့ရတာလေ။ ကျွန်တော်နဲ့ သူမမှာ မမြင်နိုင်တဲ့ သံယောဇဉ်ကြိုးတွေနဲ့ နားလည်မှုတွေရှိတယ်လို့ ကျွန်တော် ယုံကြည်တယ်။ သူမရဲ့ အေးစက်စက်အပြုအမူတွေ၊ တစ်ခါတစ်ရံ မယုံကြည်နိုင်လောက်အောင် အံ့သြရတဲ့ သူမ ပြောပြတတ်တဲ့ သူမရဲ့ဘ၀အကြောင်းတွေ… ကျွန်တော့်အတွေးတွေထဲမှာ သူမနဲ့သာ ပြည့်နှက်နေတာပါပဲ။ တစ်ခါတစ်ခါ ကိုယ်ကိုယ်တိုင်ရဲ့ ဖြစ်တည်မှုတစ်ခုတောင် မေ့လျော့လောက်အောင် သူမကို ကျွန်တော် အသန့်စင်ဆုံး မြတ်နိုးခဲ့တာပါ။ သူမပုံရိပ်ကို ၀ိုးတ၀ါးသာ တွေ့ခွင့်ရခဲ့ပေမဲ့ ကျွန်တော့်အိပ်မက်တွေထဲမှာ သူမဟာ အကြည်လင်ဆုံး အပြတ်သားဆုံး ရှင်းသန့်စွာ လှပနေသူပါ။

တိုးဝှေ့လာတဲ့လေပြေရဲ့ ညင်းသက်အေးစက်မှုကို ခံစားရတဲ့အခါ သူမလည်း အေးချမ်းပါစေလို့ ဆုတွေတောင်းမိတယ်။ နွေလေပူတိုက်ခတ်တဲ့အခါမျိုးမှာတော့ ကျွန်တော့်အနား သူမ ရှိနေသလိုမျိုးနဲ့ နွေးထွေးစွာ သူမကို သတိတွေ ရနေမိတယ်။ နွေ က နာမည်နဲ့မလိုက်အောင် အရမ်းကို အေးစက်တယ်နော် လို့ ပထမဆုံးအကြိမ် သူမကို ကျွန်တော် ဝေဖန်တော့ နွေနဲ့နီးကပ်လာလေ အဲဒီလူဟာ ပူလောင် နာကျင်လာလေပဲလေ။ အဲဒါကြောင့် တစ်ဖက်သားကို ထိခိုက်မှုမပေးချင်လို့ ကြိုးစားရင်းနဲ့ အေးစက်သထက် အေးစက်သွားတာပါ လို့ သူမက ပြန်ပြောတယ်။

တကယ်တမ်း သူမနဲ့ စိတ်ချင်းနီးလာလေ… သူမရင်ထဲက ပူလောင်နာကျင်မှုတွေကို မြင်တွေ့လာရလေ… ကျွန်တော့်နှလုံးသားတွေဟာ အေးစက်သထက် အေးစက်သွားလေပါ။ သူမရင်ထဲက ပူလောင်မှုတွေကို ငြိမ်းချမ်းစေချင်တဲ့ ကျွန်တော့်ရဲ့ စိတ်ဟာ တည်ငြိမ်နေဖို့ လိုတယ်မဟုတ်လား။ သူမ နာကျင်နေတဲ့ သူမဘ၀ကို ကျွန်တော့်ရဲ့ အသန့်ရှင်းဆုံးအချစ်တွေနဲ့ အေးချမ်းစေဖို့… ကျွန်တော့်ဘ၀ထဲကို သူမကို ခေါ်ဆောင်ဖို့ ကျွန်တော် ပြတ်သားစွာ ဆုံးဖြတ်ထားပြီးသားပါ။ အဲဒီအတွက် သူမ ကျွန်တော့်ကို ယုံကြည်စေဖို့ အချိန်လိုတယ်မဟုတ်လား။

သူမ ကျွန်တော့်ကို နှုတ်ဆက်ပါတယ် ဆိုတဲ့ စာလေး ရေးပြီး ထားသွားခဲ့တာ ခုဆို ၆ လ တိုင်ခဲ့ပါပြီ။ နွေ့ရဲ့ မျှော်လင့်ချက်တွေ၊ စိတ်ကူးတွေ၊ အနာဂတ်တွေဟာ အိပ်မက်ဆန်နေရင်တောင် အဲဒီအိပ်မက်ကို မကြောက်လန့်စေဖို့ နွေ့နားမှာ မေမေရှိနေရင် ပြည့်စုံပြီလို့ သူမ ပြောခဲ့ဖူးတယ်။ ကျွန်တော့်နှုတ်က မဖွင့်ဟခဲ့ပေမဲ့ နွေ့မေမေ မရှိတော့ရင်ရော….. လို့ ကျွန်တော့်စိတ်ထဲမှာ အကြိမ်ကြိမ်အခါခါ မေးနေဆဲပါ။ သူမအတွက်သာ ရည်ရွယ် သင်ယူခဲ့တဲ့ ဘာသာစကားတစ်ခုက ကျွန်တော့်ဦးနှောက်ထဲမှာ စွဲမြဲနေပြီဖြစ်သလို သူမကြောင့် လေးနက်တည်ငြိမ်ခဲ့တဲ့ ကျွန်တော့်နှလုံးသားကလည်း သူမအပေါ်မှာသာ စူးနစ်နေခဲ့ပါပြီ။ သူမ ကျွန်တော့်ကို ရင်မဆိုင်လိုလို့ ပုန်းကွယ်သွားခဲ့တာပဲဖြစ်ဖြစ်၊ သူမနှလုံးသားကို သူမ လိမ်ညာခဲ့တာပဲဖြစ်ဖြစ်၊ သူမနဲ့ သူမမေမေရဲ့ဘ၀လေးထဲကို ကျွန်တော့်ကို ခေါ်ယူဖို့ မရဲလို့ပဲဖြစ်ဖြစ် သူမဟာ ကျွန်တော် မြတ်နိုးရသော နွေပါပဲ။

ကျွန်တော့်ရဲ့ ပြင်းပြလွန်းတဲ့ စိတ်ဆန္ဒကြောင့် တစ်နေ့နေ့ တစ်ချိန်ချိန် သူမနဲ့တွေ့ခွင့်ရတဲ့အခါ ကျွန်တော်ကအရင် နှုတ်ဆက်ပါတယ် လို့ ပြောချင်ပါတယ်။ ဒါပေမဲ့ သူမ ကျွန်တော့်ကို ပြောခဲ့သလို အပြီးအပိုင်ဝေးကြဖို့ ရည်ရွယ်ပြီး ပြောမှာ မဟုတ်ပါဘူး။ ကျွန်တော်တို့ ပြန်လည်တွေ့ဆုံခြင်းအတွက် ၀မ်းသာမှု အထိမ်းအမှတ်နဲ့ပေါ့။ ပြီးတော့ သူမ မလိုချင်တဲ့ ဘ၀တစ်ခုကို ကျွန်တော် ရိုးသားစွာ ခုံမင်တဲ့အကြောင်းရယ်ပေါ့။ အဲဒီအခါ သူမရဲ့ သွယ်လျလှပတဲ့ လက်ချောင်းကလေးတွေ လှုပ်ခတ်လို့ သူမရဲ့ ၀ိုင်းစက်တဲ့ မျက်ဝန်းနက်လေးတွေနဲ့ ကျွန်တော့်ကို အံ့အားတသင့် မေးခွန်းတွေ မေးနေမလား၊ ဒါမှဟုတ် ဘယ်တုန်းကမှမသိခဲ့တဲ့လူတစ်ယောက်လို ကျွန်တော်နဲ့ ဝေးရာကို ထွက်ပြေးဖို့ နောက်တစ်ကြိမ် ကြိုးစားဦးမလား မသေချာပါဘူး။ ဘာဖြစ်ဖြစ် ကျွန်တော်က နွေ ကို မြတ်နိုးခဲ့ပြီမို့ နွေရဲ့ သစ်ရွက်တွေ ဝေခြင်း ကြွေခြင်း အရာအားလုံးဟာ ကျွန်တော်နဲ့ တစ်သားတည်းပါပဲ။ အဲဒီလိုပဲ နွေရဲ့ ရော်ရွက်တွေ အကြွေမစောဖို့ ကျွန်တော် အမြဲ ဆုတောင်းနေမှာပါ။

Saturday 2008

P.S- ဒီပို့စ်ကိုရေးသားသူမှာ တစ်ချိန်က ကျွန်တော့်ရဲ့ ရေးဖော်ရေးဘက် ဖြစ်တဲ့ စာရေးကောင်းတဲ့ သူငယ်ချင်းကောင်မလေး တစ်ယောက် ဖြစ်ပါ တယ်။ အရေးအသားကို ဖတ်ကြည့်ရုံနဲ့ ဘယ်သူဖြစ်နိုင်တယ်ဆိုတာ အရင်ကတည်းကရှိခဲ့တဲ့ Blogger အဟောင်းတွေနဲ့ စာဖတ်သူတွေသိနိုင် ပါတယ်။ စာဖတ်သူများကို ပြန်လည် မျှဝေခံစားစေခြင်တဲ့ အတွက် ကျွန်တော် ဖော်ပြပေးခြင်းဖြစ်ပါတယ်။

ဒီ ပို့စ်ကိုရေးသားသူဟာ ဘယ်သူဖြစ်နိုင်မလဲဆိုတာ နဲနဲလောက် ခန့်မှန်းရင်ခုန်ကြည့်လိုက်ကြတာပေါ့ဗျာ…။ :)

]]> http://www.blackdream21.com/2009/06/06/notitle/feed/ 11