နှင်းဆီ ဈာပန
1 viewsနိဒါန်း
သာမန်နေ့ရက်တစ်ခုပါပဲ
အချိန်တွေနဲ့ဖွဲ့စည်းထားခဲ့တယ်…
ဒါပေမယ့်
အဲ့ဒီ့နေ့က နေ၀င်တာစောခဲ့တယ်…။ ။
BLACK DREAM
သူမျက်လုံး နှစ်လုံးပွင့်ကတည်းက သူ့ခေါင်းထဲကို ပထမဆုံး ၀င်လာသော အသိတရားတစ်ခုရှိသည်။
“ချစ်သူများနေ့…” သူ တစ်ချက်ပြုံးလိုက်သည်…။ အလိုလိုပင် သူ့ရင်တွေ တလှိုက်လှိုက်ခုန်လာမိသည်။ သူနေ့ပေါင်းများစွာ စောင့်စားနေခဲ့ သောနေ့။ သူ့ရဲ့ ဆန္ဒတွေကို အမြန်ဆုံး အကောင်အထည်ပေါ်လာအောင် ဖန်ဆင်းပေးနိုင်မည့်နေ့။ သူ့အိပ်မက်ထဲကနေ့..။ သူ့အနာဂတ်ထဲ ကနေ့….။ အနဲဆုံး တော့ ပြက္ခဒိန်ပေါ်က နေ့တစ်နေ့…။ ဒီနေ့….။
“ချစ်သူများနေ့…”
အခန်း (၁)
တစ်ခါတစ်လေ
တစ်စုံတစ်ယောက်ရဲ့ ကျဆုံးခြင်းဆိုတာဟာ
ကျွန်တော်တို့ ရင်ဘတ်ထဲမှာ ထာဝရရှင်သန်နေဖို့ပါ….။ ။
BLACK DREAM
အိပ်ယာပေါ်မှာ ခါတိုင်းလို ကြာကြာနှပ်မနေတော့ပဲ အမြန်ဆုံးထလိုက်တယ်…။ ဒီလိုနေ့မျိုးအတွက် သူပထမဆုံး လှမ်းရမယ့် ခြေလှမ်းဟာ ရေချိုးခန်း ဘယ်လိုနည်းနဲ့မှ မဖြစ်နိုင်ပါဘူး…။ ခြေလှမ်းတွေကို အသက်မသွင်းခင် သူ ပြတင်းပေါက်ကနေ အပြင်ကို တစ်ချက်အရင်ဆုံး လှမ်းကြည့် လိုက်မိတယ်..။ သူ့ရဲ့ မြင်ကွင်းထဲမှာတော့ သူ့မျက်ဝန်းနဲ့အပြည့် နှင်းဆီခင်းကြီးတစ်ခုလုံးက အဖြူရောင် နှင်းဆီပွင့်တွေနဲ့ လှချင်တိုင်းလှ လို့သာ နေပါတော့ တယ်။
တက်ကြွသောခြေလှမ်းများဖြင့် သူ့ရဲ့ နှင်းဆီခင်းကြီးထဲကို အမြန်ဆုံးသူရောက်ရှိသွားပါတယ်…။ တစ်ပွင့်…။ ပြီးတော့ နောက်တစ်ပွင့်…။ စိတ်ထဲမှာ တော့ စကားလုံးအချို့ဖြင့် နှင်းဆီပင်တွေကို သူတောင်းပန်နေမိပါတယ်…။ ဒီလိုပါပဲလေ…။ လောကမှာ တစ်စုံတစ်ခု လှပသွားဖို့ ဆိုရင် တစ်စုံတစ်ခု က ပျက်စီးရစမြဲပါ…။ ထူးထူးခြားခြားတော့ သိပ်မရှိလှပါဘူး…။ တောင်းပန်မယ့်သာတောင်းပန်နေရတာ…။ နှင်းဆီပွင့်တွေရဲ့ မျက်နှာတွေကို သူ သေသေ ချာချာကြည့်မိတော့…။ သူ့ရင်ထဲမှာ နဲနဲတော့ အံ့သြသွားမိတာအမှန်ပါ…။
သူ့ပန်းခင်းထဲမှာ ပွင့်နေတဲ့ နှင်းဆီပွင့်တွေအားလုံးက ချစ်သူများနေ့ကို သူတို့၏အလှများဖြင့် ပြီးပြည့်စုံစေဖို့အတွက် ပြုံးပြီး လည်စင်းပေးနေကြ တယ်လေ…။ သူ့လက်ထဲကို ပြန်ကြည့်လိုက်မိတော့ နှင်ဆီပေါင်းများစွာက ၀ိဥာဉ်မဲ့လို့…။ မြင့်မြင့်မြတ်မြတ်ကြီးကို ချစ်သူများအတွက် ဂုဏ်ပြုသွား ခဲ့ကြပြီ ဖြစ်ပါတယ်…။
သူသက်ပြင်းတစ်ချုက်ခြရင်း တွေးနေမိတယ်…။
“ငါ အချစ်အတွက် နှင်းဆီ တစ်ပွင့်လောက်မှ မြင့်မြတ်ခဲ့ဖူးရဲ့လား…”
အခန်း (၂)
မြင့်မြင့်မြတ်မြတ် ကျဆုံးသွားတဲ့သူတွေတွက်
အနဲဆုံးတော့…
အလှပဆုံး ဈာပနတစ်ခုနဲ့ ဂုဏ်ပြုသင့်တာပေါ့…။ ။
BLACK DREAM
သူအိမ်ထဲ ပြန်ရောက်တော့…။ မြင့်မြတ်စွာ ကျဆုံးသွားတဲ့ နှင်းဆီတွေ အတွက် အလှပဆုံး ဈာပနဖြစ်ဖို့ သူလုပ်ပါတော့တယ်…။
အတွေးတွေနဲ့ အတူ သူ့ရဲ့ လက်အစုံက နှင်းဆီဈာပနတစ်ခုကို နှလုံးသားနဲ့ ဖန်တီးနေမိပါတယ်..။ ပထမတစ်မျိုး…။ မကြိုက်သေးဘူး..။ နောက် တစ်မျိုး..။ သိပ်အဆင်မပြေသေးဘူး…။ သူဖန်ဆင်းတဲ့ ဈာပန သူကိုယ်တိုင်အားမရဖြစ်နေခဲ့တယ်…။ ၀ိဥာဉ်မရှိတော့တဲ့ နှင်းဆီပွင့်တွေကို သူမျက် နှာပူတယ်လေ…။ အာရုံတွေကို တဖြေးဖြေးစုစည်း…။ အလောသုံးဆယ်ဖြစ်နေတဲ့ သူ့စိတ်တွေကို အနည်ထိုင်အောင် ကြိုးစားပြီးတဲ့နောက်မှာတော့ နှင်းဆီဈာပနတစ်ခုဟာ လှပစွာ ပြီးဆုံးသွားခဲ့ပါတယ်…။
ကြည်လင် သန့်စင်သော ပလတ်စတစ်စ တစ်စနဲ့ ထုတ်ပိုးပြီး…။ ရောင်စုံဖဲကြိုးများဖြင့် ဖွဲ့စည်းချည်နှောင်လိုက်သော အခါ…။ သူ့မှာ လုပ်စရာ တစ်ခုသာ ကျန်ပါတော့သည်…။
နှင်းဆီဈာပနကို အခမ်းနားဆုံး သဂြိုလ်ဖို့ပေါ့….။
အခန်း (၃)
မှတ်ထား
နိမ့်ကျစွာ ရှင်သန်နေတဲ့သူတွေမှာ
ခမ်းနားစွာကျဆုံး သွားတဲ့သူတွေကို မြင်နိုင်ဖို့
မျက်လုံးတွေ မပါဘူး…။
BLACK DREAM
ရေချိုးလိုက်တယ်…။ စိတ်ထဲမှာတော့ တက်ကြွမှုတွေက ၀ရုန်းသုံးကား နိုးထနေကြလေရဲ့…။ လူကသာရေချိုးနေတာ စိတ်တွေ ကတော့ သူနေ့ပေါင်းများစွာ စောင့်စားခဲ့ရတဲ့ ဒီနေ့အတွက် အစီအစဉ်တွေကို တစ်ခုပြီး တစ်ခု အလှပဆုံး အသပ်ရပ်ဆုံး ဖြစ်အောင် စဉ်းစားနေမိ ပါတယ်။ တကယ်တော့ ဒါတွေကို သူအခုမှ စဉ်းစားနေတာမဟုတ်ပါဘူး…။ လွန်ခဲ့တဲ့ ရက်ပေါင်းများစွာကတည်းက စဉ်းစားခဲ့ပြီးသားပါ…။ ဒါပေမယ့် ဒီလိုနေ့မျိုးမှာ သူပိုသေချာချင်တယ်…။ ပိုလှပချင်တယ်…။ ပိုခန်းနားချင်တယ်…။ သူ့ရဲ့ တာဝန်က ဒီအိပ်မက်ကို အခန်းနားဆုံး အသက်သွင်းဖို့ပဲ လေ…။
ကြည်နူးမှုတွေနဲ့ လုပ်စရာရှိတာတွေကို သူအဆက်မပြတ်လုပ်နေခဲ့မိပါတယ်..။ အားလုံးအဆင်သင့်ဖြစ်တော့ သူနာရီကို တစ်ချက်လှမ်းကြည့်လိုက် မိတယ်…။ မနက် (၇) နာရီ..။ ဒါဟာ မင်္ဂလာအချိန်ပါပဲ…။ အမှန်ကတော့ ဒီနေ့တစ်နေ့လုံးဟာ တကယ့်ကိုသာယာမှုတွေနဲ့ ပြည့်နက်နေတဲ့ မင်္ဂလာ နေ့တစ်ခုပါပဲ…။ ထွေထွေထူးထူး ထပ်ပြီးသတ်မှတ်နေစရာ ဘာမှမလိုအပ်ပါဘူး…။
“ငါ့ကို စောင့်နေပြီ…” ဆိုတဲ့အတွေးတစ်ခုက သူ့ရဲ့ တွေးလက်စအတွေးတွေ အားလုံးကို ဖြတ်တောက်လိုက်ပါတယ်…။
သူ ဆိုင်ကယ် နောက်ခုံပေါ်သို့ သူကိုယ်တိုင် တစ်ခမ်းတစ်နား စီစဉ်ထားတဲ့ နှင်းဆီ ဈာပနေတွေကို ယုယစွာ တင်လိုက်ပါတယ်…။
ဇာတ်သိမ်း
ငါဖန်ဆင်းခဲ့တဲ အိပ်မက်တစ်ခု
ဒီလိုဖြစ်မယ်မှန်းသာ သိခဲ့ရင်
အဲ့ဒီ့ညကို ငါမအိပ်ခဲ့ပါဘူး…။ ။
BLACK DREAM
သင်ကြည့်လိုက်ပါ…။ အဝေးကပင် မြင်နိုင်ပါတယ်…။ လူငယ်တစ်ယောက်…။ လက်ထဲမှာ တစ်ခမ်းတစ်နားလှပနေတဲ့ နှင်းဆီဈာပနတွေနဲ့…။ ဒီလိုနေ့မျိုးမှာ သူ ဘာများလုပ်မလဲ…။ ရှည်ရှည်ဝေးဝေး သိပ်ပြီး စဉ်းစားနေကြစရာမလိုပါဘူး….။ သေသေချာချာ နားထောင်ကြည့်လိုက်ပါ…။ သင်အသံတစ်ခုကို ပီပီ ပြင်ပြင်ကြားရပါလိ့မ်မယ်…။
“မိတ်ဆွေတို့ရဲ့ ချစ်သူများနေ့ကို အခန်းနားဆုံး ဖြစ်အောင် ဖန်ဆင်းပေးမယ့် ချစ်သူများနေ့အထိမ်းအမှတ် နှင်းဆီတွေဗျို့..။ နှင်းဆီတွေပါ…။ အားပေးကြပါဦးဗျို့..။”
P.S- ၁၃ ရက်နေ့အတွက် ခံစားပြီး ၁၄ ရက်နေ့အတွက်ရေးပါသည်။ 
(1 votes, average: 5.00 out of 5)
Loading ...
Loading ...